أبسألك بس أبسألك وش هو شعورك وأنت تدفن قلب انسان؟!!!

الحالة
مغلق و غير مفتوح للمزيد من الردود.
تدرون شوووووو صااااااااااار
والله أني فتحت الملف وكملت عليه ولما جاء بندر سويت نسخ وحذفت الملف..عشان أفتح المنتدى وأسوي لصق
ورحت شوي ورجعت فتحت المنتدى سويت خيارات مافيه شئ منسوخ عندي والله بغيييييييييييت أبكي أنقهررررررررررررت
الله يعوض علي والله جالسه من قبل العصر إلى المغرب وأنا أكمل عشان يكون الجزء طوووويل وأكتب وأفضفض وأعبر
وكنت كاتبه رد لبعض الردود خلاص زعلللللللت
برد على ردودكم بعدين والآن بكتب لكم ولوكان قليل سامحوني لكن الليلة برجع أكتب اللي كتبته وأنحذف وبكمل عليه لعيونكم
تابـــــــــــع
صحيت على صوت المنبه لجوال بندر على وقت صلاة الظهر
أنتظر وأنتظر ..ولاااااااا حاس فيه..
سويت نفسي نايمه..أستحيت أحرر جسمي من بين يدينه..أو يمكن ماأبي أتركه أويتركني..أستشعر أنفاسه..وأسمع نبضات قلبه
وأسأل نفسي حقيقة أو حلــــــــم...معقوله الإنسان لما يحصل على شئ محتااااااااااااجه بعد ماأضناه الفراااااااااق..ويصل لحد أعلى من السعاااااااااااااااده....يدخل بحالة لاإستيعابيه!!!
بعد دقايق صحى بندر..حاولت أكذب حتى على نفسي بأني نايمه
..طبع قبلة على جبيني..وأشتعل الفرح بداخلي بأن بندر ماتغير علي
..حسيته أطال النظر لوجهي..وتمنييت أني صحيت ولاحطيت نفسي بهذا الموقف..شكله مثلي مومستوعب..
حرر جسمي من بين يدينه بكل هدؤ..
وخلال دقائق تجهز وطلع لصلاة..
صحيت بسرعه وفتحت جوالي مكالمات من أمي ونورة
تجهزت وصليت الظهر.. بعد ماأنهيت صلاتي
كلمت أمي
:السلام عليكم
:وعليكم السلام هلا وغلا كيف حالك بشريني عنك عساك مرتاحه
:الحمدلله يمه أنا بخير و مرتاحه أنتي كيف حالك وحال أبوي وأخواني
:كلنا بخير..والله أمس أقول البيت فاضي بعد بنيتي كأن اللي طالع منه 10 مووحده
:ههههه الله يخليك لي
:وبندر كيف حاله
:الحمدلله بخير
:أمس تندمت أقول ليتني رحت معها ولاكسرت بخاطرها
:هههه لاعادي يمه أنا خوافه بزياده والحمدلله الحين مرتاحه
:الحمدلله أهم شئ أنك مرتاحه..طيب ليش جوالك مغلق والله خفت عليك
:لايمه بس نايمه لأني مانمت إلا 8 الصباح والحين فيني النووووم
:الليلة انا عازمه خالاتك عشان خالتك أم بندر وبناتها مري علينا
:أن شاء الله يمه بقول لبندر..يالله يمه تامرين على شئ
:سلامتك..أنتبهي لنفسك
:أن شاء الله..بلغي سلامي لأبوي وأخواني

...
بعد ماسكرت من أمي سمعت صوت الباب
ورحت متوجهه له شفت طاوله داخله وماسكها واحد يده مويد يندر
يمممممممممه..دخلت الحمام وقفلته علي وأرتجف من الخوف
وكل ماأسمع حركه بالغرفه أحس جسمي ينتفض وقلبي بيطلع
سمعت صوت بندر دخل ويتكلم مع شخص وصوت الباب تسكر
:ابتهال حبيبتي وينك
فتحت الباب واقف قدامي
:هههه زين أنك بدورة المياة
:...
:وش فيك خايفه ووجهك متغير
:اسم الله شفت واحد دخل
:هههه اسم الله عليك..أنا طلبت منهم فطور ماتوقعت يجيبونه بهذي السرعه ولاتوقعت أنه بيدخل..شافوني تحت ويظنون أن الغرفه فاضيه

جلسنا نفطر ونضحك ونعلق على الموقف
:هههه طيب جوالك بيدك ليش ماأتصلتي على 3 تسعات يجون ينقذونك ويمسكون الحرامي ههههه
:ههه والله نسيت جوالي من الخوووف و ليش أتصل على الشرطه بتصل على أبوي ينقذني
وقف ومسك يديني
:أييييييش تتصلين على أبوك!!..أنا أبوك قووولي أتصل على بندر وإلا بسوي شئ أخليك من الإحراج تبكين
:ههههه لا خلاص بتصل على أبوي بندر
:ايوه كذا تمااام ههه

قررنا نكمل نومنا للعصر وبعدين نطلع..
بعد ماطوقني بين ذراعيه
:ابتهال تكلمي قولي أي شئ بنام على صوتك
:بندر أيش أقول
:تعالي..أنتي كلمتي أحد من أهلك
:ايوه أمي
:زين عشان مايخافون عليك إذا جوالك مغلق إلى العصر
سكت شوي وسألني بتردد
:ماقالت لك من حضر الزواج؟!!!

أول مره بندر يسأل عن حضور النساااااء
مع سؤاله حسيت عاااااصفة أنتشلتني بكل قوووة..حسيت وكأن رمل
بعثر علي من رأسي إلى قدمي..
مين يقصد؟!..يقصد أحد من طرفها؟؟..أم هدى!..أو ندى..أو..أو...
ماأعرف ليش الشعور القاتل اللي داهمني
غيييييييره فيني..أو خووووف..أو هرووووب من الواقع أنها تشاركني أو أشاركها بحبيـــبـــي!!
ولأول مره من ليلة الأمس أركز النظر في عيونه وأحدق فيها
حسيت أني أبحث عن شئ ضاااايع..ولأول مره أحسه يتهرب من عيوني..رديت عليه بتردد بعد ماصرفت نظري عن عيونه
:أنا ماسألتها
دفن راسي بصدره وكأنه ينفض عن رأسي الأفكار وتكلم بنبرة مرح
:وش رااايك أحكي لك حتوته قبل تنامين
:إذا الأرنب لا مابيها
تعالت ضحكاته وضحكت منه
:هههههههه للحين مانسيتيها
:ههه أكيد
:واللي يقولك ماااافيه إلا حكاية الأرنب
:مااابيهااااااا دور غيرها
:حرام عليك حكاية الأرنب تحبك ليش ماتحبيها
:هههه بندر تصدق ماسمعتها أبدا..كل ماتقولها أغط بنوم عميق
:ياقلب بندر
:الله أحب هالكلمه من زمان عنها
:وش معنى هذي الكلمه بالتحديد
:أمممم مدري كذا..الحب من الله
:أي والله الحب من الله وأنا أحبك
:بندررر خلااااص نام..راح الوقت وحنا مانمنا
سويت نفسي نايمه..كنت أبيه ينام ويتركني لوحدي
أبي أرتب شئ تبعثر بداخلي...حسيته نام وأنا جالسه أفكر
موفي سؤاله بحد ذاته..أفكر بالشعور اللي أنتابني..
صار فيني كذا وأنا للحين ماعشت معها ولاشفتها وهي تاخذ نصف حبيبي والنصف الأخر لي...تخيلت لوبندر يتركني ليلة عشان يروح لها آااااااااااااه شعور صعب ..لووحده ثانيه أهون من أنسانه بيوم طعنتني وتسببت بحزني وقهرررري..تذكرت كلام أم فهودي لأمي تنقل سوالف هدى اللي كانت بأسلوب مضحك بالأيام اللي كنت انا فيها زوجة لخالد..كانت تستهزأ في بندر وطريقة تعامله معها بالفراش وأنه ياخذ اللي يبي ويعطيها ظهره..وأنه وأنه....
أرتسمت طمأنينه بداخلي بأن بندر غييير معي...
معقوله قسى قلبي لأسعد..بحزن ونقص لدى غيري؟!!
معقوله بيجي اليوم اللي فيه ألهث ورى سعادتي ضاربة بالمبادئ عرض الحائط!!
صرخ بداخلي صوت لاااااا ياابتهال...أهم شئ رضى الله..إذا أرضيتي الله..راح يرضيك....إلا حدود الله..إلا الظلم حتى لوظلمت منها..
أفكار مررررررت...تذكرت ضرب خالد لي...وولدي وفقده
..تذكرت أن هدى بينها وبين بندر طفل...هذا الطفل اللي كان بندر ينتظره سنيييييين...
قطع تفكيري صوت المنبه لصلاة العصر
صحينا نصلي العصر
رجع بندر وأنا جالسه على السجادة توني مخلصه دعاء
حط راسه على رجلي
:الله أحب أحط راسي عليك وأنتي لابسه جلال الصلاة
:هههه ليش
:مدري أحب كذا..تدرين كنت أتمنى أحط راسي على أمي بس كنت أستحي منها
:هههههههههه
:ليش تضحكين مني ههه
:لا أضحك من كلمه أستحي ..كثر منها
:ههههه حرام عليك بهلوله أنا خجول
:ههههه
:إلا جدتي كنت أحط راسي عليها بس أم فهود كانت ناشبه لي تغااار وهي أصغر وحده وجدتي تدلعها ولاترضى زعلها..بعدين الله عوضني فيك..تصدقين ابتهال في غير بيتك ماحصلت الطمأنينه
أنتشلتني العاصفه من جديد..غير بيتك!!..يقصد ماحصل في بيت هدى طمأنينه..مجرد ذكرها يشعل في داخلي أشياء كثيرة
:أنتي زوجتي وحبيبتي وأمي ههههه
:وأنت حبيبي وأمي هههه
:هههه أنتي مانمتي؟!
:لا
:ليش كنتي مرررره نعساااانه
:مدري ماقدرت أنام
:أنتي كنتي تبكين؟
:لا ليش
:إلا عيونك فيها دموع
:لا بندر ههه يتهيألك
فعلا أنا ماكنت أبكي ولابكيت لكن شكله كان متوقع كذا وبيسوي انه كافشني ههه
قام مسح عيوني
:شفتي أصابعي عليهم دموع
:هههه لامافيه
:بهلوله ترى مابي دموع أبد..أنا سبق قلت لك دموعك تذبحني
إذا تبيني أموت موت بطئ..وريني دموعك
:أن شاء الله ماتشوفهم
:موكأن صوتك تغير..تونا قلنا مانبي دموع
:أبشر
:يالله تجهزي بنمر ناكل شئ ونسلم على جدتي
:أن شاءالله
بروح أصلي وأرجع أكمل خفت ينحذف هههههههه



 
رااااااااااااااااااااااااااااااائع جدا ..........
نرييييييييييييييد المزييييييييييييييييييد .....
الله يسعدكم مع بعض ..........
 
الحمد لله ريحتينا أخيرا ابتهااال الله يسعدك ويخليكم لبعض ويبعدعنكم كل حااسد وذي عين آآآآآمين
 
ننتظرك حبيبتي الله يسعدك
اليوم مانمت الا الظهر وكل شوي اشكيك اقول يمكن دخلتي
ومن صحيت المغرب اول شي فتحته موضوعك
ورررررررررررربي حبيتك ودخلتي قلبي
 
معاااااااااااااااااااااااااااك يادلــــــــــــــــــــبـــــــو... معاااااااااااااااااااااااااااااااااك....
 
الله يجزيك الخير والله ما لحقنا ننسجم شوي خلص المقطع:tears::sad_1:

ننتظر على احر من الجمر يا فروحة... والله يسعدك وييسر امورك...



:31:((_موني_)):31:
 
تابـــــــــع
رحت أتجهز عشان أروح معه لجدتي..أعرررف وش كثر بندر يحبها ..هي أمه اللي ربته وعاش معها وذاق حنانها..إذا أنا اللي كنت أزورها بس يوم أربعاء ذقت طعمه وحلاوته فما بالكم في بندر!!
تذكرت أني من شهر مازرتها بسبب الظروف والنفسيه التعبانه أنتابني غضب على كل اللي حصل وحرمني من زيارة جدتي الحنون..
فكرت في كلامه اللي قبل دقائق..كلمة (بغير بيتك) تررررن في أذني وتشعل معها الألم..هل قالها عشان يعودني على ذكر بيته الثاني..أويطمن قلبي أني أنا غير وهي غير!!..أو..أو..هذي الأسئلة اللي دارت في بالي..
كنت خاااااااايفه أحصل هدى أوخالتي أو أي أحد..
خايفه من جدي وردة فعله...أحس بخووووف وتوتر..

مومثل زواجي الأول والثاني ألبس فستان وأكشخ وأتزين
لبست تنورة وبلوزة جميلة وعاديه..حطيت مكياج خفيف وربطت شعري الطويل
أعرف ان عدم لبسي للفستان لم ولن يخفف من وقع زواجي بنفس هدى أو أيا" كان من المعارضين لكن حسيت أن كذا أفضل..

:الله وش هالحلا كله
:حلو لبسي كذا
:ايه حلو أي شئ تلبسينه حلو عليك
:تسلم لي والله
:يالله تأخرنا تفضلي..

طلعنا وركبنا السيارة
:حيا الله بهلولة قلبي تومانورت سيارتي المتواضعه
:ههه منورة بوجودك
:هاه علمي حبيبك وش مشتهيه تاكلين
:لابندر مابي شئ
:ههه لايكون بس مستحيه تطلبين مني..عادي قولي لاتستحين
:لا بندر مومشتهيه شئ إذا أبي بقولك
:لامايصير تجلسين على الأكل اللي الظهر حتى أنا أبي
:طيب أبي عصير فقط والأكل بعد المغرب
:أبشري لك اللي تبين..
كنت طول الوقت متوترة..نفسي أصرخ وأقول لاااااااااابندر مابي أروح..ودي أصرخ أقول انا خاااااااااااايفه..ودي نورة عندي تسااااااعدني..ودي أقوله ماااااااااااابي أسلم على جدتي وأواجه اللي عندها..كنت أشرب العصير وماااااااأحس بطعمه..

:يالله وصلنا تفضلي ياأجمل عروس في الكون
ألتفت للبيت أدور على سيارة خالي
:ههه ابتهال وش تدورين عليه
:على سيارة خالي بشوف هو هنا أو لا
:هههه من قدك ياخالي ابتهال مشتاقه لك

نزلنا وأنا أنتفض من الخوف..وقفنا عند الباب..
تسارعت نبضات قلبي
وحسيت بغثيان ولاشعوريا" مسكت يده وضغطت عليها
:ابتهال وش فيك
:لا مافيني شئ بس
:بس أيش

فتح الباب ولد خالي الصغير
دخلنا ومرينا من المجلس..بندر دخل مجلس الرجال وأنا مشيت لداخل البيت..لأن أحيانا يكون عند جدي رجال..
دخلت لصالة وأنا عارفه أن الجلسه في مجلس الحريم لأن سرير جدتي موجود فيه وهي دايم جالسه عليه أو على كرسي متحرك لأن رجولها تتعب من جلسة الأرض وتتعب من المشي الكثير
سمعت الأصوات تتعالى من المجلس..غضب وأنفعال..
أم هدى:هي تقوله تقول من تزوجني وهوواضح يحبها يومه يحبها وراه يخطب ويتزوج
جدتي بصوت منخفض:نصيب
أم هدى:مدري وش لاقي فيها..لاهي أزين من بنتي ولا فيها زود
جدتي:خافي الله بنت أختك مافيها فرق عن بنتك
هدى:لا جدتي أنا أزين منها وهي بعد أكبر مني
تعالت ضحكات ندى:ترى مابينكم شئ كلها شهرين هههه
هدى:وأنتي وش يضحكك الحمدلله والشكر لايكون معها
ندى:لاني معك ولامعها مالي دخل
أم فهود:أصلا يمه طاقه الفقر ماحيلته إلا راتبه من وين بيكد على بيتين
جدتي:رزقه عند ربه ماهوعندكم
أم هدى:الله لايبارك في زواجهم بسلامة بندر!!!!
جدتي:خافي الله تدعين على بنية أختك
هدى:هي ماأحد يبيها بكره تشوفون إذا ماطلقها هذي حتى خالد طردها!!!
لمس كتفي وأنتفضت
:اسم الله خوفتني
:هههه من زين سوالفهم عشان جالسه تسجلين
:آسفه ..توني جيت..
:أدري أنا دخلت المجلس وشفت بندر وبسرعه طلعت حتى ماسلمت عليه قلت خلني ألحق المعركه ههه
:خالي لاتخوفني أكثر
:أمزح معك أمشي قدامي أتحدى وحده تفتح فمها وتغلط عليك

دخلت وألقيت السلام وخالي دخل وقف عند الباب وكأنه يقول بشوف أحد يغلط أو لا..
:السلام عليكم
تعالى صوت جدتي والبقيه
:وعليكم السلام
توجهت لجدتي أسلم عليها وشفت هدى حملت طفلها وطلعت من الغرفه
:مبروك وأناأمك الله يوفقك ويرزقك بالذريه الصالحه
:الله يبارك فيك ياجدتي
سلمت على خالتي أم هدى وقبلت رأسها..سلامها كان بااااااارد
ولاقالت مبروك
سلمت على أم فهود
:مبروك>>>>من غير نفس
:الله يبارك فيك خالتي
توجهت لندى سلمت علي بكل حب وطيبه
:مبروك ابتهال
:الله يبارك فيك ياقلبي
أنحنيت أسلم على أطفالها..جاء ولد خالتي أم فهود ..حمودي الصغير يركض طاح في حضني
:هلا حمودي أخبارك
:الحمدلله بخير

دخلت خالتي أم سامي (أكبر من أم فهودي بسنه..يعني موكبيره مره)
:الله الله العروس هنا
سلمت علينا وباركت لي
الكل يتفحصني من رأسي إلى قدمي مع تعالي أصوات الأطفال والسلام..قاطعتهم جدتي
:وشلون بندر ياابتهال
:الحمدلله جدتي بخير
تكلمت أم سامي
:أخبارك ابتهال عساك مرتاحه
:الحمدلله
:بتجين الليلة عند أهلك أمك عازمتنا
:مدري والله
:ترى بعزمهم ..بكره عندي..لازم تجين..أنا بكلم بندر
:الله يسلمك ماتقصرين خالتي
أم سامي وندى مسالمات نوعا ما..
كنت أرد بهدؤ كعادتي..لكن نبرة الخوف والقلق والضيقه ظاهره على صوتي

قامت خالتي ثم الآخريات..راحوا لبيت أهلي
بقيت أنا وجدتي...في المجلس
هدى وأمها في الصالة ينتظرون الرجال يطلع عشان يدخلون على بندر..أنا أستنتجت كذا لأنها كل شوي ترسل ولدها يشوف راح الرجال أو لا...
زاد توتري خايفه من المعمه اللي بتصير
أتقهوى ولاأحس بطعم شئ
تكلمت جدتي وكأنها حاسه باللي في داخلي
:الله يطمن قلبك وأنا أمك ويعديها على خير أن شاء الله
:أن شاء الله

سمعت هدى وأمها راحوا خارج الصاله
:ابتهال وأنا جدتك هم راحوا
:أيه جدتي
سمعنا أصواتهم تعلى..جدي..هدى..أم هدى..بندر ماااااااااااااله صوت
:عطيني عصاتي بروح لهم
عطيت جدتي عصاتها ..وسويت نفسي كأني بجلس في مكاني
لحقتها أحاول أسمع شو صاير وأيش اللي بيصير
يتبع
برجع بعد شوي أكمل
 
الله يوفقك ويسعدك
وان شالله حياتك كلها افراح وسعاده
فرحتيني كثيررررررررررر
انك مرتاحه ومستانسه
 
ياحياتي الله يوفقك دنيا وآخره ويرزقك على قد نيتك
انتظرك
 
يووووووه ياااافرح..تووتر ..

عشت معاااك اللحظة الله يعينك ..
 
كان نفسى حتى الموقف يكمل بس لك العذر مين قدك ياجميل ربنا يخليهولك ويبارك لك فيه
اقول على شىء عندى احساس انه بيطلقها لانه مابيطيقها ف وجودك فانت القمر وهى ولاشىء هى بالنسبة له خانت اهلها فكيف بزوجها هوتزوجها غصب عنه والدليل انه اول زواجك قال انه ممكن يطلقها لو انتى بتحبى كده يمكن صابر عليها علشان ابنه لكن حياته وحبه لك انتى وان ما كان طلقها انا بقولك انها بتزهق وتطلب هى وفى الاخر هتتطلق هتتطلق الله يمهل ولا يهمل وانت صبرتى كتير الله معك
لاتتأخرى علينا
 
عارفة ايه اكثر شئ شدنا كلنا لقصتك
سردك الراااااااااائع
بيخلينا نعيش كاننا في الموقف معاك
ربنا يوفقك ويبعد عنك الهم والاحزان
 
آآآآآآآآآآآهـ ياقلبي

ليتني عندك والله لأصفق هدى وامها وام فهودي قااااااااااهريني

الله يشغلهم بأنفسهم عنك
 
ماشاءالله على قصتك رائعه وكنت منتظرتها بفارغ الصبر
ربي يوفقك ويسعدك ويبعد عنك شر هدى وامها
 
الله يبعد عنك شر خطافة الرجاااال
الله يبعد عنك اي واحد بفكر باذيتك
حسبنا الله ونعم الوكيل
كيف حالك موني
 
الله يوفقك يا فرح تمسكي بزوجك فامثاله من الرجال قليلون , باركالله لك فيه ,وبارك له فيك
 
لان لك قلبا نقيا لا يعرف الا الخير تستحقين ما انت فيه ,لك من قلبي اصدق الدعوات ان يوفقك الله,وان يصرف عنك شر هدى وغيرها حافظي على علاقتك بالله ففيها النجاة, وحافظي على زوجك فهو جنتك او نارك .
احبك في الله ومتابعة لقصتك بشغف.
 
مبروك والف الف الف مبروك ان شاء الله بتعيشوا بسعادة ابددية بالدنيا والاخرة.ومما جاوبتيني يعني ما بتنزلي الصالة بعد ما رحتي الفندق لاني ما فهمت او هو تسريع للاحداث اذا ما كان عندك مانع؟؟؟
 
شكل قصتك باقي فيها فصول كثيره

لان الالم بداخلك باقي

والدليل اختيارك للمعرف​
 
الحالة
مغلق و غير مفتوح للمزيد من الردود.
عودة
أعلى أسفل