آآااااااااه ياربي فرجك القريب

ماتكلمتي عن علاقتك بأبوه
اش رايك تحطينها براس الشايب وبينك وبينه ويقوله البيت ضاق عليه ووراك اخوانك الثمانيه مدري السته واتفقي مع ابوه واهدي له وحبيبيه وحببي بنفسك هدايا وطبخات يحبها ومن هالقبيل
وبعدين زوجك قولي استحي من اخوانك باخذ راحتي منهم
او شيخ اودكتورة تتفقين معاها وتتكلم معاه انو مستحيل تحملين بالنفسيه ذي لازم تغير مكانها واذا غيرتي مكانك هو راح يتعود عالاستقرار وينبسط
 
ما عليش كنت مسافرة ما قدرت أتابع الموضوع
واللي سألت عن أبوه علاقتي فيه حلوة بس ما أقدر أكلمه لأن زوجي ما راح يسمع له الله يهديه
والله ما ني عارفة اش أسوي شكواي على الله
أتمنى مقترح أقدر أسويه
أنظركم ولو بدعوة لأني من جد في ضيقة لا يعلمها إلا الله ​
 
أتمنى من الأخت رازيا وتشكرات أن أرى آرائهم في موضوعي الله يجزاكم خير ​
 
كرري سبحان الله والحمدلله ولاااله الا الله والله اكبر ولاحول ولاقوه الا بالله
لااله الاالله وحده لاشريك له له الملك وله الحمد وهو على كل شي قدير
 
لولا الخوف من أن تحرضه أمه ضدك وتلعب برأسه حتى يتزوج لكنت قلت لك اتركي له البيت واذهبي لأهلك ولاترجعي إلا في بيت لوحدك لأنه شخص مقتدر ماديا ولاحجة له في أنه لايريد ترك أمه لأن والده على قيد الحياة ولها أولاد غيره كما أنها لاترضى لبناتها العيش إلا في بيوت مستقلة وأخيرا ممكن أن تسكنوا في شقة قريبة لبيتهم... ولكن هل تضمني أن لاينتقم منك بالزواج من أخرى؟؟؟؟...ووقتها تكوني فقدتي البيت والزوج... عالجي نفسك كي تحملي من جديد حين يصبح عندك أكثر من ولد بإذن الله سيضيق بكم الجناح الذي خصصه لكم ووقتها سيعترف بنفسه أن الحل في الاستقلاليه ببيت أكبر.. اصبري حبيبتي كان الله بعونك.. وإياكي أن تخسري زوجك مهما ضاقت بك الحياة ,, زوجك لن تملكي عقله إلا إن ملكتي قلبه ..إن كانت أمه متسلطة كوني ذكية ولاتستسلمي لتسلطها..كوني محاربة .. لاتفجري غضبك عليه ستخسريه أكثر وأكثر.. اسلبي لبّه بالكلام المعسووووول .. تخيلي أنك في حرب ويجب أن تخرجي منها رابحة.. سدّي عليهم أي باب ليفرقوا بينك وبين زوجك ..كلما زاد اهتمامك به ودلعك له كسبتي نقطة في صفك.. لكن رويدا رويدا اصبري ولاتدعي صبرك ينفذ..أنا موقنة أن حياتك لاتطاق أحيانا ولكن بالكآبة والتوتر والارق لن تحصلي على ماتريدينه ..كل ماهنالك سيزيد الشيب في رأسك ويوما ما زوجك لن يرى سوى هذا الشيب ويقول لك كبرتي ياامراة ومن حقي أن أتزوج بفتاة صغيرة.. وقد يكون البيت الجديد من نصيبها.. لاتزيدي همك هما واعتني بنفسك ودلليها واكسبي زوجك وأحسني الظن بالله أنه سيعوض صبرك لا محالة.. اكثري من الدعاء في أوقات الإجابة وربي يحقق أمنيتك عاجلا غير آجل.
 
