الفرنسيات لا ينمن وحدهن .. !

[الجذابـة أنـا]

أهم الكتب اللي تتكلم عن الفرنسيات

* French Women Do not Sleep Alone
​

French Women for All Seasons *

French women don't get fat *
​

All You Need to Be Impossibly French *

*What French Women Know: About Love, Sex, and Other Matters of the Heart and Mind

Bonjour, Happiness*!

​

كلها موجوووده في أمازون

​

​

 

[السماء12]

موضوع مميز ورائع جدا​

 

[First love]

ماااا شاااءالله .. عزيزتي كتاب رائع .. يبيلي آخذه ..

بس شو اسم الكتاب اللي قلتي عنه اللي يتكلم عن اللانجري ..

واسمحيلنا بنتعبج .. بس الموضوع رائع ..

نحن نملك المعلومات .. لكن ينقصنا الاستمتاع ..

جزيتي خيرا وفميزان حسناتج يالغاليه​

 

[القسوة طبعي]

متابعين بصمت
موضوع رائع جدا

 

[الجذابـة أنـا]

الكتاب اللي يتكلم عن اللانجري وكل شئ ينلبس تحت الملابس اسمه

Underneath it All

بنزل المعلومات المهمه فيه .. أول ما أخلص من ترجمة هذا الكتاب بإذن الله


بس في كتاب فتاك راح يوصلني بإذن الله أول رمضان

اسمه

The Lingerie.

الكتاب مررره معروف ويقولون كثير جييد

بإذن الله راح أنزل ترجمة مختصره له بعد Underneath it All



​

 

[الجذابـة أنـا]

الفصل الرابـع



الفرنسيات يتغزلون بكل واحد يقابلونه


عندهم التغزل بالرجال شئ عاااادي مررره ويسوونه طول الوقت ..

ممكن عشان تخلي حبيبها أو زوجها يغار
وممكن عشان تخلي البائع ينزلها سعر القطعة اللي بتشتريها
وممكن لأنها من جد حابته أو معجبه فيه


وأبداً أبداً مايكشفون نواياهم .. وهذا يجنن الرجال

فيهم غموض فضيع .. مو كل شئ يقولونه



عشان كذا تحصل حبيب كل وحده فيهم متعلق فيها
لأنه عارف في رجال كثيرين ممكن يكونون معاها
ويرتبطون فيها حتى لو سابته




هذا كتبته بس عشان تعرفون الفرنسيات ونحمد ربنا على ديننا الإسلامي وإنو عندنا أخلاق




الشئ المهم اللي أحب إنكم تستفيدونه من هذا الفصل ..
إنو دائما تكونو أنيقات وجذابات

وتسوون هذا الشئ عشانكم مو عشان شئ ثاني



غير كذا لمن الوحدة تزين نفسها .. تحس بشعور جيد

عشان كذا الفرنسيات يتغزلون بالرجال ..
لأنهم يحسسونهم إنهم جميلات ولسى جذابات




الفرنسيات أبداً ما يحاولون يبينون للرجال إنهم جالسين يحاولون عشان يخطفون قلبهم

تحصلونهم غالباً يتكلمون بصوت نااااااعم وهادئ
ومايبتسمون مررره كثير زي الأمريكيات وضحكتهم محسووبه

ناادرا ماتحصلهم يتكلمون أو يضحكون بصوت عالي

كل شئ فيهم يدل على الأنوثة

وترا الفرنسيات أبداً مايوصلون لدرجة الثمالة في الشراب زي الأمريكيات .. يحبون يحاسبون على تصرفاتهم

وكمان عشان يستمتعون باللحظة


غير كذا .. الفرنسيات مايسوون حالهم يعرفون كل شئ.




وتقول في نصيحة وحدة فرنسية نصحت بها وحدة أمريكية تقول لها

“لاتكونين معقدة .. كوني طبيعية، وأكثر متعة وأكثر استرخاءً .. أحبي الموضة وإنك تلبسين ملابس أنيقة وراقية مو معاناتها إنه إنتي راقية"




أتوقع قصدها إن اللبس مو كل شئ .. مع إنه مهم

بس التصرفات كمان مهمه جدا



تقول في هالة كبيرة جداً لمن الواحد يتصرف بطبيعته ..

