معلومات زهرة التيوليب
- إنضم
- 14 ديسمبر 2008
- المشاركات
- 5
- مستوى التفاعل
- 0
- النقاط
- 0
ألحقوووووني أنا بمووووووووووت من القهر من زوجي حسيت اني ((ولا شي)) عنده
السلام عليكم ورحمة الله و بركاته
أخواتي البلقيسيات ألحقوووووووني أنا من جد مقهووووووووورة وبأكتب لكم وأنا بأبكي ودموعي تنزل على الكي بورد، راح أبدأ أحكي لكم عن مشكلتي و أتمنى إنكم ماتملون مني . أنا زوجة في 27 من عمري و زوجي في 31 متزوجين من 6 سنين وأنجبنا ولد و بنت ، الحمدلله زوجي حبوب و طيوب بالمرة بصراحة يحبني ولا يحب يزعلني و إذا زعلني يرضيني وما يخليني أنام إلا وهو مرضيني وفي حضنه ،والحمد لله أنا من الزوجات اللي يهتموا كتير بنفسهم يعني ألبس حلو و مثير وأتقن المكياج و دايما أغير من شكلي بالصبغات و القصات وأهتم بجسمي كتير يعني بعد الولادة لاوم أعمل دايت عشان أضل جسمي مرتب وحلوة و مثيرة لزوجي وهو دايما يقولي انك ماشاء الله ذوق وتعجبيني ،أنا امرأة عامله وهو دايما معودني إنه يتصل يسأل عني ويقولي انه مشتاق ليه ولسماع صوتي أو يرسل مسجات حلوة و بصراحة فيها كلام خطييييييير مرة كله حب وغزل والحمد لله من الرجال اللي مرة يهتم بموضوع الجنس يعني مايرضى يقوم الا و أنا أكون مخلصه بصراحة كان مرة تمام بس ما أدري ايش غيره عليه المهم زوجي له فترة متغير عليه صار مايسأل عني خلال فترة دوامي حتى لو اتأخرت في الدوام مايتصلق يشوف ايش فيه؟ وبعدين صار يغيب عني بالكم اليوم ما يفكر في الجنس و إذا جيت قلتله يقول تعبان و آخر مرة هي اليوم قام من نومه عمل معايا وهو خلص و ما خلاني أخلص وأن وأوضحت له اني متضايقة و قام أعتذر و قال بأعوضك في الليل ، أنا بصراحة ما عجبني أسلوبه وبعدها قمت سويت فطور و فطرنا ، ألين هنا عادي أوكي! المهم أنا برضي ما عجبني الوضع وبعدها جلس هو في غرفة المعيشه يكمل في شغله لأن هو يكون عنده شغل يجيبه معاه البيت و أنا جالسه مقهورة بأغلي من داخلي صرت أحاول الفت نظره اني لسه زعلانه ما رضي يفهم قمت قلت له انت قلبك زي الحجر قام زعل مني وصار يصرخ عليه ويقولي انت تقولي كلام ماله داعي ونسي اللي عمله فيه الصباح ، المهم في هدا اليوم كان عندي زواج لناس أقارب زوجي عن طريق أمه و كنت مخططه اني أروح معهم الزواج وقلت في نفسي يالله يابنت لا تصيري نكديه وتربطي الزواج بزعلك من زوجك لازم تروحي الزواج ومن دا الكلام ، وطلبت منه بعد المغرب يوديني الصالون قالي طيب روحي ألبسي ، وداني الصالون و ماكلمني ولا كلمه في الطريق و دقيت عليه بعد ماخلصت عشان ياخدني كلمني بكل برود وجا أخدني ،لمن رجعنا البيت تخيلو يابنات ما طالع فيه ولا أثنى على تسريحتي على عكس العادة اللي كان دايما يمدح و ينبسط هادي المرة ماقال، بلعتها وقلت لسه زعلان مع انو الكفروض أنا اللي أكون زعلانه و بعد ماخلصت لبس تخيلو اني دقيت عليه رنه بالجوال عشان يجي لغرفة النوم لأنه كان دايما هو اللي يجي يلبسني ويقعد يقرأ المعوذات عليه عشان العين لمن أكون رايحه زواج ، دخل الغرفه وهو مادد بوزه شبرين ولا طالع فيه فقلتله : لهذه الدرجة ماتبغا تطالع في وجهي لي كدا؟ قام طالع نظرة سريعه وقال حلو بنبرة جافه، استهديت بالله وصرت أقوله بصوت هادئ و رومانسي حبيبي انت ليش كده بسرعه تزعل؟ وماهي الا لحظات وقام هب عليه وصار يصرخ ويقول انتي تقولي كلام ماله داعي انتي تجرحيني انتي انتي................ززز وكلام كتير جدا وأنا في تلك اللحظات صرت أبكي وأقوله أنا كلمتك بكل هدوء ليش تكلمني بعصبيه يعلم الله اني مو رايحه الزواج هذا غير على شان خاطرك وصرت أبكي أبكي و خرب المكياج وقلت له : معليش ما أقدر أروح الزواج و أنا بهذه النفسيه المحطمة وبهذا المنظر تخيلو يابنات ايش رد؟ قال أحسن مو لازم و أنا راح أخرج! و العيال المساكين اللي لابسين والمفترض يروحو لبيت أهله قال خليهم يجلسوا معاكي، المهم أنا فصخت فستاني ولبست ملابس النوم وقلت لابني حبيبي روح ألبس بيجامتك راح نقعد في البيت قلت له ذلك وانا أبكي و زوجي سامعني كان في الصاله، هو جلس يفكر بفكرة تقهرني أكتر راح قال لولدي هيا ألبس عشان آخدك معي زواج الرجال لأنه كان مدعو لزواج الرجال وقال كمان خلي البنت الصغيرة والشغاله يجو نوديهم بيت جدو (بيت أهله) ولدي قاله بابا كيف ماما تجلس لوحدها في البيت؟ قال زوجي: هيا تبغا كدا، تخيلو أخد العيالو الشغاله وراح قدام عيني وأنا أبكي ولا هميته ولا همه توسلات أبنائي و حتى الشغاله كانت تقوله مستر حرام مدام يجلس لوحدها في البيت خليها تروح معانا ، قالها يالله أمشي بسرعه وخرجو من البيت ، وأنا والله قلت لنفسي انه لو جا كلمني و قاللي قومي خلاص مايصير و أعتذرلي والله كنت حأقوم أعدل مكياجي و أروح الزواج و أنسى كل اللي صار! بس هو الله يهديه راح وأخذ العيال وسابني لوحدي في البيت
أنا قعدت أبكي أبكي وبعدين أخذت القران قرأت سورة ياسين حسيت اني هديت شويه وقلت خليني أكتب المشكله لكم عسى أن تتتوصلو لي بحل لأنبي من جد تعبت خلاااااااااااااااص معد فيني أتحمل دايما يزعلني و في الأخير أنا أطلع الغلطانه بالله أرشدوني و جزاكم الله خير و سامحوني على الإطاله
اسم الموضوع : ألحقوووووني أنا بمووووووووووت من القهر من زوجي حسيت اني ((ولا شي)) عنده
|
المصدر : الأستشارات الزوجية العامة