فيكي عين اللي ما تقدر تكمل سورة البقره مصااابه بعين او عمل روحي للشيخ خليه يرقيكي ....الله يفرج همك
 
<<رفع لمزيد من النصائح والآراء>>
 
ياقلبي ... اذا هو مقتدر خليه ياخذ قرض ويشتري بيت ملك ..مو هو مايبي يستاااجر ..
خلاص يشتري ...
اذا كان مايقدر على البيت ... يقسط على ارض واذا خلص اقساط الارض ياخذ قرض ثااني ويبدى يعمر ... او يشتري شقه بالاقساااط ...
واسمعيها نصيحه يالغاليه ... لا تجيبين اهله وامه بسييره تضاايقه ... تراها كلها رااح تنقلب علييك ...
يعني حطي السبب الرئيسي في طلعتك علشاان تاخذيين راحتك ... مو علشان اهله وعييين ..
واللي عايشه مع حموووله لازم تسوي لها برناامج ترويحي ... يعني تطلع مع صديقاااتها
تاخذ دورات في الانقلش والحاسب والمكياج وتطوير الذات واي دوره بالدنيا تسجل بها ...
علشاان تجدد طاقتها لمقاابلة النااس اللي تتكهرب معااهم ...
بعدين انتي محتااجه رقيه شرعيه ... لازم تبادريين نفسك وماتهمليين ... واحسن شي ترقيين نفسك ... اهم شي ماتجلسيين بدوون رقيه ...
فتك بألف عاافيه ....
 
أختي دانة الشام أسأل الله أن يجزاك الجنة وأن يرزقك بغير حساب ويصلح لك زوجك وذريتك
كلامك كالماء البارد برد على قلبي وفقك ربي وتقبل منك دعائك
وأقول لقد تعالجت ومازلت لكن زوجي احس إنه مل من كثر مراجعة المستشفيات حتى إني سويت أربع مرات عمليات لوجود ورم حميد والطبيب يقول ما يعرف له سبب وانا أحاول جاهدة إني أكسبه لصفي لكن إذا تضايقت أجيب الأول والتالي اللي سوته فيني أمه وهو يتضايق ويقول لي امي اش تبغيني أسوي وأنا والله ما قصدت إني اوغر صدره على أمه ولكن أود اطلاعه ليه أنا أبغى أخرج وفعلاً أختي دانة امه ما ترضى وحدة من بناتها تسكن مع أهل زوجها لكن حسبي الله وحده والمشكلة أمي وأبوي كبار في السن ما أبغى ادخلهم في المشكلة الله المستعان ​
 
جوجو أبوظبي , غادة 2 جزاكم الله خير
فعلاً كنت أعاني من نظرة وتعالجت وراحت لكن احس لما اكون في ذا البيت أتعب تعب خيالي واهمل حتى جانب العبادات الله يغفر لي وسبحان الله كنت قبل الزواج شعلة نشاط والكل يشهد لي لكن الآن تغيرت حتى شخصيتي المرحة اختفت وكل أخواتي لاحظوا عليه تصوروا خواتى لما يجي ضيف اللي نادر مايجون أرتبك وكأني داخلة اختبار صرت أكره الناس ما عاد أحب الجمعات أو العزايم صرت انطوائية مثل العائلة الكريمة اللي عندي
وياغادة الله يسعدك أقول خذ قرض وخلنا نطلع لكن ما يبغى ديون على قولته الله يهديه ويسخره كما سخر الحوت ليونس ​
 
الله يفرج همك ويفك كربك يااااااااااااااااااارب
 
عيشي حياتج واستانسي بالي الله قسمه لج وشوفي مصاايب هالحريم صدقيني بتهووون عليج مصيبتج شوفي الي زوجها يضربها والي يخونها والي مدمن والي شرق فلوسهاا والي تزوج عليها بليا حق الله يرحم حالهن وينصرهن ويرزقهن فعلاا فيه مصاايب اهون من مصاايب صدقيني فيه وحده عايشه 6سنوات واهي بغرفه وحمام وكل شي مشترك وكل سنه واهي جايبه بزر تخيلي الموقف زوجها طيب وكريم وكل شي عندهاا وام زوجها طيبه .
 
الله يسعدك أختي أنا عارفة ان فيه ناس أسوأ من حالتي بكثير والحمدلله على كل حال الله يفرجها عليه وعليهم وعلى كل مهموم
والأمور تنجبر لو اللي حوليه ناس طيبين لكن حتى سمعتي عند الناس ما سلمت الله المستعان
والله ماكنت أصدق مقولة الأقارب عقارب الين جربت ​
 
أختي احساس صعب ...ربي يفرّج همّك وينصرك على كل ظالم ..

واضــح أن نفسيّتك ( متعبه جدّآ جدّآ ) ..وأثّــرت على حياتك بشكل

أنتبهي أختي ( لا تصابين بالاكتئاب بشكل رسمي ) بعيد الشّر عنك

ــــــــــــــــــــــــــــــــــــــــــــــــــــــــــ

أنت تكلّمتي مع زوجك وفهّمتـــيه وضعك ونفسيّتك من أهله وأمه

( ولـم ينفع هذا الحــل ) .....

اذن استخدمــــي أسلوبآ أخــر ....وهــــو ( التمثيـــــــــــل ) ...

وكيد النساء والمكر والاحتيال .....

( ولازم تتقنــــيه ...) .....وباذن الله ( تنجحــي باتقانه ) خصوصآ أنّ

زوجك رجل طيّب ومحترم و( يحبّك ) ...فانتهـــزي ( محبّته لك ....

وخوفه عليك .....( مثّلــي عليه ...الحــــــــــــــزن والاكتئاب ...

مثّـلـــــــــــــي عليه الضّيقه والألــــم ...( أدري انّك أصلآ حزينه

ومكتئبه ) .....ولكن هذه المرّه ..أنســـــــــــــــي الضحك معه وأنسي

الكلام الكثـــــــــــــــير ولا عاد تفتحـــي قلبك له أبدآ ...كوني دائمآ

( عالصّامت ) ....وهذه الفتره ( اقطعــــي عنك كلّ الزيارات ..) ...

ألزمـــــــــــي بيتك وخصوصآ ( حجرتك ) ...وكأنّك سجينه ....

كلّما دخل زوجك للبيت ( اتصنّعــــي الحزن والضّيق والهم والغم )

اجعلي كلامك معه مختصرآ ...وضحكك له مجاملتآ ...وأستمــرّي

وواصــــلي .....حتى ( يقتنـــع زوجك بأنّ حياتك في خطــــر ولابدّ له

أن يتحرّك ....

وهذه الحركه يا أخت احساس ( لا تنجح بين يوم وليله ) ....بل تأخذ

منك الوقـــــت الطويل ( فاستعدّي لهذه الحرب كما اسمتها حكيمتنا

الرائعه دانة الشام ( هــي فعلآ حرب ....ولا زم تكسبيها ..بحول الله

وقوّته .....الزمي الاستغفار دائمآ..

ربي يعطيك حتى يرضيك وينصرك على من ظلمك ..
 
والله حالتك صعبه لاكن فعلا استخيري وروحي عند اهلك وهناك عالجي من النظره المهم اخرجي من بيت الاشباح خذي راحه طويله جربي واستعيني بالله شوفي كيف راح تكون نفسك راح تقدري تتحملي بعاد زوجك وزوجك كيف راح يكون موقفه في غيابك وماتدرين لعل الفرج قريب
 
يارب إنك ترزق أختي تشكرات من حيث لاتحتسب الله يسعدك كلامك جميل وبأحاول أطبقه
لكن قلبي طيب ما يعرف الجفا والبعدان زعلت يوم رجعت اليوم الثاني ولا كأن شيء صار حتى كانت تسب وتتكلم في امي وأبوي و أنا ساكتة ولا بعد أراضيها وهي الغلطانة وكله من قلبي اللي مايعرف الحقد وتدق هي ووحدة من بناتها بكلام زي السم وأختكم مبتسمة على الآخر حتى حسيت اني خلاص بأنفجر ما عادفيني للمشاكل حتى أمي كل ما أروح لها تقول لي اشبك كأنك طالعة من قبر مغبرة وحالتك حالة ومع ذلك إذ زعلت زاد وزني بشكل فضيع وأحس القولون عندي واصل حده أسأل الله الفرج.

وأختي سوالف الله يسعدك ما كسر جناحي إلا بنتي ولا كنت من زمان طلعت بدون رجعة وحتى هو انسان محترم لكن الشكوى على الله الرجال يشوف أهله وأمه بالذات من الملائكة ولا يشوف أغلاطها والمشكلة إذا زعلت تقول لي أنتي من ناس وأنا من ناس احترميني أنا وأهلي وهيه ماخذة راحتها على الآخر فيه وفي أهلي الله حسيبها
​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل