اكـاديميـــه لتعلم الدلـــع>>تجمع للدلوعــــات...

[~دلـع الـكــون~]

السلام عليكـــم ورحمـــة الله وبــركـــاته...​

صبـــاح/ مســــاء الخير عليكن جميعــــا....​

فكرة هالموضوع في بالي من فترة طويله بس انشغالي بمرض اخوي ودراستني اخرتني شوي عن طرحه...​

ولاحظـــت طلب من بعض العضوات لتواجـــد مثل هالموضوع لحاجتنا جميعــــا له...​

الموضوع عبــــاره عن اكاديميه او بمعنى اصح تجمع لتعلم وتعليم الـدلـــع الانثـــوي المحبب لنا احنا يالبنوتـــات...​

اكثر المواضيع اللي تتكلم عن الدلـــع تكون موجهه للمتزوجـــات ونفتقد احنا يالفتيات من يعلمنا هالشئ مع ان الغالبيه
محتاجته وبشـــده...​

وفي نقطه مهمه لازم اوضحها لاني اشوف الدلع نوعين دلـــع حلو ومقبـــول واللي يعبر عن اللي قدامي
انها انثى بكل ماتحمله الكلمه من معنى: رقه، صوت ناعم، اناقه، اتيكت ، تعامل لبق مع الكل،،،،الخ​

وفي دلــع اقدر اقول عنه انه دلع ماااصـــخ وهو مفهوم خاطئ عن الدلع...
اللي هو الميوعه الزائده عن الحد واستغرب اللي يسمونه دلـــع...​

اتمنى حبيباتي تكون الفكره عجبتكم المطلوب من الجميع لهذا التجمع هو
اذا عندكـ اي فكره او معلومه او نصيحه تطرحينها او صور تدعم موضوعنـــا حتى نتعلـــم من
بعض لان هذا الهدف الاساسي من تجمعنـــا...​

واتمنى عدم الرد بالشكر او يعطيكـ العافيه ومن هالكلام...​

اتمنى الرد يكون باضافه تضيفينها للموضوع خصوصا اذا فيه صور لانها راح تساعدنا كثييير في
توصيل الفكره...​

الموضوع مو من ~دلـــع الـكــــون~بس ،،لا الموضوع مشتركـ بيننـــا كلنـــا...​

اتمنى اجـــد تفاعلكـــم اللي تعـــودت عليه...
تقبلوا تحياتي...​

 

[يابعدها سماي]

من قريت إن الموضوع بأسمك توقعت إنه بيعجبني كا عادتك مشاء الله​

وعليكم السلام والله يمسيك في الخير

بس انشغالي بمرض اخوي ودراستني اخرتني

الله يشفيه لكم ويتمم عليه في العافيه ويوفقك في دراستكـ

ندخل في موضوعك :​

انا ملاحظه شي في المنتدى انهم متعبين انفسهم على هذا الموضوع !​

مع العلم الحين إن بعض البنات وصايره بشكل كبير تسترجل !!​

والبنات قليل اللي يدرون على تعلم الدلع بس لما تتزوج وتصير تتعامل مع الجنس الاخر هنا تعرف قيمة الدلع للبنات وكيف تقدر تعيش سعيده مع زوجها​

وهذي هي الحقيقه حنا البنات قليل فينا اللي تهتم في هذا الموضوع وتشوف إن ما له قيمه!!>> احس اني منهم:sad_1:​

لي عوده على هذا الموضوع بأذن الله​

 

[حكاية يوم]

بصراحه انا لو بغيت اتدلع صرت دلوعه بالمعقول بس احس قبل كل شي الدلع يبي ثقه بالنفس

 

[~دلـع الـكــون~]

يابنااااات وينكم والله زعلتوني:schmoll:....

****

هذه بعض النقــــاط حبيت اوضحها لازم نحافظ عليها كدلوعـــــــــات...

1- حافظي ع وزنكـ ورشاقتكـ...
حتى تقدري تبدعي وتنوعي في لبسكـ وشياكتكـ لان الوزن هو الاســــاس...

2- استقــــامة الظهر....
مهمـــه جـــــدا جــــدا>>>اتعب وانا اقول جـــدا:harhar1:...

فعلا اهم شئ الاستقامه سواء في المشي وحتى في الجلـــوس...

مظهركـ يكون رائـــع وتعطين انطباع للي حولكـ بأنكـ انسانه واثقه من نفسكـ..

والاهم من كذا انها عـــاده صحيه ضروريه لنـــا...

3- الضحكـ...
ابــــدا ابــــدا لاتضحكي بصوت عااااالي....

ابتعدي قدر الامكـــان عن الضحكـ بصوت جهوري مهما كان الامر مضحكا...

اضحكي وانبسطي واستناسي ولكن بصوت معتدل يتناسب مع انوثتكـ والاهم مع دلعـــكـ...

4- الابتســــامـه:icon31:...
كوني دائمـــا مبتسمـــه...

وحافظي ع ابتسامتكـ بدون فتح الفم....

ابتسمي وفمكـ مغلق>>>مثل هالبنوته الحلــــوه فديتها"خاطري ابوسها">>>خخخخخ...

هذا اللي عندي لليوم واتمنى اكون افدتكم....​

 

[~دلـع الـكــون~]

لي عوده للرد على يابعدها سماي& حكاية اليوم...

خروج للمذاكره>>>دعوااااتكم....

 

[روان اليوبي]

صدق يابنات الابتسامه اهم حاجه بحياتك ونتي بنت حتى تستفيدين اذا تزوجتي عشان اللى يشوفك مبتسمه يرتاحلك مو يشوفونك مكشره بيشردووون منك

 

[صادقه المشاعر]

حلووو موضووعك مرااا

وحابه اساعدكم بنماذج عن الدلع

 

[ممتنة]

دلع الكون
الله يشفي أخوك ويوفقك يارب

يعطيك العافية على هالموضوع الكيوت

مشكلتي ياأختي ماااااأدل درب الأنوثة والدلع

طيب وش أسوي

مثلا وكتبتها برد قبل لاااا كنت زهقانه أقوم اطلع حركات ماادري وش تبي

وأقول بتدلع وأبتل بس ماينفع

يعني هبلا بس على أصول تخيلي بنت اختي عمره سنتين وتدفني على سيكله الصغير تخيلي مايكفيني حتى رجولي مااني قادرة اعكفهن بس بالغصب حاشرتن نفسي يعني لا تدلعت بترك هالحركات

نووو وي

وبوطي صوتي بس لا جيت عند أخواني ينرفزوني بقوووه وخصوصا لا جيت اصحيهم من النوم يرفعون ضغطي وتروح كل الانوثة ماينفع لاااازم ترفيس وصرااااخ

ومررره إكتشفت الانوثة عندي ميح

كنت بغير غرفتي ومايسمعون كلااامي ولا فككوا الأثاث

قلت هين وأقوم أنا أفككه وجبت عدتي وخليت الشغالة تساعدني يعني وش نسوي لازم ننقهر ونقوم بالحدادة والسباكة والسباحة وركوب الخيل

ماااش الا العربجة أعيت من يداويها:santa_1::santa_1:​

 

[~دلـع الـكــون~]

من قريت إن الموضوع بأسمك توقعت إنه بيعجبني كا عادتك مشاء الله​

وعليكم السلام والله يمسيك في الخير



الله يشفيه لكم ويتمم عليه في العافيه ويوفقك في دراستكـ

ندخل في موضوعك :​

انا ملاحظه شي في المنتدى انهم متعبين انفسهم على هذا الموضوع !​

مع العلم الحين إن بعض البنات وصايره بشكل كبير تسترجل !!​

والبنات قليل اللي يدرون على تعلم الدلع بس لما تتزوج وتصير تتعامل مع الجنس الاخر هنا تعرف قيمة الدلع للبنات وكيف تقدر تعيش سعيده مع زوجها​

وهذي هي الحقيقه حنا البنات قليل فينا اللي تهتم في هذا الموضوع وتشوف إن ما له قيمه!!>> احس اني منهم:sad_1:​

لي عوده على هذا الموضوع بأذن الله​

هلا والله بالغاليه...

مشكــــوره ياقلبي ع دعوااااتكـ....

وهذا نفس اللي كنت ابغى اوصله للبنات...

اكثر المواضيع اللي عن الدلـــع موجهه للمتزوجــــات مع ان الاساس والبدايه مننّا حنا يالبنوتاااات...

يعني الوحـــده من بداية سن المراهقه وهي بنوته ونعومــــه ودلـوعــــه خلاص اذا تزوجت مايحتاج

تتعلم الدلـــع لانها اصلا دلوعـــه...

اما حكاية تسترجل فهذي ظاهــــره شــــاذه الله يبعدهــــا عنّــــا...

اتمنى تواجدكـ الدائم بيننــــا....​

 

[~دلـع الـكــون~]

بصراحه انا لو بغيت اتدلع صرت دلوعه بالمعقول بس احس قبل كل شي الدلع يبي ثقه بالنفس

هلا حبيبتي حكايـــة اليــوم...

"دلـــوعه بالمعقـــول" هالشئ حلو كثيييير لان الشئ اذا زاد عن حده انقلب لضده...

والميوعه الزائده عند بعض البنات بحجة انهم دلـــوعــــات اكرهها من قلبي :icon28:...

ومثل ماقلتي يالغلا الثقه بالنفس:icon30:مهمـــه كثيييير لنــــا...

مشكــــوره حكايه ع تواجدكـ...

 

[~دلـع الـكــون~]

صدق يابنات الابتسامه اهم حاجه بحياتك ونتي بنت حتى تستفيدين اذا تزوجتي عشان اللى يشوفك مبتسمه يرتاحلك مو يشوفونك مكشره بيشردووون منك

كلام سليـــــم...

مشكووووره روان ع تواجدكـ...

 

[~دلـع الـكــون~]

حلووو موضووعك مرااا

وحابه اساعدكم بنماذج عن الدلع

عيونكـ الحلــــوه ياقلبي:icon26:...

ننتظركـ يالغلا وهذا اللي اتمناه منكم المســـاهمه في الموضوع...

مشكوووووره...

 

[حاااالمه]

اولا اسأل الله العظيم رب العرش العظيم ان يشفي اخوك ويعافيه
ثانيا..من لايشكر الناس لا يشكر الله ..فشكرا لكي عزيزتي على هالموضوع اللي بالفعل نحتاجه لاسباب كثير..ة
منها ...تعليم البنوته ..ان الدلع بمفهومه الحقيقي البرئ مما تقوم به بعضهن مايسمى تصنع او غنج زايد ووقاحه
واسفه على هالكلمه لكن هن كذلك للاسف..
الشي الثاني ..يخبرنا هالموضوع ان داخل كل بنت من بنات حواء دلع برئ طبيعي لكن
ثمة ظروووف واجهتها في حياتها جعلتها كذلك ..خشنه..هههه
لي عودة باذن الله لكن اسأل الله ان ينفعنا ويزيدنا علما وعملا نافعا امين
دمتم سااااالمين..>>فلم كرتوني
ل

 

[العيون الخجوله]

اسأل الله العظيم رب العرش العظيم ان يشفي اخوك ويعافيه ويشفي جميع مرضاء المسلمين اللهم امين ..

مشكوره عزيزتي علي الموضوع الاكثر من رائع ..
مستمتعه بالمتابع وجمع القدر الكبير من حركات الدلع ^^

 

[اتعبني غلاهـ]

اولا الله يشفي اخوك ويقومه بالسلامه يارب ويوفقك بدراستك ويحققلك امانيك امين يارب
ثانيا سبق وطرحت مشكلتي لان مافيني دلع وانا مقبله على زواج ومتوهقه بصراحه بس مالقيت ردود تبرد القلب الا القليل
بس ودي اضيف شي بسيط لان في بنات فاهمين الدلع غلط بس ان الصوت واطي والضحك عالصامت والمياعه بالهرج معليش انا اشوف ان ذا شي مبالغ فيه وبصراحه احيانا البنت تتمايع وتتدلع او بالاصح تفرط من جرعة الدلع بس تظهر بصورة مشوهه جدا وانا بصراحه تحام كبدي من هالنوعيه
لكن اقول ان الدلع بحدود يعني سولفي واضحكي ووسعي صدرك بس بانوثه<<< علمي نفسك
اهم شي الحركه وطريقة مشيك لازم تكون راكده ومتزنه وبس
بصراحه هذا اللي تعلمته وطبقته
ويعطيك العافيه على الموضوزززوع الخووووووووووطييييييييييييييير
وراح اكون متابعه واي جديد بسفطه هنا

 

[اتعبني غلاهـ]

تبين تتعلمين الدلع اتبعي الخطوات التاليه:


لا تلمين شعرك ابدااااا بل دعيه يسترسل(( ابوك ياللغة والفحي به يمنة ويسره بدلال )) ولي شعرها لو أمشاط من حديد ما تنفع معاه مالكم إلا التمليس وأنتم أبخص..

2.اذا كنتي وسط مجموعة بنات او في عزيمة تكلمي بصوت منخفض جداً يعني أخفضيه لاقصي حد وتكلمي ببطأ شديد ورقة وبنعومة ومططي الكلام قد ماتقدرين .. (( مو تجلسين تصارخين وانتي تسولفين )) كذا بتلفتين النظر لك اكثر بيقولون هذي عاقله واركز وحده من البنات رحو جيبو رقمها بنخطبها ههههههههه حلم ك فتاة

3.اجلسي على طرف الكرسي وحطي رجل على رجل... ((يااااهوووة على الدلع ))

4.اذا احد قال كلمة شعبية عندك حتى لو تعرفينها ابتسمي وقولي ايش؟ مافهمت

((علشاان تسوين نفسك كشخة ومااايحتاااج))

5.اذا احد قال شي يضحك اضحكي بنعومه هكذا ههههههه مو وانتي تضحكين كذا خخخخخخخ ((لأنو مو جالسين بقهوة ... ))


6.سبلي عيونك وحركي رموشك كثير وحاولي كثير تطالعين السقف..(( ياعيني على الحركاااات )) بس في بنا معليش ماتناسبهم فلا تحطون نفسكم بموقف بايخ يعني لاتسبلين بعيونتس وهم صغار

7.لا تفتحين فمك كأنك عند طبيب اسنان وانتي تاكلين وخاصة العلك والاحسن انك ماتاكلين علك.. ((ههههه اما هذي مستحيل بنت ماتعلق علك ))

7.اذا جات حاجة تطير حشرررة مثلاً او تزحف برضووو حشرة بس متعرضة لمحاولة اغتيال..(( اصررررخي واركضي ولا يردك غير سطح اصحاب البيت))

8.في المدرسة لا تجلسين تراكضين بين الاسياب وتلاحقين البنات تسحبين شعر هذي وتدغدغين هذي امشي بهدوء وعند المقصف لا تزاحمين اذا زحمة اوقفي بعيد لحد ماتخف الزحمة بعدها اشتري واكيد مارح تلاقين سندويتشات بتخلص <<<<<هههههههههههههههههههه

9. من ناحية اللبس البسي كلشي عليه صور دببه وقطط وارانب واشكال والوان... واهم شي روحي محل اكسسوارت واشتري كل الكلبسات والشباصات الصغيرة وصفيها على شعرك يومياً.....(( حشاا مو شعر كراسة رسم صاار))

10. لازم على طول تشترين دباديب وفواحات وقلوب وصور اطفال وحركتااات وكثري من الاشياء الغربية...

11.طبعاً لازم تقولين انك ماتطبخين ولا ترتبين حتى غرفة نومك (( ايه مسوية بنووتة ودلووعة وماتسووي حاجة ابد كل اللي تسويينه ماااري تعالي وماااري شووفي ))

طبقووهاا وشوفووا النتايج ...واييي أنتوا .
ملاحظة :

لا تطبقون النصايح هذي وأنتم في البيت يعني طبقوها برة البيت مو داخل لأن آبائكم راح يهفونكم ذاك المخمس يخليكم تقولون السين شين


منقول لعنونكم

 

[وردْ]

يعطيكم العافيه بنات

أنا بنت دلوعة وكارهه هالشي لأني تعبت من البنات والمجتمع اللي برا

أنا هادئه مرا ولا عمري تصنعت بس صوتي ناعم مررره وأتكلم شوي e وشوي لبناني

ومامي وبابي ,, تعبت من تعليقات البنات .. ودايم يقولو عني مايعه ومايناسب

ويعلقو على صوتي

حتى أني صرت ما أتكلم براحتي أول أقول المصطلحات اللي متعوده عليها

وربي أن هذا أسلوبي وش أسوي ؟؟ وفي بنات مايطيقوني بس يشوفو أسلوبي

عدا بنات دفعتي كلهم يعرفوني ويعرفو أن هذا طبعي !

بس كم وحدا سمعت أنها تتكلم علي

والله يابنات أني صرت أستحي أتكلم :tears: مدري ليه بس مليت أنتقادات

ويقولولي ...

إذا تزوجتي الله يعين زوجك عليك ,, ويعلقو كيف بكلمه وكيف بيكلمني

أنا داريه أنو مزح بس ماله داعي

يعني أحياناً يكون الدلع نقمه مو نعمه

تعبت نفسيتي جداً :sad_1:

أنا ما أقول أن في بنات ما أعرفهم معجبين فيني ومن يشوفوني

يااااااربي تجنن ههههه >> هذولا بنات أول ثانوي طبعاً

أسمعي صوتها هههههه >> وأنا أجلس أتميلح ههههههههه أمزح

بس الأغلبيه يحسوني شي غريب :sadwalk:

بنات هل الدلع فعلاُ شي غريب ؟؟

-------

حبيت أفضفض لكم وسوري لو طلعت برا الموضوع

الله ينولكم اللي ببالكم

I Love u

:icon26:

 

[::شروق::]

الله يشفي أخوك يـآرب وجميـع المسلمين ..
ويوفقك بدراستك ,,ويوفقني وجميع بنوتات المنتدى ..

..
وماشاءالله موضوعكـ روعـه يادلع الكـون ..
وأحـلى ـآ شي بالبنت الدلع العفوي الي يدل
على أنوثتها ورقتـها ..

شكـرا لكـ ..
وراح أكـون متابعه للموضوع ..

 

[زهرة الأوركيد25]

:icon26:حبيت أرد على الأخت ورد
الدلع مو شي غريب اختي
بس أصبح بالفعل شي نادر
بصراحة انا مااسميه دلع أحب اسمية أنوثة :icon26:
لان الانثى بطبعها هادية ناعمة رقيقة صوتها واطي .. تتجننب المشاكل والعبوس .. حساسة .. ابتسامتها دايما على محياها حتى نظراتها
بيني وبينك أثناء تدريسي للبنات أحاول مرات اغير من اطابعهم وسلوكياتهم
مثل طريقة جلوسهم طريقة تساؤلهم :icon26:
وفعلا نجحت بعض الشي
مع اني مقتنعة ان الأنوثة صفة غير مكتسبة :icon26:
يعني البنت تنولد وهاالشي فيها
بس حلو ان البنت تضل بنت :icon26:
وتخلي كل صفة ذكورية للذكور
لأن أنوثة المرأة حين تهمل الرقة والطيبة،
وحين تنسى حق الاحترام والإكبار للرجل زوجاً وأباً وأخاً .. ومعلماً، وحين
لا توقر كبيراً أو ترحم صغـيراً.
جمال المرأة مو بقـوامها .. أو ملامحها ورشاقتها
ولا في الريـجيـم القـاسي. الأنوثة شيء تشعره .. ولا تراه
أخيرا الأنوثة فـــن فمن تستطيع عزفه !!:icon26:
تحياتي لجميع البنوتات​

 

[ذكرى الألم]

آآآه ضربتي على الوتر عندي أنا الحمدلله مو خشششنه بس أبي أصير دلوووعه وخصوصا أني بنت لوحدي بين عيااال يعني أبدا مايسااعد غصب عني ينرفزووني وأصرخ حتى أمي داايم تقولي ودي أشوفك ولا أسمع صووتك..
وإذا تدلعت بدت طنزه أخوااني ياااي يادلوعه ومدري وشو..

وأستقااامه الظهر وما أدرااك ماالرزه >> لخبطت وقسسسسم أمنيه أني يصير ظهري مستقسم حتى أني شريت البدي حق الظهر بس مجرد ما أجلس دقيقه يعورن ظهري وأقوول يالله بس أهم شي ظهري..