مع إنهم يتصرفون بطبيعتهم، بس الفرنسيات مع كذا مو واضحات ولا مبين إنهم جالسين يدبرون شئ

عندهم غموض .. كأنها ترسل للرجال علامات إنو " ترا أنا متواجدة .. والا تعرف، ترا يمكن ما أكون"




وتقول لو جيتي للحقيقة .. ترا بجد إحنا النسوان كذا .. مو مره متأكدين وممكن نغير رأينا بعدين



تقول الأمريكيات دايما يحاولون يراعون ويحاسبون على مشاعرهم وكيف يسيطرون عليها .. تقول الحب أصلا حاجه تخلي الواحد ملخبط وتصرفاته مو مفهومة .. مره كذا ومره كذا ! إحنا النسوان كذا وهذا شئ مافي داعي نحاربه

خليني نتعايش مع طبيعتنا وتصرفاتنا زي ماهيا .. وحتى هذا ممكن يخلي المره جذابة أكثر




الرجال يحبون حقيقة إنو إحنا مختلفين عنهم ،، والفرنسيات أبداً إبداً ماينسون هذا الشئ




تقول وحدة أمريكيه عاشت بفرنسا لسنوات طويلة تقول عنهم:

أنا أحب الفرنسيات .. تراني عشت بفرنسا من يوم ماكان عمري ٢٥ سنة. تقول حتى رقبتي وجعتني وأنا أمشي في الشارع من كثر ما أطالع في الأشياء اللي تحدث في الطرق والشوارع

تقول هل قلت لكم إنو هذولا الفرنسيات طويلات وأجسامهم نحيفة وهما مره أنيقات بدرجة كبيرة وهذه من أكثر الأشياء اللي حبيتها فيهم .. بس كمانه حبهم للحياة شئ جميل جداً .. هم يستمتعون أكثر من الأمريكيات .. تقول حتى الفرنسيات أشكالهم حالمات أكثر من الأمريكيات وفيهم جاذبية أكثر ويقدرون المشاعر أكثر ويخلون الواحد يحس إنو هوه أصغر في العمر .. تقول أنا كمانه أحب اللغة الفرنسية والموسيقى الجميلة للكلمات !




تقول ممكن تحسون الموضوع صعب شويا .. إحنا في النهاية نتكلم إنجليزي مو فرنسي .. بس تعرفون ؟ ترا الموضوع مو مستحيل .. نقدر نركز ع الكلام اللي نقوله وننطلق ألفاظ أجمل ونعبر بطريقة أحلى





​

 

[الجذابـة أنـا]

بنوتات .. سوري لو حسيتو الكلام فوق مليان معلومات
بس لأنو كل فصل جوتو أقسام وطويل شويا
فأنا أحوال أجيب لكم المختصر المفيد

بس لو في شئ حابين أتطرق لهم بشكل أكبر
تقدرون تكتبتونه هنا
ولو في الفصول الجاية ما حصلتو إجابات على تساؤلاتكم
راح أجاوبكم عليها بإذن الله

غالباً الكاتبه في الفصول الأولى كاتبه كلام
حتى أنا كان صعب عليا شويا إنو مافهمت هيا بالضبط إيش قصدها ..

بس تقريباً هيا تمسك كل هذي النقاط وتشرحها بالتفصيل في الفصول القادمة

فتقدرون تحطون استفساراتكم

وبعد ما أخلص من ترجمة ملخص عن الكتاب بجاوبكم عليها بإذن الله

 

[قهوة بالبندق]

مجهود رائع تشكري عليه متابعتك كملي يا قمر

 

[وردة تركواز]

أهم الكتب اللي تتكلم عن الفرنسيات

French women don't get fat *​

انا عندي الكتاب بالعربي اسمه الفرنسيات لا يصبن بالبدانة

مؤلفة الكتاب داه هيا اللي مؤلفة الكتب اللي كتبتها الجذابه انا

هذه شكل الكتاب بالنسخة الفرنسية

اشتريته من جرير

 

[متاهات الحياه]

تسلمي ع الموضوع
بس عندي سؤال لتركوااااااز اش معنى توقيعك هذا؟؟؟؟؟؟؟؟؟؟

 

[العسل كلة]

الله يعطيك العافية عزيزتي

 

[عيون عزيز]

متااااابعة ،،، وبصراحة اختيارج في محله،،،بس للعلم الشعب الفرنسي من 50 سنة ما يعترفون بالزواج،،، ناااااااادر جداً عندهم،،، عايشين زي البهايم الله يعزكم

 

[الجذابـة أنـا]

الفرنسية تشعر بشعور جيد إتجاه بشرتها






تخيلي أن تستيقظي في الصباح وتنظرين لنفسك بالمراية وإنتي تحسين بثقة بنفسك وإنك جميلة .. تخيلي إنك تهتمين بجسمك وبشرتك وتعتنين فيها وتآخذين حمام مع الصابون الذيذ والكريمات العبقة المعطرة .. تخيلي إنك تلبسين ملابسك بهدوء عشان تستعدين ليومك الجميل .. بدون مايكون عندك حتى شوية شك إنك فاتنة وجميلة وساحرة بطريقتك الخاصة !




