الله لا يهينكم ساعدوني

ف

فقيره حظ

New member
إنضم
2010/02/19
المشاركات
16
نفسيتي تعبانه مو عارفه من وين ابدا مشكلتي الكلام يضيع مني
عمري 24 سنه متزوجه من ثلاث شهور من ولد عمي عمره 19 سنه
ماكنت افكر فيه نهائيا لما تقدم لي وعرفت من اهله انه معجب فيني وافقت عليه
انا بكل تواضع انسانه قنوعه ومااحب المظاهر رضيت بمهر قليل وبحفل بسيط جدا واعيش مع اهله بغرفه وحمام وانتوا بكرامه
من اول اسبوع مشاكل مايطلعني من البيت ولااهداني شي لو بسيط ومايعطيني مصروف
انا ماكنت منتبه هالاشياء فتحوا عيوني اهلي وبالذات امي واخواتي يحرجوني بالاسئله ليش مايطلعج وليش وليش من هالامور الوضع عندي عادي ماتهمني هالامور التافه ماكنت احسب له احساب
كان عندي لاب توب بس كنت ماافتحه كلش انصدمت انه وانا رايحه عند اهلي فاتح لاب توب حقي وفضحني قدام العائله بصور لشباب وانا مااعرف بهالموضوع شي واخذ لاب توب مني ومنعني وصار يستخدمه له لانه ماعنده لاب توب رضيت وسكت قلت مو مشكله
بسرعه يعصب مايحبني اكلم تلفون مايبيني اكلم اهلي حتى امي وبسرعه يعصب ويثور ويسب ويشتم اهلي وكسر تلفوني
قبلوني بوظيفه مارضى ورفضت الوظيفه رغم ان شرطي بزواج وظيفتي قال لي تجي لك وظيفه احسن سمعت كلامه بس استغربت من شي يقول اذا توظفتي اخذي قرض واشتري لي سياره وكله يطلب من فلوس وانا لحد الحين ماتوظفت حسيت انه متزوجني طمع يقول لي ليش انتي بخيله
والحين انا زعلانه عند اهلي عصب علي ويشتم ويسب اهلي ويقول الناس راح تشمت فيني اني راح يطلقني وراح يطلعون علي حكي وشق صور العرس وقال لي اخذي ملابسك ويهددني راح اطلقك راح اتزوج عليك يقول مايحب احد يتحكم فيه وانا والله مااتكلم يطلع يروح مااسال واذا طلع مع اصحابه لفجر ماادق ولا ازعجه
ولما خذيت ملابسي قبل لا اطلع كان يقول لي والله احبك وانتي ماتستهليني
وانا الحين عند اهلي قبل يومين ارسل لي مسج شعر ويقول ادري انه قلبج ابيض راح تسامحيني وانا مارديت عليه سكرت تلفوني مغلق
انا ضايعه تحسفت اني تزوجت ماادري شنو هلانسان صاحي مجنون مايصلي ويشرب سجائر طبعه غريب
قريت بوصله الشخصيه طلع زوجي غربي جنوبي
 
صراااااااااحة انا ما اعرف كيف رضييتي تاخذي واحد اصغر منك ب5 سنوات
احسوا لو سنة تنبلع بس 5 سنوات كثيرة مرررررة وشي طبيعي يكون لسا مراهق مورجل يتحمل مسؤولية
صراحة احسها تصرفات بزارين اللي صادرة منوا الله يعينك ويرشدك للطريق الصحيح صراحة ماعندي فكرة كيف تتصرفي معاه
 
كان الله في عونك بدأتي حياتك الزوجية بمشاكل ومنغصات ...زوجك بصراحة مازال صغيرا على الزواج والارتباط ستعانين معه لأنه ليس عنده نضوج الرجال ...أي شخصيته لم تنضج بعد ولم تؤدبه الحياة وتعصره بمشاكلها حتى يتعلم ...!!!!ضروري تضعي النقاط على الحروف وتعودي بشروط مثل أن يلتزم بصلاته ويقوم من سلوكه معك ويتحمل مسؤوليتك بالمصروف بشكل كاااااااااااامل وأنتي وإن حصلتي على وظيفة فمن أجلك وليس من أجله يجب أن يفهم أنه هو رجل البيت ولست أنتي...ولك حق عليه أن يهتم بك ويرعاك ويرفه عنك...لاتتنازلي عن حقوقك من البداية ...وكان الله معك الزمي الاستغفار والاستخارة...
 
مشكوره حبيبتي على مرورك بس شسوي كل شي قسمه ونصيب والله ماكنت افكر فيه نهائيا
ماادري وش اسوي اهو يلعب فيني هالمره بااخذ موقف قبل لا تزيد المشكله ويكون بينا عيال
 
الله يعينـك مرا صغير ., وبعدين من وين له مصروف واهو توه صغير .,

أهو موضف ولا وشو .,؟

هذا نصيبك وانتي رضيتي فيه ., ولازم تتحملينـه .,

وتصبري وحطي شروط قبل لاتردين له .,
 
هذا مو شكاك بس مريض وغير كذا بيسوي رجال وهو لس ما نضج أستخيري واكثري الاستغفار واطلبي من الله ينورلك بصيرتك والفرج من الله
الله يسهل الامور
 
رأيي من رأي الاخت دانة ,,

لازم تشترطي عليه يلتزم بصلاته اولا ثم محاولة ترك الدخان ..

ثم يحمل مسؤوليه كزوج مسؤول عن مصاريفك ويطلعك لو كل اسبوع مرة ..

وعليك 1-بالدعاااء فانه لايرد القضاء الا الدعااء

2-الاستغفار فمن لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب
3-وقراءة سورة البقرة يوميا فان الشيطان لايدخل بيتا تقرأ فيه سورة البقرة ..
 
انتي راح تعانين فتره لحد ما تفهمووووووووووون بعض
بس نصيحه مني اطلبي بيت بروحك وطلعي من عند هله لانهم سبب المصاااااااايب

والاهم حاولي تحسسينه انه رجل البيت وانه هو الاامر والاناهي تدرين ليه لانه يحس بنقص لانك اكبر منه ويبي يثبت رجوته حتى وهو صغير قدامك ولا يبي يحسسك انه باقي صغير
فعليك بالصبررررر لحد مايحس بالمسؤليه اهم شي انك تاخذين بيت بروحك عشان تعرفين تتفاهمين معااااااااااااااااااااااااااااااااه
 
بس خذيه باسلوب تجعليه فيه يحبك ويوثق فيك حتى يسمع منك ويشعر بانك شريكة حياته الي مايستغني عنها .. وليس اسلوب عناد وهواش ..

لازم من الصبر والاستعانة بالله حتى تحصلي على ماتريدين في حياتك الزوجية ..
 
ايه صحيح كل شي قسمة ونصيب بس احنا كمان عندنا يد ودخل في حياتنا ولازم نحسن نختار ونقرر ونعمل بالاسباب وبعدها نقول انو قسمة ونصيب

وللاسف انت وافقتي على واحد اصغر منك ب 5 سنوات لو كان عمرو مثلا 25 وانت 30 رح تهون شوي بس المشكلة انو 19 وهذا السن مو سن الزواج هذا سن اللعب وعدم تحمل المسؤولية وسوء التعامل مع المشاكل ومتقلبات الحياة...دون تعميم على الكل بس زوجك الظاهر من الصنف اللي ذكرتو

وهو يحتاج لنضج فكري وعقلي وتعديل سلوكي وهذا ما رح يتاتى له عن طريق دروس او مواعظ بس الحياة والمستقبل هي اللي رح تعلمو درسا بعد درس الى ان تكتمل وتنضج شخصيتو ..اعتقد ان اهلو اخطئو في تزويجو وهو بهذا السن الصغير لو كان الزمن مثل زمن ابائنا واجدادنا عاادي بس الحين كل شي تغير ابن 30 كانو ابن 13 سنة ..وابن 60 كانو ابن 30 انقلبت الموازين...

الحين لاجدوى من البكاء على الحليب المسكوب بس حبيت اذكرك انو اي قرار في الحياة لابد وان يخضع لحسابات ودراسات وبعدها التوكل الحين خللي ها التجربة تعلمك للمستقبل وضعي شروط لن تعودي الا بتحقيقها

اولها الصلاااة احترامه لك ولاهلك عدم طمعه في فلوسك تجنبه شتمك وسبك..

لاتضعفي امام كلماته المعسولة خلليك قوية عين وادبيه قبل مجيء العيال


الله يكون في عونك ولاتنسين الدعاء والاستغفار
 
يالله واضح من تصرفاته انه باقي مراهق ماركد ولا يقدر الحياه الزوجيه ومسؤليتها مدري كيف ملى عينك كرجال ؟؟؟
قبل فتر وحد من الاخوات نزلت موضوع انها متضايقه عشان بتتزوج واحد يصغرها شهرين بس
كيف انت اللي خمس سنين اسمحيلي والله لو مااتزوج ..
وبعدين خذيها مني كلمه ومن اللي نشوفه حولينا من قصص مشابهه ..
زواجك منه مشروع فااااااااااشل الحقي عمرك واتطلقي دامك باقي في اول الطريق ..
ليه فاشل اقولك ..
لان هو مازال مراهق يعني حبه لك مو حقيقي ولا صادق بعد كم سنه بتتغير مشاعره ..ومافكرتي بعد 10 او 15 سنه وش بيصير ..الحرمه تعجز قبل الرجال يعني انت بتكوني كبيره واهو في قوته ورجولته
والرجال سبحان الله مايكبرو الا كل ماكبرو يتجددو مو زينا يالحريم الحمل والولاده وتربيه البزران وضغوط الحياه تخلي الوحده تعجز بدري ..
انا اصغر من زوجي ب10 سنين وعندي اربع اطفال وربي كني انا اللي اكبر منه .. اولادي وضغوط الحياه ازتنزفوني وبديت احس اني عجوز مهدوووده وهو مشاء الله عليه كل ماذ يصغر ويتجدد ..
عشان كذا اقولك ماااااينفع الا اذا كنتي من النوع اللي مايبان عليه الكبر يعني شكلك كتكوته هذا شي ثاني ههههههههههههههههههههههه
لاكن صدقيني مابينسا انك اكبر منه وبيجي عليك يوم يقولك ابغا اتزوج وحده صغيره ودلوعه ..وانت حره بكيفك
 
اعتقد انه سنه صغير لذا فهو ما زال يتخبط بين اوخر المراهقة و بدايه النضوج

الغربي الجنوبي متقلب بمعنى الكلمة و كسول نوعا ما لذلك قد تشعري انه يستغلك في الواقع هو كسول و غير مثابر لانه يمل بسرعه من العمل

ان عملت فاعملي عمل بساعات قليله حتى يتسنى لك قضاء وقت بالبيت معه لانه يحب الزوجة القريبه على طوول و لا تنسي راتبك من حقك انت

الغربي يكره الشروط يعني انصحك بالرجوع له و مسامحته و الله الغربي الجنوبي قلبه ابيض مثل قلبك بس افعاله مجنونه و غير متوقعة

اذا اشترطتي فلا تحلمي بتحقيق الشروط قد يتغير اولها ثم يعود زي اول

حاسة ا نه المشكلة انكو مش فاهمين بعض كويس اقرأي الكثير عن نوعه عشان تعرفي تتعاملي معه



 
الله يكتب لكي مافيه خير ويصرف عنك الشر​
 
نفس الكلام البنات بس احب اضيف خلي ابوكي يكلمه ويادبه مو زي ابوه هدا انتي بنت عمه واهل وقرايب خلي يحترمك ويحترم اهلك و مايخاف من عمه صراحه من كلامك تصرفاته بزر وتهاون ومو كد المسئوليه لاتزعلي مني او كلمي ابوه الي هو عمك انتي علاقتك كيف معاه واسكني لحالك ومملكتك احسلك لاتهيني نفسك الله يصلحه يااارب ويردك ان شاء الله ناضج متفاهم
 
مشكوره اختي ميوره الاموره ابوي متوفي الله يرحمه
وعمي يعرف ولده يقول لي استحمليه وعدليه
 
والله معليش هذا بزر
انتي اكبرمن انك تاخذي واحد زي كذا فرق العمر مو مشكلة كبيرة بس هذا مرة بزر حبيبتي عادي لو تطلقتي منة انتي لسة صغيرة وارجعي قدمي في الوظيفة وتروي في الرجعة لة او انتضري لما ينضج
وانا اسفة على الدفاشة بس استفزني البزر
 
انا ماانصحج بالطلاق

لان انتي الي وافقتي عليه فلازمي تتحملي

وهو توه صغير تحملي كم سنه وبيكبر
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل