أسراار وفنوون التعاامل مع الرجل الشرقي

الحالة
مغلق و غير مفتوح للمزيد من الردود.
فــــــــــــــــــي انتظارك
والله يحفظك وين ما كنتي يارب​
 
موضوع مميز يسلمو بس كيف أعرف نوعية زوجي من ناحية شمالي .. زي ماتحددوون ع اي اساس بفهم..
 
يسعد صباااااااااحكم صبااااااااايا ،،،اخباركم
بنات وش رايكم نتناقش بموضوع الشرقي لين
ترجع غاليتي الحالمه وتردلنا بسلامة
ونقول عن حاجات طبقناها،، وجابت نتيجه
وكلن يدلي بدلوه عن هالشرقي ,,,,
انتظركن حبيباتي
​
 
هلا باختي نفسي طموح انتظرك عزيزتي ولنا
عوده مع الشرقي لين نجيب راسه
ياربي ع هالثقه ههههههههه
​
 
كوني الجمهور المصفق لزوجك وشجعي غروره
لا تعاندى الشمالى الشرقى لانه عنيد لاقصى
يحب ان ترجعي اليه بكل شيء فهو مدير منزله
لايحب ان يراك متردده بامر لانه سيحكم عليك بلغباء ويسخر منك
حتى بابسط الامور كما اخبرنا مثلا تبين شاورما دجاج ولا لحم حددي بسرعه وقولي ولا تغلطي وتقولي براحتك جيب زيك
اذا رحتي مطعم وبدائتم باختيار الطعام لاتقولي اطلب لنا سوى
او اذا سالك هالنوع ناخذ ولاهالنوع
اختاري ماتحبين
كوني واضحه وغير متردده سيشعر انك فاهمه نفسك ورغباتها
اما اذا فعلتي هالتصرف( عادي براحتك الي تشوفه اختار مثلك او اختارلي انت)
سيشعر انك عديمة شخصيه وليس لكي قرار في ابسط الامور وهذا مايشعر به بنفسه وقد يخبرك بجرحك اوبضحكه او بتريقه
وقد تضل سخريته حبيسه بداخله
فهو يحب ان يكون لك رأيك الخاص
وشخصيتك المستقلة وعادة الرجال تجذبهم المرأة الغامضة التي تحتفظ بأسرارها لنفسها
فشمالي يستطيع ان يقضي على شخصية من
حوله اذا شعر باول اشارة استسلام عن حقها
او تجريح ولم تعترض او انكار حق وسكت عليه ولم تتكلم

كذلك يحب المرأة المثقفة الطموحة المطلعة
ويريدها ان تقف الى جنبه وليس الى وراءه
يكره السخرية والتريقه والاستهزاء
واذا صارت من اهلك اخوانك يحقد عليهم وماينساها
وزعله من اهلك يطول,,,

فرجل بلفطره يحب المراه المبتهجه السعيده حتى لو لم يكن هذا معه مع ابنائها
لو هي زعلانه منه مو تقلب الحياه صراخ بكاء عويل شكل اللهم ياكافي يانايمه ياصاحيه تندب مايحدث
ياتشك بان بها عين مس شيطان نفس شريره وتبدى بدوره على الاطباء الشعبين او غيره
ومشكلتها بنفسها ؟؟
الشمالي لا يعشق المرأة التي ترعاه انه يشفق عليها فقط،بينما يذوب عشقا في السيدة المتوجة التي تتصرف بكبرياء،يحبها سيدة أعمال ناجحة،أمراة مشغولة بنفسها دائما،ليس لديها وقت للآخرين،يريدها قوية لا تنهار لأتفه الأسباب،لا تبكي أمامه أبدا عليه،إن بكت تبكي فقط لتدلل في طلب مثل اطفال وليس بكاء وقت مشكله

إن المراة التي تحب زوجها بلا ضوابط ولا قيود ولا حدود تخسره دائما،
بينما تلك التي تحب بعقل وثقل وانوثه تكسبه مدى الحياة


