الاخت ام علي .. وينك ؟

[عذبة الروح $]

ام علي ...:icon26:
طمنينا عليك ..
كيفك انت وزوجك ؟؟؟؟
ياليت الي يعرفها يسلم لنا عليها ويطمنا :sadwalk:​

 

[عذبة الروح $]

السلااااااااام
بنات وينكم ؟؟
معقولة محد يدري عنها شي ؟!!

 

[نبع الحياة]

انا صراااااحه شدتني قصتها

بس ما اعرف عنها شئ

بس صااار لي فترة ما اشوفها تدش عسى بس المانع خير ان شاء الله

بس شكلي بنطر معاج

مشكورة على طرح الموضوع يا عذبة الروح صدق انك اسم على مسمى

up

 

[مهر الجنان]

اي والله وينج
تصدقين من قريت قصتها و كل يوم أدش أدورها
إن شاء الله المانع خير
جزاج الله خير
سبقتينا

 

[m2008]

قلوبنا معك ام علي والله يحفظك ويهنيك ويسعدك اينما كنتي طمنينا عنك عزيزتي:icon26::icon26::icon26::icon26::icon26:

 

[احبه موووووت]

الله معاج واحنا معاج والله يوفقج ياام علي

 

[حبيبت رشيد1]

والله حنى نفكر فيك والله يكون معك

 

[& أم علي &]

السلام عليكم


مشكوره أختي عذبة الروح على السؤال
وأشكر كل البنات اللي دخلوا واسالو علي مشكورين وماقصرتوا يالغاليات

بالنسبه لأخباري
انا اخذت كل اغراضي من غرفتي اللي فبيت زوجي كل شي كل شي ماخليت ولاشي حتى الجمام عزكم الله خليتها تاخذ كل اللي فيه
وابوي درا امي قالتله وطبعا ارتفع ضغطه وتعب ويقول انا احب هالانسان وقال يابنتي هذا شيطان قص عليهم بس لما قالتله اختي شنو الحل قال اصبروا شوي وانا ادري ابوي راح يكلمه اذا جا وماراح يسكتله
اخوي الكبير درا بسالفة القرض وانصدم وقال حطيتي نفسج بحفره ماتطلعين منها وحتى لوهو توظف مستحيل يعطونه قرض الابمبلغ10000 لانه سعودي موكويتي

بالنسبه للأخت انا قبل يومين راسلتها وياليتني ماراسلتها كنت ابي اعيشها بأسبوع رعب
قلتلها مهرج انا دافعته تردين لي المهر ولا افضحج<<<<بنات لاتفهموني غلط انا مابي الفلوس انا بس ابيها اسبوع تعيش بخوف وحرقة قلب مثل ماحرقت قلبي اسبوع برسايلها مع زوجي
والاخت بدال لاتعتذر تقول انا ماغلطت وعيب عليج وراح اقول لاخت زوجي تقول حق زوجي كلامج شوفوا جرأتها
ثاني يوم زوجها واخوه كلموا امي قالوا ليش تسوي جذي وعلموا اخوي الكبير!!!!!!!!!!!!!!!!!! وزوجها يقول انا تأكدت انها مظلومه الحين!!!!!!!!!!! هذا الصبح مبجر بس بعدها راح وطلقها بالمحكمه
يعني الاخت الحين تطلقت
اخوها شاف مسجاتي وقال حق حماي شسالفة المهر ومنو فلانه يقصدني قال اكيد انتوا بينكم شي كبير المهم انا لوعوا جبدي وقلت لامي واخوي واخته السبب اني راسلتها فيه

بالنسبه للأخ اللي ينقاله زوجي
بعدماقام من نومه الصناعي راح لامه وقال محد حاس فيني اربع ايام
وعرفت انه ارسلها رسالتين فاضيات واخذ تلفون اخوه وهو نايم ودق!!!!!!!!!!!!!!!!!!!!!
وهذا اللي ذبحني توقعت يقوم يتوب يحس بالذنب!!!!!!!!!!!!!!!
المهم اخته تقول امي اخذت منه الخط والتلفون وطلعت تبجي لانها شافته بجى!!!!!!!!!!!!
وهو يكلم اللي بالبيت عادي
ويقول حق اخته تجيب من حماي زقاير حقه ويبي منه مفتاح سيارته اذا بروح مشوار يعني ولا كأنه سوا شي واخته تقول انه صار يروح المسجد يصلي وتقول احس انه تعبان وندمان ووده يفضفض

بالنسبه لقلبي وحياتي علاوي اقسم بالله يابنات صدمني صدمني صدمني تخيلوا عمره 6شهور اختي كانت مطلعه صور حفلة تخرجها وانا كنت مصوره مع زوجي وولدي وفي صور زوجي وولدي
انا حاطته بحظني واطالع فجأه حطيت على صوره ابوه والله العظيم بجى يجي قطع قلبي تقطع قلنا يمكن صدفه فحطينا صورة اخوي قام يطالعها عادي وحطينا صورة زوج اختي ويطالعها عادي لما حطينا صورة زوجي مره ثانيه بجى يمه كسر قلبي بغيت اوديه بيت خالتي

بالنسبه لخوات زوجي دايما يتصلون ويذكروني بحبنا ويقولون فكري بولدج وفكري بحبكم وفكري بالمستقبل
حماتي امس حطت صورتي وصورة علاوي وابوه بالغرفه واكتبت حق اخوها
انا حاسه فيك ياخوي اذا ودك تفضفض وعلاوي مشتاقلك واذا تبي تعرف راح اقولك
وقالتلي بكلمه بشوف ندمان ولا لا وبشوف يبي يجيج ولا لأ
انا قلتلها مابيه يجي ابي الطلاق قالت نطري يمكن يكون تاب ومايقدر يجيج خايف من اهلج
قلت مايهمني
هذي اخباري

في بنات قالوا كملي دراستج وتوظفي
احب اقولهم اني انا مخلصه دراسه وانا موظفه (صيدلانيه)
صارلي12يوم فبيت اهلي وهو لاحس ولاخبر
وانا بصراحه ماعاد ابي منه شي وابي الطلاق بس الحين عقب موقف علاوي قاعده افكر مليون مره ذبحني التفكير وبشوف ابوي واخواني شقولون بس اذا في رجعه هذا اذا فيه ماراح ارجع الحين بطول حيييييييييييييل وماراح ارجع الااذا عرفت وتأكدت انه تاب توبه نصوحه
هذي اخباري

 

[البحر غدار]

خليكى على موقفك يمكن يتوب عن افعاله الشينة والبلاوى يلى عملها والله يلى عمله فيكى مو قليل

 

[حبيبة زوجها]

الحمدلله انك بخير انا كمان جالسة ادور على اخبارك خليكي على موقفك وتوجهي لرب العباد عسى ان يهديه
الله يعينك ويساعدك ويخليلك علاوي يارب

 

[ربي ارحمنا]

الله يوفقك..........

 

[حمره ورديه]

استغفر الله العظيم واتوب اليه



الحمدلله تطمني عليج ام علاوي ......... كنا نحاتيج ودايمن اروح لموضوعج اقووووول يمكن

كاتبت لنا ردايطمني



مشكلتنا ياااااااااابنات لما نقرا مشكلة وحده ونتعاطف معاها انا افكر فيها

حتي بحياتي اليوميه

واتم اتردد علي الموضوع والقسم لعلا وعسي القا لها رد

بس المفروض اللي اتحط مشكلتها ونعيش الاحداث معاها اطمنا عليها اول بولد

لاني بجد احاتي


الله يجزاج خير يا عذبه

 

[ما احب غيره]

الله ينصرك على اللي ماتتسمى ويتوب على زوجك ونرجع المياه لمجاريها يارب

 

[البارونا]

نورتينا ياام علي والله يهدي ابو علي ويرد ليه صوابه اما الاخت اخذت جزاها واكثر وتستاهل بعد

 

[حبيبت رشيد1]

الله يسخره لكي ويحنن قلبه عليك ويبعده عن بنات الحرام والله ينورك لطريق الصحيح

 

[& أم علي &]

تسلمون حبياتي
وان شاءالله مااقطع عنكم واقولكم اخباري اول بأول
بس ادعولي ان الله يفرجها علي وينورني للطريق الصح
ومشكورين على كل كلمه حلوه ودعوه صادقه قلتوها لي
والله يوفقكم ويريحكم ويهنيكم مع ازواجكم كسبتكم خوات وماراح انساكم من دعوه بظهر الغيب
ماقصرتوا
أم علي

 

[vdhq]

الله يفرج عليك يارب

ويختااار لك الخييرة ياااارب

 

[َهاجسََ]

الله يفرج همج انشالله

ويصلح لج ريلج

 

[نبع الحياة]

الحمد لله انك اب خير

انا ما اتمنى تردين له من سوياته

بس الي فيه صلاح الله يكتبه لك

(( لـــو يـدرك الانسان كيف يدبر الله له الامـور... لـــذاب في حبه... وفوض الامـــر له وحده... وهو مطمئن بأن الخيرة فيما اختاره الله))

والحمد لله الي طمنتينا عليش

 

[تميمية(1)]

هلا ام علي منورة الصفحة و الله..
من مدة و انا ادور هل فيه اخبار عنج و لا لا.......... و الحمد لله لقيت هالاخبار الي نقدر نقول انها تبشر بالخير.. ان شا الله.. انا اتوقع يا ام علي ان زوجك مستحي من اهلك و ما له وجه يقابلهم.. عشان كذا ثاقل..
ولا لو الود وده كان من زمان مرجعك... انت قعدي عند اهلك الى ان يطيح الحطب على قولتهم.. و تفكريييييييييين زين ما زين بالردة له.. وترى اغلب الرجاجييييييييييل يغلطون.. بس اهم شي يرد احسن من اول... اعطيه فرصة و جربي..
والله بتفقديييييييييييييييييييينه.. ترى ما لك الاهو... بعد الله..