يافرح وينك
New member
- إنضم
- 2010/10/08
- المشاركات
- 102
بسم الله الرحمن الرحيم
ها أنا قررت اليوم أن أفصح عن مافي قلبي
أفضفض..أعتررررف..أتألم..أبكي لكم..
آاااااااه من زوجة
آاااااااه من عشيقة
آاااااااه من الحب والظلم والألم
أتعلمون ما الذي تذكرته الآن؟!
هو قول الشاعر الذي لطالما رددناه في فصل مدرسي:
أووواه لوأجدت المحزووون أووواه
أبي كل وحده تقرا قصتي تحتويني تكون لي الأخت الحنونه الناصحه
أبي كل وحده تستفيد من القصة تاخذ المفيد وتتحاشى السئ وتنتبه منه..وخفوا علي من العتاب والقسوة..
كان عمري 16 سنة أدرس أولى ثانوي..مرحه حبوبه جميلة هادية وخجولة جدا مستقيمه والحمدلله حياتي كلها بين البيت والمدرسة
بين كتبي ومصلاي
طلعت على الدنيا وأهلي مافيهم اللي ملتزم حيل..صحيح محافظين على الصلاة ومحترمين الحمدلله لكن عمرهم مانصحونا على أي شئ في الدين..كل شئ متوفر لنا ومستحيل نطلب شئ ولانحصل عليه..دلع في دلع أقصد الأشيا المادية..أبوي متخرج من جامعه في أمريكا..انسان حنون طيب معطاء متفهم جدا جدا..
من درست أول ابتدائي وعرفت أقرا
حبيت القرآن كانت فرحتي ماتوصف لما أنتهي من قراءة سورة طويلة بنظري
رزقني الله بصديقات صالحات
أبوي دايم يمتدحني وأمي كذلك
أحس بسعادة لما أحسهم فخورين فيني وراضين علي
كنا كل يوم أربعاء نجتمع مع خالاتي عند جدتي
هذا كان نظامنا من كنا صغار
أمي وخالاتي مترابطين جدا جدا وجدتي حنونه كثير كان أحلا يوم عندنا الأربعا وأحيانا ننام عندهم إلى يوم الجمعه
خالاتي (عيالهم وبناتهم)أكبرهم في الإبتدائي
إلا خالتي ام ناصر عندها بنتين
هدى أصغر مني بشهرين
وندى أصغر من هدى بسنة
وبحكم تقارب العمر بيننا فلعبنا وجلستنا حنا الثلاثه مع بعض
أما خالتي ام بندر فعندها برضو بنات أكبر وأصغر منا لكن هي ساكنة خارج منطقتنا
وننتظر الإجازات على أحر من الجمر عشان نفرح بوجودهم
ولدها بندر عمره 30سنة يعمل خارج منطقتنا ومنطقة أهله والإجازات برضو يقضيها عند جدتي بحكم صداقته مع خالي
بنتها نورة عمرها 24 سنة لما كان عمرها 20 سنة كان زواجها من أخوي الكبير سعد بعد قصة حب ولوماآخذها أخوي كان الله العالم بحاله طبعا انتم عارفين اهل السعودية محافظين وعارفين عاداتهم..بس انا أقصد حب من بعيد لبعيد..وبعد زواجهم زاد بينهم الحب وصارت حياتنا في البيت كلها تعليقات عليهم وعندهم طفلين مثل القمر ماشاءالله..ونورة عمري ماشفت مثلها بعشقها لزوجها مع اني كنت صغيرة بس ماتجلس إلا وتتكلم عن حبها له ووش سوت له ومن هالكلام..نورة تحبني وتثق فيني..مرات أشوفها أختي ومرات أمي ومرات صديقتي..عندها جاذبيه غريبه ماشاءالله..وإذا دخل زوجها بأي وقت كان.. كنت أشوف نظرتها غريبه نظرة عمري مافهمتها إلاأن هالإنسانة تحبه وتنظر له وكأنها أول مره تشوفه أوكأنها من سنين ماشافته..نورة رومانسية وكذلك زوجها..تصدقون كنت أظن أن كل المتزوجين مثل سعد ونورة ههه ماكنت أعرف الدنيا..
أمي وخالاتي كانت كل وحده منهم تعتبر بندر ولدها تدرون ليش؟!
لأن من كان عمره سنة أبوه وأمه تطلقوا وبعد الطلاق أمه تزوجت أبونورة جابت نورة وخواتها
وبندر عاش في بيت جدي مع خالاتي
أمي كانت تهتم فيه وبدروسه لحد ماصار عمره 10سنين وتزوجت أمي وتركته كان متعلق فيها كثير ولحد الآن ينام عندنا في الإجازات ويسهر مع امي وابوي
في هالفترة كان جاري البحث عن عروس لبندر لأنه قرر يتزوج بالصيفيه...
