الما تستغيث فهل من مجيب

[مرت الأيام]

اللي جنني كيف صايم وقايم ويوم العيد يطلب من الخدمه مساج ويكلم عشيقته طبعا ونحن مب موجودين والله العظيم عجيب اكيد يا أختي انه مب باللبس احافظ عليه بس لما يكون زوجك رجل اعمال على طول في اجتماعات وسكرتيرات وفي المساء في فنادق علشان وحده اتسخن السيجار على الشمعه واتولعه لازم ما بتمين في الجلابيه لانه مايشوف الا الجميلات ومعسولات اللسان شو بتسوين لكن والله انا الحين مب مستعده ادخل حتى الصالون حقه يا اختي بطل ايميز يمكن من السن والا ايش ولايعطيني فرصه اقوله حتى عيب اللى اتسويه ايقولي هذا انا عجبج زين مب عاجبج انتي حره والله احس انه دوري انتهى من حياتيه مثل لما نطلع يماشي بناتي او بنات اخته ويقودهم من ايدهم وابدا مايماشيني في اي مكان واذا كنا في فندق ايتم يالس في اللوبي مع البنات وعينه على اللي رايحه واللى يايه ويتصيد في ها الموظفات مثلا يطلب من البنات يختارون ملابسه والهدايا الراقيه لاصحابه حتى حق زياراتنا ايودي البنات دبي مول ويخليهم يختارون بس في النهايه يتندم ويطلع كله فشوش لانه لاهو والا البنات عندهم ايعرفون يشترون بختصار ايحاول ايهمشني باي طريقه ويحبطني ال.... هذا وانا اللي اصغر منه ب10 سنوات شكله ناويلى على نيه ..

اذا كان رجل أعمال والنساء مثل الجاريات حوله
قما أقول الا الله يعينك
تدرين ان زوجك واقع في فتنه كبيره المال والنساء والترف
يعني حتى لو انتي ملكة جمال راح يبحث عن غيرك لانه كل شي متوفر له
وبنفس الوقت الشرع حلل له التعدد، في الوقت اللي تشوفينه كل دنياك
هو يشوفك نقطه صغيره في بحر دنياه ، كل ما كثر المال والنساء حوله الزوجه تصغر
فاللي عليك الحين لا تحطين اللوم كله على زوجك اي واحد في مكانه ماراح يضيع الفرص
الحين انتي لا تحسين بالنقص والعجز واخرجي من القوقعه اللي رسمها زوجك لك
وفي الوقت الحالي لا تفكرين بالحب والوفاء والتضحيه وتنتظرين منه يرد جزء من معروفك
لاااااا ..
فكري بالمال اللي جناه هذا من حقك انت وعيالك ، اطلبي على طول المال
الفرق اللي بينك وبين البنات اللي بره انهم يشوفونه ذا منصب ومال وينظرون له نظرة اعجاب
عطيه النظره هذه ..ما تعب وشقى الا علشان هذه النظره من الناس

البعض اختي يهمه المظاهر ويبي يزيد غروره ، امدحيه وجامليه وأخذي ما وراه ودونه
خلي البنات بره يفلسون منه، لا تبجين وتندمين على شي مو بيدج ، الكون كله جذي
هو مخدوع بالمظاهر ، حافظي على زوجك وبيتك ، وفكري شلون تسعدين نفسك وبس..!​