******اسمهان وعبدالرحمن********من جديد

[مملكة أنثى]

جيوووونه ثانكس الغلا على لبارتس
في انتضار لباقي
خخخخخ
طماعييييييييييين نبا كل شويه

 

[dadeam]

السلام عليكم ورحمة الله وبركاته
تسلم يمناك اختي جوجو القصة اكثر من رائعه
والله اعجبتني وانا اتابع مواضيعك
فبارك الله فيك اكملي فنحن باانتظارك

 

[~احساس طفله~]

جيونه حبيبتي ابداع كملي كلنا شوق نبي نعرف الجديد
ولا يهمك طلعوا ابطال شله الصاعقه
حبي هلي منهم وتوت وكرز وباقي التكمله ههههه​

 

[ام عبادي 81]

راااااااااائعة بمعنى الكلمة

 

[هند بنت عتبة]

هاااااااااااااااااااااااااااااااااي

هل من جديد

اممم بانتظارك يا عسل

 

[Honesty]

والله اكثر من روعه ,,,, عجزت يدي عن الكتابه والله انها اجمل قصة اقراها ،،، يمكن لانها فيها من الواقع الموجود وفعلا يوجد مثل هالشخصيات ... الله يوفقك ويسرلك امورك ... تابعي ونحن بالانتظار ....

 

[لحظة امل21]

روووووووووووووووووووووووووووعة
تسلمي

 

[ايزي]

جيوون

طوولتي يالغلا

 

[أميرة الوهج]

السلام عليكم ورحمة الله وبركاته

أختي العزيزة والكاتبة الرائعة: جيــــــــانة

أتمنى أن تكوني بصحة جيدة وعافية..

سبحان الله فلقد وجدت روايتك هذه بالصدفة..وعندما قرأتها من البداية جذبتني الى آخر جزء كتبتيه..وجدت المرح والضحك والحياة الاسرية الجميلة والعلاقات الزوجية مع مختلف الاعمار..فلم اتحمل الانتظار فكنت اقرأ جزء وراء جزء حتى وصلت الى آخر صفحة..
تمنيت منك عزيزتي ان تكمليها ثم تنشريها..فلربما تعلمين كم هو شعورنا ونحن ننتظر باقي الاجزاء ونفكر ونحلل بالشخصيات والاحداث التي ستحدث..
أعلم تماما انك وجدتي نقد من البعض..فلاتتوقفين عند هذه النقطة..استمري وتعلمي من النقد ماتستطيعن تعلمه..ولكن لاتفكري يوما بالتوقف عن الكتابة..استمري فهناك من يشجعك خلف الكواليس وينتظر راويتك بفارغ الصبر ومتلهفين بالاحداث القادمة التي ستحدث..
عزيزتي ..فأنا كاتبة روايات مثلك..وأشعر بما تشعرين..وأعلم تماما بأن ليست كل شخصية تكتب في الروايات تعني أنها شخصيتنا..فنحن نكتب من واقع تجاربنا ومما نشاهده في حياتنا اليومية..وربما يدخل القليل من شخصيتنا في الرواية..ولانستطيع ان نكتب كل الجوانب الجيدة في الرواية كون ان الناس يختلفون في أفكارهم وتشددهم بالدين..
فالرواية تحمل في طياتها الكثير السلبي والايجابي..الفرح والحزن..المشاكل وحلولها..والاهم من هذا ان الروايات لاتكون خيالية بأحداث لاتحدث اطلاقا..والاهم من هذا كله أنا أفضل الروايات السعيدة..ان تكون النهاية سعيدة ومليئة بالفرح والسرور..مهما حدثت من مشاكل فلابد النهاية تكون الافضل..
اصبحت اتخيل ماسيحدث في حياة اسمهان وعبدالرحمن..ولكن اترك الاحداث تأتي..
عزيزتي..أتمنى أن تكتبي جزءا اطول مما سبق..
ولدي ملحوظة بسيطة..عندما كتبتي عن تركي وماذا حصل معه ومع اهل زوجته..شعرت وكأنك كتبتيه بسرعة..احسست ان هناك احداث ولكن لم تكتب بشكل اوسع..

على العموم..عزيزتي انت كاتبة ماهرة..وقلمك مبدع..اتمنى ان تواصلي وتستمري..فنحن في الانتظار..
أتمنى لك حياة موفقة..وان يحفظك الله أينما تكونين ويجعل السعادة هي دربك..

أختك:
أميرة الوهج

 

[انسه طفشانه]

اكرره ماعندي كلمه طوولتي

سيبووو البنت في حالها
اكيد مشغوله
وربي تطفشوووو الواحد

 

[سكنات في القلوب]

السلام عليكم ورحمة الله وبركاته

أختي العزيزة والكاتبة الرائعة: جيــــــــانة

أتمنى أن تكوني بصحة جيدة وعافية..

سبحان الله فلقد وجدت روايتك هذه بالصدفة..وعندما قرأتها من البداية جذبتني الى آخر جزء كتبتيه..وجدت المرح والضحك والحياة الاسرية الجميلة والعلاقات الزوجية مع مختلف الاعمار..فلم اتحمل الانتظار فكنت اقرأ جزء وراء جزء حتى وصلت الى آخر صفحة..
تمنيت منك عزيزتي ان تكمليها ثم تنشريها..فلربما تعلمين كم هو شعورنا ونحن ننتظر باقي الاجزاء ونفكر ونحلل بالشخصيات والاحداث التي ستحدث..
أعلم تماما انك وجدتي نقد من البعض..فلاتتوقفين عند هذه النقطة..استمري وتعلمي من النقد ماتستطيعن تعلمه..ولكن لاتفكري يوما بالتوقف عن الكتابة..استمري فهناك من يشجعك خلف الكواليس وينتظر راويتك بفارغ الصبر ومتلهفين بالاحداث القادمة التي ستحدث..
عزيزتي ..فأنا كاتبة روايات مثلك..وأشعر بما تشعرين..وأعلم تماما بأن ليست كل شخصية تكتب في الروايات تعني أنها شخصيتنا..فنحن نكتب من واقع تجاربنا ومما نشاهده في حياتنا اليومية..وربما يدخل القليل من شخصيتنا في الرواية..ولانستطيع ان نكتب كل الجوانب الجيدة في الرواية كون ان الناس يختلفون في أفكارهم وتشددهم بالدين..
فالرواية تحمل في طياتها الكثير السلبي والايجابي..الفرح والحزن..المشاكل وحلولها..والاهم من هذا ان الروايات لاتكون خيالية بأحداث لاتحدث اطلاقا..والاهم من هذا كله أنا أفضل الروايات السعيدة..ان تكون النهاية سعيدة ومليئة بالفرح والسرور..مهما حدثت من مشاكل فلابد النهاية تكون الافضل..
اصبحت اتخيل ماسيحدث في حياة اسمهان وعبدالرحمن..ولكن اترك الاحداث تأتي..
عزيزتي..أتمنى أن تكتبي جزءا اطول مما سبق..
ولدي ملحوظة بسيطة..عندما كتبتي عن تركي وماذا حصل معه ومع اهل زوجته..شعرت وكأنك كتبتيه بسرعة..احسست ان هناك احداث ولكن لم تكتب بشكل اوسع..

على العموم..عزيزتي انت كاتبة ماهرة..وقلمك مبدع..اتمنى ان تواصلي وتستمري..فنحن في الانتظار..
أتمنى لك حياة موفقة..وان يحفظك الله أينما تكونين ويجعل السعادة هي دربك..

أختك:
أميرة الوهج[/QUOT
وفيتي وكفيتي نفس الي كان ودي اقولوخاصه {
ولدي ملحوظة بسيطة..عندما كتبتي عن تركي وماذا حصل معه ومع اهل زوجته..شعرت وكأنك كتبتيه بسرعة..احسست ان هناك احداث ولكن لم تكتب بشكل اوسع..}لو اعطيتيه اهتمام اكثر لكان رائع وهو اصلا رائع بالفعل بس نقطه هذي يبيها طرح اكثرلا نها تتمحور في عدده مشاكل غش وخدع ومكر وسحر من عبير وامها وهذا شي حاصل في المجتمع ودمتم سالمين

 

[WASEN]

ابداااااااااااااااااااااااااااااااااااااااااااااااااااااااع

 

[جيانة]

*جزء اليوم لمحبات الوناسة*​

في مدينة الرياض كانت عبير وأمها في بيت خالهم الكبير اللي عنده 3 أولاد متزوجين و4 بنات في البيت ..ثنتين بالجامعة ووحدة بسن عبير والصغيرة بالمتوسط..صحيح عبير كانت متأثرة وزعلانة من كل الأحداث السيئة اللي واجهتها بس بنفس الوقت لقيت ونس مع بنات خالها..
وبيوم دار هالحوار بين عبير وأمها...
عبير:يمه أنا أحس إني مبسوطة ببيت خالي بس ماتحسين إن جلستنا عندهم مخليتنا مثل العالة على صدورهم؟؟؟
أم عبير:أكيد حِنا عالة وعلة على قلوبهم..بس كل هذا من أبوك حسبي الله عليه سحب اللي ورانا وقدامنا!لاذهب ولافلوس!
عبير:ماعليك يمه..هذا لأنه زعلان مرة..كلها وقت ويهدى ويصير يصرف علينا..هذا أبوي وأعرفه كريم وقلبه طيب!
أم عبير:ياليت يكون كلامك صحيح أخاف يتزوج وحدة وتلهف اللي وراه وقدامه!!
======================
وجاء يوم السبت وراح عبدالرحمن لأول يوم بالدوام وكان شفت العمل مسائي بهذاك الأسبوع يبدأ من الظهر لين الساعة 11 بالليل...
قامت اسمهان تنظف المطبخ وكانت أول مرة تطبخ فيها من يوم ماتزوجت والغداء كان عبارة عنبطاطس مجمد وقلته اسمهان بالزيت!
نجت دجاج بالبقسماط وقلته اسمهان بالزيت!
وكاتشاب طبعاً ماطبخته بس تعبت حالها شوي وحطته بصحن!!+صحن فواكه طبعاً مو هي اللي طابختهم بس غسلتهم وحطتهم بالصحن!!)
وقبل مايروح عبدالرحمن الشغل وهم لسه يتغدون قالت اسمهان:اش رايك في طبخي؟عاد إنت اليوم محد قدك اسمهان طابخة لك بيدينها!!!
عبدالرحمن:كل هالمقدمة على صحنين مقالي جاهزة؟؟أجل لو طابخة مفطَّح بتذلينا؟؟
اسمهان:لا ياحبيبي...بس الكل يدري إن اسمهان مو حقت مطابخ!!
عبدالرحمن:الله يعين!عموماً تسلم الأيادي!ولو إني أول مرة أشوف أحد يتغدى نجت وبطاطس!بس مع اسمهان كل شي جايز!!!
...وقام يتشطف ويتجهز للعمل...واسمهان ترفع السفرة وتنظف المطبخ......
عبدالرحمن وهو رايح قال:ترى بأرجع الساعة 11 يعني عندك وقت طويل تقدرين تستغلينه وتكملين كل أشغالك..والعشا خليه ساندويتشات خفيفة!لأني بأروح العمل أتغدى مع الشباب!!
اسمهان:ليش؟توك متغدي!
عبدالرحمن:ههههه ليش الله يصلحك!تسمين هذا غداء؟؟هذا اسمه نقنقة مجبور!!
وراح عمله..وقعدت اسمهان تفكر اش تسوي بغيابه..راحت تقلب في قنوات التلفزيون ومالقت شي يستاهل المتابعة!
اتجهت للنت ولقيت مرام قاعدة على الماسنجر وتبادلوا السواليف المختلفة وقالت لها مرام:اتفقنا كلنا نزورك هذا الاثنين!
ورحبت اسمهان بالفكرة ورجعت لمنتداها المفضل اللي تكتب فيه وغيرت قسمها وقالت لنفسها:ليش ماأدخل قسم الحياة الزوجية؟!!
ويوم دخلت وتقلبت بين المواضيع خرجت وهي تقول بنفسها:توووووووووووووووبة!!إن زدت طبيت بهالقسم!!
وش هالغثا اللي في النسوان؟مايكفي زوج الوحدة منهم كريه وغثيث معاها بالبيت...بعد تجي بالمنتديات وتسوي له دعايات؟!!!!!!!!!
وفكرت لو تكتب موضوع تخاطب فيه عقلية النسوان اللي يحبون يكتبون عن يومياتهم اللي تبط الكبد مع أزواجهم!!وليتها ماكتبت!صلخوها النسوان بألسنتهم!!!
طبعاً هالسمهونة تبي تسوي فيها ناصحة ومثقفة واستعانت ببعض الألفاظ اللي يستخدمها عبدالرحمن وكتبت الموضوع التالي بعنوان:
(الشاردات إلى المنتديات!)
الموضوع:إلى كل عضوة تمحورت حياتها حول نفسها وزوجها!ثم تقوقعت على نفسها لتنفجر لنا بعد دهر وتعلن لنا خروجها من البوتقة إلى عالم المنتديات لـ تفش غلها فينا! تكتبين لنا عن زوجك لماذا؟؟لـ تعلين قلوبنا به مثل ماعل قلبك؟؟
أم لـ تخربين علينا أجواءنا الرومانسية مع أزواجنا؟؟
أم لأنك لاتمتلكين موضوع مفيد فاتجهتي إلى زوجك لتجعليه قضية الموسم؟؟
أم هي محاولة لتقليد الأخريات اللواتي يشتمون المجتمع ويسبونه كله ماعدا أنفسهم!فهم جميلات بشهادة الجميع! وقائمات بجميع حقوقهن الزوجية! ولايقصرون حتى مع أهالي أزواجهن! وبالرغم من ذلك تلاقي الصد والنفور من زوجها!
عزيزتي( إذا أردتي الشردة من الواقع إلى الخيال فاشردي إلى أبعد بقعة في الخريطة!!فيومياتك الكئيبة مكانها ليس بالمنتديات!بالعربي إحنا عالم ندخل النت للفرفشة والوناسة وتحصيل الفايدة مو لضيقة الصدر وفقع المرارة!!)
الحقيقة قطعتم قلبي بقصصكن أيتها العضوات مع تمنياتي في القريب العاجل أنا أرى منتديات ذكورية جديدة تمتلأ بشكاوي الأزواج من زوجاتهم!!!!
وانتهت اسمهان من موضوعها وراحت أعزكم الله إلى دورة المياه..ودقايق ورجعت ولقيت عدد مشاهدات الموضوع 34 والردود 7!!
اخترعت وقالت:صدق إنكم فاضيات!!
وقرأت الرد الأول للعضوة(تطور بـ تهور):أي تمحور وتقوقع وبوتقة؟؟انتي حلي التشابك اللي عندك بعدين انصحينا!!
الرد الثاني للعضوة(مصرقعة بس هادية):مين سمح لك أساساً تقرأين موضوعاتنا؟؟إذا مو عاجبك اطلعي برة المنتدى!
الرد الثالث للعضوة(الدلع كله):مدام إنك تقدسين الرجال..ورى ماتفارقينا وتفتحين منتدى ذكوري وتحطين نفسك الزعيمة عليهم؟؟خل نشوف وش بتسطرون من ابداعات!!!!!!!
الرد الرابع للعضوة(هبنقة ببندقة!!):إيه كلنا جميلات!انتي وش حارق رُزك؟؟ومانقصر مع أزواجنا بشي الله ياخذهم حتى أهالي أزواجنا اللي مايساوون بصلة حاطينهم على راسنا وخادمينهم بعيوننا الله يقلعهم
يحق لنا نفضفض لبعض الوحدة فينا قمة في الرقة وقمة في الذوق والنعومة لكن زوجها مغمض عيونه عنها عسى عيونه البط!!!!
قالت اسمهان بنفسها:وأنا أشهد إن فيك ذوق ونعومة ورقة تهز الصخر!!!!!!!!يكفي إن اسمك شاعري حيل!!!
الرد الخامس للعضوة(رداة الحظ من حظي):أقص إيدي لو ماانتي رجَّال!!!ياعضوات تراها رجَّال متخفي بإسم حرمة!يامشرفات الغوا عضويتها!
الرد السادس للعضوة(قاهرتهم برواقتي):ياأختي قاهرة نفسك ليه؟؟بكرة حتتجوزي وتعرفي الكلام اللي بنقولو اش معناتو!!
الرد السابع للعضوة(دبدوبة النحيلة):وينك بس؟لو أشوفك لأبرك فوقك لين ماأقطع عنك الهواء!ياعدوة المرأة ونصيرة الرجل..مالك إلا القاز!!!!!!!!
طبعاً اسمهان صار راسها يغلي من اللي قاعدة تقراه..وارتفع ضغطها وقالت:والله لو ماانتم غثيثات وكريهات ماكان أزواجكم يعاملونكم كذا!!إلا بالعكس رحمت أزواجكم الضعايف شلون متحملينكم!!يمين لو إني رجَّال كان صحت فيكم بعالي الصوت(كلــــــــــــكم طــــالق!)
========
ملحوظة أسماء العضوات السابقة جبتها من راسي بس بالله إن طالعت مشابهة لاسم وحدة فيكم أقسمت عليها ماتزعل!!ماأقصدها لشخصها ترى!
ساعة وأكمل لكم!​

 

[هند بنت عتبة]

ههههههههههههههه رووووعة وموضعها اروع
خخخخخخخخخخخخخخخخخخخخخخخخخخخخخخخخخخخخ

 

[الاماسة]

روووووووووووووووووووووعة كملي حبيبي الله يحفظك

 

[تومي 2]

بنتظارك قلبوووووووووو
لاتتاخري علينا

 

[حبي هلي]

هههههههههه والله اسمهان هذه خطيرة....موضوعها يرفع الضغط عند البلقيسيات ....على بالها تبي تتفلسف....والله القصة حلوة مانبيها تخلص :32:

معليش جيونه على قولة حبي هلي رد السلام واجب وعليكم السلام ياالغاليه وانت يا حبي هلي مريم الغضبان سبقتك :31:جيونه الا زعللك فديتك يامبدعه احبك مرررره :32:

طيب يا توت كرز انامريم الغضبان :busted_red: اوريك الحين تاكدت انك هذه:25:

الله يستر عسى ماشافتني جيانه :19:

 

[smile moon]

ههههههههههههه حلووووووووووه اسماء العضوات من فين جبتيها !!!!!!!

 

[جيانة]

*تابع للقصة ياقماري*​

وقعدت اسمهان على هالحال من رد في رد وهي ترد على العضوات وهم يردون عليها لين ماوصل عدد الردود 51 رد ودخلت عضوة وقالت:شو قلة الأدب هاي؟ وينن أزواجكن عنكن؟سوء الخضار مابيصير فيه هيك حكي!!
وجات العضوة اللي بعدها وقالت:أنا رأيي من رأي الأخت اللي فوق موضوع خسيس وردود أخس الحمدلله والشكر..بالله فضوها سيرة وكل وحدة منكم ترجع تتضارب مع زوجها أبرك!!!
ردت اسمهان:تكفين لاتحشينهم على أزواجهم هذيل مهابيل ويسوونها!!بيروحون يتطاققون عشان يرجعون لنا بعد كم ساعة بمواضيع جديدة عن هوشاتهم!!
دخلت مشرفة من مشرفات الموقع على الموضوع وقالت:نظراً لكثرة الردود الخارجة عن حدود الذوق سيتم حذف الموضوع!!
زعلت اسمهان وقالت بنفسها:سبحان الله كلمة الحق صايرة تزَعِل هاالأيام!!!!
قفلت النت وجلست تلعب بالألعاب اللي مخزنتها على اللاب توب...إلا وتليفون البيت يرن..
اسمهان:آلو...مرحبا.
شخص غريب:مرحبتين!
اسمهان:مين تبي؟؟
الشخص:أبيك انتي!
اسمهان:آها أكيد انت حمود؟صح؟
الشخص:فديت الذكاء!شلون عرفتيني؟؟
اسمهان:أنا اسمهان والأجر على الله !ماتطوفني ألاعيبك مهما غيرت من صوتك!!
الشخص:وياترى اش قاعدة تسوين؟؟
اسمهان:أبد كنت قاعدة على النت بس زهقت!وعبدالرحمن اليوم مداوم!!
الشخص:وش رايك أمر عليك وتطلعين معي؟؟
اسمهان(وهي على نياتها):واااي وناسة تكون كسبت فيني أجر يامحمد!!
الشخص:زين عطيني العنوان!!
اسمهان:هاااااه؟؟؟
الشخص:أقول عطيني العنوان يابعد عمري ماودك نطلع ونتونس مع بعض؟!!
عاد اسمهان ذيك الساع استوعبت إنه واحد مغزلجي ومتصل يلعب!!
وقفلت السماعة بوجهه..وجلست ندمانة على تسرعها في الرد عليه وقلبها يخبط ويرقع!!
وصار التليفون يرن ويرن وكل شوي يرن....
فجأة دق جوال اسمهان وراحت ترد إلا طلعت رانية..
اسمهان:هلا رانية..
رانية:هلا سوسو..أقول وش رايك تكسبين فيني أجر وتوفرين علي وتعطيني رقم الثابت أفضل؟؟؟
عطتها اسمهان رقم التليفون الثابت..وأول ماصكت اسمهان الجوال إلا والتليفون يرن...
راحت اسمهان تركض على بالها رانية إلا طلع الشخص المغازل!
الشخص:هااه يااسمهان؟عبدالرحمن رجع ولا لا؟
اسمهان:الله يصيبك ياشيخ قفل السماعة والا بيصير لك شي مايسرك!!!
الشخص:يمه خرعتيني وأنا بعدي صغير!!!!خلاص ولايهمك ياحلوة بأقفل الخط بس أبيك تجاوبيني عن سؤال صغير ووعد أنسى رقمك طول العمر!!
اسمهان:خير؟
الشخص:انتي باقي تغنين مع أخوك فريد الأطرش ولا اعتزلتي؟ لأني من زمان مو سامع لكم شي جديد!!
كاااااااااااااااااااااااك وجنبه أصوات شباب يضحكون!!
قفلت اسمهان الخط وقعدت تبكي!
إلا رانية داقة على جوالها..ردت اسمهان...
رانية:وشفيك يالهبلة تقولين لي اتصلي وتشغلين الخط؟؟
اسمهان(قامت تبكي):رنو الحقيني!!!!
رانية:خير؟عبدالرحمن كفَّخك؟؟
اسمهان:لاااااااا
رانية:طيب وش صاير؟لاتقولين طلَّقك؟حرام عليك مابقى دخلنا بيتك وشفناه!وتطلقتي بسرعة؟؟
اسمهان:وجع بعينك ان شاء الله!هذا كلام تقولينه؟لا تكفخت ولاتطلقت!بس فيه واحد نشبة بلاني باتصالاته على التليفون وأنا خايفة حيل!!!!
رانية:وش منه خايفة؟بينط عليك من السماعة؟؟
اسمهان:لااااا..بس قلت له إن اسمي اسمهان وزوجي عبدالرحمن!!
رانية:طاح حظك ياالثولة طاح حظك!!وليش تعلمينه؟
اسمهان:أنا قلت له من غير قصد!على بالي إنه أخوي محمد!
رانية:وأخوك محمد مايعرف اسمك واسم زوجك يوم تروحين وتعلمينه؟ وش هالثوارة والبقارة اللي انتي فيها يبيلك شوية حشيش وعلف وترعين فيها!!!!
اسمهان:لاتزيدين ناري الله يخليك!
رانية:أقول انثبري جنب التليفون وبأحاول اتصل فيك لين مايمسك الخط..رقمي وتعرفينه ردي عليه..وإن دق هالمطفوق إياني وإياك تردين عليه..فاهمة؟؟
اسمهان:فاهمة!
واتصلت رانية وردت عليها اسمهان
ودخلوا في سوالف من هنا وهناك..وبعدها......
رانية:خلاص اتفقنا نجيك كلنا يوم الاثنين..مو تقولين دوام زوجك مسائي؟؟؟؟
اسمهان:إلا..الله يحييكم
رانية:بس ترى نجلاء أهلها وافقوا بعد جهد جهيد إنها تجي تزورك! على قولتهم انه موقفها حساس شوي بما انه أم عبدالرحمن خطبتها لولدها قبل!!
اسمهان:غريبة وافقوا؟؟
رانية:لأنها ياحلوة أقنعتهم انك ساكنة ببيت لحالك بعيد عن أم زوجك يعني مابتقابلها!!ولارجعت تصارحهم بالموضوع!!بس انتي بيجيك أحد غيرنا؟؟
اسمهان:لا طبعاً مستحيل أنادي أحد!نبي نقعد ونتونس وننبسط لحالنا وبس!
رانية:أشوى!!أنا قلت عسى ماتخبصينها وتسوينها جَمْعَة حريم وبزارين!!عاد أنا ياكرهي في سواليف النسوان كلها حمل وولادة وسب في الأزواج وأهاليهم!تقولين قاعدين في حراج!!!
اسمهان:لا أعوذ بالله...هالطقة ماشفتها إلا بمنتديات النسوان!الله يكفينا شرهم على أرض الواقع!!
=======
المهم انتهت المكالمة واستلموا باقي الشلة اسمهان كل شوي وحدة متصلة...آخر وحدة أفنان..وبعد المقدمات الروتينية من سلام وأخبار...الخ
أفنان:تصدقين يااسمهان؟بعد محاولات مستميتة أمي وافقت لي أزورك؟؟؟
اسمهان:ليش عاد؟عبدالمجيد خطبك انتي الثانية وأنا ماأدري؟؟؟
أفنان:لااااا بس خبرك بأمي مستحيل تخليني أروح مكان إلا بمرافقتها..وأنا بصراحة قلت لها ان هالجمعة جمعة بنات وبس وأهل اسمهان مو جايين فلا تجين معاي ياأمي بس مارضت!!وبعد المحاولات وافقت بس بشرط إنه خالتي مشاعل تجي معاي!!!
اسمهان:مين خالتك مشاعل؟؟
تقصدين اللي قعدت معانا على نفس الطاولةيوم زواج خالك اللي طاحت فيه رانية؟؟؟؟
أفنان:بالضبط....ماشاء الله عليك ياسوسو مانسيتي؟؟
اسمهان:وشلون أنساها؟إلا يازينها ويازين جلستها وكلامها.الله يحييكم كلكم وأنا بانتظاركم..
=============
وبعد ماانتهت اسمهان من مكالماتها الطويلة جاء عبدالرحمن من العمل وهو مرهق وسلم على اسمهان....
عبدالرحمن:اش سويتي على العشا؟؟
اسمهان:يووووووووووه نسيت!
عبدالرحمن:ماشاء الله بدايات مبشرة بالخير فعلاً!!خلني أغير هدومي!
دخل عبدالرحمن الغرفة يبدل وتفاجأ من منظر الغرفة!!
عبدالرحمن:اسمهان..اللحاف ماتتطبق من يوم مارحت؟؟؟
اسمهان:نسيته!كنت مشغولة!
عبدالرحمن:لي 8 ساعات بره البيت مامداك تسوين عشا ولاتطبقين لحاف؟زين اتصلتي على أمي سلمتي عليها؟؟
اسمهان:لا...ماجاء في بالي!!
عبدالرحمن:أحلفِك..وش سويتي بهالثمانية ساعات؟؟؟
قعدت اسمهان تحكي له عن سالفة المنتدى والموضوع اللي كتبته وردود العضوات..
عبدالرحمن:لهذي الدرجة موضوعك سوى ضجة؟؟أخاف كاتبة موضوع سياسي؟!!!
اسمهان:لا ياشيخ..موضوع عن الحياة الزوجية..بس مدري اشفيهم النسوان استخفوا!قلبوا الموضوع حلبة مصارعة!ومباراة ملاكمة!لين ماحذفته المشرفة وريحتني!!
عبدالرحمن:الحمدلله إني ماقريته أخاف إنه من طقة مواضيعك السابقة!!!​

 

[nana9379]

تسلمين ,,مازلنا منتظرين أجزاء جديده اليوم