اخ زوجي...الحمو الموت

ام بكري
ريلي من النوع الشكاك بس مستغربة انه ما حس بتصرفات اخوه !!
ما بخبره احسن لي
بتجبينه وربي يحميني من شره
 
الافضل تكلمينه هو وتقولين لاتتقرب مني زياده

وقولي لامه علشان يكون احد شاهد معك بعدين
 
اختي المقهووووره..اقري رد الاخت شغف زين ما زين وانا اشوف انها كتبت الي كنت ابى اكتبه بالضبظ

وراويه العين الحمره..اذا حاول ان يبتسم او يرمسج عطيه ريج ناشف..ولا تخليه يتقرب منج ابدا ابدا ابدا ابدا
 
شـغـف قال:
السلام عليكم ورحمة الله وبركاته

الموضوع اختي خطير وجدي .. حاسبي على نفسج.. واتخذي احتياطات قوية.. ياما سمعنا عن حالات اغتصاب من اخوان الزوج! وعقب يهدد يخبر عليج ريلج أو اهلج عشان تطاوعينه!

تفكرين في ردة فعل ريلج؟؟؟؟؟؟؟؟؟؟؟؟؟؟؟؟

لا غاليتي... اهم شي انتي.. افرضي ريلج ما يغار؟؟ خلاص ترضين بهالتصرفات؟؟؟؟؟؟

تقولين أم ريلج وخواته حاسين بهالشي! تتوقعين بيلومون ولدهم ولا بيلومونج انتي؟

بيقولون هي اللي تسويله حركات..

لانهم لو حاسين ان العيب منه.. جان من زمان رايغينه من البيت..

لكن نظرتهم لج هي اللي بادية تتاثر وتتغير.. انتبهي على عمرج..

حتى لو سالوه.. بيقول هي اللي تسويلي حركات.. وبتخسرين سمعتج قبل كل شي..


هالاشكال تلزمها الشدة.. والقوة..


يعني يشوفج ساكتة وهو كل شوية يدق ايدج يوم يشل بنتج.. بالله عليج.. شو تتوقعينه يفكر في هذيج اللحظة؟؟؟

يقول هاذي سهلة.. وعادي كل شي عندها.. واللي ياي بيكون أشد..


لا... حرجي.. وقوليله حاسب لو سمحت.. أو حطي بنتج على الكرسي قبل ما ياخذها..

لا تتواجدين في أماكن تواجده ألا نادرا..

لا تشاركينهم السفرة.. واذا ريلج قالج ليش ولا شي.. قوليله ابوي عرف وما عيبه الوضع.. وبصراحة معاه حق..

تزوجنا على اساس ماشي رياييل في البيت.. اخوك وهلك على عيني وراسي.. بس احتاج اخذ راحتي في بيتي.. أفضل ننتقل لبيت خاص فينا..

اللبس والمكياج وايد مهمين..

المفروض تلبسين جدامه عباه.. هو شخص غريب حتى لو اخو ريلج..

وتتحاشين اليلسة معاه..

لا تحطين مكياج في البيت.. حطي بس في غرفتج..

انتبهي تظهر ريولج جدامه..

لا تتكلمين جدامه الا رد على سؤال.. ويوم ما بيكون موجود.. يلسي مع خوات ريلج وامه.. عشان ما يقولون تغيرت علينا.. لكن يوم بيدخل هو.. دقايق وادخلي غرفتج.. تحججي باي شي.. قولي بسير ابدل للصغيرة..

لا تقولين لا لازم ايلس وياهم... اقولج الزم ما على الواحد دينه وسمعته..

ابتعدي عنه ابتعدي عنه ابتعدي عنه...




وفي شيين مهمين بعد..

اقفلي باب غرفتج بالمفتاح دايما.. واي مفتاح احتياطي.. لازم يكون معاج..

لا تحسسين ريلج بشي.. ترا طبيعي بيدور ويا اخوه مب وياج.. اذا قالج ليش تقفلين باب الغرفة.. قوليله كنت ابدل وقفلته ونسيت افتحه.. أو لابسة لبس خفيف.. استحي ينفتح الباب علي وانا جيه.. كل مرة عذر لين ما يوقف يسال..

سوي لج هالة.. حسسي ريلج ان لج خصوصية تبين تعشينها.. ورغبتج هاذي لازم يحترمها.. وتخلينه يشوفها ويحس فيها.. بكل نعومة وانوثة طالبي بها.. بدون ضرابة وصريخ..


والشي الثاني.. حطي (سكين) في غرفتج تحسبا لاي حركة منه..

واذا فكر يتجاوز حدوده هدديه فيها.. وسمعيه كلام في العظم.. وضروري ضروري تسجلين له صوت او صورة

لان بعد تهديدج يمكن يحاول يقلب الموضوع ويقول هي تراودني عن نفسي..


لا تستهينين في الموضوع.. ولو تقدرين تحسسين اهلج انج متضايقة من وجود اخو ريلج في البيت (الحين لا تقولين لهم عن حركاته).. وتحسين انهم بيهتمون في الموضوع.. وبيكلمون ريلج يدبر لج بيت منفصل.. بيكون راي حكيم وسديد..

بس اهم شي يكلمون ريلج من ناحية شرعية.. وبهدوء..ويقولون له احنا ما نرضى تكون بنتنا مع حد يحرم عليها..




واخيرا اقولج.. تصرفي من هاللحظة.. لا تستهينين في الموضوع..


ربي يوفقج لكل خير..
أنقر للتوسيع...

ياااااربي بصيح

كلامج 100 % صح ونفس الحزة يخوف

مثل ما قلتي الموضوع مأثر في اهل ريلي لان تصرف عمتي معاي اكبر دليل
هالفترة دووووم احسها معصبة لما ترمسني ونبرتها حاادة في الرمسة معاي
والحين دووم تقول لي اذا ريلج اتأخر اقفلي باب غرفتج لان الحرامية زايدين هالايام :tears:
يعني هي اتنبهني بطريقة غير مباشرة

وصح لازم اوقفه عند حده الحين...انا كنت احاتي اذا عصبت على اخو ريلي ان ريلي يزعل ويتضارب معاي بعدين بس مثل ما قلتي الوحدة اهم شي عندها دينها وسمعتها

سالفة السجين اتخوف ..بس بسويها ان شاء الله

وانا خطبت له عسب اصرف حركاته عني وخبرت عمتي وريلي بموضوع البنت بس هو رافض الزواج

اتمنى انج تقرين ردي واذا عندج اي ملاحظة ثانية افيديني فيها :(
 
هذا شيطان رجيم يوضح لك انه طيب وهو يحاول الوصول الى غرضه القذر
حاولي تكلعين من البيت
 
اللهم لك الحمد نادر نشوف مثل هالحالات بالسعوديه والله ان الغطاء نعمه يحجب عنك من فيه شر ..
تحاشي غاليتي المكان الموجود هو فيه ..
 
حاولي تتجنبين اليلسة وياااااه قد ما تقدرين حبيبتي
ولو حاول يقعد عدالج قومي عنه وغيري مكانج ولا طلعي من المكان بكبره
عسب يحس انج مضايجه من تصرفاته
 
كوني حازمه في تعاملك له

يعني عامليه رسمي

بالكثير تحاشي الجلوس مع الجماعه اذا هو موجود
 
شوفي ياأختي مثل ما قالت الأخت شغف وردها جداً منطقي
واضيف لك اذا كانت المفاتيح الأحتياط غير موجودة معك وكوضع احتياطي عندما تقفلين الباب من الداخل عليك اجعلي المفتاح عليه وبهذه الطريقه لا يستطيع احد ان يدخل عليك حتى زوجك إلا عندما يطرق عليك الباب وانتي تفتحيييين له الباب ..
وادعي دائماً ( وجعلنا بين ايديهم سدا ومن خلفهم سدا فأغشيناهم فهم لا يبصرون )
(واللهم احفطني بحفظك )\
وطالبي ببيت لوحدك ........... وقللي من الجلوس معهم
واطلبي من خالتك ان تكون هناك سفرة للنساء وسفره خاصة للرجال واذا رفضت قولى اني افضل ان آكل لوحدي او في غرفتي افضل من ان آكل وانا على غطائي لاني اكون غير مرتاحه في الأكل
والله يحفظك واهم شئ نفسك ودينك
 
لاحوول ولا قوة الا بالله العلي العضيييم

لاحوول ولا قوة الا بالله العلي العضيييم

لاحوول ولا قوة الا بالله العلي العضيييم
اللهم من ارااادكـ بسووء فاشغله بنفسه يااااااااااااااااارب
تحيااتي::
شمووخ
 
اختي العزيزه انصحك ان تحاولي قدر الامكان تجنب الجلوس معه وكثرة الحديث في مالاداعي له وان استطعتي ان تتحجبي منه فذالك افضل واكثري دائما من الدعاء ان يجنبك الله الفواحش والفتن ماظهر منها ومابطن
 
اصلا غلط انك تجلسي مع اخوانه , بس مادام اهله حاسين بعد فالافضل انك ماتجلسي معهم من اليومم ورايح عشان يستحي على دمه.
 
من دون تفكير يا حبيبتي خلي اهم شي عندك رب العالمين,, والمعروف انه حرم الاختلاط وحماك مو محرم عليك فطبيعي انو تصدر هالتصرفات منه..فالشيطان يجري من ابن ادم مجرى الدم......
الخلاصة تجنبي الاختلاط من هاللحظة وتحجبي وقفلي باب الشر من اصله..
 
الله شرع لنا الحجاب:icon31: لمثل هذه المواقف التزمي بالحجاب وسيخجل من نفسة ويحاول تجنبك لانه يحس انك عرفتي تصرفاته المريبة .الرسول صلى الله عليه وسلم قال (الحمو موت)
 
المقهورة قال:
ياااااربي بصيح

كلامج 100 % صح ونفس الحزة يخوف

مثل ما قلتي الموضوع مأثر في اهل ريلي لان تصرف عمتي معاي اكبر دليل
هالفترة دووووم احسها معصبة لما ترمسني ونبرتها حاادة في الرمسة معاي
والحين دووم تقول لي اذا ريلج اتأخر اقفلي باب غرفتج لان الحرامية زايدين هالايام :tears:
يعني هي اتنبهني بطريقة غير مباشرة

وصح لازم اوقفه عند حده الحين...انا كنت احاتي اذا عصبت على اخو ريلي ان ريلي يزعل ويتضارب معاي بعدين بس مثل ما قلتي الوحدة اهم شي عندها دينها وسمعتها

سالفة السجين اتخوف ..بس بسويها ان شاء الله

وانا خطبت له عسب اصرف حركاته عني وخبرت عمتي وريلي بموضوع البنت بس هو رافض الزواج

اتمنى انج تقرين ردي واذا عندج اي ملاحظة ثانية افيديني فيها :(
أنقر للتوسيع...




بسم الله عليج يا الغالية.. الله يحفظج ويحميج من كل شر.. وقولي كل يوم: ربي أستودعتك نفسي.. وأذكار الصباح والمساء..

لا تخطبين له ولا شي.. خليه يولي..

مالج علاقة فيه..

وبعدي عنه.. هذا إنسان ما عنده أخلاق! يتعدى على حرمة أخوه!


انتي قدها وقوية..

أدري إن مسألة السكين تخوف.. بس انتي حطيها عندج دوم مع صحن فواكه عشان ريلج ما يقول شي..


وإن شاء الله ما بتحتاجينها مول..


بس الاحتياط واجب..

وحاولي بقدر استطاعتج تتحولين لبيت منفصل..


وإذا احتجت شي.. راسليني على الخاص..

ربي يحفظج من كل شر..

اللهم إني أستودعتك أختي.. فاحفظها بما تحفظ به عبادك الصالحين..
 
انا من رايي ارتدي النقاب هو خير رادع وارتدي ملابس فضفاضة ولا تظهري عينيك ومن الافضل ان لاتجلسي معهم في وجوده اووجود اي رجل اجنبي وهذا هو الشرع
 
نعومه كول قال:
لا لا لا انتبهي
تقولي لزوجك حرام تخربي علاقتهم مع بعض
هذا مايجره الاختلاط عليكم
لو متحجبين كما امر الله ورسوله كان عشتو في سلام
هداكم الله جميعا
أنقر للتوسيع...


صح عليك


انتهبي اانننننننننننننتبهي



زوجك لاااااااااااااااااااااااااااااااااااااااااا ابدا مهما كان


تبقين انتي الغلط






لو قدام عيونه





لاتجلسين معه



لا تراقبين نظراته


انساان فاااشل اعتبريه ولااااااااا شيء ويرووع وكلل شيء موحلوووو

لو فيه خير ويعرف يحب كاان سنع زوجته


مافي شيء صعب


قولي بجد احسس استحيي ومااراتاح اجلسسس اكل



خلوني على خفيف



مااحد راح يعترض هذا حياااء طبيعي ورغبه





نصيحه لااااااا يتمااادى عليك
والله ان يخرب
بيتك مثل ماخرب بيته


:tears:






خاايفه عليك بجد





الله يستر عليكم وارجعوووا للدين وتستروااا
 
لا تقولين لزوجج لان احتمال يقول انج تتوهمين او احتمال تتخرب العلاقة مع اخوه
انا حاطة حواجز كبيرة بيني وبين اخو زوجي
يعني ما اقعد في الصالة اذا هو موجود
وما اتكلم معاه ابدا بس السلام ومن دون شخبارك بعد
ولبس ساتر طويل والبس شيلة صلاة واغطي الجزء اللي فوق كله
واذا على الطلعات مرات مع زوجي بس ومرات كل العائله وما اسمح نروح انا وزوجي واخوه


والله مرتاحه من هذي الناحيه وااااااااايد
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل