(»'¨¯¨ الشرقي رجل النظام والتطبيق¨¯¨'«)

[بيالة شاي]

احس انكم تتكلمون عني , اخر ماصارت امس سافر لوحدة ويقول انه معاه واحد من الشركة وانا متاكدة انه يكذب , عشان ماياخذني معاه ,,,,,,, أأأأأأأأأأأأأأأأأأأأأأأأأأأأأأأاااه منكم يالشرقييييييييييييييين المعقدين ..
لو انه واضح ويقول لي السبب الحقيقي لكان مامت من القهر لكنه كل شيء يكذب وفيه الغموض , لدرجة اني احاول احط عليه جواسيس لكني بعد شوي احتقر الفكرة وبما اني شمالية وفيه الذكاء ( وحدة واثقة من نفسها ) اكتشف الحقيقة منه هو ولو بعد مية سنه , باسلوبي في ربط الاحداث ( تحسون لازم التحق بالشرطة والبحث الجنائي لاني راح افيدهم ههههههههههههه), وبعض الاحيان اواجهه وبعض الاحيان لا ....

هو صحيح غامض ..ويحب ان يحيط نفسه بهاله من الغموض ..ولا يعتبر هذا غموض ..بقدر مايعتبره امور شخصيه ...ولكن لا اعتقد انه من طبعه الكذب ..اعتقد ان ردات فعلك هي التي دفعته للكذب معك

 

[تــولــيب]

معقولة:surrender:
فيه أحد مثل اللي عندي:sad_1:

تضيع السالفة من الاستفسارات:fish:

أعتقد والله أعلم أن سبب هالأسلوب:
**ضرورة الرؤية الكاملة عنده
**لتحليل الموقف

**التوكيدية



طيب: هل تعانون من نقطة: صح والا لا؟!أو يصلح والا لا!!
ساعات أظن زوجي غير واثق من نفسه أو خايف من الخطأ.. أو ماأدري

امــــــــــا صح والا لا .. :blow:

هذي .. اذا يبي يقررني على شي .. او يجبرني وانا على كرسي الاعتراف ..:msn-wink:

انا قلـــــــت (.........) صح والا لا ؟؟
المفروض اني اقول (صح قلت ) ..
يبي جواب هو عارف اجابته !! :msn-wink:

 

[بيالة شاي]

:no:

لا حبيبتي مجرد أن الشرقي يحترم الحدود
ومايحب الحياة المكشوفة


وعلى فكرة كلما حاولت استكشاف خصوصياته زادت مناعة حدوده

وكلما شافك محترمه خصوصيته يحترمك وممكن يدخلك بحدوده:cupidarrow:

كلااااام سليييييييم 100% ....الشرقي انسان راااقي ..حتى انه يحترم حدودك وتشوفينه دايم يبين لك ان لك كامل الحريه بالقول او بالصمت ...يحب انك تعاملينه بالمثل

وكل مامسكتي نفسك واحترمتي خصوصياته وابعدت عنك الشك والمراقبه ..كل ماسمح لك بالدخول شوي شوي الى خبايا نفسه :icon30:

 

[بيالة شاي]

الشرقي يهتم بذكر التفاصيل أثناء الكلام .......وربما تملين وأنت تستمعين له وهو يتحدث وتقاطعينه كما ذكرت احدى الأخوات ولكن النتيجة لن تكون مرضية بالنسبة لك .......لأنه يعصب من هذا الأسلوب ........أيضا إذا كنت أنت المتكلمة ألاحظ أن الشرقي يسأل كثيرا عن أدق التفاصيل ........وألاحظ أحيانا إنه يسأل عن أشياء أنا متأكدة إنه يعرفها .......بس ما أدري ليش يستفسر عنها .​

ما أدري تتفقون معاي في هذه النقطة أو لا ؟​

وإذا كان صح تتوقعون ليش يستخدمون هذه الطريقة .​

فعلا الشرقي يتضاااااااااااااايق من المقاطعه ...ويعتبر الشخص اللي قاطعه ماعنده ادب وذوق

اما اذا كنت انا المتحدثه ...مااحس انه يسأل وايد عن تفاصيل .. ولكن يصلح لي بعض المعلومات التافهه اللي ماانتبه لها ..ويحس بالاعجاب بنفسه وهو يصلح لك ...اتقولين مابغيت اوصل الجمعيه مع هالدريول يلف الدوارات مرتين ثلاث ...يقول لك مابينا وبين الجمعيه الا دوار واحد ...:icon28:

 

[بيالة شاي]

الأسباب التي ذكرتيها مقنعة ​

وأحيانا أحس انه يمكن يختبرك .......ويشوف رأيك ثابت ولا يمكن تغيرينه ​

تصدقي حتى لما أحدد مشغل معين مثلا كي أفصل فيه فستان سهرة ​

يسألني أكثر من مرة ​

ما هو اسم المشغل ؟​

مين قالك عليه ؟​

جربتيه قبل كذا ؟​

كيف أسعارهم ؟​

كم تحتاجي ؟​

والأعجب يرجع يسأل مرة ثانية بعد يومين إذا كنت رايحة خلاص​

مع إني أكون أعطيته النشرة المفصلة لكن ما يكتفي فيها ويحب يتأكد إني ما غيرت رأيي​

أعتقد إن الشرقي شخص متردد ......ويفكر كثير قبل اتخاذ قرار معين ​

وهذا ما يجعلك ياأندلسية تشعرين أنه غير واثق من نفسه ​

رغم أن الأمر متعلق بحسابات معقدة حتلا يتجنب الوقوع في الخطأ​

أي أنني أرى أن السبب الثاني الذي ذكرتيه أقرب للصحة ​

تسلمي ياغالية

​

ينتقد الشرقي ..رغبتي الدائمه في تجربه الجديد ...ودايم يعلق ليش ماتروحين مكان اتعرفينه او حد مجربه من قبل ...وزي ماقلت دايم يأكد على المعلومه ..لانه يحس ان هو بالطريقه هذي ينبهني على امور ممكن تكون غايبه عني

اكثر مايوترني ..اذا كنت اجهز بنروح مكان ..يسألني كم يبيلك عشان تجهزين ...طبعا مايقبل اجابات غير دقيقه مثل (شوي وباكون جاهزه ) لا ينطرك تعطينه رقم ..مثل 20 دقيقه ..ويتوقع انك تكونين جاهزه عند الدقيقه 19 والدقيقه ال عشرين تكونين عند الباب ... شي يوتر ..:dunno:

 

[ilum]

البخور

كنت أقدسه

بس تركته بعد دورة فيض الأنوثة


جربوا ترشوا على دخان البخور عطر ساحر كم رشة
وشوفوا النتيجة
وااااااااااااااااااو

انا حضرت دورة فيض الأنوثة واستغرب من كلامك .. لم يكن بها اي شيئ عن البخور ؟؟!!
لماذا تركته اختي الكريمة ؟

 

[روعة أنثى]

روعة انثى..كلامك لا يعلى عليه..وكله حفظت عندي بالجهاز

شكرا لك .........وكلك ذوق .........والله يوفقك مع زوجك .​

الشرقي وش نظرته للي واثقه من نفسها,, في شكلهامثلا؟؟

انا زوجي اذا قلتله ان احد(اهله مثلا)يمدح جسمي وشكلي,, يقلب وجهه ,, مايستانس ..ما دري ليش؟؟؟
لدرجة انه ماصار يمدح فيني شي؟؟؟؟؟؟ :tears:

طبعا ما أحد يختلف على جاذبية الشخص الواثق من نفسه .........وأنها صفة جميلة تعجب الجميع بلا استثناء

تصدقي أحس أحيانا إن الشرقي من حبه للنجاح ..........يمكن يغار من الشخص الناجح حتى لو كان الشخص زوجته

ولتخفيف حدة هذه النظرة السلبية من الممكن أن تدخلي عليه من مدخل ذكي

يعطيه احساس بتقبل مدحك من قبل الآخرين ........وربما يؤيد كلامهم ويشاركهم التعليق

تحدثي من منظور أنهم قالوا زوجة فلان فيها كذا وكذا من الصفات الحلوة

رغم إني أشد على ضرورة أن تكوني أنت بنفسك وليس بزوجك

ولكن هذه حيلة حتى يشعر بانتمائك له .......وأنك جزء منه

ومدح الجزء يقتضي بالضرورة مدح الكل ( هو )

والحقيقة أن الشرقي ينظر للزوجة على أنها محتاجة له .......لأنه يعشق قوامته عليها

ويستمتع بقيامه بهذا الدور .........لذلك عيشيه دور البطولة

ومع الوقت سيتقبل الثناء على صفاتك الجميلة .......وتخف عنده مشاعر الغيرة

مجرد تحليل يتضمن احتمالات الصواب والخطأ​

والشي الثاني ..بما ان الشرقي غامض..كيف اعرف اعجابه بشي معين,,لاني لاحظته في اشياء صلحتها في شكلي ما تكلم واذا سألت قال بكل بروووووووووووووووووود (حلو) :busted_red:

الف شكر لكم

الغموض شي ...........والمدح شي ثاني

عموما كل ما تعود على الكلمة الحلوة .......تسهل على لسانه

احدى الأساليب النافعة سؤاله بشكل تفصيلي ومع الوقت سيعتاد أن يدقق في شكلك
​

 

[+متأمله+]

لأنه يعتبر كلامك عن نفسك غرور
ونرجسية وشوفة نفس
والشرقي مايحب أبدا اللي شايف نفسه
مايشوفها مثل ماتشوفينها ثقة بالنفس
علشان كذا أقلعي عن مثل هالكلام
لاتتكلمين عن نفسك أبدا

لكن ممكن توصلينها بطريقة ثانية

شكرا اندلسيه...................

يااااااااااااااااااااااااااااه فعلا ما فهمته هالرجال,,انا على بالي اذا قلتله يتأثر بكلامهم,,
لانه بصراحه يتأثر بأراء الاخرين...زي ما تعرفون ذوق الشرقي في العطورات صعب,,وكلما جبت له عطر مااعجبه..ومره قلتله صاحب المحل يمدح فيه مرررررررررررررره..وانه حاطه في فترينه مكتوب عليه رقم 1 ومن هالكلام.............................لاحظته ابدى اعجابه فيه ,,اتوقع كله من مدح صاحب المحل الي زدت فيه شويتن:msn-wink:
ادري طولتها وهي قصيره...:in_love:
بس هذا مثال بسيط على ان الشرقي يتأثر بأراء الناس كثير,,صح ولا انا غلطانه؟؟؟

 

[تــولــيب]

هههههههههه ضحكتيني ياتوليب أما إنه محفوظ عن ظهر غيب ​

هذي أبصم عليها ..............لأنه تقليدي ​

ومع العشرة تكوني عندك قائمة بالمسموحات والممنوعات وتفهمينه بسهولة ​

وهذا بيت القصيد ​

لأنه مستجدات على الساحة مافي ..........وهذا أريح من غيره ​

أسلوبك حلو ياغربية ..........خليك قريبة نحتاجك كثير ​

حتى ننظر بعيون مختلفة .

​

تسلمــــــــــــــــين ... :icon26:

وهذي من مميزات الشرقي .. اللي يقولون عنه تقليدي .. حطبه يابسه مافيها جديد ..

شوفوها من زاويه ثانيه .. انه انسان سيــــده .. واحد .. عندج وعند غيرج نفس الكـــــلام ..
فانتي بتقوليـــن في اي موضوع جديد .. بتكونــــــــين مكونه رأي مسبق عن رايـــــــه .. احسن من ماتكونيــــــــن تحت رحمة نفسيته ومزاجه !!

تحـــــــــياتي !!:icon26:
توليب ..

 

[+متأمله+]

تحدثي من منظور أنهم قالوا زوجة فلان فيها كذا وكذا من الصفات الحلوة

رغم إني أشد على ضرورة أن تكوني أنت بنفسك وليس بزوجك

ولكن هذه حيلة حتى يشعر بانتمائك له .......وأنك جزء منه

اخت روعة انثى..ما شاء الله عليك انا كيف فاتتني هالطريقه ,,بجربها عن قريب
واخليه ياخذ مقلب بنفسه :nosweat: وانا الكسبانه

 

[تــولــيب]

فعلا الشرقي يتضاااااااااااااايق من المقاطعه ... ولكن


يصلح لي بعض المعلومات التافهه اللي ماانتبه لها ..ويحس بالاعجاب بنفسه وهو يصلح لك ...اتقولين مابغيت اوصل الجمعيه مع هالدريول يلف الدوارات مرتين ثلاث ...يقول لك مابينا وبين الجمعيه الا دوار واحد ...:icon28:

وااااااااااااااااااااااااااااااااي



ضحكتيني .. انتي واين وهو وين !
ممكن يصير لي هالموقف ..

 

[تــولــيب]

يتصفح الموضوع حالياً : 4 (4 عضو و 0 ضيف) ‏تــولــيب, ‏أندلسية+, ‏روعة أنثى, ‏بيالة شاي



متجمعين ..........
حيـــــــــــاكم الرحمن !!

 

[روعة أنثى]

بس هذا مثال بسيط على ان الشرقي يتأثر بأراء الناس كثير,,صح ولا انا غلطانه؟؟؟

عزيزتي ياقلبي..

ياليت تكوني معانا في نفس النقطة التي نتناقش فيها

حتى ما نتشتت ويضيع الموضوع

ومع ذلك أحب أقولك أقل الناس تأثرا بالآخرين هو الشرقي

لأنه غالبا شخص متمسك برأيه .......ويصر على قناعاته .......ويصعب أن يغيرها

بمعنى أن لديه مجموعة من المفاهيم ثابتة

ولكن في نطاق الأمور العادية مثل العطر أنت أعطيتيه انطباع حلو عنه قبل ما يشمه

وتأثر عن طريق الإيحاء ........لذلك عجبه .........يعني الزوجة تقدر تدخل في راسه أفكار حلوة كثير

إذا فهمته مضبوط ...........وهو يتقبل منها أكثر من غيرها لحبه لها ومعزتها الخاصة .

 

[أندلسية]

امــــــــــا صح والا لا .. :blow:

هذي .. اذا يبي يقررني على شي .. او يجبرني وانا على كرسي الاعتراف ..:msn-wink:

انا قلـــــــت (.........) صح والا لا ؟؟
المفروض اني اقول (صح قلت ) ..
يبي جواب هو عارف اجابته !! :msn-wink:

ههههه

فهمتك قصدك حالات الإقرار

أنا أقصد ناحية ثانية

مثال:
أمس عند أهلي
كانت طاولة التقديم بعيدة عن أبوي وهي رخام
قالي: قربيها لخالي
قلت له: ماأقدر عليها ثقيلة

قال: أقربها له.. يصلح والا لا؟؟!!
قلت له: لا عادي قربها الله يعافيك

وهذا الموقف كثير كثير يتكرر عندي وبعدة صور

فهمتوا علي!!
يعني يسألني صح كذا يصلح كذا
أحيانا أتنرفز من هالسؤال

وعلى فكرة مو دايما ياخذ برايي:schmoll:

 

[أندلسية]

اكثر مايوترني ..اذا كنت اجهز بنروح مكان ..يسألني كم يبيلك عشان تجهزين ...طبعا مايقبل اجابات غير دقيقه مثل (شوي وباكون جاهزه ) لا ينطرك تعطينه رقم ..مثل 20 دقيقه ..ويتوقع انك تكونين جاهزه عند الدقيقه 19 والدقيقه ال عشرين تكونين عند الباب ... شي يوتر ..:dunno:

نفس الحالة:nosweat:
صرت أعطيه وقت أطول من المتوقع علشان ماأضايق نفسي:msn-wink:

 

[أندلسية]

يتصفح الموضوع حالياً : 4 (4 عضو و 0 ضيف) ‏تــولــيب, ‏أندلسية+, ‏روعة أنثى, ‏بيالة شاي



متجمعين ..........
حيـــــــــــاكم الرحمن !!

:cupidarrow:

 

[تــولــيب]

ههههه

فهمتك قصدك حالات الإقرار

أنا أقصد ناحية ثانية

مثال:
أمس عند أهلي
كانت طاولة التقديم بعيدة عن أبوي وهي رخام
قالي: قربيها لخالي
قلت له: ماأقدر عليها ثقيلة

قال: أقربها له.. يصلح والا لا؟؟!!
قلت له: لا عادي قربها الله يعافيك

وهذا الموقف كثير كثير يتكرر عندي وبعدة صور

فهمتوا علي!!
يعني يسألني صح كذا يصلح كذا
أحيانا أتنرفز من هالسؤال

وعلى فكرة مو دايما ياخذ برايي:schmoll:

!!

هههههههههههههه
كان قربتي الطاوله من البدايه ..:msn-wink:


ممممممممممم تخيلت نفسي .. في مواقف مشابهه .. فور مي .. يمكن بعض الشغـــالات مايعرف لها ..
مـايفهم فيــــها .. وياخذ راي غيره ..او يبي يحط الحق على غيـــره لو صار شي .. يمكـن !!

