الاخت ام علي .. وينك ؟

وانا بعد كنت ادور اشوف اسمك واشوف اخبارك !!
الله يفرج عنك ان شاء الله ,, والله يكتب لك اللي فيه الخير
طمنينا عنك اخيتي ,,,
 
الحمدلله ..
والله طمنتيني .....
الله يريح بالك ويسخره لك يااااااااااااااارب
 
سبحان الله والله لما شفت ام علي طولت علينا كنت ناويه انزل موضوع عنها بس الحمدلله انج طمنتينا علييييييييييج

مادري شقولج اللي صارلج ابدا ابدا ابدا مب هين بس اللي فييييييه الخير ربي يكتبه وياليييييت ماتقطعيييييينا!!!!
 
متابعين اخبارك حبيبتي أصلح الله شأنك وفرج همك اكثري أخيتي من قول حسبي الله ونعم الوكيل
 
الله يكون في عونج أختي أم علي ، واتحملي هذا أختبار لكي ولزوجك من رب العالمين، ويمكن الله يهديه ويحس بقيمة زوجته وولده، ويعرف بأن الحياة ما تسوى بدونهم.
وأنت كوني المصلح الأول في حياته.
الله معاج.
 
الغالية أم علي
الله يفرج همج و ينفس كربج
(( إنما يوفى الصابرون أجرهم بغير حساب ))
هذي هي الدنيا تضحك و تبكي
سراء و ضراء
إلجئي إلى الله فنعم المولى و نعم النصير
اشكي لمولاك
فهو سبحانه يحب تضرع العبد إليه
و أحسني الظن بالله (( أنا عند ظن عبدي بي إن ظن خيرا" فله و إن ظن شرا" فله ))
و اعلمي أن أمر المؤمن كله خير

الله يغضب إن تركت سؤاله
و بني آدم حين يسأل يغضب

و رب نازلة يضيق بها الفتى ذرعا"
و عند الله منها المخرج
ضاقت فلما استحكمت حلقاتها
فرجت و كنت أظنها لا تفرج
 
يااخوات سبب مشاكلنا البعد عن الله الله يهديني ويهديكم وجميع المسلمين
اللهم ردنا اليك ردا جميلا يااخوات ادعوا لي بالهداية اسرفت على نفسي وضاقت علي الدنيا

الله يفرجها على الجميع ويصلح احوالنا وااحوال المسلمين
 
& أم علي & قال:
السلام عليكم


مشكوره أختي عذبة الروح على السؤال
وأشكر كل البنات اللي دخلوا واسالو علي مشكورين وماقصرتوا يالغاليات

بالنسبه لأخباري
انا اخذت كل اغراضي من غرفتي اللي فبيت زوجي كل شي كل شي ماخليت ولاشي حتى الجمام عزكم الله خليتها تاخذ كل اللي فيه
وابوي درا امي قالتله وطبعا ارتفع ضغطه وتعب ويقول انا احب هالانسان وقال يابنتي هذا شيطان قص عليهم بس لما قالتله اختي شنو الحل قال اصبروا شوي وانا ادري ابوي راح يكلمه اذا جا وماراح يسكتله
اخوي الكبير درا بسالفة القرض وانصدم وقال حطيتي نفسج بحفره ماتطلعين منها وحتى لوهو توظف مستحيل يعطونه قرض الابمبلغ10000 لانه سعودي موكويتي

بالنسبه للأخت انا قبل يومين راسلتها وياليتني ماراسلتها كنت ابي اعيشها بأسبوع رعب
قلتلها مهرج انا دافعته تردين لي المهر ولا افضحج<<<<بنات لاتفهموني غلط انا مابي الفلوس انا بس ابيها اسبوع تعيش بخوف وحرقة قلب مثل ماحرقت قلبي اسبوع برسايلها مع زوجي
والاخت بدال لاتعتذر تقول انا ماغلطت وعيب عليج وراح اقول لاخت زوجي تقول حق زوجي كلامج شوفوا جرأتها
ثاني يوم زوجها واخوه كلموا امي قالوا ليش تسوي جذي وعلموا اخوي الكبير!!!!!!!!!!!!!!!!!! وزوجها يقول انا تأكدت انها مظلومه الحين!!!!!!!!!!! هذا الصبح مبجر بس بعدها راح وطلقها بالمحكمه
يعني الاخت الحين تطلقت
اخوها شاف مسجاتي وقال حق حماي شسالفة المهر ومنو فلانه يقصدني قال اكيد انتوا بينكم شي كبير المهم انا لوعوا جبدي وقلت لامي واخوي واخته السبب اني راسلتها فيه

بالنسبه للأخ اللي ينقاله زوجي
بعدماقام من نومه الصناعي راح لامه وقال محد حاس فيني اربع ايام
وعرفت انه ارسلها رسالتين فاضيات واخذ تلفون اخوه وهو نايم ودق!!!!!!!!!!!!!!!!!!!!!
وهذا اللي ذبحني توقعت يقوم يتوب يحس بالذنب!!!!!!!!!!!!!!!
المهم اخته تقول امي اخذت منه الخط والتلفون وطلعت تبجي لانها شافته بجى!!!!!!!!!!!!
وهو يكلم اللي بالبيت عادي
ويقول حق اخته تجيب من حماي زقاير حقه ويبي منه مفتاح سيارته اذا بروح مشوار يعني ولا كأنه سوا شي واخته تقول انه صار يروح المسجد يصلي وتقول احس انه تعبان وندمان ووده يفضفض

بالنسبه لقلبي وحياتي علاوي اقسم بالله يابنات صدمني صدمني صدمني تخيلوا عمره 6شهور اختي كانت مطلعه صور حفلة تخرجها وانا كنت مصوره مع زوجي وولدي وفي صور زوجي وولدي
انا حاطته بحظني واطالع فجأه حطيت على صوره ابوه والله العظيم بجى يجي قطع قلبي تقطع قلنا يمكن صدفه فحطينا صورة اخوي قام يطالعها عادي وحطينا صورة زوج اختي ويطالعها عادي لما حطينا صورة زوجي مره ثانيه بجى يمه كسر قلبي بغيت اوديه بيت خالتي

بالنسبه لخوات زوجي دايما يتصلون ويذكروني بحبنا ويقولون فكري بولدج وفكري بحبكم وفكري بالمستقبل
حماتي امس حطت صورتي وصورة علاوي وابوه بالغرفه واكتبت حق اخوها
انا حاسه فيك ياخوي اذا ودك تفضفض وعلاوي مشتاقلك واذا تبي تعرف راح اقولك
وقالتلي بكلمه بشوف ندمان ولا لا وبشوف يبي يجيج ولا لأ
انا قلتلها مابيه يجي ابي الطلاق قالت نطري يمكن يكون تاب ومايقدر يجيج خايف من اهلج
قلت مايهمني
هذي اخباري

في بنات قالوا كملي دراستج وتوظفي
احب اقولهم اني انا مخلصه دراسه وانا موظفه (صيدلانيه)
صارلي12يوم فبيت اهلي وهو لاحس ولاخبر
وانا بصراحه ماعاد ابي منه شي وابي الطلاق بس الحين عقب موقف علاوي قاعده افكر مليون مره ذبحني التفكير وبشوف ابوي واخواني شقولون بس اذا في رجعه هذا اذا فيه ماراح ارجع الحين بطول حيييييييييييييل وماراح ارجع الااذا عرفت وتأكدت انه تاب توبه نصوحه
هذي اخباري
أنقر للتوسيع...





هذا جزاه زوجج الله اكبر على الظالمين و حتى الجزاء هذا الي يذوقه خليــــــــــــه يذوق منه اكثر و اكثر يعني حاليا لا تفكرين فيه ولا للرجعه له ابـــــــــــدا ابــــــــدا .




يالغاليه اذا ما تأكدتي من توبته القويه جدا و ندمـــه الكبير جدا جدا بقول لج الله يرزقج احسن منه هذا ما خاف الله في اخوه ولا في حرمه الشي الي سواه ..


مادري شو اقولج و لكن اذا فكرتي في يوم في الرجعه فوالله يا اختــــــــــي فكري كثير لأن الي ســـــــــــواه مو هيــــــــــن أبدا أبدا


هذا خانج و خـــــــان اخوه و الرجعه لــه بتكون صعبـــه

و تأكدي من توبتـــــــــــه مليون في الميـــــــه قبل لاترجعين له .. لأنه خان اكثــــــــــر من مره






لاحول ولا قوة الا بالله
​
 
حبيباتي ممكن تحطون لنا رابط مشكلة الاخت ام على الاساسية لاني مثل الاطرش في الزفة
 
حماي يبي يرجع زوجته ويحطها بشقه

يقول مظلووووووووووووووووووووووووووووووووووووووووووووومه!!!!!!!!!!!!!!!!!!!

أخاف قايلتله شي ولاعبه براسه ومتفقه مع الثاني يقولون نفس الكلام!!!!!!!!!!!!!!

واخاف قايلين انا اللي مسويه هالشي واخاف واخاف!!!!!!!!!!!!!!!!

تدرون شنو معنى هالشي معناه راح يخلالهم الجو كل ماطلع حماي من الشقه اكيد بتستقبله!!!!!!!!!!!!!!!!!!!!!!!!!

توني دريت بهالخبر اللي صدمني!!!!!!!!!!!!!!!!!!!!!!!!!!!



شي ثاني حماي زعلان علي وعلى اخته!!!!!!!!!!!!!!!!!!!!!!!!!!!!!

وشفتوا الحقيره شنو قايله حق حماة حماتي لمن سألتها اشفيكم متزاعلين قالت زوجي مايقدر ينام معاي!!!!!!!!!!!1 قالت يعني انتي للحين بنت قالت اي !!!!!!!!!!!!!!!!!!!!!!!!!!!!!!!!!!!!!!!!!!!!!!

يعني هو ستر عليها وكلنا سترنا عليها تروح تقول عنه جذيه!!!!!!!!!!!!!!!!!!!!!!

اذا رجعها انا مستحييييييييييييييييييييييييييييييل ارجع اصلا انا مابيه كرهته بس اهلي يبوني ارجعله ينطرونه يجي بشوفون شقول وانا حاسه بيتبلى علي


نفسيا تعبت حيييييييييييييييييييييييييييييييييييييييييل اكثر من الاول

شنو هالدنيا وشنو هالناس
 
الله فوق كل ظالم ..
الجئي لربك وادعيه بثلث الليل الاخير ..
ماراح احد ينصرك الا خالقك ..
ادعي انه يظهر برائتك وينصرك عليهم ويبعد زوجك عن قلبك .. هذا الحل الوحيد ..
حاولي ماتسمعين اي شي عن اخبارهم انسييييييييهم
 
الله يفرج همك ان شاء الله
آجلا غير عاجل

آمــــــــــــــــــــــيــن
 
اناصراحة ماادري وش قصتك بس اتمنى لك السعادة والخيرررررر وربي يحفظ لك علاوي ويسعدكككك دووم اهم شيء كثري الاستغفار وربي يفرج همك وهمي وكل مسلم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل