(»'¨¯¨ الشرقي رجل النظام والتطبيق¨¯¨'«)

[أميرة الالماس]

...بس بعدين فهمت قوانين الشرقي عدل مدل ...وزي ماقلتوا لا مجال لاعاده الخطا مع الشرقي ..لان هو هو مايتغير ولا يجد جديد

وانا على بالي راح اغيره مع الزمن والمصيبة كل محاولاتي تبؤء بالفشل ...........


ههههههههههههههههههههههههههههههههههههههههه

 

[روعة أنثى]

بنات عندي استفسارات عااااااجلة​

كيف تعرف المرأة ان الشرقي مخلص لها ويقدرها؟​

كيف اتعامل مع طلبات الشرقي اللي ماتتناسب مع قناعاتي؟؟​

بعطيكم مثال اذا وحده ممتلكة في ظل عادات واااايد تحط رقابة عالبنت وكل شي ممنوع :no:​

وهو يطالب في اللقاءات المحدوده انه ياخذ حضن وبوسه​

طبعا حلاله بس انا رافضه الفكره​

لا تقولولي ماشيه .. انا اريد طريقة احافظ عليها على خصوصيتي​

مع العلم ان هو ينط كل شوي يقولي انا ما اريد اجبج وعلى راحتج​

وحلف انه مب زعلان اذا ماوافقت بس كل شوي يعيد الطلب​

يمكن يختبرك .........ويشوف ردة فعلك

عشان يكون فكرة عن شخصيتك ......ويعرف مقدار ثباتك على رأيك

ويمكن يكون استثير ........وتحركت شهوته ( أرجح هذا السبب )

ولما رفضت حاول يصلح نظرتك له بقوله أنا ما أبغى وبإظهار عدم زعله ( يعني كأنه من نفسه )

استمري بنفس طريقتك ........تزيد غلاوتك بعيونه .......ويشوفك جوهرة صعبة المنال

ويتولع فيك أكثر ........وكمان يعجب بحفاظك على قناعاتك وعدم تغييرها

أتمنى منكم عدم الخروج عن نطاق النقاط المطروحة

​

 

[روعة أنثى]

ريلي شرقي.. واذا جا بيقول سالفه.. واااااااااااااااااي عليه... يقعد سنه لين مايخلص.. كلامه جدا بطئء

وبالتفصيل الممل.. لكن تعالي .. اذا انا بقول سالفه.. يقول اخلصي.. الزبده شو.. يعني يباني.. اقول المفيد

من الزبده.. مع اني غربيه.. بس.. انا بعد اقول السالفه بالتفصيل.. فيه حد يفسر لي..السبب..

زوجك يذكر التفاصيل ........ولكن غالبا تكون عبارة عن حقائق مهمة في نظره

أما أنت ربما تقولين مقدمات طويلة خالية من الأحداث ويشعر أنها غير مهمة

وغالبها يكون عن انطباعاتك الشخصية ......وحديث عن المشاعر والأحاسيس

وقد يكون وقته ضيق .......يعني يسوي هذي الحركة لما يكون وراه شغل

بالنسبة لكونك غربية وتحبين التفاصيل ........يمكن تكون مكتسبة

يعني يكون أغلب الأشخاص في عائلتك شرقيين وتأثرت بهم

ما أدري بالضبط

ما رأي الأخوات الغربيات ؟

​

 

[أميرة الالماس]

بقولكم على سر عني ..
انا اتنرفز واعصب اذا احد غير شيء في بيتي او حرك شيء من مكانه من غير استئذان ولو أنه يسحب كرسي علشان يقعد (بس ابشركم خفت الحساسية كثييير الحين ...حاسة انكم تقولون الله يعين اهل زوجي.هههههه)

الحال من بعضه لدرجة اني احاول امسك نفسي لكن يبان عليه ,,,,, واروح اعدله قدامهم , اما اهلي اذا جاوقالوا اخرجوا هنيه وحش يمه , طبعا يقصدوني ....................


الله يعينا على انفسنا وازواجنا ........

 

[روعة أنثى]

:cupidarrow:بس بصراحة إخت روعة ما قصرتي والاخوات بعد ما أنساهم :cupidarrow:​

الحقيقة استمتعت في كلامنا عن الحوار مع الشرقي​

اكتشفت أشياء كثيرة........واستفدت نقاط روعة من البنات ​

شكرا لك هموسة :in_love:​

:exclamationpoint: عندي سؤال أو تساؤل
شلون أقدر أطوّع الشرقي عشان يتأقلم مع طبيعتي الغربية ؟
يعني يكون مقدار التنازل عن الصفات الشخصية اللي تتعارض مع الطرف الثاني متساوية ؟
أتمنى يكون هالموضوع محور حديثنا في النقاط القادمة ​

:icon26:لكن كل الحب :icon26:​

إن شاء الله نناقش هذه النقطة لا حقا​

وأعتقد مع الإحتكاك في المواقف المختلفة في الحياة يتأثركل منهما بالآخر​

وإذا زاد الإنسجام بينهما ​

يصلان معا لمرحلة وسط .......بحيث يكون الأخذ والعطاء متبادل بينهما​

وكل واحد يراعي الثاني ​

 

[روعة أنثى]

نقاط جديدة عن الحوار مع الشرقي​

تلجأ الزوجة في كثير من الأحيان لتعبّر عن معاناتها أو ما يؤلمها ويشغل بالها من خلال الحوار. ​

على سبيل المثال عندما تقول الزوجة:​

" آه إن رأسي يؤلمني.. ​

كم تعبت اليوم في العمل لقد واجهت مشاكل كثيرة... ​

لا أدري ماذا أفعل غدا مع هذا الموقف... ​

إن والدتي مريضة ولدي إلتزامات كثيرة غدا كيف أوفق بين ذلك كلّه..​

" تستخدم الزوجة ( طبيعتها عاطفية مهما كان نمطها )هذه العبارات لتعبّر عن ما يجول في خاطرها من أفكار
وعن ما يختلج في صدرها من مشاعر​

لكن ما يزيد من ألم الزوجة هو عدم تفّهم الشرقي حاجتها للدعم النفسي والعاطفي وخاصة عندما يرد عليها بهذه العبارات:
" يمكنك أخذ مسكّن لوجع الرأس.. أتركي العمل أو خففي من وقت العمل... يمكنك فعل كذا وكذا في هذا الموقف... يمكنك الاعتذار عن بعض الالتزامات وإخبار والدتك بذلك..​

" الشرقي هنا يعتبر أن المرأة عندما تشتكي بهذه الطريقة لأنها عاجزة عن إيجاد الحلول​

وأنها تطرح عليه ذلك للمساعدة ​

وإن الرجل الشرقي بطبيعته العملية يصغي لما تقول ويعتبر أنه المسؤول عن إيجاد الحلّ لمساعدة زوجته في ذلك​

. لكن المرأة يغضبها ردّ الرجل وتتهمه في هذه الأوقات بأنه لا يتفهمها ولا يشعر معها ​

فبدل أن يخفّف عنها معاناتها يزيدها ألما فهي في هذه اللحظات تحتاج ​

لأن يقول لها مثلا:" سلامتك حبيبتي.. يضمها ، يقبلها.. ماذا حدث معك في العمل لماذا أنت تعبانة؟... آه ​

يا زوجتي كم أنت حنونة وحسّاسة أنا فخور بك لأنك تحترمين والدتك وأنك إنسانة فاعلة في المجتمع.. تعالى نتحدث كيف يمكن أن نخرج مما تعانين.." ​

هل مررت بمواقف من هذا النوع وقلت في نفسك والله بس أحتاج طبطبة ؟​

ماهو دورك في ايصال هذا المعنى لزوجك يحيث يتفهمك في المواقف القادمة ولا يتكرر نفس الوضع ؟​

اقترحي عبارات مفيدة لنقل مشاعرك لزوجك بحيث لا يسئ فهمها ويترجمها إلى حقائق مجردة؟​

•ومن الاختلافات أيضاً، عندما تطلب المرأة شيئا أو تقترحه على زوجها قد يعتبر الرجل أنها تأمره، فالمرأة تقترح ليناقشها الزوج ولا يعني أنها تبت بهذا الموضوع. على عكس الرجل فعندما يطلب أو يقترح فغالبا ما يكون قد أخذ القرار بذلك..​