هذا بعض مااقتبسته بقلم دانة الخليج الله يوفقها يارب خاصتن الي زوجها شررررقي شماااااااالي

​
 
للرفع
اللي يرد الحالمه بالسلامه ويفرج همها
حلوه فكرة اننا نتناقش بموضوع الشرقي عشان نستفيد ونفيد بعضنا وبرضه عشان مايموت الملف ونحافظ على حيويته لين ترجع الحالمه بالسلامه



أهم كلمه قالها لي الشرقي وكان حريص عليها
(أبيك تشوفين الدنيا بعيوني)
يعني انظر للدنيا بنفس نظرته وأأيده بكل شي حتى لو كنت مو مقتنعه..طبعا هو دائما يقول عطيني وجهة نظرك وأحس الحركه هذي بس عشان يطلع جنتل ومتحضر ويسمع رأيي مع انه ماراح ياخذ فيه...وهذا الشي يأكد على الدروس اللي تعلمناها عن الشرقي..أظهري له الموافقه دائما ولا تبدي اي اعتراض لكي لايشعر انك ند له وتشتعل الحرب...وطريقة الحالمه في اظهار الاعتراض أو ابداء الراي جدا سااااحره ومؤثره..تظهر انك تحت أمره وبطوعه بكل شي..وبنفس الوقت تقولين رأيك بكل ثقه
أنا من ضمن خطتي في اصلاح الوضع اني أظهر موافقتي بكل شي واحتفظ برأيي لنفسي وانا اغلي من جوا لين ماضعفت ثقتي بنفسي اكثر واكثر وصرت احس معه بالدونيه كل هذا من خوفي اني اكون ند له وترجع الحرب تبتدي من جديد..لكن مع طريقة الحالمه ارتحت كثييييييييير وقررت استخدم هالاسلوب بكل اموري...بحتفظ بقوتي وبنفس الوقت اكون الزوجه المطيعه المسالمه
فيه حاجه ودي تساعدوني فيها يازوجات الشرقي...مو قادره اجذب الشرقي ابدا ليييييييييييش؟؟ لأنه وهو جالس معي سواء كنا نسولف او ساكتين وحتى اذا بيتناقش معي بشي دااااائما عيونه لقدام..مااا يلتفت لي...حتى اذا لبست وتكشخت وريحة العطر واااااااو ماااايلتفت...امس كنت بالقمه من الكشخه والزين ويوم شافني غض البصر كأني محرمه عليه..جد صرت احس اني اخته...احيانا احس بالاحباط وابطل احاول الفت نظره واحيانا ارجع للمحاوله بس مافيه فايده..اول كنت اموووت من هالتصرف ومتعبني كثير لكن بعد ماعرفت ان طبيعة الشرقي خجول اتفهم بس لازال عندي الاصرار اني اكسر الخجل هذا.يعني اتوقع8سنين خجل كافيه
صرت مااجلس جنبه على نفس الكنبه وصرت اجلس على كنبه ثانيه عشان يكون شكلي واضح قدامه..بس حسيته صار يفكر اني ما ابي اجلس جنبه والا هذا الشي ما ابيه يجي بباله..بصراحه ابتلشت فيه..احس اني لو لبست قميص نوم او جلابية المطبخ ماراح تفرق عنده خخخخخ
فديتكم اللي تقدر تفيدني لا تتأخر بليييييييييييييز​
 
روح و رياحين
عندك جرأة تجلسي بحجره؟
زوجك شمالي شرقي وجالس يقاوم اغراءتك بكل شراسة
​
 
