اسمهان وعبدالرحمن!!جديدي لكم وبالأجزاء..عساه يعجب!!

[الأميره الحزينه]

يلا ياعسسسسسسسل متابعه بشوووووووووق...

 

[مجنونة ميدو]

وين رحتي مشتاااااقين بقوه لا تتاخرين علينا يالغاليه

 

[جيانة]

*** الجزء السابع عشر**
جاء يوم الاثنين والحال على ماهو عليه اسمهان مطيحة عند عبير وصاحباتها نادية وهالة!
ولما جاء وقت الفسحة قالت رانية: ودي أتحرش فيهم وأنكد عليهم!!
نجلاء: تكفين انثبري! على بالك ماحد يحب اسمهان غيرك؟! كلنا نحبها..بس بنخليها على راحتها ها الكم يوم!
رانية: ماأقدر فيني غيظ..موب قادرة أستحمل!
أفنان: صادقة....الشلة ماتسوى من غيرها!
مرام: ليش مانكتب لها رسالة؟!
رانية: لا رومانسية حضرتك!! ليش مانهديها باقة ورد أحسن؟؟؟؟
اسمعوا بأروح جنبهم وهم ياكلون على الطاولة!
نجلاء:ليـــــــــــــــــش؟؟؟ معاك بيبسي وودك تصرفينه؟؟؟؟؟؟؟
رانية: لا بأروح أغني لها!
نجلاء: من زين صوتك يا العرة!!
مرام:وش بتغنين؟؟ والله لأوريك شي مابعد شفته؟؟؟؟؟؟؟؟
أفنان: مو ناقصين مسخرة واللي يعافيك تعالي واقعدي...
رانية:بأروح يعني بأروح وماني مآذية أحد!! بأغني بس!
نجلاء: مو أكبر أذية بالدنيا إنك تجبرين الناس يسمعون صوتك العذب...لأنه بيكون أشد عليهم من مية طراق!!!!
الشلة:هههههههههههههههههه
وراحت رانية الهبلة جنب طاولة اسمهان اللي كان قاعد معاها عبير وهالة ونادية وقامت تغني:
حســــــــافة هالصداقة
يابايـــــــــعة الرفـــاقة
والسبب وردٍ ببـاقة!!!
ناظرتها اسمهان بسخرية وأعطتها تشميقة قوية!
قالت عبير بهمس:ردي على هالخبلة!!
وقامت اسمهان ترد:
ياشين هالطفــــــــــــاقة
تفاهة ومـــــــــــــــلاقة
بفرقاكم رواقـــــــــــــــة!
رانية:
مردود كلامك يالزينة ومنقود
تبدلينا حنا بشلة كلها قرود؟؟
قامت عبير بوجه رانية وقالت: احترمي نفسك!!
أشرت اسمهان لعبير بالسكوت وقالت لرانية:
صحبة هالشلة تنشرى عندي بنقود
والقردة انتي! وشلتك كلها قرود!!!
صاحت رانية وقالت:لاااااااااا مصختيها عاد! وش سوت لك هالجنية أخاف دنبشتك؟؟؟؟
اسمهان: رانية حبيبتي..شفتي ذاك الجدار اللي جنب باب المقصف؟؟
رانية ( بفرحة مو مصدقة ان اسمهان تكلمها):إيه شايفته حبيبتي!
اسمهان: كلمة وحدة تقولينها...وبقدرة قادر بتلاقين نفسك منسدحة جنبه!! فهمتي؟؟؟ يلا توكلي !شلة المقاريد بانتظارك!!
وراحوا شلة عبير يضحكون..ورجعت رانية مكسورة الخاطر!!

 

[مغربية و أفتخر]

المسكنية رنووش صدقت سمهونة

:icon26::icon26::icon26:

يا حبي لها السمهونة

:icon26::icon26::icon26:


ننتظر الباقي على أحر من الجماري> تأثرت الأخت

​

 

[لولوn]

:a115::a115::a115:
في اتظار التكمله

 

[حبي هلي]

كملي ياحلوة يعطيك العافيه على الروح المرحة

 

[حالمة برومانسية]

تحفة جميل جدا

 

[هند بنت عتبة]

الجزء صغير

ياريييييييييييت لو كان اطول

عالعموم تسلمين واحنا بانتظارط غاليتي

والله يعطيك العافية

 

[وجدان]

مشكورة عالقصة الحلوة
موتيني من الظحك
يعطيج العافية

 

[جيانة]

**الجزء الثامن عشر**
طبعا رجعت رانية للشلة اللي كانوا يراقبونها من بعيد وسألوها اش صار؟؟
رانية:أبشركم اسمهان شكرتني على أغنيتي وقالت إن كلماتها معبرة وبترجع لنا بأقرب وقت!!!!!!
وقامت نجلاء تناظر رانية بنص عين وقالت:علينا؟؟؟
هالحين اسمهان قالت لك هالكلام؟؟؟
رانية:إيه ليش منتو مصدقين؟؟؟
أفنان: لأني كنت وراك وسمعت كل هرجك ياروح أمك!!
مرام:صااااااااادوه!!!هههههه
رانية: ايه ماأخبي عليكم زفتني بكم كلمة!!بس براحتها هي اللي خسرانة!! الوجيه اللي مثل هالعبيروه ماتثمر فيهم العِشرة! بكرة تبيع اسمهان بنص ريال!!
......وعدى الاثنين
وعقبه الثلاثاء ومكايدات الشلتين تزيد...وكانوا واقفين بالسيب قريب من بعض وكل شلة تقط على الثانية حكي على نظام(إياك أعني واسمعي ياجارة!!)...وفجأة مرت أبلة جوهرة ولاحظت الموقف وقالت لاسمهان: هلا حبيبتي أخيراً تركتي شلة المافيا هذي؟الصراحة زين ماسويتي!! مبروك!!
اسمهان: الله يبارك فيك!!!
عاد رانية طرطعت وبغت ترتكب جريمة!!! دمها حامي هالبنت!!
وراحت ابلة جوهرة وقامت اسمهان تناظر لشلتها السابقة وترقص لهم حواجبها! وعطتهم مقفاها ودخلت الفصل!!!

ومر اليوم بــ روتينه ...وعقبه جاء الأربعاء!!
عاد من الصباح واسمهان منتعشة بتروح السوق في الليل وتشتري ملابس الشوفة لأن بكرة الخميس!!!
وقالت لعبير سر انبساطها! بس عبير ردت بكل برود:
غريبة أهلك موافقين على الخطبة!!لسة بدري عليك! ولا ودهم يفتكون منك؟؟؟
ردت اسمهان بغيظ:نصيبي وجاني! ليش أرده؟؟وفيه ميزات حلوة...ممكن ماتنلقى بغيره!!
عبير:بس أنا سمعت انه كبير وعمره30 سنة....لا وأمه ساكنة معه بنفس العمارة!!أي ميزات فيه بس؟؟؟
اسمهان: يعني ماودك تغلطين وتقولين مبروك؟؟
عبير:ياحليلك مرة خفيفة! ماصدقتي يجيك عريس؟؟
بصراحة هذي بيعة مو زواجة محترمة!!!!!!
اسمهان:صدق إنك ماتستحين!! حسد هذا ولاغرور؟!
عبير:أنا أحسدك انتي يالغثيثة؟؟؟ وعلى ايش ياحسرة؟ تراني ضميتك لشلتي حزناً عليك مو محبة فيك!!!
اسمهان والدمع بعينها قالت:أما صحيح وقحة وقليلة أدب! ومين قال لك إني طايحة عندك...كل سواليفك سخيفة وتدور عنك وعن جمالك اللي ماحد شايفه إلا انتي يا الشينة!!!!!
عبير:صحيح إن ذيل الكلب عمره مايتعدل!!!
وقامت اسمهان من زود مازعلت وانقهرت وهي أساساً من البداية ماتواطن عبير...صفقت عبير كف على وجهها!!!!!!!
وكانوا شلة الصاعقة قريبين وشافوا الموقف لأنه حصل بالطوابير قبل ماتبدأ!!!
صاحت رانية بصوت عالي:أحلــــــــــــــــــــى يابنت ياسمهونة!! تسلم لي إيدك ليتني صكيتها بكف بدالك! هذي عين جوهرة وصابتكم!!!ههههههههه
واسمهان كانت تبكي وراحت تجري على الحمام دخلت ولحقتها نجلاء وضمتها لصدرها بقوة!
نجلاء:لايضيق صدرك! عبير وحدة ماتستاهل إن أحد يزعل نفسه علشانها!!
اسمهان:بس كلامها مثل الخنجر بصدري!!بدل ماتفرح لفرحتي قاعدة تستهزأ فيني؟؟؟؟
نجلاء:وليش يااسمهان؟؟تحسبين كل الشلل مثل شلتنا؟؟؟
من أيام ماكنا بالمتوسط وحنا قلب واحد نحب بعض ونواسي بعض ونشارك بعض بالأفراح والأعياد والمناسبات!!ولا نسيتي؟؟
اسمهان:لا مانسيت!يلا عطلتك عن الطابور روحي وأنا بأقعد هنا لين ماتبدأ الحصة الأولى!!!!
نجلاء:معقول؟؟؟ ماأروح عنك إلا ويدي بيدك والبسمة على شفاهك!!
اسمهان:مالي نفس أضحك ولا أبتسم!!
نجلاء:طيب اش رايك أذكرك بموقف كنا دايما لما نتذكره نضحك عليه؟؟ تتذكرين لما حضرنا زمان زواج أخت أفنان وكان اسلامي والمنشدة ماتبي أحد يرقص رقص مايع وشلون كانت رانية ترقص؟؟ونزلتها المنشدة من المسرح لأن فستانها مكشوف؟
اسمهان:ههه أذكر..
نجلاء: ومن كثر مابراسها رجة نزلت من المنصة ولبست عباتها وطلعت ترقص وطردتها المنشدة عشان رقصها المتمايل؟؟ورجعت نزلت وغطت وجهها وطلعت ترقص مرة ثانية!! وشوي إلا الفرقة الانشادية هددوها بالميكرفون إنها لو مانزلت من المنصة بيوقفون أناشيدهم!!! ومدت رانية لسانها وهي نازلة من المسرح زلت قدمها وتقلبت في الدرج مثل الكورة!!!
اسمهان:هههههههه كأن الموقف كان أمس!!رانية من الشخصيات اللي ماتيأس! تذكرين عقب طيحتها يوم شلناها أصرت إن سبب الطيحة عين من المنشدة!!ماكأن الطيحة بسبب سمنتها وكعب أمها اللي لابسته!!!ههه
نجلاء:ههههههههههههه
وآثاري أبلة جوهرة واقفة تسمعهم من أول عند باب الحمام!!!!!لأنها كانت تسوي جولة تفتيشية لجمع البنات كلهم بالطابور!!!
وقالت:الله لايحرمكم من بعض!!!يلا على الطوابير قبل ماأسحبكم على الادارة.
........
انتظروني بكرة في الشوفة!!!!!!!!!

 

[لولوn]

ههههههههههههههههه
فطست من الضحك على طيحة رانيه

 

[لولوn]

جوجو بليز الجزء الجاي حاولي يوم تكتبيه يكون طويل نبغى نستمتع أكثر

 

[حالمة برومانسية]

رائع تسلم ايدك

 

[ام ايساف]

روووعه عساك ع القوه وفالك البيرق بس عفيه طولي الجزء انا عارفه انه من بنات افكارك وهالبنات عنيدات شوي بس عاتي اظغطي عليهم حبتين

 

[هند بنت عتبة]

هههههههههههههههاي احلى يا موقف

يالله بانتظار الشوفة على احر من الجمر

 

[انسه طفشانه]

يلا كويس بترجع لشلتها وعبير شكلها كريه من جد
ننتظر الشوفه
لووول

 

[سكونة_00]

ههههههههههههههههههههههه مرة تضحك القصة عليكي أسلوب ماشاء الله يجنن ...شخصية رانية حلووووة مع انها وايد عصبية ,,أما موقف العرس ورانية ..ههههههههههههه كانت من أكثر ماضحكني ههههههه
ننتظر التكملة يا مبدعة ...

 

[الأمل المفقووود]

لاتتاخرين ياغاليه

 

[ننثر الكون عطرا]

متابعة لجميع قصصك الحلوة

 

[مجنونة ميدو]

نستنااااك لا تتاخرين علينا صااااااااااااابرين