أزدادت الإتصالات بين أمي وخالاتي وأحيانا يطردونا(إحنا يالبنات) لدورالثاني عشان يدخل بندر عندهم بالمجلس ويسوون إجتماع مغلق لنقاش حول اختيار العروس<<<حشى ماصارت عروس هههه
مره دخل بندر مسرع يبي جدتي وكنت انا وهدى وندى جالسين عندها
صرخنا وبسرعه طلع قال:آسف والله مادريت أن الأطفال صاروا يتغطون..
قرروا على وحده وجات خالتي ام بندر وراحوا يخطبونها
رفض ابوالبنت لأن البنت لولد عمها وزواجها بعد كم شهر
نمنا في تلك الليلة عند جدتي إلاخالتي ام هدى وبناتها راحت لبيتها
دخلنا المطبخ أنا وبنات خالتي قبل الفجر نجهز عصير وشئ ناكله وسوالف وضحك فجأة دخل بندر وتوجه لثلاجه ومسك كاس حليب
نطيت خلف أخته وصرخوا خواته
هيييييه ابتهال معنا بالمطبخ
طلع بسرعه وأنا صرت أرتجف وأبكي خفت ماني متخيله كيف رجال مر من عندي..
قال والله آسف أساسا ماشفتها
دخلت خالتي ام بندر وصارت تهديني
:الحمدلله ليش تبكين والله ماشافك يحسبك وحده من خواته
هديت وكملنا سهرتنا مع ضحك وتعليقات بنات خالتي ع الموقف
نمنا بعدماصلينا الفجر وحلمت أني مع بندر بغرفه وحده وكان سكران قمت وأنا خايفه وتعوذت من الشيطان
كان خالي الكبير يردد :لوجانا بندر بعطيه اللي يبي من بناتي
وحده منهم(مها) بوقت المناسبات إذا سمعت صوته تتعمد تطلع عشان يشوفها
والكل ملاحظ هالشئ
رفض بندر يتقدم لهم بعد ماشاروا عليه خالاتي يخطب منهم<<هذا اللي سمعته
رجعنا للبيت وطلعت فوق لنورة
وجالسه عندها في الصالة ومن بين السوالف
:نوره تصدقين حلمت أني مع واحد يقرب لنا وبغرفه وكان سكران
:هههه احلفي بس
:ههه والله
:ابتهااالوووه أعترفي منو هالشخص
:ههه والله ماقولك
:يالله عاد تعرفيني يتقطع قلبي إذا فيه شئ ابي أعرفه ولاحد قالي
:ههه ايه عشان تمسكينه علي وتنغزيني فيه
:ههههه لاتخافين عليك الآمان
:لا لا تحاولين مابي أقولك
:ههه طيب انا سمعت ان اللي تحلم في شخص سكران فبيكون بينها وبينه شئ جميل
:يمه اسم الله علي وش بيكون بيني وبينه
أغمزت نورة وبإبتسامه:علميني من هو؟وأقولك وش بيكون بينكم
ضربتها بالمخده:نورة ووجع خلاص ماعاد اقولك شئ ههه
جلسنا نضحك ونسولف ونسيت الموضوع
بعد فترة طلعت من غرفتي توني صاحية من النوم سمعت امي ونورة يتكلمون
:لاااا يانورة ابتهال صغيرة وأنا مابي أزوجها إلا بعد الجامعه
:ههه حتى انا ياخالتي أنصدمت لما امي قالت لي انها تبي ابتهال لبندر قلت لها بندر كبير عليها بس قالت لا شوفي ابتهال تغيرت في هالإجازه
كبرت وصارت عروس
رجعت لغرفتي وأنا أبكي مدري ليش خفت معقوله أتزوج مستحيييل
كثرت اتصالات خالتي على امي
سمعت امي تقول: لوعندي بنت للزواج بعطيها بندر بدون مايطلبها بس ابتهال توها صغيرة
أبوي مثل امي معارض عشان العمر وصغر سني
أما أنا مومتقبله فكرة الزواج.. أساسا موعارفه افكر مثل اي وحده يتقدم لها شاب ..تفكيري طفولي جدا عكس الأطفال الحين (للمعلومية الآن عمري 25 سنة)
الجميع قالوا لي أستخيري اولا ثم قرري
أستخرت كثير وصرت أدعي ربي بالخيره مع أني رافضه الفكره
ومع مرور الوقت صرت أحس بطمئنينه ناحيته..أحس شئ يقربني منه..أحس بشعور غريب لما أسمع اسمه
بعد فترة وأنا جالسه أحل واجباتي دخلت امي
:ابتهال بسألك يابنتي انتي موافقه على بندر او لا؟عطينا قرار وريحينا
: طيب يمه أنتي وش رايك
:بندر ولدي وأعرفه مثل ماعرفك
وبصراحه بكون مرتاحه وأنتي معه وإذا على الزواج نأجله إلين تتخرجين من الثانوية يعني بعد سنتين..والرأي الأول والأخير لك
:طيب يمه خلاص أنا موافقه..
...
جاء يوم الملكة كنت خايفه ولابعد رايحه للمدرسه ههه
أول مارجعت حصلت نورة مجهزة كل شئ
ذبحتني بتعليقاتها
:ابتهال أول مره ترجعين من المدرسه ولاتبوسين عيالي يالنذله على طول طاحت كروتنا
:ههه نورة أسكتي عني وإلا ترى ببطل
:ههههه يالمجنونه تسوينها
بعد مالبست وتجهزت ناداني سعد تعالي ابتهال وقعي هنا
شفت اسم بندر وصارت يدي ترتجف وقعت
ضحك سعد:ههه خاشه التوقيع الحلو للمواقف الخطيرة مبروك عليك ياحرم بندر
مارديت عليه ورحت لغرفتي أبكي معقوله الحين أرتبطت بشخص صرت زوجته..تميت أبكي
حاولت أمي أن أنزل أسلم عليه حاولت تعرف سبب بكاي ورفضت كنت خايفه موقادرة أستوعب أني أدخل عنده
جات نوره:ابتهال حرام عليك لاتكسرين بخاطره يسافر بدون مايشوفك
هزيت راسي بي:لا
:طيب ليش تبكين
:كذا بدون سبب
...
مرت شهور بعد ملكتي صرت أكره الروحه لجدتي
هدى كانت تتكلم كثير عن بندر وعن مواقف كثيره بينهم مادري إذا لها أساس من الصحه أو لا
كثير كانت تحطمني أنه مايناسبني وأنه وأنه...تذكر لي أشيا عنه كانت حسنة بعيني وصارت بعيني عيوب
هدى من النوع الجرئ أبوها سكير وبدون وظيفه.. كثير أبوي يتصدق عليهم..ومن كنا صغار وأمي تشري لهم معنا ملابس العيد..
كانت دايم تذكر لي أنه ناسيني وان فلانه خطيبها أهدى لها كذا وكذا
وأنا بندر مافكر فيني..
صرت أكرهه وأحس أنه مايستاهلني..
نورة لاحظت كرهي له ..حاولت تدخل في قلبي وتحل موضوعي لكن أنامن النوع اللي مايتحدث عن أموره..
قالت لي أن بندر بيجي وبيسلم علي
رفضت أني أطلع له وهالمره موخوف وخجل بكثر ماهوكره وندم أني فكرت بالإرتباط
جاب لي هدية جوال وأغراض كثيرة
اليوم الثاني ومن الصباح دخلت علي نوره تصحيني ومومن عوايدها
:نورة وش فيه
:بالله عليك ليش مافتحتي الجوال
:عادي مافتحته إذا فضيت بفتحه
:أقول قومي أفتحيه وش هالبرود حرام عليك أتقي الله في هالمسكين اللي طول الليل مانام يتصل ويرسل معذب نفسه ينتظرك
:ياربي طيب يانورة طيب خلاص إذا صحيت
:لا الحين وينه بفتحه
عطيتها الجوال فتحته وهي تتكلم وتتكلم عن حبه وشوقه لي وعن كيف الوحده تكسب زوجها وتحببه فيها..
وصلتني منه رساله ورسالتين
أستحيت أرد
مر شهر وهويرسل ولارديت عليه
ومن كلام نورة حسيته مفهمها أني أرد عليه وكل شئ تمام
بعد هالشهر جانا للبيت قالت لي نوره قومي ألبسي وأطلعي سلمي عليه
تعذرت أن عندي امتحان
جات امي معصبه وأصرت أني أطلع له
لبست وأنا أرتجف وأحس بغثيان طلعت من الغرفه
قلت لأمي مابي أدخل وأحد من أخواني فيه أستحي أبي نورة تكون معي
ماكان فيه إلا سعد جلس عند أمي
دخلت مع نوره
وسحبتني إلين عنده
:تفضل هذي زوجتك المصون
رد عليها وهوينظر لي
:وأخيرا مابغينا نمسكها
صوته كان شبيه جدا بصوت أخوي سعد..
نورة:بندر وش رايك بالمفاجأة
:أحلا مفاجأة شافتها عيني
جلستني نورة عنده وطلعت سكرت الباب وأنا ودي أصرخ وأهرب معها بس الخجل منعني
سألني عن حالي ودراستي
كنت أجاوب وعيوني على الأرض قال لي:بصراحه نورة ظلمتك أنتي أجمل كثير من وصفها
سألني:ابتهال ليش ماتناظرين فيني هههه
صار يتكلم وهويطقطق بجواله وكأنه يقول ناظري لوجهي ترى أنا موشايفك
ناظرت فيه وأنصدمت من وسامته وهنا أكتشفت كذب هدى كانت تعلق وتسب في شكله وانامصدقتها
أدري بتستغربون كيف وافقت بدون ماشوفه مدري هذا اللي صار..
