يعطيج العافية يالغلا
موضوع مفيييد جداً
وبحاول أطبق النصايح عل وعسى تفيد
::
بقول لج معاناتي مع هالدورة
أيامها بالنسبة لي .. أيام سودة
تتوقف فيها كل نشاطاتي
بسبب الألم القوي
مايفيد معاي بندول .. تلوع جبدي لين أبلعه وعلى طول أرجع كرمج الله
ماتفيد معاي مطارة الماي .. احسها تعزز عندي الآلام
ما آكل شي خصوصا أول يوم .. ومن آكل على طول أرجع
والآلام حدث ولا حرج .. أحس رحمي يتقطع .. تقلصات ماترحم أبد أبد
ولين اتييني الدورة [ على ايام ماكنت بنت ] الكل يدري عني لان حالتي تكون يرثى لها [جني ميته]
يشيلوني شيل يودوني المستشفى .. يعطوني أبر فولترين ومغذي
وكنت اسمع ان البنت عادي تجيها اللآلام .. بس من تتزوج تخف
وانا كنت اصبر نفسي واعطي نفسي أمل لهذي المعاناة كل شهر
لييين ربي كتب وتزوجت
كنت انتظر الدورة بعد الزواج وش بتكون هل بتخف ولا لا
شرفت الأخت بسلام أول يوم .. ناقزت من الفرح
قلت انتهت معانااااااااااااااتي بسلاااااااااااااااااااام
افتكيييييييييت من الألم
جنها تقول لي فرحي اليوم بس باجر باراويج الوييل ههههههه
توه ياي اليوم الثاني الااااااا وتكشر عن انيابها وتييني الآلام اللي ماعرفتها في حياتي من قبل
أكثر من أول بأضعااااااااااف
والحين مر على زواجي خمس شهور وكل شهر اتيييني شكل
يارب هالشهر ما اتييينيي واكون حامل وتنتهي معاناتي
::
يعطيج العافية يالغلا
ودي
