الله لا يهينكم ساعدوني

الله يكون بالعون
 
اهله زوجوه عشان يبغوه يعقل وشكله كان جايبلهم الجنان وما لقوا لولدهم اطيب منك .. والنتيجة انك الضحية..لأنك صدقتيهم انه متعلق فيك..الله يكون بعونك..
الزواج يبغاله تكافؤ في كل شي ..
 
شوفي حبيبتي

اكبر غلط ان الوحدة تتنازل وتقول ما يهمني ,,, حتى لو ما يهمها لازم ما تتنازل ,, لان التنازل هو اللي يخلي الرجال يتمادى اكثر واكثر ,, ويحس ان زوجته ما تستاهل شي لانها هي تحسسه بها الشي من خلال تنازلها ,,

تنازلك عن الحفلة وقبولك بمهر بسيط وسكنك في بيت اهله بغرفة وحمام ,, وسكوتك عنه اذا سهر وطلع ,, وسكوتك انه ما يطلعك ,, كل هذا رح يخليه يتمادى اكثر واكثر ,, وبعد كم سنة اذا كبر ونضج يقول انا اش مجلسني مع هذه بروح اخذ وحدة تستاهل تكون زوجتي رافعة راسها وتعرف قيمة نفسها ,,
واللي تعطي زوجها فلوس وتاخذ قرض عشان خاطره وتعتبر فلوسها هي فلوسه ما رح تلاقي منه ولا شي اطلاقا ,, لا مصروف ولا هدايا ولا شي مستحيييييييل يعطيها شي ,,

صدقيني هذا تفكير كثير من الرجال

اللي تتنازل ما رح تحصل تقدير واحترام ابدااااااااااااا ,, بالعكس تماما,, رح تلقى عدم احترام وسب وشتم ويمكن ضرب مع الايام

نصيحتي لك ,, اذا انت تبين تستمرين معاه وما تبين تتطلقين انك اول شي تطلبي بيت لك لوحدك ,, وخلي هذا شرط اساسي ,, لان جلوسه في بيت اهله ما غير عليه شي وما حسسه بالمسوؤلية والواج ابدا ,, هو جالس في بيت ابوه,, ابوه اللي يصرف على البيت وهو ماله اي مسوؤلية ,, الشي الوحيد اللي تغير في حياته , ان صار عنده وحدة بغرفته يتحكم فيها وبس

لازم يحس بالمسوؤلية وهذا ما رح يصير الا اذا سكنتوا ببيت لوحدكم ,, يصير مسؤول عنه ,, ولو ما يقدر يستأجر اقنعي عمك يستأجر لكم الشقة ,, وقوليله يا عمي هو ما رح يتحمل المسؤولية ويحس انه زوج الا بهذه الطريقة ,, اما بقية المصاريف فتكون عليه

الشي الثاني ,, لا تحملين ابداااا ,, اللين تتأكدين ان حياتك مستقرة معاه وانه على قد المسوؤلية ,, وانه يحترمك ويقدرك

ثالثا لا تخلينه ابدااااا يتعدى حدوده من ناحية احترامك واحترام اهلك ,, وحقوقك ,, ولازم تقولين له بوضوح ان راتبك لك لوحدك وانك مستحيل تعطينه شي من الراتب او تساعدينه ,,,, خلي هذا شرط واضح للرجوع ,, ولو تقولين له انك تاخذين الوظيفة اللي جاتك يكون افضل , لانه يمكن بعدين ما يخليك تشتغلين ويصير كل مرة يقول لك لا مو حلوة هذه الوظيفة استني يمكن يجيك افضل منها ,,لانه عارف انك ما رح تعطينه فلوس وبالتالي بيقول تجلس بدون وظيفة احسن


حطي وظيفتك اللي جاتك شرط للرجوع مع توضيح ان راتبك لك لوحدك ,, هه الوظيفة لك انت وهذا مستقبلك ,, وصدقيني بما ان الوالد متوفي الله يرحمه ويغفر له ,, لازم تأمنين مستقبلك بوظيفة , وتجمعين فلوسك ,, بعدين تشترين لك بيت او شقة باسمك , عشان ما تحتاجين احد ابدا

انتبهي لنفسك وقدري قيمتك ,, وتأكدي ان حياتك انت اللي تقررينها ,, شغلك زوجك حياتك اش تسوين فيها ’’ هذا كله من حقك انت وحدك تقررين اش تبين واش اللي يريحك ولا تتنازلي ابدااا على اي حق من حقوقك ,, خططي لمستقبلك عشان تعيشين حياتك مبوسطة ومرتاحة ,,, الحيات تعيشيها مرة وحدة ومن حقك تكونين مرتاحة بحياتك

والله يكتبلك اللي فيه الخير ​
 
خواتي انا لو اطلب او احط شرط بيت بروحي احس راح يطلقني على طول
معا هذا الشي من حقي وخصوصا اني من تزوجته ماطلبت ولا شرطت شي
بس ماادري ليش اذا جاء وابي اقول له ابي بيت بروحي احس يربط لساني ومااقدر اتكلم مو عارفه شنو السبب
 
الله يفرج همك يااختي وهم كل مسلمه انصحك بكثرة الاستغفار وربي معك
 
الله يكون بعونك اهو فعلا النصيب وانتي مالك ذنب... يارب يسخره لك ويهديه وانتبهي تحملين لان حياتكم مب مستقره وحاول قد ماتقدري والله يسهلك يارب
 
حبيبتي لا تطلقين مو من صالحك تطلبين الطلاق واذا انتي اكبر منه يمكن يكون هذا من صالحك اذا

قدرتي تتفهمين وضعه اعرف حده تزوجت صغير وتعود عليها الحين يقدرها تقدير فضيع ولها مكانه بقلبه

ويسمع كلامه يعتبرها أم وأخت وزوجه وصديقه وبعدين الي نمطه غربي جنوبي سهل جدا تكسبينه

واكثر شي يجذبه الكلمه الحلوه حاولي تكسبينه باسلوبك
 
الله يهدي زوجج ان شالله ويسخره لج
حاولي تكلميه انه هالكريق اللي ماشي فيه غلط ولو توصل السالفة لأهله... قولي له ما راح أرجع البيت الا اذا عدلت من تصرفاتك واهم شي الصلاة لأنه تارك الصلاة يعتبر كافر وحرام تعاشرين واحد كافر عند الله واذا حسيتي في تحسن بالأمور ارجعي له بس تأكدي انه ما يستغفلج... أختي انتي شكلج على نياتج وهالطيبة هي اللي سوتج بهالحال
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل