******اسمهان وعبدالرحمن********من جديد

[مهاوي الحلوة]

منتظرينك جيونه وجزاكى الله خير على القصة الحلوة

 

[crestena]

يلا ياجيوووونة متشوقـــــة حيييييييل أعرف شو سالفة الزياارة

هههههه

 

[ملاك الاحمري]

الله يعطيك الف شكر تذكرت ايام الخطوبة وعقد الزواج

 

[حور و عمر]

الله يسعدك جيانه حبيبتي:a084:

 

[الأمل المفقووود]

مشكوره والله ونستيني وانا توني متطلقه من زوجي ههههههههههههههههههههههههههههههههبس قوليلي مبرووووووك

 

[الاماسة]

جيوووووووووونة العسولة نبي جزء طووووووووووووويل اليوم تكفيييييييييييين 0000 ياللة انتظرك على احر من الجمررررررررررر000

 

[ام غلاوي 2]

سلام الامل المفقود اخارك

 

[s7o0ora]

جوجه جوجتي بيبي عيوني قلبي كل شي في الحياة انتي لاتتاخري بلييييز (( فيس يبكي :"( ))

 

[نونيـ]

ننتظررررك متحمسييين ^^

 

[ثلث الدنيا]

عسى ماشر تأخرتي علينا اليوم ياجيونه
طمنينا عليك عسى يكون المانع خير
دمتي بصحه وعافيه ان شاء الله

 

[جيانة]

جزء اليوم (الزيارة)!!!​

صحيت اسمهان يوم الاثنين قبل صلاة الظهر واتصلت على جوال أختها ابتسام...
ابتسام:هلا سمهونة هلا..الله الله عالاجتهاد!أشوفك صاحية بدري مو العادة!!!!
اسمهان:اسمعي يابسومة اليوم بيزوروني صاحباتي وطالبتك طلب!
ابتسام:من عيوني..أكيد تبيني أجيك وأساعدك عشان الضيوف!صح؟؟
اسمهان:لا..مو صح!بغيتك تسوين لي صينيتين حلى من ايدينك الحلوة وترسلينها لي مع زوجك!
ابتسام:يعني..أنا وأمي مو معزومين؟؟
اسمهان:للأسف الشديد لا!ودي أقعد مع صاحباتي بـروحنا!!
ابتسام:مين قدك؟شايفتنا مطعم وفاتحين طلبات توصيل؟عجيب أمرك!!
اسمهان:عاد لاترديني...تكفين طلبتك!أنا لو أدري إن أسماء ماهي ملسونة وبتسمعني كلام يبط الكبد كان اتصلت عليها ووصيتها هي بعد تفزع لي بصوانيها!!
ابتسام:لا حرام عليك كله ولاأسماء!لاتتعبينها ماعندها شغالة وهي على وشك ولادةمو فاضيتلك أبد!
اسمهان:طيب أعتمد عليك في الحلى؟
ابتسام:اعتمدي!وبأسوي لك أحلى كيكة توفي وصينية حلا طبقات الشوكليت ..حلو؟؟
اسمهان:حلو ياحلو..وأنا عندي تمر وشوكولاتات ومعمول وغيره تكفي وزيادة..
إلى نهاية المكالمة....
واتصلت اسمهان على سماح وبعد السلام...
اسمهان:تكفين سموحَة..
صاحباتي بيزوروني اليوم وبغيت كم صنف مالح من ايدينك الحلوة؟وش قلتي؟
سماح:غالية والطلب رخيص..بس زين إنك كلمتيني من بدري لأني رايحة لأختي هند اليوم عندها جمعة حريم..
اسمهان:خلاص ومتى بترسلين لي الأصناف؟؟
سماح:خليها مع طلعتي من البيت مرة وحدة..بعد المغرب!
اسمهان:وهو كذلك...
وشوي واتصل عبدالرحمن...
عبدالرحمن:صباح الظهر ياسمهونتي!غريبة صاحية بهاالحزة؟؟
اسمهان:مو قلت لك من أمس إن صاحباتي جايين؟؟
عبدالرحمن:طيب تبيني أجيب معاي شي تقدمينه لضيوفك؟؟
اسمهان:لا الله يعطيك العافية مايحتاج...ابتسام وسماح مابيقصرون...
عبدالرحمن:ماشاء الله..أهلك بعد جايين؟؟
اسمهان:لاياشيخ..ماعزمتهم أصلاً بس دقيت على ابتسام وسماح يسوون لي أصناف ويرسلونها!!!!!
عبدالرحمن:الله يصلحك يااسمهان بالله هذا كلام؟؟ليش بيتنا فاضي مافيه أكل يوم تروحين تشحذين من أهلك؟؟ولا شايفتنا عاجزين نجيب شي لضيوفنا؟؟
اسمهان(بدلع):يوووه دحومي!لاتكبرها عاد وهي صغيرة!المسألة فزعة لي!أول مرة بأستقبل ضيوف وماودي أخبص بالمطبخ!!
عبدالرحمن:بس ماهي حلوة منك تطلبينهم أطباق ولاتنادينهم لبيتك؟الله يهديك بس!على العموم وش طابخة على الغداء ان شاء الله؟؟
اسمهان:ياسلاااااام أقول لك بيجيني ضيوف..تقول لي وش بتطبخين على الغداء؟؟
عبدالرحمن:وش دخَّل هذي بذيك؟الضيوف بيجونك بالليل صح؟
اسمهان:ايه..بس أنا ماأبي أقربع المطبخ بأروح ذحين وأرتب البيت وأغسل الحمامات وأضبط الغرف كلها..تدري أول مرة بيدخلون بيتي لازم أفرجهم عليه وهو قمة في الترتيب!
عبدالرحمن:ماشاء الله ياليتني ضيف!!
اسمهان:وش تقصد؟؟
عبدالرحمن:لا ولاشي!! بأرجع عقب صلاة الظهر ومعاي غداء من بره!مع السلامة..
وبدأت اسمهان تطبق الغسيل المنشور من أمس وترتب وتنظف وبعد الصلاة بـ وقت جاء عبدالرحمن ومعاه الغداء وشوي أغراض..
فتحت اسمهان الأكياس لقيت عبدالرحمن شاري صحن كبير ورق عنب+صحن كبير بقلاوة..
اسمهان:ليش جايب ورق عنب وبقلاوة دحومتي؟؟
عبدالرحمن:عشان تقدمينهم لضيوفك مع باقي الأكل..
اسمهان:شكرااااا..
وحطت الغداء وكان عبارة عن مشاوي على الفحم +رز وسلطة..بعد الغداء..استعد عبدالرحمن للروحة إلى العمل...
وودعته اسمهان وهي طايرة من الفرح لأنها بتستقبل صاحباتها بعد عدة ساعات!!
نزل عبدالرحمن يسلم على أمه وقال لها:اش رايك يمه تطلعين لاسمهان اليوم؟بيجيها ضيوف!
أم عبدالرحمن:الله يرضى عليك ياولدي كأنك داري عن زهقي ومللي من قعدة البيت!خلاص بأطلع لها بعد المغرب ان شاء الله.
وبالفعل استكملت سمهونة شغلها وفي العصر أخذت دش..وبدأت تجهز أغراض القهوة والشاي من مكسرات وشوكولاتات وخلافه....
وقبل المغرب بدأت تتزبرق وتتحومر وتتصوفر!(لغير الناطقات بالعربيةيعني تحط أحمر وأصفر وكل ألوان الطيف!!)وتضبط الشعر...
وأذن المغرب وراحت تصلي إلا ودق الجرس وكانت كاتيا شغالة أهل اسمهان على الباب ومعاها صواني الحلا أخذتها اسمهان وشكرتها وراحت الشغالة...
وكانت الأصناف اللي سوتها ابتسام(سينابون+خلية النحل+حلى طبقات الشوكليت+كيكة التوفي) قالت اسمهان بقلبها :الله يسعدك يابسومتي على تعبك...
ودق الجرس مرة ثانية..قالت اسمهان بنفسها:حسبي الله عليكم من ضيوف باقي مابخرت البيت!!لايكون هذي رانية المطفوقة؟!!!!!!
ويوم فتحت الباب تفاجئت بشوفة أم عبدالرحمن!!!
اسمهان(بدهشة):خـــــــالتي؟؟؟
أم عبدالرحمن:ايه..ممكن أدخل ولا وقفتي بتطول عند الباب؟؟
اسمهان:حياك حياك..تفضلي!
أم عبدالرحمن:الصراحة بتكسبون فيني أجر اليوم الزهق كان ماخذني..لولا إن عبدالرحمن جاء بالوقت المناسب وعزمني وقال انه عندك ضيوف!!
اسمهان بداخلها قالت:أما هالعبدالرحمن يبيله زنط!!هلي وهم هلي ماعزمتهم عشان أستفرد بضيوفي!تقوم تنادي لي أمك؟؟عَز الله خربت!!
وراحت اسمهان تبخر بيتها..وشوي ودق الجرس..إلا طلعت رانية جاية بطيرانها!!
فتحت لها اسمهان وقامت رانية تحضنها بقوة... وتقول:واحشتني حيـــــــــل ياالسوسة!
اسمهان:مايوحشك غالي ياقلبي.
فسخت رانية عباتها ومشطت شعرها قدام مراية المدخل..وجايبة معاها تورتة كبييرة بالفانيلا والفراولة....
ومسكت الطيران وقامت تطق وتغني: ونحمد الله يوم لقانا تم
و انزاح عن قلبي وقلبك الهم
اسمهان:اسكتي يالهبلة اسكتي..أم زوجي داخل..
رانية:وش جابها؟تبيني أشق الطار فوق راسك؟ وتكذبين علي وتقولين مابأنادي أحد إحنا وبس! أخاف منادية جوهرة بعد؟؟
اسمهان:ارخي صوتك..ماناديت أحد حتى أنا تفاجئت بجيتها بس كله من عبدالرحمن هو اللي عزمها!!
دخلت رانية تسلم على أم عبدالرحمن..وجلست معاها..
وجلست اسمهان وتكلموا شوي وعرَّفت اسمهان أم زوجها بصاحبتها رانية...وشوي ودق الباب إلا هي أفنان وخالتها مشاعل(وجايبة أفنان معاها هدية عبارة عن مصحف كبير وحامل خشب محفور) وسلموا على اسمهان ودخلوا المجلس عند رانية وأم عبدالرحمن...
وثواني وجات مرام ومعاها باقة ورد كبيرة وبعد ماحطت عباتها ومشطت شعرها دخلت وسلمت على الحضور ووراها على طول جات نجلاء ومعاها سلة فيها تحف وشمعدانات ومغلفة بطريقة أنيقة..ودخلت المجلس...دارت عليهم اسمهان بالعصير..
وبدأت أم عبدالرحمن تتعرف على الضيوف وقالت:مانسيتكم انتم لابسات الوردي صح؟؟
الشلة:صح!!
واستغربت أم عبدالرحمن إن مشاعل خالة أفنان هي الوحيدة الكبيرة بينهم وكان عمرها 26 سنة!
فقالت لأفنان ومشاعل:ماشاء الله إنتم خوات؟؟
أفنان:لا..هذي خالتي أخت أمي..
أم عبدالرحمن:انتي متخرجة يابنتي؟؟
مشاعل:ايه من 4سنوات تقريباً..
أم عبدالرحمن:موظفة؟
مشاعل:ايه أشتغل بمعهد الأمل.
أم عبدالرحمن:تقصدين معهد الأمل الخاص بالصم والبكم؟؟
مشاعل:ايه تعرفينه؟؟
أم عبدالرحمن:ايه ولدي وهو صغير كان يدرس فيه...
مشاعل:الله يشفيه يارب...اصابته وراثية؟؟
أم عبدالرحمن:لا ياحبيبتي..مافي أحد بعيلتنا كلها أصم وأخرس غيره..بس بعيد عن السامعين أول ماولدته تعرض لالتهاب بالأذن الوسطى وسوى له مضاعفات مع الوقت لين مافقد حاسة السمع بالتدريج..وبالتالي ماصار عنده قدرة على النطق لأنه مايسمع..
مشاعل:طيب كم عمره هالحين؟
أم عبدالرحمن:28 سنة..
مشاعل:وشلون تتواصلون معاه؟
أم عبدالرحمن:من يوم هو صغير دخلناه معهد الصم والبكم وكنا نرسل أخوانه معاه عشان يتعلمون لغة الاشارة..ولما كانوا يرجعون البيت يعلموني اللي تعلموه وصرت أفهم عليه..وهو ماشاء الله عليه ذكي يقرأ كلام الشفاه..وتعابير الوجه...
مشاعل:طيب وهل تحسين اعاقته السمعية سبب في تعطيل فرص اندماجه بالمجتمع؟؟
أم عبدالرحمن:لا بالعكس..بسم الله عليه من يوم وهو صغير وهو اجتماعي ويحب الأطفال ويوم كبر توظف بمركز خاص بالاعاقات السمعية ومشاكل النطق وعنده صداقات كثيرة أغلب الوقت وهو بره..
مشاعل:ماشاء الله أنا لاحظت عندنا بالمركز إنه أغلب الأشخاص اللي يكون عندهم اعاقة يكون بنفس الوقت عندهم جانب ابداعي وموهبة بمختلف المجالات وهذا شيء رائع يخليهم يثبتون وجودهم بالمجتمع...
أم عبدالرحمن:صادقة يابنتي..هو يعشق الرسم كثير لو أطاوعه ماسلم منه جدار في البيت!خليته بس يرسم على جدار غرفته..وعلى جدار واحد من مجلس الرجال..
اسمهان:بالله ياخالتي الرسمة اللي على جدار مجلس الرجال رسم يده؟؟؟رووووعة ماشاء الله عليه فناااااان!!
مشاعل:طيب ياخالة هل تفهمين كل اللي يبيه بلغة الاشارة؟؟
أم عبدالرحمن:الصراحة لما يكون معصب وعنده كلام كثير أحس اني ماأفهم عليه كثير..عشان كذا من يوم وهو صغير وأنا حاطة بالصالة سبورة فلوماستر على حامل كل ماعجزت أفهم منه شي أقول له اكتب اللي بداخلك ويكتب لي مسيكين..
اسمهان:تصدقين ياخالة انتبهت لهاالسبورة واستغربت وجودها وبعدين عبدالرحمن قال لي:انه عبدالمجيد يكتب عليها أحياناً اللي يبيه من أمي...
مشاعل:اعذريني ياخالة على كثر أسئلتي بس حالياً أنا مشغولة بتحضير بحث عن فئة الصم والبكم وأول مرة تمر علي حالة بعمر ولدك لأن أغلب الحالات اللي عندنا بالمعهد دون سن العشرين..
أم عبدالرحمن:لايابنتي ماضايقتيني ولاشي..إلا خليتيني أفضفض..عن صدري..يكسر خاطري لاشفته..كل اللي بعمره تزوجوا إلا هو مالقى من ترضى به!
مشاعل:ان شاء الله يلقى بنت الحلال اللي تناسبه..كثير مر علي حالات مثله وتزوجوا وعاشوا حياتهم..أنا زميلتي طبيعية ومتزوجة واحد أخرس وعايشة أحسن حياة..
في هذه اللحظة تضايقت نجلاء من الكلام وقامت!!!
وشوي ودق الجرس وكانت سماح على الباب..سلمت وجايبة معاها سلة الرحلات ومعبيتها فطاير ومعجنات وفتوش وكفتة بطاطس!
شكرتها اسمهان من القلب...
سماح:أفا يالعلم!كل همك بالسلة وبس؟مابتقولين لي تفضلي؟؟
اسمهان:الله يحييك..مادام أم عبدالرحمن عندنا فالدعوة صايرة بحري!!تفضلي..
دخلت سماح وهي مستغربة من هبال اسمهان!!!
وكانت نجلاء واقفة بالمطبخ قالت نجلاء:اش رايك يااسمهان مادام الأكل عندك كثير مرة ليه ماتسوينه على هيئة بوفيه واللي يبي شي يغرف؟؟
اسمهان:والله فكرة بس شلون؟
نجلاء:طاولة السفرة اللي برة نشيل التحف اللي عليها ونرتب عليها كل الصحون الحالي والمالح ونحط القهوة والشاي على جنب وكل وحدة تاخذ اللي تبيه!
وبالفعل اشتغلوا الثنتين يرتبون ويجهزون السفرة...
بأكمل بعدين​

 

[وردة زرقاء]

مشكوووووووووووووووووووووووووووورة على الجزء الحلو :32:

والله يجزيكي الخير:31:


ياسلام مستانسة اول وحدة رديت:10:

 

[NicE-GirL]

جزء حلوووو والله ياشينها اذا كانت عزيمة للشلة صغااااار ويكون فيها حريم كبار


ههههههههههههههههه


تصير كلها جلسة رسمية << مجربة هالاحسااااس



مشكووووووورة حبوبة ,,

 

[gloryaa2009]

الله يا سلام يا سلام قدي ايه حلوة القصة
الله يهنيك و يسعدك

 

[توت كرز]

ليت زوجي مثل عبد الرحمن يسلاااااام مشكوره جيونه

 

[هب النسيييم]

اهم شي الاخلاق وحب الوطن

 

[شيوخيهـ ستايل]

ابداااااااااااااااااااااااااااااااااااااع × ابداااااااااااااااااااااااااااااااااااع....

ماعندي اي كلمة ثانية....

 

[منثورة]

ياسلاااااااااااااااااااااااام غبت كم يوم ولقيتلي كم جزء أقرأه ونااااااااااااااسه,
سلمت اناملك

 

[it's me**]

ليت زوجي مثل عبد الرحمن يسلاااااام مشكوره جيونه

هههههههههههههههههههه ضحكتيني يا كرز توت
يا حبيبتي هاد بس عند جيونة يعني شم ولا ادوق يا قلبي خخخخخخخخخ :21::20:

 

[حور و عمر]

ما شاءالله علي ابداعك جياااااااااااااانه
تفاجئينا دايما باحداث جميله