******اسمهان وعبدالرحمن********من جديد

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
روعة الله يحفظك............ كملي
 
تكملة الزيارة​
وجهزوا نجلاء واسمهان السفرة ونادوا الجماعة وجلسوا ياكلون وأم عبدالرحمن وسماح يتبادلون السواليف..
أم عبدالرحمن:مرة زعلت على اللي صار لتركي ياسماح شلونه هو الحين؟؟
سماح:ماشي حاله..
أم عبدالرحمن:الله يعوض عليه..اللي صار له مو شي بسيط
سماح:ماعليك الرِجال ينسون جروحهم بسرعة مو مثلنا حِناالحريم!!
وساد الصمت على طاولة السفرة وصارت رانية تناظر اسمهان وتغمز!(يعني اش السالفة!!)
دق جوال سماح إلا طلع محمد يستعجلها تنزل عشان يوديها لبيت أختها هند وكانت سماح جالسة من الأول بعبايتها..واستأذنت الضيوف وراحت.....
أم عبدالرحمن:ماشاء الله بملكة اسمهان كانت تسريحاتكم ومكياجكم مرة حلوة وين تضبطتوا؟
مرام:بصالون أختي ماجدة...
أم عبدالرحمن:ماشاء الله عندها صالون؟طيب اش اسمه؟ووين موقعه؟؟
مرام:اسمه..؟..(ماأبغى أقول اسمه أخاف تفشلوني وتروح ألف وحدة منكم وتقول أنا من طرف جيانة ويصلحونكم على حسابي!!)وموقعه بحي الخالدية...
أم عبدالرحمن:خلاص أنا وجوهرة بنتقاول معاكم بدل مانروح لمشاغل يأخرونا ويصبغون وجوهنا أشكال وألوان!!
مرام:المشغل وصاحباته تحت أمرك خالتي...
أم عبدالرحمن:يسلم لي ذوقك يالغالية..وهالحين استأذنكم ودي أرجع لبيتي..أكمل أموري..
اسمهان:لسه بدري ياخالتي!!
أم عبدالرحمن:بدري من عمرك حبيبتي..والله يعطيك العافية ويكثر خيركم ان شاء الله..ماشاء الله عليك فنانة وسفرتك حلوة ماعليها قصور!تسلم أياديك..
اسمهان(بخجل):الله يسلمك ياخالتي!.
وقامت أم عبدالرحمن بتطلع وطيبتها اسمهان بتولة عود حاطتها على المدخل..
أم عبدالرحمن:طاب طيبك..وعاش حبيبك!!
وخرجت من البيت...وصكت الباب وراها...
إلا رانية قامت تطق على الطاولة وتغني:شيلوها شيلة..والليلة ليلة!
نجلاء(وهي تتريق وتقلد صوت أم عبدالرحمن):ماشاء الله عليك فنانة وسفرتك حلوة ماعليها قصور!تسلم الأيادي!
قامت مرام ترد عليها(وهي تقلد اسمهان):الله يسلمك ياخالتي!
مشاعل والشلة:هههههههه
نجلاء:يقطع أبو البكش ياشيخة!ماكأني ساعدتك في ترتيب السفرة وشفت سماح داخلة بأكلها وباقي الصحون يا مغلفه بنايلون يا مغلفة بقصدير..يعني من عند أهلك أكيد!!!
أفنان:أفاااااا..معونات خارجية؟!يامال الفلس!!
اسمهان:بسكم عاد..أهم شي إن الأكل لذيذ واستانستوا عليه!
رانية:من ناحية لذيذ..فهو لذيذ...ماتشوفيني منطمة وساكتة؟ من كثر مامليت فمي!
بس بصراحة ياحظك بأم عبدالرحمن!حرمة كشخة وذوق اللي يشوفها مايقول كبيرة!حسرة على عجايزنا الوحدة قَشْرة من برة ومن جوه!!!!!
اسمهان:ترى خالتي موب كبيرة عمرها مايتجاوز ال46 سنة..بس تزوجت وهي صغيرة..
مرام:بسرررررررعة جيبي صور الزواج!
وراحت اسمهان تجيبها وتفرجوا عليها...وبس شافوا عبدالرحمن من غير شنب ولحية فقعوها ضحك!
الشلة وهم متجمعين على الألبوم:كااااااااااااااااااااااااااااك..
نجلاء:تضحكين علينا وتقولين متزوجة سعودي؟؟أقول طلَّع الجنسية ولا بعد؟؟؟ههههه
رانية:ماشاء الله وجهه يبرق!مايندرى مين اسمهان من عبدالرحمن!!!!هههههه
مشاعل:حرام عليكم أكيد شايف نفسه كشخة!حطمتوا اسمهان!!
مرام:اسمهان صديقتي وأعرفها زين..لابدها حلفت عليه يخرب شكله عشان لاتصيده عين!!هههه
اسمهان:بلا يبلاكم !هذا صديقه لعب عليه واتفق مع الحلاق يحوسه!!
رانية:والله فلَّة زوجك..طلع حتى هو عنده أصحاب راعيين مقالب؟!عسى مو مسميين نفسهم شلة الصاعقة بعد؟!!ههههه
نجلاء:لحظة ياجماعة مالاحظتوا كلام أم عبدالرحمن مع سماح؟؟
الشلة:ايه لاحظنا!
رانية:ايه صحيح يااسمهان اش السالفة؟؟ماأسمع إلا كلمة الله يعوض عليه!!!لايكون عبير ماتت؟؟
اسمهان:لا الشر بره وبعيد..بس تطلقت!!
شهقوا الشلة بصوت جماعي!!
اسمهان:بسم الله عليكم!يعني اللي يشوفكم..يقول مساكين ماوصلتكم الأخبار!!
الشلة:فعلاً ماوصلتنا ولاندري!!
قامت اسمهان تحكي لهم بالتفصيل سالفة الحرق والسحر والسلب والنهب واستغلال تركي!
أفنان:يالطيف يارب..ياويلهم من الله وش ذنبه ولد الناس يلعبون عليه؟؟
مشاعل:أشك إني قاعدة أسمع رواية لفجر السعيد!!!
رانية:هي صدق إن البنت ذي متشربة الخباثة لدرجة الثمالة!بس ماتوقعتها تطورت لهالدرجة الإبليسية!!!
اسمهان:وشفيك تتكلمين مثل العضوات اللي يبون يسوون نفسهم مثقفات بالغصب؟!!
نجلاء:ضيقتي صدري بسيرتها!خلاص لاتجيبون طاريها..أهم شي افتكينا منها ومابنشوفها السنة الجاية!!
مرام:حكينا ياسمهونة عن شهر العسل ورحلتك لدبي وماليزيا!!
وقامت اسمهان تحكي لهم عن كل شي ومواقفها الطريفة حتى بـ مكة!
الشلة:ههههههههههه
رانية:الله يقطع ابليسك ياسوسو تدلكين رجيلاتك بوسط الحرم؟صدق ماتستحين؟!!
نجلاء:أقول زين طاح حظك بأندونيسية تمسج..مو ايرانية كان دهنت سيقانك بـ تفالها!!
وطاحوا بسمهونة تريقة ومزح...
وقالت مرام:ها ياعسل بتفرجينا على بيتك ولا نسوي هجوم ورحلة استكشافية؟؟
اسمهان:لاتفضلوا أنا مخططة أفرجكم...
دخلوا مكتب عبدالرحمن..وقامت رانية تفتش بالكتب وقالت:شوف وجه العنز وإحلب لبن!!طالعوا أسماء الكتب بس ترفع الضغط وتلوع الكبد!!
ثورة في اكتشافات نووية!
ارهاصات تاريخية..مع وقفة مشرفة!
تاريخ الأدب من زبدة الحقب!
فتش عن الشخصية المغناطيسية
النظام على الطريقة الأفلاطونية
اسمهان:فعلاً توجهات عبدالرحمن في القراءة والكتابة جايبت لي الضغط!
نجلاء:رجَّال وبيتجاوز الثلاثين..وش تبينه يكتب عن آخر صيحات الفساتين والمكياج؟ولا عن خلطات التبييض والتفتيح؟؟
ودخلوا غرفة النوم وراحت رانية الملقوفة تركض على دولاب اسمهان وفتحته..وقالت:إلى الباحثات عن الكشخة!طبوا وتخيروا!!
نجلاء:ياواد يااسمهان ياحركات!اش هالترتيب والتنظيم كله؟؟
رانية:بنات تعالوا نشم ريحة ملابسها أخاف معلقتهم ومو غاسلتهم!!
اسمهان:ياشين اللقافة ياناس!وخري أشوف!
فتحت رانية دولاب عبدالرحمن ولقيت الثياب الحمراء اللي خربتهم اسمهان معلقة!!
رانية:ياويلي ويلاه الرَجَّال انهبل!حلق شواربه ولحيته وصار يلبس أحمر!!
الشلة:هههههههههههههه
المهم كان انطباع الجميع عن البيت والأثاث زين..طبعاً كل شي كان كشخة وذوق..
وماراح أكمل اليوم لأني تعبااااااانة ومزكمة.. نستكمل غداً بمشيئة الله!!!!!!!!!!!​
 
فتحت رانية دولاب عبدالرحمن ولقيت الثياب الحمراء اللي خربتهم اسمهان معلقة!!
رانية:ياويلي ويلاه الرَجَّال انهبل!حلق شواربه ولحيته وصار يلبس أحمر!!

ههههههههههههههههههههههههههههههههههههههههه
حلووووووووووووه كتير


*******سلاااااااااااامتك يا جيونة وما تشوفي شر ياربي

وشكراااااا كتير كتير على الجزء الرووووعة متلك ( بس وانتي مو مريضه احلى عليكي ))
هههههههههههههههههه
 
ماشاء الله عليك رائعه نحن في الانتظار ان شاء الله

بس عندي طلب جيونه لاترديني؟ ايش اسم مشغل الكوافيره ؟؟ قولي لي ما اقول لااحد""
 
ماشاء الله عليك ياجيونه والله انك روووووووووووووووعة
وسلامتك ماتشوفين شر
 
سلامتك ياقلبي وماتشوفين شر
واشكرك من قلبي لأنك علمتينا انك مابتكملين اليوم عشان مااقعد مسنتره عند النت وزوجي يحوسني​
 



ســــــلاااااامات ماتشوفي شــــر ما قدامكــ إلا العافيــــة

إن شاء الله



​
 
اناا متابعه الروايه من الاول
ابدااااااااااااع ياعسل

واحلى شي عبدالرحمن واسمهااااان

اتمنى واحد فلللله مثله هههههه

عوافي
 
ما شاء الله تبارك الرحمان
ابداع
حفظكي الرحمان اختي
 
هههههههههههههه
حلو حلو حلو جزء الزيارة

ومسكينة أم عبد الرحمن أول شي حسيتها غفيفة بس مسكينة قعدت شوي وقامت .. فيها ذوق هالحرمة


سلامتك جيانة ماتشوفين شر حبيبتي
 
واووووووووووووووووووووووووووووووو رووووووعه سلمت اناملك يامبددددددددددددددددددددددعه :32:
 
الحالة
مغلق و غير مفتوح للمزيد من الردود.
عودة
أعلى أسفل