أتوقع لو لمستيه أو قبلتيه راح يبتعد عنك
بس لو جلستي بحجره ما راح يبعدك
​
 
الله يسعدك على هالطرح​

بقولكم صفات خطيبي وأبيكم تحكمون اهو أي نمط لأني ماأعرف كل شي عنه​

بس أعرف بعض صفاته حاولت أسوي الاختبار مره يطلع شرقي ومره شمالي والله مدري​

يمكن ماعندي معلومات كاااافيه عنه​

صفاته : ((هاديء / ثقييييل / صوته عادي موعالي ولا منخفض / أنيق يلبس مره شماغ مره غتره / واقعي / كلامه موزون / عصامي ))​

ماشاء الله ​

تكفون قولوا لي ايش نمطه لاتطنشوني​

أحبكم​
 
روح ورياحين فديتك استمري ع كذا بتجيبين راسه مثل الي عندي مستحيل يعلق ع شي البسه او يمدح واذا تكشخت مايناظرياربي بعض الاحيان اقول غيره او ايش بس رجال وش يغير المفروض يتغزل ويقول شي حلو يخلي الواحد يتشجع بس بعد ماعرفة ان هذا نمطه فكرة عرفة اني اعجبه بس مايبين باالاقوال لاااا بالافعاااااااااال واحس يعجبه الملابس الرسميه و بعض الجلبيات مثلا تكشخت العصر بااااااااااااخر الليل اشوفه غير ههههه يعني مايبين لك بالحظه ووقتها بس صورتك بتقعد براسه هذا الي اشوفه مع شرقيي،،، والا وش رايكم بنااااااااااااااات

معاني الورد الصفات الي قلتيها موجوده بشرقي ويمكن الشمالي بس صعبه تطلعي نمطه هالحين لان لازم مع العشره والسنين تعرفي نمطه صح يعني بعد الزواج بتعرفي اكثر الله يوفقك ويسعدك بس حلوه من هالحين تقرين وتلمين بالأنماط حتى يسهل عليك وتعرفينه صح .
 
الي زوجها شرقي شماالي مثلي،،،،،
هذا كلام اخت لنا نقلته الله يرزقها ماتتمنى ،،،،
شوفي كيف تتعاملي معه وتكسبيه وتفهميه اكثر..

اولا المدح/
يحب المدح ثم المدح ثم المدح ولكن مدح الصفات وليس الذات
حتى لايتحول الى شخص مغرور..
مثلا اذا جاب اغراض البيت امدحي كرمه وحسن اختياره عشان يحرص يجيب طلبات البيت عشان يسمع المديح..
ولاتمدحيه بشيء مو فيه بل امدحيه بمميزاته ..اذامدحتي مظهره مثلا وهو غير مهتم به سيشعر بعدم المصداقيه في كلامك..
واذا اردتي شيء ستصلين اليه بالمدح غير المبالغ ولكن بذكاء
مدح الصفات والمميزات وليس الذات..
الصفات التي يحبها الشمالي الشرقي/
الشمالي الشرقي,,,
صفات اللي يحبها بزوجته واثقه من نفسها-مثقفه- مميزه-دلوعه نعومه- مستقله عنه-غير حساسه- تحب الفرفشه لانه جدي-تقدر انجازه وتعبه-تترك له القيادة بذكاء عن طريق المدح المقيد بحصول فائده- نشيطه سريعه اللي تشعره بالتحدي لينال حبها-تعامله باحترام- منظمه في وقتها ومواعيد نومها وتحترم المواعيد...
يحب نظام الفنادق بالبيت رسمي والتماثل مثل ابجورتين على السرير
يحب الملابس الجريئه اللي تبرز المفاتن والالوان الصارخه والشعر المنسددل والمكياج الهادي...
وبعضهم يحب الدلع والحركات الطفوليه باللبس والشعر والدلع بالصوت والحركات..
الاشياء اللي ينتقدها الشمالي :البطيء في الحركه عدم الانجاز- الكسل الحساسيه الزايده من الكلام- تضييع الوقت - التردد
والشرقي:عدم احترام الاداب العامه الفشل- الفوضى- عدم الثقه..
مواجهه نقده بالمثل (( لا ارى لا اسمع لا اتكللم ))..
انتبهي اذا انتقدك طنشي خليكي واثقه من نفسك..ولاتاخذي كلامه بحساسيه..
واذا كان شمالي شرقي متطرف يعني ينتقدك بشده ويواجهك بعيوبك ويستفزك بالنظرات والكلمات انتبهي خليكي واثقه ولاتخليه يهز ثقتك بنفسه..لأنه اذا شافك ضعيفه وثقتك قليله راح تفقدي اعجابه..
اذا كان انتقاده في محله طنشي وعدلي من نفسك للأحسن..اما اذا كان افتراء فافتخري بنفسك واقنعيه انك الافضل
مثلا انتقد جسمك وانتي جسمك تمام دافعي عن نفسك قولي بالعكس جسمي حلو وفيه انوثه ..اما اذا كان معاه حق فغيري الموضوع ولا تناقشيه وحاولي تغيرين من نفسك ..
..............

تدليــــــــــــــــــــــــــ ـــــــــله
يحب التدليل لنه انسان عملي وكثير الحركه
وطبيعته الجاده تجعله يحب المرح ويميل اليه..
عامليه كطفل صغير عند\ما تحتضنيه وتقولي له احلى العبارات فسيبادلك بالمثل..
اهتمي باستقباله من العمل جيدا تهليل وابتسام والخ..
واهتمي بمظهرك جيدا..
العطاء من اجل الاخذ مع الشمالي:
الشمالي حركي ونشيط فاذا اعطيتيه مايريد سوف يلبي كل طلباتك ولو بتلميح بسيط لنه بطبعه نشيط..ويكره الكسل..
لا تقللي طلباتك معه اطلبي ثم اطلبي واطلبي لأن طلباتك تحسسهه بانك محتاجه اليه
اذا تنازلتي عن طلباتك حتى الصغيره فانك ترسلين له رساله مضمونها ((انا لااحتاجك - انا ضعيفه- انا ارضى بالقليل- انا ليس لدي طموح ... الخ))
والرجل الشمالي يريد ان يظل بنظر زوجته الرجل القيادي القوي المنفق المنجز المسؤول ...
فاذا تحملتي انتي المسؤليات وابتعدتي عنه عاطفيا تحبطيه ولا يشعر ان هناك مايقدمه لك وبالتالي يقل حبه لك..
فدعيه يتحمل المسوليه .. وحفزيه فالرجل يحفز بالاخذ كلما اخذت اكثر كلما احبك اكثر..بمقابل تعطيه حبك بلا تنازلات
فاشعريه دوما انه يجعلك سعيده وانه الاول في قلبك وانه اهم شخص لك....لكي تتعمقي في قلبه..
عندماتطلبين شيء/
_اطلبي بنبره صوتك انوثه ورقه وهدوء لا يقاوم اغرائها
_لا تطلبي باسلوب الامر فسوف يرفض طلبك.
- استخدمي اسلوب الايحاء.. مثلا قولي والله ياحبي خاطري في.... وانت كريم واحنا نستاهل ..وادري انك مابتقصر علي ووو الخ
-لا تقارني نفسك بغيرك حتى لو امه واخته لازم تحسسيه بانك واثقه من نفسك وانك ماتغارين من احد لانك متاكده من حبه لك..
_تدرجي في طلباتك واختاري الاوقات المناسبه حتى لا يرفض طلبك..
- الايجاز وعدم اعطائه قائمه بالاسباب لان هذا يعطيه شعور بانك غير واثقه من تلبيته لطلبك..فانتبهي ليس من الواجب اقناعه..
- استخدمي اسلوب مباشر واستعملي الكلمات الصحيحه
لا تقولي هل تستطيع او هل تقدر.. بل قولي هل لك ان تفعل مثلا:تبين تطلعين لاتقولي: تقدر تخرجنا قولي: نريد ان نخرج اليوم.
- اذا طلبتي مثلا تبين تطلعين خلي هدفك الطلعه وخلي التخطيط عليه لنه يستمتع بها الشي.. ويحب يكون هو القائد..
وامدحيه قولي انت دايم تختار اماكن حلوه للطلعات..واثني على اختياراته
- واهتمي بالوقت في الخرجات لان الشمالي دقيق بالوقت لا تتاخري بالاطفال والعيال او تنسين شي وترجعين له..عشان هالاشياء تغضبه وتحسسه انك فوضويه..
-ركزي على طلبك مثلا تبين تطلعين لا تقولي ابي السوق بالمره او ابي كذا ركزي على الهدف وبس لأن الشمالي الشرقي دائما يحب يكون له هدف واضح..
-حققي له الراحه النفسيه بجميع المستويات من دلال واهتمي بالامور الجنسيه حتى يكون قاردا على العطاء ويشعر انك تستحقين مايفعله من اجلك..
الشمالي الشرقي وابنائه:
- الرجل الشمالي مسؤوول:يقوم بمهامه تجاه ابنائه كشراء اغراضهم وتوصيلهم للمدارس ... الخ.طالما انه يشعر بالتقدير والاحترام وهذا يحفزه لتقديم افضل ماعنده فاحذري من لومه اذا قصر لانه يعطي نتائج عكسيه...واحذري من القيام بمهامه وواجباته فهذا يحبطه..دعيه يتحمل المسؤوليه وامدحيه فهذا يسعده.
-الرجل الشمالي يقدر الانجاز فاذا رااك قادره على رعايه اطفالك بتميز فسينجذب نحوك فلاتشتكي امامه من عدم سيطرتك على ابنائك.
-الرجل الشمالي يفرض احترامه على الاخرين فعلمي ابنائك الاحترام واهم شيء والدهم..
-يتصف بعض الشماليين بالتسلط وقد يحرم ابنائه من اشياء بدون سبب مقنع..فعودي ابنائك على التعبير عن رائيهم بأدب..واذا كان يظربهم تلكمي معه عن اثار الظرب السلبيه وان الضرب علاج خارجي فقط ولا يغير سلوكهم..
-الرجل الشمالي يحب الاستقبال والاهتمام عن وصوله للمنزل عودي ابنائك على ذالك..
-الرجل الشرقي يحب الترتيب في المظهر ويحب يرى ابنائه مرتين ونظيفين..ويميل الى انتقاد المهملين
-الرجل الشرقي يحب تنظيم وقته ويحب الروتين ولا يمل منه لذلك عودي ابنائك على تنظيم وقتهم للمذاكره واللعب والراحه لكل شيء وقت
-الرجل الشمالي الشرقي:يعبر عن حبه لأبنائه بالعمل لاجلهم
فعودي ابنائك على تقبيل ابيهم واحتظانه لاشباع حاجتهم النفسيه
الرجل الشمالي الشري يعبر عن حبه بالافعال فانتبهي نقد افعاله
الجنس عند الشمالي الشرقي/
هو يحب المراه المبادره
وهذه صفاتها: جريئه غامضه... لعوب..تلبس ملابس مغريه باسلوب اغراء متجدد والوان صارخه..احمر فوشي اورانج- تسدل شعرها وتضع اكسسوارات لها صوت مميز- تتمايل في مشيتها وتتغنج في صوتها-وتضحك بانوثه مغريه..
تغريه بكلمات مفعمه بالثقه(( حولعك- حتروح مني فين - ياواد ياتقيل ..))
تجيد استخراج الحب وتنميه وتشعله
وجريئه في ملاعبة زوجها واثارته تتمنع وتدرير ضهرها وتهز جسدها وتخطفه بالنظرات .... الخ
يحب الحديث عن الجنس وتجديد الاوضاع الجنسيه-وصريح في ذالك- ولكن تقل رغبته عندما يمر بمشكله او ينشغل تفكيره لذالك تتفاوت رغباته-فقد يكون شهواني احيانا وعديم الرغبه احيانا اخرى..
ويبقى الرجل ينفر من المراه التي تطلب الجنس مباشره ولكن اثناء العمليه تتفنن وتشبع رغباتها وتطلب منه ماتريد
الغيره عند الشمالي/
الشمالي طبيعته تدفعه للغيره فهو يفتخر بنفسه ويرى نفسه الافضل ويتفاوت هذا حسب كل شخص..وقد يكون افتخاره مقبول يفسر على انه ثقه بالنفس ..وقد تزيد فيكون معتز بنفسه وبشده ولا يقبل راي الاخرين ويعاند ولا يرى اخطائه وقد لا يرى الا نفسه فينفر منه الاخرون لن النقاش معه لا يفيد ابدا
اذا فالشمالي يعتز بما يخصه والزوجه ممايخصه فاذا كان يحبها بشده فسيغير عليها بشده فاذا كان شمالي عادي قد تكون تصرفاته مقبوله اما اذا كان متشدد فتكون تصرفاته مرضيه..
والغيره من صفات الرجل الشرقي ايضا ..وهذا يفرح الزوجه ولكن اذا زاد مشكله
فالغيره نوعان عند الرجل الشمالي الشرقي
فاذا كان زوجك شمالي شرقي طبيعي فستكون غيرته محموده
اما اذا كان متطرف وشديد الطباع فستكون مذمومه
حيث يلقي ععلى زوجته قائمه بالممنوعات فتكون غير مقبوله
((لاتتكلمي - لاتردي -ويتضايق من التلفاز مثلا شاعر المليون ... الخ
طرق التعاممل معه/
احترمي رغبته ولاتثيري ابدا غيرته لن التي تفعل ذالك غير واثقه من نفسها.
ولاتفعلي اي شيء منعك منه مادام في حد المعقول ..فاذا منعك من اشياء تجوز شرعا وضحي وجهه نظرك بهدوء وذكاء حتى يتقبل..وبمانه شرقي فيحب تحليل الامور والنقاش الهادي..
مثل غيرة بعضم من اخ الزوجه فهذه غيره غير مقبوله ....
...
الاشياء اللي استنتجتها من النت ومن زوجي..
انه مايحب المراه الراضخه الضعيفه ....ولايحب المره القويه اللي تتحمل المسؤوليه بداله لنها تحسسه بالضعف والاحباط
يحب المراه المستقله واللي تعرف حقوقها وتؤدي حقوقه
وانه صعب يعترف بخطاه ..ولا يعتذر..فاذا غلط طنشي وسامحي ولاتعتذري اذا انك مو غلطانه لن هذا يعتبره ضعف..
واهم شيء الاحترام في الحوار..حتى اذا كان اسلوبه جارح ومنفر تقدر الزوجه تفرض الاحترام باسلوبها ..

واهم شي لاتسمح له يتجاوز حدود الادب معها ولتفهمه بلباقه انه حتى لو زعلان لازم يكون في احترام وانتقاء للكلمات..واهم شيء تحافظ على هدوءها
اهم شي مدح اهتمام ..كسب اعجابه بالاشياء اللي يحبها كالنظام والترتيب والثقه بالنفس..والسياسه والدلع بتاخذ كل شي منه .
وبيتغير للاحسن اهم شي الصبر والحكمه.
اخيرا اللي بتغير شي من شخصياتها او سلوكها نصيحه تغير عشان نفسها وسعادتها هي اولا وثانيا زوجها ..
ولاتنسو الاستعانه بالله ...

​
 
رفــــــــــــــــــــــــــــــــــــــــــــــــــــــــــــــع


بالتوفيق يا شرقيات هع هع
 
الحالة
مغلق و غير مفتوح للمزيد من الردود.
عودة
أعلى أسفل