ازواجنا هم اطفالنا الباااالغين...خبرتي مع الجنوبي الغربي

الحالة
مغلق و غير مفتوح للمزيد من الردود.
انا زعلت الجنوبي وهو بعيد عني كيف اراضيه خصوصا انه مايرد علي ولا ع مسجاتي
 
يعطيك العافيه ع الموضوع الحلووو
اول شي اهنيك على شخصيتك الحلوه > اتوقع زوجك كل يوم يحمد ربه عليك لأن شخصيتك مميزه وذكيه ولماحه وتقدرين تديرين حياتك بالشكل اللي يعجبك ولايعوقك بروده وخجله خخخخخخ ماشاءالله عليك

انا لما ارتبطت بزوجي كنت اصيييييح لأن من اول مكالمه بالملكة عرفت نمطه > عاجنه البوصله وخابزتها ههههههه
حسيت نفسي راح اعااااني من صعوبة هالنمط مع اني جنوبيه غربيه بس فيني شوية شماليه :39:
بس من اول يوم بزواجنا جبت راسسسه بأختياري .. يعني اخترت اني لاااازم اكون سعيده معاه وخلاص
لو ابي النكد كان ألحين انا في بيت اهلي :5:

اسلوب الشفط اتبعته من ثالث يوم بالزواج > وسيعة حال هههههه
رحت اتمشى معه بالمملكة بالرياض ودخلت محل ماركات عالميه وانا بخاطري شنطه بس تغاليت سعرها
واتدلع واتمييييلح عنده وعاجبتني بس غااااليه> وانا بيطلع قلبي لو ماطلعت وهي معي هههههه
ويحلف علي الا اخذهاااا ويطلع الصرافه ويحاسب عليها ب 2000ريال >مو خساره فيني هع

اهل زوجي من النوع اللي ماتطيح ببطنهم السالفه كلللللللل شي يقولونه مافيه اسرار
وانا وحده راعية خصوصيه من يومي وعودت زوجي على هالطبع .. صرت لما اقوله لاتعلم اهلك !!! عادي مايزعل لأنه يعرف طبعهم وهو حاب جو الخصوصيه
طلعنا لمطعم .. رحنا سوق .. حجزنا تذاكر سفر .. شرينا اثاث للشقه!!!!هذا مايعرفون الا بالغلط والحمددلله اني ساكنه بعيد عنهم

اسلوبي مع خوات زوجي غاااااامضه وصريحه بنفس الوقت .. يعني شي يخصني انا وزوجي واهلي ماقوله
واسولف عن باقي خلق الله واعلم بكل شي اعرفه عنهم عادي ..


اتمنى مايكون ردي مخالف بس حبيت اعرض تجربتي ..
ولي باك معكم لأني مسجله مخصوص عشان هالموضوووع الحلوو
 
تكفون ردو علي الحين طليقي جنوبي غربي وانا فالعده ويبغاني ارجع بدون شروط ليا شرطين يعطيني مهري اللي ماعطانياه قبل ماتزوجه واسكن في المنطقه اللي اهلي فيها عشان مايضربني ويخاف منهم وهو راافض شروطي كيف اقنعه يوافق عليها
ويقولي ان مارجعتي بتزوج
 
كثرت الاسأله عن الشفط!!!
نرجع نشرحه بالتفصيل


الشفط لغة: شفط الزوج من الفلوس الزايده ويكبكيها على خلق الله.
اصطلاحا: هي التكتيك والتفكير والدهاااااااااء والتمسكن والتضيعف والشفط وسحب الفلوس من جيبه برضاااه ومن دون مايحس

الادوااات
السحر الحلاااااااال
اسحريه بذكائك ودهائك وصبرك
اهم شي الصبر والدهاااء

بس ملاحظه خواتي انا ضد انك تفلسين الرجال وتخلينه يتسلف علشان هباااال واشياء تافهه
لالالا
لازم انتي تحسسينه ان قلبك عليه وتهمك مصلحته وفلوسه هي فلوسك وانك ترفضين الديون

ولكن اذا الله منعم عليه وعنده فلوس ويعطي كل من هب ودب وانتي يالفقيره مايعطيك الا بالقطاااره
هنا انا اقول اشفطيه ..

