اخ زوجي...الحمو الموت

زهور النرجس قال:
لا يعمري هذا الشيطان بكبره

ابعدي

اهل ريلج بعد حاسين

عيل شنو نظرتهم لج

اخاف يسيؤن الظن فيج

لآنهم راح يوقفون بصف ولدهم لو لا قدر الله صار شي

انصحي امه ان تزوجه وبأسرع وقت حتى لو انك انتي تدورينه العروس

ينفسك

الله يحميك من الشر
أنقر للتوسيع...

والله معاج حق اختي ,,

اهم شي تقعدين ويا ام ريلج وتكلينها وتدورون له على عروس وبيني له انج مثل اخته ولا تضحكين وتسولفين معاه وبعد الاحسن والافضل اتكلمين ريلج انه يشوف لكم بيت لانه صار فيه واحد غير محرم لج في البيت وما ترومين كل اشوية حاطه الشيله والعبايه تبين تاخذين راحتج بالبيت .. وما انصحج تكلمين ريلج عن اخوه حرام يمكن تفرقين بينهم . انتي ابتعدي ولا تقارنين ريلج بأخوه وهذا يسوي وريلج ما يسوي ترى الشيطان شاطر .. وريلج واثق فيج وخليج على قد الثقه ..
 
شـغـف قال:
السلام عليكم ورحمة الله وبركاته

الموضوع اختي خطير وجدي .. حاسبي على نفسج.. واتخذي احتياطات قوية.. ياما سمعنا عن حالات اغتصاب من اخوان الزوج! وعقب يهدد يخبر عليج ريلج أو اهلج عشان تطاوعينه!

تفكرين في ردة فعل ريلج؟؟؟؟؟؟؟؟؟؟؟؟؟؟؟؟

لا غاليتي... اهم شي انتي.. افرضي ريلج ما يغار؟؟ خلاص ترضين بهالتصرفات؟؟؟؟؟؟

تقولين أم ريلج وخواته حاسين بهالشي! تتوقعين بيلومون ولدهم ولا بيلومونج انتي؟

بيقولون هي اللي تسويله حركات..

لانهم لو حاسين ان العيب منه.. جان من زمان رايغينه من البيت..

لكن نظرتهم لج هي اللي بادية تتاثر وتتغير.. انتبهي على عمرج..

حتى لو سالوه.. بيقول هي اللي تسويلي حركات.. وبتخسرين سمعتج قبل كل شي..


هالاشكال تلزمها الشدة.. والقوة..


يعني يشوفج ساكتة وهو كل شوية يدق ايدج يوم يشل بنتج.. بالله عليج.. شو تتوقعينه يفكر في هذيج اللحظة؟؟؟

يقول هاذي سهلة.. وعادي كل شي عندها.. واللي ياي بيكون أشد..


لا... حرجي.. وقوليله حاسب لو سمحت.. أو حطي بنتج على الكرسي قبل ما ياخذها..

لا تتواجدين في أماكن تواجده ألا نادرا..

لا تشاركينهم السفرة.. واذا ريلج قالج ليش ولا شي.. قوليله ابوي عرف وما عيبه الوضع.. وبصراحة معاه حق..

تزوجنا على اساس ماشي رياييل في البيت.. اخوك وهلك على عيني وراسي.. بس احتاج اخذ راحتي في بيتي.. أفضل ننتقل لبيت خاص فينا..

اللبس والمكياج وايد مهمين..

المفروض تلبسين جدامه عباه.. هو شخص غريب حتى لو اخو ريلج..

وتتحاشين اليلسة معاه..

لا تحطين مكياج في البيت.. حطي بس في غرفتج..

انتبهي تظهر ريولج جدامه..

لا تتكلمين جدامه الا رد على سؤال.. ويوم ما بيكون موجود.. يلسي مع خوات ريلج وامه.. عشان ما يقولون تغيرت علينا.. لكن يوم بيدخل هو.. دقايق وادخلي غرفتج.. تحججي باي شي.. قولي بسير ابدل للصغيرة..

لا تقولين لا لازم ايلس وياهم... اقولج الزم ما على الواحد دينه وسمعته..

ابتعدي عنه ابتعدي عنه ابتعدي عنه...




وفي شيين مهمين بعد..

اقفلي باب غرفتج بالمفتاح دايما.. واي مفتاح احتياطي.. لازم يكون معاج..

لا تحسسين ريلج بشي.. ترا طبيعي بيدور ويا اخوه مب وياج.. اذا قالج ليش تقفلين باب الغرفة.. قوليله كنت ابدل وقفلته ونسيت افتحه.. أو لابسة لبس خفيف.. استحي ينفتح الباب علي وانا جيه.. كل مرة عذر لين ما يوقف يسال..

سوي لج هالة.. حسسي ريلج ان لج خصوصية تبين تعشينها.. ورغبتج هاذي لازم يحترمها.. وتخلينه يشوفها ويحس فيها.. بكل نعومة وانوثة طالبي بها.. بدون ضرابة وصريخ..


والشي الثاني.. حطي (سكين) في غرفتج تحسبا لاي حركة منه..

واذا فكر يتجاوز حدوده هدديه فيها.. وسمعيه كلام في العظم.. وضروري ضروري تسجلين له صوت او صورة

لان بعد تهديدج يمكن يحاول يقلب الموضوع ويقول هي تراودني عن نفسي..


لا تستهينين في الموضوع.. ولو تقدرين تحسسين اهلج انج متضايقة من وجود اخو ريلج في البيت (الحين لا تقولين لهم عن حركاته).. وتحسين انهم بيهتمون في الموضوع.. وبيكلمون ريلج يدبر لج بيت منفصل.. بيكون راي حكيم وسديد..

بس اهم شي يكلمون ريلج من ناحية شرعية.. وبهدوء..ويقولون له احنا ما نرضى تكون بنتنا مع حد يحرم عليها..




واخيرا اقولج.. تصرفي من هاللحظة.. لا تستهينين في الموضوع..


ربي يوفقج لكل خير..
أنقر للتوسيع...


كلامها عيييين العقل والامور هاذي ماينفع معها
إلا الشدة:icon30::icon30::icon30:
 
كوني جاااااااااادة معاه لاتكلميه غير لو شي ضرووووووووري وابعدي عنو ولا تفكري تكلمي زوجك لانو حتخربي حياتك وتخربي علاقة زوجك واخوه ولوتقدري تكلمي زوجك تطلعو بيت لوحدكم يكون احسن وزي ما قالت الاخت دوريله على عروس والله يوفقك.
 
اتحاااااااااااشيه نهائيا ولا كأنو موجود وطنشيه مكانو اثر فيكي تصرفاته
وابتعدي عن المواجهه الين مايكون معك ادله قووويه :detective2:
بس تروحين تقولين لزوجك وانتي مامعك ادله اخاف تنقلب السالفه عليك :shutup:
وتروحين فيها:icon1366: اخاف عليك ياقلبي ولا تنسين تتقربين لله :icon1366:
ومو تقولين امه واخواته حاسين حاولي تلمحين لوحده منهم بس تكونين واثقه فيها :sly:
ولا تواجهين الا اذا كان معك ادله قووووووووويه وتقدرين توقفينه عند حده:icon28:
وتكبرين في عين زوجك لو صار شي من صالحك :cupidarrow:
والله يستر عليك وعلي وعلى بنات المسلمين اجمعين
ويوفقك ويسهل امرك وينصرك ويفرح نظرتك يارب
:clap:ش​
 
أختي الحبيبة:

إذا مر بك أمراً وجاءتك ضائقة وتكدر صفو عيشك ، قبل أن تتوجهى إلى أي إنسان توجهى إلى الله فهو من يملك كشف همك وتفريج كربك وجلاء حزنكِ وغمكِ ..
حبيبتي :
اذا امكن ارسال له رسائل تذكره بالله والخوف منه برقم جوال لا يعرفة هو ولا من حولك ولا تستخدميه للاتصال فقط للرسائل حتى ينشغل عنك ويخاف لانه لا يعرف من الذي مكتشف امره فيكون في حيرة من امره هل الذي يرسل اخيه او اخته وعسى ان تكون الرسالة له دليل لطريق الخير واذا انتهت مهمة الرسائل ارمي بهذا الرقم
 
مشكورين كل اللي ردوا علي

ربي يخليكم لي واسعدتني دعواتكم الحلوة لي

بديت اسلوب الشدة والتطنيش واليلسة ف غرفتي معظم الوقت
ولما اكون معاهم احط فرش لبنتي واحط العابها عندها وما اخليها ف حضني
وتصدقون انه مووووووووول ما يشيلها الحين من حطيتها تحت

ولو تشوفونه كيف بتحايل على ريلي انه نطلع مع بعض..والله كل يوم يقترح عليه اماكن ويتم يحاول معاه كذا مرة بس لان ريلي كان تعبان هالفترة فيرفض الطلعات ولله الحمد

والله يبين عليه متحرقص ويدور اي طريقة عسب انتم مع بعض

لما اسمع صوت خطواته او صوته جريب من غرفتي اموت من الخرعة حتى وانا قافلة الباب
دووووم احسه انه بيدق الباب علي

استوى فيني وسواس :(
 
هذي مشكلة اللي تقعد بيت اهل ريلها حاولي تقنعين ريلج انكم تطلعون ببيت ثاني بدون ذكر اسباب..

حاولي تتجنبين الموضوع وعامليه بجفاف لاتعطينه ويه عشان عل وعسى يستحي على دمه..

واذا زادت الامور خبري ام زوجج وبيني لها ضيقج من هالشي..
 
مااعتقد انه للآن سوى شي يدل على نية سيئه!

يمكن اهو يحترمك ...لا أكثر

موفقة
 
اطلعي من البيت او حاولي حطي لك تلفزيون في غرفتك ولا تنزلين منها حتى اكلك خذيه لغرفتك كذا حماك يحس انه ضايقك ويخفف شوي من تصرفاته
 
حبيبتي لاتعلمين زوجك ولاشي علمي وحده من اخواته ويوقفونه عند حده والا قوليلهم ابعلم زوجي وممكن يصير مشاكل مع اخوه فلذلك ابغاكم انتم تحلون الموضوع
 
المقهورة قال:
مشكورين كل اللي ردوا علي
أنقر للتوسيع...
المقهورة قال:

ربي يخليكم لي واسعدتني دعواتكم الحلوة لي

بديت اسلوب الشدة والتطنيش واليلسة ف غرفتي معظم الوقت
ولما اكون معاهم احط فرش لبنتي واحط العابها عندها وما اخليها ف حضني
وتصدقون انه مووووووووول ما يشيلها الحين من حطيتها تحت

ولو تشوفونه كيف بتحايل على ريلي انه نطلع مع بعض..والله كل يوم يقترح عليه اماكن ويتم يحاول معاه كذا مرة بس لان ريلي كان تعبان هالفترة فيرفض الطلعات ولله الحمد

والله يبين عليه متحرقص ويدور اي طريقة عسب انتم مع بعض

لما اسمع صوت خطواته او صوته جريب من غرفتي اموت من الخرعة حتى وانا قافلة الباب
دووووم احسه انه بيدق الباب علي

استوى فيني وسواس :(
أنقر للتوسيع...




الحمدلله رب العالمين.. ما شاء الله عليج.. قواج الله..

وحتى لو ريلج قالج خلينا نطلع ويا أخويه.. ارفضي بأدب ولباقة.. وقولي له خذو راحتكم.. مالي خاطر طلعة اليوم..

أو أبا أطلع وياك روحك :(

أو أنتي اقترحي عليه أماكن وطلعات..

جربي برج الحمام - شارع جميرا.. :)


المهم ما تطلعين مووووووووول ويا أخوه..

الله يوفقج ويحفظج ويصرف كيده وشره عنج..
 
الله يعينك اختي ويصرفه شره عنك
الدنيا ماعاد فيها خير اعوذبالله دنيا تخوف استغفرالله العظيم
انتي اول شي راقبي الله حبيبتي بلبسك وكلامك وحشمتك
ثاني شي ادعي ربي يصرفه عنك
وافتحي معاه مواضيع قدام اهله ليه مادور عروس ليه ماتتزوج ومن هاالكلام شوفي اش رده فعله
وبعدين اقترحي له عروس ولاهله عسي ينشغل بزواجه ويبعد عنك
وبعدين تحاشي الجلسه معاه قد ماتقدرين
وربي يستر عليك
 
شي حلو اللي سويتيه
اهم شي تكون لك ردة فعل قوية وماتستكتين له اذا سوا لك اي حركة لان سكوتك عليه يعني عنده ان هذا شي عادي عندك وراح يتمادى اكثر واكثر
وانتبهي تتساهلين في الكلام معاه اذا جيتي تتلكمين معه جواب ورد غطاه لا تسولفين كثير وتمزحين حتى لو مو معه قدامه لان هالشي راح يخلي فيه ميانه بنكم ويتجرأ عليك
 
السلام عليكم اختي اسال الله ان يحفظنا واياك من كل سوء
طبعا نصائح الاخوات كلها رائعة وفي محلها
وبالذات نصائح شغف ماشاء الله لا قوة الا بالله
لكن بالنسبة لاخبار زوجك انا ارى انك تحسسيه لكن بشكل غير مباشر
عشان لو لا قدر الله حصلت اي مشكلة يكون هو في الصوورة وميظنش انك موافقة
او راضية بتصرفات اخوه
مثلا انك تحكيله قصص عن مشاكل حصلت وتطورت من هذا النوع بين الاخ وزوجة اخوه لكن طبعا يكون الغلط فيها من الاخ
او انه يدخل عليك في يوم وتكوني مضايقة ولما يسالك ايه السبب قوليله ان ايد اخوه بتخبط في ايدك لما يشيل البنت وانك بتضايقي خصوصا ان الموقف تكرر
وقوليله انك بداتي تفرشي على الارض للبنت وتضعيها لكن خايفة اخوه واهله يفهمو الموضوع غلط واذا سالك بعد كده قوليله بطل يشيلها اصلا
يعني اديله اشارة وطبعا لا تاكلي معهم على سفرة واحدة من اليوم وصاعدا واذا سالك
قوليله انك بتضايقي من جلوس اخوه معكم وبالذات بجوارك
وانك كنت مستحملة من اجله لكن الان خلاص
يعني حاولي تلفتي نظره وتخوفيه
لكن طبعا بدون تشكيك في اخوه يعني قوليله انه اكيد لا يقصد ويتصرف بسوء نية
ولكن انت لا تستحملين الوضع
ولا تجلسي ابدا ابدا في مكان هو موجودفيه سواء وحده او مع اي احد
طبعا تهل زوجك ممكن يعترضوا في البداية على سبل المجاملة او ربما ليختبروك
لكن اصري على موقفك وحتى هم سيحترموك في النهاية
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل