أسراار وفنوون التعاامل مع الرجل الشرقي

الحالة
مغلق و غير مفتوح للمزيد من الردود.
الله يجزيك خير اختي الحالمة ويرزقك الجنة
ويسير امورك ويوفقك دنيا واخرة
بذلتي مجهود كبير في الردود والمتابعه
وكل اهدافك تنوير وسعادة الاخريات
الله يسعدك
الله يسر امونا جميعا ويسر امور كل وحده تعاني
الله يسخر زوج كل وحده شاهدت او قرأت الموضوع
 
بما ان زوجي شرقي شرقي
فانا عانيت كثير ومازلت اعاني من عدم فهمة
خاصة بعضهم يصير عنده صفات
بيئيه تزيد المشكلة
وهو تقلبات المزاج
الشرقي باختصار شديد
يحب سعادته ويحب تكون الحرمة مثل ما يبي
لا مثل ما تبي هي
ما يلتفت لشئ غير انه يشوف نفسه في مكانه
هو راضي عنها تمام
عنده قناعات انه هو الصح دائما
اذا الحرمة صارت ست بيت ممتازة
وحلوة ومرتبه ونظيفة وكلامها قليل
تسمعه ولا ترد الا برد يعجبة هو
بتكون اميرة عنده وبيسمعها انواع الكلام الغزلي
وبتكون هي الكل في الكل بحياته
وعلى فكرة الرجل الشرقي
يهتم بزوجته اكثر من اولاده اذا هو راضي عنها
وفي نفس الوقت
يحبها تكون قويه عند الصعاب لكن مهما كانت قويه لازم تعرف
انه هو اقوى منها ولازم ترجع له في كل كبيرة وصغيره
وجهزي نفسك ونفسيك لتقبل الرفض وخليك راضيه
لما تطلبي طلب ويرفض احترمي رايه واعتبريه هو الصح
ولازم بالمحاولات المدروسه ترجعي تعيدي الطلب لحد ما يرضى ويقتنع انه ينفذه
وتحمليه المدة الي ما ينفذ فيها الطلبات
ولو تصرفتي تصرف
اخر ياويلك بتصيرين في نظرة انسانه لا تحرمينه
وتمشين كلامك وتحملي الزعل الي بيجيك منه
اذا قدرتي تتحكمين في روحك بتصيرين ملكة عنده
بس خليه هو الكل بالكل في حياتك
وعلى فكرة الشرقي يؤمن بان المرأة الصحيحه في نظرة
هي التي تدور في محور زوجها يعني هو محور حياتها

وامدحيه وكل ما سوى شئ قولي رأيك فيه واثني عليه
ولو عندك شئ مو عاجبك لا يصير مباشر
وبدون توجيه الكلام له مباشر
الشرقي حساس جدا
وثقتة بنفسه مو قويه لكنه يشوف نفسه انه يعرف كل شئ
وان انسان مهم
لكن في داخله حساسيه شديده
له نمط في الحياة يختلف عن البقية
الي تعايشهم تحس انهم يحبون التحكم بالمراة تحكم كامل
وهو ما يشوف هذا الشئ يعتبره طبيعي وهذا هو الصح
شعارة في الزواج ان وامنيته وسعادته ان تكون المرأة مطيعه له تماما
تتنفس هواءه
هذا بعض ما لدي
المظهر الخارجي لهم لمن يجهلهم
الجديه
القسوة
التكبر
عدم احترام الاخرين
البخل
الحرص
 
الله يسخر لك زوجك الحالمة ويرزقك بر أولادك

ماسة نجد أحس كلامك صحيح فعلا :( لازم تسايري وتجي على نفسك كثير
 
عمري وحياتي حلومه تصدقين حسيت اني كرهت زوجي من كلامك هو بعد الزعل يقعد فتره بعدين يبدا يتقرب اقول له لاتعيدها وعندنا عيال ويقول طيب بس اذا زعل صار جني واستغل الفرصه
الحين لما يبدا يتقرب ايش يكون موقفي ؟ خصوصا انا احتاج اغراض اشيا ء واذا استمر الزعل او المعامله الرسميه تكثر الاعذار عن تلبيتها او تكون النفس خايسه
هو اذا راضي عشان ما اظلمه رهيب وما يقصر في الي احتاج من اغراض او هدايا لا اهلي او اي احد لبس اذازعل ونرفزني ورديت عليه وكبرت ينقلب جني, مع اني في المره الاخيره مارديت ونفس الشي وصار حاط في باله ان اي اجازه اي سفره او عيد لازم مشكله حتى اني احس انه يبدا يراقب الاخطاء علشان يقول شفتي ماتعدي بدون مشاكل
عزيزتي حالمه تقولين لاتبينون الي يضايقكم وخلوكم اذكيا طيب كيف اقوله مايرضيني تتكلم معي كذا وراح يعرف ان هذا الشي يزعلني وممكن يستغله ويسويها_-_مع جزيل الشكر اذافيه امكانيه اكلمك لاني ما احب الكتابه واحس المشكله ابغى تسمعيني وتناقشيني انشاءالله تكفخيني بس اوصل لحل تعبت من المشاكل
 
افضل دعاء{اللهم انك عفوؤ تحب العفو فاعفو عني }
وانا اقول {اللهم انك عفو تحب العفوا فاعفو عن حالمه وارزقها من حيث لاتحتسب}اللهم اميييين
 
مرحبا حالمه ربي يسعدك دنيا واخره
انا من المتابعات بالمنتدى وتوني متزوجه لي 4 شهور
اعتقد زوجي شرقي هههههههههههههههه
انزين.. ابي استفسار خاص عاتي ارسله لك ع الخاص حبيبتي
 
في انتظاااارك
الله يفرج عنك كل ضيق

استفدت منك كثيييير

مشكوورة
​
 
الله يحفظ الحالمه من كل شر وسوء
ويردها لنا بالسلامه
الغايب عذره معه وان شاء الله عذرها خير​
 

بجد فقدنا حبيبتنا حلووومه ربي يجعل غيابه خيرر

ربي يحفظه ويقر عينه بشفاء والدتها ياارب ,, .....
 
الحالة
مغلق و غير مفتوح للمزيد من الردود.
عودة
أعلى أسفل