استعدت اسمهان وراحت للمطعم مع زوجها وأم زوجها..... وبالمطعم كل واحد منهم أخذ المنيو(قائمة الطعام) وبدأ يختار.. عبدالرحمن:اش تبين تتغدين يمه؟ أم عبدالرحمن:صراحةً..أنا أحب الأكلات الشامية والمقبلات مرة..بس مدري عنكم اش بتختارون.. عبدالرحمن:رأيي من رأيك نفسي بتشكيلة مشاوي بعد.. اسمهان:أنا نفسي أطلب أكل صيني!! عبدالرحمن:أفا ياسمونة...تفضلين أكل تشيانغ تشونغ هونغ بونغ على الأكل الشرقي؟؟ اسمهان:الناس أذواق.. أم عبدالرحمن:هم بنات هالوقت كذا!!يكرهون كل شي شرقي إلا الرقص الشرقي!!ههههه اسمهان وعبدالرحمن:هههههه اسمهان:بالعكس ياخالتي..عبدالرحمن رجل شرقي وأحبه بكل مواصفاته حتى شرقيته اللي يلبسها برجليه..ويازين الهواء الشرقي!! عبدالرحمن:صحيح..واسمهان كل أفكارها من الشرق وأنا من الغرب وبالرغم من ذلك نتوافق مع بعض!تطبخ لي أحياناً أصناف لالها جنسية ولاهوية ولاهي من الشرق ولاالغرب وإن أكلتها أشرق!ودوم هي مغربت بي ومشرقت بي!!! أم عبدالرحمن:الله يجعلها شمس مشرقة بحياتك.... وبدأوا يدردشون لين جاء وقت الغداء تغدوا وشبعوا وقاموا..ركبوا السيارة ومروا على أحلام صلوا العصر عندها وأخذوها وراحوا للسوق.. وقالت لهم اسمهان عن رغبات مرام وذوقها.. لقيوا الأشياء اللي ناسبتهم من عربية الملكة وملحقاتها واتفقوا مع المحل يشرعها لهم بألوان مناسبة بحسب لون فستان العروس.. أما الذهب قرروا يأجلونه ليوم ثاني وراحوا اشتروا هدايا لسماح.. وأذن المغرب اتجهوا لمسجد يصلون فيه.. وبعد ماانتهوا من الصلاة وهم جالسين جنب بعض..فجأة كان فيه حرمة واقفة يسار اسمهان وفجأة انصرعت وطاحت على الأرض وانقلبت عيونها وصارت ترفس اللي حولها وتشد على لسانها لين انجرح وخرج من فمها دم وترغي وتزبد!!! انفجعت اسمهان وصارت تصيح من الخرعة مسكتها أم عبدالرحمن وأحلام يهَدُّونها..أما الحرمة المصروعة اجتمعوا عليها الحريم اللي بالمسجد ومسكوها بقوة وصاروا يقرأون عليها...لين ماراحت نوبة الصرع اللي انتابتها وقامت وصارت تناظر بإحراج في اللي حولها... الحريم:سلامات سلامات..لاباس عليك... الحرمة:مافيني إلا العافية بس نسيت آخذ دواي.. لبست شيلتها ومسحت فمها وخرجت... أم عبدالرحمن:الله يشفيها زين ماطاحت برة قدام الرِجال... أحلام:بسم الله توقعتها ممسوسة اسمهان:أنا اللي اخترعت ورجولي موب شايلتني..انصرعت علي..وخبطت فيني... أم عبدالرحمن:يمكنها مثل عمة أبوك منيرة تتذكرينها ياأحلام؟ أحلام:ايه..الله يشفيها.. اسمهان:طيب ليش يصير الصرع؟ أم عبدالرحمن:حسب ماأعرف إنه الكهرباء تزيد بالمخ..والأكسجين ينقطع عن مراكز بالدماغ تخلي الانسان موب متوازن ويتشنج مثل ماشفتي..ومنيرة كانت لاانتظمت على الدواء تكون بأحسن حال بس أول ماتتأخر عن الموعد وتنساه تجيها نوبة الصرع... خرجوا من المسجد ولقيوا عبدالرحمن ينتظرهم... توجهوا للمستشفى..ودخلوا لسماح لقيوا الغرفة مليانة زوار أهل سماح وأهل اسمهان وبعض صاحبات سماح وجاراتها.. سلمت أحلام وأم عبدالرحمن وباركوا وشافوا انه الوضع يجبرهم يمشون لأنه الغرفة زحمة..أما اسمهان جلست... شوي الا انفتح باب الغرفة ودخلت عـــــــــــــــــــــــــــــــــــــزة!!!!! سلمت على الجميع..وكان الزوار كل شوي يقل عددهم.. اسمهان:أعرِّفكم ياجماعة..هذي عزة زوجها صاحب عبدالرحمن.. عزة:قولي هذي عزة صاحبتي!! سلمت على الجميع.. عزة:مين هذول يااسمهان عرفيني! قامت اسمهان تعرفها بهم وحدة وحدة.. عزة لــسماح:مبروك..ان شاء الله الجاي ولد!! سماح:عندي ولدين قبلها والحمدلله... عزة:على بالي أول طفلة... أسماء:وانتي كم عندك ماشاء الله؟ عزة:ثلاث ..بنت وولدين...عقبال اسمهان..!!! اسمهان:آمين... وقامت أم اسمهان تسولف وتقول حكايات.. عزة:باين عليك ياأم اسمهان اجتماعية وتحبين الناس ليتك تعطين اسمهان شوي...لو ماأرفع عليها سماعة وأتواصل معاها ماتسأل عني!!!!!!!!! أم اسمهان:اسمهان وراها دراستها يابنتي..حتى إحنا مانقابلها إلا نهاية الأسبوع... عزة:أنا لو علي ماأقعد دقيقة بالبيت..بس حكم القوي على الضعيف!!! أم تركي:الحرمة السنعة مكانها البيت..كثر الدوجة تضر ماتفيد!!! عزة:مو من كثر ماأدوج..أنا لافكرت أطلع أبي أطلع أؤدي واجب بس!مثل جيتي لكم الحين ماجابني زوجي لين ماعل قلبي!قال إيش ماله داعي!! ابتسام:ماكان له داعي تتعبين نفسك وتجين دام زوجك مو راضي عزة:موب على كيفه!!أنا لو أطاوعه بكل شي كان خربت الدنيا!شرهان علي مازرت أخته يوم ولدت ويبي يعاندني ومايجيبني لكم!!
تفشلت اسمهان من صراحة عزة ومو عارفة شلون تتصرف!! أم اسمهان:ولش يابنتي مازرتي أخته؟؟؟ عزة:من زين أهله حتى أواصلهم؟ أنا أواصل اللي أحبهم بس!!!!! أم سماح:بس الواجب واجب تحبين أهل زوجك أو ماتحبينهم لزوم تقومين بواجبهم..ولك أجر عزة:أجر يجيني من طرفهم ماأبيه! أسماء:يالطيف يارب..ذابحين لك أحد؟؟؟ عزة:لا ياحبيبتي..بس مافيهم خير وكل شي ينتقدوني فيه..و... قاطعتها اسمهان وتبي تلطف الجو: عزة تفضلي شوكليت ..واشفيك ماتتقهوين؟؟ شربت عزة قهوة..وبدأت بتتكلم قامت اسمهان قاطعتها:تصدقين؟ آثاري عبدالرحمن يوم جاء ياخذني أمس قابل صاحبه سلمان وكان معاه زوجته..سأله عبدالرحمن:عسى ماشر قال ان زوجته حامل بالثامن.. عزة:وعسى في نيتك تزورينها لاولدت؟؟ اسمهان:إن شاء الله..اش المانع؟ عزة:بعدين أحكي لك..حرمة ماوراها إلا المشاكل ودوخة الراس بعد دقايق خرجت عزة من الغرفة يوم زوجها ناداها.. ابتسام:استغفر الله..هم وانزاح!! أسماء:تعالي يامدام اسمهان..بالله هذي وحدة تتشرفين بالتواصل معها؟؟ اسمهان:يعني اللي يشوفكم يقول انتم ماتحشون وتتكلمون مثلها!!!!! أسماء:لا ماأنكر بس على الأقل نتكلم بيننا وبين بعض..مو عند الغُرب اللي مانعرفهم!!شكل هالحرمة نسرة ماتتعاشر!! سماح:تبين الصراحة ياسمهونة؟أنا مرة ماارتحت لها!! أم تركي:يابنتي الله يكملك بعقلك وش حادك على هالحرمة ماتنحب أبد!! أم اسمهان:صادقين يابنتي...شكلها الله يغفر لها مو عاقلة وتحب المشاكل وماعليك منها لاولدت زوجة صاحب زوجك روحي زوريها.. ========= التكملة بعديـــــــــــــــــن!!
ناصر:ههههههه وش هالخرابيط؟ انتي بعد قصيدتك ذي تروحين تفتحين بسطة عطور ومكياج في الخازكية!!!!!!!!!!!! رانية:معليش أيها الشاعر العظيم صعب أوصل مستواك!!! ================= أدري بتقولون قصير كالعادة!!بس هذا الجزء حطيته تحلية بعد العشا وغداً نلتقي!!!!!!!
مر الأسبوع الدراسي على خير من غير جديد يذكر..وسماح طلعت من المستشفى على بيتها وأمها جلست معاها لرعايتها فترة الأربعين.. وأبلة جوهرة فرحانة بحملها اللي صار واضح للجميع! وقبل ماتبدأ الدراسة كانت ابتسام قد رجعت لبيتها ولكنها فوجئت ببوادر ولادة مبكرة في أول أسبوع دراسي!باقي على موعدها الفعلي للولادة 23يوم تقريباً..... وولدت هناك ولما زوجها خبَّر أهلها سافرت أمها لها....وأخذت معاها الشغالة كاتيا... وبيوم راحت أسماء تزور اسمهان.... اسمهان:ياحليل ابتسام ودي أشوف ولدها.. أسماء:الجوالات ماخلت شي يقدرون يصورونه لنا ويرسلون الصورة وسايط.. اسمهان:طيب متى بيطلع من الحضانة؟ أسماء:مدري..بس المعروف إنه أي طفل ينولد قبل أوانه..يظل فترة في الحضانة لين ماتتحسن أوضاعه... اسمهان:وليش ماتفكر تجينا مع أمي لارجعت؟ أسماء:نسيتي إنه بناتها بالمدرسة؟ اسمهان:ايه صح!على كذا ماراح نشوفها إلا بإجازة الصيف بعد3 شهور!طيب اشفيهم ماسموا الولد لين الحين؟؟؟ أسماء:أنا متأكدة من إنهم بيقعدون يحومون لين مايرضخون لرأي العجوز أم زوجها ويسمونه على الشيبة الله يرحمه! اسمهان:حرام عليك!تهقين ابتسام بتوافق تسمي ولدها معيقل؟ أسماء:مع العجايز كل شي جايز!!! ========================= وفي منزل ابتسام كانت أمها وأم زوجها قاعدين معاها... أم اسمهان:وش نويتوا تسمون ولدكم ياابتسام؟ أم زوج ابتسام:مايحتاج تسألينها بيسمونه معيقل ان شاء الله!!!!! أم اسمهان:بس ياأم عبدالعزيز ماتلاحظين ان الاسم قديم ومو دارج هالأيام ويعتبر غريب؟..والمفروض إن الأب والأم يجتهدون في تسمية ولدهم بإسم أحسن؟ أم زوج ابتسام:إحنا هذا طبعنا كل رجال لازم يسمي ولده على أبوه.. ابتسام:خالتي بأجيبها لك من الآخر!انتي ماحملتيه ولاولدتيه ولابتتعبين في تربيته!إذن أنا الوحيدة اللي من حقي أسميه!! أم زوج ابتسام:والله يابنت نبيلة صار لك لسان واستقويتي بـ أمك!الولد بنسميه معيقل يعني بنسميه معيقل..وغير كذا ماعندي!! أم اسمهان:اذكروا الله ياجماعة.. ودخل زوج ابتسام على الهوشة.... أم زوج ابتسام:تعال اسمع زوجتك واش تقول؟تقول مو من حقي أسمي الولد وأنا جدته!!! ابتسام:الله أكبر!أنا قلت لك هالكلام؟؟أنا قلت ماحد تعب وبيتعب فيه غيري لذلك أنا الوحيدة اللي المفروض أسميه.. زوج ابتسام :ماشاء الله عليك..فسَّر الماء بعد الجهدِ بالماء!!!!! أم زوج ابتسام:ولدك بتسميه معيقل غصب عن اللي يرضى واللي مايرضى!! زوج ابتسام:ولايهمك يمه..مايصير خاطرك إلا طيب.. ابتسام(بدهشة):نــــــــــــــــعم؟؟؟ومين قال لك أنا راضية؟؟ أم اسمهان:خلاص استهدوا بالله ومايصير إلا كل خير.. ابتلت عيون ابتسام بالدموع وهي على فراشها.. وقامت العجوز لدورة المياه..وأم اسمهان جاها اتصال وقامت تكلم بالغرفة الثانية.... ابتسام:صدقني إني ماراح أنادي ولدي طول حياتي بإسم معيقل حتى لو كان مسجل على الورق... زوج ابتسام بهمس:يابنت الحلال أنا ماسميته معيقل ولاشي..بس شكلياً قدام أمي نقول لها كذا عشان ماتزعل! كم بقى لها بالعمر مسكينة؟ خل نرضيها!لكن أنا سميت الولد وسويت أوراقه خلاص!! ابتسام:من غير ماتشاورني؟؟؟؟؟؟ زوج ابتسام:الصراحة أنا طاح بيدي قبل مدة دفتر مذكراتك أيام الجامعة ولاحظت إنك توقعين بإسم(أم صهيب) فقلت بنفسي أكيد هالاسم داخل مزاجك..وسميت ولدنا صُهيب!! ابتسام:روح عسى الله يوفقك ولايحرمني منك!! ======================= مرت الأيام وبعد 3 أسابيع رجعت أم اسمهان لبيتها.... أما في المدرسة دار الحوار التالي... نجلاء:مبروك يامرام مقدماً مابقى على ملكتك إلا أسبوع بس.. أفنان:ياالله ماأسرع الأيام كيف تجري! رانية:الـــــــــلــــــــــه..الوناسة مقبلة والأفراح بالطريق... اسمهان:ياترى واش اخترتي زَفَتِك؟علمينا عشان نعرف شلون نتساعد معاك ونشاركك. مرام:معليش ياجماعة!أكثر من حضوركم ماأبغى!يكفي التصفير والتصفيق منكم لاطلعت على المنصة!! رانية:ايش؟ايش؟تصفير وتصفيق؟تبينا نحضر عشان نصفق ونصفر؟شايفتنا كفار قريش؟؟ مرام:وش هالكلام؟وكفار قريش؟تستهبلين؟؟ أفنان:صدق..كفار قريش كانت عبادتهم في الجاهلية الطواف حول الكعبة والتصفيق والتصفير!!ماقد قرأتي في القرآن كلمة مكاء وتصدية؟؟؟؟؟؟؟ اسمهان:غريب طبعك يامرام!العادة الوحدة تبغى صديقاتها بيوم فرحتها يكونون حولها ويشاركونها..أنا شخصياً أروع ذكرى أتذكرها من ملكتي هي وجودكم حولي والأجواء الحلوة اللي سويتوها.. مرام:سوري..لاتفهموني غلط! ماودي بخبص الحركات أبي ملكتي تكون راقية..!!! رانية:ياشيخة حق من رقك مثل الرقاق وسوى بك خبيصة!! يعني قصدك إحنا بنخبص لك ملكتك؟ والا كنتي شايفة ملكاتنا مخبوصة؟؟باقي نشوف ملكتك الراقية شلون بتطلع!!عسى الكهرب ينطفي عليك وانتي داخلة بالزفة!!!!! الشلة:هههههههههه مرام:تدعين علي يالنذلة؟؟طبعاً يحق لك..انتي أكثر وحدة مجنونة أعراس..وودك جنانك كله تطلعينه لاحضرتي ملكتي..لكن حريمتك!! نجلاء:ياجماعة اشفيكم قلبتوا السالفة هوشة؟المسألة ومافيها إن مرام تبي تحتفظ ببريستيجها يوم الملكة!!مالي داعي نخربط عليها رانية:هي الخسرانة..أنا عن نفسي بأقعد لابدة بالكرسي وماني قايمة من مكاني!! اسمهان:خذيني جنبك..أنا زوجة الأخ الأكبر لخطيب مرام..وبأسوي فيها رزة وانثبر بعد.. أفنان:وأنا مالي في الرقص كثير بس أجامل بعض المرات.. نجلاء:وأنا بـ أنصاع لأوامر صديقتنا مرام.. مرام:شكراً..وهذا عشمي فيكم..عن إذنكم وراحت تتكلم مع بنات واقفين بعيد نادوها كانوا يستفسرون عن أسعار مشغل أختها.. رانية: بنات ..يوم ملكتها نبي نسوي دجة معتبرة وماعليكم منها!!مين منكم موافقة؟؟؟ اسمهان ونجلاء وأفنان:موافقين كلنا!!! ====================== ترقبوا الجزء القادم اليوم(ملكة مرام)!!