الفرنسيات يبدأون يومهم بهذه الطريقة .. العديد منهم يروحون السبا على الأقل مره بالشهر عشان يدللون بشرتهم .. أو ممكن تعمل خلطات لنفسها من مطبخها عشان تصير بشرتها أحسن




تقوم الفرنسية بدعك جسمها بنعومة بمقشر البابايا وبعدينا تحط الكريم حقه !




الفرنسيات يروحون يشترون مجوهرات لنفسهم وتكون هذي الزين حلوة وعلى ذوقها اللي يعجبها ..




وصحيح .. الفرنسية تستمتع بكونها أنثى قد ما تقدر وماتنسى إنها وُلدت لتكون أنثى !
هي تستمتع وتحتفل بكل ماله علاقة بالأنثى !




تقول الكاتبة .. ترا الفرنسيات على بالهم إنهم أحلى وأجمل مننا ..
بس في الحقيقة هذا اللي هما يعتقدونه فقط

لو إنتي اعتقدتي إنك جميلة، فأنت جميلة !
الموضوع كله ايش إنتي تعتقدينه فنفسك وكيف إنتي شايفه نفسك

لأنه أول ماتعتقدي إنك جميلة .. راح تهتمي بنفسك بشكل أفضل

راح تلبسي أحسن وتنفقي على نفسك وتدللينها

راح تشوفين نفسك إنك إنتي تستحقين الإنتباه

وإنتي في الحقيقة تحطين شوية مكياج لأن إنتي حابه الناس يشوفون إنتي كيف جميلة ومو محتاجه تكثرين

كيف إنتي جميلة زي ما إنتي




كل هذا يبدأ بتغيير بسيط بس ..
واللي هوه غيري إعتقادك عن نفسك
وخلي عندك إعتقاد قوي إنك إنتي جميلة

الفرنسيات مهم أجمل ولا أحلى ..
لكن ثقتهم بنفسهم وإيمانهم بحالهم إنهم حلوين .. خلاهم كذا


يدوبك يحطون شوية ماسكارا وجلوس شفاه وينسون موضوع البلاشر والظل !




تذكري إنو الإعتدل وعدم المغالاة في استخدم الماكياج هو المفتاح




الفرنسيات معروفات بطلتهم الطبيعية .. القليل بالنسبة يعطي الكثير

بس ترا السر في الفرنسيات مو بأي شئ يحطون على بشرتهم ..

السر إنو هما واثقات بحالهم وسعيدات كثير بأنفسهم




والجمال ينبع من الداخل .. وهذا شئ الفرنسيات عارفينه مرره كويس




الشئ اللي راح يخليكي جميلة جداً .. هو إنتي بعقلك وقلبك !




مره وحده فرنسية قالت لنا إنو أهم شئ بأي علاقة هو إننا نحافظ على شخصياتنا، إننا نستمتع بحياتنا إحنا مو بحياة أزواجنا .. تقول ممكن تحبين أحد وتحبين تتشاركين معاه في أشياء معينة تعملوها مع بعض وتخليكم مستمتعين ،، بس لا تعيشين عشانه ! لأن هوه مايقدر يعيش عشانك .. حبيبك أحبك زي ما إنتي .. لازم تتذكري هذا الشئ للأبد !




كوني إنتي .. مو أي أحد ثاني




ببساطة .. الفرنسيات لمن يكونون أنفسهم .. يخلقون إحساس بالغموض .. وثقتها بنفسها تخلق نوع بسيط من التحدي بالنسبة للرجل لأنه حاب يفهمها ويكتشفها ويخليها له


الفرنسيات يعرفون إنهم لمن يتصرفون بطبيعتهم فهما وقتها يكونون في قمة الجاذبية



تقول إحنا فأمريكا نشوف إننا مو حلوين بطبيعتنا بشكل كافي عشان كذا نخفيها ..


