******اسمهان وعبدالرحمن********من جديد

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
هههههههههههههههههه
وحده قريبتي حصل لها نفس موقف الاتصال
تسلمي يعمري ابدعتي
 
أجزاء روعة جيونة


بس أخاف يتصل المغازجلي و دحوم موجود و تصير السالفة سالفة :30:


قصتكـ هاذي تخلينا نتخيل الشخصيات و كيفية التعامل مع المواقف بأشكال جد جد جميلة


دُمتِ مبدعة جيانة

أختكِـ جود​
 
ياااااويلي موقف التلفون صارلي كمان وأنا عروسه
لكن الحمد لله ان زوجي كان في البيت ورميت عليه السماعه

بانتظار الباقي جيانه ,,,,,,,,,,,,, والله حماس
 




ونـــــــــااااااااسة ..

خدي راحتــكـــ يا جيونة ..

الله يعطيكي العافية ..




​
 
ماشاء الله .. ربي يوفقج..

والله استانسنا بهالقصة ؟؟؟

أحداثها كل يوم والثاني تحلا..

ربي يفرحج لا اطولين علينا
 
معاكي
ومعاكي
ومعاكي
بس لا اطولين علييييييييييينا
 
جزء جديد...!!!!!​
جاء اليوم الثاني وقامت اسمهان تطبخ ينقال بتسوي كبسة! وطلع الدجاج نص استواء والرز لاصق بقاع القدر ولاطعم ولازغم!! وشامز شمازة!
اسمهان(قبل ماتذوق الأكل):
هاه؟وش رايك اليوم بالطبخة؟
عبدالرحمن:الحقيقة يابنت الناس ماعرفت قيمة أمي الا بعد ماأخذتك!!هههه وبعدين أول مرة بحياتي أشوف أحد يقدم الرز بالقدر حقه!!!الناس تغرف الرز بصحن كبير مو تجيب القدر على السفرة!!!
اسمهان:وش أشوي الرز لاصق بقاع القدر؟قلت أجيبه وانت كد و كِل!
عبدالرحمن:تدرين ان أخطر شي على صحة الانسان هو أكل اللحوم وهي نص استواء؟؟لأنها تصيب الواحد بعدة أمراض أهمها فيروس القطط!!
اسمهان:وش دخل كلامك بأكلنا؟وبعدين فيروس القطط يجي من أكل القطط والحمدلله حِنا ماناكل قطط!!
عبدالرحمن:ياعيني على الثقافة ياعيني!!حبيبتي بالله لاجيتي تقعدين على النت بغيابي بدل ماتكتبين موضوعات تشحنين فيها النسوان ويتلسنون عليك!أنا أقترح إنك تبحثين عن معلومات تفيدك بحياتك العامة وتثري ثقافتك!
وقام عبدالرحمن يغسل يديه..
اسمهان:مسرع!لسه ماأكلت غداك..وشفيك قمت؟؟
عبدالرحمن(وهو يجامل): من حلاته..خفت أستسلم وأخلصه عليك!!
قامت اسمهان تذوق طباخها وبغت تستفرغ من طعم الحرق اللي فيه والشمازة!!
بدَّل عبدالرحمن هدومه وراح العمل..
واتصلت أمها تتطمن عليها...وبعدها اتصلت أم عبدالرحمن وقالت لها:أنا بأروح اليوم عند أم حامد جارتنا اللي بالشارع المقابل تجين معاي؟؟
اسمهان:لا ياخالتي عندي شغل بالبيت...
وقامت ترتب البيت وتغسل الملابس وبالغلط كانت لابسة اسمهان على شعرها منديل أحمر وطاح بالغسالة وهي تحط ثياب عبدالرحمن!!وعلى أساس بتشيله ورن التليفون وراحت تركض تبي ترد و نست المنديل بالغسالة!!!
إلا هي أختها أسماء وقعدت اسمهان معاها ساعة...
ويوم راحت تخرج الغسيل إلا وهو في خبر كان بمبي ضارب في أحمر!!
دخلت المنتدى ولقيت عضوة حاطة صور لملابسها وتاخذ رأي العضوات فيها!!والملابس كانت مو حلوة...والعضوات كاتبين واااو تهبل! واللي تقول ذوقك روعة!واللي تقول تقطعينها بالعافية! واللي تقول مرة نايس!!
احترَّت اسمهان وقالت بنفسها:وعععععععع اشبه الذوق اختَّل عند الناس؟؟
وألحَت اللقافة عليها ترد وكتبت: ياأختي قولي لي من وين تشترين ملابسك وأقول لك مين انتي؟؟
حبيبتي حتى أبوعشرة تطور وصار اسمه توب تِن ويجيب صيدات!بس انتي ليش مغمضة؟؟والحلوات اللي يقولون يهبل ونايس..ليش تضحكون على بنت الناس؟؟تبونها تصير مسخرة!حبيبتي إذا انتي متزوجة قطيهم بالزبالة!وإذا بعدك بنية بعد قطيهم بالزبالة لأن نصيبك بيوقف لو أحد شافهم عليك!!!!
ودخلت صاحبة الموضوع وردت:انتي وشفيك؟موب صاحية؟
كل هذا غيرة؟؟قولي بسم الله ماشاء الله!كله حسد تبين تعرفين من وين شريتهم؟بس حريمتك موب قايلة لك!!!
قالت اسمهان:قليعة في ذول النسوان وش هالثقة؟من وين يجيبونها؟يازين مجتمع البنات وأقسامهم بالمنتديات كلها خفة دم وفرفشة مو صراعات دموية!!أما الحريم شوية وتطلع لي الوحدة من الشاشة بساطور!!
========
قعدت تفتش في أغراض عبدالرحمن ولقت دفتر كله أشعار وجلست تتسلى وتقراه...
أخذت كلمات القصيدة وكتبتها على الكومبيوتر وقامت تسوي لها خلفيات وحركات بخبرتها المتواضعة بالفوتوشوب.......
وكانت كلماتها:​
استفاق الكون من صرخة فؤادي
بعد ماالكتمان فيه أضرم فتايل
ماقوى عالبوح يهتــف أو ينادي
صارت الأسرار هم وشغل شاغل
الهوى فاضح لو انه يكون بادي
وإن بقى بالقلب يفعل به فعايل
....الخ(انقطع الالهام ماعرفت أكملها!!​
المهم مر اليوم كئيب رتيب...لين ماجاء عبدالرحمن من العمل ودخل سلَّم على زوجته المصونة وشاف البيت مرتب وانبسط وشاف الغسيل منشور بغرفة الغسيل بالمطبخ وبغى ينجلط!!!
عبدالرحمن:اسمهان اشفيها ثيابي حمراء؟؟لايكون غسلتيها مع قمصان نومك؟؟
اسمهان:لا البندانة اللي على راسي طاحت بالغلط مع ثيابك!!
عبدالرحمن:حرااام عليك هالثياب كلها جديدة مفصلهم قبل العرس ومكلفتني الشيء الفلاني!راحت كذا بغمضة عين؟!!
اسمهان:ياخي لو تلبسهم مع شماغ أحمر بتطلع بمنتهى الذوق وتصير أحسن من العضوة الهبلة اللي ناشرة ملابسها عالنت تقول خروق سيارات!!!
عبدالرحمن:آآآآه من النت ليتك بس تتعلمين من العضوات بعض السناعة!!
=========
بكرة انتظروني مع جزء زيارة الشلة!!!!​
 
ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههه من جد انتي ياجيانة حبوبة ماشاء الله ضحكتيني بشكل على سالفة المنتديات بجد صحيحة ..هههههههههههههههههههههههههههه....الله يسعدك يارب ويفتحلك في قلب زوجك وعيالك وأهل زوجك وأهلك والعالم كله ياقلبي .....اهنيكي بجد ...
​
 
هههههههههههههههههههههههههههههههه

اوما يطقم شماغ احمر مع ثوب احمر
اووووووووووووب قوووووووييييييه
ههههههههههههههههههههههههههههههههههههههههههههههه

وكمان وجهة نظرها على النسوان اللي ينطوون عليها
صااادقه


ياكثرهم اللي نطو علي هينا
وبغو ياكلوني
بخخخخخخخخخخخخخخخخخخخخخخ


ننتظررك ياااحلووه
 
ههههههههههههههههههه ههههههههههههههههههه هههههههههههههههههههه يااختي وش هالابداع الخرافي درر وربي الله يزيدك ولاينقصك:c017:
 
هههههههههههههههههه .. الله يعين عبدالرحمن على اسمهان ...

بس أتوقع إنه مع الوقت بيضايق منها .. لإختلاف الفكر الثقافي..

أو أنه يتحملها ويعلمها ..

يعطيج العافية ربي يسعدج..
 
الحالة
مغلق و غير مفتوح للمزيد من الردود.
عودة
أعلى أسفل