الفرنسيات لا ينمن وحدهن .. !

[الناصحه الامينه]

بئست القدوه
وبئس المثل
وبئس العنوان ارااه

هي لاتنام وحدها مؤكد
لكن
هل استطاعت ان تنجح في ان تنااام مع شخص واحد دائما وهو زوج وعلاقه شرعيه

وهل كل شان المراه المسلمه
حول الجنس وكيف تحصل عليه

كم يحترق قلبي
ونحن نسعى لايجاد القدوة منهن
ونرى التخلف ان تكون قدوتنا عائشه وخوله والخنساء

يكفينا مافينا من ذله ياغاليه
لاتجعلي المسلمات يتتبعن اثر هالكافرات المسافحات الزواني
ولاتركزى على نجاحهن في الفاحشه والحصول عليها لتطلبي من المسلمه ان تطمع في هذاالنجاح لتتبع خطوات الوصول اليه
اكيد يوم كل ساعه رجل
تذهب للكوفي والا للمكتبه لتحصل عليه بيكون وتكون جديده ومغريه له وناجحه معه

واكيد هالشي مايناسب المسلمه ولاوضعها
اذن فهالمعلومات
لن تنفع بقدر ماتضر

تذكري هذاالعلم يوم القيامه وتحت التراب
اذاقيل لك ماذا عملتي
فستقولين يارب
تقربت اليك بان علمت المسلمات
كيف تنجح الكافره في الفحش
وكيف يجب على المسلمة ان تقتدي بها

الله يصلح احوالنا ويرفع عنا هالذله والتبعيه ​

 

[الجذابـة أنـا]

الناصحة الأمينة

أشكرك على نصيحتك ..


الموضوع ملئ بالمعلومات والنصائح ..

فإذا لم تجدتي ما تبحثين عنه هنا

فهو قد يفيد غيرك

أشكرك على نصيحتك مره أخرى


​

 

[الجذابـة أنـا]

الجزء اللي بعدو راح أنزلكم ياه بكره إن شاء الله يا بنات

راح يتكلم عن طريقة عناية الفرنسيات بأجسامهم


​

 

[بيعجبني ستايلي]

واااااااو يجنن الموضوع ...
مشكوورة ياقلبي
متابعة..

 

[العسل كلة]

نحن في الانتظار عزيزتي

 

[kraooo]

روووووووووووووووووووووووووووووووعة الف شكر ياالغالية
كتا ب قمة
انتظر المزيد...

 

[so cute 2011]

رووووعه يعطيك العافيه ياعسل احنا في انتظارالمزيد

 

[الجذابـة أنـا]

الفصل السابــع



الفرنسيات يهتمون بأجسامهن





في محلات كثيرة في فرنسا تبيع العطورات وأشياء خاصة بالجمال والصحة ومنتجات للعناية بالبشرة .. تقول مره مبين إنو الإهتمام بالبشرة شئ مهم جداً للمرأة الفرنسية .. الصيدليات موجودة وفيها أخصائيات




الفرنسيات يحسون بالراحة اتجاه بشرتهم لأنهم يهتمون فيها وتعلموا من وقت ماهما صغار .. تقريباً بعمر ١٢ إنو كل وحده تهتم بنفسها وببشرتها بالكريمات والعناية بعد الحمام .. أمهاتهم علموهم كيف يحبون أجسامهم ويستمتعون بالعناية بها




مافي أي شئ يدعو للخجل من إنو الوحدة تحب وتهتم ببشرتها .. ففي النهاية هذا شئ راح يستمر معاكي طوال عمرك وراح يكون موجود معاكي .. تقول حتى إنو البنوتات الفرنسيات يتلقون زيت وملح الحمام كهدايا ..




الفرنسيات يهتمون بأجسامهم زي مايهتمون بعقولهم .. كل واحد فيهم اللي هوه الجسم والعقل محتاجين إهتمام

الفرنسيات يحبون الطعام الجيد .. المطهو بشكل ممتاز ويكون طازج كمان وممتع وبنفس الوقت يهتمون برشاقتهم




تقول أما إحنا .. تحصلين نفسك كأنه أحد يقولك "كلي من هذي الشوكولاته " وبعدين يرد الثاني .. “لا لا لا .. كلي بعض الجزر" وهذا الشئ يخلي الواحد في صراع .. وكمان هذا الكبت ممكن يخلي الواحد مدمن تسوق أو يفرغ اللي فيه فأشياء ثانية .. الفرنسيات يبحثون عن التوازن .. ما يكونون متحيزين لجانب واحد في الأكل




يهتمون بالطعم وكمان بالصحة .. أهم شئ التوازن




مو آكل أكل مو طعم بس عشانه صحي

وبنفس الوقت مو كل شئ جاء على بالي آكله




اهتمام الفرنسيات بأجسامهم وبشرتهم جزء من روتين المرأة عندهم



الفرنسيات مايهتمون بشعورهم بنفس الدرجة اللي نهتم فيها بشعرنا ..

يهتمون فبشرتهم بشكل أكبر

يحبون يتركون شعرهم على طبيعته




إبدئي اليوم بأخذ حمام ساخن وخذي وقتك واستمتعي فيه .. اشتري لك صابون رائع وكريم جميل عشان تدللين بشرتك بعد الحمام .. حاولي تقللي إهتمامك بشعرك وتخلينه طبيعي أكثر واهتمي ببشرتك وجسمك بشكل أكثر !




ابعدي أي أفكار سلبية تقوليها عن نفسك

وحاولي تعرفي إيش الشئ اللي يخليك مرتاحة أكثر مع بشرتك

اشتري لانجري جميل واستمتعي ..



الواحد مابيغلط لمن يخلي نفسو سعيد ومبسوط
​

 

[بدايات]

والله الخليجيات أحلى من الفرنسيات
ما قاصر البياض والوجه مبقع من لحم الخنزير
وكل وحده وجهها صافي تكون عندها ثقه بنفسها بس احنا مشكلتنا حبوب الشباب تخرب الوجه وما فيه خبره كافيه ف المستشفيات للعلاج
خلو عنكم الخليجيات أحلى وبعد السوريات ولاأروع

 

[هيدروجينا]

يعطيك العافيه

شو اسم الكتاب ؟؟:3:

 

[عاشقة اللحظة]

ثآنكس

الله يعطيــــج العآفية حبيبتي موضوع وآاااااااااااايد نآاايس :3:

 

[الجذابـة أنـا]

الفصل الثامن



الفرنسيات واللانجري





بالرغم إنو فأمريكا موجودة ماركات لانجري رائعة جداً .. إلا أن الفرنسيات عُرفن بارتداء لانجري جذاب في كل يوم .. وفي الحقيقة .. كل إمرأة فرنسية عملنا معاها مقابلة شددت كثير على أهمية اللانجري الجيد .. لكن اللي أدهشنا، هو أهمية إنو السوتيان والكلوت (البرا والبانتي) يكونو متناسقين مع بعضهم البعض .. نعم، الفرنسيات دائما ما يلبسون ملابس داخلية متناسقة .. حتى لمن سألناهم وقلنالهم إنو الملابس الداخلية ترتدى بهذا الشكل فقط في المناسبات .. استغربو من كلامنا وقالولنا "هل ممكن تلبسين فردة حذاء بنية والأخرى سوداء" .. نفس الشئ مع الملابس الداخلية .. لازم تكون متناسقة مع بعض وليس فقط في المناسبات .. بل في كل يوم !




ماتتخيلون قد إيش تناسق اللانجري عند الفرنسيات يعزز من ثقتهم بأنفسهم .. إنتي لمن تلبسين لانجري جذاب، راح تحسين نفسك جذابة حتى لو الشخص اللي قدامك ما عرف السبب .. راح تبين ثقتك بنفسك وثقتك بجاذبيتك على تصرفاتك





اللانجري ما تشترينه بس عشان حبيبك .. لا أبداً ! هذا شئ إنتي تعملينه عشان نفسك .. وليش تحتفظين في اللانجري الجيد إلين ما تجي مناسبة .. إلبسيها كل يوم




الفرنسيات يتناولون طعام عن جد ممتاز ولذيذ في كل يوم، ومو بس في المناسبات، بل كل يوم .. كل يوم يرتدون ملابس داخلية/لانجري جذاب




عمرك سمعتي بالشئ اللي يقول "خليها ممكن تحتاجيها بعدين" وتشترين لانجري جذاب بطريقتو الخاصة وتستنين هذاك اليوم اللي يستاهل عشان تلبسينها فيه .. وبعدين تنشغلين بأمورك وتنسين إنو أصلا إشتريتيه وإنك ركنتيه ونسيتيه في الدرج ! ولمن تحصلينه، تكونين وقتها تعودتي إنك تلبسين ملابس عادية وماتحسين إنك صرتي جذابة




استمتعي بالأشياء اللي موجودة عندك على طول ... وفي كل يوم ! لا تركنيها وعيشي واستمتعي بيومك




اللانجري ممكن يكون شئ تلبسينه تحت ملابسك ومحد يدري عنه غيرك، بس ترى إنتي أهم شئ تكونين عارفة .. لأنو راح يبين على تصرفاتك وراع تحسين بشعور رائع جداً .. ارتديها كل يوم عشان تكتشفين الإحساس الجميل اللي راح تشعرين فيه ! إرتديها كل يوم، عشانك إنتي مو عشان أي أحد ثاني وخليه سرّك الصغنون اللي محد يدري عنه




جاء الوقت اللي تطلعين فيه من اللانجري القطني اللي تلبسيه كل يوم .. إرتدي لانجري جذاب .. جذاب جذاً




الموضوع مالو علاقة بالملابس الداخلية نفسها .. بل بالإحساس اللي راح تخليكي تشعرين فيه واللي راح ينعكس عليكي .. اللانجري الجيد يعزز من ثقتك بنفسك وشعورك بالراحة مع بشرتك الجميلة




ودحين مع الطلب عن طريق الإنترنت، صار شئ سهل إنك تشترين من الماركات اللي نفسك فيها وبالألوان اللي تبغينها




وكمان البسي "الدم أب" .. صح إنو بيكلف شوية أكثر من "التايت" .. لكنه يستحق



(بنوتات حاولت أجيب لكم صوره محتشمه منها بس ما حصلت .. فراح أشرح لكم ياها هنا)



Dim Up
هذا يجي زي الشراب ويوصل إلين وسط الفخذ وفيلو شوية تطريز بالساتان فنهايتو .. على الفخذ




زي الجوارب العادية "تايت" لكنها فيها تطريز في النهاية .. يكون في الفخذ






الرجل يحب التغيير .. تقول إمرأة جميلة قالت لها إنها تغير عطرها بتغير فصول السنة .. في الصيف تطهو طعام أخف وخضروات وسلطات أكثر وشوربة باردة .. وتضع عطر خفيف .. وفوقت زيارتنا لهم كنت أشوفها كل يوم كيف تغير اللوك تبعها وتلبس ملابس واكسسوارات جميلة .. !




بالنسبة للفرنسيات، كل يوم يعتبر فرصه عشان الوحده تعمل تغيير جديد وبنفس الوقت قريب من نفسها عشان تخلي حبيبها متحمس يعرف هيا إيش عاملة اليوم ..





أهم شئ لمن تشترين اللانجري .. إشتري لكل سوتيان واحد .. ثلاثة كلوتات وأهم شئ هوه التناسق .. ارتدي كعب عالي .. وتذكري إنك "إمرأة" .. اعملي تغيير وألهمي الناس بأسلوبك وطريقتك !


​

 

[First love]

ثااانكيوو حبيبتي.....

 

[زوجة الناظر]

موضوع رائع

جزاك الله خير

 

[بيعجبني ستايلي]

مشكووورة حبيبتي..،،

 

[هيدروجينا]

d

:7: اسأل

 

[First love]

:7: اسأل

حبيبتي اسم الكتاب هو العنوان ..

وموجود بأول مشاركة للاخت .. بالانجليزي

​

 

[الجذابـة أنـا]

الفرنسيات والحديقة السرية






الفرنسيات يحاولون دائما يظهرون بشكل إنهم مسيطرين على نفسهم .. على الأقل أمام الآخرين ! لكن أمام أصدقائهم، فهم يتكلمون براحتهم ويعبرون عن مشاعرهم !




وبالتأكيد، حين يأتي الحب .. تكون المرأة الفرنسية عاطفية جداً ومع ذلك راح تخلي أوراقها قريبة من صدرها وتحتفظ بغموضها ..




إحنا نعيش فثقافة مختلفة .. نضحك بصوت عالي ونعبر عن مشاعرنا بكل حرية .. بعضنا يأكل وجبات طعام كبيرة .. بعضنا عنده سيارات كبيرة وبيوت كبيرة .. ولمن يجونا ضيوف، نحب نأخذهم لفة جوات البيت .. حتى فغرفنا الخاصة (غرف النوم والحمامات)




لكن الفرنسيات مايعملوا كذا .. هما نادراً مايخلون الواحد يشوف غرف غير المطبخ وغرفة الطعام وغرفة المعيشة فقط




الأمريكيات يتصرفون بطبيعتهم وبدون غموض .. أما الفرنسيات فيروحون من فترة لفترة "الحديقة السرية"




الحديقة السرية .. شئ خاص بك إنتي وحدك




ممكن هذي الحديقة السرية الخاصة بك تكون مكان تزورينه فأحلامك أو هواية تحبينها كثير .. قد تكون كتابة الشعر أو قراءة الروايات الرومانسية .. وقد تكون لعبة تحبين تلعبينها زي الشطرنج مثلاً .. أو تكون حديقتك السرية هي مجموعة من الأصدقاء القدامى تحبين تقابلينهم وتسولفين معاهم




الحديقة السرية هي أي شئ تحبينه وتلجئين إليه من فترة لفترة وتحتفظين فيه لنفسك ! وتحافظين خلاله على بعض الغموض .. مو لازم حبيبك يدري عنه




الفرنسيات يحبون الخصوصية أكثر من الأمريكات .. كل الفرنسيات يعرفون إنو الحديقة السرية لازم نحميها ونحتفظ فيها فعالمنا الخاص بنا .. لممن تتغير الأحوال حولينك .. تروحين للحديقة السرية اللي ممكن حتى تكون ممارسة اليوغا




احتفظي بخصوصيتك .. وخليكي غامضة




الرجال الفرنسيين يعرفون إنو نساؤهم مو متعلقات كثير بعلاقتهم فيهم .. هيا ماتجلس تفكر بكل كلمه هوه قالها .. ولا إذا اتصل عليها والا لآ .. هيا تحافظ على مساحتها الخاصة وكيانها ! وحتى لمن يكونون مع بعض، تحافظ المرأة الفرنسية على روحها حره ..




الفرنسية عندها مكان أو شئ خاص مهتمه فيه .. ممكن تروح كافيه كل يوم وتقرأ كتاب جميل وهذه ممكن تكون حديقتها السرية .. وحتى لو أحد عرف عن هذا الشئ، فهي ماتعطي معلومات مفصلة عنه .. مجرد شئ عام




الفرنسيات غامضات .. إحنا الأمريكيات نحس إنو الغموض حاجه سخيفة .. ليش مانكون صادقين ونتصرف عادي وعلى طبيعتنا بكل وضوح ونفتك من هذا الغموض؟




هناك فرق بين إنو أكون صادقة وأقول كل المعلومات وبين إني أحتفظ ببعض المعلومات خلف الأبواب .. ليش تقولين كل شئ ؟؟؟ هل هذا الشئ راح يفيد علاقتكم بحاجه .. هل يهمه معرفه الشئ اللي يخوفك والا الحذاء الجديد اللي شريتيه بتخفيض ٥٠٪ .. ممكن تشوفون إنو هذا الشئ مو كثير مهم ! مافي داعي نقول كل المعلومات اللي عندنا سواء كانت مهمه والا لآ .. احتفظي ببعضها خلف الأبواب ..




الفرنسيات يحسون أحيانا بنفس الأحاسيس اللي نحسها .. في النهاية كلنا بشر .. لكن الحديقة السرية تساعدك أكثر إنك تحافظين على توازنك




أوجدي حدقة سرية خاصة بك .. فكري إيش الشئ اللي ممكن تعمليه ويخليك تشعرين بالسعادة وبالثقة بالنفس .. انضمي للنادي أو تعلمي هواية جديدة بدون ما أحد يعرف .. اقرئي كتاب وحدك واحتفظي بخصوصية هذا الشئ .. ولا تخبري أحد .. مو لازم تقولين لحبيبك عن كل شئ تعمليه ولا تنسي تتصرف كـ "ليدي" .. كـ "سيدة"




​

 

[بنت خلدون]

أعشق الخصوصية والكل يقول عني غامضة..ويعجبني هذا الطبع فيني​

 

[First love]

تسلمين يا غاليه .. ^_^