الأمريكيات لمن يكبرون يبدأ عنهم الخوف من إنهم يختفون ومعد يصيرون مهمين .. عشان كذا تجيك الوحدة حاطة ماسكارا يا كثرها وجلوس شفاه أكثر وأكثر أكثر أكثر من كل حاجه .. وبعدين نطالع بالمرايه وكمانه نحس إنو إحنا مو موجودين ومالنا قيمه




اهتمي بنفسك وجمليها وأظهريها زي ماهيا وخلي عندك ثقة بنفسك أكبر ​

 

[احلى عيوون]

كلام ولا اروع
بانتظار المزيد​

 

[ارووج]

معجبه جدا بكل ماكتبتيه سلمت يداك على هالترجمة موضوع افادني كثيررر وغير فيني الكثير
اسعدك الله اين ماكنتي وبانتظار البقية وانتظار الترجمات للكتب الاخرى

 

[قطوه قطر]

موووووضووع قمه في الروعه ماشاء الله عليك بانتظار الباقي من الاجزاء على احر من الجمر وياليت تتحفينا بكتب عنهم وعن حياتهم واهتمامهم وفميزان حسناتك يارب بس حابه اسال ماشاء الله عليك مبين عليك تعرفين فرنسي فوين تعلمتيه ؟؟( فضول بس ههههه)

 

[First love]

قمه على قمه عزيزتي متابعينك ..​

 

[كوكبي الضاوي]

تسلم يدك ع الترجمه
وكلام ولا اروع
منتظرتك ع احر من الجمر

 

[حكاية مساء]

بنات اهي قالت لاحد يرد ع الموضوع علشان يصير مكتمل فياحبذا لا تردون

 

[الجذابـة أنـا]

الفصل السادس




الجمال والعقل




الفرنسيات تم تعليمهم بشكل جيد وتهتم المدارس الفرنسية بالأنشطة اللامنهجية .. الثقافة الفرنسية تعرف قيمة التعليم وأهميتها وتشجع التعليم والذكاء .. وتقول لمن أقول التعليم مو معاناه عشان نعدي مرحلة المدرسة والجامعة .. لا بالعكس .. هما يهتمون بالتعليم وإنهم لازم يستمرون بالتعلم طوال حياتهم !




تقول في الحفلات حقتهم ولمن يتجمعون ويجلسون على طاولة الطعام .. النساء الفرنسيات يحاولون يحوزون على اهتمام الرجال بثقافتهم وبحواراتهم وكيف يتناقشون معاهم نقاش حيوي .. تقول الفرنسية شكل واهتمام وملابس جميلة وكشخة وذووق وعليها شخصية حلوة .. وكمانه ذكاء .. الكثيييييير من الذكاء !




كوني ذكية .. الفرنسيات يتناقشون عن الكتب الجيدة والأفلام الممتعة والسياسة




مره قابلت وحدة فرنسية وقالت:




“الفرنسيات يجادلون ويناقشون أي شئ مو موافقين عليه .. يناقشون القوانين السياسية الجديدة والسياسيين وحتى الساسة الأمريكان وآخر الأخبار والإحتباس الحراري وكل شئ آخر"




هل هذا يعني إنو الفرنسيات مهم جذابات ؟ أبداً .. بالعكس الفرنسيات يشوفون إنهم يصيرون جذابات أكثر لمن يصيرون أكثر ذكاء وحتى ممثلاتهم يتحلون بقدر كبير من الذكاء وحتى الفرنسيات اللي شعرهم أشقر

الفرنسيات يشوفون إنهم مو كفاية إنه أشكالهم تكون حلوه بس .. لازم زيادة على الشكل تكون عندهم ثقافة كبيرة أيضاً




مهما كانت الوحدة جميلة .. إذا ماعندها شئ غير شكلها فالآخرين يملون منها بسرعة .. فالعقل هو اللي يدوم

الجمال يروح .. بس العقل يخليك تستمري جميلة مهما صار عمرك




في فرنسا ما يآخذون النقاشات والإختلاف في الآراء كشئ شخصي ..




تقول إحنا فأمريكا ممكن نحس هذا النوع من النسوان صعب والا معقد .. بس في فرنسا يقدرون هذا الشئ ويعتبرونه جذاب جداً




تقول هل هذا معناتو إنو الأمريكيات المفروض ما يدخلون فنقاشات حادة، لا أبداً .. بس اللي ممكن نسويه إحنا الأمريكيات إننا نشوف إيش الحوارات اللي ممكن ندخل فنقاشاتها. تقول لمن تشوفين الموضوع تحول إنو صار شخصي .. إسحبي نفسك من الموضوع




لكن الفرنسيات ما يآخذون الفن في الحوارات والنقاشات كشئ شخصي بتاتاً البته


​