احس زوجي يكرهني !! وش الحل

[نجوم الليل7]

انا لو مكانك انفصل عنه هو مش اخر الدنيا
على اي اساس تجلسين عنده يمكن الله كاتب لك الخيرة في اجهاضك علشان تبعدي عنه
اي حب اللي تحبه على هذا الظلم منه ومن اهله
ياشيخة الموضوع واضح
الالله يعوضك احس منه
استخيري الله
ياشيخة عندك جاااارة وبعد ماعندك سبب علشان
تقعدي عنده.....
انا قلت لو كنت مكانك هذا اللي راح اسوية
:e076:
{خسي حب يسقيني مذلة}
​

 

[تؤام روحي وقلبي]

الله يكون بعونك

 

[نسيم العطر]

تسلمون خواتي ع نصايحكم

 

[lamousi]

الله يصبرك ويفرج همك​

 

[haven]

الله يفرج كربتك ان شاء الله ويسخرلك زوجك

 

[الحوراء العين]

حبيبتي انا عندي حل لاكن هل انتي تقدرين تنفذينه

الاستغفار الاستغفار في جميع احوالك وشئونك ونتي تطبخين ونتي تشتغلين في بيتك بجميع احوالك صدقيني راح تجدين ثمرته

ودايم ادعي هذا الدعاء اللهم من ارادني بسوى فشغله في نفسه ورد كيده في نحره
اللهم رد لي زوجي ردا جميلا

قولي حسبي الله لا اله الا هو عليه توكلت وهو رب العرش العظيم ان شاء الله يكفيك الله ما اهمك بضل هذا الدعاء 7 مراة صباحا ومساء

 

[عفااااري]

الله يسهل عليج

عليج بالقيام الليل والاستغفار

والله يوفقج ويردلج زوجج

 

[الحوراء العين]

ياناس اتقو الله فيما تكتبون اناسمعت حديث لاكنه لا يحضرني الان معنى الحديث انه التي تحرض امراء على زوجها هي في النار
ولاتنسوى وماقال تعالى ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )

اللهم قد بلغت اللهم فشهد

 

[احزان2010]

الله يعينك ويسخرة لك

 

[حالمه ولكن]

الصبر الصبر الصبر وتغاضي قد ماتقدري عن تصرفاته

خليك دائما نظيفه مرتبه بيتك مبخر شوفي العطور اللي بتحتوي على الفورمونات

سوي بحث في المنتدى وراح تطلع لك مواضيع عنها اقري عن نصايح ناعمه تعلمي فنون الجذب

اضغطي على نفسك هالفتره وتقربي منه بالمعامله الحسنه والابتسامه واذا حاول يستفزك بكلامه

طنشيه وروحي عنه اللين يهدى

اغلب الرجال اذا تزوج الثانيه يحاول يطفش الاولى علشان تتهاوش معاه ويكون له عذر يروح للثانيه

انتي اصبري وادعي واستغفري ولا تردي على كلامه ولا تتهاوني عن حقوقك والله يسخره لك ويرده لك ردا جميلا

 

[بشريكو]

ياعمري الله يصبرك ويفتح على قلب زوجك ويرده لك ردا جميلا ,,

بغيت اسألك هو كم له متزوج ؟؟ اذا قريب يمكن يكون طااااف فيها لانها شئ جديد

عليه ..

 

[نسيم العطر]

تسلمون خواتي
هو تزوج قبل رمضان بشهر
والحين هي حامل وطبعا انا احس انه كارهني لانها حامل
لان من حملت تغير علي مره

 

[المهاااا]

الله يعينج حاسه فيج وادري انه كلام البنات يزاهن الله خير بانج تغيرين قمصان النوم وتقولين كلام معسول صعب تطبيقه لانه انساسا مب حاس فيج تلبسين قميص نوم لواحد يطالعج بكره ولا كانج مسويه شي بالعكس تحتقرين نفسج لانج تحاولين مع يدار وحتى كلام الحب ولا كانه يسمعه .. انا ماتزوج للحينه عليه والله سبحانه يمنع على كل جوارحه يا رب من الزواج عليه او تطليقي امين يا رب لكني عايشه مع زوج كل يوم حب يديد فحياته وزوجي ما يخاف الله يرقد معاهن لو سمحن له وايد تتطور العلاقات بينهم ووايد يقربون من بعض .. طبعا البنات يطلبن الزواج وهو يتشكى باسطوانته المشروخه انا زوجتي مهملتني وماحبها بس عايش معاها عشان اولادي ووو وهن يحلمن بالزواج وهو عايش حياته.... لين الله برحمته يملل وحده او يصير اي شي يفرهم.. ومن تدخل وحده فحياته يقلب عليه ويشوف اصغر اخطائي ولا ينفع فيه قميص نوم ولا كلام حلو يجببني ويقول لي مليت من الكلام الانشائي .. واذا قعدت جنبه قالي تعبان ابعدي عني برتاح وبقدرة قادر استوي مسؤولة عن اخطاء اولادي والبشاكير والبيت والحياه.. يقول لي انتي بلا هدف ووجودج فالدنيا ماله داعي..

انا صابره لعيالي.. لكنج اهون.. انصحج بالطلاق.. عسى الله يرزقج بواحد احسن عنه.. ويعوضج خير يارب.. لكن ان قررتي تتحملين فانصحج بالصبر فالوقت لازم بيخفف من امجذابه لليديده .. يمكن مب لازم قميص نوم يديد بس لازم تكونين حلوه دوم ومرتبة دوم واهدي واصبري وادعي ربج عسى الله يفرجها يارب ..

