اختي تشرب جقارة !!!!!!!!!!!!!!!!!!!!

  • بادئ الموضوع بادئ الموضوع حب وشقى
  • تاريخ البدء تاريخ البدء
ح

حب وشقى

New member
إنضم
2009/11/05
المشاركات
36
مرحبا يا عضوااااااات هذا المنتدى

هذي اولى مواضيعي وهي مشكلة كبييييييييرة اواجهها بنفسي :sadwalk:

وقاعدة ادور لها حل.. ووالله العظيم تعبت من التفكير وشعري صار يحت واااايد بسببها :sad_1:

يوم الخميس اللي فات كنت طالعه مع اختي ومع 2 من بنات عمي نتغدى في مطعم

وبعد ماكملنا قررنا نروح كوفي شوب بعد حنه وطحنه من بنت عمي

يوم وصلنا وقعدنا وطلبنا العصير وكنا في قسم العوائل.. والا اختي الصغير اللي عمرها 20 سنه كانت تدور على شي في شنطتها وتقول لنا انا عندي سر محد يعرفه عني

وانا كنت اتسائل شو هالسر اللي مااعرفه عنها
والا هي امطلعه بكس جقااااير من النوع الصغير الضعيف (( للحريم)) على مااظن

وطلعت ولاعة من جيبها الخلفي للجينز وجت بتولعها.. وانا من الصدمة اللي فيني كنت بقوم اضربها كف على وجهها :icon28:

لانها بكل جرأة وقواية عييييييين تطلع الجقارة وتبغي تولعها قدامي
للعلم اني اكبر منها بـ 3 سنوات

ومن صدمتني منها ظليت اسألها من وين ؟؟ وشلون؟؟ ومتى؟؟ وليش؟؟

وعلى طول ناظرت بنات عمي الثنتين اسألهم

والا وحده منهم تقولي: لالا انا ماعرف .. توني اعرف هالشي..
مع ان ردة فعل بنت عمي ما اوحت لي انها متفاجأة وتوها تعرف
يعني ردة فعلها كأنها تدري من زمان بس ماقالت شي :S

وانا عصبت بجد وصرخت بوجهها وقلت لها نزلي الجقارة وضبي اغراضج نطلع من اهني

لكن مارضت نطلع وقالت خلينا نتفاهم
وظليت انصحها وانا معصبة ومصدوووووووووومة حدي والله

والله يعلم اي كثر استحقرتها وكرهتها

وقلت لها ان امي وابوي ما ربونا تربية فاشلة علشان تطلعين جي
الا تقولي وبكل وقااااااااحة: عادي مافيها شي اني اشرب جقااااارة :icon28:

وسألتها وين تشربينها؟؟
وردت علي بكل ثقة.. فوق سطح البيت او ساعات في الحديقة الخارجية للبيت
واغلب الاحيان في الجامعه :S:S:
واااااااااا خزيتاااااااه .. يعني جدام الناس

وحاولت انصحها بأكثر من طريقة
لان لو امي وابوي عرفوا عن موضوعها

ممكن انها تسبب سكته قلبية للوالد او الوالدة
واحنا ماتربينا الا على هالشكل ان كل وحدة تكون فاااالته
ومحد من بيتنا يشرب جقارة

وكلما اكلمها تقولي انتي مايدخلك.. يعني حتى احترامها لي معدوووم
وصارت قليلة ادب في التصرف معاي ولا كأني اختها الكبيرة ولا شي

والحين صار لي 3 ايام افكر في موضوعها
وانا عندي اخ اكبر مني عمره 28 سنه
لو قلت له عنها راح يضربها ضرب
وبالتأكيد راح توصل السالفة الى الوالدة عالاقل وراح يحرمونها من كل شي تحبه
وحتى الجامعه ماراح يخلونها تداوم يمكن !!!!!!!!!!

وانا على وجه خطوبة.. وراح اتفشل اذا عرف مخطوبي عن موضوعها
ويمكن يغلي الخطبة مني بسببها وانا قلت لها هالشي .. تقولي بالطقاق اللي يطقج انتي وياه :|
وحاولت اخليها تفكر بنفسها لو جاها ولد الحلال وعرف عنها هالشي وش بيكون ردة فعله.. تقولي عادي مايدخلج انتي :S

صرت اكرهها واستحقرها وصرت مااعتبرها اختي

تعبت من كثر ماادور على حل برووووحي
يا أهل الخير ساعدوووني تكفوووووووووووون :tears:
 
ماتسكتين طبعا
لازم تعلمي اخوك وهو يتصرف
خليه يضربها بس مايعلم ابوك او امك
 
اختي الغالية انسه طفشانه

مااقدر اعلم اخوي لان اذا ضربها راح تنفضح عند الوالد والوالدة اكييييد


(( تم نقل الموضوع الى قسم استشارات ام منصور ))
http://www.niswh.com/vb/showthread.php?t=189842

وعطوني بعض الاقتراحات ومنها رسالة اكتبها الى اختي

وانا الحين كتبت لها الرسالة من شوي وخليتها على سريرها
علشان وقت ماتركب الحجرة تقرأها واكون انا نايمة

وان شاءالله خير
 
هلا عزيزتي..
أختك من النوع الذي يحب لفت الانتباه... فكلامها واستهتارها...واخبارها لك عن تدخينها... يدل على هذا الشئ

هذا النوع من الفتيات..لا تصادمينه...
لا تبينين لها اهتمامك وغضبك..واستحقارك..
خليك عادي امامها...
قولي لها : والله هذي صحتك وكيفك !! والله الناس بتتكلم عنك انتي.. !! انا وش دخلني !!
اظهري لها..ان ماتفعله.. لا يأثر في احد ابدآ سواها...وانك غير مكترثه لها...


خبريني وش يصير معك..
 
اختك اكيد مو لاقيه اهتمام وحنان عشان كذا لجئت للسيجاره
انا اعرف وحده تطلع فوق السطوح وتجلس تدخن تقول لانها ماهي لاقيه اهتمام وحنان
وان امها وابوها دايما يتهاوشون تقول عشان اذا عرفو وانصدمو اقولهم انتو السبب
 
السهم الجريح

انا طرحت الموضوع في هالقسم وبعدين طرحته في قسم ثاني لان اول مرة اشارك في المنتدى ومااعرف الاقسام.. المهم مو هذا كلامي

في القسم الثاني حطيت نفس الموضوع وفي وحدة من البنات الله يخليها عطتني حل وفكرة حلوة

وهي اني اتب رسالة لاختي اوضح لها كل شي فيها وبالذات اني اهتم لها واحبها وغيره من هالامور

وانا البارحة كتبت الرسالة لها وفي نهايتها قلت لها تسلمني بكس السجاير علشان اساعدها على تخطي هالمحنة من غير علم احد

لكنها اليوم طنشتني ولا عطتني وجه ولا شي.. ولا حتى ماجابت الطاري.. ومادري وين رمت الرسالة والله

والمشكلة دخلت المنتدى لقيت ان موضوعي تسكر في ذام القسم مادري ليش :S:S

مع اني للحين ماتوصلت للحل اللي يخليها تقتنع والله





انا والقمر اصحاب: هي مو لاقية حنان على قولتها اختي.. لان هي اللي متصد عن امي وابوي وماتعطيهم فرصة للكلام
يعني البنت صارت متمردة.. وامي وابوي ماعمرهم تهاوشوا جدامنا
وكله يحسسونا بالحب والحنان.. والحمدالله مامقصرين علينا في شي والشكر لله
ساعات اقول ان هذا من الدلال الزايد سوت جي

لكني مادري شو المشكلة فيها بالضبط :S:S:S
 
قولي لأخووووك هو يتصرف معاها وخليه يآخذها بعيد عن اهلك ويتفاهم معاها ويفهمها اذااهلك عرفوا وش راح يسير لها من حرمان عشان كذا تتعدل احسن لا تسكتين ابدا ابدا واذا صدق تخافين عليهاانهي السالفة بأقرب وقت وقولي لأخوك لأن السيقارة هي اول طريق الضياع الله يهديها ويردها لك ولنفسها ويبعد عنك ما يضرك ويتمم خطبتك وزواجك على خير يارب
 
قولي لأخووك ضرووري بس فهميه ما يعصب ولا يضرب ولا يقول للوالد ولا للواالده

الله يعينك ياارب ويهديهاا
 
والله شكل اختك من النوع اللي يجي بالقوه.......... واذا ماوقفتيها على سيجارة ممكن بعدين تتمادى باشياء اكبر ..

انا ماودي اخوفك بس هي مو صغيره علشان تعرف الصح والغلط .......احسن حل علمي اخوك وخليه يتصرف على كيفه....
 
حبيبتي
اختك 20سنه
ما زالت مراهقه
و تصرفاتها
تمرد...اثبات وجود...اللامبالاه
تأكد كلامي
طيب


المطلوب ياقمر
تغيري سياستك معها
خليك حازمه بس لينه
مو تعصبي

لالالالالا
وضحي لها ان لكل شيء حد
ولكن
تجاوز الحدود رح يخليني اخذ موقف معك
ورح تندمي​

سيبي هالبلاء
ولا رح اتصرف
خبريها كل النعم اللي عندك حالياً
رح تفقديها عشان شيء ما يسوى
انا بسيبك
فتره تراجعي نفسك
وتعرفي خطائك ​

وبعدها
والله ثم والله
رح اتصرف تصرف ثاني
مارح تعرفي مين انا​


اختك
حاطه رجلها وايدها
في مويه بارد
ويمكن تهاونك معها وخوفك من
خطيبك
يخليها تكابر وكأنها بتلوي ضارع
خبريها
ما همني لا خطيب
بقد ما انتي تقترفي محرم
وبقد ما انت تغضبي ماما وبابا
وبقد سمعتك سمعتنا
كلنا
والانسان ماله الا الذكر الزين​


توكلي على الله
حبيبتي
واعزمي النيه
اذا مانفع معها كلمي اخوك بكل هدوء
وخذي وعد منه قبل كل شيء
انه ما يمد ايده ويتصرف بحكمه
ضروري تاخذو موقف
لأن
ما امن العقاب اساء الادب​

الله يهدي اختك
ويرزقك الصبر والحكمه
ويحفظكم من كل سوء​
 
كيفك ...الله يعينك على ماابتلاك...
اختك شكلها من النوع المتمرد والي يحب الضهور والبروز..
لاكن وشلون تطلع بالسطوح وتدخن فينكم عنها ...معليش يالقلبي اذا قسيت عليك بالكلام بس شلون تطلع وتدخن ماتفقدونها وتحسزن بغيبتها في البيت بعدين انتي قبل ماتكتشفين سوات اختك كنتي تقعدين وتسولفين معها..او كنتي قريبه منها شكلها مو من النوع الي يعبر عن مشاعره ..يمكن هي خافت انها تفقدك بعد ماانخطبتي وكانت هذي ردت فعلها اما عن ردودها الى مافيها اي احترام اعتقد انها كلامات تحاول فيها اخفاء ضعفها وحزنها...ادخلي عليها بالغرفه ضميها الى صدرك اخبريها بخوفك عليها اكثر من اي شي بالعالم ركزي نضراتك نحوها ..يمكن في البدايه راح تستغرب محاولتك لضمها..وتبدي مقاومتها...ولاكن كوني انتي سيدة هذا الموقف...اخبرها ان صحتها سوف تنهار وقبل ذالك حياتها بمجرد معرفت اهلكي لفعلتها اخبرها انكي تحبينها وسوف تقومين بواجبك تجهها حتى لو تطلب الامر ان تخبري ابويكما..ومن جهه فان ماتقوب به شي محرم وهوينافي ماهي عليه فهي مسلمه واسلمها يلزمها بلاستسلام لله وطاعته .. ولتتأمل .قوله تعالى: { ولا تلقوا بأيديكم إلى التهلكة } (البقرة:195)
اعتقد وبشده انها لم تستطع تتحمل فكرت زواجك فرأت بالسيجاره سلوة لها لانها عاجزه عن التعبير عن شعورها تجاهك...اذا شعرتي ان جميع الحلول قد استنفذت فما عليكي الى اخبار اخيكي ...
الله يكون بعونك وتكون هذي سحابة صيف مثل مايقولون وتعدي والله يهدي اختك..
 
اشكركم على مساعداتكم الطيبة حبيباتي

لكن افهموووووني .. والله مااقدر اقوووول لاخووووووووي

لاني اعرف انه بيضربها ضررررب.. ومنها الوالد والوالدة بيعرفون السبب

اخوي ماعنده اسلووووووووب تفاااهم للاسف

اسلوبه هو الضرب والله.. انا انضربت منه قبل على شي تاااااااافه جداً ومايسوى والله

فما بالكم اختي اللي مسويه شي كبييييييير؟؟؟؟ بيذبحها او بيسوي فيها عااااهة والله

من شوي جلست معاها وكلمتها وقلت لها كل شي يحسسها بالطمئنينة

وسألتها متى راح تقطعين التدخين؟؟؟

قالت انا صار لي من زمان احاول اقطعها... والحين انا اخففها وماادخن مثل اول

من ناحيتي يا بنات تطمن قلبي.. لكن من ناحية ثانية خااايفة انها ماتصدق بقولها

وتقول هالكلام بس علشان تسكتني وتمشي اللعب علي

وانا قلت لها ماابي السالفة تكبر اكثر من جذي.. واذا استدعت الحاجة راح ابلغ الوالدة

وكل اللي ردته علي قالت: راح اقطعها لا تخافين

حاولت اتقرب منها واضمها لصدري.. لكنها صدتني وبعدت عني
وذكرتها اني احبها واخاف عليها

وحسيت انها تأثرت من كلامي وحست اني خايفة عليها.. والله العالم

وعن موضوع خطوبتي.. هي كانت تدخن من قبل لا اي احد يتقدم لي

قالت لي انها كانت تدخن من 3 سنوات تقريباً ومحد كان داري فيها
فما اظن ان هذا كان وقت انها تقولي عن موضوعها بالتدخين بسبب فقدانها لي

بس لاني صدتها واكتشفتها .. وقبل مانطلع نتغدى للمطعم ماكانت تبغاني اروح معاهم على اساس تدخن على راحتها الظاهر

ماابي اظن فيها السوء.. ان بعض الظن اثم .. لكن ذاك اليوم فضحت روحها بروحها
وشالت النوووم من عيني والله وانا افكر في حل لهالمصيبة الكبيرة

ادعووو لها يا بنات عشان الله يهديها واحاول اقنعها شوي شوي وبالكلمة الطيبة لين تقلع عن التدخين


(((( صرت مااحسها انثى.. صرت اشوفها صبي بنظري على تصرفاتها ))
 
حبيبتى هذا الموضوع لا يحل بالعنف كلميها كأخت تحب اختها وتخاف عليها وحظريها من اضرارها وانها غير نافعة والرجال بدأوا يتركوها ليس مثلما تقولى ان خطيبك سيتركك اذا علم.
هى تريد تحس بأهميتها عندك .
وعسى الله يهديها قريبا
 
كيفك ياحب وشقي...
عساك على القوه والله يهدي اختك ويريح بالك...وزين انا عرفنا انو اتدخين بادي معها من زمان يعني من قبل ما تنخطبين...
اذا هي وعدتك..قوليلها انا واثقه منك وراح اصدقك لاني اثق فيك اذا بغيتي اي مساعده راح تلاقيني موجوده وانتي اختي وحبيبتي وصحتك عندي بالدنياء كلها ...وحاولي تكونين معها اغلب الوقت ... الله يعينك عارفه والله انك على وجه زواج ومو ناقصه بس الحمد لله على كل حال..لاتخلينها بروحها اقعدي معها خليها تساعدك وتجهزك للعرس...

ادخلي الغرفه عليها واقعدي وسولفي معها خليها تحس انو مافي احد بالكون اقرب لها منك...
ارسلي على اميلها صور اضرار التدخين...خليها تشوف ..جربي تقعدين معها وتسلوفون عن ايام زمان ايام الطفوه سوي بارتي بجامه (يعني حفلت النوم).....يمكن يكون كلامي سخيف او تحسون انوه مالوه معنى ..لاكن هذي الطرق العمليه لكسر الحواجز ومعرفت دواخل النفس ..سوي معها تمرين الصراحه خذي ورقه وقلم وخيها تكتب اكثر شي المها منك..او شافت شي او بخاطرها شي ومو قادره تقوله لك..وانتي نفس الشي وبمجرد ماينتهي التمرين وكل واحد قال الي بخاطره ..يرجع الوضع طبيعي وان شاء الله الى الافضل ..واكيد عندك خلفيه عن هذا التمرين لان دكتر فيل عملها مع ضيوفه وابرا عملتها مع طلاب المدارس وكانت النتائج اجابيه..وانا عملتها مع بنت عمي والحمد لله كل الرسميات الي بينا انتهت..لاتتهونين بتركيز العينين وانتي تتحدثين معها وحاولي الامساك بيدها..اعرفي السبب الذي دفها لتقوم بهذا الفعل الغير مسؤل..وكما قلت حاولي ضمها الى صدرك ..
...وانتي قلتي كلمه انو تحسي تصرفتها مثل العيال ..حاولي تكوني قريبه منها انتقديها بحب مثلا قوليلها ياقلبي البنت مو كذا تتكلم مثلا او اي تصرف انتي تحسيه غلط..اذا قالتلك شي قوليلها انتي اختي وحبيبتي وابغاك تكوني احسن وحده اذا انا ماأنتقدتك وعلمتك مين الى بقولك ...وترى مالى غيرك ...وصدقيني بعد فتره راح تحس بأهتمامك ويمكن تجيك ندمانه تساعديها ...وأسأل الله العلي العضيم رب العرش الكريم ان يهديها ويصلحها ويفرحك فيها قولي امين ...ولكي مني دعوه صادقه في ظهر الغيب..
 
عروس البحر:
انا ماهمني طالب يدي في هالوقت كثر ماتهمني اختي
فحتى لو راح ومابغاني بتفهم الوضع عادي وفي غيره مليووون

بس الفترة هذي كل تركيزي على اختي علشان تقلع عن التدخين


انكسار الامل:
شكراً لج حبيبتي على وقفتج ونصايحج المفيدة
وبصراحة انا واختي ننام في غرفة وحده..
لكن كل وحده بروحها ومحد له شغل بالثاني
وانا معطم وقتي اقضيه في الغرفة يا بالدراسة والمذاكرة او بالنت
وهي يا تكون نايمة للظهر او تشاهد التلفزيون
ومافي اي سوالف بيننا.. لان كلما افتح لها موضوع حتى لو سوالف عادية تقوم تصرخ وتتنرفز مادري على شنو
ومزاجها مايكون رايق بالمرررررة..
من جذي اقول لكم ان احترامها لي قل وااااااايد.. وحتى احترامها لامي وابوي .. ترادد في الكلام وتتمرد وساعات تكسر كلمتهم من غير مايدرون :S:S:S

فهذا الشي يعور قلبي اني اشوفها تضيع روحها وهي عندها احسن واغلى وافضل الاشياء اللي اي احد ثاني ممكن يتمناها

راح اعمل على نصيحتج خيتووو وراح اسوي بيجاما بارتي ونلعب لعبة الصراحة (( شفتها في برنامج دكتور فيل ))
وصح انها لعبة مفيدة تكسر الحواجز بيننا
وان شاءالله ترضا انها تلعبها معاي واتمكن من اقناعها بأسرع وقت ممكن ^_^


اشكركم حبيباتي .. والله ريحتوني بحلولكم الحلوة
والحمدالله اني لقيت هالمنتدى والاخوات الطيبات اللي قدروا يوقفون معاي ويخففون علي هالمحنة

الله يجازيكم ألف خير ان شاءالله.. ويهدي من تريدون ويسخر لكم من تريدون يالله
 
قولي لها بعلم كل اهلك عنك , والي بيصير يصير ..
اذا جاء لأمك وابوك شي انتي السبب << تكلمي معاها كذا

وانتي فتشي اغراضها دايم وراقبيها كويس اول بأول ولا تغيب عينك عنها
وبيني لها انه ماعندك مشكله انك تفضحيها ولا بتهمك ابد

وبتخاف منك وبتبطل ان شاءالله
 
السلام عليكم
شخبارك وبشريني اش صار معك...
سبحان الله موضوعك بقوه شدني يمكن علشان غريبه بنت متربيه وسنعه وتمارس هذه العاده تصدقين احنى هذا الشي في جماعتنا محرم ومايزوجون الشاب الى يدخن بنتهم وفيه واحد طرد ولده من البيت لما عرف انه يدخن...وشوفيه مارده للبيت حتى حلفله انه تاب ومراح يرجع...حسيت فيك وبصدمتك بأختك الله يصبر قلبك ..
بس حبيت انبهك على شغله>>>>>>>>ياكثر حكيها:fish:
اختك راح تلاحظ اهتمامك الزايد وخوفك عليها ..وراح تقول بينها وبين نفسها هي مادرت عني الى يوم عرفت اني ادخن قامت تتهتم فيني ......
الخوف انها كل ماحست بقلت اهتمامكم بتسوي شي علشان تلفت الانتباه..وانتي قلتي انو اهلك مو مقصرين معكم وهي ما تعطي احد فرصه..
يعني الله يعينك طولي بالك معها..وذا صار بينكم كلام قوليلها انتي اختي ومالي غيرك عادي يصير بينا خلاف في كل شي بس مو عادي اخسرك..انا مو قادره استوعب الى سوتيه علشان كذا انا قاعده اتكلم معك لان كل شي يهون ولا اني اخسر اختي حبيبتي..>>>>>>>>>>>> دخلت جو مع الدور:blow:
يعني حتى بعد ماتنحل المشكله ان شاء الله كوني معها ولا تخلينها لوحدها وحسسيها بأهميتها عندك
والله يهديها ويصلحها ويالغلا طمنيني ..وش صارمعك
 
همس العذارى:
مايفيد معاها صدقيني.. التهديد مو حل لها لانها ماتخاف
البنت مو راضية تعتدل وتمشي في الطريق المستقيم.. ابليس فوق راسها مادري شلوووون

انكسار الامل:
عزيزتي.. احس انج انتي الوحيدة اللي فاهمتني عدل وتعطيني بصيص من الامل علشان الله يهديها وارجعها للطريق الصح
البارحة ماقدرت ادخل عالمنتدى لاني كنت متضايقة حديييييييي
لاني سمعت خبر جداً محرج لي على اختي
وعلشان افهمج شو هو الخبر بقولج طبيعة شغلي

انا اشتغل في حلبة البحرين لسباق السيارات
وطبيعة شغلي مع الشباب والشابات كلنا كـ قروب جماعي نتعاون وقلوبنا ويدنا وحدة
وانا دخلت اختي تشتغل معانه السنه اللي طافت لكني خليتها بعيد عني في ايدي امينه
علشان ماتتدلع علي وتشاغبني وقت شغلي هناك

والحين تاريخ 20/11 عندي سباق ماراثون وطالبيني فيه اغطيه مع الشباب
ولكن قالوا لي لا تجيبين اختج معاج .. لاننا مانبيها
وانا استغربت .. والرجال ثقة ولو ماكان يخاف علي وعلى سمعتي ان كان ماخبرني بالصدمة
وقالي انها كانت تدخن في الحلبة يوم سباق الفورملا 1 مع الشباب
وفي ذاك الوقت اتصل فيني واحد من الشباب يقولي ان اختج فالته مع الشباب شوي.. واحنا خايفين عليج وعليها من كلام الناس.. فكلميها.. لكن يابناات والله ثم والله ماكنت ادري انه يقصد انها تدخن سيجارة
كنت احسبه يقصد انها تمزح مع الشباب وايد

وانا ماقدرت استحمل الخبر وحسيت روحي مخنوقة من الكلام اللي سمعته لانه جا من رجال.. مو من بنت
وتفشلت وانحرجت منه وماعرفت شرد عليه لكني صرت اغلي من داخلي.. فرحت وقلت لأمي وامي

وامي من صدمتها عصبت حدها بس قلت لها تخلي الموضوع بيني وبينها وماتكلمها على اساس احل الموضوع بنفسي
لكن الخبر اللي وصلني كأن كف على وجهي والاحرااااااااااج.. انصدمت انها جريئة لهالدرجة

المهم.. انا كلمتها اليوم وقلت لها يوم الماراثون مابخليج تجين معاي وظلت تسألني ليش
فقلت لها راجعي نفسج وهذا عقاب لج علشان تتوبين
وقلت لها راح احرمج من الاشياء اللي تحبينها لين ماتقطعين التدخين وبعدين يصير خير
وظلت تتحلطم وتقولي مو بكيفج.. فقلت لها اوكي اذا مو بكيفي.. بقول لامي وابوي وبدل ما انا احرمج.. هم بيحرمونج من كل شي
فسكتت ولا تكلمت.. وبكرة بقول لامي اني ماباخذها معاي للماراثون علشان تحس لروحها
لانها فشلتني..
والحين احس اني راح اتفشل اكثر ان كل الشباب اللي هناك يعرفون انها اختي ويعرفون انها تدخن .. فبيقولون الفلانة الصغيرة تدخن.. يعني اكيد اكتها العودة القدوة هي اللي علمتهااااااا :|
وااااا فشيلتاااااه
قسم بالله هالبنت بتذبحنيييييييييي والله
مالي وجه اقااابل الناااس اللي يعرفوني ويعرفونها :S:S:S:S:S

السموحة طولت يا انكسار الامل.. بس ماعندي احد افضفض له واقول له السالفة غير للي في المنتدى
ابغي اصيييييييييح بأعلى صوتي على اعلى قمة جبل من غير محد يشووووفني... كله بسببها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل