خواتي احترت مع الشمالي الشرقي

الحالة
مغلق و غير مفتوح للمزيد من الردود.
س

سيدة القرار

New member
إنضم
2007/07/27
المشاركات
32
زوجي شمالي شرقي وانا جنوبيه شرقيه وحضرت دورة دكتورتنا ناعمه الي من كم يوم وقالت ان الشماليين معروفيين بخيانتهم وامس لقيت كشوفات الجوال قلت في نفسي يالله اشوفها وهي لزوجي لقيت ارقام متكررو لاكثر من دوله المهم ذبحني الفضول ولقيت الارقام المتكررة لبنات وتاكدت من اتصال لهم المهم زعلت وعصبت وبكيت وهو الحين مسافر وبيرد بعد شهر كلمته اليوم وانجرت فيه وقلت له ليش تستغفلني اذا انا موعاجبتك ردني لبيت اهلي وكلم بنات الحرام على كيفك اذا مو قد الزواج والعيال ليش تزوجة هو مو مقصر معي في شي واحس ان مكالمته بس عشان يثبت لنفسه ولربعه ان له مغامرات وانه ينحب بس المشكله الحين اني قلت له اني كشفة خياناتك والحين ابي اعرف شلون اردعه وادبه عشان ما يكررها الحين بالنسبه لهل االشماليين الشرقيين اطنش له ولا انتظره يرجع واعطيه الكشوفات الارقام واواجه فيها شالطريقه الصحيحه لتعامل معه الي مريحني من هالخيانه انه ماينام مع هالوسخات لانه نزل في زياره لنا وكان مشتاق واييد وانه ماسوى شي مع حد لانه يخاف على نفسه ولاحظت من خلال رده علي مايبي يخسرني ولا يبي يعترف بخطاة وختمها باني انا الي السبب لاني مااطبخ له مااغسل ملابسه واعذارة الي مادش عقلي يعني الي يكلمها عشان تطبخ له وتغسل له المشكله له اكثر من علاقه في كل دوله


ساعدوني محتاجه لمشورتكم ضايعه والله
 
اللي سويتــــــــــي انتي غلط ليش علمتيه
كان سكتي ولا كان شي صار وحاولتي تكملين نقصك وتحتوينه
انتي قلتي انك مقصره بحقه يعني اتي السبب باللي قاعد يسوي
ياختي عدلي من نفسك ومن طريقتك ولا تقصرين معاه بشي
خليك معاه بكل شي خليه يحس انك جنبه وانك مستحيييييييل تتخلين عنه
كوني له اربعه بواحد (الاخت والام والزوجه والصديق) يكن لك وحدك
وعليييييييك بالدعاء وكثره الاستغفار والصدقه والله يفرج لك يارب

((دعواتك لي فانا في كربه الله يفرجها لي ولك وللمكروبين))
 
انا بعد زوجي شمالي شرقي وينكر كل شي بس ماني عارفه نوع العلاقه مااقول الا الله يفرج لنا من عنده
 
وأنت ليش مقصرة معاه؟
يعني ترمينه في البحر ثم تقولين لا تغرق؟؟

يا أختي أنا قرأت للأستاذة ناعمة بنفسي تقول لما يخون زوجك فأنت لك نصيب من خيانته ، لأول مرة أشوف في هذا المنتدى وحدة تقول ما أطبخ ولا أغسل لزوجي ..
فتشي نقاط الضعف عندك وكمليها وخليك تحت خدمته عشان ما يتركك .. ومثل ما قالت الأستاذة الشمالي الشرقي لما يحب يحب بجنون حتى لو تزوج ما يقدر يجمع ثنتين أكسبيه قبل ما تكسبه وحده ثانية

بالنسبة للسويتيه : لا تعتذرين ولا تواجهينه مرة ثانية وانسي الموضوع ولا تنبشين عن الماضي ولا تعتذرين فقط اسكتي ولا شيء صار وكملي نفسك بسكوت واحتوي زوجك عشان يربط عينه عليك
أخيرا: حبيت أوضح لك التفتيش في أغراض الزوج لا تجوز كما أنه لا يجوز له التفتيش في أغراضك لأن لكل منكما حياته الخاصة لا يجوز لغيره التفتيش عنها وهذا ما سمعته من الشيخ بأذني

وفقك المولى..
 
حبيبتي اول شي حاولي تسدي النواقص الي فيج
يعني تكملين الي هو يشوفه انج مقصره فيه

ثاني شي لا تسكتين عنه وخليه يعرف انج عرفتي وخليه يتأسف لج ويوعدج انه ما يسوي جذي
وان هالشي زعلج وايد وانج بكيتي وانه الغالي وماترضين انه يكلم غيرج لانج تحبينه
انا حضرت لناعمه وقالت اهم شي دايم بينوا لازواجكم انكم تحبونهم طول الوقت قوليله انج تحبينه
وان تغارين وما تبين حد يكلمه ولا يسمع صوت وحده غيرج وانج بتسوين له الي يبيه

وانتي بعد داريه وخذي الي في خاطره واعرفي هو ليش سوا كذا وسوي الي ريلج يحبه
واذا يحب انج تطبخين له اطبخي لان هالشي مهم للشمالي

واذا عن الغسيل قطيهم على الشغاله وقوليله انج انتي الي غاسله وعطري ثيابه وهم في الكبت
يعني سوي لمسات خاصه فيج يعرف من خلالها انج مهتمه فيه

ولا تعاندينه في هالشغلات اذا قالج اطبخي قولي ان شالله باتعلم ومن هالحجي يعني كله داريه وخذي بخاطره
 
الغلط انك واجهتيه المره الجايه راح يخونك قدامك وانتي تشوفيني ولا يهمه لانك خلااااااص عرفتي والشمالي الشرقي اذا انكشف ما يهمه احد
وممكن يضربك علشانهم

لو اعتذر وقال لا وانكر سوى نفسك انك صدقتيه وممكن تبحثين بدون علمه ويكون معاك ادله عليه لوقت الحاجه

الاهم انك تمسكين اعصابك ولا توااااااااااااااااااااااااجهينه
وحسني من وضعك واطبخي لزوجك

واهتمي فيه لدرجه انه ما يقدر يستغني عنك

وبعدين سوي طريقه تقضي على العشيقه

اقرائي قصه ام بسمه وقصه برود كيف قضوا على العشيقه

 
الله يكون في عنج اختي

روحي قسم الزوج والزواج في مجموعات لزوجات الشماليين الشرقيين اسأليهم وبتستفيدين منهم وايد الله يوفقج
 
الله يكون فعونج اختي بس مثل ماقالن الاخوات غلط انج بينتيله انج كشفتي خيانته المفروض ماتخبرينه وتحاولين ادورين ع حل مناسب شوفي اذا انتي مقصره فشي.....

اقري اخر ردود للاستاذه ناعمه فقصة برود ومطر فيه مقارنه بين الشمالي والجنوبي

انتي لانج جنوبيه تمرين وبتصيحين وبتعبين عمرج وهوه اذا شافج بهل الحال واهملتي نفسج وذبلتي عادي يدورله ع زوجه ثانيه ...

سوي مثل الشماليين يحلون مشاكلهن ويدورون حلول مناسبه

وقسم الزوج والزواج فيه اكثر عن موضوع عن الشمالي الشرقي وعندج موضوع رحلة استكشاف الشمالي الشرقي وايد مفيد وبتعرفين كيف اتعاملين معاه....

بالتوفيق
 
اتوقع منك عدم تكرار المواجهة ابدا وسوي نفسك مصدقته لانة لن يتوب ابدا طول مانتي فيك جوانب نقص اقرئي في قسم الزوج والزواج عن موضوع الاخت اندلسية الشمالي الشرقي تحت الضؤ بينفعك ولعلمك انت لست الوحيدة في هذة التجربة انا عانيت ومازلت اكافح ولكن بصمت وعزيمة على ان انتصر عليهن وخلي بالك ان بيكرر الخيانة لان الشمالي الشرقي ماترتاحين ولاتاخذين معاه نفس ابدا خلي بالك طووووووووووويل في المعركة واعصابك في الفريييييييييزر والله يوفقك
 
أعرف ان الموضوع قديم لكن لي تعقيب على بعض الردود
اذا كان زوجك خاين فليس لتقصير منك .. ثم مهما حدث من تقصير من ناحيتك اتجاهه فهذا لا يبرر له أبدا خطئه الكبير .. الرجل الحق هو الذي يتحكم بنزواته ولا تتحكم نزواته الوضيعة فيه
قد يكون للزوجة بعض الأخطاء لكنها ليست أبدا السبب وراء ذنوب زوجها او اَي احد آخر .. كلنا مسؤولون عن افعالنا وأخطائنا ومن المجحف إلقاء اللوم على الطرف الآخر بل من المنصف إلقاء اللوم كاملا على الزوج الخائن سواء كان رجلا او امرأة .. لا شيئ يبرر الخيانة مهما كانت اخطاء الطرف الاخر
ومن هنا احيي كل زوجة مغدورة تحاول الحفاظ على بيتها وايقاظ زوجها من غفلته فهي في ديننا لها كل الاختيار في البقاء او طلب الطلاق اذا اكتشفت اَي خطأ من زوجها يبيح لها الطلاق
خلاصة القول الزوجة ليست ملزمة بالبقاء أبدا او إيجاد الحلول .. واذا بقيت فليحمد الله ربه ولتحظى هي من المجتمع بكل الدعم المنصف
 
الحالة
مغلق و غير مفتوح للمزيد من الردود.
عودة
أعلى أسفل