 

[نسيم العطر]

تسلمين اختي المها ع نصايحك
احس ضايقه فيني الدنيا اليوم هو المفروض يتغدا معي
بس امس كلموه يتغدا هناك
ماعدت اتحمل احس هي واهله يدورون اي شي عشان يضايقوني
تعبت من الهم
بس مالي الا الصبر

 

[بشريكو]

ياقلبي انتي احسني الظن بالله واضحكي للدنيا تضحك لك صدقيني ماراح ناخذ شئ من الدنيا غير اعمالنا والله يتوب علينا ,,
عاد تصدقين كان عندي احساس كبيييييير ان زوجك توه متزوج وماخاب ظني ,, انتي تسمعين بــ (الطفه) للحين زوجك ماشبع من زوجته لأنها شئ جديد عليه ,,
ولاتنسين انها عند اهله اكيييد بيكون اكثر وقته هناك ,,
واتركي تفتيش جواله والله مايزيدك الا هم وغم من القهر وتذكري ان التجسس حراااام ,,
خلي بيتك جنننننه ثقفي نفسك اعرفي نمط زوجك وصدقيني بيساعدك كثييير وزوجك مو كارهك ولاحاجه بس انتي نظرتك للحياه بعد زواجه سوداويه وكارهه كل شئ والدليل كلامك هذا : بعد الملكة كان حنون معي ويراعيني ويهتم لزعلي ولاكن بعد الزواج تغير علي حتى اني حسيت انه يكرهني ,,
نصييييحه لوجه الله انسي انه متزوووج عيشي حياتك معاااه وكأنك الانثى الوحيده بحياته ولاتنسين انها حامل يعني بتتغير بعد ولادتها وانتي لساااتك عروس لاصجة بزران ولاصراخ وغثاء ولايضيق صدرك اذا ماكان عندك اشغلي نفسك وتخيلي زوجك عنده دوام مسائي ,,
وبالنسبه لاهلك مو لازم تروحي لهم دااايم ممكن انتي تناديهم ببيتك ,,
اكثري من الاستغفار وقول لااله الا انت سبحانك اني كنت من الظالمين وقول اللهم اني اسألك رضاك في السجود فلها مفعول السحر وماقصرت اختي رازيا..
موفقه يالغلا وآسفه ع الاطاله..

 

[نسيم العطر]

تسلمين اختي بشريكو
والله اني كل ماشيلها من بالي كان شيطان يرجعها
والله كل يوم اشوفه يتغير علي اكثر واكثر
تعبت من الهم تعبت من التفكير
ولكن هاذا قضاء وقدر من رب العالمين
ودايم افاتحه بموضوع العيال يتحجج لي
كأنه مايبغاني اجيب منه عيال
حسبي الله ونعم الوكيل

 

[عقل وقلب وروح]

انتي تقولين لج 4 سنين من تزوجتي وماحملتي ولاهو ناوي يخليج تحملين!!!!!!!!!!!!!

والثانيه حملت!!!!!!!!!!!!!!!!!!

من رأيي تكلمين شيخ بهالموضوع لأن الزوجه 95% من مشروع زواجها هو الأمومه فعلى أي

أساس يحرمج منها وشوفي الشيخ شيقول لج ...

انتي موظفه؟؟؟

اذا موظفه ابدعي بمجال الوظيفه حتى تنشغلين عن التفكير فيه واذا ربة بيت خلي جزء من

شغل البيت مثلا ترتيب خزانه او كي ملابس بوقت وجوده وتكونين لابسه حلو ونظيف

وبنفس الوقت ملفت والابتسامه ماتفارقج ...بس قبل هذا كله كلمي شيخ ريحي نفسج

واتمنى لج السعاده في ظل حبج لله سبحانه​

 

[انت جرحي]

انصحك حبيبتي انك تحاربين ظعفك لا تستسملين لحبك لو عنده ذرت احساس ماكان تغير معك بعد زواجه بس هم الرجال كيذا اللي عندها مصلحه يتبعونها واللي ظعيفه وعلى قد حالها مايعبرونها بس انتي لاخليك معه واذا يشك فيك قولي له لو ابي غيرك ماكان صبرت على القهر ونت مع غيري بس تحملت عشان شريتك ونت بايع ولاتسمحين له انه يهملك اذا على وجوده من غير احساس اسهل شي البعد طالما ماعندك عيال يجبرونك على البقاء يقول الشاعر اللي يبينا عيت النفس تبغيه واللي نبيه عيا البخت لايجيبه اختي ربي يفرج همك ويعوض صبرك خير

 

[ثقتي بصمتي]

شوفي يااختي اهلك يودوك ويجيبونك وتروحي لاهلك من الطفش
وين زوجك وش مستفيده منه ؟؟؟؟
وين حقوقك والموده والرحمه بينكم؟؟؟؟
استخيري وربي بيوفقك
واهل زوجك اذا انهم ظلموك ربي بينصرك ربي مستحيل
يظلمك وماهو الا اختبار لك وربي يبغى يشوف مدى صبرك
الحياه مو زوجك الحياه عباده لله سبحانه
من علق قلبه بالله اتته الدنيا رغم عنها
المفروض تمسكي القران بوقت فراغك وتقرائيه وتدبري معانيه وتسمعي لمحاضرات الشيخ عبد المحسن على اليوتيوب مره مؤثره اشغلي وقتك بالصلاه والذكرابدئي احفظي القران واكثري من الصلاه عن الرسول
الله يفرج همك يارب
واحنا موجودات بااي وقت اي شي تبغيه راسليني على الخاص

 

[نسيم العطر]

اختي عقل وقلب وروح
انا حملت مرتين واجهضت
وهو مايبغاني احمل مرة ثالثه عشان ما اجهض
وانا اقوله الي كاتبه ربي بيصير
والحمدالله ع كل حال

تسلمووووون خواتي