طريقة العمل
لازم ترضينه وتلبين رغباته <<هنا راح يكون الشفط سهل جدا عليك
الشي الثاني ضروري جدا طلبين منه مصروف شهري لك ولعيالك يعطيك اياه مع نزول الرااااتب
واذا قال لا انا اشتري لكم قولي اوكي
واشفطي لاتوفرين له شي
يقول لك ماله داعي ماله لزوم
انتي بانوثتك وحركاتك وكلماتك وهمزاتك وغمزاتك
حلي الموضوع

بس اذا اعطاك شي تافه وقال هذا يسدكم انتي والعيال
قولي له اوكي حبيبي الله يرزقك من واسع فضله
بس!!
حطي المبلغ تحت البلاطه<<لك انتي بس
وروحي انتي وياه وخليه هو يحااااسب.. على ملابس العيال واغراض البيت
جددي لبيتك كل فتره
خدادات مفارش لوح اي شي جددي واشفطي
حتى لو ماوداك الا لكارفور ولا هايبر بنده
معليش اشفطي اي شي
خلي يديك تلقط من يمين ويسار
من اي مكاااااان
المهم ينننننق

في حال كنتي انتي وزوجك مفترقين بسبب الوظيفه ولا الدراسه
وهو يلعب يمين ويسار اشفطيه بعد باسلوب
كل مارحتي له ولا جاااك واشبعتيه وافرغتيه <<الافراغ مهههههم وانبسط لا يطلع الا وانتي ماخذه المقسوم
قولي حبيبي احتااااج
لوك عندي كان ماخذيت لانك معي
بس انت منتب عندي وماابي اطلب من احد فلوس
ترضاها لي<<لاتعطينه مجال يجاوب
الله لا يحرمني منك
​
 
خيط زري
​

كيف وفقتي بين زوجك الجنوبي الغربي وبين اهله وسكنك معهم
أنقر للتوسيع...



انا مافرقت بين زوجي واهله بالعكس يروح لهم يوم ورى يوم واحيانا يوميا

انا ماقطعته منهم لان ماارضى زوجات اخواني يقطعون اخواني مننا

وانا عندي مبداء يروح لاهله ويسهر عندهم كل يوووووم ولا يروح للاستراحات وعيال الحرااام
اقل شي مع اهله ضامنه الجو والبيئه
وصحيح اني مااسلم من شرهم ولكن اضمن مافيه بنات حرااام في الموضوع


وبعدين انا ماعمري سكنت مع اهل زوجي انا ساكنه بلحااالي
بس خالتي العزيزه تعشق زوجي موووووت تجينا زياااراات وتجلس عندي شهر او شهرين
مع اننا في نفس المدينه ساكنين


وبالنسبه لي انا اكتشفت ان احسن حل مع الحموله الصمت والرسميه
الصمت يقتل
وقولت مدري اي شي يسالونك عنه قولي مدري
تقول جدتي قولت مدري ترفع قدري
ههههه

​
 
وشلون اسجل

على حسب سبب الزعل
بس اذا انتي تشوفين انك انتي الغلطانه
فلا تخلينه انشبي في حلقه رسائل غراميه واستعطاف
وكلمي لين يرد

​
 
مطنشه فور ايفر​


اتوقع زوجك كل يوم يحمد ربه عليك لأن شخصيتك مميزه وذكيه ولماحه وتقدرين تديرين حياتك بالشكل اللي يعجبك ولايعوقك بروده وخجله خخخخخخ ماشاءالله عليك
أنقر للتوسيع...

هههههههه
والله اختي انا اهم شي اني مبسوطه
ولا هو مايعجبه العجب ولا الصيام في رجب
هو احسه مبسوط بس يبغاني اصير زي اخته عمته جدته ام الجيران موظفه معه
يعني يحب اللي عند النااااس مايحب اللي عنده
تدرين مره كان فيه عزيمه
وبعدها تغير علي حسيته يعاملني كاني عروووس
وانا ماادري وش اللي مغيره مهيب العاده
العاده بعد العزايم يصير يقول عمتي سنعه
اختي شقرديه
جدتي مدري وش
ورى ماتصيرين زيهم​

المهم كان في العزيمه حاضرين عماني واولادهم وابوي واخواني
سالت اخوي قلت وش صاير
قال فلان<<واحد من اولاد عمي
قال لزوجي ياحظك بفلانه
ليت عمي<<يقصد ابوي جاب درزن بناااات
يقول قام واحد من اولاد عمي الثانين يمدح معه
<<هنا هو حس بقيمتي!!
درى ان الناس ترغبني وتبيني
ولا اول لا يشوف بعيون اهله وخواته​

وزوجي الى الان ماقالي عن السالفه
عاد ولد عمي الله يحفظه جالس يدور عروسه
وانا اتميلح عند رجلي
اقول له فلان يدور عروسه
وان عمتي <<امه ولد عمي
متصله علي تقول تعرفين احد ان فلان يبي وحده على ذوقك
خخخخخخخخ<<وانا انصب
هو انقهر وعصب
عاد انا ابهر الموضوع واقول والله ياحليله
مااتوقع القاء بنت تستاهله
خخخخخ​

واشكرك على المشاركه والله يوفقك يارب مع زوجك​
 
صباح الخير ..اختي النوم سلطان
وربي بردتي خاطري ...بشرحك الوافي للشفط
دائما ادخل ادور تفاصيل للشفط
ما تتخيلين وش كثر محيرني ...يسبقني بالاعذار
وقبل ما اطلب يكون موزع الخير
واذا حدد ما زاد ...
وعجبتني....
حطي المبلغ تحت البلاطه<<لك انتي بس
جاري التنفيذ
الله يسخرلك زوجك ويصلح عيالك​
 
ماعيش بدون حب

لا حبيبتي لا ترجعين الا بشروووووووطك
الجنوبي الغربي يحب القويه اللي عند كلمتها
انننننننننننتبهي تتناااااااااازلييييييييين

انتي قولي له اذا كلمك فلان لو سمحت اذا تبيني لي شوروطي
ماراح تنفذ الشروط فمان الله...
ولا تكلمينه كثير ولا تكثرين معه كلام
قولي تعرف بيت اهلي
فمااااان الله

وبس
وانتي انتبهي تتنازلين!!
وبعدين ليه يضربك!!
اذا ضربك اضربيه!!

بعد بعد<<عصبت​
 
ست النساء​

انتي غلطانه
ليه تعطينه!!
اكبر غلط ان الحرمه تعطي زوجهاااا
لا حبيبتي
لا عاد تعطينه
اذا قال ابي قولي انا ابي حبيبي!!!​

قولي له اجل ابي العصمه بيدي!!
الان الله قال الرجال قوامون على النساء بما انفقو من اموالهم​

انا ابي نفقتي منك!!
<<بس انتبهي من ذا الكلام لازم تصيرين قده ولا لا تتهورين​

انا بصراحه قد سويتها مع زوجي
قال ابي قلت اوكي بس نروح للمحكمه اول
قال ليه قلت تنازلي عن العصمه!!
ابي العصمه بيدي
طبعا عصب وطنقر وقال خير
وقلت له الدليل اللي فوق
قلت له الله قال
انا ماعندي مشكله اعطيك
بس ماتصير العصمه بيدك​

هههههههه​

من عقبها صار يعطيني المصروف ويكتب عليه نفقه
خخخخخخخخخخ​

بصره يكتب بيديه ورجليه بس لا ياخذ مني شي​


<<اذا ماتضمنين زوجك لا تتوهقين لان بعض الرجال يضربون>>​
 
ههههههههههههههههههاي الله يسعدك ضحكتيني وانا استخدم اسلوب الشفط من زمان
كنت اول ما اشفط يقالك اراعيه وعيني مليانه وقصدي والله يوفر لليوم الاسود بس اللي شفته ان الفلوس طايره طايره وعلى غيري ويسلف فلان وعلان
قلت اجل دامها طايره انا اولى فيها ومن يومها وانا اشفط
في حركه بس مو دايم اسويها بعدين انكشف اذا جا وقت الحساب والمفروض تدفعين من مصروفك قولي ياي نسيت بطاقتي في الشنطه الثانيه حاسب الحين بعدين ارجعلك
طبعا هو يحاسب وعارف انخا مابترجع
الف شكر لك النوم سلطان اسلووووبك تووحفه
 
سين سؤال زوجي بالزور يسمع سوالفي اخ بس يثهرني بهالحركه لو بزر من بزران خواته تكلم يسمعه بكل جوارحه وانا اقول شي مهههم ولا يدري شقول جنني لخلصت قال ايش?
وت كان اي دو?
 
اقسم بالله يقهر يقولي مهر ماعندي ويقولي لو مارجعتي بتزوج يعني من فين جاته الفلوس بس اخاف اتورط مايرجعني بجد وانا عندي بنتين منه كيف يقتنع بشروطي باقيلي شهر واهله مسيطرين عليه بقوه يسمع كلامهم ويتاكد انه فصالحه حتى لو اختيارهم غلط
 
النوم سلطان تسلمي حبيبتي انا عندي مشكلة مع زوجي ترى انا جنوبية غربية بعد و هي إنه راتبه قلبل جدا و فوقه ديون و نحن عايشين مع أهله إلي هم أخوه و زوجته و أبوه و زوجي هو من يصرف بالبيت علما إن أخوة بيشتغل و راتبه أعلى من زوجي و ديونه قليله جدا و ان إن أحتجت شي ما يقصر معي لكن هو أصلا ما يكون معاه فأكثر أشتري من راتبيو كذلك ليس بالكثير أنا أريده ان يتفاهم مع أخيه باإنفاق في البيت و لكنه لا يستمع لي و انا الآن أنتظر مولود و الطفل له مصروفات كثيرة علما بأني لا أرعجه بمصروفاتي لأنه أكثرمن رائع معي لكم يحز في نفسي لما هو يصرف كل فلس معه في البيت و أخوه لا يصرف شي أرجوك ساعديني ماذا أفعل
 
النوم سلطان تسلمي حبيبتي كلامك جواهر
انا عندي مشكلة مع زوجي ترى انا جنوبية غربية بعد و هي إنه راتبه قلبل جدا و لديه ديون و نحن عايشين مع أهله إلي هم أخوه و زوجته و أبوه .و زوجي هو من يصرف بالبيت علما إن أخوة بيشتغل و راتبه أعلى من زوجي و ديونه قليله جدا و إن أحتجت شي ما يقصر معي لكن هو أصلا ما يكون معاه فأكثر شي أشتري من راتبي و كذلك راتبي ليس بالكثير أنا أريده ان يتفاهم مع أخيه بالإنفاق في البيت و لكنه لا يستمع لي و انا الآن أنتظر مولود و الطفل له مصروفات كثيرة علما بأني لا أزعجه بمصروفاتي لأنه أكثرمن رائع معي لكن يحز في نفسي لما هو يصرف كل فلس معه في البيت و أخوه لا يصرف شي أرجوك علما قد يأتي نصف الشهر و ليس لدينا مال لصرفه و هذا يجعله يتدين و أنا لا أريده أن يتدين ساعديني ماذا أفعل
 
وربي انك صادقة زوجي جنوبي اللة يعطيك العافية استفدت منك 
 
بسم الله على قلبك النوم سلطان

فقط لإزالة اللبس انا قلت كيف وفقتي وليس فرقتي

ومو عشمي فيك التفرقه وابدا مايمكن اصدقه منك

لبى قلبك احبك في الله
 
الحالة
مغلق و غير مفتوح للمزيد من الردود.
عودة
أعلى أسفل