تابــــع
تعالت أصواتهم
هدى كانت رااااااافعه صوتها على بندر وتسب وتشتم
وأمها معها
والصدمــــــــــــه
أن بندر يرد بصوت منخفض ولا حاول يسكت هدى
أنا أدري أن بندر يحترم خالاتي وجدي لدرجة كبيرة
بس مولدرجة أنه يسكت عن هدى ولسانها الطويل!!!
كانت هدى تصارخ من بين كلامها
:طلقـــها..طلقها..قوله ياجدي يطلقها أنا موراضيه أنه ياخذ علي
:أنا ماتزوجتها عشان أطلقها..لها مثل اللي لك..واللي موعاجبها تطلب طلاقها وبيجيها
:شففففففففت ياجدي شفت مايبيني
دخلت جدتي..وصار الهواش بين جدي وجدتي
سمعت جدي يقولها:اسكتي أنتي عجوز مخرفه هع هع
وهي ترد عليه:لاااااااا أنت الولد الفاهم خخخخخخخخ
ترى ماكنت أضحك بالعكس كنت أرتجف من الخوف
وأقول الحين بيتضاربون بالعصي
تدخل بندر
:خلاص ياجدي الله يهديك..وأنتي جدتي أدخلي داخل حنا نحل الموضوع
يصارخون على بندر ماتركوا كلمه إلا قالوها وأنه موقد المسؤلية وأنه وأنه..
وهو ساااااااااااااااااكت
تكلمت جدتي على جدي
:خااااااف الله البنت داخل تسمعك
:هي هنا!!!!!!!!
رحت أركض للمجلس...وقفت بآخر زاوية وكأني أختار أطول وقت ممكن عن لقاء جدي ونقده
هذي الزاوية جلست فيها كثيييييييير وأنا زوجة لبندر أتكلم عنه وله بدون خوف وقلق..وجلست فيها كثييير
والحزن يعتصر قلبي
دخل جدي وبندر معه
وقفت سلمت عليه..غريب هذا الإنسان ينتظر سلامي
حتى يبدأ في قتلي!!!!
:أنتي قلوا عليك الـ(...)>>>>يقصد عائلة أبوي لأن أبوي مايقرب لهم..يعني يقصد أبناء العمومه
نزلت راسي خوفا" منه..لمحت بندر
ويييييييييينك يابندر ليش ماتتكلم
ليييييييييييييييييش ماتدافع عني!!!!!!!
ليييييييييييه الصمــــــــــــت!!
قام يشتم وأني خربت بيت اختي>>>على قولته!!!
(للمعلوميه جدي مايعرف اللي حصل بالماضي ولاأحد يجرأ يقوله)
دخل خالي بعصبيه
:أعووووووووذ بالله وش فيكم أنتم..فضحتونا أصواتكم واصله عندي وأنا فوق
مسك جدي وطلعه عني
:تعال الله يهديك
تغطيت وأخذت شنطتي طلعت وأنا بداخلي أنفجار
حصلت هدى واقفه عند باب المدخل تنتظرني
إبتسامة سخرررررررية وولدها معها وكأنها تقول هذا ولده ياابتهال
ماااااااخااااااااااافت ولا استحت من بندر اللي كان يمشي وراي!!!!!!!!!!!
ابتسامتها كااااااانت واضحه..وطريقة وقفتها واااااااضحه!!
طلعت لشارع
:ابتهال تعااااااالي وين رايحه
:وين يعني السيارة
فتح لي الباب ركبت وسكره وأنفجرت باكيه
شفت جدي يأشر له ..رجع بندر للبيت قبل يدخل السيارة
ظليت أبكي بمرارة على اللي صار
جدي جرررررررحني جرحني..لومن واحد ثاني أهون من شخص كبير ويهمك..
وش جالس يسوي بندر داخل؟؟!!..وش جالس يسمع!!
كل هذا دار في راسي..
مسحت دموعي ورجعت راسي ورى أحس ودي أغمض وأدخل بغيبوبة وأنسى الناس والدنيا كلها
كل الأفكار تجمعت براسي حتى خالد جاء في راسي
وضربه لي..كللللل شئ جاء قدامي..
دخل بندر وأغلق باب السيارة ومشينا
مر الوقت وحنا ساكتين
كنت أنظر للعالم اللي برا مع نافذة السيارة مااااابي أشوف بندر ولاأشوف أحد..
وقف عند بنك ونزل
مادري كم مر من الوقت ورجع ومشينا
تفاجأت فيه موقف عند باب بيت جدي
لفيت نظري عن البيت..أحس شوفة بيتهم تعذبني أكثر
:بنزل أعطيها مصروف لولدها وأجي ثواني بس!!
مدري هومصروف!!..أوغيره!!..مايهم..أنا أحس بضيقة الدنيا داخل قلبي..
رجع لسيارة ومشى
:ابتهال
:..
:ليش ماتردين علي أنا أكلمك
:..
:أنتي تبكين
:لاتخاف علي من البكاء..البكاء مايتعبني
:بس يتعبني أنا
:
:وإلا عادي عندك بندر يتعب؟!
:
:ابتهال لاتزعلين نفسك من جدي تفكيره مغبر وعصبي ولأن هدى تحت رعايته لاأب ولاأخ مثل الناس ومايبيها تطلق ويبلش فيها..بكره لونزوره نلاقي مزاجه تغير!!
:..
:يالله حبيبتي وين تبين نروح!!!المكان اللي تبينه بوديك له!!!!!!!!
بعد كل هذا جاي يسألني وين أبي أروح
قهررررررني..
:بروح لأهلي
:أيش
:أهلي
:ليش طيب
:بسلم عليهم وبالمره أسلم على خالتي.أمك والبنات
:طيب
:..
:فديت الزعلانين
رفع يده بيلمس شفايفي..دفيته عني..ماكنت متقبله أي شئ منه.. أنا تعبانه من
صمت بندر وضعفه قدام جدي قتلللللللللني
هدى ووقاحتها..نظرتها وابتسامة السخريه عذبتني
وعدم خوفها من بندر..طلعته للبنك ورجعته لهم بنفس الوقت!! بعد كل اللي صار..كان صبر شوي..
:أفااا..وش فيك للحين زعلانه..قلنا لك أنسي اللي صار
:أنسى!!!!!
:ايه ابتهال ماعليك من جدي
أنفجرت عليه
:أنا موزعلانه من جدي زعلانه من سكوتك عن اللي صار مافكرت تدافع عني
:ابتهال وش تبيني أسوي أضرب جدي..وإلا أقول حدك لاتتكلم على زوجتي!!
:انت ماقدرت تدافع عن نفسك فكيف بتدافع عني
أنخرطت في البكاء
:ابتهال خلاص حبيبتي يكفي بكي
:
:ابتهال ترى والله قطعتي قلبي
:..
كمل الطريق وهوساكت وأنا أبكي كنت حاسه فيه متظايق من علو أنفاسه
تذكرت كلام أمي عن الضرة ومشاكلها بالذات إذا كانت تقرب لك آااااااااااه !!!!!!!!!!!!!!
:وصلنا الفندق أنزلي..ماأقدر أوديك لأهلك وانتي كذا
نزلت بدون معارضه ..ماني متحمله أي نقاش ولاجدال ولاأني أسمع شئ..
مسك يدي وحاولت أفكها منه
:لاتفضحينا إذا دخلنا الغرفه سوي اللي تبين لوتضربيني ههه
تضايقت لأني ماقدرت أرد الضحكه له
..ألقيت شنطتي على السرير..سحبني مع يدي قبل أنزل عباتي وضمني على صدره...أنا كنت زعلاااااااانه منه ومقهوووووورة بس كنت محتاجه أبكي في حضنه..مسحة يده على شعري تحسسني بالآمااااااااااان
:ابتهال قلبي خلاص يكفي والله مايسوى اللي صار كل هذا
:بندر
:عيونه
:أنا أحس أني أخطأت برجعتي لك..ماأقدر أتحمل المشاكل ولاوجودها
:لااااا تكفين ابتهال والله أزعل منك.أناأسعد يوم بحياتي رجعتك لي..
:..
:تبيني أطلقها..أطلقها الليلة
:لا
:ابتهال خلاص لاتعذبيني والله وأنتي متضايقه هموم الدنيا تجمع في قلبي
:..
:شوفي الصلاة بتفوتني إذا ماغسلتي وجهك وسكتي ماراح أتركك
:لاخلاص بندر روح للمسجد
صليت المغرب ودعيت
وألقيت بجسدي على السرير..أحس كل ذرة فيني تصرخ ألم وتعب..وصورة هدى ووقفتها ماتفارق خيالي
كل ماأتذكرها تنزل دموعي غصب
قطع تفكير صوت الجوال
:هلا نورة
:هلا باللي تقول ماااااااأستغني عنك
:ههههه ترى توني شايفتك أمس
:شووووووف البنت تستكثر علي..ايه نسيتينا مع بندر
:لاطبعا"
:طيب أخباااااارك وكيف حالك عسى مرتاحه
:الحمدلله مرتاحه
:صراحه أشك
:هههه ليش
:نبرة الصوت تقول غير كذا
:لا مافيني شئ
:عيني بعينك
:هههه
:طيب كيف حال أخوي العزيز
:الحمدلله بخير أنتم أخباركم
:كلنااا بخييييير ..مشتاقين لك..البيت بدونك مهجوووور
:هههههه كيف مهجور
:فقدنا أزعاجك ودلعك وخبالك
:ههههه كل هذا فيني لهذي الدرجة أنا مزعجه
:وأكثر مماتتصورين
:ههه حتى أنا أشتقت لكم..ياااااااليتني عندكم
:حلووووه ياليتك عندنا مجامله مقبوله هههه والله طفش البيت اليوم نزلت مااافيه صووووت..وعيالي طفشانين ماأحد يعطيهم وجه
:ياقلبي أنتم
:طيب بهلولة مري علينا ..ترى كل الشلة هنا
:ههه بحاول بقول لبندر
:يالله حبيبتي مابي أطول عليك
:في آمان الله
كنت عارفه أن نورة عرفت بالضيقة والحزن اللي عندي بس مااااني مستعده أقولها شئ..ولاأقدر أقول كل شئ
حتى هي فضلت الصمت أدري أنها حست أني ماااااقدر أتكلم باللي في خاطري
دخل بندر
:مساء الحب والدموع والناس الزعلانين
:مساء النور
تعالي أبيك بقولك شئ
رحت عنده
:ابتهال حبيبتي مايصير كذا دايم شادة أعصابك ومتضايقه..كل هذا بس في البدايه مصدومين من الموضوع بعدين نرتب أمورنا وكل وحده في بيتها
وإذا ماعجبها الوضع بكيفها أطلقها إذا تبي طلاقها
ماكنت أعرف أتكلم معه وأعاتبه وهوبعد كل جملة يوزع قبلات على وجهي
:بندر بعد عني ماعرف أتكلم
:ليش ماتعرفين
:
:قبل كنتي تعرفين
:طيب بندر أنا بصراحه خايفه لأني حسيتك ماترد جدي أبد وهدى متحكمه بالوضع..اخاف بكره تضربني هدى وأنت واقف تتفرج
:هههه لاتخافين أوعدك أحطك بعيوني ولاأحد يأذيك
:الله أعلم
:لهذي الدرجة موواثقه فيني
:لا مومسألة ثقة بس اللي شفته اليوم مايطمن
:لاتخافين شيلي الوساوس من راسك خلينا ننزل نشرب شئ وبعد صلاة العشاء نروح نتعشى هلكنا ماكلنا شئ
:طيب
...
:ابتهال شوفي تذكرين هذا المطعم ههه
:اييييييه اكييييييد أذكره
:قولي متى رحنا له ههه
:أول مطعم دخلناه مع بعض
:صح عليك تفضلي
نزلنا ..جلسنا بنفس الطاولة اللي جلسنا فيها قبل 8 سنوات تقريبا أول زواجي الأول
نفس المكان ماتغير...أكلنا نفس الأكل..
حبنا نفسه..لكن زاد عليه الخوف والقلق
وهــدى!!!!!
وهويرفع اللقمة لي أتذكر هدى وأحس بالألم والحزن
وضحكات بندر وفرحته بوجودي معه تزيدني ألم
:تصدق بندر انا دخلت هذا المطعم من بعدك ثلاث مرات
:صدق والله
:أي والله..بس دايم أقول لمحمد بسرررعه خلنا نروح بدري ويقول ليش نتعشى بدري..وأنا نفسي ألحق على الطاولة..وكل مانجي يكون فيها أحد..والله وأنا داخله المطعم وأنا طالعه أناظر فيها وأتذكرك
:لهذي الدرجه تحبيني
:وأكثر من كذا
:يووووووووه روحي بتطلع
:هههه وش فيك بندر أول مره تدري اني أحبك
:لاااااا أدري من زمااااان..حتى كنت أحس فيك وأنتي بعيده عني..صديقي عبدالرحمن يقول يالخبل حرمه تسوي فيك كذا !!..قلت خبل وإلا موخبل أبيها يعني أبيها هههه
:ههههههه
:اليوم أنفكت عقدتك من الحيا الزايد هههه تكلمي لاتسكتين
:ههههه
:تدرين أنا عندي لك مفاجأة بس أخاف ماتتحمليها
:لاااا تكفى بندر..أخاف
:ههه وش فيك أنا قلت مفاجأة موفاجعة
:أدري بس ماحب كذا
:تدرين أنا ملاحظ عليك تغير طااارئ
:هه وشو؟
:صايره خوافه بزياده
:لابندر خلاص قفل الموضوع
:ليش تضايقتي عادي أنا زوجك أحبك وأحس فيك
وأبي أسمعك وأحتويك وأشوف وش اللي يضايقك
:لا بندر مافيني شئ بس يتهيأ لك
:ياكثر الأشياء اللي تتهيأ لي منك ههه
:يعني مومصدقني
:طبعا لا وألف لا..بس بسامحك هذي المرة وأن شاء الله بعدين نفتح الموضوع أتفقنا
:أتفقنا..طيب شو المفاجأة
:هههه كيف أقولك ماتصير مفاجأة..بعدين تشوفيها
:
:كملي أكلك
:لابندر الحمدلله خلصت أنت كمل أكلك جالس تأكلني ولاأكلت
:لاتخافين علي من ناحية الأكل ماخذ حقي وزيادة ههه
:ههههه
شفت جواله على الطاولة
تذكرت ولده..نفسي أشوووووفه..موحقد أوكره..
بس نفسي أشووووووف هويشبه بندر أو لا
أحس بحب له لأنه جزء من بندر
أخذت جواله
:بهلولة وش تفتشين عليه
نزلته على الطاولة
:لاماكنت أبي أفتش بس بشوف الصور
:طيب خوذيه ياقلبي وهذي الصور
ماحصلت إلا صور أخوانه
:بندر مافيه صور لولدك
حسيته مايبي يحرجني يمكن خايف أني أتظايق
:لاحبيبتي مافيه ليش أحطها
:مدري كذا..أشوف كثير يحطون صور عيالهم
:ماراح أحط صور لهم إلا إذا صار لي منك ولد ساعتها بحط صورهم جميعا" بجوالي..ترى أنا عندي أحساس كبييير أنك بتحملين
:يمكن ايه ويمكن لا
:بإذن الله ..أنا سعادتي بتكمل أذا شفت ولد بين يدينك
كأني شفت في عيونه دموع
أكرررررره دموعه وحساسيته الزايده وطيبة قلبه
:بندر وش رايك توديني أهلي بعد مانطلع
:أبشري
ناظر في ساعته
:لا بنتأخر..خليه بكره
:على راحتك
وصلنا الفندق ودخل لدورة المياة
شفت جواله أتصال ورى أتصال
رحت أشوف المتصل
كانت هدى
حسيت وكأني غرقااااااانه..أتصالها صحاني من أحلام ودخلني بواقع مرييييرررر..تذكرت وقفتها اليوم وحنا في بيت جدي..وصراخها على بندر وصمته
لمسني مع شعري ولفيت عليه
:خوفتني
:ههه اسم الله عليك..وش جالسه تأملين
أخذ جواله تغيرت تعابير وجهه
ابتعد شوي عني ودق عليها
:هلا ...هلا جدي
:الله يهديك بكره ياجدي
:الفندق بعييييد
:أن شاء الله أن شاء الله
:طيب طيب
ملامحه ماتوحي بشئ ..حسيته بينسيني
:تعالي هنا اسمعي قلبي وش يقول
:أمممم سمعت
:وش قال لك
:أحبك
:ههه يكذب عليك ..يموووت فيك
:ههه
:..
:بندر
:هلا
:بقولك شئ بس لاتزعل
:قولي كل اللي بخاطرك وجيبي كل اللي يضايقك وحطيه بصدري خليني أشيله عنك
:الله يخليك لي
:آمين طيب قولي
:أنا أتضايق من أتصالاتها..أقصد لاتكلمها قدامي أو بالغرفه اللي أنا فيها
:أنا على بالي في الولد شئ..وأساسا جدي اللي كلمني موهي وأبشري أوعدك ماتتكرر
:يبيك تروح لهم الحين صح
:أيه صح
:بالله هذا منطق يابندر..وش يبي فيك بهذا الوقت
ماكفتهم المزجرة اللي اليوم
:هههه مزجرة مره وحده..والله ياعمري مدري وش يبي
:بندر مولازم تروح ..توه أمس زواجنا أنتظر 3 أيام بعدين روح وأجلس عندهم يحاكمونك براحتهم
:محاكمه مقبوله منك!! المشكله رديت عليه وإلا كان قلت له أني كنت نااايم
:بندر انت من جدك بتروح في هذا الوقت
:ماراح أطول ياقلبي
:الفندق بعيد..الطريق مع المحاكمه..متى ترجع
:..
:بندر أرجوك لاتصير ضعيف قدام جدي حرام عليك صاير يتحكم فينا مثل مايبي..خلاص أنت مواليوم أرضيت غرورهم
:ابتهال وش فيك معصبه ترى اللي بيصير كلام معهم فقط ماراح آخذها معي
:أدري..الكلام مايتأجل وش هالأسلوب اللي متخذينه معك
:هدي نفسك بهلولة كل هذي غيره
:غيره أو موغيره..أنا ماأتحمل اللي جالس يصير..الحين بأي وقت تطن بروسهم ينادونك لوشئ مهم وضروري عادي بس على موضوع زواجنا!!!!! خلاص تكلمتم بما فيه الكفايه اليوم..وإلا لازم جرعتين في اليوم..خلهم ينتظرون إلين بكره
:ماااقدر لازم أروح!!!
قرب من عندي يبي يضمني ..دفيته وأبتعدت عنه
أخذ مفتاحه وجواله وطلع
جلست أبكي لأني ظايقته وأحرجته وكسرت بخاطره
وبنفس الوقت تعبني ضعفه قدام جدي..والله قدام أبوه موضعيف كذا بل على العكس مايهتم لأي شئ
لكن مع جدي غيييررررر..
دق جوالي وكان بندر..
:جهزي نفسك بطلع فوق آخذك معي لبيت أهلك
:ليش
:أخاف عليك لوحدك وأخاف أطول ومنها تنبسطين مع خواتي
تجهزت ورحت معه
طول الوقت ساكتين..هوواضح أنه متضايق من كل شئ وأنا بعد..
مسك يدي
:ابتهال وش فيك ساكته
:ماعندي شئ أقوله
وقف عند باب بيت أهلي..الشارع فاضي والهدؤ والسكينه من سمات الليل إلا قلبي في هذا الوقت
لاسكينه ولاهدؤ..
وقبل أنزل
:أنتبهي لنفسك حبيبتي
:بندر لاتتأخر..إذا تأخرت لاتمرني..خلني أنام عند اهلي
:مايصير عروس تنام عند أهلها
:ومايصير عريس يترك عروسه ويركض لجده عشان يعيدون ويزيدون بموضوع زواجه
:تهديد هذا يابهلولة
:لوتتركني أنام عند أهلي أفضل
:كيف جالك قلب تقولينها
:وأنت كيف جالك قلب تشوف وقفة هدى وسخريتها لي وتسكت عنها
:مانسيتي
:وماراح أنسى
:الحبيب يعفوا عن حبيبه
:أرجوك بندر أنا مااااااأتحمل ولاراااااح أسمح أنك تدفن قلبي للمرة الثانيه..ولاأسمح أنك تساعد عدوتي للمرة الثانيه بدفنه..إذا شايف أنك ماراح تحافظ عليه لاتمرني أبد..مع السلامه
فتحت الباب ونزلت أغلقت الباب
ورحت لباب البيت...كنت أذكر أن عندي مفتاح للباب
يدي تتحسس المفتاح بداخل الشنطه وهي ترتجف من البكي..كنت أحس أن الهواء اللي يمر فيني يودي له صوتي وأنا أبكي ..وأنا لأول مررره مابيه يعرف اني أبكي..ماكان ودي أذكر الخيانه اللي حصلت بالماضي أدري أنها تجرحني وتسئ لي قبل تسئ له وتقتلني قبلللل تحرجه وتعذبه..
فتحت الباب وسكرته بهدؤ..البيت هااادئ..دخلت بالغرفه الخارجيه..جلست بدون ماأفتح النور وأجهشت بالبكاء
أحس قلبي طلع تخيلته ماااايجي...تخيلت فراااااااقه ولوليلة مااااااااقدر حتى أدخل غرفتي وأنام بدونه
تخيلت أنه يتركني..كيف أقدر أعيش فراقه مرة ثانيه ماااأقدر.. تخيلت أنه يتركني فترة..ولوأيام معدودة
وحسيت روحي بتطلع...جاء في بالي ايش بيقول له جدي وايش اللي بيصير..بيفضل رضاها علي أو لا
..وأشكي لي وآخذ رأي مين...كل هالأسئلة دااارت براسي..
يتبع
الليلة بكمل