راحت رانية للمدرسة ثاني يوم واجتمعت بالشلة... نجلاء:هاه؟اش أخبار مرام؟ترانا نفذنا كلامك ومااتصلنا فيها بناءً على طلبك. رانية:مافيها شي..خايفة على بشرتها من الشمس ياحظي!!وتقول إنها عروس ولازم تستعد!ورسالتها لكم ماتبي خزعبلات وحركات!!بس على مين يامرام؟؟أوريكم فيها يوم الملكة!! أفنان:عاد إنتي من غير ماتسوين شي يارانية أي مناسبة تروحينها تقلبينها فوق تحت!فمابالكم يوم توعدتي مرام الله يستر بس!هههههههه اسمهان:الله يهديكم بس..اشفيكم هالسنة تركتوا المقالب والمشاكل في بنات الناس وقمتوا تتمشكلون مع بعض؟؟؟؟والوحدة منكم يالطيف من يوم تجي بالصباح ونفسها بـ راس خشمها!اللي عندها طاقة زايدة تروح تكنس الساحة أحسن لها!!!!!!! رانية:أكنس الساحة يااسمهانوه؟؟طبعاً كأنك واقفة بـ صف الست مرام؟مو بتسيرون سلايف؟بتبدأ حركات الأحزاب! اسمهان:أي أحزاب وأي خرابيط؟كلكم على العين والراس..وبعدين من يوم ماتعرفنا على مرام قبل سنين وإحنا داريين إنها مغرورة شوي ودلوعة..اش اللي اختلف يعني؟؟ رانية:اللي اختلف إني أكثر وحدة صار لي مواقف معاها..بس مو كل شي أحكي لكم عنه!! نجلاء:هذا لأنه لسانك طول الوقت بره عطيه فرصة وحدة بالعمر يرتاح شوي!!ماأقول غير الله يعين نويصر عليك!! اسمهان:ايه صحيح يارنو وش أخبار هالنويصر معاك؟؟؟ رانية:وااااي وااااي عليه فديته طايح فيني رومانسية وغزل بشكل ماحصل!! أفنان:الله يهني سعيد بسعيدة!! نجلاء:هههههههه نفسي أصدقك..بس مو قادرة!! رانية:بالله خذي أفنان وضفوا وجوهكم عني أبي أتكلم مع اسمهان شوي.. وراحوا نجلاء وأفنان... وقعدوا رانية واسمهان في طرف الساحة... اسمهان:خير يارنو؟تبين تتكلمين معاي بخصوص أي موضوع؟؟ رانية:بخصوص نصور هذا اللي فاقع لي مرارتي!! اسمهان:أمرك عجيب والله..مو هذا النصور اللي قبل شوي تقولين عنه طايح فيك تغزل ورومانسية؟؟ رانية:ياسوسو لاتدققين! من كلامي خذي و خَلِي!!وبعدين هذي حركات قدام البنات!! اسمهان:فضفضي وانفضي غبارك!أقصد أخبارك.. رانية:يختي هالآدمي كل يومه ينكت ويمزح.. اسمهان:ياعمري ينكت ولا ينكد عليك!شي أهون من شي.. رانية:بس ماينعرف صدقه من كِذبه!! اسمهان:إنت ذكية وتقدرين تميزين! رانية:وقال ايش؟بينقلني معاه شرورة!ديرةٍ صمعاء نائية!! اسمهان:الله يعينك..بس مِن حب يتحمل!!! رانية:أي حب وأي قرنبع؟أنا معاه بكل شي لكن يخرجني من جدة وسط أهلي وناسي..مستحيل!!! اسمهان:يعني اش تبين بالضبط؟؟ رانية:أنا يوم جاء يخطبني كان شرط أبوي عليه إنه نسكن بجدة ومانطلع منها وهالحين أشوفه يبينا نسكن بأخس مكان..بالله جدة موب أحسن من شرورة بمليون مرة؟!!!فياليت تكلمين عبدالرحمن يقنعه يتنازل عن النقل..تدرين أصحاب ويمونون على بعض! اسمهان:ياسلام؟وانتي ليش ماتقولين هالكلام لناصر مباشرة؟ رانية:مالي نفس أتصل فيه ولاأكلمه..دايماً يستهبل علي ويسوي فيني مقالب!! اسمهان:زين خلي أبوك يكلمه! رانية:إلا أبوي!! لو يدري إن السالفة فيها نقل.. ممكن يفركش هالخطوبة!! اسمهان:وإن كان ناصر ملزِّم على النقل..واش بتسوين؟؟؟ رانية:بأسوي مثل أبطال المسلسلات وأخلع الدبلة وأرميها بوجهه وأقول:مش عايزة أشوف وِشك خالص!إنتَ طالق! اسمهان:صحيح إن أهل العقول في راحة!!!!!!!!! =================== وكلمت اسمهان زوجها بموضوع ناصر.. عبدالرحمن:أفا يالعلم!غريبة مابلغني؟عاد هو مايخِش عني سالفة؟ اسمهان:عاد رانية مسكينة تقول لو أصر على النقل ممكن تفسخ خطوبتها! عبدالرحمن:مدري أحس الموضوع مو بداخل مزاجي!هنا بيته تمليك ووظيفته ممتازة والعمل متمسكين فيه والشركة اللي يشتغل فيها لها فروع بالرياض والشرقية..يعني لو بغى ينقل فالشرقية راح تكون الحل المثالي لأن اخوانه وأقاربه هناك...فاإيش اللي بيرميه على شرورة؟؟؟ واتصل عبدالرحمن وسأله عن صحة الخبر!! عبدالرحمن:ياحبيبي وش هالأخبار اللي سمعناها عنك؟؟ ناصر:ياساتر استر!وش سمعت؟؟ عبدالرحمن:إنك بتنقل شرورة! ناصر:هههههه أي شرورة؟أنا ممكن أفكر أنقل كينيا ..الصومال.. بس شرورة ماقد خطرت على بالي!! عبدالرحمن:عاد هذا العِلم اللي وصلنا! ناصر:حِسادي كثير..بس لايهمك!! وبعد شوية دردشة قفل عبدالرحمن السماعة وقال لاسمهان:مثل ماتوقعت..صديقتك هذي ماعندها سالفة لابينقلون ولاشي...يمكن ناصر يمزح عليها وهي صدَّاقة حبتين! اسمهان:أشوى!!ماني متخيلة إنه بيجي يوم وأفارقها.... ================== أقبل يوم الخميس وجاء اليوم المنشود ومرام في قمة توترها!! وبدأ الناس يتوافدون على القاعة..وكانت هذي الليلة بحريــــــــة! يعني كل الديكورات مستوحاة من قاع البحر.. مدخل القاعة كان فيه طاولة عليها شموع بأشكال أصداف وقواقع..ومحارة كبيرة تنفتح وبداخلها دفتر يسجلون فيه الزوار مباركتهم وأحواض زجاجية مليانة حبات لؤلؤ وأصداف حقيقة.. كاسات شفافة معباة برمال ملونة وبراويز صغيرة فيها صور لمرام وهي صغيرة وتلعب عند شاطيء البحر...
وفوق الطاولة نازل من السقف شبكة عليها قواقع وأسماك...كان الديكور حلو بمعنى الكلمة.. على طاولات الزوار بداخل القاعة كانت المزهريات اللي تزين الطاولات على شكل صدفة فضية وبداخلها ورد..
وترمس شاي وترمس قهوة والشي الغريب انهم حاطين بعد ترمس للموية الحارة وصحون زجاجية فيها سكر وأكياس كوفي وأكياس شاي أخضر!!!!وبالنسبة لسبتات الضيافة كان فيها تمر+شوكولاتة بشكل أصداف وقواقع+سينابون+بيتيفورات ومعجنات..
الكوشة:
وبعد وقت من بداية المناسبة أقبلت اسمهان مع أم عبدالرحمن وبنتها أحلام والخالة جوهرة وأقارب لهم وزوجات أعمام وعمات عبدالرحمن وبناتهم وكان عددهم تقريباً كلهم22... واستقبلوهم بالغطاريف والبخور أهل مرام وأقاربها.... وبدأوا أفراد الشلة يكتملون... وآخر وحدة حضرت منهم رانية..بالفستان الأحمر اللي لبسته يوم ملكتها!
وبعد ماسلمت على أفنان واسمهان ونجلاء اللي كانوا قاعدين على طاولة وحدة... رانية:واشفيكم تناظروني كذا؟؟ مستغربين ليش اني لابسة فستان ملكتي؟؟ببساطة لأني اليوم أبغى تحضيرة!!!!!!!! الشلة:ايييييييييييييييش؟؟ رانية:واشفيكم اخترعتوا؟تحضيرة يعني زفة خاصة لي بما إني عروس جديدة!! نجلاء:بس ياحبيبتي..انتي ماتزوجتي لسه..السالفة ملكة بس..والمتعارف عليه ان الوحدة تتحضر لما تكون عروس..وغير كذا انتي مو من جماعة مرام..يعني ماله داعي.. رانية:أقول..الليلة خاربة يعني خاربة وش لقفكم انتوا؟الست مرام مو قالت ماأبغى منكم إلا حضوركم وبس!!تعتقدون ليش؟؟مو كأنها مستعرة مننا؟لا ياحبيبات قلبي حِنا صديقاتها وأنا أرفض إنه وجودنا يكون مهمش!لازم نشاركها من غير مانخرب عليها!!! أفنان:يعني بتنزفين قبلها؟؟ رانية:لاياعيوني أبي أنزَّف قدامها عشان تشوفني زين!!وأرتز جنبها في الكوشة!!! اسمهان:بس أنا من رأيي تعطين أهلها خبر عشان مايزعلون!! رانية:بأقول لهم بس مو الحين..هالحين بأروح للطقاقة وأقول لها اش الزفة اللي أبيها تزفني عليها.... ورجعت رانية وقاموا يدردشون ويسولفون سوى ويتذكرون المواقف الحلوة اللي حصلت بينهم زمان... نجلاء:اش رايكم الحين نروح لمرام نسلم عليها؟؟ الشلة:موافقين... ولما وصلوا لباب غرفتها كانت أختها الكبيرة ماجدة(صاحبة المشغل) خارجة من عندها... رانية:ممكن ندخل نسلم على مرام؟؟ ماجدة:سامحوني ياجماعة بس مرام من الأول أعطتني تعليمات بأني ماأخلي أحد يدخل عليها!!! نجلاء:بس إحنا أعز صاحباتها أكيد بتفرح لوجودنا.. ماجدة:هي بالذات وصتني إني ماأخلي أحد من صاحباتها يدخل عندها..تقول لكم بتقابلكم على المنصة ان شاء الله! وراحت ماجدة..... رانية:شايفين ياحلوات؟صاحبتكم المخلصة مدري اشفيها منقلبة علينا؟بالله هذا كلام؟الود ودي لو قالت لنا بوجوهنا من قبل لاتحضرون ملكتي كان أبرك!!!! أفنان:يمكن تبغى تفاجئنا بمظهرها على المنصة وماتخرب طلتها!! رانية:لا الصراحة مرة أقنعتيني!! نجلاء:من جد حركة غريبة من مرام ومالها معنى! اسمهان:خلوها على راحتها..وليش نبان قدامها ملاقيف وملاهيف على شوفتها؟...خلوا الأمور تمشي مثل ماهي تحب..حِنا جينا نستانس مو نضيق صدورنا.. ورجعوا الشلة وماحد له نفس يشارك أهل مرام بالرقص والانبساط!!! ظلوا قاعدين يسولفون..إلى أن اقترب موعد الزفة..فتحت رانية كيس معاها وبداخله سلتين وبداخلهم ورد وقامت تركض باتجاه المدخل وأخذت شوية رمل ملون من الطاولة اللي مزينة بالمدخل وشوية حبات لؤلؤ وحطتهم بوحدة من السلات..ورجعت قعدت بكرسيها!!! كانت طاولة الشلة ملاصقة شوي للمسيرة الطويلة اللي بتمشي عليها العروس.. وفجأة خفتت الاضاءة واشتغل شريط فيه أصوات طيور النورس وأمواج البحر..وبعدين أصوات صيادين يقولون:هيلا هيلا وكأنهم يرمون شباك الصيد بالبحر..وصوت رجل يغني موال فيه قصيدة بأسماء العروسين...مرافقة له صوت الأمواج والطيور.. وبعدها أغنية أغلى الآليء..وبدأ يطلع دخان كثيف على الأرض خارج من محارة كبيرة على بداية المسيرة وتفاجأ الحضور بخروج مرام عليهم من وسط المحارة وهي لابسة فستان مشابه لعروس البحر!ضيق من فوق ووسيع من تحت الركبة بشكل مشابه لذيل السمكة ولونه موف على ليلكي وتسريحتها مرصعة باللؤلؤ...والاكسسوار الفخم اللي لابسته كله لؤلؤ بلؤلؤ... تسريحة مرام: رانية:ماشاء الله يامراموه خارجة علينا من محارة؟؟زين ماطلعت لنا من بطن حوت!! الشلة:ههههههههه وقفت رانية جنب المسيرة ومعاها سلة ورد مليانة حبات لؤلؤ ورمل وصارت تغطرف وترمي مابداخل السلة على مرام!!!اللي كانت تمشي على المسيرة بدلع وببطء شديد!!!!! واسمهان(بهمس):رانية الهبلة؟لاتفشلينا تعالي انثبري!! نجلاء:ههههه خليها تفش غلها شوي! أفنان:رانية تعالي اجلسي ياويلك من مرام! رانية:يمه خرعتيني!!واش بتسوي لي هالمرام يعني؟؟بتصيدني بـ سنارة؟ ولابترميني للسمك ياكلني؟!!! وظلت مرام تمشي الهوينة لين ماوصلت للكوشة وجلست..وبعدها بشوي خرجوا الشلة لمدخل القاعة ومع أفنان واسمهان سلات الورد اللي جايبتهم رانية..ووقفت نجلاء بالأول ووراها رانية وورا رانية اسمهان وأفنان.. وقامت الطقاقة تطق الزفة اللي رانية طلبتها ودخلت نجلاء على الحضور وقالت بعالي الصوت:ألف الصلاة والسلام عليك ياحبيب الله محمد لللللللللللللوش!!!!!! وصارت رانية ماشية ووراها اسمهان وأفنان يرشون عليها ورد... ومرام متفاجئة من المنظر..نادت مرام أمها وقالت(بزعل):يمه ليش خليتوها تنزف؟؟ أم مرام:عيب يابنتي نقول لها لا!حتى هي عروس وتبي تفرح.. مرام:فرحتها سوتها بيوم ملكتها خلاص لازم تجي وتنشب لي هنا بعد؟!!أف! صاروا الناس يتسائلون:من هي هذي؟ حتى أم رانية صارت تضحك وهي بمكانها ماهي دارية اش السالفة!!!! وجلست رانية أخيراً بالكرسي اللي جنب مرام وقالت:مبروك ياعروس! مرام:والله مدري مين فينا اللي عروس؟ قاموا أفنان واسمهان ونجلاء يسلمون على مرام... مرام:أنا يارنو..ترمين علي تراب ولؤلؤ؟؟ رانية:بعد انتي لابسة لي عروس بحر واش تبين أرمي عليك؟سمك وصدف؟ قعدت مرام متضايقة ......والشلة يرقصون قدامها..وسحبوها ترقص معاهم لكنها رفضت.. وطلعوا أهل عبدالرحمن وأقاربه يسلمون عليها وهي تسلم...ولما شافت مرام أم عبدالرحمن قامت تبوس راسها ويدها..وتكلمها بشوق! رانية(بهمس)لاسمهان:يقطع أبوالنفاق ياشيخة!!أتحداها قد حبَّت راس ويد أمها وأبوها!!!! وقفت مرام جنب العربية المكلفة وتصورت كم صورة... وجابوا عاملات القصر تورتة ضخمة فيها أدوار كثيرة قطعتها مرام... وأخذت نجلاء قطعة من الكيكة و حشتها في فم مرام!زعلت مرام وقالت:مصاخة!! وأما نجلاء ورانية قاموا يستهبلون على الكوشة ويرقصون رقص فانتازي وماله أي علاقة بالطق ويسوون حركات صبيانية لأبعد درجة..لدرجة انه أم رانية أرسلت روان الصغيرة لأختها رانية وطلعت روان وسحبت رانية من ملابسها وقالت:ماما تقول لك ياقليلة الأدب انزلي!!!! رانية:أقول تعالي!!!! وسحبت رانية أختها روان وشالتها ورقصت بها على المنصة وروان تضحك..وفي الأخير رمتها على مرام!! نزلَّت مرام البنت الصغيرة من حضنها وقالت:وش هالمسخرة؟؟؟يمه!!! وأقبلت أم مرام:نعم؟؟ مرام:خلاص أبي أدخل داخل وخلي أهل العريس يكلمونه عشان يلبسني الطقم!!! وبالفعل نقلوا العاملات العربية لغرفة العروس وجاء عريسها وجلس معاها وأمه وأخته وخالته وعماته معاه بالغرفة وأم مرام..وسط مباركات الجميع.. خرجوا الجميع..وبقي عبدالرحيم مع مرام... ظل يتأملها وهي ساكتة ماتنطق!! عبدالرحيم:أول كلمة ودي أقولها لك(ماشاء الله تبارك الله)أحلى مماتخيلتك بكثير..... ومرام ساكتة... عبدالرحيم:تتذكرين أول مرة شفتك فيها؟؟ مرام:ايه وأنا نازلة من الدرج!! عبدالرحيم:أي درج؟؟أنا قصدت بيوم الشوفة!!!! مرام
:ايه أتذكر.. عبدالرحيم:من يومها وصورتك ماغابت عن بالي!! ================= أكمل في وقت آخر!!!!!
واستمرت سوالف عبدالرحيم ومرام ومن ضمنها... عبدالرحيم:مرام اش هي طموحاتك المستقبلية بعد ماتتخرجين من الثانوي؟؟ مرام:الصراحة.. حلمي إني أفتح صالون تجميل مثل أختي ماجدة! عبدالرحيم:فكرة حلوة لكن الشغل بالصالونات مايريحني!! مرام:ليش؟؟ عبدالرحيم:يعني يندرج فيه منكرات كثيرة في باب الزينة..وغير انه الصالونات يرتادها ناس من مختلف البيئات ومنهم السيء ومنهم الزين... مرام:هذا إنت قلتها.. السيء والزين يعني مو كل الناس سيئين!وبعدين إحنا حدود تعاملنا معاهم مايتجاوز تقديم الخدمات لهم..واش لنا بأخلاقهم؟؟؟ عبدالرحيم:أنا شخصياً تقلقني هالشغلة لأنه بعض من الصالونات المعروفة يصير فيها مخالفات ولها سمعة مشبوهة من اللي يصير فيها..بنات البلد فيهم الخير لكن العمالة الوافدة اللي تشتغل بهالصالونات ممكن يتساهلون ويخونون الأمانة مقابل حفنة مال! مرام:العيب في إدارة الصالونات نفسها يسلمونها لناس مو كُفء.لكن بالنسبة لمشغل أختي أنا وإياها ندير المشغل..حتى الشئون المالية عمرنا ماسلمناها لأحد.. وهكذا استمرت سواليف العريسين عن مختلف المواضيع الحب والطموح والتعامل وغيرها.. وطبعاً المعازيم عقب ماراحت مرام لعريسها راحوا للعشا وكان العشا راهي وفيه قسم كامل من البوفيه فيه أكلات وسلطات بحرية! غرفوا البنات أطباق وجلسوا على وحدة من الطاولات بصالة العشاء. اسمهان:الصراحة يارانية أحس إننا زودناها بحركاتنا مع مرام وخصوصاً انتي.. أفنان:شكلها بتقاطعنا كلنا وتحلمون تعطينا وجه بعد اليوم!! نجلاء:أحس من نظراتها إنها حقدت علينا!! رانية:واشفيكم قمتوا علي؟؟من حر مافيني سويت اللي سويته..لاتنسون إني أول وحدة فيكم تعرفت على مرام من سنين وكانت صداقتنا قوية!!بس مرام تغيرت في الفترة الأخيرة نسيتي يااسمهان يوم انخطبت لأخو زوجك خبت عننا كلنا الخبر بـ حجة إنها خايفة من العين؟؟؟ اش تسمون هذا بالله؟عدم ثقة؟كأنها مجبورة علينا ومتصاحبة معانا شكلياً وبنفس الوقت مو متطمنة لنا!!الصراحة إذا بتستمر على كذا ماتلزمنا!!وهذا انتوا شفتوا بعيونكم بنات الفصل الثاني قاعدين يرقصون لها ومبسوطة الأخت وتشجعهم..أجل اشفيها علينا؟؟؟؟؟؟؟ نجلاء:صادقة بكل حرف..بس أما نترك صاحبتنا بعد هالسنوات فهذا اللي لايمكن يصير!!! أفنان:لاياخذك سوء الظن يارانية!هي لو مو حابتنا كان تركتنا من زمان..لاتنسين انه عندها صاحبات كثير في المدرسة كان بإمكانها بأي وقت تتركنا وتروح معاهم لو حنا فعلاً مو عاجبينها! اسمهان:أفنان معاها حق.. وحركات مرام ماأتوقع إنها أكثر من مجرد دلع.. وانتهوا الجميع من عشاهم وبدأوا بالانصراف...ماعدا رانية!!جلست تفكر بكلامهم.. وجت أمها وقعدت جنبها.. أم رانية:حسبي الله على ابليسك..ياللي مفشلتني بكل عِرس!!أنا قلت بتنخطبين وبتربطين حميرك!لكن هذا انتي ماتغيرتي نفس الهبال.. اللهم اليوم كأنك ضاعفتي الجرعة شوي!!قومي البسي عباتك أبوك ينتظرنا برة! رانية:يمه تكفين..دقايق وراجعة لك!! وراحت رانية تركض وأمها تناديها.. أم رانية:استغفر الله..مدري من عليه طالعة هالبنت؟؟ وراحت رانية تركض ووقفت بعباتها قدام غرفة مرام..وغطت وجهها..وكانت ماجدة مارة نادتها رانية وقالت:ماجدة؟تكفين نادي لي مرام ضروري! ماجدة:خير ان شاء الله؟ عندها عريسها الحين!! رانية:معليش..مابأعطلها كلها ثواني بس!! طقت ماجدة الباب وأقبلت مرام تفتح الباب.. ماجدة(بهمس):فيه وحدة تبيك برة! خرجت مرام تتلفت وهجمت عليها رانية وحضنتها بقوة!!!! مرام:بسم الله!!مين انتي؟؟ رانية:أنا رشاشة الرمل واللولو!! مرام:رانيـــــــــــــــة؟؟؟؟؟وشفيك مغطية وجهك؟؟ رانية:لأني بأنقلع بيتي وأفكك مني!! مرام:لا وش دعوى تقولين هالكلام؟صح إنك كريهة وتفهمين وصاياي لكم بالعكس!لكن مايخالف مبلوعة منك ومتفولة من غيرك!!! رانية:يعني منتي زعلانة؟؟؟ مرام:لا وش حقه أزعل بيوم فرحتي؟؟وبعدين لايمكن تكونين رانية لو ماتسوين آكشن بكل اجتماع!! وغمزت مرام لرانية بعينها وقالت:بس عاد لاتكثرين من هالحركات..وإلا بأحرمك من حضور عرسي!!! مسكتها رانية بقوة للمرة الثانية وحضنتها وقالت:أحبــــــــــــــــــــك يابنت!!! وودعتها..ورجعت مرام لغرفتها.. عبدالرحيم:ايش؟لايكون تضايقوا أهلك من جلستي معاك كل هالوقت؟؟؟ مرام:لا أبد..بس هذي صديقتي خطيبة ناصر صاحب أخوك..كانت تسلم علي قبل لاتروح.. عبدالرحيم:تقصدين ناصر المرجوج؟ مرام:هههه ليش هو مرجوج؟؟ عبدالرحيم:يعني الله يصلحه راعي مقالب وفرفشة وماتفرقين بين جِده وهزله!! مرام:أهااااا..صدق من قال:الطيور على أشكالها تقع!!!! ===================
واليوم التالي للملكة(يوم الجمعة).. اجتمعت اسمهان وأحلام وجوهرة للغداء في بيت أم عبدالرحمن....وكانت أغلب السواليف عن أحداث الليلة السابقة(ملكة مرام).. أم عبدالرحمن:ماشاء الله تبارك الله..عروسة عبدالرحيم قمر..أحلى عروس شفتها!!! اسمهان:وش دعوى خالتي؟وأنا وين رِحت؟؟ أم عبدالرحمن:هههههه إنتي الخير والبركة..بس كل وحدة لها جمالها الخاص فيها.. جوهرة:قديمك نديمك ولو الجديد أغناك ياأم عبدالرحمن.. أحلام:على إنه ملكة مرام مميزة..بس الصراحة أحس إني انبسطت أكثر في ملكة اسمهان.. جوهرة: حتى أنا ..ماشاء الله..اسمهان أصلاً شخصيتها أقرب لي لأنها بشوشة..بس مرام فيها شوفة حال شوي..!!!أتذكرها لما كانت بصف أول ثانوي كانت شغالتها تنزل معاها المدرسة وتشيل لها الشنطة لين الفصل!وتفسخ مرام عبايتها وتعطيها الشغالة..والشغالة تطبقها وتحطها بالدِرج وبعدين تروح!!وقد ماكلمتها مافاد لين مااتصلت يوم على أمها وقلت لها ماله داعي هالرفاهية الزايدة..بنتك كبيرة وتقدر تعتمد على نفسها..وأكيد تتذكرين هالسالفة يااسمهان... اسمهان:هههه ايه أتذكر..بس والله مرام حبوبة لكن دلوعة شوي لأنها مثلي آخر العنقود..وبالنسبة للملكة حتى أهلي يقولون ملكتي كانت أونس!بس باعتقادي انه السبب يرجع إلى إن شلتنا كانوا مشاركيني المناسبة بـ طولها..لكن ملكة مرام كانت هادية شوي لأنها ماتحبذ الأجواء الصاخبة كثير.. أم عبدالرحمن:كلها مناسباتكم حلوة..أهم شي ان العريس انبسط ومابغى يطلع من عند العروس لين آذيناه باتصالاتنا.. أحلام:كلهم أخواني مايصدق الواحد فيهم يشوف له حرمة إلا ويطيح عندها!!!صح يااسمهان؟تتذكرين أيام خطوبتك؟؟؟؟؟ اسمهان:شلون ماأتذكر؟؟أحلى أيام حياتي كانت..وتمنيت لو كانت أطول.. أحلام:ياحليله عبدالمجيد كل ماقابلته ألقى الجوال بإيده وهو يضغط فيه..وقبل شوي طقتني اللقافة وسحبت جواله وفتحته لقيته متروس مسجات مرسولة لمشاعل...ومشاعل بعد مو مقصرة ترد على رسايله...الله يهنيهم ببعض.. أم عبدالرحمن:وش تبينه يسوي يابنتي؟؟لايسمع ولاينطق!ولايقدر يتصل فيها..ماعنده وسيلة يواصلها فيها إلا الرسايل أو الزيارات!مع انه قلل الزيارات في الفترة الأخيرة لأنه صار يتضايق!! جوهرة:ليش يتضايق؟؟أهل مشاعل مايبونه يزورها؟؟ أم عبدالرحمن:مو هذي المشكلة..لكنه يتضايق من نظرات أم مشاعل!!يقول أحياناً وأنا قاعد أتكلم مع مشاعل بلغة الاشارة ألقى أمها تبكي!!ومو داري هي تبكي من الشفقة عليه ولا على حال بنتها اللي بتاخذ إنسان أصم وأخرس!!!! أحلام:ياحليله يمه..يكسر خاطري.. جوهرة:ياعزيزتي بكرة لما تشوف كيف بنتها مبسوطة معاه ومستانسة بتنسى هالحزن.. عبدالمجيد مسيكين وحاله بشانه لايضر أحد ولايغلط على أحد.. أم عبدالرحمن:صادقة ياجوهرة..قلبه كبـــــير ومايحب يكدرخاطري..كل مالقى نفسه فاضي راح يرسم على جدران شقته.. جوهرة:ووينها السبورة اللي يكتب لك عليها كلامه دايماً؟ ماأشوفها؟؟؟ أم عبدالرحمن:شوفيها جنب المكتبة! سحبتها أحلام ولقيت عبدالمجيد كاتب عليها بقلم الفلوماستر: يمه غرفة النوم أبي لونها بيج كريمي.. وأثاث بيتي أبيه يختلف عن أثاث عبدالرحيم..ولاتنزلون السوق وماتعلموني!! أم عبدالرحمن:ياحليلك ياولدي داري إننا نسوي خيانة ونروح السوق وإنت نايم!!! جوهرة:انتم حددتم موعد الزواج خلاص؟؟ أحلام:ايه ياخالتي..بداية اجازة الصيف بإذن الله يعني عقب ثلاثة شهور تقريباً..بس اخواني متحمسين ..من الحين وهم يفترون بالأسواق يدورون أثاث!!! أم عبدالرحمن:ايه وأنا أؤيدهم ودي نفتك من تأثيث الشقق بأسرع وقت عشان نتفرغ لحجز القاعة ومستلزمات العرس اللي تخصنا واللي تخص يوم الزواج.. جوهرة:عاد أنا ماحد قدي بأشتري فستان حمل مناسب للسهرات وألبسه!!يعني بأريح راسي!! أحلام:الله يعين..أما أنا وأمي يبي لنا ننزل نختار أقمشة وموديلات بعدين نختار مشغل الخياطة المناسب اللي نفصل فيه.. اسمهان:أما أنا اتفقت مع سماح نروح لخيَّاطة ممتازة نعرفها..أنا أفصل فستان لزواجنا وسماح لزواج تركي وناصر.. واستمرت السواليف عند الحريم وبمجلس الرِجال اللي كان فيه عبدالرحمن وأخوانه وزوج خالتهم جوهرة وزوج أحلام..إلى موعد الغداء.. تغدوا الجميع وبعدها استأذنت اسمهان... اسمهان:كثر الله خيركم خالتي..بس أنا بأستأذنكم لأني رايحة لأهلي.تدرون اليوم يوم اجتماع العائلة.. أم عبدالرحمن:بالتوفيق يابنتي..ولاتنسين تبلغينهم سلامي..... اسمهان:ان شاء الله..مع السلامة.. الجميع:مع السلامة... وفي بيت أهل اسمهان..استقبلوها بالترحاب.. كانت سماح موجودة وصار لها فترة من خروجها من الأربعين... شافت اسمهان..سمهونة الصغيرة بنت أخوها محمد وشالتها بلهفة وقالت:هلا حبوبتي الحلوة..يازينك ويازين خدودك يانااااااااس قمر!! سماح:والله البنات خفيفات ظل!مونستنا بالبيت بشكل كبير..ماأتذكر إنه أخوانها كانوا ببشاشتها! أسماء:في هذي معاك حق!!أنا لاحظت إنه ولدي أنس فيه براءة بثقالة دم!!بس لينة غير شكل!!تتبسم وتضحك أغلب الوقت.. أم اسمهان:البنت والولد واحد..أي ثقالة دم وأي خفة؟؟انتم عندي مثل محمد ماقد لاحظت بينكم فرق إلا في النطق!!محمد كان لسانه ثقيل شوي وماتكلم بدري..بس انتم البنات ماشاء الله عليكم تعلمتوا الكلام بسرعة!!! أسماء:طبيعي!لأنه البنات دايماً أذكى من الأولاد..عندهم استعداد أسرع للتعلم... أم اسمهان:إلا ياحبيبتي لأن محمد كان هو الولد البِكر وماقبله أحد ومايخالط أحد ماتعلم النطق لكن انتم جيتم بعد بعض وتعلمتوا من بعض!!!! سماح:إلا اش أخبار مرام يااسمهان؟كلمتيها اليوم؟؟؟ اسمهان:لا ماكلمتها..لكن اللي عرفته ان العريس مبسوط.. أسماء:أما أنا ماقعد براسي من أحداث الملكة أمس إلا صورة رانية صاحبتك!! أما هي مطفوقة بـشكل؟؟؟؟ سماح:ههههه حرام عليك..بس تنحب منها! اسمهان:تعودنا عليها كذا...ماأتخيل إنه بيجي يوم وتعقل! سماح:إلا اغسلي إيدك إنها تعقل!!نسيتوا انها بتاخذ ناصر؟؟؟عاد ناصر من يوم كِنا نلعب معاه وإحنا صغار وهو مهبول وعليه حركات شقاوة! ====================== اتصلت رانية على اسمهان وحكت لها مادار بينها وبين مرام بالليلة السابقة.. اسمهان:أشوى مازعلت من أحد..قلت لك قلبها طيب..ماصدقتيني!!بس بشري اش أخبار خطيبك؟ رانية:لاتجيبين لي طاريه له كم يوم يتصل و يدز مسجات وأنا ماأعبره!!أبيه يهَوِن عن موضوع النقل لـ شرورة!! اسمهان:ومين قال لك انه بينقل أصلاً؟؟تراه يمزح معاك!!!! رانية:إلا يكذب علي وانتي الصادقة!!هييييين..أنا أوريك يانصور!!! ======================= راحت رانية تتصل بناصر.. ناصر(ببرود):مرحبا.. رانية:مرحبتين..شلونك؟؟ ناصر:الحمدلله..مين معاي؟؟ رانية:ماعرفتني؟؟يحق لك!من كثر اللي يتصلون فيك!!!!!!!! ناصر(بنذالة):أووووه رانية!المعذرة نسيت صوتك لأن لي مدة ماسمعته!! رانية:لااااااا؟؟ والرقم مسحته بعد؟؟ ناصر:وش هالكلام؟أنا أنسى نفسي ولاأنساك ياقمر!! انشكحت رانية وقالت:زمان عن شوفتك..ماودك تسَير علينا؟؟ ناصر:إلا بعد شوي..اش رايك؟؟ رانية(بينها وبين نفسها تقول:أعوذ بالله صدق إنه خفة!!ماصدق أحد يعطيه وجه!!!! ناصر:اشفيك ساكتة؟؟أبي أزورك اليوم عقب المغرب لأنه يوم اجازة..بوسط الأسبوع أكيد منتي فاضية إلا لدروسك.. رانية:الله يحييك... وبعد ماانتهت المكالمة راحت رانية للمطبخ وسوت حالة استنفار وقامت تجتهد في اعداد الأصناف المختلفة لاستقبال العريس!!!! أم رانية:عجيب أمرك!!لو قايلة لك سوي لأخوانك هالأكلات..كان ما فزيتي!! رانية:ايه أكيد مابأسوي لهم..عيالك مشافيح!لو أنسدح لهم بوسط الصحن ياكلوني!!! دخل مشاري الأخ الأكبر لرانية وكان دبدوب!!!وقال:الله الله..وش هالعز كله؟؟بيجيكم ضيوف؟؟ أم رانية:ايه..خطيب أختك بيجي اليوم.. مشاري:كل هالأكل لأبو عصاقيل؟؟ رانية:الله يخلي لي عصاقيله!!واش تبيه يصير؟؟مثلك ياالمنفقع؟؟كل مطاعم الديرة حافظينك قلباً وقالباً!!!! أم رانية:قولي ماشاء الله..بتصكين أخوك بـ عين! رانية:أحسن..عساه ينحف شوي!! وشوي ودخل مشعل أخو رانية الثاني وهو يخبط بطنه ويقول:ياسلاااام وش هالروايح الحلوة؟؟ رانية:قطيعة تقطعكم!!واشفيها حاسة الشم قوية عندكم اليوم؟!!!!!!!!!!!! وبعد سويعات حضر ناصر وبيده كيس!! وفرحت رانية!!خطيبها جاي بـ هدية!!! قعدت معاه وكانوا أبوها وأخوانها برة لسه مارجعوا! أعطاها ناصر هديتها..وتناولتها وهي فرحانة وفتحت الكيس ولقيت بداخله بقرة جالسة مصنوعة من القطن وحاضنة بين يديها علبة اسطوانية!!!!!! شالتها رانية وعلى وجهها علامات الخيبة!! رانية:بقرة ياناصر؟؟بقرة؟؟ ناصر:واش أسوي في راعي المحل الملقوف؟؟كنت شاري قرد وقعد يقنعني انه هدية غير مناسبة لعروس!!!لين غيرت رأيي وشريت البقرة!! رانية:الناس تجيب دب أو قطوة على الأقل بس بقرة؟؟؟ هذي ماصارت ولااستوت!شايفني أشبهها؟؟؟ ناصر:إلا تعالي وعلميني الدب اشفيه من جمال؟ منتفخ وشكله مهبول!!!والقطوة مشهور عنها إنها ناكرة للجميل؟؟لكن البقرة..يازينها زيناه!رمز للعطاء..جبن على زبدة على حليب على لبن على لحم!!تقدرين تستغنين عن منتجات البقر؟؟أتحداك! رانية:لا..شاعري حيل إنت!!وفاهم كل كلمة تنطقها...وعندك وعي رهيب لرموز الحيوانات!! ناصر:أجل ايش؟؟خطيبك بياع حَمَام مخضرم!! رانية:إلا أقدر أحلف إنك بياع أرانب بعد!!! وقامت رانية تفتح العلبة الأسطوانية اللي حاضنتها البقرة!!! وكل مافتحت علبة لقيت بداخلها علبة ثانية!وهكذا لين مااجتمع بيدها ست علب بمختلف الأحجام!!! رانية:أقول..راح ليلي مع البقرة النشبة ذي!لاأخذنا منها جبن ولالحم!!! ناصر:بس اش رايك في الهدية؟؟ رانية:بصراحة هدية من الخيال وتعبر عن شخصية صاحبها!! ناصر:أنا الود ودي أهديك جمل!بس وش أسوي؟العين بصيرة واليد قصيرة!!! رانية:واللسان طويل والعقل قليل!!!سألتك بـ ربك؟هذي هدية تقابلني فيها بعد غيبة؟؟؟غايب عني أسبوعين وجيت لي ببقرة..أجل لو غايب شهر كنت بتجيب لي فيل؟؟؟؟ ناصر:هههههههه صدَّاقة انتي يارانية!بغيت أمتحن صبرك بس!لكنك طلعتي فاشلة!!عموماً خذي هديتك!! وطلَّع من جيبه علبة فيها خاتم مفصص!!وعطاها رانية! رانية:وااااااي يهبل!معقول إنت شاريه؟أخاف سارقه من أحد!!! ناصر:لاتفرحين كثير تراه فالصو!! رانية:فـــــــــــالصو؟؟كل رخيص مخيس!! ناصر:عاد كانت حرمة تكرونية قاطعة الاشارة وتبيع اكسسوارات أبوفقسة..قلت بنفسي حرام ياولد ماتخليها تكسب..وعجبني هالخاتم وشريته منها!! رانية:ياخي إنت ماعندك ذوق ولااحساس؟بالأول بقرة والحين خاتم مضروب لو تجي عليه قطرة موية صار لونه مثل لون مسمار بايت تحت الشمس؟؟؟؟؟؟؟ ناصر:الله يرحمك يايمه..كلامها كان كله حِكَم!! رانية:ليش؟وش كانت تقول؟؟ ناصر:خِذ لك فرس تركبها ولاتاخذ لك حمارة تركبك(يعني تتسلط عليك بـ قوتها)!! وخذ لك من تفيد وتنفع وإن كانت تشبه الضفدع! ولاتاخذ مِن لاتشبع ولاتقنع وإن كانت نجمةٍ تسطع!!!!!!(عاد هذي من عقلي...أدري بتقولون لاتعيدينها.هههههههههه!!) رانية(بغيظ وقهر)قالت بنفسها:ياشيخ ليتها خذتك معاها!!!!!! =============== اش رايكم بس بالرومانسية؟؟ترى متعوب عليها!
تكملة زيارة ناصر لرانية.... جاء أبو رانية وأخوانها من برة ودخلوا المجلس عند ناصر فانسحبت رانية وراحت المطبخ تجيب القهوة للرِجال..وبيدها كيس الهدية! أم رانية:ايش هالكيس اللي بإيدك؟عريسك جايب لك هدية؟؟ رانية:لاتسأليني يايمه!من زينها؟؟ أم رانية:تحمدي ربك..بنت عمتك سميرة خطيبها عمره مادخل عليها بـ كيس طماط حتى!!!هاتي هاتي أشوف! رانية:وش تشوفين؟جايب لي ابقرة ولد الأجاويد!!ومعاها 6علب فاضية مدري وش القصد يبيني أحلبها له وأملى له العلب!! أم رانية:هههههههه..الله يقطع ابليسه فيه من صرقعة أبوك..تتذكرين يوم سافرت الشغالة وحلف أبوك مايستقدم غيرها قمت أشكي له من جفاف يديني وسوادها من الغسيل والتنظيف وأنا قاصدة ألمح له اني أحتاج شغالة..فحسيت خاطره مكسور..وخرج من البيت وأنا فرحانة وأمني النفس بأنه راح يقدم على شغالة لكنه فاجأني بهدية جايبها معه يوم فتحت الكيس لقيت كرتون قفازات من الصيدلية!!!!! رانية:زين لايفوتك الخاتم اللي جايبه! أم رانية:ياسلام..حلو..ذهب عيار24.... رانية:حتى انتي انغشيتي مثلي يمه؟؟؟تراه شاريه من تكرونية بالشارع!! أم رانية:والله انتي اللي صدق تكرونية!!هذا ذهب..واسألي مجرب ولاتسألين طبيب..حتى شوفي الختم اللي عليه..هالختم مايجي إلا في الذهب.. رانية:مستحيل!هو لو قايل لي انه خاتم ألماس كان شكيت بالموضوع وانه كذاب!لكن بيروح يخسِر نفسه خاتم ذهب وآخرتها يكذب ويقول فالصو؟؟مو معقول!اش بيستفيد! أم رانية:صدقيني انه ذهب وقيمته ماتقِل عن 270 ريال... رانية:ماأصدق!! وقاموا رانية وأمها وشالوا القهوة والحلى وباقي الأغراض وحطوها بالمجلس.. ويوم طاحت عين ناصر على أم رانية قام يرحب.. ناصر:هلا هلا خالتي موضي.. أسفرت وأنورت واستهلت وأمطرت مثل مايقولون..وش هالزين كله؟من شافك قال إن رانية أمك!! أم رانية:ههههه تسلم يالغالي.. رانية(بداخل نفسها):حسبي الله عليك يانويصر!حطيتني أكبر من أمي؟!!!!!! وجلسوا العائلة يدردشون..وبعد شوي قامت أم رانية ودخلت داخل.. أما رانية قعدت تتابع المسرحية اللي قدامها!!أبوها ينكت ومشاري يقط نكتة ويرد عليهم ناصر بنكتة ثانية ويشاركهم مشعل!! زهقت وقامت بتطلع من المجلس! ناداها أبوها:رانية؟وين رايحة يابوك؟؟ مشاري:بوك؟ولا كرافت؟؟؟؟ الجميع:ههههههه رانية(بغيظ):رايحة أدرِس!! أبو رانية:بس يابنتي اليوم اجازة ومافي مدارس بالليل!!!!ههههههه رانية:ايه ..بس السيرك القومي أشوفه مفتوح..لاانتهى التهريج علموني!!!! مشاري:ياحبك ياذي البنت للنكد! ناصر:لا بالعكس رانية بشوشة وتحب الفرفشة..بس يظهر ماتعجبها سوالف الرجال!! مشعل:أجل خل نقلب القعدة سوالف حريم!يمكن تروق لها!! حط مشاري يده على فمه وقال(وهو يقلد سواليف النسوان) :أقول ماشفتوا ياحلوات فستاني بعرس خلود؟أحمر فسفوري ضارب ببنفسجي..وحطيت معاه ذاك المكياج الأخضر اللي ألهب بشرتي وماعرفت أرقص!!!! مشعل:فديت قلبك ياأم عباس!إنتي حلوة إن رقصتي وإن رقدتي! رانية:هيييييييه..أبوشنبات انت وياه ماتستحون على وجيهكم؟؟هذي سوالف تنقال بالله؟؟ماتحشمون اللحية البيضاء اللي قاعدة وياكم؟ أبورانية:الله يسامحك يابنتي!أنا لحيتي بيضاء؟ ناصر:لاياعمي..قلبك هو اللي أبيض!! ورجعوا الجماعة يكملون الجلسة بسواليف عن المواقف الساخرة المضحكة اللي مرت فيهم قبل ويضحكون!!أما رانية قاعدة في مكانها بتململ!!! ويوم انتهت زيارة ناصر لهم ودعهم جميعاً وراحت رانية توصله للباب الخارجي.. ناصر:رنونتي الحلوة؟وشفيك زعلانة؟كأن الجلسة ماجازت لك؟؟ رانية:ايه ماجازت لي الصراحة!أحب الضحك والوناسة..بس لازاد الشي عن حده انقلب لضده!!! ناصر:ياحبيبتي تحمليها هالفترة..النكد جاي لك قدام بس انتي لاتستعجلين!! رانية:ايـــــــــش؟يعني ياتطخه يا تكسر مخه؟ماعندك حل وسط؟ ناصر:بعدك ماتعرفيني..أنا أتمسكن لين أتمكن!!!هههههههه مع السلامة.. رانية:مع السلامة.. وثاني يوم بالمدرسة لبست رانية خاتمها تبي تكشخ به قدام صديقاتها!!وهي بداخلها متيقنة انه فالصو!!! وكانوا الشلة مجتمعين ويسولفون بمواضيع مختلفة..وفجأة طاحت عين اسمهان عليه وقالت:رانية؟آثاري أذواقنا متشابهة؟؟نفس خاتمك هذا شريت مثله لأختي أسماء يوم ولدت.. رانية:وبكم شريتيه؟ اسمهان:شريته ب300 ريال.. فرحت رانية انه ماطلع فالصو مثل ماضحك عليها ناصر!!وقالت:هذا هدية من خطيبي...!! ================ مرت الأيام دون جديد يذكر والشلة مجتهدين بمذاكرتهم حتى رانية اللي كان مستواها متوسط بالدراسة اجتهدت مرة وارتفع المستوى!! نجلاء:غريبة!!من متى كل هالاجتهاد؟أخبرك ماتهلكين نفسك في الدراسة مثلنا!!! رانية:اش أسوي؟أخاف أجيب نسبة مو زينة ويقعد ناصر يعايرني! ============== أما عزة فكانت مجتهدة باتصالاتها على اسمهان..واسمهان تحاول تسحب نفسها منها..لكن عزة لاتكل ولاتمل..تعاود الكَرَّة مرة بعد مرة!! وولدت زوجة سلمان صاحب أزواجهم وفكرت اسمهان تروح لها تزورها...وكان اسمها ليلى.. ولما كانت اسمهان عند ليلى بالبيت وكانت ليلى والدة لها أسبوعين...وجايبة ولد.. ليلى:هالحين كم صار لك من تزوجتي يااسمهان؟؟ اسمهان:تقريباً كملت سنة.. ليلى:ومافي شي بالطريق؟؟ اسمهان:لا لسه! ليلى:بيني وبينك أفضل لك..شدي حيلك بالدراسة وتخرجي..الأطفال ياخذون وقت الواحد..وصعب على الوحدة توفق بينهم وبين دراستها وكانت ليلى جالسة بسريرها تتكلم مع اسمهان.. قعدت اسمهان تراقب حركات الطفل وهو بسريره يتمغط وحنَّت عليه وفكرت تشيله..وانثنت ناحيته وحطت يدها تحته تبي تشيله.. ليلى:لحظة يااسمهان!....آنتي آنتي تعالي شيلي رَيَّان!! وفعلاً أقبلت الشغالة آنتي وشالت النونو الصغير ودخلت داخل واسمهان متفاجئة من حركة ليلى! جلست اسمهان بصمت والعبرة خانقتها وليلى تسولف ومندمجة بالسوالف..لكن اسمهان بس تفكر ليش ليلى خلت الشغالة تسحب الولد من اسمهان وتاخذه!! لاحظت ليلى انه اسمهان مخنوقة وودها تبكي ومو مركزة معاها وقالت:اسمهان؟عسى ماشر؟لايكون متهاوشة مع زوجك؟ ووقتها انفجرت دموع اسمهان وصاحت في ليلى:ليلى؟انتي تشكين فيني اني حسودة وعيَّانة؟ ليلى:لا أبد والعياذ بالله!ليش تسأليني هالسؤال؟ اسمهان:أجل وش معناها حركتك يوم جيت أشيله خليتي الشغالة تاخذه مني؟؟على بالك يوم إن ماعندي أطفال بأحسد غيري؟حرام عليك أنا أحب الأطفال ليلى:ههههههه أما صحيح ماعندك سالفة..آثاريك ظنانة سوء؟؟ترى ماانتبهت لولدي انه مستفرغ الحليب من فمه على ملابسه إلا يوم جيتي تشيلينه..وانحرجت منك لاتشمين ريحته وتشوفينه بهالمنظر وقمت أنادي الشغالة تشيله!!بس هذي كل السالفة! قامت اسمهان تمسح دموعها وتبتسم يوم اتضح لها الأمر.. ليلى:آنتي...آنتي.. أقبلت الشغالة وهي شايلة الولد ليلى:خلاص؟غيرتي ملابسه؟ آنتي:ايوه مدام.. ليلى:زين..حطيه بحضن مدام اسمهان..وعهدٍ علي يااسمهان ماأشيله من فوقك لين ما تمِلِين منه!!بس لاتاخذك الظنون فيني!! وبعد السواليف المختلفة.. اسمهان:أحد بيجيك غيري؟؟ ليلى:ايه ثنتين من صديقاتي..بس مدري اشفيهم تأخروا! اسمهان:عزة زوجة يوسف وحدة منهم؟؟؟ ليلى:لاياشيخة..الله يستر علينا وعليها من زمان قطعنا العلاقات ببعض!!ليش؟انتي تتواصلين معاها؟؟ اسمهان:يمكن تقابلنا 3مرات بس !لكن بيننا مكالمات.. ليلى:شوفي يااسمهان خذيها نصيحة من أخت أكبر منك..أنا ماأحب أذِم الناس وأتكلم فيهم بس خلك حذرة زين من عزة..ترى صاحباتي هذيل اللي بيجون بعد شوي صارت بيني وبينهم مشاكل والسِبة عزة!!لكن الحمدلله رجعنا لبعض!حتى زوجي صارت بيننا مواقف وكانت عزة تنقل كلام عند زوجها لدرجة اني في مرحلة من المراحل بغيت أتطلق بسببها!!لكن الله ستر.. اسمهان:أعوذ بالله..وأنا اللي أحِن عليها بسبب المشاكل اللي هي فيها.. ليلى:صدقيني هي لو تكف لسانها وآذاها عن الناس تعيش بسلام..لكن ماأقول غير الله يهديها ويغفر لها.. وأقبلوا صاحبات ليلى وكانوا قمة بالذوق والأخلاق.. ويشتغلون اداريات بمدرسة تحفيظ وقاموا يقنعون ليلى واسمهان يسجلن بمدرسة التحفيظ بالعصر اسمهان:ياليت..لكن الصراحة أنا أدرس وماعندي وقت!! ليلى:أما أنا بإذن واحد أحد بس أطلع من الأربعين..بأسجل على طول.. نادية(وحدة من صاحبات ليلى):لو مانجاهد أنفسنا كان ماحفظنا شي!!لكن يااسمهان حتى لو ماسجلتي بالتحفيظ احفظي كل يوم آيتين من القرآن مافي أسهل من كذا وعشان يكون حفظك صحيح بالتجويد والترتيل اسمعي كاسيت للقراء الثقات اللي أشرطتهم متوفرة حتى على النت الضيفة الثانية(نعيمة):أنا عشان تثبت الآيات في ذهني اشتريت مسجل صغير بسماعات وصرت أحط السماعات بإذني وأنا أشتغل بالمطبخ..لين ماصارت أغلب آيات القرآن مألوفة عندي وتيسر علي حفظها.. وبدأوا يتكلمون عن أفكار لتنسهيل حفظ القرآن وعن اجتماعهم مع بعضهم باستمرار وتسميعهم للآيات مع بعض وتحمست اسمهان.. لما انتهت الزيارة وركبت اسمهان السيارة مع زوجها بدأت تفكر انه عزة فعلاً انسانة مو مريحة كانت ظالمة ليلى ومشوهه سمعتها عند اسمهان..وانه ليلى انسانة عاقلة وتحب الخير....قطع عبدالرحمن حبل أفكار اسمهان وقال:سمهونة؟اشفيك ساكتة؟؟ اسمهان:أبداً.. عبدالرحمن:اش أخبار الزيارة؟ استانستي؟؟ اسمهان:جداً...زوجة سلمان وصاحباتها مثل العسل..تونست معاهم.. عبدالرحمن:الحمدلله.. اسمهان:عبدالرحمن ؟؟ودي أطرح عليك موضوع وتشجعني عليه! عبدالرحمن:تفضلي.. اسمهان:اش رايك نتنافس أنا وإنت يومياً على حفظ آيتين من القرآن؟؟ونسمِّع لبعض؟وخلال شهر واحد نكون حفظنا 60 آية..يعني بمعدل مجموعة سور من جزء عمَّ!! عبدالرحمن:جزاك الله خير ..هذا الكلام الحلو اللي أحب أسمعه..خلاص واش رايك نبدأ التنفيذ بكرة؟؟ اسمهان:ان شاء الله.. ================
