اكـاديميـــه لتعلم الدلـــع>>تجمع للدلوعــــات...

[shiery]

موضوعك واااااااااااو جووووووووونان

الله يسعدك على الموضوع بجد احنا محتاجين لهالشي كثييييييير
راح اعطيكم كم حركة للدلع
اذا احد سألك سؤال حطي طرف اصبعك السبابة على شفايفك وابتسمي وسوي كأنك قاعدة تفكري وسبلي بعيونك كثييييييييير حتى لو انت عارفة سؤال فكري فيه شوي عشان الدلع

اذا جلستي تتكلمي مع احد العبي بشعرك مو كله بس بخصلة
واذا جلستي تضحكي ارفعي شعرك من قدام اللي بمقدمة راسك بحركة دلع
واذا جلستي تتكلمي تحركي لاتتكلمي وانت متصنمة خخخخخ

اتمنى اني قدرت اوصل لكم الفكرة
بالتوووووووووووفيق ياأحلى دلوعات

 

[نيرين]

ممتنه >>ضحكتيني الله يضحك ضرسك ,الا العربجه اعيت من يداويها خخخخ ماكنه مركب يسلموووو دلع الكون على الموضوع الاكثر من رائع ,,انا اضيف على ماذكروه اخواتي الرقص ومادراكن مالرقص قمة الاغراء والنعومه والدلع تكمن فيه من غير انه يشد الجسم وينحت الخصر ويعطي مرونه عجيبه طبعا مع الابتسامه وتحريك الشعر يمنه ويسره . تقبلي مروري ولي عوده باذن الله

 

[~دلـع الـكــون~]

هلا حبيباااااتي:icon26:...

فديييييتكم كلكــــم هذا التفاعل اللي يبرد القلــــب :icon26:....

الله لا يحرمني منكــــم...

مجموعة نصائح اقدمها لكم ان شاء الله تفيدكم...

1- اثناء التحدث حاولي ان تقللي قدر الامكان من حركـــة اليدين،، حركي يديكـ ولكــــن

بلطف ونعومـــه وليس بدفااااشه:busted_red:...

2- في الفاظكـ ركزي ع الالفاظ البنوتيه الناعمه ابتعــــدي عن الالفـــاظ الخشنـــه المستخدمه

عند الشباب"الذكـــور" استبدليها بألفاظ كلها نعـــومه وانوثـــه...

3- اثنــــاء المشي لاتمشي بســــــرعه كأن في حد يلحقكـ>>>خخخخخ...

امشي بهدوء وركــــاده راح يكون شكلكـ احلى واحلى....

4- طريقـــة الاكـــل "مهمه جـــدا" لا تأكلين بســـرعه ولا تعبين فمكـ بالاكل،، فمكـ مغلق اثناء المضغ،،

واذا انتهيتي امسحي يدكـ وفمكـ بالمنديل بطريقه حلوه...

​

 

[يابعدها سماي]

بعد إذن الغلآ ( دلع الكون ) برد على الدلوعه ورد ​

وربي أن هذا أسلوبي وش أسوي ؟؟ وفي بنات مايطيقوني بس يشوفو أسلوبي​

خخخخخ ذكرتينـــي بصديقتي دلوووووعه حيل بصراحه وانا صديقتها انقهر منها لما تسولف واحس سالفتها طواله خخخخ ينتهي الوقت وهي ماتخلص من زود النعومه !!​

ورد :​

يالغلا لا تنتقدين نفسكـ وتكرهين وتبغضين نعمه الله اعطاك ياها ​

لا تقولين نقمه رغم اني مو دلوعه ولا حولي وبصراحه احيانآ ينرفزني بعض الدلوعات فيهم
-البعض- ماااصخات وثقيلات دم !>> على ها الكلام مااظن يادلع الكون بتخليني اطب موضوعس وبتقولين هذي ماحولها نجاح في الاكاديميه !!​