 

[بيالة شاي]

عزيزتي ياقلبي..​

ياليت تكوني معانا في نفس النقطة التي نتناقش فيها ​

حتى ما نتشتت ويضيع الموضوع ​

ومع ذلك أحب أقولك أقل الناس تأثرا بالآخرين هو الشرقي ​

لأنه غالبا شخص متمسك برأيه .......ويصر على قناعاته .......ويصعب أن يغيرها​

بمعنى أن لديه مجموعة من المفاهيم ثابتة ​

ولكن في نطاق الأمور العادية مثل العطر أنت أعطيتيه انطباع حلو عنه قبل ما يشمه ​

وتأثر عن طريق الإيحاء ........لذلك عجبه .........يعني الزوجة تقدر تدخل في راسه أفكار حلوة كثير ​

إذا فهمته مضبوط ...........وهو يتقبل منها أكثر من غيرها لحبه لها ومعزتها الخاصة .​

يازيــــــــــــــــــــــن كلاااااامك :icon26::icon26:

فعلا انا استغرب اللي تقول ان الشرقي يتأثر بكلام الناس ....انا احسه ماله الا اللي هو مقتنع فيه وحاسب حساابه ..مب بالساهل حد يغير رايه ..وصح زوجته كل ماكان قدرها عنده كبير يصير تأثيرها اقوى

 

[بيالة شاي]

ههههه

فهمتك قصدك حالات الإقرار

أنا أقصد ناحية ثانية

مثال:
أمس عند أهلي
كانت طاولة التقديم بعيدة عن أبوي وهي رخام
قالي: قربيها لخالي
قلت له: ماأقدر عليها ثقيلة

قال: أقربها له.. يصلح والا لا؟؟!!
قلت له: لا عادي قربها الله يعافيك

وهذا الموقف كثير كثير يتكرر عندي وبعدة صور

فهمتوا علي!!
يعني يسألني صح كذا يصلح كذا
أحيانا أتنرفز من هالسؤال

وعلى فكرة مو دايما ياخذ برايي:schmoll:

امممممممممم ماتحصل معانا !!..دايم احسه واثق من رائيه ..

يمكن انتوا من مجتمعين مختلفين ..ولانه شرقي يعمل حساب للعادات ..يخاف ان ينفهم غلط او شي من هذا ...متدري

 

[روز الحب]

​

صراحه احس نفسي متلخبطه وماادري على اي نقطه انتم تتناقشون بس بجاوب على الي فهمت من كلام الأخت روعه

لغة المرأه والشرقي
من حكم عشرتي مع الشرقي لابد من التركيز في اختيار الكلمات في الحوارمعاه لان كل كلمه يأخذها بمفرداتها ومستحيل يقتنع بالمبالغه لانه مايتعامل معاها في حياته
لكن
كوني غربيه فدائمآ ردة فعلي وقت الزعل تكون مبالغ فيها وكذلك الألفاظ
اتذكر موقف لي مع الشرقي
اول ماتوظف زوجي في عمله الجديد اتوقع كان مديره شرقي بلا منازع لانه دقيق عليهم بشكل ملحوظ
المهـــــــــم
كان زوجي يرجع ويتغدأ ويريح ساعه ثم يخرج الى أهله ويرجع يتعشئ وينام استمر كذا تقريبآ اسبوع
وانا كل انواع الترفيه والمتعه الي تتنفس منها الغربيه كانت بعيده عني


لا نت لن البيت كان جديد وباقي وقت عشان يدخل التلفون وباقي ماجبت طفلي الله يحفظه وساكنه بعيد عن اهلي
انفجرت
ورحت للشرقي وفتحت الباب وهو له ربع ساعه دخل ينام
وبكيت بكل صوتي
ورددت
انت عمرك ماحسيت فيه
ماعندك شعور رايح تنام وانا طفشانه وحدي

توقعت انه بي طبطب علي
الا كانت ردة الشرقي اقوى مماكنت اتصور
ارتفع صوته
اني ماحترمت وقته وتعبه ونومه
وانقلب الموضوع على رأسي وصرت اترجاه ينام واعتذر منه
واستمر فتره يناقشني في كلامي
وكنت اتوقع انه بيحس بأحتياجي لكن فهم كل كلامي جحود وتمرد وعدم تقدير ​

واليوم صرت اعرف كيف كان تفكير الشرقي وقتها
واضحك على نفسي لاني كنت جاهله بقوه فيه​