ثاني يوم من زيارة اسمهان لليلى كان يوم خميس..وكانت اسمهان تطبخ الغداء استعداداً لرجوع عبدالرحمن ومعاه مقاضي للثلاجة وبعد لحظات دخل عبدالرحمن ومعاه الأغراض..وحطهم بالمطبخ بعد ماألقى السلام..وردت عليه اسمهان... وبدأت اسمهان ترتب الأغراض وأما عبدالرحمن راح يبدل هدومه,, وبعد مارجع لها كان بيده كيس.. عبدالرحمن:بعدك متحمسة لفكرة حفظ آيات من القرآن؟؟؟ اسمهان:ايه..ليش إنت غيرت رأيك؟؟ عبدالرحمن:بالعكس..أنا متحمس أكثر منك..عشان كذا فكرت أهديك هالكتاب.. وطلَّع من الكيس كِتاب وناوله اسمهان.. أخذت اسمهان الكتاب وكان عنوانه(تيسير الكريم الرحمن في تفسير كلام المنان)للشيخ عبدالرحمن السعدي.. اسمهان:الله يعطيك العافية بس أنا عندي مصحف! عبدالرحمن:أدري بس أنا فضلت أجيب لك قرآن مفسر عشان تجمعين فائدتين الحفظ+الفهم.. الله دائماً يخاطب ذوي الألباب وأرباب العقول ويدعوهم للتدبر في آياته..والمفروض إننا نحفظ القرآن وإحنا فاهمين تفسيره ومعانيه عشان يكون حفظنا أثبت..وغير كذا أنا مقدِّر الأوقات اللي تكونين فيها على غير طهارة وأخاف تتحججين وتتركين الحفظ بوقتها..لذلك حفظ الآيات من كتاب التفسير الحل الأنسب.. اسمهان:تسلم ياعبدالرحمن..الله لايخليني منك.. وراح عبدالرحمن للصالة يقرأ الجرايد وينتظر انتهاء الغداء.. وأما اسمهان قامت تقلِّب في صفحات كتاب التفسير وتتأمل في معاني الكلمات.. وبعد دقايق كان الغداء جاهز..ورتبته اسمهان على طاولة السفرة.. اسمهان:تصدق؟كنت أقلِّب في صفحات الكتاب ومرت علي معاني لبعض كلمات القرآن وكأني أول مرة أفهمها وأسمع بها.. عبدالرحمن:مثل إيش؟؟ اسمهان:كلمةأبابيل معناها:جماعات متفرقة..العِهن:الصوف المصبوغ.. أمه هاوية:هاوية هي الطبقة السابعة من النار...العاديات ضبحا:الخيول اللي تعدو بسرعة ويسمع صوت أنفاسها.. كَنُود:بمعنى جَحُود.بس أتحداك تقول لي ايش معنى(فالموريات قدحا)؟؟؟؟ عبدالرحمن:يعني الخيول اللي تجري بسرعة لدرجة انه حوافرها تصدر شرار مثل شرار النار! اسمهان:ماشاء الله عليك..طلعت أحسن مني..أنا أول مرة أعرف معناها اليوم,, عبدالرحمن:وبإذن الله الأيام الجاية بتعرفين أكثر وأكثر.. وظلوا يتبادلون السواليف المختلفة... اسمهان:تصدق يادحوم؟أمس لما كنت عند زوجة سلمان صاحبك وسمعت كلامها مع صاحباتها تحمست يكون عندي جارات يساعدوني على الخير مثلها.. عبدالرحمن:حسد هذا ولا غبطة؟؟ اسمهان:وش الفرق؟؟ عبدالرحمن:الحسد مذموم وهو إنك تتمنين تزول النعمة عن غيرك.. لكن الغبطة محمودة لأنك تتمنين يكون عندك مثل نعمة غيرك من غير ماتزول عنه.. اسمهان:ايه بالضبط هذا اللي أتمناه..أنا أغبطها على صديقاتها وودي يكون عندي جارات مثلهم..مرة عجبتني أفكارهم الدعوية اللي تكلموا عنها البارح.. عبدالرحمن:كلها شهر بإذن الله..ويصير عندك جارات يونسونك وتفيدينهم ويفيدونك.. اسمهان:مين هم؟؟ عبدالرحمن:واشفيك؟ نسيتي إن زواج أخواني بيكون عقب شهر؟ اسمهان:آآآآه تقصد مرام ومشاعل!تصدق فكرة مرة حلوة إننا نجتمع دايماً مع بعض ونفيد ونستفيد.. عبدالرحمن:ولاتنسون أمي!!!!! =============== وفي الرياض كانت عبير جالسة مع أمها.. عبير:ياالله مابقى غير شهر على الإجازة..بأطير من الفرحة!!! أم عبير:وش سر هالفرح كله؟؟ عبير:أبوي اتصل اليوم وقال:انه أرسل تقاريري لدكتور تجميل بلبنان وحدد لنا موعد في بداية اجازة الصيف..وناسة!بنسافر أنا وأخواني نتمشى وأتطبب بنفس الوقت!! أم عبير:وعمتكم المقرودة بتروح معاكم؟؟ عبير:طبعاً..أجل مين بيرافق معاي ويساعدني؟؟ أم عبير:إن بغيتي الحق أنا ماأشوف للعمليات اللي بتسوينها أي داعي!! عبير:وليش يمه؟؟ أم عبير:لأنه لو كان شمس كان أمس!!! عبير:الله يسامحك يمه توقعتك بتفرحين لي وتشجعيني.. أم عبير:أي أفرح لك؟نسيتي كيف العمليات كانت تأثر عليك بسبب السكر؟؟ عبير:ايه يمه هذاك أول..بس أنا صار لي شهرين ماشية عل حمية ممتازة وهذا إنتي شايفة نتيجة تحاليل السكر تبشر بخير وحالتي مستقرة..ومنتظمة على الأدوية.. أم عبير:بكيفكم..بس لو جرى لك شي أنا مو مسئولة!!!!! عبير:يمه فاولي خير..وادعي لي دايم..وان شاء الله ربي ييسرها.. أم عبير:تبيني أدعي لك؟أصلاً لو فيك خير انتي واخوانك..كان أصريتوا على أبوكم يخليني أسافر وياكم!!تبين عمتك النسرة تستفرد بكم هناك!! عبير:يمه أبوي مو راضي تجين معانا..وبعدين لاتنسين إنك طليقته يعني تعتبرين غريبة عنه..فمن الطبيعي يفكر بعمتي ترافقني..وتراها مثل العسل يمه..يكفي انها من يوم ماجينا الرياض وهي دايماً تتصل علينا وتتطمن على أخبارنا.. أم عبير:حركات نُص كُم!! =================== وأما العرايس الثلاث(مرام+مشاعل+رانية)...استمرت اتصالات أو مسجات وزيارات العرسان لهم... مرام كانت دلوعة ولها مكانة كبيرة عند عبدالرحيم اللي يموت فيها أكثر من أي شي بالدنيا.. مشاعل كانت مرتاحة لعبدالمجيد والتفاهم دايم بينهم لكن الناس كانوا مايتركونها بحالها وبالأخص انه موعد زواجها اقترب وكل الأقارب كانوا يزورونها من باب المباركة وتقديم الهدايا.. وحدة من عماتها:يابنتي باقي وقت على موعد العرس يمديك ترجعين بكلامك وتفسخين هالخطبة!!!!!! عمتها الثانية:وش اللي جابرك عليه؟اتركيه وان شاء الله ربي يعوضك باللي أحسن منه.. بنت عمتها:مشاعل؟انتي فكرتي بحياتك بكرة معاه شلون بتكون صايرة؟؟؟ زوجة عمها:افرضي يابنتي جاء لك عيال مثله؟شلون بتعيشين معاهم؟ أم مشاعل:أنا قلبي مو مرتاح لهذي الزواجة من البداية..بس اش أسوي البنت متمسكة فيه وأولادي يمدحونه ومرتاحين له..!! مشاعل:خلاص؟انتهيتوا من كلامكم؟؟بدل ماأسمع منكم دعوة طيبة لي بالتوفيق أسمع كلام يشجعني إني أدمر حياتي بإيدي؟ وعشان إيش؟عشان شخص مبتلى ولاحول له ولاقوة..؟إلى متى هالاحتقار للناس؟ومين قال اني ماراح أقدر أتكيف وأعيش معاه؟نسيتوا انه مجال تخصصي وعملي مع فئات الصُم والبُكم؟وإنه سنين من عمري وأنا عايشة معاهم وأشوفهم وأحتك فيهم يومياً؟؟؟وقرار زواجي هذا نابع من قناعتي الذاتية..ومااتخذته إلا عقب مااستخرت وبإذن الله ماراح أندم عليه...انتم بس دعوا الخلق للخالق!!!!!!!!! عماتها:الله يوفقك ويسهل أمورك.. بنت عمتها:مو قصدنا ننفرك من هالزواج!لكن مادام انتي مقتنعة فالله يبارك لك فيه,,,, زوجة عمها:يابنتي عقلك براسك وتعرفين خلاصك..لكن مادام هذي رغبتك..فما أقول إلا الله يسخره لك ويكون عند حسن ظنك.. ======= أما رانية كالعادة هي وناصر مسويين توم وجيري على غفلة!! ومرة في إحدى المكالمات.. ناصر:اش رايك يارنونتي بعد بكرة أزوركم؟؟ رانية:ياخي عطني فرصة أشتاق لك مرة!وإنت كل يوم طايح بكبدي كأنك لصقة جونسون!!! ناصر:لو إني ماأزورك كان سويتيها مشكلة ونشرتيها بالنت!! رانية:وش هالكلام؟؟ ناصر:هذا كلامكم يالنسوان! طقتني اللقافة ودخلت على قسم العرايس بإحدى المنتديات ولقيت العجب العجاب..اللي مسوية تصويت واستفتاء:عزيزاتي الحريم ماهو المعدل المناسب لزيارة عرسانكم لكم؟؟اللي قالت:مرتين بالشهر..واللي قالت كل 3شهور تقولين زيارة طبيب!!واللي تقول زوروني كل سنة مرة!!واللي تقول ولامرة وأكلوها النسوان بألسنتهم!وقالوا وش هالتخلف؟!!واللي تقول خمس مرات في اليوم!!!! رانية:هههههههه أما عليك بكش!وش خمس مرات باليوم؟زيارة مع كل صلاة؟!!يسكن عندهم أحسن! ناصر:ترى لاتحسبيني خفيف يوم أزورك دايم!بس هذا لأني حبيت عيلتكم ..كلكم راعيين نكت ووناسة وأنا صدري ضايق من الوحدة في هالبيت وأصحابي كلهم تزوجوا وماحد فاضي لي..حتى تركي ماصار يطلع معاي مثل أول..وعبدالرحمن لاهي بدوامه ومقالاته اللي يكتبها يومياً بالجريدة..يعني ماحد فاضي لي أبد!!ألقى لي بقلبك مكان؟؟؟؟ رانية:يابعد طوايفي أنا!كسرت خاطري حيل..إلا لك مكان بقلبي ومكان واسع بعد!إنت ادخل فيه ونام وتبطح مثل ماتبي!!!!! ناصر:ولاتنسين بعد إني يتيم..احسني لي ينوبك فيني ثواب.... رانية:مادامك يتيم عهدن علي ماأقهرك يالغالي.. ناصر:ولو عندك 500 ريال سلف لاتقصرين أخوك في الله محتاج!!!! رانية:عاد بهذي لاتعرفني ولاأعرفك!!أنا آآخذ ماأعطي!وبعدين تعال ياوجه الفقر!وراك زواج عقب شهر ونص ومابجيبك 500 ريال؟؟؟؟؟؟؟؟؟ ناصر:إلا بجيبي 500 فاتورة بانتظار التسديد!! رانية:لا لا كلش ولا هالحكي الفاضي..أنا بنية رابية على الدلع والصرف.. ناصر:أي صرف؟الصرف الصحي؟؟ هههههههه رانية:لا يامحترم أقصد متعودة يكون عندي سيولة!! ناصر:من هي سيولة؟أخت سيول؟؟كااااااااك!! رانية:استغفر الله ياهالرجال لاشيمة ولاحشيمة..أقول مع السلامة وراي دراسة وإنت أشغلتني.. ناصر:حتى انتي أشغلتيني بسوالفك..ووراي نزلة لسوق الأدوات الصحية.. رانية:واش تبي من سوق الأدوات الصحية؟لايكون بتشتري لي جاكوزي بحمام غرفة النوم؟؟؟؟؟ ناصر:لا مايطرى على بالي!بس حمامات البيت عندي كلها حمامات عربية وودي أبدلها لأفرنجية!!!! رانية:ايشششششششش؟ لايكون حتى أثاث البيت كله عربي؟يمين ماأطبه!! ناصر:تكفين يالكشخة!أنا من يوم الملكة وأنا متطمن شفتك لابسة كُرتة تراثية قلت لنفسي ياولد لاتغير شي في بيتك الشعبي بيعجبها حييييل!! رانية:بيتكم شعبي؟؟ ناصر:هو مو شعبي بالطريقة اللي تتخيلينها! رانية:يعني حولكم مولات أو أسواق أو أي شي؟؟؟ ناصر:ايه حولنا..يمين البيت فيه محل تميس وفول..ومطعم باكستاني..ويسارنا فيه محل تصليح أحذية ومخبز أفغاني.. وقدامنا مطابخ مندي ومحلات تنجيد سيارات وبنشري...وخلفنا استراحة الزنبقة للمناسبات.. وبرحة بن شعبوط للتفحيط!! رانية:آآآآه ياقلبي..برحة تفحيط بعد؟؟ وعساك تفحط معاهم؟؟ ناصر:مرات لما أكون زهقان..بس اعتزلت الفن مؤقتاً عقب الزواج ان شاء الله بآخذك وأفحط بك بـ ونيت جدي القديم عاد ياهو ونيت كشخة غمارة وحدة وباب من أبوابه مخلوع وكفراته ممسوحة بس نويصر شاطر يخليه يمشي وهو مايشوف الطريق!!! رانية:إقفل السماعة إقفل السماعة طلبتك.. أحس إني بأنجلط قريب!!! ناصر:لا لا تكفين..انجلطي عقب الزواج لأن فيه مفاجآت كثيرة!!! ===========
