اريد حل تزوجت من رجل واعيش مع اخر

  • بادئ الموضوع بادئ الموضوع كشمشه
  • تاريخ البدء تاريخ البدء
الله يكون في عونك ونصيحه اخويه تحلي با لحكمه علشن الضغار واكثري من الا ستغفار وحاولي تخليه هو الي يجيب كل شي حتى ملا بس اولا ده حتى لو مو حلوه عادي تجنبي امه لا نها قويه ولا تشتكي لي احد من عا ئله
 
الله يعينك حبيبتي انتي تقولين انتي اللي تصرفين على البيت والعيال وعلى نفسك والايجار من عندك
يعني ياقلبي بامكانك تطلعين ببيت لوحدك انا ماني شايفه وجوده في اي شيء في حياتك الا في المعاشره الزوجيه
حبيبتي الى متى بتضلين كده انتي شكلك ولامره ادبتيه هو والعجوز حقته ادبيه وخلي عيالك عندها والله محد يتحمل العيال قد امهم وباين انها تحبهم وماراح تآذيهم او تقسى عليهم يعني خليهم وانتي متطمنه
الله يصبرك يااااااااااااااارب
 
الله يكون بعونك
سهام الليل لاتخطىء
 
فعلا زي ماقالوا الاخوات بيني له انه واجبه يصرف عليك وعلى عياله وقوليله انه هو الخسران في حالة ماصرف عاى البيت انك راح تتركينه جربي توقفي امه عند حدها بيني لها انه راح تكون السبب في هدم بيت ولدها وانه مافي وحده راح ترضى فيه بسبب تسلطها وانه رجل كويس بس هي السبب في هدم البيت وتوعديها طبعا بينك وبينها بانك راح تدعين عليها بالثلث الاخير من الليل في حالت ماتوقفت عن التدخل وهدديها انك راح تعدي عاى عيالها انشاء تخاف والله يقويك ويعينك
 
ياأختي روحي انتي وابوك واشتكيه في المحكمة لانه لايصرف عليك ولاعلى عياله , انت الآن عندهم مجرد خادمة

لاولادهم وكذلك تحملي عنهم عبء النفقة ويمارسوا عليك تسلطهم وامراضهم النفسية , حسبي الله ونعم الوكيل في هؤلاء

الاشخاص هم لايستحقونك اهربي بعمرك وانت لسا بصحتك قبل ما يتسببوا في مرضك وقهرك حسبي الله ونعم الوكيل

فيهم الله ينجيك منهم .
 
يابنات موسهل ان الوحده تطلع من بيتها وتروح لاهلها بالعكس يمكن تتعب نفسيتها اكثر موكل اهل يستقبلون بناتهم...

الكلام سهل وانتم وش عليكم قاعدين تقنعونها تطلع وتروح وبعد تاخذ شقه لحالها ؟؟ استغفرالله ..شايفين الدعوه سهله..؟؟حطوا نفسكم مكانها والله صعبه جدا

عندنا بالسعوديه صعبه المره تعيش بدون رجال...والله تكره حياتها..على العموم ساعدوها كيف تتعامل مع زوجها وحماتها موتتركهم هذا استسلااااااام

ربي يسخرلك زوجك يارب
 
الله يفرج همك ويهدي زوجك ويسخره لك ولعيالك
زوجك ضعيف الشخصيه وامه مسيضره عليه
انت حاولي تعرفين شخصية زوجك ونقاط الضعف
وسيطري عليه اقراء للشخصيات وانواعها وادرسيها
واسحبي منها زوجك
واهم شي ادعي ربك ان يهدي زوجك ويسخره لك
ويكفيك شر امه لا تياسين وراك اطفال
الله يوفقك
 
الله يسر لك امورك خلي عيالك عنده فتره تاديب
يصرف عليهم وبتتعب ام زوجك من المسؤليه وتربيتهم ومصاريفهم
ويعرف قدرك وخلي احد كبير من اهلك يتدخل في الموضوع
الله يفرج همك ويختار لك الطيب
 
