معلومات بروتكول
ارشدوني يااهل الخير
:shiny: في البدايه اشكر كل من قام على هذا المنتدى الاكثر من رائع الذي انقذ حياة الكثير من الناس:icon26:لهذا كتبت لكم لرغبتي في ايجاد حل لمشكلتي الغريبه تزوجت قبل ست سنوات من زوجي الحبيب عن اعجاب متبادل منا بحكم انه قريب من العائله تزوجنا وعشت معه اجمل ايام عمري ولازلت اعيشها:blush-anim-cl:اذكروا الله وانجبت بنت وولدين ملو حياتنا فرح ومرح :icon30:بتقولون وين المشكله الحين؟ المشكله ياطويلات العمر في خطيبه زوجي السابقه حسبي الله ونعم الوكيل اللهم اشغلها في نفسها,المهم انه خطب عندهم قبل مايجيني وقعد خاطب ثماني شهور وهم مو ماعطينه جواب وطول الوقت وهو يكلم امها ابوها ماقدر يوصله او يكلمه عايله مفككه الله لايبلانا,المهم هنا غلط زوجي وطلب رقم البنت عشان يسالها عن رايها يبي يخلص ويبي حل للموضوع يعني تبون واالا اتوكل على الله,المهم كلمها وياليته ماكلمها اتعلقت فيه بشكل غير طبيعي وساروا يتكلمون كل يوم تكلمه باعمل تكلمه على البيت اتعلقت فيه بحكم انه زوجي عاطفي وحنون الله يحفظه يارب,شخصيه جنوبيه اصليه,زوجي مايحب الامور الملتويه انسان واضح مايحب اللف والدوران قالها ياابوك يرد علي والا بروح اشوف نصيبي الابو مارد على زوجي وطنشه عاد زوجي يموت ولا يفرض نفسه على احد,راح بعدها وخطبني على طول هنا انجنوا وبعدها ملك علي وكنا مره سعيدين واتصلت ام البنت في زوجي تقوله البنت نفسيتها تعبانه وتبيك ,يبون ينكدون عليه حسبي الله عليهم,ونبيك تطلق زوجتك وتاخذ بنتنا قال زوجي حامض على بوزكم خلاص كل شي قسمه ونصيب,وقعدوا مسجات ومكالمات,الين تزوجنا بسلام تحسبونهم تركونا بحالنا الا ترسله مسجات حب وغرام وتدق مس كوول,وانا وزوجي مطنشين وكان مايعلمني انها تدق او ترسل,حملت بنتي من اول شهر ونفسيتي تعبت من المسجات الي ترسلها المهم انفجرت على زوجي وسبيته وهو يقولي وش اسوي هي اللي تتصل وترسل واقولها خلاص كل شي انتهى بس مافي فايده المهم وعدني انه يطنشها والحمد الله افتكينا منهم الين اخت زوجي شافتهم بزواج بعد خمس سنوات وسالتها اخت زوجي تزوجتي شوفوا الجراه قالت انا ماراح اتزوج الا اخوك,بالله وش رايكم بالمجنونه ذي؟؟؟وبعدين قامت الام تتصل على زوجي وتقوله ان بنتي تحبك وماتبي تتزوج غيرك وان نفسيتها تعبانه ودخلت المستشفى,,يلعن ابو النصب؟؟اه اه اه ي يابنات هنا زوجي بدا يلين وقعد يفكر بالموضوع وكلم خواته وامه لكن الحمدلله كلهم وقفوا معي وشالوا الموضوع من راسه,,وبعد فتره غير رقمه,,لكن عنده واحد في العمل يجيبله اخبارها ويوصل لهم اخباره لدرجه انهم يعرفون اسامي عيالي ويعرفون اشياء كثيره ويعرفون اننا نقلنا من بيتنا,,اللهم اشغلهم في نفسهم كما اشغلوني وش الزواج بالغصب؟؟ بنات اسالكم بالله كيف اتصرف ؟انا مافتحت الموضوع معاه لاني مابي مشاكل وهو يحبني ومايبي يزعلني ارشدوني جوزيتوا الجنه....:tears:
اسم الموضوع : ارشدوني يااهل الخير
|
المصدر : الأستشارات الزوجية العامة