والله ياحبيبتي آلمني قلبي على خادمتك اشد الألممممم...
ورحمتك جدا لاني اعرف ان الوسوسة ماتتعب الا صاحبها..
انا اعاني نوع من الوسوسة على فترات لكن مو مثلك..مثلا برا البيت مستحيل اضغط زر اللفت بيدي او احطها على الدربزين لازم اغطيها بعبايتي واتقرف كثير من العربات اللي في السوبر ماركت.........
بس والله حرام اللي امسويته في خادمتك..راح يجي يوم وتنفجر عليك .. وماراح اقولك غيري في نفسك لاني عارفه الوسوسه سهل تزيد لكن صعب جدا انها تروح وياللي ماجربها صعب انه يستوعبك او يفهمك..
لكن فيه اشياء ممكن اتسوينها بحيث انك ماتظلمينها:
*خليها تطبخ على راحتها لنفسها ..لان اكلهم مو مثل اكلنا خصوصا انهم يحبون يسوون خضار قريبه للاكل التشاينيز...واذا حبت تذوقين اكلها لاتحرجينها خذيلك شوي في صحن ورحي غرفة ثانية وكانك اكلتيه وامدحيها واشكريها وبعد فترة قولي انه ماناسب معدتك
*اذا تعرفين تموينات اندونيسية وديها كل كم شهر مره..خادمة اهلي كانت تنبسط لما نوديها لانها تلاقي اشياء من دولتها..اكل..بهارات..كريمات....حطي نفسك مكانها وراح تفهمي شعورها.
*لازم تطلعيها على الأقل مرة وحدة في الأسبوع..خذيها معاك لبيت اهلك..طلعيها السوق مولازم تمسك اطفالك خليها تشيل الأكياس والشنطه..اشتريلها وجبة..ايسكريم وشوكولاه..والله هالأشياء راح تسعدها وربي بيحفظك انتي واولادك من شرها لانك ماظلمتيها..وادخلتي السرو على قلب مسلم .
*اذا بتطلعين ومو حابه تاخذيها ..افتحيلها التلفزيون.
*اشتريلها مسجل وجيبيلها اشرطة وكتيبات دينية من الجاليات بلغتها..بتسليها وقت فراغها وتكسبين فيها اجر.
*ابتسمي في وجهها وامدحيها على نظافة البيت وترتيبه.(.ابتسامتك في وجه اخيك صدقة)
*خليها تكلم اهلها عن طريق المسنجر بالسماعات والمايك..ماراح يكلفك ماديا واذا اهلها ماعندهم يروحوا مقهى..هذا اذا ماكنوا في قرية نائية.
ولاتخلينها ترمي الزبالة..ماتدرين من تشوف بعدين سواق الجيران اوغيره..اصلا مايخرب الشغالات الا طلعتهم من البيت لحالهم والجوالات.
واتقي الله في معاملتها.. والله يحفظك وجميع المسلمين من كل شر.