مادام هالزواج ما جاك منه الا المرض النفسي ....اوقفي وقفه حازمه مع زوجك
طالبيه بالنفقه او الطلاق !!
يمكن الطلاق ارحم ...
ما اعتقد تفرق كثير ما دام انتي الي تنفقين على نفسك وعيالك وشايله مسؤوليتك لوحدك وتدفعين الايجار للبيت
بالعكس في حالة الطلاق راح يجبر الزوج على النفقه لاولاد
 
عرفيه بانك هاتاخدي اجازه من الشغل بدن مرتب وانه لازم يصرف علي البيت او هدديه بانك هاتسيبي الشغل خالص من الباطن خدي اجازه قصيره بس ماتعرفيه انها اجازه وشوفي جايز يتعدل
 
صراحه استغرب
الرجل تغير من الحمل الاول
وانت مصممه علي تكوين عائله والانجاب
طبعا ادخري مالك وخدي من وراه مايكفيك انت وعيالك بالمعروف لانه صعب يتغير الا اذا ماتت امه
الله يهدي الجميع
 
حبيبتي استغفري و كثري من الاستغفار صدقيني وحده صارت لها مشكله مع ام الزوج ومع كثثثثثثثثثره الاستغفار بنيه تيسير الامور والله رجعت العلاقه مثل قبل واحسن والله يسخرهم لك-
 
الله يفرج همك وينتقم من كل ظالم ولاتخافي الله مايخلي حق احد
بس انت غلطانه بعد باشياء لكن الله يفرج همك وهمي امين
 
انا مع الاخت انا اعترض وصدقيني انا كنت زيك بس بمشاكل من نو اخر وكل شي تقفل بوجهي وصرت التزم الصمت مع زوجي من دون تقصير بالبيت او بحقه واداوم كثير على البقره والاستغفار والله ماخيب ظني فيه انتي منتي خسرانه جربي واذا مانفع دخلي كبار العيله يوقفونه عند حده وعيالك لاتتخلين عنهم لانهم من حقك اذا هو مايصرف عليهم شفايده انه ابوهم الا خذوهم ولاتصيرين انتي وابوهم ضدهم احتويهم واحضنيهم عشان ايلومونك اذا كبروا والله يوفقك
 
ياقلبي انا بقولك انتي خلي علاقتك بالله قويه وخلي املك بالله كبير.. الله راح يتولى امورك وراح ينصرك لو كنتي مظلومه ..
الشئ الثاني ياقلبي انتي لاتبيني انك ماتقدر تستغني عنه ..
الرجال ترى اذا تعود انه انتي اللي تدفعي والله مستحيل يدفع .. والله خليه يتفشل لاتشتري لعيالك ملابس خليه هو يشتري .. ولو احد منهم مرض ليش انتي اللي تدفعين ان شاء الله هو فين كلب حراسه ولا ايش ..
يامي روحي اشتري لنفسك ولا تشتري لعيالك ولو اشتريتي قولي جبت هديه لهذا وهذا وخليه لبس واحد بين كل كم شهر .. والله اجمعي فلوسك مثله واشتغلي فيها وتاجري بها انتي بعد ليش هو يجمع وانتي تصرفين ليش تبيني انك ضعيفه له وانك اهم شئ انك تغطين على احتياجات العيال وتنسين نفسك ... وهو عايش حياته ولاهي
تعرفي اصلا في الشرع المرأه ماهي مكلفه انها حتى طبخ تطبخ لزوجها .. وروحي اسألي اي شيخ يقول ايه صح هالكلام يعني انتي تتفضلي عليه بكل شئ وبعد يكون كذا ..يابنتي روحي عند اهلك وخلي الصغار عنده قولي برتاح .. ولاتاخذي اجازه ابدا من عمل ولاتسقيلي وانتي في ظروف مثل هذه .. عشان ماتحتاجي احد بعد كذا ..
ابدأي اسسي نفسك وشوفي نفسك وقولي لأبوك ابغى اشغل فلوسي وراتبي
واذا رجعتي بيتك بعد روحتك لأهلك لمحي انك مامعك فلوس وابوك قال بشغلها لك خليه يتحرك ويصرف هو وقتها بيحس بقيمة كل شئ
ترى الرجال والله ماينفع معهم الطيبه لازم تعرفي ان طبيعة النساء طيبين وماينسوا الجميل لكن الرجال ينكروه
وخصوصا انك ماخذه دوره تقريبا انتي تصرفي وحتى مستشفى على حسابك وماشاء الله الايجار انتي
يامي قولي له انت ادفع ولا اشتري بيت او شقه اذا تبي ترتاح من الايجار ..
الله يعينك ياقلبي بس لازم تتحركي وتفوقي لنفسك لايجي اليوم اللي تقوله امه اتزوج ثانيه يسمع كلامها وانتي لاعشتي حياتك ولا انبسطتي معاه
ترى الرجال فيهم نذاله اعوذ بالله (هذا وانا مو متزوجه اقول كذا كيف لو اني تزوجت والله احس اني اذبح اللي كذا )انا دايما اقول لأمي والله اموته لو تعب لي قلبي هذا للي ناقصني اخرج من عز اهلي عشان ارتاح ولا اتنكد على آخر عمري.. ادري طولتها بس اني مقهوره من الرجال مايملا عينهم الاالتراب والله
 
حياتي انتي لاتيأسين ولاتستسلمين للاكتئاب
اكثري من قول حسبي الله لااله الا هو عليه توكلت وهو رب العرش العظيم سبع مرات بالصباح والمساء يكفيك الله مااهمك باذنه
وغيري تفكيرك فكري بنفسك واولادك وهو اخرجيه من خططك ومشاريعك عطيه اشششكللل
فهمتي؟

الله يسعدك يارب ويفرج همك
 
اول شي تفاجأت من هذا الكم الهائل من ردودكم الجميله، اشكركم واشكر اهتمامكم الجلي،
وثاني شي عسى الله يفرج كل همومكم ويتقبل منكم صالح الاعمال،
الاخت Butterfly sprin اشكرج على دعائج لي، الاخت ana salma كلامج صحيح وهذا حاليا اللي اخططله اني اسد ديوني اللي تكاثرت على ظهري حيث اني مطلوبه فوق ال14 الف دينار وهذا من غير حساب الفوائد وصحيح ام زوجي لن تسمح لي بأخذ ابنائي حيث انها مره قالت لي اعطيني ابنك المعاق وانسي انك خلفتيه! هذا كلام يقال؟
الاخت حافية القدمين صعبه اعطيه العيال ماقدر هذول هواي اللي اتنفسه واهل زوجي منى عينهم اعطيهم العيال اصلا حسبي الله عليهم،
شكرا اختي مشاعر مهمله وراحة القلوب2 على ردودكم، الاخت ممتنه بعد خلافي الكبير معه وعند تدخل والدي في الموضوع بدأ يصرف على البيت وطبعا الفلوس طالعه من عينه وكل يوم يشتكي لكني لأني اخذت اجازة امومه بنصف راتب احتجت انه يصرف علي فكان جوابه لي انا لست مكلف اني اصرف عليكي انتي موظفه مع العلم انه يعلم انه ليس لدي المال الكافي بعد استقطاعات البنك، لكنه يريدني ان استمر في اخذ القروض الى ان اصبح ذليله تحت رحمته،
اختي انا اعترض كلامج صحيح والله يسمع منك وعسى الله يفرجها لانه الواحد بيظل يتحمل الى متى؟ عمتي زوجها كان نفس زوجي ومسكينه بعد معاناة معاه اصيبت بالسرطان وتوفت الله يرحمها كل هذا من النفسيه،
الاخت sesebombom اليوم بعد ما كتبت الموضوع اخذ يقول لي انتي بتأكلي من خيري وانتي عينك على فلوسي انتي ما شفتي خير، لم يبقى احد من اهلي لم يكلمه كلمه ابوي وامي واخواني وعماتي حتى صديقتي القريبه جدا مني كلمته اللي في راسه في راسه ولن يتغير،
الاخت مملكة ام ريم كلامك صحيح والله يلهمني الصبر اللي محتاجته بشده، الاخت اميرة المكان عطيته اشرطه ومقالات من جرائد وكتب ولم ينفع،
الاخت احاسيس اول بنت وولد حملت فيهم ورا بعض لكن الثالث بعد 3 سنوات، اما بالنسبه لام زوجي كنت على طول اهاديها وعلى طول اسأل عنها وازورها واعزمها والله العالم اني لم اقصر في حقها حتى بناتها السبع لم اقصر معاهن في شئ ووحده منهم سعيت في زواجها من ابن عمتي وهي الان معززه مكرمه وسياستها مع بناتها لما يتزوجون تطلعهم من وظائفهم وازواجهم يصرفون عليهم والخادمه مع عفش البيت اما انا فالخادمه ملزومه ادفع معاه واكسيها ملابسها ولما احتجنا خادمتين وحده منهم انا تكفلت فيها ودفعت فلوس مكتبها بالكامل وراتبها علي وفوق هذا تلومني اني ما اساعد ولدها، اختي باااتي اشكرلك مشاعرك الجميله وانا اللي ذابحه مني الحين اني صاحيتله يريدني مثل اول لا ارى لا اسمع لا اتكلم وهذا اللي ذابح اهله كمان،
اختي ام علي سبق وبقيت عند اهلي 3 شهور انا وعيالي لكن في مثل يقول ابو طبيع ما يجوز عن طبعه مشكلتي القرض اللي على ظهري ياخذ مني ربع الراتب ومحتاجه خادمتين لانه لدي ولد معاق صعبه اتحمله بروحي،
اختي حبيت وانتهيت شكرا وعند الله ما يضيع الاجر انا اللي عندي حكمتهم في الحياة ان لم تستح فافعل ما شئت،
اختي توحه المملوحه شكرا لك، اخت هواجس 66 بالفعل هذا اللي حاصل حاليا الزمته انه يجيب كل شي بما فيها ملابس عياله ولا تشوفي ولدي الصغير ابو 6 شهور مسكين بجاماته صغرت عليه لكني صابره ابيه هوه يتحرك يجيبله ولا لو هي علي ما صبرت على هالشي بس شنو بايدي، مشكلتي انه عينه على فلوسي ويحسبلي كل شي اصرفه واشتريه حتى النوم محسوب علي حتى الانترنت ومكالمات التلفون يعني يبيني عبده له ولبيته لا اتحرك ولا اسوي اي شي بس اخدمه ليل نهار، انا ماعندي مانع اذا الرجال زين اخدمه بعيوني بس يااخي حسسني اني زوجه لك واني انسانه لها كيانها ليه تكسرني بهالطريقه في بداية الاربعين وانا توني والده يقولي انتي ما تفلحين الا بالنوم!!! انا الليل كله سهرانه ولما طلعت الشمس نمت هل لازم اظل صاحيه 24 ساعه؟ كيف؟
الاخت شتتني غيابه ماقدر اخلي عيالي عندهم ماقدر اموت، انا شايفه معاملتهم للعيال وخاصه ولدي المعاق حرام يصرخون عليه كانه اصم ويخلونه يركض في الشارع بدون حذاء في اقدامه شلون أأمنهم على عيالي، بالنسبه للايجار نحن في مكان ومنطقه بسيطه جدا لذلك الايجار بسيط لكن ماراح يخليني اظل في هالبيت لانه يقول هذا بيتي وماراح تظلين فيه واخاف انه يأذيني واذا بروح مكان ثاني الايجارات غاليه ماقدر عليها،
الاخت غادة الجنوب امي كلمت ام زوجي وقالتلها خافي الله انتي عندك بنات وكان ردها انه عادي احنا نتحمل مو زيكم واكلت امي بالصراخ فالكلام ضايع معاها،
 
اختي انثى رقيقه انا خايفه يجيبلي المرض وانا لساتي ما دشيت الثلاثين بس انا مخليه امر المحكمه لي الاخر عندي امل انه ممكن الاقيلي حل معاه،
شكرا اختي احاسيس كلامك صحيح والله يفرجها، اختي قلب صافي انا لا الومه لانها مرعبه مره كنا جالسين وصرخت عليه قفز من مكانه هذا الاسلوب هو رابي عليه غصبن عنه اما بالنسبه لقراءة الشخصيات فهو مركب من كذا شخصيه هو كذاب ومحقر ومغرور في نفسه واتكالي مو عارفه اتعامل معاه،
اختي مجاديف الزمن هم منى عينهم ياخذو العيال مني، الاخت عطر بارد هو صارله الحين 4 شهور بيصرف على العيال واحنا صارلنا مع بعض سبع سنوات لكن كل يوم يشتكي من هالفلوس اللي بيصرفها ويعايرني فيها اني باكل من خيره ويقول انا عطيتك مصروف ما تذكري 10 دنانير عطيتك اياها الشهر اللي فات! عشر دنانير اعبي فيها بنزين واروح فيها جمعيه اشتري لنفسي غرض خلصت خلاص وباقي الشهر؟ انا بالنسبه له عبده يبي منها حقه الشرعي في الفراش وليس مكلف بنظره انه يصرف علي مع اني احتجت انه يصرف علي 4 شهور لاني في اجازة امومه بنصف راتب ونصف الراتب هذا يذهب قسط للبنك،
اختي ام حنونه جدا هوه حاسبها بالميللي لما اترك الشغل بما انه ليس لديه جنسيه فالحكومه راح تصرفلي راتب عن طريق وزارة الشئون لاني لما هددته اني راح اسيب الشغل قال عادي الحكومه راح تصرف عليكي،
الاخت salmaa ما كنت واعيه للي يصير من وراي كنت اعتقد انها ازمه وتعدي وما كنت ادري انه عنده الاف في حسابه كل هذا ما كنت ادري عنه عرفت هالكلام كله منذ 4 شهور،
الاخت كبانه الله كريم انشالله والله يفرجها ويلهمني الصبر عليه وعلى البلاوي اللي بتجي من وراه،
الاخت صفاء القلوب انا غلطت اني احسب الناس مثلي وكنت اؤمن بمقولة عامل الناس مثل ما تريد ان تُعامَل ولم اتخيل في حياتي انه في ناس بهذا الشكل حتى اهلي منصدمين لأن احنا ما تربينا على الغش والكذب والخداع وتربينا انه احنا نساعد بعضنا وانه الزوجه تساعد الرجل في الازمات وانا كنت اعتقد زوجي يمر في ازمه ماليه وتالي اكتشفت انه كل هذا تمثيليه،
اختي اخفي احساسي الصمت ما ينفع معاه لانه يعتبره ضعف وتنازل مني فيبدأ يدوس علي اكثر،
الاخت مرح زوجي مثل الحيه كل يوم بلون واذا شاف اني اشتريت لعيالي حاجه يبدا يفتح عيونه ويحس اني عندي فلوس فيبدا يتشكى انه ما عنده فلوس ويحطني امام الامر الواقع وتعال حلني معاه فلا تاخذي منه لا حق ولا باطل،
اختي لؤلؤاتي اشكرك وهذا اللي ناويه اسويه لكني ابحث عن حل يخليني اصبر على الته الحاسبه اللي تحسبلي كل شي تخيلي اليوم جلس امامي بالاله الحاسبه يقول انا ساعدتك في رفع راتبك الى هذا المبلغ يعني خلال كذا سنه واخذ يحسب ويقول شوفي انتي اشكثر اخذتي، اول مره اشوف هالطريقه احد يحسب لزوجته بالاله الحاسبه؟؟؟
وعموما اشكركم جميعا اخواتي وادعولي الاقي حل والله يفرجها علي انشالله من اوسع ابوابه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل