اهلين اختي النوم سلطان
الله يكتب أجرك ع نصايحك، وأرجو أن يتحقق فيك قول المصطفى صلى الله عليه وسلم:"لأن أمشي في حاجة أخي خير لي من أن أعتكف في مسجدي هذا شهرا" _أو كما قال عليه الصلاة والسلام_
أنا متزوجة من أربع شهور تقريبا،
انصدمت بشخصية زوجي، هو جنوبي غربي وأنا تسيطر علي الشرقية وفيني من الشماليه شوي <<الى الآن مافهمت شخصيتها:5:
دقيقة ومااحب الفوضى-طموحه-راقية بأفكاري-قيادية-احب المسؤوليه-مثقفة واحب اطور نفسي-متميزة بكل شي -بشهادة الجميع ولله الحمد-
انصدمت بشخصية زوجي الجنوبي البسيطة جدا
كنت ايام زواجي ادق ع اهلي اصيح اقول ماابيه تصرفاته كأنه طفل،
افكر وش ردة فعل ابوي لو رجعت وقلت ماابيه، الين وحده من صديقاتي -متزوجه من 4 سنوات- هدتني ونصحتني بصدق واقتنعت وصرت اشوف كل السلبي فيه ايجابي-طبعا اللي انتقدته في البدايه-
لما قرأت موضوعك لقيت تفسير لكثيييييير من الصفات اللي اشوفها فيه وردود الفعل
(الطلعات-الفلوس-الكسل-النسيان-الشرود-التردد....)
**انا ساكنه عند اهله واقول ابغى نخصص يوم نطلع فيه يقول لأ ما ااحب اخصص يوم اشيل له هم!!!!!!!!!!!!!!!!!!!!!! <<دوروني ماتلقوني من شد علامات التعجب
**لما تزوجت كنت ع عقد مع مدرسة واستخرت وقررت اترك العقد عشان اعوده انه هو المسؤؤل عني يصرف علي -بما انه مايحب المسؤؤليه- هو منجن للآن ليش اتركها لانه من اول شهر اتكل ع راتبي.
الحين ابيه يخصص لي مصروف شهري بس ماني عارفه كم اقوله لأن راتبه مايتعدى الألفين وشوي بس ماوراه لا آجار ولا فواتير ولا مصاريف بيت، ساكن عند اهله محفول مكفول، يعني ماوراه الا انا
اذا طلبت منه فلوس يجيه تكاااااك يحشره حشر يخلين أكره عمري ليش اطلب منه
**فيه مشكله اخرى انه هو وأهله داااايم الصح وانا واهلي دايم خطا(يعني اي شي متعوده عليه عند اهلي يقولي خطأ حنا الصح وانتم الخطأ) كيف أخليه يقتنع ان العادات والتقاليد مابه صح وخطأ كلن وماتربى عليه؟؟
**هو مررررح ويحب الفرفشة وثرثااااااااااااااااااااااااااااااااااااااااااااار وانا ما احب كثر القرق
احب اسكت وهو منجن يقوول انا متزوج ابستانس ليش انتي ساكته انا احب المزح والضحك
ليش مع خواتي تضحكين ولسانك يسمعه اللي باقصى البيت ولاجيتي عندي بس مسكته؟؟؟ والحقيقة انه هو مستمع غير جيد مايتحمس لسوالفي ، عادي اذا كنت اسولف القاه يهوووووجس واذا ناديته قال هاه!! انا اتحططططم وما اتحمس بالسوالف
من شد انه مايركز معي عادي اعيد السالفه بعدين مايدري يحسبه جديده، وشي يقهرن اكون قايله له عن سالفه ولما احد يجيب لها طاري اقوله تذكر يوم اقولك يقول ابدددد ماقلتي لي!!<<هنا انا انجللللللللللللللط لاني مااحب احد يكذبني!
**دقييييق وتفصيلي وانا مااحب اللي يسأل كثير كل شي يسأل عنه: وش تسوين؟ وش تعشيتو؟ من به؟ من جاء؟ وش يسوي؟ متى جيتو؟ وين رحتو؟ آآآآآآآآآآآآآآآآآآآآآآآه ابموووووت ما احب كذا ابد ابد...حتى اذا جاء يسولف يذكر ادق التفاصيل سالفه صارت انا وفلان وعلان اسمه كذا ساكن بذاك الحي يشتغل كذا وكذا راتبه مايقل عن كذا <<لاحظوا مابعد بدت السالفه هذا تعريف بالشخصيات!!!! كنا بسارة سوداء موديله كذا قبل كذا وكذا سنه ووووو، قسم بالله بدون مبالغة هذي سواليفه يوجع لي راسي،
أنا دقيقه ولماحه ماشاءالله يعني اذا حكى لي عن اشخاص احفظهم ولو بيسولف بهم ثانيه مايحتاج اسأل مين هم لكن هو عيال اختي مايفرق بينهم !آآآآآآآآآآآآآآآآآآآآآآه، يجيب لي الاحبااااط كيف يبين اسولف معه؟؟؟؟
غير كذا انا احسه الى الآن ماعرف مين أنا؟؟ يعني بالنقاشات يتكلم عن نفسه ومدددددح وشحححححط ، عاد الجنوبي ومايحتاج، اما انا اذبحين ولا تمدحين روحك عندي ما احب امدح روحي ابد، ولا احب احد يمدح نفسه عندي لكن جوزي الله يحفظه نص سواليفه شحط به وباهله وبأمه وأبوه، لا واذا سكت ماعلقت يقول هاه وشرايك بي؟؟ آآآآه <<ياكثر الآهات
من نقاشاتنا مع بعض اكتشفت انه كأنه حاقرني يعني وده انه يوجهني ويعلمني مع اني ارقى منه تفكير بصراحه ومثقفه وتعليمي ارقى منه، وهو يكره القراءه والدراسه والدورات وانا عشقي الدراسه وتطوير الذات ، يعني ابسط الاشياء اسأله عنها مايعرف، شخصيات معروفه في المجتمع ومعروفه عالميا وعربيا مايعرفه يقول اول مره اسمع بها !!
انا اقول يمكن لاني مااتكلم عن نفسي يحس اني غامضه ، كيف اتكلم عن نفسي وافهمه طبعي؟؟
سؤال اخير: طبع الكسل والثقه بالنفسه وتحمل المسؤوليه هل ممكن تتغير فيه؟ يعني يكتسبها مني أو من خلال الدورات؟؟؟
اختي النوم سلطان طولت عليك لكن فرحت ان احد يتقبل شكوانا، الله يخلي لك زوجك وبنياتك ويقر عينك بصلاحهم وبرهم، ردي علي ووجهيني اعتبريني اختك الصغيرة ، داخلتن على الله ثم عليك <<صاااااحت:8:
