المجربات الخادمات الاندونسيات ينصحوني هل تعاملي مع شغالتي غلط او لا

[محد قدي 2009]

بصراحه
انتي جايبتها تستاثمين فيها بس

:thumbdown::thumbdown::thumbdown::thumbdown:

 

[محد قدي 2009]

ختي عامليها ب التي هي أحسن .. انا مثلك جبت شغالة اندونيسية وماكنت اخليها تسوي شي لاتطبخ لزوجي ,وتنظف البيت لما يطلع زوجي عالدوام , أخليها تقرب بس لي أنا لما يكون زوجي موجود انا اللي اقرب له, ولما تحمم بنتي أوقف على راسها , ولما تطبخ أطبخ معاها على أساس أني أساعدها ..... وبالنهاية سفرتها .. ما قدرت اتحمل لبسها المخصر ... وفي هالشي بالذات ماكانت تسمع الكلام

ولما جت تسافر قالت لي انا كنت زينة قلت لها أنتي واااااايد زينة لكن البيت صغير مايريد وايد شغل أنا يقدر يسوي ( عاد اللي يسمع) ..

كوني زينة معاها واذا في خاطرج كل هالكره لاتحسيسها أبد لأن هذول حقودين ممكن تسوي لج شي .. فهميها على اساس تساعديها .. أو أن هذا من عاداتكم أو أن بابا مايحب وهكذا .. ولا تكشرين في ويهها أقله شيلي عيونك عنها لما تكون في ويهج

أتمنى أني أفدتج

افدتيني يالغاليه وجزاك الله الف خير

 

[محد قدي 2009]

الله يرضى عليج حبيبتي ......... معاج حق من كثر مانشوف ونسمع عن الخدم صرنا نخاف ومانعرف

نتعامل معاهم ...... بس ليش مانحط ان الكل مو موااحد ....... يعني يالغاليه احنا لو جينا نعامل

الخدم بهالطريقه السيئه شلي بنستفيده الابتكون خسارتنا اكبر واكبر واكبر واكبر ومالكبير الا الله

حبيبتي الخدامه بشر مهما كانت نواحيها صدقيني المعامله الطيبه انتبهي المعامله الطيبه مش

الدلع الزايد ماراح تربي الحقد في قلبها او حتى تفكر تنتقم منج لانه مابدر منج الا كل خير وهي

لمعامله الحسنه معليش حبوبه اعدلي اعدلي اعدلي ......... وبعدين لاتنسين اهي جايه ومتغربه

من بلادها وناويه على تحصيل الرزق لا اكثر مش لتنمية العلاقات الحاقده ....... وانتي بجذيه تنمين

الحقد والكره في داخلها صدقيني يالغاليه لاتشترين من مالج عله وبعدي انتي تقولين انها مسلمه

وتوها صغيره يعني ماعندها خبره كفايه وانتي بسياسيتك المفروض تكسبين الافضل والاضمن

والامن ......... واهو انج تعاملينها كانسان مش كحيوان ياعزيزتي الطيبه والله ماراح تخسرين شي

كثر ماراح تخسرين لو عاملتيها بما لايرضي الله واهي لحد الحين ماسوت شي يضايقج او

غلطت عليج او سوت شي غلط علشان تقسين عليها او تخافين منها .....او تقرفينها حتى بالعكس

الفروض تشرفين على عملها وتعلمينها الصح والغلط اهي بيديج الحين وانتي علميها تذكري اهي

جايه تشتغل حبيبتي خفي من وسوستج وعامليها كانسان الله يرضى عليج عالاقل عشان عايلتج

وعشانج لاتقوم تحطج في بالها وتسويلج اشياء ماتتسوى بس انا مستغربه انتي تقولين انها

مسلمه طيب بدل ماتعاملينها جذيه حاولي تعززين دينها زياده وزياده الله يرضى عليج حبوبه

عامليها عدل وماراح تجي منها اذيه انشالله بس لاتدلعينها عطيها حقها طلعيها معاج مره في

الاسبوع وبعيد عن الزوج والاطفال ماانصحج يتمون معاها بس كلفيها بكل اشغال البيت ولاتنسين

انتي صاحبة البيت وانتي تقدرين تشرفين على نظافتها اذا اهي مش نظيفه يعني المظمون اهي

بيدج وانتي وشطارتج ......

الله يرضى عليج حبيبتي ويحمي جميع المسلمين من شرور ضعاف النفوس ..........


..........................................

الله يرضي عليك يالغاليه ردك يشفي الصدر

 

[غيرة الورد]

حبيبتي صح تعاملك اغلب الناس كذا يتعاملون وانا عن نفسي زيك واهلي واقاربي بعد

وعلى فكره الاندنوسيه تصلح للناس الي زينا تكرف وهي ساكته ولاتحكين معها كثير لانها فعلا تطيح الميانه

 

[(:دلوعة بلقيس:)]

يااختي اتقي الله في خادمتك لسى صغيره

والله ياخدامتنا انها كانت في البيت اكثر من اخت وكل

الممنوع عندك كانت شغالتنا تسويه حتى تروح معانا مطاعم وملاهي والاعراس

وتلعب وتاكل وكلللللل شي تسويه وتتفرج على التلفزيون ومع كذا كانت نظيفه وشاطره واكلها حلو

تدرين احنا لنا 19 سنه على الخدم

وحده جلست سنه كانت حبشيه بس امي سفرتها لانها ماحبت هالجنسيه

وجابت اندونيسيه جلست 10 سنين راحت وجابت بنتها 4 سنين جلست عندنا وبعدين جات وحده

جلست 3 سنين لانا ببساطه نتعامل بأخلاق رسولنا الكريم

وينك عن الرسول ورأفته بالخدم

وكان صلى الله عليه وسلم يشارك خدمه في طعامه ، ويلبسهم من لباسه قال أنس : ( خدمت رسول الله صلى الله عليه وسلم عشر سنين ، فما قال لي أف قط ، وما قال لشئ صنعته لم صنعته ؟ ، ولا لشئ تركته لم تركته ؟ وبهذه المعاملة الكريمة ، كان صلى الله عليه وسلم يعامل ضعاف الناس بالحسنى .

وهكذا يعلمنا الرسووول عليه الصلاة والسلااام ، وهو خير معلم . وأفضل قاااائد ..

قدوتنا وحبيبنا ماقال شي الا وحصل ولا نبه عن شي الا وقع

ادري ياعمري الكل قب فيك لان تعاملك مع خادمتك مره قاسي

هي توها جايه وساكته بس اذا انفجرت راح تشوفين منها شي اخر

انا مااطلب منك تاكلين او تشربين معاها بس عامليها بلطف طلعيها

تشوف الدنيا وشغالتك من عمر شغالتنا خليها على ام بي سي 3 للاطفال

كانت تموت فيها او لانها تقعد مع اخوي الصغير ونجبرها على ام بي سي 3 صارت تحبها

اما انها تتفرج على اغاني ماله داعي

 

[مملكتي جنة]

انا ظد انه الحرمه تكون اتكاليه على الخدامه بكل شي...

بس مو لهالدرجه ..سمحيلي اختي احسج وسواسية ...

لا تكلمينها ولا احد يكلمها...ولا تلمسهم !!!!

هاي انسانه ..تخيلي شعورها هي تاركه بلدها سنتين على الاقل ..سنتين لا تطلع و لا تكلم حد ؟!!!!

يعني بينكم حدود ...بس مو لهالدرجه ..

 

[كفايه تغلي]

الله يكون بعون خدامج كل هذا وتقولين معاملتيه زينه ولا ناقص تعلقيله مشنقه وكل يوم الصبح تراوينه ايها خافي ربج حبيبتي فيه ليعاقبج الله فيها صحيح ماتعطينها ويه بس على الاقل لاتحسسينه انها وصخه وانها ماتقرب من عيالج انا عندي خدامتين واعاملهم احسن معامله بس بحدود ويعرفون الي تخطي بدون كلام مالها الا السفر وصراحه يحبوني ويحبون عيالي جنهم عيالهم وطلعات كل فتره اطلع وحده فيم معاي

 

[محد قدي 2009]

فوووووق

 

[rawia]

انا مثلك و لا اثق فيهن بالمرة لاني انهبلت من اللي عندنا لما اراقبها تعمل و لما انشغل عنها تبدأ بالاعيبها و عملها الغير نظيف و غير متقن طبعا اكتشفت انها وسخه و دائما تسوي كذا :e088:كيف اسمح لها تلمس الاكل اللي راح اكله مستحيل

 

[ام رغد22]

والله ياحبيبتي آلمني قلبي على خادمتك اشد الألممممم...
ورحمتك جدا لاني اعرف ان الوسوسة ماتتعب الا صاحبها..
انا اعاني نوع من الوسوسة على فترات لكن مو مثلك..مثلا برا البيت مستحيل اضغط زر اللفت بيدي او احطها على الدربزين لازم اغطيها بعبايتي واتقرف كثير من العربات اللي في السوبر ماركت.........
بس والله حرام اللي امسويته في خادمتك..راح يجي يوم وتنفجر عليك .. وماراح اقولك غيري في نفسك لاني عارفه الوسوسه سهل تزيد لكن صعب جدا انها تروح وياللي ماجربها صعب انه يستوعبك او يفهمك..
لكن فيه اشياء ممكن اتسوينها بحيث انك ماتظلمينها:
*خليها تطبخ على راحتها لنفسها ..لان اكلهم مو مثل اكلنا خصوصا انهم يحبون يسوون خضار قريبه للاكل التشاينيز...واذا حبت تذوقين اكلها لاتحرجينها خذيلك شوي في صحن ورحي غرفة ثانية وكانك اكلتيه وامدحيها واشكريها وبعد فترة قولي انه ماناسب معدتك
*اذا تعرفين تموينات اندونيسية وديها كل كم شهر مره..خادمة اهلي كانت تنبسط لما نوديها لانها تلاقي اشياء من دولتها..اكل..بهارات..كريمات....حطي نفسك مكانها وراح تفهمي شعورها.
*لازم تطلعيها على الأقل مرة وحدة في الأسبوع..خذيها معاك لبيت اهلك..طلعيها السوق مولازم تمسك اطفالك خليها تشيل الأكياس والشنطه..اشتريلها وجبة..ايسكريم وشوكولاه..والله هالأشياء راح تسعدها وربي بيحفظك انتي واولادك من شرها لانك ماظلمتيها..وادخلتي السرو على قلب مسلم .
*اذا بتطلعين ومو حابه تاخذيها ..افتحيلها التلفزيون.
*اشتريلها مسجل وجيبيلها اشرطة وكتيبات دينية من الجاليات بلغتها..بتسليها وقت فراغها وتكسبين فيها اجر.
*ابتسمي في وجهها وامدحيها على نظافة البيت وترتيبه.(.ابتسامتك في وجه اخيك صدقة)
*خليها تكلم اهلها عن طريق المسنجر بالسماعات والمايك..ماراح يكلفك ماديا واذا اهلها ماعندهم يروحوا مقهى..هذا اذا ماكنوا في قرية نائية.
ولاتخلينها ترمي الزبالة..ماتدرين من تشوف بعدين سواق الجيران اوغيره..اصلا مايخرب الشغالات الا طلعتهم من البيت لحالهم والجوالات.
واتقي الله في معاملتها.. والله يحفظك وجميع المسلمين من كل شر.


فعلا كلام الاخت ماشاء الله عليها عين العقل​