سألني:ابتهال ليش تغلين علي..أو فيه شئ مزعلك مني؟
هزيت راسي بي:لا
:ابتهال أنا مالي إلاأنتي..وأنتي أول أهتماماتي..يمكن أنا أجهل بعض الأمور أوقصرت بشئ بدون ماأدري عنه..لكن أنا كلي لك..ثقي لوتطلبين عيوني ماقصرت..
سكت ولارديت عليه
:بهلوله أوعديني تردين على رسايلي وأتصالاتي..لاتحرميني من صوتك
هزيت راسي بي:نعم
مر الوقت ماحسيت فيه
بعد ماطلع ودخلت لصالة
نورة:ههه بالله ابتهال صار فيك شئ
:ههه لا
:شفتي أنتي تكبرين المواضيع وخوافه بزياده
:يمكن
:لامويمكن إلا اكيد ياربي نفسي اشوف بندر تلاقينه طاير من الفرحه
رحت أكمل مذاكرتي وأنا وين والمذاكره وين..طول الوقت أفكر بجلستنا مع بعض..واضح انه انسان طيب..
صرت أرد على رسايله ومكالماته
كان مندفع لي بزيادة..حبيته موحب عادي..حب فوق ماتتصورون..
كانت درجاتي بالنازل مع أني أول كنت متفوقه..أخذت أمي الجوال مني ومرضت لأني صرت ماأستغني عنه حاول في أمي كثير إلين رجعت الجوال..
قالي خلاص أناماأصبر عنك أبيك عندي وزواجنا في هذي الصيفيه وأوعدك أن دراستك ماراح تتأثر
حاول في أهلي إلين أقتنعوا وتحدد زواجنا وصار في نفس السنة يعني قبل أتخرج من الثانوية بسنتين
في ليلة زفافي وبعد ماوصلت القاعه والكل بارك لي
ولابقى عندي إلا هدى
قالت لي:تدرين أن مها بنت خالي تبكي على حبيبها بندر
:أييييش
:ههه يعني بتفهميني أنك ماتدرين عن العلاقة اللي بينهم
:اي علاقة وش جالسه تخربطين
:يوووه ياابتهال الكل عارف بالحب اللي بينهم بس خالتي وبناتها مايبغونها وأختاروك له..
أنا مصدومه حسيت قلبي طلع من مكانه تخيلت بندر زوجي حبيبي يسولف معها ويحن عليها ويدلعها مثل مايدلعني
كملت هدى كلامها:ماعليك منها شوفيها ميته قهر عشانك أخذتيه وهومن يشوف جمالك بينساها..
حسيت كتمه ضيقه..فرحتي أنمسحت من قلبي..مرت علي كل حركات وتصرفات مها
قطع تفكيري صوت أمي أن بندر بيدخل،،طلعت هدى وبعدها دخل بندر مع أخواني وابوي باركولي وطلعوا
جلست مع بندر بالغرفة
:ماشاءالله تبارك الله..حبيبتي قريتي الأذكار؟
:ايوه
:ابتهال وش فيك أحسك متظايقه
:لامافيه شئ
أطال نظره فيني حسيت نظراته تحرقني والضيقه كل مالها تزيد
نفسي أصرخ فيه وأعاتبه
دخلت نورة :مبرروووك ياأحلا عروسين
سلمت على بندر،،ولما سلمت علي أنفجرت ورميت نفسي بحضنها أبكي،،نورة هي أكثر وحده عارفه وش كثر أحب بندر،،نورة هي الوحيدة اللي تحس فيني،،كانت حتى أي مشكلة أواجهها بالمدرسة تتدخل وتحلها لي،،
مسحت على راسي وجلست تهديني سألتني:ابتهال وش فيك كل هذا خوف يالخبله
مارديت عليها
عطاني بندر كاس موية ورفضت أشرب كرهت كل شئ منه
حاولت نورة أني أنزف ورفضت وفضلت أطلع مع بندر بدون زفة ماكان لي خلق لأي شئ
وصلنا الفندق وأول ماجلسنا مسك يدي
:ابتهال أوعديني ماتسمعين كلام أيا" كان فيني
:مثل أيش يعني
:مافيه شئ معين بس أبي أكون مرتاح أن زوجتي حبيبتي ماتتأثر من كلام الناس ولاأبي أحد يفرق بيننا
:أن شاءالله
:هاه وعد
:وعد
يتــــبع
(ملاحظــــة:أدري دخلت في تفاصيل ذكرها ماله فايده بس أضطريت لكذا عشان تفهمون باقي القصه اللي هوالأساس والمهم
لذلك أعتبروا ماذكر سابقا تعريف بالوضع حتى تكونوا في الصورة
وبحاول غدا" أنزلها كاملة عشان مانضيع في الصفحات)
ها أنا قررت اليوم أن أفصح عن مافي قلبي
أفضفض..أعتررررف..أتألم..أبكي لكم..
آاااااااه من زوجة
آاااااااه من عشيقة
آاااااااه من الحب والظلم والألم
أتعلمون ما الذي تذكرته الآن؟!
هو قول الشاعر الذي لطالما رددناه في فصل مدرسي:
أووواه لوأجدت المحزووون أووواه
أبي كل وحده تقرا قصتي تحتويني تكون لي الأخت الحنونه الناصحه
أبي كل وحده تستفيد من القصة تاخذ المفيد وتتحاشى السئ وتنتبه منه..وخفوا علي من العتاب والقسوة..
كان عمري 16 سنة أدرس أولى ثانوي..مرحه حبوبه جميلة هادية وخجولة جدا مستقيمه والحمدلله حياتي كلها بين البيت والمدرسة
بين كتبي ومصلاي
طلعت على الدنيا وأهلي مافيهم اللي ملتزم حيل..صحيح محافظين على الصلاة ومحترمين الحمدلله لكن عمرهم مانصحونا على أي شئ في الدين..كل شئ متوفر لنا ومستحيل نطلب شئ ولانحصل عليه..دلع في دلع أقصد الأشيا المادية..أبوي متخرج من جامعه في أمريكا..انسان حنون طيب معطاء متفهم جدا جدا..
من درست أول ابتدائي وعرفت أقرا
حبيت القرآن كانت فرحتي ماتوصف لما أنتهي من قراءة سورة طويلة بنظري
رزقني الله بصديقات صالحات
أبوي دايم يمتدحني وأمي كذلك
أحس بسعادة لما أحسهم فخورين فيني وراضين علي
كنا كل يوم أربعاء نجتمع مع خالاتي عند جدتي
هذا كان نظامنا من كنا صغار
أمي وخالاتي مترابطين جدا جدا وجدتي حنونه كثير كان أحلا يوم عندنا الأربعا وأحيانا ننام عندهم إلى يوم الجمعه
خالاتي (عيالهم وبناتهم)أكبرهم في الإبتدائي
إلا خالتي ام ناصر عندها بنتين
هدى أصغر مني بشهرين
وندى أصغر من هدى بسنة
وبحكم تقارب العمر بيننا فلعبنا وجلستنا حنا الثلاثه مع بعض
أما خالتي ام بندر فعندها برضو بنات أكبر وأصغر منا لكن هي ساكنة خارج منطقتنا
وننتظر الإجازات على أحر من الجمر عشان نفرح بوجودهم
ولدها بندر عمره 30سنة يعمل خارج منطقتنا ومنطقة أهله والإجازات برضو يقضيها عند جدتي بحكم صداقته مع خالي
بنتها نورة عمرها 24 سنة لما كان عمرها 20 سنة كان زواجها من أخوي الكبير سعد بعد قصة حب ولوماآخذها أخوي كان الله العالم بحاله طبعا انتم عارفين اهل السعودية محافظين وعارفين عاداتهم..بس انا أقصد حب من بعيد لبعيد..وبعد زواجهم زاد بينهم الحب وصارت حياتنا في البيت كلها تعليقات عليهم وعندهم طفلين مثل القمر ماشاءالله..ونورة عمري ماشفت مثلها بعشقها لزوجها مع اني كنت صغيرة بس ماتجلس إلا وتتكلم عن حبها له ووش سوت له ومن هالكلام..نورة تحبني وتثق فيني..مرات أشوفها أختي ومرات أمي ومرات صديقتي..عندها جاذبيه غريبه ماشاءالله..وإذا دخل زوجها بأي وقت كان.. كنت أشوف نظرتها غريبه نظرة عمري مافهمتها إلاأن هالإنسانة تحبه وتنظر له وكأنها أول مره تشوفه أوكأنها من سنين ماشافته..نورة رومانسية وكذلك زوجها..تصدقون كنت أظن أن كل المتزوجين مثل سعد ونورة ههه ماكنت أعرف الدنيا..
أمي وخالاتي كانت كل وحده منهم تعتبر بندر ولدها تدرون ليش؟!
لأن من كان عمره سنة أبوه وأمه تطلقوا وبعد الطلاق أمه تزوجت أبونورة جابت نورة وخواتها
وبندر عاش في بيت جدي مع خالاتي
أمي كانت تهتم فيه وبدروسه لحد ماصار عمره 10سنين وتزوجت أمي وتركته كان متعلق فيها كثير ولحد الآن ينام عندنا في الإجازات ويسهر مع امي وابوي
في هالفترة كان جاري البحث عن عروس لبندر لأنه قرر يتزوج بالصيفيه...
أزدادت الإتصالات بين أمي وخالاتي وأحيانا يطردونا(إحنا يالبنات) لدورالثاني عشان يدخل بندر عندهم بالمجلس ويسوون إجتماع مغلق لنقاش حول اختيار العروس<<<حشى ماصارت عروس هههه
مره دخل بندر مسرع يبي جدتي وكنت انا وهدى وندى جالسين عندها
صرخنا وبسرعه طلع قال:آسف والله مادريت أن الأطفال صاروا يتغطون..
قرروا على وحده وجات خالتي ام بندر وراحوا يخطبونها
رفض ابوالبنت لأن البنت لولد عمها وزواجها بعد كم شهر
نمنا في تلك الليلة عند جدتي إلاخالتي ام هدى وبناتها راحت لبيتها
دخلنا المطبخ أنا وبنات خالتي قبل الفجر نجهز عصير وشئ ناكله وسوالف وضحك فجأة دخل بندر وتوجه لثلاجه ومسك كاس حليب
نطيت خلف أخته وصرخوا خواته
هيييييه ابتهال معنا بالمطبخ
طلع بسرعه وأنا صرت أرتجف وأبكي خفت ماني متخيله كيف رجال مر من عندي..
قال والله آسف أساسا ماشفتها
دخلت خالتي ام بندر وصارت تهديني
:الحمدلله ليش تبكين والله ماشافك يحسبك وحده من خواته
هديت وكملنا سهرتنا مع ضحك وتعليقات بنات خالتي ع الموقف
نمنا بعدماصلينا الفجر وحلمت أني مع بندر بغرفه وحده وكان سكران قمت وأنا خايفه وتعوذت من الشيطان
كان خالي الكبير يردد :لوجانا بندر بعطيه اللي يبي من بناتي
وحده منهم(مها) بوقت المناسبات إذا سمعت صوته تتعمد تطلع عشان يشوفها
والكل ملاحظ هالشئ
رفض بندر يتقدم لهم بعد ماشاروا عليه خالاتي يخطب منهم<<هذا اللي سمعته
رجعنا للبيت وطلعت فوق لنورة
وجالسه عندها في الصالة ومن بين السوالف
:نوره تصدقين حلمت أني مع واحد يقرب لنا وبغرفه وكان سكران
:هههه احلفي بس
:ههه والله
:ابتهااالوووه أعترفي منو هالشخص
:ههه والله ماقولك
:يالله عاد تعرفيني يتقطع قلبي إذا فيه شئ ابي أعرفه ولاحد قالي
:ههه ايه عشان تمسكينه علي وتنغزيني فيه
:ههههه لاتخافين عليك الآمان
:لا لا تحاولين مابي أقولك
:ههه طيب انا سمعت ان اللي تحلم في شخص سكران فبيكون بينها وبينه شئ جميل
:يمه اسم الله علي وش بيكون بيني وبينه
أغمزت نورة وبإبتسامه:علميني من هو؟وأقولك وش بيكون بينكم
ضربتها بالمخده:نورة ووجع خلاص ماعاد اقولك شئ ههه
جلسنا نضحك ونسولف ونسيت الموضوع
بعد فترة طلعت من غرفتي توني صاحية من النوم سمعت امي ونورة يتكلمون
:لاااا يانورة ابتهال صغيرة وأنا مابي أزوجها إلا بعد الجامعه
:ههه حتى انا ياخالتي أنصدمت لما امي قالت لي انها تبي ابتهال لبندر قلت لها بندر كبير عليها بس قالت لا شوفي ابتهال تغيرت في هالإجازه
كبرت وصارت عروس
رجعت لغرفتي وأنا أبكي مدري ليش خفت معقوله أتزوج مستحيييل
كثرت اتصالات خالتي على امي
سمعت امي تقول: لوعندي بنت للزواج بعطيها بندر بدون مايطلبها بس ابتهال توها صغيرة
أبوي مثل امي معارض عشان العمر وصغر سني
أما أنا مومتقبله فكرة الزواج.. أساسا موعارفه افكر مثل اي وحده يتقدم لها شاب ..تفكيري طفولي جدا عكس الأطفال الحين (للمعلومية الآن عمري 25 سنة)
الجميع قالوا لي أستخيري اولا ثم قرري
أستخرت كثير وصرت أدعي ربي بالخيره مع أني رافضه الفكره
ومع مرور الوقت صرت أحس بطمئنينه ناحيته..أحس شئ يقربني منه..أحس بشعور غريب لما أسمع اسمه
بعد فترة وأنا جالسه أحل واجباتي دخلت امي
:ابتهال بسألك يابنتي انتي موافقه على بندر او لا؟عطينا قرار وريحينا
: طيب يمه أنتي وش رايك
:بندر ولدي وأعرفه مثل ماعرفك
وبصراحه بكون مرتاحه وأنتي معه وإذا على الزواج نأجله إلين تتخرجين من الثانوية يعني بعد سنتين..والرأي الأول والأخير لك
:طيب يمه خلاص أنا موافقه..
...
جاء يوم الملكة كنت خايفه ولابعد رايحه للمدرسه ههه
أول مارجعت حصلت نورة مجهزة كل شئ
ذبحتني بتعليقاتها
:ابتهال أول مره ترجعين من المدرسه ولاتبوسين عيالي يالنذله على طول طاحت كروتنا
:ههه نورة أسكتي عني وإلا ترى ببطل
:ههههه يالمجنونه تسوينها
بعد مالبست وتجهزت ناداني سعد تعالي ابتهال وقعي هنا
شفت اسم بندر وصارت يدي ترتجف وقعت
ضحك سعد:ههه خاشه التوقيع الحلو للمواقف الخطيرة مبروك عليك ياحرم بندر
مارديت عليه ورحت لغرفتي أبكي معقوله الحين أرتبطت بشخص صرت زوجته..تميت أبكي
حاولت أمي أن أنزل أسلم عليه حاولت تعرف سبب بكاي ورفضت كنت خايفه موقادرة أستوعب أني أدخل عنده
جات نوره:ابتهال حرام عليك لاتكسرين بخاطره يسافر بدون مايشوفك
هزيت راسي بي:لا
:طيب ليش تبكين
:كذا بدون سبب
...
مرت شهور بعد ملكتي صرت أكره الروحه لجدتي
هدى كانت تتكلم كثير عن بندر وعن مواقف كثيره بينهم مادري إذا لها أساس من الصحه أو لا
كثير كانت تحطمني أنه مايناسبني وأنه وأنه...تذكر لي أشيا عنه كانت حسنة بعيني وصارت بعيني عيوب
هدى من النوع الجرئ أبوها سكير وبدون وظيفه.. كثير أبوي يتصدق عليهم..ومن كنا صغار وأمي تشري لهم معنا ملابس العيد..
كانت دايم تذكر لي أنه ناسيني وان فلانه خطيبها أهدى لها كذا وكذا
وأنا بندر مافكر فيني..
صرت أكرهه وأحس أنه مايستاهلني..
نورة لاحظت كرهي له ..حاولت تدخل في قلبي وتحل موضوعي لكن أنامن النوع اللي مايتحدث عن أموره..
قالت لي أن بندر بيجي وبيسلم علي
رفضت أني أطلع له وهالمره موخوف وخجل بكثر ماهوكره وندم أني فكرت بالإرتباط
جاب لي هدية جوال وأغراض كثيرة
اليوم الثاني ومن الصباح دخلت علي نوره تصحيني ومومن عوايدها
:نورة وش فيه
:بالله عليك ليش مافتحتي الجوال
:عادي مافتحته إذا فضيت بفتحه
:أقول قومي أفتحيه وش هالبرود حرام عليك أتقي الله في هالمسكين اللي طول الليل مانام يتصل ويرسل معذب نفسه ينتظرك
:ياربي طيب يانورة طيب خلاص إذا صحيت
:لا الحين وينه بفتحه
عطيتها الجوال فتحته وهي تتكلم وتتكلم عن حبه وشوقه لي وعن كيف الوحده تكسب زوجها وتحببه فيها..
وصلتني منه رساله ورسالتين
أستحيت أرد
مر شهر وهويرسل ولارديت عليه
ومن كلام نورة حسيته مفهمها أني أرد عليه وكل شئ تمام
بعد هالشهر جانا للبيت قالت لي نوره قومي ألبسي وأطلعي سلمي عليه
تعذرت أن عندي امتحان
جات امي معصبه وأصرت أني أطلع له
لبست وأنا أرتجف وأحس بغثيان طلعت من الغرفه
قلت لأمي مابي أدخل وأحد من أخواني فيه أستحي أبي نورة تكون معي
ماكان فيه إلا سعد جلس عند أمي
دخلت مع نوره
وسحبتني إلين عنده
:تفضل هذي زوجتك المصون
رد عليها وهوينظر لي
:وأخيرا مابغينا نمسكها
صوته كان شبيه جدا بصوت أخوي سعد..
نورة:بندر وش رايك بالمفاجأة
:أحلا مفاجأة شافتها عيني
جلستني نورة عنده وطلعت سكرت الباب وأنا ودي أصرخ وأهرب معها بس الخجل منعني
سألني عن حالي ودراستي
كنت أجاوب وعيوني على الأرض قال لي:بصراحه نورة ظلمتك أنتي أجمل كثير من وصفها
سألني:ابتهال ليش ماتناظرين فيني هههه
صار يتكلم وهويطقطق بجواله وكأنه يقول ناظري لوجهي ترى أنا موشايفك
ناظرت فيه وأنصدمت من وسامته وهنا أكتشفت كذب هدى كانت تعلق وتسب في شكله وانامصدقتها
أدري بتستغربون كيف وافقت بدون ماشوفه مدري هذا اللي صار..
سألني:ابتهال ليش تغلين علي..أو فيه شئ مزعلك مني؟
هزيت راسي بي:لا
:ابتهال أنا مالي إلاأنتي..وأنتي أول أهتماماتي..يمكن أنا أجهل بعض الأمور أوقصرت بشئ بدون ماأدري عنه..لكن أنا كلي لك..ثقي لوتطلبين عيوني ماقصرت..
سكت ولارديت عليه
:بهلوله أوعديني تردين على رسايلي وأتصالاتي..لاتحرميني من صوتك
هزيت راسي بي:نعم
مر الوقت ماحسيت فيه
بعد ماطلع ودخلت لصالة
نورة:ههه بالله ابتهال صار فيك شئ
:ههه لا
:شفتي أنتي تكبرين المواضيع وخوافه بزياده
:يمكن
:لامويمكن إلا اكيد ياربي نفسي اشوف بندر تلاقينه طاير من الفرحه
رحت أكمل مذاكرتي وأنا وين والمذاكره وين..طول الوقت أفكر بجلستنا مع بعض..واضح انه انسان طيب..
صرت أرد على رسايله ومكالماته
كان مندفع لي بزيادة..حبيته موحب عادي..حب فوق ماتتصورون..
كانت درجاتي بالنازل مع أني أول كنت متفوقه..أخذت أمي الجوال مني ومرضت لأني صرت ماأستغني عنه حاول في أمي كثير إلين رجعت الجوال..
قالي خلاص أناماأصبر عنك أبيك عندي وزواجنا في هذي الصيفيه وأوعدك أن دراستك ماراح تتأثر
حاول في أهلي إلين أقتنعوا وتحدد زواجنا وصار في نفس السنة يعني قبل أتخرج من الثانوية بسنتين
في ليلة زفافي وبعد ماوصلت القاعه والكل بارك لي
ولابقى عندي إلا هدى
قالت لي:تدرين أن مها بنت خالي تبكي على حبيبها بندر
:أييييش
:ههه يعني بتفهميني أنك ماتدرين عن العلاقة اللي بينهم
:اي علاقة وش جالسه تخربطين
:يوووه ياابتهال الكل عارف بالحب اللي بينهم بس خالتي وبناتها مايبغونها وأختاروك له..
أنا مصدومه حسيت قلبي طلع من مكانه تخيلت بندر زوجي حبيبي يسولف معها ويحن عليها ويدلعها مثل مايدلعني
كملت هدى كلامها:ماعليك منها شوفيها ميته قهر عشانك أخذتيه وهومن يشوف جمالك بينساها..
حسيت كتمه ضيقه..فرحتي أنمسحت من قلبي..مرت علي كل حركات وتصرفات مها
قطع تفكيري صوت أمي أن بندر بيدخل،،طلعت هدى وبعدها دخل بندر مع أخواني وابوي باركولي وطلعوا
جلست مع بندر بالغرفة
:ماشاءالله تبارك الله..حبيبتي قريتي الأذكار؟
:ايوه
:ابتهال وش فيك أحسك متظايقه
:لامافيه شئ
أطال نظره فيني حسيت نظراته تحرقني والضيقه كل مالها تزيد
نفسي أصرخ فيه وأعاتبه
دخلت نورة :مبرروووك ياأحلا عروسين
سلمت على بندر،،ولما سلمت علي أنفجرت ورميت نفسي بحضنها أبكي،،نورة هي أكثر وحده عارفه وش كثر أحب بندر،،نورة هي الوحيدة اللي تحس فيني،،كانت حتى أي مشكلة أواجهها بالمدرسة تتدخل وتحلها لي،،
مسحت على راسي وجلست تهديني سألتني:ابتهال وش فيك كل هذا خوف يالخبله
مارديت عليها
عطاني بندر كاس موية ورفضت أشرب كرهت كل شئ منه
حاولت نورة أني أنزف ورفضت وفضلت أطلع مع بندر بدون زفة ماكان لي خلق لأي شئ
وصلنا الفندق وأول ماجلسنا مسك يدي
:ابتهال أوعديني ماتسمعين كلام أيا" كان فيني
:مثل أيش يعني
:مافيه شئ معين بس أبي أكون مرتاح أن زوجتي حبيبتي ماتتأثر من كلام الناس ولاأبي أحد يفرق بيننا
:أن شاءالله
:هاه وعد
:وعد
يتــــبع
(ملاحظــــة:أدري دخلت في تفاصيل ذكرها ماله فايده بس أضطريت لكذا عشان تفهمون باقي القصه اللي هوالأساس والمهم
لذلك أعتبروا ماذكر سابقا تعريف بالوضع حتى تكونوا في الصورة
وبحاول غدا" أنزلها كاملة عشان مانضيع في الصفحات)
