الله يسعد قلب كل من تبرد قلبي بردهاا,

آهداب الصبر

آهداب الصبر

New member
إنضم
2011/03/17
المشاركات
17
مساكم الله بالرضا يالطيبات ,

إنا متابعه لكم دائما ويسّر خاطري ردودكم وتفاعلكم والشئ خلاني اجيكم طالبه المساعده مالي غيركم يابنات

انا زوجه ثانيه مشكلتي الغيره والله اني تعبت بالحيل انا وزوجي
حاليا بديره ثانيه مو بنفس ديرة زوجته الاولى وجلوسنا هنا علشان ضروف امه الصحيه
بس زوجته دائما تستفزني بإتصالاتها اليوميه والمتكرره
غير الكلام اللي اسمعه وتوجهه لي وغير الكلام اللي ياصلني والدعاوى اللي تدعيها علي مع إني في حاالي ولاعمري شفتها ولما يجي واحد من عيالها استقبله احسن استقبال وافرح فيهم
واناماصرت كذا إلا بعد ماسمعت كلامهاا بنفسي وطريقة أستفزازها لي وماقول غير الله يشغلها بنفسها ولا انا ماجيت اخذته هو اللي جاني وطلبني ولو ما اخذني اخذ غيري!,

واللحين مشكلتي الغيره لو ادري انه يكلمها اجلس لاشعوريآ ابكي واموت نفسي من البكاء احس بشئ غريب واتعب ادري انه زوجته وام عياله بس هي خلتني اكرها من كلامها زوجي طيب ولما يشوفني بالحاله ذي يرحمني ويجلس يهديني ومادري وش اسوي
ماجيتكم إلا ابيكم تساعدوني وتطلعوني من حالتي اللي انا فيهاا ويمكن
تأخر الحمل عندي له دور لآنه زوجي صاير لي كل شئ فِ حياتي يمكن ماتحس بالإحساس اللي داخلي إلا وحده تعاني مثلي الله يرحم الحال
مع إني توني صغيره بأول العشرينات بس تزوجت وعمري 16 سنه
اعتبروني اختكم وجيت ابي النصيحه والتوجيه
جيتكم ابي رايكم يالناصحات كما عهدتكم آخوات تحبون الخير واللي تساعدني وتطلعني من حالتي الله يستر عليها دنيا واخره ويسخرلها زوجها ويسعدقلبها وينور حياتها يارب العالمين
فِ إنتظاركم
 
التعديل الأخير بواسطة المشرف:
استغفر الله العظيم يا اختي

اش الدعاوي هذه بنهاية ردك؟

ليه كذا ؟!

يعني دحين اذا وحدة بتجي بترد رد مايجي على مزاجك , خلاص صارت عدوة, لازم تستمعي للرأيين , اللي يأيدك واللي يعارض

ما اقول غير الله يصلح حالك ويبرد قلبك, تقربي من الله ولا تشغلي نفسك بغيره,
​
 
حبيبتي اهداب اللي يريح قلبك ويجعل نقمتها بردا وسلاما عليك
انا ولله الحمد ماجربت هالوضع لكن قبل لاانصحك بستشيرك في شي وابي ردك ضروري............
لو حسيت بألم في بطنك ورحتي كشفتي قالوا لك عندك يالبعيييييييده فشل كلوي ايش بتسوي بصرااااااااااااااحه
 
اختي الحبيبة بارك الله فيك لاتدعين على احد جزاك الله خير فالمؤمن يحب لأخيه المؤمن مايحب لنفسة هل انتي ترضي احد يدعي عليك وياقلبي بالنسبة للغيرة فما يذهبها إلا الله فالجئي لله وادعيه والحي بالدعاء ولن يخيبك الله ابدا واما شريكتك اذا رايتي زوجك يكلمها فاشغلي نفسك باي عمل بعيد عنه وهدي نفسك ولاتحاولين تعطينها اهتمام حتى لاتتنغص حياتك وبارك الله فيك على حسن استقبالك ومعاملتك لابناء زوجك ورزقك الله بالذرية الصالحة واراح قلبك ووفقك لما يحبه ويرضاه​
 
حبيباتي انا متابعه دايمآ لأغلب الردود فيه حريم تكره شئ اسمه زوجه ثآنيه إذا شافت موضوعها طاحت فيها انتي وإنتي وأحنا فالنهايه مالنا ذنب
ونجي هنا نطلب الإستشاره فَ بأي حق تجي وحده وتجلس تزيدك هم هذا اللي اقصده ولا النُصح بإسلوب طيب نقبله براحبة صدر بس انا قصدي الردود الهجوميه الله يستر عليكم ويوفقكم
 
الله يفرج همك 000 واهم شئ تشغلي نفسك باي شيئ دراسة- عمل -اي شئ وان شاء الله يشغلوكي اولادك قريب قولي امين00ولا تنسي الدعاء ولاستغفار00
 
مراااحب حبيبتي صراحه الله يعينك بس لو انا مكانك ما اغار ابد راح يكون كل تفكيري كيف احافظ ع زوجي خاصه امبين انه طيوب يوم انه يقعد يهديك طلعي زوجته الاولى من راسه ترى يحق لها هي اللي تغير مو انتي لا تلومينها على اي شي ولا تتشكين لزوجك منها خليكي اكبر منها بنظر زوجك ولا تبينين غيرتك لان الرجال يحس بضعفك وعدم ثقتش بنفسك استخدمي عقلك وذكاك واذاحابه ترتاحين اعتبريها مو موجوده طلعيها من راسك ومهما قالت وسوت لا تكون لك ردة فعل عليها الصبر زين وخاصه انك صغيره فهتمي بنفسك الرجال اذا شاف زوجته حلوه ومهتمه شو ما تكون الاسباب ما يفرط فيها حتى لو ما جابت له اولاد مو مهم اهم شي راحته واتمنى ما يكونازعجتك بكلامي وربي يسعدك ويحليك اكثر واكثر بعيون زوجك
 
دلع ميدو الله يسعد قلبك والله ما إستنتجت شئ من سؤالك إعذريني ياإختي
 
انا اقصد لو ربي ابتلاك بمرض لاسمح الله.......
مالك الا الصبر واعتبري وجودها في حياتك مثل الداء اللي لازم تصبري عليه وانتي اخذتيه وانتي عارفه انك الثانيه فهذا حالك اجل الاولى كيف؟؟؟ اعذريها واحسني معاملتك مع زوجك واهله واكسبيهم وهي لا تتوقعين منها الشر يمكن تشعر بنفس شعورك وتتضايق من وجودك وان احسنت تعاملك معاها اكيد في يوم يجي تقولك انه ظنت فيك سوء وظلمتك
لكن لابد ترضون بقضاء الله وقدره لانه ركن من اركان الايمان ...............
بس اقولك ::: سهام الليل لاتخطي ولكن
لها امد وللامد انقضاء
دايما ادعي الله انه يسخره ويسخرها لك
 
اخر ايامي
انا طلبت اراء سديده ماطلبت ردود لاتغني

شكلك ماقريتي اللي بأخر موضوعي



وكل اللي ردو علي الله يسخرلكم ازواجكم ويخليلكم ماعطاكم ويحقق امانيكم
 
عزيزتي الله يكون ف عونك ادعي الله يبرد قلبك و هي انسيها خرجيها من تفكيرك اكيد هي تحس بنفس احساسك ويمكن أكثر حاولي تلتمسي لها العذر اكيد صعب لكن ربي يسهلك
 
امين الله يسعد كل وحدة وكل مسلمة

ياأختي خل نتكلم معاك بالعقل انتي مع زوجك بديرة ثانية وهي لحالها وهي الأولى يعني هي أنثى وتغار والشيطان حريص يخرب بين الأزواج؟

انتي تغارين وكل بنات حواء يغارون سواء كانت الاولى او الثانية او الثالثة اوالرابعه

اللي بيهديك انك ترضين بالقضاء والقدر وتبعدين عن اي شئ يضيق صدرك واستغفري كثير والله بيفرج همك

بس انتبهي انتبهي انتبهي تسمعين اي كلمة تقول لك خليك احسن عنده من الاولى خذيه لصفك مااعرف ايش سوي فيه انتبهي من الظلم فالظلم ظلمات يوم القيامة

وانتي قلتي انتي تبكين من الغيرة هي تصرفها مع زوجك اللي هو بالاول كان زوجها طبيعي جدا وسببه غيرة

الان انتي ارضي ربك ومالك بالناس حتى علاقتك بزوجك احتسبيها لوجه الله والله هو اللي بيرضيك


الله يوفقك وييسر امرك وامر كل مسلمة
 
الصبر

الصبر

الصبر

عليك الصبر والاحتساب وهذا امر طبيعي والله في عونك اختي .
 
ياأختي دعاويها بإذن الله لن تؤذيك فهو من طرق بابك وخطبك من بيت أهلك ولو كل زوجة أولى دعت على الزوجة الثانية والعكس هو الصحيح كانت نصف نساء العالم العربي بعاهات اللهم عافينا بنهاية الأمر هو شرع الله ..طبعا هنا في حالة الزواج الشرعي بالطريقة الشرعية ولا أقصد النساء اللواتي يغوين الرجل ويسحبنه من بين أولاده ويخطفنه من حضن زوجته هذه حالات أخرى تستحق الدعاوي ليلا نهارا...ولكن عزيزتي تذكري أن لها مشاعر وعواطف مثلك تماما فهو زوجها قبلك هو حبها الأول أيضا ومثلما أنت تذرفين الدموع من غيرتك عليه عندما يكلّمها هي أيضا تنتابها مشاعر الغيرة لربما هي تترجمها أحيانا بطريقة تستفزك ولكن ماذلك إلا من ضيق حالها ,,ووضعها هو الأصعب فهي من تلقت الصدمة والطعنة في قلبها بزواجه من أخرى..وأنت أيضا مسكينة من المؤكد أنك كنت تتمنين لو تزوجت برجل كنت الاولى والأخيرة في حياته ولكن هو نصيبك وقدرك..لذلك لاتنجري وراء عواطفك فقط فكري بعقلك وقولي مثلما أنا لي مشاعر هي أيضا لها مشاعر.. لاتجعليه محور حياتك كلها اشغلي نفسك بأشياء مفيدة وممتعة تجلب لك السعادة وتملأ وقت فراغك فلا تتوقف حياتك بمجرد أن يذهب إليها أو يكلمها.. اتركي أمر التعامل معها لزوجك وساعديه على العدل بكل شيئ حتى يقف الله معك ..كوني أفضل منها وصفّي قلبك تجاهها اتركيها وشأنها ولاتسألي عنها تعاملي مع زوجك حين يدخل بابك وكأنه لك وحدك اذا شعرتي أنه مضطر أن يتصل بها اتركي الغرفة وانشغلي بأي شيئ آخر لاتنسي أن بينهما أولادا قد يضطر أن يتصل ليسأل عن أحد أولاده أو قد تضطر هي أن تستشيره بموضوع لاتأخذي الأمور بحساسية مفرطة كوني أعقل من ذلك.. الحياة لم تكتمل لأي شخص وأنت قدرك أن لك ضرّة تعاملي مع هذا القدر بما يمليه عليك ضميرك ودينك وتربيتك وانتبهي إن كان زوجك يتعاطف معك الآن اذا رأى دموعك وقهرك صدقيني قد يأتي عليه يوم ويملّ من هذا الموال المتكرر ويقول لك هذه زوجتي ولها حقوق مثلما لك ... لذلك ارضي بما قسم الله لك تكوني أسعد الناس وافهمي شعورها وصدقيني ستعذريها.. ربي يختار لك الخير ويرزقك بالذرية الصالحة عاجلا غير آجل يااااارب.
 
دانة الشام قال:
ياأختي دعاويها بإذن الله لن تؤذيك فهو من طرق بابك وخطبك من بيت أهلك ولو كل زوجة أولى دعت على الزوجة الثانية والعكس هو الصحيح كانت نصف نساء العالم العربي بعاهات اللهم عافينا.
أنقر للتوسيع...
إلا في حالة الظلم..أي إن وقع ظلم من إحدى الزوجتين على الأخرى بتحريض الزوج حتى يهمل حقوق الزوجة أي كانت أولى أو ثانية فأعتقد أن الدعاوي تستجاب لأنها دعوة مظلوم<<اتق دعوة المظلوم>> في حال الضرر..اللهم لاتجعلنا من الظالمين واهدنا وأحسن خاتمتنا جميعا..
 
الله يبارك فيك ياحكيمة بلقيس مابعد كلامك كلام .....ورجاء يابنات الي يبغى يرد يرد بااحترام ممنوع الالفاظ السيئه والغير لائقه بنا كمجتمع مسلم بارك الله فيكم
 
الله يفرج همك.. هوني غلى نفسك ما في شي يستاهل في هذي الدنيا.. وكل شي مكتوب
اشتغلي لآخرتك أحسن وارمي الدنيا وراك..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل