اسمهان وعبدالرحمن!!جديدي لكم وبالأجزاء..عساه يعجب!!

[صمت الفجر]

خيتو وين رحتي كملي تكفين

 

[سكون...]

أفنان:واحمدي ربك عندك أهل يرضون بمبدأ الشوفة ويعطونك خبر تتسنعين!! حنا بعيلتنا يخلون الشوفة تصير على غفلة والعروس موب دارية...وذوقي من الفشايل!!

أحسن منا

إحنا مافيه شوفه بنووب

تبتلش العروسه والعريس

بس هي شوفة الحريم والوصف

والمحروس يرسل صورته أو يشوفونه
شباب العايله
شفتوا ؟؟!!

 

[جيانة]

**الجزءالخامس العشر**
ومر اليوم الدراسي....ولما جاء وقت الفسحة خرجوا الشلة من فصلهم يتفسحون.....وماشيين يناظرون بالرايح والجاي وكان في وحدة من الطالبات بينها وبين الشلة عداوات قديمة فحصل هذا الحوار:
رانية:يوووووووه...شفتوا عبير هالكريهة ياناس ماأدانيها..طالعوا التسريحة بس! يارب لك الحمد على نعمة العقل!
اسمهان:كريهة وبس؟! أتعب أقول إن هالبنت غثيثة وماتنطاق.....غـــــــرور فظيـــــــع على وشهو ياحسرة مانيب دارية!!!
نجلاء:تحسب إن فلوس أبوها التاجر بتحبب الناس فيها! بعد مافحطت يمين ويسار عشان تسوي صداقات يالله لقت لها اثنين يتنازلون يتصاحبون معها!!
أفنان:يانا طاقتن كبدي منها ومن تسريحتها تقولون هضبة نجد وحولها عرفج؟!!!!
مرام:بالله تجنبوها..كل مرة نتهاوش فيها توصل هواشتنا الادارة...ومحد يفك لسانه علينا إلا أبلة جوهرة!!!
اسمهان:صادقة مرام ياجماعة...لاتنسون أنا وضعي حرِج الآن وماأبي أحتك بأبلة جوهرة!!

رانية:تكفين يالكشخة!! خايفة المعرس يروح من يدينك؟؟ مالت عليه وعلى خالته!إش رايك إن العفاريت تلعب براسي وودي أنكد على هالعبير؟؟؟!!
اسمهان:وجع! صدق إنك حقود مادام ماغلطت علينا..ليش حنا نغلط؟؟
رانية:انظروا ياجماعة الخير..الآنسة اسمهان قامت ترفرف في عالم المثاليات!! شوفي حبيبتي صح ماسوت لي شي اليوم بس ماأنساها لها الأسبوع اللي فات يوم إني ماشية بالساحة لقيتها ماشية وراي وتقلد مشيتي على الصامت والبنات يضحكون!!ويوم انتبهت قامت تقط علي حكي....
اسمهان:قلعتك...إحنا بنقعد في الكافتيريا نفطر..
عاد رانية راعية شَكَل تحب المهاوش والأكشن وقامت تدور حول عبير وصاحباتها...إلا عبير طالعت فيها باستحقار وقالت:خير؟؟ طردوك شلتك؟؟
رانية:لا تطمني! هذا المستحيل بعينه! بس أنا قلت بمناسبة فوز فريق(..؟..) اللي أشجعه حبيت أعزمكم وكل المشاريب هذي على حسابي..وقدمت لعبير وصاحباتها الثنتين 3 علب بيبسي مخضوضة خض موب صاحي...وأخذوها حطوها قدامهم...بس رانية أصرت على عبير تشرب وقالت:عبير الكل عارف الحزازيات اللي بيني وبينك...وأنا ودي نتصالح..وننسى كل مامضى!
عبير:أنا ماعندي مشكلة...بس انتي اللي تحبين تبدين بالمشاكل دايما.
رانية:زين طلبتك عشان أعرف إنك راضية علي اشربي البيبسي!
فكت عبير البيبسي بحماس وطرطش على شعرها ووجهها...
وراحت رانية المستهترة تضحك وتقول:ماعليه حبيبتي تعيشين وتاكلين غيرها..وعلى فكرة أول الغيث قطرة! لو غلطتي علي بنظرة..بأحوسك حوس!!
ورجعت رانية لشلتها...مرام:الله لايسامحك شوفي شلون عدمتي شعرها دبق!!
رانية:أحسن خلي تسريحتها الرائعة تنحاس!!ههههه
نجلاء:ياتفاهتك! كان خليتي هالطاقة على شي يستاهل!
ومامر لحظات إلا والادارة ينادون شلة الصاعقة!
اسمهان:يلا..استلموا..هذا وأنا موصيتك ياست رانية !!لابد من الفشايل لابد!!
وتوجهوا الشلة للإدارة...
ومسكتهم أبلة جوهرة وقالت:للمرة الألف أقول لكم ماأبي أشوف رقعة وجيهكم بالإدارة!! وش جابكم علموني؟؟
رانية:مدري انتم استدعيتونا!
جوهرة:العبي غيرها..استحوا على وجيهكم قدر ايش اعماركم ومازلتوا تلعبون بالأكل والشرب وتقطونه على صاحباتكم؟؟؟
اسمهان وهي ترتجف من الخوف:أبلة جوهرة...تراني ماكنت معاهم!!!!!! وماشفت شي!
التفتوا كل الشلة لها باستغراب....
أبلة جوهرة:كان قلبي حاس..إن وحدة بأخلاقك ماتتنزل لهالمستوى السخيف!!
ارجعي فصلك يااسمهان!!! وانتم كلكم بتكتبون تعهد وتعتذرون لصاحبتكم اللي عدمتوا شعرها وملابسها!!!
رانية:تخسي إلا هي!!!
أبلة جوهرة:وبعد تطولين لسانك؟!!
وبعد شد وجذب تنازلوا يعتذرون لعبير..
ورجعوا لفصلهم وهم يلومون رانية...
أفنان:شوفي سخافتك وين ودتنا!آخر شي كنت أتوقعه إني أعتذر عن شي ماسويته!! ولمين لعبير؟؟؟
مرام:وكل بلوة تسوينها يارانية لازم تجرينا كلنا معك! ترى لسة حارقتني بقلبي الحركة اللي سويتيها قبل مدة وتعاقبنا كلنا بسببك!
رانية:أي حركة؟؟
نجلاء:يحق لك ماتتذكرين! من كثر ماتسوين يالعاقلة!!أكيد يامرام تقصدين يوم كذبت على أم سالم الفراشة وسحبت منها المبخرة يوم جية الموجهات وقالت هاتي المبخرة ياأم سالم أبلة حصة تبيها وخذتها وحطتها تحت جهاز إنذار الحرايق..وأطلق الجهاز إنذار كاذب وصفرت الصفارة وكل المدرسة خرجوا يركضون في الساحة...يومها سويتي لنا رعب وكتبنا كلنا تعهد بسببك...لو هلي دروا كان ذبحوني!!!
أفنان:لا وكله كوم ويوم جابت طراطيع وطرطعتها داخل الفصل واحترق الموكيت!!
وفجأة التفتوا لاسمهان اللي كاتمة الضحكة..وقالت أفنان:ماتلاحظون الواسطات شغالة هاليومين؟!!
نجلاء:إلا ملاحظين وبقوة...وحطي معاها الكذب بعد..قال إيش(وتقلد اسمهان!) أنا ماكنت معاهم وماشفت شي!!
رانية:هذا اتفاقنا يارئيسة الشلة؟؟؟ اللي يجري علي يجري عليكم؟؟؟
اسمهان:دا كان زمان ياحبايبي!! من اليوم ورايح أنا حرة نفسي ومو مسئولة عن أحد!
رانية: عجيب أمرك!! بتبيعينا عشان بريستجك قدام جوهرة؟؟؟زين يالكشخة اسمعي هذي مني!! ترى الورد اللي كنتي فرحانة فيه من مخططاتي ومحد افتكرك وجوهرة هزأتنا يوم درت إنه مقلب وقالت لاتعلمون اسمهان!!!
اسمهان(وهي متفاجئة):شلون؟؟
صاروا الشلة يغمزون لرانية يبونها تسكت لكن أبد قاعدة تحكي بالتفصيل!!!
..............

 

[الحور العين - 1]

هههههههههههههههههههههههههههههههههههههههههه

ودي اشوف شكل عبير والبيبسي على شعرها ...

بس باقول ليش ما خذت كوكاكولا .. أرخص من البيبسي

هههههههههههههههههههههههههههههههه

 

[lolowa-85]

اتخيل اسمهان وش بتسوي لما تدري انه خدعوها احس لو انا بزعل عليهم ولا بكلمهم وبقعد اصيح ماراح اتحمل ههههه اما سالفة البيبسي سالفه عجيبه اتخيل عبير والبيبسي عليها اتوقع اني بضحك في ويها ههههه

 

[الأمل المفقووود]

لاتتاخري علينا
وحلوه قصتك

 

[لولوn]

أبغى أعرف موقف أسمهان يوم قالتلها رانيه عن الورد
مشكووووره جيانه

 

[خوخة الوردية]

ههههههههههههههههههههههههههههههههههه خاطري أكون معاهم في الشلة والله إنهم وناسة

 

[الأميره الحزينه]

عن جد أنتي ررررررررروعه اسلوبك مرررررررررره حلوو ومشووووووووق ماشاء الله عليكي..مرحه جدآ الله يحفظك..وانا شفت الموضوع امس وما قدرت اكمله واليوم خلصت شغلي وجيت ع طول اشوف موضوعك الله يسعدك ضحكتني وانا اولادي منشيفن ريقي من الصبح...يلا ننتظر التكمله ولا تطوووووووووولي علينا يا احلي من العسسسسسسسسسسسسل...

 

[جيانة]

**الجزء السادس عشر**
طبعاً بعد ما الأخت رانية قالت لاسمهان عن مقلب الورد وكانت لهجتها جافة......

اسمهان انصدمت وزعلت جداً لأن موقفها صار بايخ جداً قدام جوهرة..والشلة اللي لعبوا بمشاعرها...ودمعت دمعتين..
وقالت نجلاء:اسمهان ترى مانقصد..
لكن اسمهان أشرت بيدها لنجلاء بعدم رغبتها بالكلام وشوي ودخلت معلمة التاريخ وبدأت الحصة..
وطول الحصة واسمهان متضايقة وتفكر بنفسها:ليش هالنذالة من شلتي؟؟؟ يعني أنا اللي جمعتهم وضميتهم لي من أيام المتوسط وتاليتها ينقلب السحر على الساحر؟؟؟؟؟؟؟
بعد ماكنا نسوي مقالب بالبنات..رجعوا هم يسوون مقالبهم فيني؟؟ هين!! أوريكم أنا الزعل على أصوله!
بس ياربي أنا تعودت عليهم وماأمشي مع أحد غيرهم..أروح لمين؟؟؟؟
.....ومرت حصة ورا الثانية وبنهاية الدوام حاول الكل يكلمها ورفضت ورجعت للبيت..
ومر يوم السبت.واتصلوا صاحباتها لكن بكل مرة كانت اسمهان تطلب من ابتسام تصرفهم!!!
وثاني يوم اللي هو الأحد راحت اسمهان من بدري للمدرسة وتوجهت إلى عبير غريمة الشلة!!!
وقامت تتودد لها وكل همها تكيد الشلة!! ولا مو من حبها في عبير!!
بس عبير قالت:خير ان شاء الله مقلب جديد من شلة حسب الله؟؟؟!!!
اسمهان: لاتفهميني غلط..أنا مالي ذنب باللي حصل أمس!! شفتيني معاهم؟؟ لاوقعت تعهد ولااعتذرت لك أمس لأنه مالي علاقة بالموضوع......لا وأبشرك تركتهم بعد مشكلة أمس..حسيت إنهم سخيفات وحركاتهم صبيانية!!!!
عبير: هذا من زمان رأيي فيهم!
اسمهان: ترى قمة قهرهم يشوفوني معك!! عشان كذا بالطقاق عليهم مايهموني أبد!! ودي أكون معك ومع صاحباتك نادية وهالة...انتم أهدى وأذوق!!!!
عبير:ولو اكتشفت إنك تلعبين علي....؟؟؟؟؟
اسمهان:أي لعب وأي خرابيط؟أنا عصاك اللي ماتعصاك!!!(والحقيقة ان اسمهان قاعدة تقول بقلبها الله ياخذك ياعبيروه! كريهة عن قرب وعن بعد!!!!)
ومشت معاها بالصبح ووقفت معاها بالطابور ونقلت جنبها بالصف.....ونظرات الشلة ماتفارقها!!
في الحصة الأولى...جلسوا الشلة يتهامسون
رانية: هالحين خلصوا البنات يوم تفارقنا وتروح لعبير؟؟؟؟؟؟
نجلاء: يمكن كلام عبير عندها أحسن من كلامك اللي ينقط سم!!!
أفنان:ويمكن عبير شافتنا يوم تخاصمنا واستغلت الموقف لصالحها وسحبت اسمهان لناحيتها!!
مرام:أقدر أحلف إنها مو مندمجة معاها بس ودها تغيظنا!!
رانية:حريمتها هالعبير تسرق مننا اسمهان والله لأسحبها من شوشتها وأمسح بها مكتب المديرة!!
نجلاء: تكفين ياسوبر مان!! كلها يومين ومردها تزهق منها وترجع لنا!!
...............
​

 

[هند بنت عتبة]

ما شاء الله عليك

اسلوبك رائع

من زمان ودنا بجذي قصص تفرج عنا همومنا

وربي وانا الحين بعز ضيقتي انك خليتني اضحك من قلبي مع اني من زمان انحرمت من هالضحكة

الله يوفقك وبانتظارك

 

[فارسه الشوق]

ايـــــــــه كذا القصص ولاء بلاش ......
الله يسلمك ويسمنك جوجو....
بانتظارك...

 

[sou86]

:icon30:
السلام عليكم
يسلموووووووووووووووووا اختي حلووووووووووووووة

 

[مزيانه]

ما شاء الله عليكي
اسلوب رائع ومشوق ودمك خفيف مرررررة
تسلمين يالغلا
في انتظار التكملة
كملي الله يجزاك الخير والله خرجتيني من اللي انا فيه وجلست اضحك
تقبلي مروري وفي انتظارك على احر من الجمر
دمتي بحفظ الرحمن

 

[حالمة برومانسية]

رائع تسلم ايدك

 

[انسه طفشانه]

هههههههههههههه
مالقت الا عبير عشان تغيظ البنات خ خ خ

 

[صباح الورود]

مشكورة قصة رائعة بمعنى الكلمة وكلها ضحك00اعجبتني اسمهان000

 

[umm yusuf]

مسكينة سوسو خذت حيلي قهروها صاحباتها ورفيقات دربها تهئ تهئ

كملي كملي بنشوف انتقام سوسو من شلة فتح الله

 

[غالية أبوها]

تحمممممممس
متابعه وبقوووه ق1

 

[مغربية و أفتخر]

ما شاء الله عليكِـ

:icon26::icon26:

الله يحفظكـ و يخليكِـ رواياتكـ كلها حلوة مثلكـ

:icon26::icon26:

عساكِـ ع القوة

:icon26::icon26:

و ننتظر التكملة​