أوّل دمعه لك بعد الزواج ....

  • بادئ الموضوع بادئ الموضوع تشكرات
  • تاريخ البدء تاريخ البدء
الحالة
مغلق و غير مفتوح للمزيد من الردود.
انا اول مره بكيت رابع ايام زواجي <<<زوجي مهاوشني تخيلوا لسى عروووس >>وربي قهر اللحين لي سنه و9شهور ومانسيت جالسه بقلبي
 



حلووو موزوووعك خيتو

انا بكيت من اول ليله وقت الاحم احم مارضيت يقرب مني خخخخخ
ليما كسر خاطري واستسلمت​
 
ليش تبون تقلبون المواجع على العموم أول دمعه كانت في ليلة عرسي وسبب انصدمت منه وكشر عن انيابه من أول ليله ما استنه شوي يمر كم يوم لا يعني وريها العين الحمره من أول يوم جلس يعصب علي على كل شي ولما جيت افصخ فستاني ما اقدر افصخه لحالي استنيت عشان يفتحلي السحاب ومستحيه اقوله قام صارخ في وجهي وقالي متى بتفصخين ولا مستحيه مني ومن يومها دمعتي ما فارقتني الله لا يحط على احد طولت عليكم اوف قلبي عورني أحين الله يهديكم
 
أنا أول دمعة نزلت يوم كنا آخر يوم بالسفرة بعد الزواج حسيت بهم كبير ومسؤولية عظيمة لأني تزوجت ماأعرف أسوي شي وكنت خايفة من هالنقطة بس بعدين قدر زوجي وساعدني لحد ماراحت الهيبة وصار هو اللي يبكي مني هههه طلعت العين الحمراء المستخبية <مالها خاتمة ,,وشكراً على السؤال الملقوف اللي ذكرنا بأيام زمان سنوات
 
أمووورة يووووه لو مكانك هجييييييت من الليلة نفسها من أولها كذا جفاشة وهواش حسستيني إنه أسد بسم الله الله يعينك كيف عايشة الحين !!!!مدري ماقدرت أعدل المشاركة الأولى غريبة ماطلع تعديل ؟
 
بدري ماشاء الله عليك بس 7 مرات أنا مثلك دمعتي صعبة عند أهلي بس يوم تزوجت صارت سلاح يعني 360 يوم بالسنة هههههههه
 
حطوا موضوع للمواقف الطريفة يعني أول موقف طريف بعد الزواج أنا عندي موقف خطير وطريف بنفس الوقت خخخخ اللي تبغاه تصوت رقم 2 خخخ
 
انا من ايام الملكه صياح ونياح لجا يسافر لآنه مبتعث ابتلش فيني ههههههه

اما بعد الزواج لا تعد ولا تحصى

عاد انا اقل شي يصيحني بس احاول اني ماخليه يشوفني
 
موضوعك حلو حبوبة...
ههههههههه الله يرج ابليسكم ضحكتوني..
أنا أول دمعة بعد الزواج كانت فشهر العسل كنا مسافرين و وبالفندق جلس يقول أشياء غريبة ويصارخ وكأنه معصب علي ,انا خفت قلت هذي بدايتها و بعدين أنا ماسويت شي وجلست أصيح و أصيح وهو يسكت فيني وقالي والله ماسويتي بس كان نفسي أشوفك تصيحي ههههههههه..
 
ههههههههههههه
مواقفكم تضحك الله يسعدكم دنيا واخره وماتنزل دموعكم الا لـ فرحه
:
حبيبااتي لآحظت كلمة
(الله يرجك..الله يرج بليسك)
واايد تنقال وهـ الكلمات منكر لا تجوز والله اعلم فـ نتبهو الله يسعدكم
::
ما حكم قول: الله يرجك؟

السؤال :
السلام عليكم رحمة الله وبركاته
أولا جزاكم الله كل خير على ماتقدموه للمسلمين جعله الله في ميزان حسناتكم.
ثانيا السؤال:
ياشيخ لقد كثرت في المنتديات
قول كلمة (الله يرجك) من باب المزاح كثيرا للاسف مثلا ان يكتب احد الاعضاء موضوعا ساخرا فيرد
عليه اخر بكلمة (الله يرجك) مازحا معه وقد انتشرت هذه
الكلمه بصوره كبيره
جدا في اكثر المنتديات بشبكة الانترنت, فارجو التوضيح
منك ياشيخ حول حكم قول هذه الكلمه وجزاكم الله كل خير؟؟؟

الجواب :
وعليكم السلام ورحمة الله وبركاته
وجزاك الله خيراً .
هذه كلمة مُنكَرة
وكنت سألت شيخنا الشيخ عبد الرحمن البرّاك – حفظه الله –
عن كلمة مُشابِهة ، وهي قول بعض الناس (الله يَكْنِسْك)
فقال وفّقه الله : هذا منكر عظيم ونَهى عن قول تلك الكلمة .
وهنا يُقال : هل الله يَرجّ ؟ أو يَكنِس ؟ حتى يُدْعى بهذا الدعاء ؟
والله تعالى أعلم .
الشيخ عبد الرحمن السحيم
​


​
 
والله موضوع يموت من الضحك انا شاطره بالبكا بكيت لما دريت اني حامل لاني ماتهنيت بزواجي بس كنت عند اهلي وبكيت من شده الوحم لنه جا وحمي في رمضان انا ابي وابو الشباب يضحك والدموع ياكثرها
 
انا اول يوم بكيت فيه اول اسبوع بزواجي والسبب انتم عارفينه وانا كاتبه قصتي بالمنتدى ومن بعدها مااتذكر عدا علي اسبوع من غير ماابكي فيه تقريبآ انا والدموع اصحاب هههههههههه
 
بكيت وانا اسال نفسي بعد الزواج هل انا اخترت صح ولا لا ؟؟؟؟
 
الله يسعدك ياتشكرات
ويحلي ايامك انا من اشوف اسمك اابتسم على طول
تذكريني بوحده خفيفة دم
المهم اول دمعه كانت بعد شهر من الزواج لانه سافر يكمل دراسته وتركني
وبعدها انفجر مجرى الدمع عندي
:icon1366::icon1366::icon1366::icon1366::icon1366::icon1366::icon1366::icon1366::icon1366::icon1366:
 
انا بكيت ليلة زواجي الساعة 5 الفجر
زوجي نام وهو متعود وهو عزابي يلف نفسه بالغطا لفففف
وابدا لف نفسه والدنيا عز الشتا
وانا مت برد
حاولت اسحب من هنا والا من هنا افك شوي اتغطى فيها ابدا نايم وناسي نفسه انا بصراحة خفت اصحي
ماصدقت على الله نام خايفة يطلب شي ثاني مره ثانية
وجلست افكر لو اني ببيت اهلي مابردت وجلست ابكي خخخخ​
 
مدري وش فيه النت عندي مخرّف ههههههه
أنا كتبت لكل بنت رد وشكرتها وفي الاخير
( يتعّذر ) ههههه

ماعلينا >> مشكوريييييييين حبيباتي وحده وحده ..فرد فرد ..شبر شبر هههه أكمّل ..

ان شاء الله ايامكم كلها ( أفراااااااااااااح يارب..

ولا دموع بعد اليوم >>> دعاية شامبو هههه

تراني لو أطوّل بالكلام >>أقلبها مسرحيه ههههه
 
انا بكيت ليلة زواجي الساعة 5 الفجر
زوجي نام وهو متعود وهو عزابي يلف نفسه بالغطا لفففف
وابدا لف نفسه والدنيا عز الشتا
وانا مت برد
حاولت اسحب من هنا والا من هنا افك شوي اتغطى فيها ابدا نايم وناسي نفسه انا بصراحة خفت اصحي
ماصدقت على الله نام خايفة يطلب شي ثاني مره ثانية
وجلست افكر لو اني ببيت اهلي مابردت وجلست ابكي خخخخ​



هههههههههههههههههههههههههههههههههههههههههههههههههههه
حسبتك أنـــــــــــــا
بس انا سبب بكائي اخواني واخواتي
كانوا خااارجين من القاعه ويرسلوا لي رسايل
واكثررر شيء بكاني اخوووي الكبيررر مرررررررررررة متعلق فيني
ورسالته اطووول رساله شفتها بحياتي
قعددددت ابكككككي وابو الشباب مصدوووم
يحسب هدا كله برررررد
 
الحالة
مغلق و غير مفتوح للمزيد من الردود.
عودة
أعلى أسفل