الشمالي الشرقي..تحت الضوء..*_^رحلة استكشاف*_^

[كلي حنـان]

3/ أتمنى من الأخوات الجدد قراءة الموضوع من بدايته، لأنه قد يتكرر السؤال عن ذات النقطة ، وهذا بإذن الله سيعود عليها بالفائدة لأننا وضعنا خلاصة تجاربنا


غالياتي
هذا الملف كمدرسة لنا لنتعلم ونتدرب ونطبق.. سنبعده عن المشاكل اليومية، والحياة الخاصة
في تجمع الشمالي الشرقي نناقش تلك المشاكل

حرام عليكم انا توي داخله يعني
انتم بتطيرووووووووون
واحنا نفحط في الصفحات القديمه!!!

نبي حل منصف...
:icon1366::icon1366::icon1366:

 

[ذوق*]

متابعه بقوووووووووووووووه واستفدت من الموضوع كثيرا.

 

[القلب الرقيق]

شكرا أحلا

بالنسبة للأحتواء

ماراح يكون الأحتواء الا بعد التقبل
والتقبل يحتاج فهم


وأكد على نقطة التقبل
شخصية مادخلت مزاجك
ماحبيتيها
تنتقدينها
تحبين تعدلين فيها

هذي كيف راح تحتوينها؟؟!!

أول شيء تقلبي (هالمسكين:blow اللي جالسة تشرشحي فيه صبح ومساء
تقبلي شخصيته..صفاته.. ((تفهميه))((وتفهمي دوافعه))..
و مو شرط اللي مو فيه نقص ولافيه معيار الا الرسول صلى الله عليه وسلم لا أنت ولا أبوك ولا قيس ولا غيره معيار تقيسي عليهم الناس..

وإذا عينك حولها الشيطان للي ماتحبي تذكري أنه مافيه إنسان على وجه الأرض كامل:sad_1:
ومافيه زوج تفصيل وعلى الطلب!!

أنت جالسة تضيعي عمرك بولولة وتحسر ماراح تعطيك الا الهم والضغط والسكر

وبعد ماتتقبليه، وتشيلي فكرة (المثالية) عن راسك


قدريه
قدري عمليته
سعيه لمستقبل أفضل
قدري تعبه

بعدها راح يكون الاحتواء تلقائي

أحتواء حاجاته

:icon-mos:تحصلي نفسك لما يجي تعبان (تتفهمي) تعبه وتتركيه يرتاح
:icon-mos:ولما يكون منزعج تستأذنيه بمساج يريح أعصابه
:icon-mos:وإذا عصب -بدون اعتداء-تؤثرين الصمت وتؤجلين توضيح الفكرة
:icon-mos:تسوين(اللي تقدرين عليه) من الأشياء اللي ترضيه
:icon-mos:تتفهمين حاجته للاختلاء بين فترة وأخرى
:icon-mos:تقبلين تعاكس رأيه مع رأيك وتعالجيه بدافع التقارب لا الانتقام
والصور متعددة

وهذا كله طبعا بدون إلغاء الذات

ليه خايفين من الاحتواء!!
وين المشاركات العذبة:icon31:

تسلمين يا اتدلسية يا رائعة
التقبل ...تقبل الزوج بمحاسنه وعيوبه ...اهوه الاساس
وتقدير اللي يسويه
بس هالشيين اصلا راح يحس فيهم وراح يكون مردودهم حلو
​

 

[الفنوديه]

• يسلموووووو اندلسيه ع قوانيين الموضوع مرتبه وانا عندي اقتراح بسيط بما ان النقطه بناقشها لمده 3 ل 4 ايام بس تبدين تطرحين النقطه تكتبين اليوم والتاريخ والساعه عشان الكل يعرف متى بدينا بالنقطه
• باقي اقل عن 20 مشاركه وبيتسكر الموضوع نبغي نسوي مرجع للي فات نقدر انضيفه ك بدايه لموضوعنا الجديد ان شاء الله

الاحتواء

صح تقبل شوشو اهم نقطه لان كثره المشاكل ونظرة الطرف الاخر للسلبيات من دون الايجابيات تشوه صورة شوشو واذا كرهناه صعبه لان الحياه ماتستمر ...فافضل شي تقبله بايجابياته اولا والسلبيات نشتغل فيها ع جنب

نتخلص من الالتصاق لانه يكره الالتصاق ويكره المره اللي كله وراه وراه حتى فوقت العمل :shutup:

الاحتواء جربته ووفعلا له نتايج ملحوظه

 

[نظــ جديدة ــرة]

اسعد الله ايامكم يابلقيسيات..

وتحية خاصة الى :icon26:اندلسية الملكة البلقيسية.:icon26:

واشكر كل من سأل عني وانا الحمد لله بصحة جيدة..

الاحتـــــــــواء

الأحتواء...زي ماقالت اندلسية...يكون في التقبل ورضي بما قسم الله

لشخص.... لان الزوج مثل ما قالت الجد...مثل البطيخة أما حمر او بيضة
يالله انت وحضك...

أنا بنسبة عندي استعداد اني اتكيف مع اي شخص ما بالك هذا زوجي

ش/ش قمة في العصبية وأنا قمة في الهدوء

واعتبر نفسي ناجحة.... في الاحتواء عن ثقة ....احتويته في

فرحة ..حزنه...همومه....معناته من اي مشكلة...ووووو

ما ادري لاني عندي كل الناس تكسر خاطري.مع العلم في الاكثرية شرور

الا ان نظرتي لهم يكسرون خاطري..احس فيهم نقص ....>>>الفرفشة..

واحب اساعد واخفف عن همومه..وشاركهم افراحهم...

بــــــــــــس لو انا مشتركة في المنتدى الرائع منذو بداية حياتي لجزمة اني

اكون في قمة السعادة >>>يالله مومشكلة الحياة قدامنا طويــــــــــلة

بنات أنا اشوف الشخصية ش/ش حلوه بس لوالسلبيات ""العصبيةووو""
يخففون عنها...

أنـــــــــــــااطمح في الشخصية الألماسية:msn-wink: وهذا اشتغل عليها .
.>>ليس لأجل ش/ش زوجي

لاااااااالأجل نفسي :icon26: أنا اولا :icon26::icon26:

وشتغل على اولادي ودي فيهم شخصياتهم ألماسية..

تحياتي:

نظرة جديدة
​

 

[الحلم الفوشي]

الحمد لله والشكر لله انتهيت من قراءه الموضوع كامل
وقبل ماابداء في اضافه تجربتي وتعليقي على الموضوع احب اشكر الملكه اندلسيه على العطاء الا محدود والتفاني والصبر لحل مشاكلنا وصبرها على اسلئه الاخوات وتعمقها في الشرح وجعل هذا الموضوع حجاب لك من النار وجزاك الله به خير الجزاء ...........
ثانيا اريد ان ابدي اعجابي بالاخت توليب وكلمه رائعه قليله في حقك عجبتني مبادئك وردوك السهله الممتنعه القصيره والموجزه في نفس الوقت ............
وكذلك لا انسى الاخوات المشاركات اللي اثروووووووووو الموضوع بتجاربهم ومشاكلهم وخبراتهم ومنهم العروس الاسيره ولازورديه وفراشه جريئه ومجنونه حنونه وحلا الجوري وجور يالربيع ودره البحار وكثير من العضوات لا استطيع حصرهم ولا اجحف تعاونهم .........
نبداء كوني جنوبيه غربيه وزوجي شمالي شرقي تعبت في بدايه زواجي على اني احبه وضحيت ولا لقيت نتاج تضحيتي الا الجحود منه طبعا مااستسلمت عدلت من نفسي وقلت لنفسي التضحيه هذي ما تنفع ابد.....
لا حظت انه ما يحب الالتصاق تركته وهو يحس بحبي وشوقي عليه يعني ما حقرته بس فكيته شري حتى لما يمر بازمه مثل وفاه عزيز عليه يكره اني اواسيه او اقرب منه كمان اخليه براحته والله مره توفى شخص عزيز ما قدرت اعبر له عن حزني عليه الا بعد 4 ايام من الحادث........
انا عيبي الوحيد اني اتنازل عن حقوقي وهذا اللي تعبني في البدايه بس هالحين صرت احسن وبديت اتغير ......
وعلى طاري الاحتواء مهم وله تاثير عليه هو يحس فيك وانتي تراقبيه من بعيد وتهتمي فيه من بعيد اذا قصرتي في مراقبته تحسين من تصرفاته انك انك مقصره لا تحقرين حتى المراقبه والاهتمام فيه من بعيد ........
وانا من الان بعد ما لحقتكم بابداء معاكم كل خطوه بخطوه في سبيل ارضاء ال ش/ش الله يخليه لنا ومعرفه اسلم الحلول في التعامل معه وارضاءه والعيش برضى معه .........
ووفــــقكم لمـــا يحــــبه اللـــــه ويــرضـــاه

 

[لازورديه]

تعرفون يابناااااااات قبل كنت اقول .. ليش ريلي جيه.. ليش .. تقليدي.. وحازم:no::no:

وكلمه لا... بينه وبينها عشق.. وكنت دايما اقول.. ليش هو مب شراه اخوانه.. :schmoll:

او عيال عمه.. تربوا مع بعض.. ودرسوا مع بعض.. ليش هو غير.. بس الحمدلله

الحين.. تفهمت انه هو غير.. يمكن صرت اشوفه احسن واحد.. فيهم..:c014: وقمت

احمد ربي اني اخذت شمالي..مااتخيل نفسي مع جنوبي.. بما اني شماليه..

تقريبا افكاره نفس افكاري..بس الاختلاف في الشرقيه والغربيه.. بما انه

انسان قائد.. عملي.. كفؤ.. يتحمل المسئوليه..الحمدلله يارب:c016:..

الاحتوااااااااااااااااااااااء..

:icon26:حسسيه انج فاهمته.. وافهميه .. ولاتضغطين عليه..

:icon26:حسسيه بحبج واهتمامج.. بس بدون ماتخنقينه..:a025:

:icon26:لاتمين تسالينه من وين رحت ومن وين جيت..ولا من كلمت اليوم.. او فلان شو يبا منك..

تراهم ينخنقون يحبون يكون لهم خصوصيه.. مب شرط.. ريل ربيعتج.. يخبرها.. من طق طق

الى سلام عليكم.. خلاص ريلج .. لازم يخبرج.. احنا اتفقنا من البدايه انه غير.. وانه احسن واحد..:icon31:

:icon26:لما يتكلم عن مشكله في دوامه.. خليج معاه للنهايه.. ولاتقولين له انت غلط.. وانت .. وانت

خلاص مابيخبرج شي.. لانهم مايحبون حد ينتقدهم.. بس انتي .. قوليله يعطيك العافيه..

وايد تتعب.. الله يصبرك.. ومن هالكلااام.. وبس

 

[كلبوزه هانم]

السلام عليكم

بارك الله لكم فى التجمع وموفقين يارب

بس انا لى اضافه غريبه شوى هل نحن بهذه المعامله الى نتعامل بيها مع ش"ش نزيد من جبروتهم اكثر ونطاوعهم بدال مانعالجهم لانهم حيتمادوا وممكن حياتنا تسير اسوء مماهى الان ...........بالعكس المفروض نفهمهم اغلاطهم ونحاول نحسن من شخصيتهم لانهم اناس صعبين وليسوا اسوياء ..........وكمان رسولنا الكريم قال انه لازم مانكون فظين فى المعامله وقساه القلب وهم ماشاءالله اساتذه ورؤساء اقسام فى القساوة ويعملوا دكتوراه فى فن التحقير كمان

معلش يمكن كلامى شديد لكن حبيت اطلع الى فى قلبى من القهر

 

[تــولــيب]

.اريد ان ابدي اعجابي بالاخت توليب....
وانا من الان بعد ما لحقتكم بابداء معاكم كل خطوه بخطوه في سبيل ارضاء ال ش/ش الله يخليه لنا ومعرفه اسلم الحلول في التعامل معه وارضاءه والعيش برضى معه .........
ووفــــقكم لمـــا يحــــبه اللـــــه ويــرضـــاه

هلا فيج .. :icon26:
انا متاكده انج راح تثرين الموضوع .. من ردك هذا !! مبين عليك فاهمه ولك اسلوب حلو !!

 

[دلوعة نفسها!]

أنا متابعه لكم يا مبدعات

وكثير تذكرون قصة أم بسمة وأم وليد

ياليت حد يحطلنا روابطهم عشان نستفيد

وجزيتم منا كل خير

 

[أندلسية]

حرام عليكم انا توي داخله يعني
انتم بتطيرووووووووون
واحنا نفحط في الصفحات القديمه!!!

نبي حل منصف...
:icon1366::icon1366::icon1366:

إذا صارت مدة طرح النقطة 4-5أيام تابعي معنا لو ماكملت وإذا فيه استفسار أجليه لحد ماتكملي قراءة
وحنا مانستغني عن مشاركاتكم:icon30:

 

[أندلسية]

درة البحار

مشكورة على طرح التجربة:cupidarrow:
وياهلا فيك

حنونة مجروحة

طريقة احتوائك لـ(ـمسكينكم)حلو (الأنصات)
تسلمين ياعسل

ذوق*

ياهلا بك
وعقبال ماتشاكي بتجاربك الناجحة:bigsmile:


القلب الرقيق

حياك الله
ومشاركتك بالاحتواء كانت رائعة مشكورة


الفنودية

اقتراحك حلو
أما الاحتواء فعلا جدا مهم



نظرة جديدة

أنـــــــــــــااطمح في الشخصية الألماسية:msn-wink: وهذا اشتغل عليها .

.>>ليس لأجل ش/ش زوجي

لاااااااالأجل نفسي :icon26: أنا اولا :icon26::icon26:

:icon31:
من إيجابيات زواجنا بأنماط تختلف عن أنماطنا : التكامل، التطوير

تخيلي غربي مع غربية:crazy:
والا شرقي مع شرقية:icon1366:

وأكثر شيء رائع بأسطرك الإيجابية
الله يحفظك :cupidarrow:

الحلم الفوشي

حياك الله
أسعدتني دعواتك
أهلا بك وسعدت بتواجدك معنا


لازورديه

لاحرمنا هذه المشاركات
شدتني نقطة الدفاع وحمل كل الأمور بحمل الجد:
أبو صالح مو قصده، لا محمد مسكين وراك عليه ، لا هو أكيد مايعنيك:crazy:
فعلا الشمالي الشرقي ينزعج من هذا الأسلوب:sad_1:

 

[أندلسية]

السلام عليكم

بارك الله لكم فى التجمع وموفقين يارب

بس انا لى اضافه غريبه شوى هل نحن بهذه المعامله الى نتعامل بيها مع ش"ش نزيد من جبروتهم اكثر ونطاوعهم بدال مانعالجهم لانهم حيتمادوا وممكن حياتنا تسير اسوء مماهى الان ...........بالعكس المفروض نفهمهم اغلاطهم ونحاول نحسن من شخصيتهم لانهم اناس صعبين وليسوا اسوياء ..........وكمان رسولنا الكريم قال انه لازم مانكون فظين فى المعامله وقساه القلب وهم ماشاءالله اساتذه ورؤساء اقسام فى القساوة ويعملوا دكتوراه فى فن التحقير كمان

معلش يمكن كلامى شديد لكن حبيت اطلع الى فى قلبى من القهر

ياسلام عليك
مااقتنعت بالطبيق.. وذكرت اشكاليتك:icon30:

شفي حبيبتي عموما لما تحتكي بشخص فيه حالتين:
1/أنه يغلط عليك
2/أنه مايغلط عليك


في الحالة الأولى لازم تكون لك وقفة
ترجعي لذاتك حقها

غلط عليك بيني عدم رضاك بكلام ثابت وواضح وواثق من الاستجابة، من غير نية انتقام أو تصفية حسابات:showoff:
أو أنك بيني حزنك بس من غير ماتنتقمي من نفسك!!
ولاتنتظرين إعتذار.. سيكون عملي لأنه ش

تضايق من غير سبب
خليه براحته لاتزعلين ولاتتضايقين
إذا أنت ماغلطتي خلاص
راح يرجع من نفسه مثل ماتضايق من نفسه

**طيب أحسن معاكم وصار إيجابي
مو من حقة تعطينه تغذية راجعة
ومن تجربة الشمالي الشرقي يعاملك على أساسين:
1)على ماتعاملي نفسك فيه والموضع اللي حاطة نفسك فيه
2)على ماتعامليه .. قدرتيه يقدرك، طنشتيه يطنشك، صرتي جافة معاه يصير أجف:crazy:

الشمالي يميل للتسلط كما يميل الجنوبي للإدمان
يتسلط على ذل الضعيفة وليس على تقدير الناضجة
إذا كان يعرف قوتك لن يفرغ تسلطه عليك

أي أننا بحاجة لنقاط الإعجاب قبل نقاط الاستمرارية:icon26:

 

[أندلسية]

لا ... يكرم الشوشو من التشرشح والتشريح :nosweat: ..
:clap:
:clap:
الاحتواء ,, مثل ما قالت اندلسيه مايبدا الا بعد التقبل ..
اذا تقبلتي اختلافه عنك .. وعن اخوك وعن ابوك .. وعن صديقه خالد .. وعن اخوه محمد .. هو غير ... هو صحيح تربى في بيت واحد بس ترى يفرق اخوه .. لان استعداده الفطري غير .. جيناته هو غير ,, الا اذا كان توأم ..:msn-wink: ..
ويفرق عن ولد عمه .. مع انهم متربيين في نفس الفريف ودارسين نفس المدرسه ولهم نفس الهوايات .. هـــو غيـــــــــــــــــر .. غيـــــــــــــــــــر !!

ويفرق عنك انتي ياشماليه يالشرقيه .. مع انه هو شمالي شرقي .. تعرفين ليه ؟؟.. بكل بســــــــــاطه انتي حواء وهو ادم ..

بعد كذا .. تحتوينه .. في فرحه .. وفي حزنه .. وفي تعبه .. وفي غضبه .. احتويه . ولا تحظنينه وتخنقينه .. بيشرد ..
:dunno::msn-wink:
الاحتواء انج تعرفين اخباره .. وعلومه العامه .. وخططه المستقبليه .. واذا ماحب انك تشاركينه .. فتقبلي انه مايحب يشاركج في خططه المستقبليه ياما انج ماوصلتي للثقته .. او هو يريد الاحتفاظ بها لنفسه ..

لا تلزقين فيه . .بلفيت بتحتوينه .. لا شوي وروحـــــــــــي .. بعيد .. طلعي من المكان .. اللتهي في شي .. عطيه حلوى .. وخذيها وخشيها .. واذا عجبته بيجي يبي منج تعطينه .. لا تغثينه بالحلوى ..بتجيه قرفه ولوعه من الحلوى !!
اذا مرض .. عطيه دواه .. حطي له كمادات .. وسوي له مساج .. وبس روحي .. وكل فتره ادخلي عليه ..وطلعي .. خليه .. اذا هو حب وجوده بيطلب من زوجته الدلوعه تقعد جنبه ..واذا مابغى بكيــــــــــفه .. مو منج .. منه هو !! هم مايحبون يكونون تحت جميل حد ... وان فلان سوى شي عشانه ..


الاختلاف لا يعني بالضروره الخطا .. فالبشر مختلفون ..:icon26:

:cupidarrow:

فديت هالطلة
دائما متميزة

لاتعليق ماشاء الله

 

[سارونة333]

بالنسبة للاحتواء انا ما كنت احتويه لان تصرفاته ما كانت تعجبني او بمعنى اصح مو متقبله تصرفاته
بس الحين بعد ماعرفت شخصيته لازم اغير مسار الخطة اللي كنت امشي عليها
ومن عيوبي اني كنت فعلا ادافع عن الناس واوقف معاهم ضده بس الله العالم ان قصدي كان مصلحته هو
بس بعدين لاحظته يتضايق فصرت احاول اسايره قد ما اقدر

 

[درة البحار]

نظرة جديدة : الحمد لله على سلامتك.

الحلم الفوشي : مشكورة ياقمر ما توقعت تذكريني من بين أساتذتي ، أشكرك على ثقتك.

كلبوزه هانم: إحنا نتعلم ونتثقف عشان نفيد أنفسنا أولا ونعيش براحة بدل المضادة مع النصف الآخر فمتى عرفناه عشنا بسلام وهذا المطلوب، المقصد أنت عدلي فيه بعد ما يعجب ويثق فيك ، يارب أفدتك.

دلوعة نفسها : تمنيت لو ساعدتك لكن النت بطيئ جدا ولا يفتح لكن اذهبي للصفحة الرئيسية للمنتدى واختاري قسم القصص والحكايات ستظهر لك قصة أم بسمة كتبتها بنفسها وقصة أم الوليد كتبتها الأستاذة .. وغيرها من القصص , وفقتي.


أخواتي قرأت كلام للأخت سيدة القرار في قسم الإستشارات الزوجية العامة تقول فيها أنها سمعت الأستاذة ناعمة بدورتها الأخيرة تقول أن الشمالي معروف بالخياااانة .. أرجوكم تطرقوا لهذا الموضوع . وهذا رابط موضوعها:
http://www.niswh.com/vb/showthread.php?t=86464

وفي أمان الله اقترب الموضوع للإغلاق , أراكم وكلي شوق في الموضوع القادم .

 

[ريف 30]

مراحب
مالي بعد الله الا انتم
زوجي يحبني واحبه بس ازوج علي قدر ومكتوب واللحين وش رايكم ش/ش
ينفع اطنشششششششششش ولا ارد عليه والا اقرب منه
مع اني اقول بحاول ابعد عنه وش راييكم
اخااف اطنشه ويروح لها واخاف اقرب ويتمسك اكثر بها
وش الحل تكفووووووووووون

 

[القلب الرقيق]

ومن تجربة الشمالي الشرقي يعاملك على أساسين:
1)على ماتعاملي نفسك فيه والموضع اللي حاطة نفسك فيه
2)على ماتعامليه .. قدرتيه يقدرك، طنشتيه يطنشك، صرتي جافة معاه يصير أجف:crazy:

الشمالي يميل للتسلط كما يميل الجنوبي للإدمان
يتسلط على ذل الضعيفة وليس على تقدير الناضجة
إذا كان يعرف قوتك لن يفرغ تسلطه عليك

أي أننا بحاجة لنقاط الإعجاب قبل نقاط الاستمرارية:icon26:

اندلسية ...تعبت وانا اعامله عدل واقدره ....وللحين ما تعدلت معاملته ...علشان جذيه بديت اطنشه ...واحسسه دايما انه عندي اشغال ...غير انشغالي بارضاء حضرته ؟
شرايج ؟​

 

[أندلسية]

اندلسية ...تعبت وانا اعامله عدل واقدره ....وللحين ما تعدلت معاملته ...علشان جذيه بديت اطنشه ...واحسسه دايما انه عندي اشغال ...غير انشغالي بارضاء حضرته ؟​

شرايج ؟​

1/بديتي بمحاور الإعجاب!!

2/التقدير لا يعني الانشغال برضاه
لا
فقط تفهمي حاجاته
التقدير يكون داخليا والاحتواء هو السلوك الظاهر
ولو لاحظت أنه أغلب نقاط الاحتواء تعديل للسلوك وليست إضافة مهمة
يعني لما يدخل متضايق
مانقول وش فيك، من اللي مزعلك ، ووش ومن
ولا نتضايق-واللي لازم يبان علينا- من تضايقه
لا
بس نتفهم لأنه كـ(ش/ش)يتعرض كثير للضيق بسبب خصائصة فأعطيه جو هاديء ومريح ولو بس خليته يرتاح ورحت أنشغل باشغالي
3/لم نقصد الانشغال برضاه عن اشغالك
إذا عندك اشغال بادري بإنهائها
لأنه: أنت أولا ولأنه يحب العملية:icon31:

4/ ومانغفل أن الرجال يختلفون..