ودايما لما أكلم زوجي .يقولي خلاص قررت .......مع إني أكون أستشيره​

وأتعجب منه أحيانا يستشيرني .......ولما أقول رأيي ما ياخذ فيه ​

وأقول في نفسي ليش يستشيرني طيب​

ما هو أسلوبك عند طلب استشارة من زوجك ؟​

وهل يتقبل هذا الأسلوب ؟

​

 

[لازورديه]

مممممم يمكـــــن .. واتوقـــــع .. ماعرفتي موده في طريقه السوالف المواضيع ..
يمكن مثلا ماتعرفين تجيبين الموضوع عدل ..!!
او تجيبين مقدمه طويــــــــــله تملله !!
او حكرات يدك كغربيه وايد وازعجنه ووترته !!

فيقول اخلصي علي !!:sly:

اشياااااااااااء بحطها بالاعتبااااااار.. شكرا ع الاهتماااااااااااااااام..

 

[لازورديه]

زوجك يذكر التفاصيل ........ولكن غالبا تكون عبارة عن حقائق مهمة في نظره ​

أما أنت ربما تقولين مقدمات طويلة خالية من الأحداث ويشعر أنها غير مهمة ​

وغالبها يكون عن انطباعاتك الشخصية ......وحديث عن المشاعر والأحاسيس​

وقد يكون وقته ضيق .......يعني يسوي هذي الحركة لما يكون وراه شغل​

بالنسبة لكونك غربية وتحبين التفاصيل ........يمكن تكون مكتسبة ​

يعني يكون أغلب الأشخاص في عائلتك شرقيين وتأثرت بهم ​

ما أدري بالضبط​

ما رأي الأخوات الغربيات ؟​

لا موشرط.. ساعات يكون فاضي ماوراه شي.. بس انا ماشاءالله .. اللي احب اتكلم عن نفسي

وعن الاحداث اللي تصير معاااي في يومي.. وماعندي الا ريلي.. اخبره.. فااحس يمكن طفر شوي

من كلاااامي.. خخخخخخخخ.. لانه اكثر من مره يلمح لي انه كلامي كثير.. تعرفين انا اجتماااعيه..

واحس كلامي عادي مب ثرثره.. بس لاحظت انه هو واهله كلامهم قليل ومش اجتماعيين.. وعندهم

من السالفه ينقاااال الكلام المفيد.. بس صراحه بعد ماقريت موضوعج امس.. ومشاركااات الخواات

ماتكلمت امس كثير.. يعني تميت ساكته مب زعلانه .. بس ساكته اذا كلمني رديت عليه.. بكلمات

بسيطه.. واليوم يوم رد من الدوام استقبلته بوجه بشوش وابتسااامه حلوه من دون ولا كلمه..

لاحظته يوم قعد ع الغدا.. فتح معااي مواضيع وحاول يتكلم معااي.. على غير العاده.. فصدقت وحده

من الاخواات .. يوم قالت.. اذا تبين الشرقي يتكلم.. انتي اسكتي....:shutup::shutup::shutup: واصبري.. واصبري..

خخخخ.. لانه بالنسبه لي تعذيب.. السكوت..:shutup:

واعتقد انه الجزئيه من حديثج عن المشاعر هي صحيحه بنسبه كبيره.. شكرا على الاهتماام.. ولو انها

المشاركه الاولى لي في موضوعكم بس..لقيت اهتماام..

 

[احب الحياة]

نقاط جديدة عن الحوار مع الشرقي​

تلجأ الزوجة في كثير من الأحيان لتعبّر عن معاناتها أو ما يؤلمها ويشغل بالها من خلال الحوار. ​

​

هل مررت بمواقف من هذا النوع وقلت في نفسك والله بس أحتاج طبطبة ؟
ايه والله كثييييير

​

ماهو دورك في ايصال هذا المعنى لزوجك يحيث يتفهمك في المواقف القادمة ولا يتكرر نفس الوضع ؟
بما ان الشرقي يحب الوضوح والدغري قلتها له بصراحة... صرت دائما وابدا اقول له انا ابغى اتكلم فقط وافضفض او افكر بصوت عالي ورددتها كثير عليه حتى استوعبها والظاهر انه حفظها؟؟

​

اقترحي عبارات مفيدة لنقل مشاعرك لزوجك بحيث لا يسئ فهمها ويترجمها إلى حقائق مجردة؟
يا حبيبي انا اتكلم عليك واقولك انت هذا الكلام لأني ما احب اطلع اسراري برى(لانه يؤمن بالخصوصية ) ولا أتكلم لاحد غيرك..
مجرد الكلام معك يريحني ويخفف عني وانا اتكلم لأتكلم فقط لاغير ولا ابحث عن حلول ..
ـــــــــــــــــــــــــــــــــــــــــــــــــــ ​

​

وأتعجب منه أحيانا يستشيرني .......ولما أقول رأيي ما ياخذ فيه ​

وأقول في نفسي ليش يستشيرني طيب
اعتقد انه يستشيرك ليعرف مدى صحة رأيه او ليجمع اكبر قدر من الآراء وبعدها يقرر...وأنه ما يأخذ برأيك ربما لم تقنعيه او أعطيتيه رأي مختصر ولم تفصلي كثيراً

​

ما هو أسلوبك عند طلب استشارة من زوجك ؟
قبل الكلام اقول له عندي موضوع واحب استشيرك فيه ويهمني رأيك كثيراً​

وهل يتقبل هذا الأسلوب ؟
نعم ..ويقعد يتفلسف على ويعورني راسي منه​

​

كل الشكر لك روعة منكم نستفيد:in_love:

 

[بيالة شاي]

هل مررت بمواقف من هذا النوع وقلت في نفسك والله بس أحتاج طبطبة ؟​

ماهو دورك في ايصال هذا المعنى لزوجك يحيث يتفهمك في المواقف القادمة ولا يتكرر نفس الوضع ؟​

اقترحي عبارات مفيدة لنقل مشاعرك لزوجك بحيث لا يسئ فهمها ويترجمها إلى حقائق مجردة؟​

طبعا مريييت في هالموقف وااايد ...واكثر مايقهرني اني اشتكي واطلع اللي في قلبي وهو ساااكت لا يحرك ساكناا ...واذا زعلت وعصبت قااال ..قاعد افكر لك في حل:icon28: !!!....طبعا انقهر زياااده

بس بعدين قبل لا اشتكي اقول له ..محتاجه تضمني:cupidarrow: ..ابي حد يحس فيني :cupidarrow:...يعني اعطيه المتوقع منه قبل ..وووايد نفعت هالطريقه وطبعا مع العشره هو تعلم انا بالظبط شنو اللي احتاجه منه بدون مااقول :clap:

سبحان الله هالطريقه بعد فادتني مع ولدي ( شرقي صغير ) ..قبل لا ندخل المطعم اقول له اللي مطلوب منه ..مثل بتقعد على الطاوله وبنتعشى بدون اصوات عاليه او حركات زايده ...قبل لا ندخل بيت جده اقول له اول ماتدش حب راس جدك وجدتك ...تلقينه يستجيب للطريقه هذي اكثر من المعاتبه والامر

 

[بيالة شاي]

لا موشرط.. ساعات يكون فاضي ماوراه شي.. بس انا ماشاءالله .. اللي احب اتكلم عن نفسي

وعن الاحداث اللي تصير معاااي في يومي.. وماعندي الا ريلي.. اخبره.. فااحس يمكن طفر شوي

من كلاااامي.. خخخخخخخخ.. لانه اكثر من مره يلمح لي انه كلامي كثير.. تعرفين انا اجتماااعيه..

واحس كلامي عادي مب ثرثره.. بس لاحظت انه هو واهله كلامهم قليل ومش اجتماعيين.. وعندهم

من السالفه ينقاااال الكلام المفيد.. بس صراحه بعد ماقريت موضوعج امس.. ومشاركااات الخواات

ماتكلمت امس كثير.. يعني تميت ساكته مب زعلانه .. بس ساكته اذا كلمني رديت عليه.. بكلمات

بسيطه.. واليوم يوم رد من الدوام استقبلته بوجه بشوش وابتسااامه حلوه من دون ولا كلمه..

لاحظته يوم قعد ع الغدا.. فتح معااي مواضيع وحاول يتكلم معااي.. على غير العاده.. فصدقت وحده

من الاخواات .. يوم قالت.. اذا تبين الشرقي يتكلم.. انتي اسكتي....:shutup::shutup::shutup: واصبري.. واصبري..

خخخخ.. لانه بالنسبه لي تعذيب.. السكوت..:shutup:

واعتقد انه الجزئيه من حديثج عن المشاعر هي صحيحه بنسبه كبيره.. شكرا على الاهتماام.. ولو انها

المشاركه الاولى لي في موضوعكم بس..لقيت اهتماام..

اذا تحسين انك في حاجه للسوالف والهذره لا تحرمين نفسك ...بس كلمي اختك او صديقتك وطلعي اللي في قلبك كله ...المهم واصلي صمتك وقله كلامك عند زوجك ..وبتشوفين التغير عليه :icon30:

 

[تــولــيب]

نقاط جديدة عن الحوار مع الشرقي​

هل مررت بمواقف من هذا النوع وقلت في نفسك والله بس أحتاج طبطبة ؟​

كتجيـــــــــــــــر .. وايــــــد .. مع الايام والعشره عرفت له ..
كنت اقول .. ليش اذا انا نتضايقه مايجي يقعد عندي ..
او يقوني بكلمه او لمسه او ظمه ..وعرفت السبب.
لانه هو يسوي لك اللي يسويه لنفسه اذا هو متضايق ... مايعرف ان المراه والرجل مختلفان ..
اذا هو تضايق .. يا اما يدخل كهفه .. او مايبي يدخل احد في موضوعه اللي شاغله .. او او ,, وماتشمل الطبطبه والسؤال .. :nosweat:
فهو يقيس على نفسه ..
وش الحـــــــــل .. قولي له ..
:idea: بليز انا متضايقه .. ممكن تجي شوي و و !
:idea:او ابيك في شغله خاصه .. ممكن رايك !
:idea:او انا محتره ومقهوره من ...... ومحد يفهم علي انت ! الباقين يعطوني حلول .. انا مابي حل .. اعرف الحل .. ابي افرغ اللي بخاطري ..
( عشان يفهم ومابعطيج حل بعد :msn-wink

طبعا مو كل كل كل شي هو بيده الحل .. لاااااااااا .. مرات قولي متضايقه من شي .. ومو لازم هو يدري به .. شي خاص .. وبس !!

تحيـــــــاتي :icon26:

 

[+متأمله+]

هل مررت بمواقف من هذا النوع وقلت في نفسك والله بس أحتاج طبطبة ؟​

كثيييييييييييييييييييييييير,,

ماهو دورك في ايصال هذا المعنى لزوجك يحيث يتفهمك في المواقف القادمة ولا يتكرر نفس الوضع ؟​

بصراحه مالي اي دور ..اسكت ويبان علي اني متضايقه..لانه مو بس مايتفهم ..كمان يحط اللوم علي دايما..مثلا اذا اشتكيت من الم كليتي المزمن..قال..عشانك ماتشربين مويه كفايه ..قايلك اشربي كفايتك...وبعدها ماصرت اشكي ألا اذا لاحظ هو علي..وقتها احس بحنيته علي..


واذا موضوع عن اهلي..بعد سرده للحلول,,,يحط اللوم على اي واحد فيهم ..ونفس الشي ما صرت افتح معه مواضيع زي كذا الا اذا سألني...

اقترحي عبارات مفيدة لنقل مشاعرك لزوجك بحيث لا يسئ فهمها ويترجمها إلى حقائق مجردة؟ ​

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بتقولون عني سلبيه..بس هذي الحقيقه:thumbdown:
على فكره انا كلامي قلييييييييييييييل معه وقليل مايصير بينا حوار​

 

[{بنت قطر}]

::

لا حبيبتي مجرد أن الشرقي يحترم الحدود
ومايحب الحياة المكشوفة
وعلى فكرة كلما حاولت استكشاف خصوصياته زادت مناعة حدوده

وكلما شافك محترمه خصوصيته يحترمك وممكن يدخلك بحدوده

يعني طلع احترام...
سبحان الله
والله كبر بعيني.. هو محترم جدا جدا.. ومايدخل وايد ..

لأن يقول لها مثلا:" سلامتك حبيبتي.. يضمها ، يقبلها.. ماذا حدث معك في العمل لماذا أنت تعبانة؟... آه

يا زوجتي كم أنت حنونة وحسّاسة أنا فخور بك لأنك تحترمين والدتك وأنك إنسانة فاعلة في المجتمع.. تعالى نتحدث كيف يمكن أن نخرج مما تعانين.."

أأأأأأأأأأأأأأه اقلبي..

مو غلط اني ابي احد افض فض له ويطب طب علي



::

 

[أندلسية]

:exclamationpoint: عندي سؤال أو تساؤل ​

شلون أقدر أطوّع الشرقي عشان يتأقلم مع طبيعتي الغربية ؟
يعني يكون مقدار التنازل عن الصفات الشخصية اللي تتعارض مع الطرف الثاني متساوية ؟
أتمنى يكون هالموضوع محور حديثنا في النقاط القادمة ​

:icon26:لكن كل الحب :icon26:​

تتذكرين لما كنا فثالث ثانوي

ص= س + 2

ص متغير مستقل ، س متغير تابع
بس اللي يحرك قيم ص هي قيمة س
لوس=0 >> ص بتكون 2.... لكن لو س=100 ص راح تساوي102

بالحياة نأثر ونتأثر
ولو زوجك ص راح يتأثر بتغيرك سلبا وإيجابا

الخطأ
أني أذوب نفسي في نمطه
لأني راح ألغي ذاتي ومعها إيجابيات نمطي

وخطأ أن ماأخطي خطوة بالتغيير إلا لما يتحرك هو

شوفي جوانب شخصيتك.. أصقليها .. خوذي الحلو منه وأتركي السيء
تلقائيا بيتغير هو مع تغيرك
الشرقي مبهور بعالم الغربيين
ولو كان غير مقتنع بكل صفاتهم..يشده لهم الاختلاف..
طوري نفسك لنفسك.. وهو إن حب يطور نفسه الله يكون معاه:msn-wink:والا كيفه
بس التنازل لا..


زوجي كان يحمل بعض الصفات الحلوة
وبيوم غيرت شخصيتي وأظهرت قوتي-بصورة خاطئة-
فتغير زوجي تلقائي.. وفقدتها..

 

[احب الحياة]

احب الحياة
ملكة مؤهلة

باركولي
واخيرا صرت ملكة في مملكة بلقيس

 

[كلي حنـان]

دااااااااااااااااائما متأخره ...
اندلسيه عمري ..
ابيك تتوسطين لي عند المجموعه ماحد يكتب تعليق لحد ماامشي معاكم ..
لاني زوجه شمااااااااالي شرقي واحس اغلب الكلام اللي قلتوه ينطبق عليه ...


واللي قاهرني اني جنوبيه غربيه قمه التناقض ؟؟

 

[أندلسية]

احب الحياة
ملكة مؤهلة

باركولي
واخيرا صرت ملكة في مملكة بلقيس

:clap:

مبروووووك

ننتظر الابتسابة الجديدة المناسبة لمقـــام الملـــكة :icon31:

 

[أندلسية]

دااااااااااااااااائما متأخره ...
اندلسيه عمري ..
ابيك تتوسطين لي عند المجموعه ماحد يكتب تعليق لحد ماامشي معاكم ..

ياهـــــــــــلا والله
مايحتاج واسطات

حيــــــــــاك الله بيننا:cupidarrow:

لاني زوجه شمااااااااالي شرقي واحس اغلب الكلام اللي قلتوه ينطبق عليه ...


واللي قاهرني اني جنوبيه غربيه قمه التناقض ؟؟

بالعكس مايكون تناقض
تكامل..و تجاذب للاختلاف

 

[missema]

تسلمي على ردودك يا روعة انثى
وسلامي لكل المساهمات على هذا الموضوع القيم
واخص بالذكر الأخوات
توليب وأندلسية واحب الحياة وبيالة شاي
سامحوني انا مقصرة كتير في الرد على الأسئلة لظروفي
دمتم بود:blush-anim-cl: ​