بيوم من الأيام اجتمعوا هند وسماح عند أمهم(أم تركي)....... هند:الله يسعد تركي ريحنا مرة في تأثيث شقته..كل أثاثه لسه جديد من أيام زواجه بعبير..اللهم إننا أضفنا بعض الأشياء.. أم تركي:لأنه يابنتي مااستخدم الأثاث من أيام الطلاق جاب العفش كله وغطاه وحطه فوق بالملحق... سماح:ماعليكم من تركي ..رجَّال ويسبِّع نفسه...عليكم من نويصر هذا إلا مايدري عن راسه من رجليه..بالله يمه مابقى على الزواج غير أقل من شهر!وماسمعت انه غير شي ببيته!!! هند:تركي يقول انه ضرب البيت بوية(دهانأوصبغة) جديدة..وغير دورات المياه... أم تركي:واشترى غرفة نوم بعد.. سماح:بس؟؟هذا اللي قدر عليه؟ يمه بيتهم صاير شعبي وقديم ويفشل! كل البيوت اللي حولهم ترممت وتغيرت من الداخل والخارج إلا بيتهم باقي على حاله..اشفيه ناصر نايم ومو مهتم؟على الأقل يغير العفش اللي صار له أكثر من 12 سنة!!!!!! هند:ولاتنسين انه كله جلسات عربي(مساند ومتاكي)..والمطبخ حالته تجيب المرض!! أم تركي:وش تبوني أسوي له؟كل ماقلت له ياولدي غيِر بدِل قال:ماأقدر هالعفش من ريحة المرحومة(بإذن الله)!!!! سماح:وهو مايقدر يتذكر أمه الله يرحمها إلا بريحة العفش؟اللي أكل عليه الزمن وشرب؟؟خل يتذكرها بدعوة صالحة أو صدقة أبرك له.. هند:وبعدين يايمه لاتنسين إن رانية خطيبته بنت رابية على العز والدلال..أكيد أهلها بينصدمون لاشافوا البيت..نسيتوا اننا بنستقبلهم فيه لاحضروا يرتبون أغراض بنتهم؟؟؟ سماح:تدرين يمه؟مالي غير تركي هو اللي يقنعه!!وأنا مستعدة أنزل السوق وأختار له أثاث.. هند:وأنا راتبي توي استلمته ماعندي أي مانع أدعم ناصر مادياً إذا هو رافض يدفع!! سماح:مايحق له يرفض يدفع!وظيفته زينة وراتبه أزين..والبيت هذا مِلك له مو أجار..ووارث من أبوه أرض لو يبيعها تجيب له ذهب! ولاتنسون ان بيته دورين منفصلة يعني بإمكانه يأجر واحد من الأدوار!أجل وش حقه هالشح اللي عايش فيه؟؟أخاف إنه بخيل يمه؟؟ أم تركي:لا بالعكس لابخيل ولاشي..إلا قروشه ضايعة هنا وهناك ومايعرف يرتب نفسه.. هند:أجل نكلم تركي يقنعه يغير أثاث البيت وإحنا مابنقصر معاه بشي.. وفعلاً اتصلت سماح بتركي وقالت له يقنع ناصر بتغيير الأثاث وهم بيساعدونه في الاختيار وهو عليه يدفع... وتقابل تركي وناصر بأحد المطاعم وقاموا يسولفون عن ترتيبات يوم الزواج والعشا ونواقص القصر... تركي:شوف أي نواقص خاصة بيوم الزواج والقاعة أنا بأتكفل بها وإنت حط جهدك هاليومين بتأثيث بيتك.. ناصر:ليش؟اشفيه بيتي؟يهبل وشاري فيه غرفة نوم جديدة!! تركي:وإنت دايم قنوع؟لايمكن تتحسن شوي للأفضل؟؟أثاث بيتكم قد عفا عليه الزمن.. وماأتصور فيه بنت بهالزمن ممكن ترضى بهالمستوى!!حتى خواتي معترضات عليه!!!!!! ناصر:وش علي من خواتك؟بيجون يسكنون معنا؟؟ تركي:لا..بس لاتنسى إنه ماعندك خوات يفزعون لك ويوقفون بجنبك..وخواتي ماراح يقصرون معك لو تبي..إنت بس توكل على الله.... ناصر:لاتكبرون السالفة!خطيبتي ميتة علي..لو أسكِّنها بـ جحر ضب بترضى!!بس انتم ارتاحوا.. تركي:أصلاً بيتكم أول شي لازم يتغير فيه الريحة!!! ناصر:وش تقصد؟؟ تركي:ياخي البيارات اللي حولكم مخلية البيت مرتع للحشرات والفيران..أسألك باللي خلقك؟إنتي رشيت البيت قريب؟؟ ناصر:لا..في خاطري أرشه قبل الزواج بيومين!!! تركي:لاياشيخ؟؟بعد ماأهل عروستك يجون يرتبون عفشها؟؟ اسمعني زين من بكرة الصبح لازم أنا وإنت نجيب فريق رش ينفضون لك البيت! ناصر:تم!! =============== ثاني يوم جاء فريق الرش وشالوا كل العفش من مكانه..وتفاجأ تركي من قذارة البيت اللي عايش فيه ناصر!!خاصة وإنه أول مرة يدخل لين داخل... العادة إنه يقعد معاه بمجلس الرجال!!!! كان البيت كله موكيت وقدييييم جداً والبقع عليه من كل مكان.. والجلسات العربي مهترأة من كثر الاستخدام وطول العمر!!! ناصر:اش رايك ببيتي؟مو حرام أغير هالأثاث اللي لو تلف الدنيا كلها مابتلقى مثله!!! تركي:طبعاً لايمكن ألقى مثله إلا بمتحف فتح الرياض وتأسيس المملكة!!وش ذا القرف وش ذا المكان اللي لايمت للحضارة بصلة؟ماتستحي على وجهك إنت يوم تخلي أرحامك يشوفون هالمكان؟؟؟؟ ناصر:يعني هذا رأيك؟؟ تركي:لاااا؟ إنت باقي تشاوِر وتحاور؟؟ماتشوف العثة شلون ماكلة حشوة المساند؟؟وبعدين اش هالوساخة اللي تارسة البيت؟ ناصر:تدري فيني أنا عزوبي ومالي بالتنظيف وشغلات النسوان!! تركي:ياخي جيب لك واحد من هالهنود أو الأفغان اللي عايشين حولك يساعدك بتنظيف البيت!!! ================= وبنفس اليوم أخذ تركي أمه وخواته ووداهم يشوفون بيت ناصر وفتح لهم ناصر الباب وقعد بالمجلس.... سماح:وعععععع..من صدقه هذا يخلي بنت الناس تعيش بهالخرابة؟ هند:لو نحط كم قطعة أثاث هنا ونعلق براويز..ويقلب الأرض سيراميك..يطلع البيت مقبول!! أم تركي:المطبخ هو المصيبة الكبيرة بهالبيت!!أم ناصر الله يرحمها كانت سنين مشلولة لاتقوم ولاتتحرك واعتمادها على الشغالة..والشغالة شغلها مو ذاك الزود...الدواليب شاربة موية ومتفقعة!! وراح تركي وقال لناصر:خواتي يشوفون من اللازم يتغير مطبخك! ناصر:ياخي مابقى شي على العرس..وإنتم تفكرون بتفصيل مطبخ؟؟متى بيخلص؟؟ رجع تركي لخواته وقال لهم كلام ناصر..... سماح:ياخي فيه اختراع اسمه مطابخ جاهزة مثل اللي بإيكيا..نجيبه بيوم واحد ونركبه مابياخذ وقت! المهم رسموا أخوات تركي تصور لكل النواقص اللي بالبيت وحطوا ميزانية معقولة وبدأوا بالتسوق.. ============== ببيت اسمهان كان الجو يسوده فتور..عبدالرحمن مشغول أغلب الوقت! اسمهان:دحوم؟إنت مو ملاحظ إنه في شي غير طبيعي؟؟ عبدالرحمن:لا..خير وشهو هالشي؟ اسمهان:صار لك مدة يا مقابل المدونة على النت..يا فوق الأوراق تكتب بهالمقالات..يا تتابع رسايل القراء... يالاهي بشغلك وسمهونتك مالها فيك نصيب!!! عبدالرحمن:أدري إني مقصر..بس هذي مشاغل الدنيا وش أسوي؟ اسمهان:ومعقول مشاغل الدنيا هذي بتكون أهم من زوجتك؟؟ عبدالرحمن:أكيد مافي شي أهم منك عندي..س غصب عني لازم هالمشاغل تاخذ مني جهد ووقت! اسمهان:بس هذا مو حال!إنت داري كلها اسبوعين وبتجي الاختبارات النهائية..يعني بأنشغل بالمذاكرة طول الوقت!وعقبها يكون زواج أخوانك وارتباطات عائلية..على الأقل خل نغتنم الفرصة الحين ونجلس مع بعض! عبدالرحمن:طيب..وين تبينا نروح بهالليل؟الساعة صايرة وحدة بعد منتصف الليل..!!! اسمهان:أنا ماقلت نطلع..قلت نقعد مع بعض.. وبعد هنيهات من التفكير.. عبدالرحمن:زين..اش رايك نطلع الحوش نتسابق؟؟ اسمهان(بسعادة):ايه ياليت!! عبدالرحمن:خلني أتصل بأمي أول..أخاف أحد من اخواني برة بالحوش.. اتصل عبدالرحمن بأمه.. أم عبدالرحمن:هلا ياولدي..غريبة متصل هالحزة فيه شي؟؟؟ عبدالرحمن:لا..إنتي بعدك صاحية؟ أم عبدالرحمن:لا كنت نايمة بس صحيت أصلي الوتر..وبأرجع أنام.. عبدالرحمن:ووينهم أخواني؟؟ أم عبدالرحمن:نايمين هم بعد..لأننا بكرة من الصباح بننزل السوق ونكمل لوازم مطابخهم..ومواعينهم عبدالرحمن:بغيت أنزل الحوش أنا واسمهان نشم هوا شوي..قلت أتأكد إن كان فيه أحد.. أم عبدالرحمن:يالله مساء خير؟؟انزلوا ماحد حولكم..... ونزلوا الزوجين..وقاموا يتسابقون بالركض..وكان عبدالرحمن يتعمد إنه يتأخر بالجري عشان تفوز اسمهان وتحس بلذة الفوز!!!! وكانت أم عبدالرحمن تسمع أصواتهم وضحكهم بآخر الليل..وقامت تطالعهم من ورا الشباك وتقول:يامثبت العقل والدين!!ثبِت عليهم عقولهم!!!!!! بعد ماحسوا بالتعب جلسوا على مرجيحة على شكل أريكة وقاموا يسترجعون ذكريات الماضي والخطوبة..ويضحكون.. اقترح عبدالرحمن على اسمهان انهم يلعبون ألغاز!! اسمهان:بس بشرط !اللي مايعرف الاجابة ياخذ دورة حول الحوش بالدراجة! عبدالرحمن:تعرفين تسوقين الدراجة زين؟؟ اسمهان:طبعاً..!! سألها عبدالرحمن:كان العرب يقولون(تركنا الديار بلاتع صلاقع)اش يعني؟؟ اسمهان:أقول؟بأركب الدراجة!ماعرفت!! عبدالرحمن:يعني خالية من أهلها! وقامت اسمهان تاخذ لفة بالدراجة وعبدالرحمن يطاردها!! ورجعوا جلسوا على المرجيحة.. اسمهان:جاوبني؟وشهو الطير اللي إن أخذت عينه نام؟؟؟ عبدالرحمن:نعام! اسمهان:شاطر..عرفتها..طيب خذ هاللغز اللي بعده.. أخرس مايتكلم وبليد مايفهم وبين الناس بالعدل يحكم؟؟؟؟ عبدالرحمن:الميزان... اسمهان:يوووه شكله ماحد بيسوق الدراجة هالليل غيري!!زين حل هاللغز(له جلد بس مو حيوان، وله ورق بس ماهو نبات، وله لسان لكنه مو إنسان؟؟؟اشهو؟؟ عبدالرحمن:الكتاب! اسمهان:صح..أف منك..كل شي تعرفه؟؟ عبدالرحمن:طيب اش أسوي فيك أسئلتك قديمة أعرفها من يوم أنا بزر! زين اسمعي لغزي:خبريني عن شي أوسع مافيه فمه..وابنه في بيته يلكمه وإن صاح مالقي من يرحمه؟؟ اسمهان:مستحيل أعرفه!قول إنت عبدالرحمن:الهاوند..اللي تستخدمونه بالمطبخ!! اسمهان:ماكنت بأعرف الاجابة لو بعد مليون سنة!!يلا بأقوم أنفذ العقاب وأدور بالدراجة! وراحت اسمهان تاخذ لفة بالدراجة حول الحوش الكبير..وقعد عبدالرحمن على المرجيحة... ينتظرها...لكنها مارجعت!!! وطال انتظاره واسمهان لاحس ولاخبر!! وراح يدوِر عليها بالحوش اللي أنواره مطفية..لقاها متخبية ورا جدار وتبكي!! تعتقدون ليش؟؟؟؟؟؟
0000
0000000
000000000
000000000000 شافها عبدالرحمن وقال(بزعل):اش تسوين هنا؟؟؟ أشرت له اسمهان بيدها عشان يسكت وأشرت بإصبعها لجهة سياراتهم الواقفة بالكراج.. التفت عبدالرحمن ولقي واحد واقف بوسط الظلام ومعاه كشاف وفاتح باب السيارة ويفتش بداخلها!! راح عبدالرحمن يركض له وسحبه وضربه بأقوى ماعنده على وجهه..وصاح الرجال!! عرفه عبدالرحمن من صوته وسلَّط الكشاف على وجهه..تتوقعون مين طلع؟؟؟ ___ -----
------- أخوه عبدالمجيد!!!! عبدالرحمن:عبدالمجيد؟؟سامحني.. اش قاعد تسوي بوسط الظلام؟؟ وقام عبدالمجيد يأشر له انه نسي جواله قبل لاينام بالسيارة وقاعد يدور عليه!!! خلى عبدالرحمن أنوار الحوش مطفية مثل ماهي وقال لاسمهان:قومي خل نطلع بيتنا! اسمهان(وهي تبكي):مو قادرة أقوم!!! عبدالرحمن:يابنت الحلال هذا مو حرامي..طلع اخوي عبدالمجيد..ورجع للبيت خلاص.. اسمهان:أقول لك مو قادرة أقوم..طحت من فوق الدراجة قبل شوي!! عبدالرحمن:لاحول ولاقوة إلا بالله وشالها وطلعوا بيتهم فوق.. ولما دخلوا البيت في النور كانت قَدم اسمهان وارمة وتنزف دم!! ساعدها عبدالرحمن وقام يجفف الدم ويعقم قدمها وهي تبكي مو قادرة تحركها.. عبدالرحمن:المشكلة وين أروح فيك بهالليل؟؟اسمعي خل ننام ولاطلع الصبح نروح المستشفى ونشوف اش سالفة قدمك؟؟ اسمهان:ايه..أنا النوم كابس علي بعد التعب والركض وودي أرتاح وبعدين نروح المسشفى. عبدالرحمن:زين.. مادام كان فينا حيل نركض ونلعب فالأولى إننا نصلي ركعتين في هالليل.. اسمهان:مو قادرة أوقف على رجلي.. عبدالرحمن:بس أتوقع إنك تقدرين تقرأين القرآن..صح؟؟؟ اسمهان:صح! ناولها عبدالرحمن كتاب تفسير القرآن وقعدت تراجع الآيات اللي حفظتهم قبل.. وأما عبدالرحمن قعد يصلي وعقب الصلاة قام يدعي دعوات كثرة منها..اللهم ارزقنا بالذرية الصالحة سمعته اسمهان وانطلقت الدموع من عينها مثل الشلال!! شافها عبدالرحمن وتوقع انه السبب من ألم رجلها... عبدالرحمن:مايخالف تحملي الكم ساعة الجايين وبالصبح نروح للمستشفى.. وشالها وحطها بالسرير ونام جنبها وفي الصباح صلوا الفجر وانتظروا الشروق وراحوا للمستشفى اللي اكتشفوا وجود كسر بسيط بالقدم وجبسوا قدم اسمهان وعطوها عكازات تساعدها على الوقوف!!!!!!! وهم راجعين للبيت كانت أم عبدالرحمن قاعدة تفطر مع عبدالمجيد وعبدالرحيم استعداداً للروحة للسوق عقب الفطور وكانت الساعة 10 الصبح.. انتبهت أم عبدالرحمن لوجود كدمة بوجه عبدالمجيد وسألته عن السبب! شرح لها عبدالمجيد الوضع وإنه عبدالرحمن ضربه في الليل!! أم عبدالرحمن مافهمت الموضوع زين وتوقعت انه سبب ضرب عبدالرحمن لعبدالمجيد هو إنه شاف اسمهان..وضربه عبدالرحمن من باب الغيرة!!!!!!!! واتصلت على عبدالرحمن وكان راجع من المستشفى فقال لاسمهان:أمي تبيني اش رايك تدخلين عندها تحت بدل ماتطلعين فوق وقدمك تعبانة..؟ وافقت اسمهان,,وطقوا الباب وفتحت أم عبدالرحمن ووجهها مقلوب من الزعل!!! ويوم شافت اسمهان قالت:خير اشفيها؟؟؟؟؟ عبدالرحمن:طاحت أمس بالليل وانكسر قدمها!! أم عبدالرحمن:طبعاً!!!هذي آخرة اللعب بأنصاص الليالي!تقدر تفسر لي..بأي حق تمد يدك على أخوك؟ شرح لها عبدالرحمن الوضع بإنه اعتقده حرامي وطب عليهم يسرق شي من السيارة!! سألت أم عبدالرحمن ولدها عبدالمجيد:ليش مافتحت أنوار الحوش بدل ماتستخدم الكشاف؟؟؟ عبدالمجيد(بلغة الاشارة):لأني سمعت صوت اسمهان وعبدالرحمن بالحوش وماحبيت يتضايقون من وجودي ويحسبوني أتلصص عليهم!! أم عبدالرحمن:بالله لابغيتوا تلعبون اختاروا وقت مناسب..أو العبوا بالمكعبات أحسن!!!!!وبعدين السطح عندكم فوق ليش ماتلعبون فيه؟؟؟؟ عبدالرحيم:ههههههههههههه وأنا اللي أحسبك رزة يادحوم!آثاريك تلعب مثل البزران؟؟هههههه علمني بالله اش تلعبون؟؟؟ عبدالرحمن:لايكثر هرجك!نشوفك ان شاء الله عقب الزواج!!إن ماعلقت زوجتك على ظهرك وقمت تجري بها فوق السطوح!!!!ماأكون عبدالرحمن!!!! عبدالرحيم (وهو فاطس من الضحك):هههههههههههه أخاف هذا اللي سويته البارح عشان كذا انكسرت رجل زوجتك!!!! ================== آآآآآه تعبت وأنا أكتب!! مع السلامة..
عزيزاتي هذا المكان مخصص للقصة! وكل عضوة ستضع ردودها هنا فلن ألتفت إليها!! الرجاء التقيد بذلك ووضع الردود على الرابط الآتي: ردود اسمهان وعبدالرحمن http://www.niswh.com/vb/showthread.php?t=225321
اتصلت أسماء على اسمهان يوم الخميس يوم السقوط التاريخي لسمهونة بالحوش!!!في الظهر أسماء:السلام عليكم ورحمة الله وبركاته.. اسمهان:وعليكم السلام!! أسماء:ياعالم ياهووه إذا حييتم بتحية فحيوا بأحسن منها أو ردوها! اسمهان:مافيني حيل!! أسماء:ياساتر يارب!ليش؟ لفيتي البيت ونفضتيه شبر شبر؟؟ اسمهان:إلا لفيت الحوش وتكسرت شبر شبر!! أسماء:مجتهدة والله..خل شغالة أم عبدالرحمن تغسله..ليش تغسلينه انتي؟؟؟ اسمهان:ماغسلته ولايطراني..إلا انغسل شراعي بذا الحوش!! أسماء:المهم..ماعندي وقت أضيعه..بالمختصر المفيد كلمت أهلي تجتمعون عندي اليوم..فتفضلي معاهم عقب المغرب نسهر ونستانس ونتعشى مع بعض... اسمهان:أنا أنزار ماأزور!! أسماء:ليش؟نفاس؟ولا بـ حِداد؟؟ اسمهان:فال الله ولافالك يالظالمة!أي حداد؟ الله يحفظ لي دحومتي..بس قدمي منكسرة ومو قادرة أمشي عليها..تعالوني انتوا.. أسماء:سلامات سلامات..ياعسى الكسر بـرِجل العدو ان شاء الله..بس شلون انكسرت؟أخاف تنطين فوق السرير مثل العادة؟؟ اسمهان:لا ماأنط..هذاك زمان أول ياأسوم!هالحين عقلت! أسماء:هههه عقلتي؟؟أشك في ذلك يابنية!زين علميني شلون انكسرت رجلك؟؟ اسمهان(بلهجة حزينة وهي تطالع بقدمها):كنت ألعب بالسيكل قبل الفجر بالحوش..وصدمت بالسيكل في الجدار وطِحت... أسماء:هههههههه وتقولين عقلتي يامال الخيبة؟زين اقعدي ببيتك لاتجين معذورة..أهلي يكفون!أخاف تجين عندي وتركبين بـمشاية لينة بعد!!!عاد انتي مايندرى عنك!!!هههههه وقفلت اسمهان السماعة بعد نهاية المكالمة..إلا التليفون يرن.. اسمهان:آلو ياهلا.. أم عبدالرحمن:هلا فيك يابنتي..هاه؟بشري شلونها رِجلك الحين؟؟؟ اسمهان:مرة تآلمني مو قادرة أوقف عليها.. أم عبدالرحمن:طبيعي..هذا كسر يابنتي موب حاجة هينة..عموماً أنا قلت أكيد مابتقدرين تطبخين وأرسلت لك غدا مع الشغالة افتحي لها الباب... اسمهان:ان شاء الله.. أم عبدالرحمن:ايه وبعد بغيت أقول لك..اليوم الأولاد يبون يسوون العشاء شوي دجاج وشيش طاووق بالحوش فكلمت جوهرة وأحلام وأم منصور جارتنا يجون يسمرون ويتعشون معانا..انزلي لنا عقب المغرب.. اسمهان:هذي ثاني دعوة تجيني اليوم ياخالتي..أسماء أختي تبي تجمعني أنا وسماح وأمي عندها بس اعتذرت عشان رِجلي.. أم عبدالرحمن:والله فكرة!اش رايك أنا أنادي أمك وأختك وزوجة أخوك يتعشون معانا الليلة؟؟ اسمهان:ياليت!بس مانبي نكلف عليك خالتي.. أم عبدالرحمن:ولا كلفة ولاشي..أم منصور الغريبة بتجينا وتسمر معانا..فما بالك بأهلك؟كلنا أهل ومابيننا رسميات..بأروح الحين أتصل بأمك.. وشوي إلا والشغالة مقبلة بالغداء..فتحت لها اسمهان الباب.. وأما عبدالرحمن كالعادة قاعد بالمكتب يسطر إحدى المقالات.. تغدوا مع بعض,, وشوي وعائلة اسمهان كلهم دروا عن رِجل اسمهان المكسورة وقاموا يتصلون...وقالت لها أمها قبلنا دعوة خالتك للعشا..عشان نتطمن عليك بالمرة..وبطلنا من الروحة لأسماء وبتجي معانا.. ============ في بيت مرام..كانت استعدادتها للزواج على قدم وساق ماتصدق بإجازة نهاية الأسبوع تجي عشان تنزل السوق وتجهز نفسها.. ماجدة:كنت متوقعة تحضيراتك ليوم الزواج بتكون أقوى من كذا..وخاصةً إنه في عروس ثانية معاك بنفس الليلة..لكن أشوفك متطمنة والموضوع عادي عندك!!! مرام:طبعاً!هذي العروس لو إنها وحدة ثانية غير مشاعل كان شلت هم!لكن مشاعل جداً عادية ومالها بالحركات ولاالتقليعات!!في جميع الأحوال بأكون أنا المميزة!!! ================== أما أفنان وصلت ممرضة فليبينية خاصة لأختها سندس وكانت مُدربة بشكل ممتاز للتعامل مع مثل هالحالات..وارتاحت أفنان لوضع أختها يوم شافت الممرضة ممتازة! وبدأت تفكر بشكل جدي بنفسها وتستعد قبل الامتحانات..بتجهيز لوازم الملكة والعرس.. ============== أما نجلاء كانت هايمة بكل قصة تسمعها عن ولد خالتها(ماجد)..اللي يشتغل بمجال الطيران..وكان ساكن بالرياض..وكانت تعد الأيام عد خاصة انه وعدهم يتقدم رسمي ويشوفها بعد 3 شهور من اجازة الصيف.... =============== أما رانية كل مالقت نفسها فاضية راحت تشتري لنفسها أغراض من السوق.. وكل مااتصل ناصر على جوالها قالت له:أنا بالسوق! وبمرة من المرات,,,, ناصر:وش سالفتك؟كل مااتصلت عليك قلتي أنا بالسوق؟؟ رانية:طبيعي يالحبيب..وراي زواج لابد من التجهيزات... ناصر:وش تجهزين له؟السوق وجنبنا موب طاير..وأنا قابلك مثل ماإنتي.. رانية:عيوني..أنا عروس .. عرروووووس!!تفهم اش يعني؟؟يعني لازم أكون متجددة وكاشخة.. ناصر:مساكين حِنا الرِجال!!يشقى الواحد سنين عشان يجمع المهر ...ويعطيكم اياه تصرفونه بلحظة!!وعلى ايش؟على شوية همول وأصباغ تلطخها الوحدة على خشتها..على بالها بتتحول من حصيصة لـ جويل!!!! رانية:مو حرام ولاعيب..كل بنية من حقها تاخذ المهر تضيعه بيوم ،تضيعه بشهر ،تقطه بالبحر!!هي حرة!طالما خرجت القروش من جيبك..فعلى الدنيا السلام!! ناصر:آآآآه..ياحسرة قليبك ياناصر! حمدت ربي ماعندي خوات..وطلعوا لي خوات تركي من تحت الأرض..كل يوم يشترون ويخلوني أدفع!! رانية:وخوات تركي اش دخلك فيهم تصرف عليهم؟؟ماعندهم أزواج؟؟؟؟؟ ناصر:هم اللي قاعدين يأثثون بيتنا..وأعطيهم فلوس عشان يكملون التأثيث.. رانية:ياعسى ربي يجزاهم خير..في أسوأ الأحوال بيكون ذوقهم أفضل من ذوقك!! ناصر:أفا يارنون!!مايعجبك ذوق خطيبك؟؟؟ رانية:خطيبي؟؟خطيبي اللي بيفتح لي زريبة حيوانات بالبيت؟؟مرة أهديتني بقرة قطن!ومرة أهديتني عصفورين بقفص أبلشونا بأكلهم وشربهم وأصواتهم ووسخوا لنا البيت!ومرة مهديني سلحفاة!!ومرة قطعة قماش عليها رسومات طيور النورس!!!خيييير؟؟ تشتغل طبيب بيطري إنت؟؟؟ ناصر:إنتي لو جيتي البيت بتشوفين مخلوقات ثانية من نوع آخر!!!!!!! رانية:لا لا تكفى أنا أتحسس من الحيوانات..لايكون البيت بعد متروس طيور؟ ناصر:لا فيه بساس وقطاوى!! رانية:وعععع ليش؟؟ ناصر:عشان تاكل الفيران اللي بالمطبخ!!!!! ================= الرجاء الالتزام بوضع الردود في الرابط المخصص وليس هنا!!!
التقت اسمهان بأهلها يوم الخميس في بيت أم عبدالرحمن على عزيمة العشاء وكانت شوي تفننوا فيه الرِجال بالحوش..... وقاموا يسألون اسمهان عن طيحتها وراحت تحكي لهم... أم اسمهان:زين اللي مرت على كذا يابنتي..والمفروض إنك ماتركبين دراجة..افرضي إنك حامل..كان رحتي فيها!! أم عبدالرحمن:ماألومها..أنا ألوم اللي مشجعها ومآخذها بنص الليل بوسط الظلام!!الناس نايمة أو ساهرة تتعبد ربها وهذول يدورون عن الوناسة واللعب!! أحلام:أنا كسر خاطري عبدالمجيد..أخذ علقة وهو مظلوم!! جوهرة:وحتى اسمهان انقلبت الوناسة نكد!! أسماء(تهمس بإذن اسمهان):الله يقطع إبليسك فعايلك تفشل!!حتى الرَجَّال هبلتي فيه؟؟ سماح(بصوت منخفض):ههههههه ماشاء الله مابقى أحد مادرى عنكم ياسمهونة!إذا بليتم فاستتروا.. اسمهان(بانفعال):واشفيكم سويتوا من الحبة قبة؟ أنا وزوجي نحب نلعب مع بعض دايماً..هالمرة حبينا نسوي تغيير فطلعنا الحوش.. أم عبد الرحمن:بس مرة ثانية اختاروا وقت مناسب يابنتي... اسمهان:اش أسوي لولدك اللي مشغول طول اليوم؟؟ومايفضى لي إلا بهالوقت؟؟ أم اسمهان صارت تغمز لبنتها عشان تسكت!! أم عبدالرحمن:معليش يابنتي..بس حتى انتي مشغولة عنه باقي الأيام بدروسك ومدرستك!!كلها 3 أسابيع وبتجلسين مقابلته 3شهور بالاجازة لين ماتملون من بعض!!! أسماء(تهمس بإذن اسمهان):تحمدي ربك على أم زوجك الذوق هذي!هالكلام لو قالته أختك ابتسام لأم زوجها كان حذفتها بالنعال!!!!! ودارت الجلسة عن سوالف ثانية مختلفة وكانت جلسة لطيفة.. أم عبدالرحمن:سماح؟انتم زواج أخوك وولد عمك بيكون نهاية الشهر اللي بيتزوجون فيه أولادي صح؟؟؟ سماح:كان هذا اللي بيصير...لكن تفاجئنا انه ولد أخو ناصر اللي تملك بالشرقية قبل فترة بيتزوج بنفس اليوم!!وعلى كذا الكل بيحضر زواجه وماحد بيحضر زواج ناصر من اخوانه وقرايبه..فأجلنا موعد الزواج وصار بالأسبوع اللي بعده!! أم عبدالرحمن:الله يتمم لكم على خير..ومايحتاج أعزمكم انتي وأهلك على زواج أولادي العرس عرسكم...والله يحييكم... سماح:الله يحفظكم..ويوفقهم يارب.. واستمرت السهرة والعشا,,وكل واحد رجع بيته =================== ثاني يوم وكان الجمعة..اتصلت اسمهان برانية..وبعد ماثرثروا شوي.. اسمهان:آثاري زواجكم تأجل؟ولاعلمتيني يارنونة؟ رانية:احلفي؟وش هالخراط؟؟ اسمهان:ماهو خراط!هذا الخبر اللي وصلني أمس من سماح.. رانية:وليش يأجلونه؟أحد مات؟ اسمهان:لا فاولي خير..بس زواج ولد أخو ناصر بيكون بنفس اليوم وعلى كذا ماحد بيحضر من اخوان ناصر اللي بنفس الوقت يصيرون أولاد عم تركي..وماشاء الله عددهم كبير هم وأولادهم يعني غيابهم يأثر.. رانية:غريبة ماعلمني نصور!وش هالنذالة اللي فيه؟وموعدي عند الكوافيرة؟قد حجزت من أول!والمصورة؟وملابسي اللي بتصغر علي؟كل يوم وأنا أشوف الأكل وودي أحشيه ببطني ومو قادرة..ماسكة عمري عشان لايزيد وزني وأتوهق بالملابس اللي شاريتهم..لو تشوفين وش كثرها تحسبيني بأفتح بها محل!! اسمهان:الله أكبر..كل هالأشياء فكرتي فيها؟؟ترى الزواج تأجل أسبوع واحد بس! رانية:أشوى!الحمد لله..على بالي أسبوع ويوم!! =================== ويوم السبت راحت اسمهان المدرسة بالعكازات! وتفاجئوا الشلة ..وكل وحدة قامت تسألها عن السبب.. رانية:اشفيك؟سلامات؟ اسمهان:هذي طيحة من يوم الأربعاء.. رانية:وأمس يوم كلمتيني ماجبتي لي طاري! نجلاء:طيحة؟؟لايكون عبدالرحمن دفِك من الدرج؟ أفنان:أو كنتي تتزلجين على بلاط المطبخ وصار اللي صار برِجلك؟؟؟ مرام:لاتتعبون نفسكم بالتخمينات..كانت تلعب هي وزوجها بالحوش وطاحت من فوق السيكل!ههههه اسمهان:وانتي اش درَّاك؟؟ مرام:رحومتي قال لي يوم الخميس..وفطست ضحك!!وش هالرجة اللي فيكم تطلعون بأنصاص الليالي مثل الحرامية عشان تلعبون؟اثقلوا شوي كبرتوا على هالكلام!!! رانية(ترد على مرام):تكفين ياالرزة!!زوجها وهي حرة فيه.. تغسله أو تكويه!أو تلعب معاه بالليل أو النهار..كيفها إنتي وش حارق رزك؟؟؟ اسمهان:أنا أدري؟؟كل من درى بالسالفة قام يتشمت من صوب!خلوها قضية الموسم وهي ماتسوى!خل رجلي تنكسر أنا راضية!أهم شي إني تونست مع زوجي!!! أفنان:جزاه الله خير إنه يلعب معاك ويونسك..نادراً ماأسمع عن رِجال يحب يلاعب زوجته مع إنها سنة عن المصطفى.. نجلاء:شلون سنة؟أول مرة أسمع!! أفنان:ارجعي لسيرة الرسول وانتي تعرفين..الرسول صلى الله عليه وسلم كان يسابق السيدة عائشة..ويخليها تتفرج معاه على الأنصار وهم يلعبون بالحرابة..وله قصص كثيرة في ملاطفته لزوجاته وادخاله للسرور على قلوبهم..هذا وهو مشغول بأمور الأمة والرسالة مرام:أنا من الحين..شفت وحدة من التاجرات عارضة ألعاب زوجية في المنتدى وطلبت منها طلبية..عشان عقب الزواج ألعب مع رحومتي! رانية:عاد أنا نويصر..أتوقع إني مايحتاج أطلب منه يلعب معي..لأن كل حياته لعب بلعب وسبهللة! نجلاء:هههههه ليش؟؟ وقامت رانية تسرد لهم بعض المواقف الطريفة اللي صارت لها مع ناصر وهم يسمعون بحماس ويضحكون!!! أفنان:ياحليله..خفيف ظِل بقوة..بس ياحظك ماشاء الله..يكون فرفوش ولايكون نكدي وعصبي! نجلاء:اللي مثل خطيبك يارانية يظل قلبه شباب ومايشيب لأنه مآخذ الدنيا ببساطة ومايشيل هم شي... اسمهان:صراحة لما يحكي لي عبدالرحمن عن بعض مواقفهم بالعزوبية يحوشني ضحك مو طبيعي.. مرام:وشفيكم حاسدينها عليه؟؟بصراحة ماأقول غير الله يعينك يارانية..شكله مرجوج حيل!بالله هذي سواليف رجال محترم؟؟أنا رحومتي عسى الله لايخليني منه خفيف دم بس بطريقة عقلانية مو كذا!!!! رانية:رحومتك عقلاني..لأنه باقي ماجرب عِشرتك! لو درى بـ دلعك ومصاختك بينغث قلبه ويوريك السنع!! مرام:أشوف كأنك غيرانة؟؟ رانية:وأنا أشوف كأنك ملسونة شوي؟؟ نجلاء:وأنا أشوف لو تسكتون انتوا الثنتين يكون أحسن!!! =========== وكان ناصر كل يوم يتصل برانية ولايجيب لها طاري عن تأجيل موعد الزواج!وهي بعد محترة تبي الخبر يجي منه هو ولكن ماخبرها..لين يوم من الأيام دزت له مسج تقول فيه: (سمعت إنه موعد زواجنا تأجل!لو هالخبر صحيح بلغني..لأنه عندي نية أحْضُرْ!!!!) اتصل ناصر:كاااااااااااااااااااك..تصدقين كنت بأعزمك على عرسنا بس كرت الدعوة باقي ماانطبع؟؟؟!!!ههههههههههه رانية:ضحكتني وأنا ماأبغى أضحك!!!بالله هذا شي يشرفك؟أسمع الأخبار من الناس وخطيبي مايبلغني؟؟ ناصر:نسيت يالغلا نسيت ومانويــــــــت ولاقويت وإن حكيت أو شكيــــت غصب ألقى نفسي بكيت إنتــــــــي نامبـــــر ون وغيرك نمبر ايت!!! رانية:أقول حق من رشك إنت وفيرانك بـ فليت! ناصر:لايالغلا..مانسيت أقول لك ولاشي بس كنت مخطط أزورك قبل لاتبدأ الامتحانات وأجيب لك هدية راهية وأعلمك بخبر تأجيل الزواج!وبعدين وش عليه انتي مستعجلة؟باقي على الزواج شهر و3 أسابيع!!! ====================== وبالفعل زار ناصر رانية قبل الاختبارات..ورانية تتسائل بينها وبين نفسها ياترى وش بتكون هديته؟؟؟ الله يستر منك ياهالناصر!!!ماأستبعد يجيب لي حمار مع علف وحشيش!!!! لكن ناصر حضر ومعاه سله كبيرة مغلفة بطريقة أنيقة!! رانية:لا لا ماأصدق أكيد إنت موب ناصر!وش هالكشخة كلها؟؟أخاف أفتحها وألقى حشرات أو حيوانات!! ناصر:ههههههههه لا افتحيها الدرب أمان.. فتحتها رانية ولقيت علبة بداخلها طقم(عطر+شاور جِل+لوشن)حلوة وغالية.... رانية: واي تهبل!!مو معقول لاتكون مدتها منتهية بس؟؟!!! ناصر:أفا يارنون!الصراحة إنك محقرتني بزيادة!أنا هداياي السابقة لك مختلفة لأني أبي أيام خطوبتنا تعيش بذاكرتك بمواقفها الغير مألوفة!! رانية(بخجل):ومين قال إني بأنساها؟؟أظل أتذكرها على طول... ناصر(وهو يناظرها بنظرات ذات مغزى!!):أول مرة أشوف القمر بخدودٍ لونها وردي!! وذابت من الخجل إلا وأخوها مشاري داخل عليهم المجلس!! انحرج ناصر وقام غير لهجته وقال:ياخي شيل أختك هالنشبة من قدامي !!من تشوفني تأذيني بلسانها!!! قامت رانية تطالعه باستغراب!!! مشاري:أجل وش تقول عننا وإحنا عايشين معاها 24 ساعة باليوم؟؟تزوجها ولك الجنة ان شاء الله!!! رانية(بداخلها):صدق إنك يانويصر مطفوق!ولايمكن تكمل جميلك!!!!!!! ================== ومرت أسابيع الاختبارات سريعة كلها قلق ومذاكرة وضغط وكل وحدة من الشلة مجتهدة وتبي تجيب نسبة عالية عشان تنقبل في الكلية أو الجامعة.. وبعد ماانتهت الاختبارات وظهرت النتايج كانت كالتالي: اسمهان=96% نجلاء=94% مرام=93ونص% أفنان=90% رانية=88% ================ مع دعواتي لكل البنوتات بالتوفيق... الجزء القادم بإذن الله عن الاستعدادات للعرس!! (عرس مرام ومشاعل)
عزيزتي جيانة : أسأل الله العظيم رب العرش العظيم أن يشفي ابنتك شفاء لا يغادر سقما ً ..
استعيني بالله وكوني واثقة مع الدعاء بالإجابة ، ضعي يدك عليها وقولي " أعوذ بعزة الله وقدرته من شر ما أجد وأحاذر " سبع مرات .. ولا تنسي ماء زمزم غسليها وشربيها واقرئي عليها منه .. شفاها الله وعافاها ..
التي خففت عني الكثير.. لاأراكم الله مكروهاً فيمن أحببتم....... ========================= في الرياض كانت عبير فرحانة بنتيجة تخرجها من الثانوي بنسبة 93%... واتصلت تبشر أبوها بالنجاح..... أبوعبير:مبروك..مبروك..عقبال التخرج من الجامعة يابنتي... عبير:ان شاء الله... أبوعبير:ترى أنا حجزت لكم إنتي واخوانك تذاكر من الرياض إلى جدة بعد 3 أيام..وتقعدون معاي بجدة كم يوم تسلمون على أعمامكم وناخذ عمتك منيرة ومن جدة للبنان..وبعد مدة نروح من لبنان لمصر...بس انتم مستعدين ولا بعدكم؟؟ عبير:أكيد مستعدين ونعد الأيام عد.. أبوعبير:على بركة الله...وبانتظاركم ان شاء الله. أنهت عبير مكالمتها..ولقيت أمها واقفة وراها.. أم عبير:منهو هذا اللي تقولين له مستعدين ونعد الأيام عد؟؟؟؟؟ عبير:أبوي.. أم عبير:حدد لك موعد السفر؟؟ عبير:ايه..بعد 3 أيام بأسافر له أنا واخواني جدة..ونقعد كم يوم وعقبها نروح لبنان.. أم عبير:وليش تقعدون بـ جدة كم يوم؟؟ليه ماتروحون لبنان على طول؟؟؟؟ عبير:أبوي يبينا نجلس بجدة كم يوم عشان نسلم على أعمامنا وبعدين ناخذ عمتي منيرة معانا.. أم عبير:ياسلام!!عشان يستفردون فيكم ويغسلون أمخاخكم!! عبير:واشفيها لااستفردوا فينا؟ وش بيسوون لنا يعني؟؟هذول أهل أبوي وعِزوتنا.. أم عبير:وانتي اش دراك عنهم يالسوسة؟؟هذول أنذال ومايتمنون لنا الخير!! عبير:الأنذال اللي ساكنين حولنا بس مايسألون عننا!! أم عبير:تقصدين أهلي ياقليلة الحيا؟؟ عبير:السموحة منك يمه..بس انتي شايفة بعينك! ماحد يتشمت فينا كثرهم ومن يوم ماطبينا الرياض ماحد عرض خدماته علينا إلا خالي عثمان اللي ساكن فوق ويحبون يتفشخرون علينا بقروشهم..لكن أهل أبوي مايمر أسبوعين إلا ويتصلون فينا ويسألون عننا... أم عبير:مهما سويت لك ياذي البنت بتظلين جاحدة ومافيك خير...وبعدين أهلي مو مكلفين يسألون عنك انتي واخوانك.. عبير:يمه خلك صريحة مع نفسك مرة!أهلك مايتواصلون معانا زين مو لأننا فينا شي!!بس من طريقتك في التعامل معاهم والمشاكل اللي تسوينها مع زوجات أخوالي..حتى خالاتي وهم خواتك صاروا مايستحملون بعض تصرفاتك! أم عبير:والله يابنت أبوسعد!طالت وتشمخت وصار لك لسان تردين فيه علي!!هذا وانتي ببيتي تقولين هالحكي..أجل وشلون لارحتي لبيوت أعمامك؟أكيد بيقلبونك علي انتي واخوانك!!مالت عليكم كلكم مافيكم خير لأمكم!!فكرتوا تاخذون عمتكم الكريهة تتمشى وياكم وخليتوا أمكم اللي تعبت في تربيتكم!! عبير:يمه انتي ليش كذا؟نسيتي انك مطلقة؟وأبوي صار غريب عنك؟شلون تبينه ياخذك معانا بالسفر؟نسيتي كل المشاكل اللي جرت له بحياته من وراك؟؟المفروض يمه تقدرين عمتي منيرة اللي موافقة ترافقني وتوقف بجنبي عقب العملية وطلعت عبير من الغرفة وهي متضايقة.. أم عبير:حسبي الله عليك وعلى أهل أبوك ياعبير..عساكم ماتتوفقون بهاالسفرية!!!!!!!!!!! ============= أما أم عبدالرحمن كانت تجهز ببيوت أولادها وترتب فيها استعداداً لاستقبال أهل العرايس اللي بيجون يرتبون أغراض بناتهم قبل الزواج.. وقبل الزواج بيومين حضروا أهل مرام(ماجدة أختها الكبيرة+زوجات أخوانها الاثنين+أمها+خالتها وبنت خالتها)بجهاز مرام واستقبلتهم أم عبدالرحمن ببيتها في الأول..وكانت مواعدة أهل مشاعل يحضرون بعد بنفس اليوم عشان يرتبون أغراض بنتهم بـ شقتها..وحضر(أم مشاعل+أختها أم أفنان+2 من خوات مشاعل+2 من زوجات أخوانها).. واستقبلوهم(أم عبدالرحمن+اسمهان+أحلام+جوهرة) وبعد ماشربوا القهوة..طلعوا أهل مرام لشقة بنتهم يرتبون عفشها..وأهل مشاعل لشقة بنتهم يرتبون بعد........ أم عبدالرحمن:بعد ماتنتهون ان شاء الله..انزلوا عندي أنتظركم على العشاء... الجميع:ان شاء الله..الله يكثر خيركم.. وكل وحدة من العرايس أهلها رتبوا عفشها على طريقتهم الخاصة...ومرت الساعات وبعد ماانتهوا الجميع نزلوا وتعشوا عند أم عبدالرحمن..... أم مرام:تفضلوا معانا نفرجكم على جهاز بنتنا.. وطلعوا الجميع وكان أغلب الأشياء مشرَّعة بتشريعات فخمة بالتل والساتان والورد والفصوص.. وجايبين معاهم كماليات لبيت بنتهم من أطقم للمطبخ وتُحف وأبجورات ومفارش..وواضح من ملابس مرام إنها بنت جريئة في اختيارها للموديلات والألوان.. أما مشاعل كان ذوقها هادي وناعم وبسيط وملابسها كلها محتشمة ومرتبة وشارية من كل شي بلا افراط ولاتفريط..مع بعض اللمسات للبيت فانحرجت أم مشاعل وقالت:الحقيقة ماندري إن طبعكم تتفرجون على عفش العروس قبل ماتجي هي وتشوفه...عشان كذا رتبنا غرفتها وصكيناها بالمفاتيح.. عقب زواجها هي تفرجكم على أغراضها بنفسها!! أم عبدالرحمن:كل ناس ولهم طريقتهم ياأم مشاعل وحِنا ماندقق بهاالأشياء أهم شي انه العرايس يكونون راضيين ومستعدين...
================================ رجعوا أهل مرام للبيت... مرام(بانفعال):وينكم؟؟مابغيتوا ترجعون؟؟ أم مرام:أهل العريس مِسكونا على العشاء واضطرينا نتأخر... مرام:رتبتوا الأغراض مثل ماوصيتكم؟؟؟ ماجدة:ايه..تطمني يامدام مرام..حتى السرير سوينا عليه حركة قلب بالعقد اللولو وملينا داخله ورد وحبات كريستال ملونة...والغرفة بعد ماحطينا لمساتنا وديكوراتنا فيها انقلبت 180 درجة!!! مرام:وكيف أثاث البيت؟؟ زوجة أخوها:رووووووعة..أهل خطيبك شكلهم مرة ذوق.. مرام:وش أحلى؟بيتي ولا بيت مشاعل؟ولا ماشفتوا بيتها؟؟ أم مرام:الا شفناه..بس كلن وله ذوقه..بيتك حلو ماجدة:بس يمه متفننين في بيت مشاعل بالرسم على الجدران مدري ليه ماسووا نفس هالحركات ببيت مرام؟؟؟ مرام:هذا لأنه اللي رسم على الجدران ولدهم الأخرس..فطبيعي انه بيزين شقته وش عليه منَّا؟! ========= في بيت مشاعل..استقبلتهم مشاعل بالترحاب.. مشاعل:جزاكم الله خير جميعاً ..عساكم ماتعبتوا وانتم ترتبون أغراضي؟؟؟؟ أم أفنان:الله يرضى عليك ماتعبتينا ولاشي..جهازك كان عقلاني وعدد أغراضك معقول..ماحد تعب صحيح إلا أهل العروس الثانية حتى شغالاتهم جايبينهم معهم يساعدونهم.. مشاعل:الله يبارك لي ولها في هالزواج وييسر أمورنا... ================== رجعت اسمهان لبيتها بعد ماراحوا الضيوف وقابلت زوجها..... اسمهان:تصدِق؟؟بعد ماشفت بيوت أخوانك صرت أحس بيتي قديـــــــــــــــــم!!!! عبدالرحمن:بدينا؟؟بحركات النسوان والغيرة؟؟ اسمهان:لا حرام.ماأغير..بس فعلاً أحس كل شي ببيتنا صار قديم.. عبدالرحمن:بس للعلم ماراح أغير شي..تو الأثاث له سنة وكم شهر بس!! اسمهان:لاماأبيك تغير شي..بس اش رايك نبدل بين أثاث الغرف؟؟يعني اللي بمجلس الرجال ننقله لمجلس الحريم واللي بمجلس الحريم ننقله لمجلس الرجال..ونغير أماكن الطاولات والمرايات والزرع.. عبدالرحمن:بكرة يحلها حلاَّل..تبين نبدِّل أماكن الأثاث نبدل بس أهم شي نفوسنا تظل مثل ماهي وماتتبدل!!تصبحين على خير .. وعطاها ظهره ونام.. أما اسمهان ظلت جالسة على السرير تفكر بكلام عبدالرحمن..وقالت بنفسها:معاك حق ياعبدالرحمن كأني ابتديت أغار من بعض أشياء وأتمنى ترجع أيامي مثل قبل!!!!!!!!ا
