الما تستغيث فهل من مجيب
السلام عليكم ورحمة الله وبركاته.... بعد معاناه طويله في طرق الاحتفاظ باهتمام الزوج وحبه اتضح انه سراب ووهم والخاسر الاكبر هي الزوجه كم قلت الحمد لله اخيرا رجع وكم قلت اخيرا انتصرت عليها ولكن الى متى ومع من في كل مره حرب مع واحده علي ان اعترف ان دوام الحال من المحال والزوج اللعوب لايمكن الاحتفاظ به حتى عندما يكون في البيت تكون الاخرى في عقله وتفكيره وينتهز الفرص للتواصل معها 21 سنه اكسبتني خبره في هذا المجال المحير ليش من السبب شو ناقص ودائما الزوجه الجميله تخسر ليش بعد ماعرف سالته هذا السؤل عشرات المرات وكان الجواب قله عقل ولين الحين ايرد عليه بنفس الجواب مليت من الاسئله والاستجواب والمحاصره والتنصت ودايما اعداد النساء حواليه بزدياد وبكل الاشكال والالوان والجنسيات والاعمار المشلكه فيه على قد ماهو شاطر وقادر يحتفظ بقلبي متعلق فيه واتحمل كل اشكال المعانة علشانه بعد بنفس الاسلوب قادر يحتفظ بعلاقاته ويخلي الوحده تبذل الغالي علشان ماتخسره لانه ولاوحده من عشيقاته تركته حتى بعد مرور اكثرمن15سنه على هذه العلاقات وانا طبعا المتضرره الوحيده في الموضوع دايما في بالي الحكمه اللى تقول قلب المراه غرفه وقلب الرجل فندق بس اقتنعت بهذي النظريه واتعامل فيها لانه ماله حل وانا بعد حالتي مالها حل ياس ضياع الناس اللى حولي ياخذون زوجاتهم على الاقل ثلاث سفرات في السنه للخلوه والراحه اما انا ياحسره علي السفر ويايه ايشوفه حكم موابد شواسوى عمري اربعين ماعندي مجال ادلع وازعل اوحتى اخبر حد وايد اعاني وايد خايفه على مصيري الحين اعيالي حواليه بس ماشاء الله اكبرو يعني الكل بيتركني وزوجي اول واحد.... صدقوني ولامره قال عازمنج ولا حاجز في مكان لي انا وياه ضيعت افلوسي في عيادات التجميل والانديه واللبس كل اللى تسمعونه الليالي الحمر كله جذب اللي يبغي زوجته بيحبها لو بجلابيتها وهاي حقيقه مادام الريال فيه هذي الخصله مارح يتركها ابدا ولو تركها مؤقت بيرجع لها هذا اكيد بعد معاناه طويله خبل فيه من كثر مايهتم في نفسه مشغلني لبيسه وماكيره حقه حكي اظافري ولمعيها نتفي شعر اخدودي نعمي اريولي سويلي دايت ديكريلي مكتبي حطيلي تحف سويلي فيه جلسه للاسترخا دوري ميوزك سلو حق المكتب وفي الاخير سكر المكتب ابحاجز يعني اللي برع المعرض مايقدر ايشوفه ...خواتيه لازم ايكون فيه حل حق هاي المشكله لانها مب مشكلتي انا بس لاهاي معانات كل الحريم اللي عندهم مثل هذا الريال شو ذنبي من خته وانا عايشه في ولوال وقهر كل همي ارضيه كل همي هو وبس اذا قلتولي طنشيه بيستانس ولاتقولون اهتمي ماخربه الا الاهتمام والدلع شاف نفسه وايد مره فرحني واقالي مجهزلج مفاجاه بتعيبج بعد اسبوع من الانتظار كانت عباره عن سفره لي انا والعيال عند خالتي في قطر مده 15 تخيلوا طبعا الرفض ممنوع لانه حاجز التذاكر والفندق يمكن كتابتي ملخبطه ومب موزونه اسمحولي اللى ماعندها حل امانه بس تدعيلي وتتذكر مشكلتي وطحطونها في بالكم وماتتركون انفسكم لعبه بايد القدر او الزوج وضيعون شبابكم بوهم احتفظو بفلوسكم الي بعد الله واعيالكم محد بينفعكم الوحده فينا شبابها كم بيدوم لين الاربعين لازم بتذبل بس الريال لاكل ماكبر اتمسك بالحيا ه والشباب ولا اصلا الريال مايشيخ مثل الحرمه كل ماكبر اتحسينه هيبه وجمال وخبره ولسان ايذوب الحجر ويخلي بنت 20 خاتم في ايده لانه محنك في هذا المجال ويعرف انه كل اللى يبغونه الحريم عنده من فلوس واهتمام وتلبيه طلبات هذه بعد ما تتلبى طلباته هو طبعا ...هذي معاناتي اللى ماذكرت شي منها بس دعوتكم لي بظهر الغيب اتسوي العجب .
اسم الموضوع : الما تستغيث فهل من مجيب
|
المصدر : الأستشارات الزوجية العامة