بس هي نعمه اذا ما فيها تصنع هي خليس ياود على طبيعتس ولا تتصنعين وخلاص مو مهم الناس والبنات تقتنع فيس انتي صادقه في اسلوبس وكلامك وحكيس وحركاتك ولا تتصنعين

وصدقين اللي تتصنع الدلع تبين

واللي فعلآ دلوعه تبين

لان الناس ماتنخدع بسهوله بها الزمن لان اللي تتصنع رح تتعب وبلآخير بتظهر حقيقتها !!​

عيشي حياتس بطبيعتس ومدام صديقات اللي معاشراتك يعرفون حقيقتك ماعليس من الباقيات ​

ودي لكـ​

​

​

 

[كوب مكسور]

اممممممممم

الدلع مصطلح رائع لايقدره الا من تقفده بعد الولادهـ خخخ

بكل صراح اختي الدلع يااتي من الداخل

يعني فديتك الدلع يجي من حب النفس

لاتتالم

يعني

لما تبين تدفين شي ثقيل ...لاتدفينه قولي لااخوانك يدفونه ..قولي ماقدر امي تقول البنات مايدفون التقيل

اهتمي بشعرك

احبي رسمة جسمك سوف تبدعين بدلعك

وبكل عفويه

اشبعي روحك بالكلام الجمي لوالغزل
قومي بعمل ساعه يوميه والانفراد وكتابه كل مايخالجك من شعور بالحب
نحو نفسك
وبعدها شوفي كيف المشاعر والدلع تطلع بعفويه

اجعلي لسانك رطبآ بالكلام البق والعبارات الرقيقه الطيبه لمن حولك
حتي يبادونك بنفس الاسلوب وكذآ سوف تشبعين نفسك بالعواطف
ومنها سوف تنبتق الانوثه والدلع
باختصار
انوثه + وجود كلامات الحب لمن حولك وتزويعه + اهتمام بنفسك وباناقتك +
رضي كامل علي هئيتك
الابتعاد عن سماع المشاكل والاحباطات والضغوط النفسه والحقد ((خاصتنآ نشرة الاخبار))
=يولد الدلع والدلع والدلع

زائد نصاح البنات الرائعه الابتسامه والضحك وكل التمر >>نعم يعطي بريق للعينين مما يجعلك اكثر انوثه ورقه

فديتكم
ادعولي كان استفدتم

 

[الأمـل الجـديـد]

خخخ خوووش موضوووع

انه لأني عايشة في بيت كله شباب وماعندي خوااات .. شووي عندي من حركاتهم بس مو وايد .. عادي عندي البس ثيابهم واقعد أطالع معاهم مباريات وهالسوالف خخ

بس بين صديقاتي وبرى البيت الكل يقوول عني رقيقه ومستغربين اشلوون يكوون كذا حالي مع اني متربيه بيت شباب خخ

أهتم بشكلي كثييير وابووي وامي مدلعيني ع الآخر .. لي غرفتي كلها وردي بوردي وأمووت على شي اسمع ألعاب غرفتي كلها ألعاب .. بس عندي مشكله ان لساني طووويل واعصب بسرعه وينقلب حاااااال الرقيقه لمتووحشه خخخ خصوصا مع اخواني عادي اتهاوش معاهم وبالضرب بعد خخ كيف اتخلص من هالجانب الي فيني ؟؟
أحس خطيبي عادي اضربه اذا تهاوشت معاه اوو اسبه !!

 

[عذابه وعشقي]

وربنا يشفي اخوج يا دلع الكون

حلو الحديث عن """" الدلع ،، والانوثة """"


من نصايحي للبنوتات من خلال تجوالي في الحياة والمنتديات واكيييييد من طبيعتي

1) اشتري دفتر (مفكرة ) يكون جميلة ومزخرفة بقلوب وردية وورود
وسميه باسم كله دلع . او قومي انتي بتزيينه .


2) سجلي اي حركة عن الدلع والانوثة في الدفتر.


3) خصصي جزء في الدفتر للــ تطبيقات (فما فائدة التدوين * والتطبيق غير موجود)
واعطي لنفسك علامات وكوني شفافة وصادقة مع نفسك.


4) تدربي على الحركات واحدة تلو الاخرى ،
بمعنى (اتقني الحركة جيدا ومن ثم انتقلي الى حركة اخرى لتتقنيها).
والا ذهبت جهودك ادراج الرياح.


5) سجلي صوتك في مسجله واسمعيه ،،
واعيدي سماعه مرات وحسني واصلحي من العيوب ،،
من حيث نبرة الصوت ، طبقة الصوت ، استخدامات الصوت
فلكل موقف وطلب وحاجة : نبرة صوت خاصة به
وطبقة صوت خاصة به واستخجام خاص به.



6) الدلوعات يحببن الالوان الفاتحة ،،، جدا ،،،
لم اشاهد في حياتي دلوعة بالفطرة تلبس الغامق ،،
البسي الازرق ولكن الفاتح بدرجة ،،
البسي البني ولكن الفاتح بدرجة ،،،


7) راقبي الاطفال ،،، فكلهم دلع * دلع ،
راقبيهم عند يتوددون ، يضحكون ، ينظرون اليك باستغراب ،
ينظرون اليك بحزن ، عندما يطلبون منا شيئا ،
حركات اياديهم ، قفزاتهم كلها دلع وبراءة ، والكثير الكثير .


8) الدلع ايضا في لبسك ، ازياءك ، تصفيفة شعرك ، اكسسورات الشعر ،، .


9) الدلع ايضا في الالفاظ والكلمات والعبارات التي نتلفظ بها ،
فلاتتكلمي بسرعة ،، ولا تناقشين بغلاظة .

10) العبي على الايحياء النفسي لذاتك ، اغرسي فيها
مفهوم (انا دلوعة ) (كلي انوثة ودلع )
اكتبيها على المرآة ،، اكتبيها في دفاترك ، اوراقك ،،
اقنعي نفسك اولا بانك دلوعة حتى ترسلين ذبذباتك الايجابية الى الاخرين.
بالمختصر المفيد (كـــونـــي ايجـــابيهـ )




هذا ما اتذكره لليوم يا ____ دلوأاااااااااااااتيــ ____



وشكرا لصاحبة الموضوع (فكرتج ختيييييييييييييييييييرة )

 

[~دلـع الـكــون~]

هلا حيباتي...

وربي فرحتووووني بتفاعلكم مع الموضـــوع....

راح احاول ارد عليكم وحده وحده...
*******

...ممتنــــه...

دلع الكون
الله يشفي أخوك ويوفقك يارب

يعطيك العافية على هالموضوع الكيوت

مشكلتي ياأختي ماااااأدل درب الأنوثة والدلع

طيب وش أسوي

مثلا وكتبتها برد قبل لاااا كنت زهقانه أقوم اطلع حركات ماادري وش تبي

وأقول بتدلع وأبتل بس ماينفع

يعني هبلا بس على أصول تخيلي بنت اختي عمره سنتين وتدفني على سيكله الصغير تخيلي مايكفيني حتى رجولي مااني قادرة اعكفهن بس بالغصب حاشرتن نفسي يعني لا تدلعت بترك هالحركات

نووو وي

وبوطي صوتي بس لا جيت عند أخواني ينرفزوني بقوووه وخصوصا لا جيت اصحيهم من النوم يرفعون ضغطي وتروح كل الانوثة ماينفع لاااازم ترفيس وصرااااخ

ومررره إكتشفت الانوثة عندي ميح

كنت بغير غرفتي ومايسمعون كلااامي ولا فككوا الأثاث

قلت هين وأقوم أنا أفككه وجبت عدتي وخليت الشغالة تساعدني يعني وش نسوي لازم ننقهر ونقوم بالحدادة والسباكة والسباحة وركوب الخيل

ماااش الا العربجة أعيت من يداويها:santa_1:

:santa_1:

هلا حبــــوبه مشـــكـــوره الغلا ع دعواتكـ....

شوفي حبي دامكـ ناويه التغيير فبإذن الله راح يجي اليوم اللي تتغيري فيه....

خصــوصا ان حالتكـ متقدمه نوعـــا ما:thumbdown:...

لا تزعلين ياقلبو امـــزح:harhar1:...

التغيير ما يجي مره وحـــده وبقدرة قادر تتغيري 180 درجه...

لا التغيير حبه حبه حاولي ولا تيأسي ابدأي في الامور البسيطه وحاولي تسيطري ع اعصابكـ

وتضبطي مواقفكـ ابـــدا لا تصيري متسرعه...

دعواااتي لكـ بالتوفيييق واتمنى اشوفكـ دائما في هالموضوع...

وبشرينـــا بالتطورات اللي راح تصير عليكـ...
**********

...حااالمه....

اولا اسأل الله العظيم رب العرش العظيم ان يشفي اخوك ويعافيه
ثانيا..من لايشكر الناس لا يشكر الله ..فشكرا لكي عزيزتي على هالموضوع اللي بالفعل نحتاجه لاسباب كثير..ة
منها ...تعليم البنوته ..ان الدلع بمفهومه الحقيقي البرئ مما تقوم به بعضهن مايسمى تصنع او غنج زايد ووقاحه
واسفه على هالكلمه لكن هن كذلك للاسف..
الشي الثاني ..يخبرنا هالموضوع ان داخل كل بنت من بنات حواء دلع برئ طبيعي لكن
ثمة ظروووف واجهتها في حياتها جعلتها كذلك ..خشنه..هههه
لي عودة باذن الله لكن اسأل الله ان ينفعنا ويزيدنا علما وعملا نافعا امين
دمتم سااااالمين..>>فلم كرتوني

هلا حبيبتي حاااالمه...

آميييين ياقلبي مشـــكوره...

العـــفــــو يالغاليه هذا واجبي....

كلامكـ عين العقـــل "داخـــل كل بنت من بنـــات حـــواء دلع برئ طبيعي"...

مشكـــوره الغلا ع ردكـ اللي يدل ع وعيكـ...

ننتظـــر عودتكـ قرييييب...
*****

... العيون الخجوله...

اسأل الله العظيم رب العرش العظيم ان يشفي اخوك ويعافيه ويشفي جميع مرضاء المسلمين اللهم امين ..

مشكوره عزيزتي علي الموضوع الاكثر من رائع ..
مستمتعه بالمتابع وجمع القدر الكبير من حركات الدلع ^^

اللهم آمييين...

العفو ياقلبي يسعدني ان الموضوع عجبكـ...

يسلموووو ع مروركـ...​

 

[~دلـع الـكــون~]

...اتعبني غلاه...​

اولا الله يشفي اخوك ويقومه بالسلامه يارب ويوفقك بدراستك ويحققلك امانيك امين يارب
ثانيا سبق وطرحت مشكلتي لان مافيني دلع وانا مقبله على زواج ومتوهقه بصراحه بس مالقيت ردود تبرد القلب الا القليل
بس ودي اضيف شي بسيط لان في بنات فاهمين الدلع غلط بس ان الصوت واطي والضحك عالصامت والمياعه بالهرج معليش انا اشوف ان ذا شي مبالغ فيه وبصراحه احيانا البنت تتمايع وتتدلع او بالاصح تفرط من جرعة الدلع بس تظهر بصورة مشوهه جدا وانا بصراحه تحام كبدي من هالنوعيه
لكن اقول ان الدلع بحدود يعني سولفي واضحكي ووسعي صدرك بس بانوثه<<< علمي نفسك
اهم شي الحركه وطريقة مشيك لازم تكون راكده ومتزنه وبس
بصراحه هذا اللي تعلمته وطبقته
ويعطيك العافيه على الموضوزززوع الخووووووووووطييييييييييييييير
وراح اكون متابعه واي جديد بسفطه هنا​

هلا بالغلا...​

تصدقي اول مانزلـــت الموضوع كنت راح ارسلكـ الرابط ع الخاص...​

بس نسيييييت ولمّا شفت ردكـ افتكرت>>>خخخخخ...​

شوفي قلبو كل شئ في الحيـــاه تقدرين تتعلمينه وتتقنينه ويصير شئ من شخصيتكـ ومن طبيعتكـ...​

اهم شئ الرغبه الداخليه...​

اذا كان عندكـ رغبه داخليه قويه للتغير من اطباعكـ اللي شكيتي منها في موضوعكـ ​

راح تتغيرين بإذن الله...​

واذا ماكانت موجوده هالرغبه مهما قريتي من موضوع وشفتي بنوتات تعجبكـ حركاتهم ماراح​

يتغير فيكـ شئ يعني الاراده والرغبه هي الاســــااااس...​

خصــوصـــا يالغلا انكـ ع وجه زواج يعني لازم تبدأين تشتغلين ع نفسكـ...​

معكـ حق في سالفة الميوعه الزائده اللي تغــــــث:busted_red:...​

المشــكلـــه هالميوعه والدلع المتصنع قدام الناس بس الا شوفيها في بيتهم ابـعـــد ماتكون عن الدلع...​

يسلمووو الغلا ع ردكـ الحلـــو...
*****​

...ورد...​

يعطيكم العافيه بنات​

أنا بنت دلوعة وكارهه هالشي لأني تعبت من البنات والمجتمع اللي برا​

أنا هادئه مرا ولا عمري تصنعت بس صوتي ناعم مررره وأتكلم شوي e وشوي لبناني ​

ومامي وبابي ,, تعبت من تعليقات البنات .. ودايم يقولو عني مايعه ومايناسب ​

ويعلقو على صوتي ​

حتى أني صرت ما أتكلم براحتي أول أقول المصطلحات اللي متعوده عليها ​

وربي أن هذا أسلوبي وش أسوي ؟؟ وفي بنات مايطيقوني بس يشوفو أسلوبي​

عدا بنات دفعتي كلهم يعرفوني ويعرفو أن هذا طبعي ! ​

بس كم وحدا سمعت أنها تتكلم علي​

والله يابنات أني صرت أستحيأتكلم :tears: مدري ليه بس مليت أنتقادات ​

ويقولولي ...​

إذا تزوجتي الله يعين زوجك عليك ,, ويعلقو كيف بكلمه وكيف بيكلمني ​

أنا داريه أنو مزح بس ماله داعي ​

يعني أحياناً يكون الدلع نقمه مو نعمه ​

تعبت نفسيتي جداً :sad_1:​

أنا ما أقول أن في بنات ما أعرفهم معجبين فيني ومن يشوفوني ​

يااااااربي تجنن ههههه >> هذولا بنات أول ثانوي طبعاً ​

أسمعي صوتها هههههه >> وأنا أجلس أتميلح ههههههههه أمزح​

بس الأغلبيه يحسوني شي غريب :sadwalk:​

بنات هل الدلع فعلاُ شي غريب ؟؟​

-------​

حبيت أفضفض لكم وسوري لو طلعت برا الموضوع ​

الله ينولكم اللي ببالكم ​

I Love u​

:icon26:​

هلا حبـــوبه...​

لا الدلع مو غريــــب...​

حبوبه انتي مكبـــره الموضوع بزيـــاده...​

انا ما انكر ان اسلوبكـ في الدلع قد يكون فيه غلط وفيه مبالغه...​

حتى لو كانت هذه طبيعتكـ مثل ماتقولي تقدري تغيريها...​

لان التوازن في الحياه مطلـــوب...​

قد يكون دلعكـ حلو وغير متصنع ولكنه مكلـــف نوعا ما..​

لا تقولي نقمه ابـــدا بالعكس هي نعمه ولكن احسني التصرف معها...​

من ناحية الكلام حاولي تتكلمي بلهجتك العاديه...​

لا تدخلي كلمات لبنانيه في كلامكـ...​

انا اشوف هالشئ مو حلـــو حاولي التخلص منه...​

اما بالنسبه لتعليقات البنات خليكـ واثقه في نفسكـ ولا تلقي لها بال...​

حاولي يكون عندكـ مقياس داخلي وتفرقي بين الي تنتقدكـ بقصد​

الغيره او تنتقدكـ بقصد انها تدلكـ ع الخطـــأ اللي انتي فيه...​

اذا عندكـ صديقه مخلصـــه وقريبه منكـ اسأليها عن الاخطاء اللي في اسلوبكـ ​

وطريقتكـ وحاولي تعدليها...​

غاليتي ورد انتي اهون من غيركـ بكثيييير لا تخلي هالموضوع يسبب لكـ ازمـــه...​

اتمنى اكـــون افدتكـ...
*****​

:: شـــروق::​

الله يشفي أخوك يـآرب وجميـع المسلمين ..
ويوفقك بدراستك ,,ويوفقني وجميع بنوتات المنتدى ..​

..
وماشاءالله موضوعكـ روعـه يادلع الكـون ..
وأحـلى ـآ شي بالبنت الدلع العفوي الي يدل
على أنوثتها ورقتـها ..​

شكـرا لكـ ..
وراح أكـون متابعه للموضوع ..​

آمييين يــــارب...​

مروركـ الاروع ياقلبي...​

كلام جميل :icon30:...​

 

[~دلـع الـكــون~]

...زهـــرة الاوركيد25...

:icon26:حبيت أرد على الأخت ورد
الدلع مو شي غريب اختي
بس أصبح بالفعل شي نادر
بصراحة انا مااسميه دلع أحب اسمية أنوثة :icon26:
لان الانثى بطبعها هادية ناعمة رقيقة صوتها واطي .. تتجننب المشاكل والعبوس .. حساسة .. ابتسامتها دايما على محياها حتى نظراتها
بيني وبينك أثناء تدريسي للبنات أحاول مرات اغير من اطابعهم وسلوكياتهم
مثل طريقة جلوسهم طريقة تساؤلهم :icon26:
وفعلا نجحت بعض الشي
مع اني مقتنعة ان الأنوثة صفة غير مكتسبة :icon26:
يعني البنت تنولد وهاالشي فيها
بس حلو ان البنت تضل بنت :icon26:
وتخلي كل صفة ذكورية للذكور
لأن أنوثة المرأة حين تهمل الرقة والطيبة،
وحين تنسى حق الاحترام والإكبار للرجل زوجاً وأباً وأخاً .. ومعلماً، وحين
لا توقر كبيراً أو ترحم صغـيراً.
جمال المرأة مو بقـوامها .. أو ملامحها ورشاقتها
ولا في الريـجيـم القـاسي. الأنوثة شيء تشعره .. ولا تراه
أخيرا الأنوثة فـــن فمن تستطيع عزفه !!:icon26:
تحياتي لجميع البنوتات

ماشاء الله...

مافي بعد هالكلام كلاااام...

يسلمووو الغلا ع ردكـ الرائــــع...
*****

...ذكرى الالم...

آآآه ضربتي على الوتر عندي أنا الحمدلله مو خشششنه بس أبي أصير دلوووعه وخصوصا أني بنت لوحدي بين عيااال يعني أبدا مايسااعد غصب عني ينرفزووني وأصرخ حتى أمي داايم تقولي ودي أشوفك ولا أسمع صووتك..
وإذا تدلعت بدت طنزه أخوااني ياااي يادلوعه ومدري وشو..

وأستقااامه الظهر وما أدرااك ماالرزه >> لخبطت وقسسسسم أمنيه أني يصير ظهري مستقسم حتى أني شريت البدي حق الظهر بس مجرد ما أجلس دقيقه يعورن ظهري وأقوول يالله بس أهم شي ظهري..

هلا ذكرى...

نفس حالتي وحيده بين الاولاد...

حبوبه بين اخوانكـ لازم يطلع هالجنان مهما حاولنا لازم نجاريهم...

لا تدلعين قدامهم خلكـ طبيعيه بس مو خشنه...

قدام الحريم والبنات خذي راحتكـ محد راح ينتقدكـ او يتطنز عليكـ...

اتمنى تستفيدي من موضوعـــنـــا...

ومشكووووره ع مروركـ...
*****

shiery

موضوعك واااااااااااو جووووووووونان

الله يسعدك على الموضوع بجد احنا محتاجين لهالشي كثييييييير
راح اعطيكم كم حركة للدلع
اذا احد سألك سؤال حطي طرف اصبعك السبابة على شفايفك وابتسمي وسوي كأنك قاعدة تفكري وسبلي بعيونك كثييييييييير حتى لو انت عارفة سؤال فكري فيه شوي عشان الدلع

اذا جلستي تتكلمي مع احد العبي بشعرك مو كله بس بخصلة
واذا جلستي تضحكي ارفعي شعرك من قدام اللي بمقدمة راسك بحركة دلع
واذا جلستي تتكلمي تحركي لاتتكلمي وانت متصنمة خخخخخ

اتمنى اني قدرت اوصل لكم الفكرة
بالتوووووووووووفيق ياأحلى دلوعات

مشـــكوووره حبوبه ع اضافتكـ الحلـــوه...

عجبتني الحركـــه الثانيه كثييير...

يسلمووو الغلا...​

 

[غرور المشاعر]

موضوع مرررررررررا مفيد ونحتاجه كثييييييير

مرررررا نفسي أكون دلووعة

مع أنو كثيييييير يقولوا ليا أني حلوة وناعمة

بس أنا نفسي أكون دلوووعة أكثر

زي بنت خالتو

ما شاء الله عليها مرررررا دلوعة

ودلعها مقبول و حلو

يسلمو حبيبتي موضوع مررررا حلووووو

 

[دلعـ~ أميـرهـ~]

وعليكم السلام ورحمة الله وبركتة
يعطيك العافيه من جد موضوع قييمه
والله يشفي اخوك ويسعدك يارب
المهم ندخل بالموضوع اي والله
بقولك نقطه الا تضحك بصوت عالي
وربي يقول لا مجنون ولا مسترجله
نصيحك حلوه وشكرا
الحمدلله انا اشوف البنات اصلن بطبيعتها كذا
يعني هيا اصلن دلوعة
بس في بعضهم لما يكون هي البنت الوحيده
بين اخوانها احس انها مررا مسترجله
يعني المفروض تقوم بكل ماهو واجب عليها
واحلى شي اكون على طبيعتي ^_^
يعني لا مايعه ولا مسترجله
وربي وبنصائحك نستفيد
كيف اكون انثى
1) ان اكون على طبيعتي
2) ان الابس مايعطيني اونوثتي
وصح الثقه بالنفس لها دوور
اتمنى ان تقبلي نصيحتي الصغيرر جدا
دمتم بخير

 

[ودي أتغير .!]

يعطيج العافيه دلوعه والله يشفيلج اخوج ويوفقج بدراستج

صراحه الدلع الطبيعي مطلووب عند الكل بس انتبهوا يا بنات خلوا الدلع المتصنع ودلع المصاخه محد يحبه

انا عن نفسي لما اكون بالبيت اكون عربجيه خخخخخخخخ بس برا البيت امم يعني نص ونص مرات اكون هاديه ومرات لا والله اخربها اتمنى صج اني اكون بالبيت دلوعه مع اني ما اضن من تعليقات اخواني بس ان شالله ليش لآ وخاصه ان عرسي قرب يعني لازم اتعود من الحين عشان يكون طبع اكثر من انه تطبع

 

[فدوة اهلها]

الحمد لله كل من يشوفني يقول دلوعه
تدرون وش السر؟
العفويه
العفويه
العفويه
وكمان الثقة واحترام الانثى لانوثتها ومايناسب الانوثة

تقبلو مروري

 

[قلـب طفلـه]

وـآآآآآآآآآآآآو موضوع غآليه ومتآلقهـ,,,

وشسمه وعن الدلع وـآآآآآآآآآآآآآو

بس لي بااك عندي ازعااااااااااااااااج تلفزيون وخواتي وعيالهن >>انواع الحراج منب مركزهـ

لي بااكو قريب ياالغلا

 

[عربجية]

موضوع حروكـــآاااات والله :shiny:

برايي لو الوحده مرتاحه مع نفسها وحست بانوثتها بيطلع الدلع طبيعي منها

يعني لو مرتاحه من لبسج ونظافتج وتحسين نفسج فريش وريحتج عااال العاااال

بيطلع ولو جزء بسيط من دلعج ولو ما طلع يبيله دروس مكثفه :essen:

عن نفسي عندي دلع بالفطرة من يوم ما انولدت هدوووووء مو طبيعي

وين ما اروح يناظروني باستغراب وفضول ويقولون انتي وايد هاديه :exclamationpoint::exclamationpoint:

بس لما امشي متعوده امشي بهداوه وبمزاااج يعني ما اركض ولا امشي عالبيض

واختي تقولي امشي عدل الناس يحسبونج شايفه عمرج :busted_red:

:sadwalk:تباني امشي بقوه بس مااااابي

بس هــااا لا تنخدعوا باسمي :bleh: << اسمها بالمكان الغلط

والله ما كنت ادري انه عربجية معناها عكس الدلوعه

كان قصدي بنت عربية :blow:
​

 

[جروحي صمت]

الموضوع مررررررررررره حلو خاطري ارد من زمان بس حدي مشغوله معى الدراسه
ربي يعين يارب

ويعطيك العافيه

 

[leen rasel]

السلام عليكم ورحمة الله

جمهور:icon26:البنوتات:icon26:الدلوعات...

قريت الموضوع ع السريع

واعجبني كتيـــر:icon30:كتيــــــر...

وحابة اضيف بعض اللمسات الدلوووعة
عليــــ:icon31:ــــه..


V

V

V

V

V

* الدلوعة لما تكون بحالة تعجب او استغراب
او تحاول تتذكر شي نسيته
تحط اصبعها السبابة ع طرف ذقنها .

*الدلوعة لما تفرح او تتفاجأ بمفاجئة حلوة
تخبط بالكف على إلكف بشكل عمودي
وتقول : واااو .

* الدلوعة تتقن فن الهمس والكلام بصوت
منخفض لا يسمعه الا من بجوارها>>>
طبعا في الاحوال المناسبة لذلك .

*الدلوعة تمشي بوضع اطراف اقدامها
من ناحية الاصابع اولا ثم تبسط
باقي القدم وبهذا>>>> لا يسمع صوت
مشيها ع الارض لانها نسمة .

* الدلوعة عندما تتحدث مع طفل صغير
فانها تجلس امامه وتضع وجهه بين كفيها
أو تمسك كفه الايمن بكلتا يديها وتنصت اليه.

*الدلوعة لا تحقـد ولا تحســد ولا تكـــذب
ولا تجـــرح انسان وان فعلت بدون قصد
فانها تعتذر فـــورا لأنها انثى حقيقية .

للاسف هذا ما يحضرني الان ولي عودة
باذن الله ..

اشكر صاحبة الموضوع ع روعة الطرح
واشكر من جادت اقلامهن بروائع المشاركات.


:icon26:تحياتـــي الع ـــاطرة:icon26:

LEEN
​

 

[واقبلت العروس]

والله موضوعك جونااااااااااااااان
الله يشفي اخوج

 

[اوراق ملونة]

انااشوف الدلع ...((عند البنات))

يكون بالتالى.......

الحركات تكون ناعمه خفيفه بس مو بابتذال...

الصوت لايرتفع ابدا بالضحك او فى الحديث

المعرفة التامة بالاتيكيت وتطبيقيها بصوره صحيحه

الابتعـــــــــــــــــــــــــــــــــــــــــــاد عن اللبان اكرهه

الثـــــــــــــــقه بالنفس...مو الغرور.....

اللبس الكيوت الناعم ال يناسب البنات مو يناسب الاطفال او المتزوجات

المعرفه بما حولك وعدم الجهل...

طريقه الاكل بنظافه وهدوء