~*¤ô§ô¤*~الزوج و الأفلام الاباحية الخطر الحقيقي~*¤ô§ô¤*~

[papero0o]

ار ار اف

يعطيك العافية على الرد المميز

 

[ابتسامة طفولية]

متابعه الموضوع الله يسعدك يا مشرفنا على الموضوع القيم

 

[ام سعووودي]

السلام عليكم
اشكر الاخت اللي طرحت هالموضوع المهم واللي در بيوت وايد
وانا من ظمنهم زوجي مدمن الصور والافلام لدرجة هجراني فالفراش لمدة سنه واذا قلت كل 6 شهور مرة او كل 4 شهور مرة

وخلاص استخدمت كل الوسائل لدرجة وصلت مرحلة خلاص ماريد قربه ابدا مع انه فخاطري ابى بس غديت ماحب اسوي حركات ولا شي واقول فخاطري اذا يبى يعرس خل يعرس لاني اكتشفته من خلال اكبر موقع جنسي انه يحب الجنس وممارستها مع غيره اكتشفت انا وصخه عنده وهم نظاف ..
ووصلت اني رحت بيت اهلي وطلبت الطلاق وطرشتله مسج اني اكتشفته مشارك في هالموقع الامريكي فارني نفس الكلبه ودموعي على خدي كل يوم قبل لا ارقد انا كملت 4 سنوات بس قسم بالله انه بس 6 شهور عاشرني معاشرة طبيعية وبعدها بدا الهجر بسبت المشاكل
وهو يمارس العادة السرية في الحمام بشكل يومي وادمان من الدرجة الاولى لدرجة خلاص اكتفى بالعادة السرية مايحتاجني الا يوم يبى عيال الحمد لله انا عندي 3 اولاد توينز وبجري .
هو معاملته اسميها زينه الحمد لله ويقولي انا حلوة واعجبه يمكن يجاملني
بس خلاص انا صار في تفكيري احس لو زوجي ريال ثاني كان قدرت اعطيه بس زوجي هذا مادري شو اللي صار يمنعني منه لدرجه تخيل نفسي مع غيره
انا احبه وموت عالارض اللي يمشي عليها بس ناقصة حنان وخلال هالاربع شهور مرينه فاشياء وايد اثرت بحياتنه وانا اكثر عنه اثرت فيني ..
وهو مش من النوع اللي بيصارحني انا اشوف ولا انا اسوي الله يكشفه سبحان الله ..
وقتله اذا انا ماعيبك خلاص طلقني وروح عند اللي يعيبونك امساكن بمعروفن او تسريحن باحسان اذا انته مش قادر تشبعني حنان وتعاشرني سرحني يمكن انا فيني اشياء ماتعجبه بس مايصارحني شو اسوي هو بس تفكيره فعياله بيتحملني عسب عياله صح انه العيال يتاثرون في الطلاق بس الله حلل الطلاق انا اخاف على عمري وهو بعد لين متى بيتم يشبع عمره بالعاده السريه اكيد بيي اليوم اللي يبى يمارس الاشياء اللي يشوفها بس مش معاي لانه هو عنده الزوجه مش نفس اللي فالافلام مع اني كم مرة شرحتله وقتله الله حلل كل شي بين الزوجين بس ما يفهم ترى انا سويت كل شي وخلاص ماعاد فيني شي اعطيه صابرة والفرج عند الله
بس احيانا خاطري فيه خاطري يمسكمي يحظني يبوسني ..
بس الحمد لله انه الله صبرني ..
لاني انسانه ملتزمة اخاف ربي وايد
انا مافكر في الطلاق لاني من سنه رادتله بعد مايلست اسبوعين بيت اهلي مارضى يطلقني انا ماريد الطلاق والله احبه وايد بس شو اسوي ليش اخليه ينحرف ويسوي الحرام قلت خل يعرس وياخذ اللي تعيبه ويخليني بيت اهلي اربي عيالي .

نفسيتي تعبانه والله من ناحية الحنان ولا هو معاملته زينه ما يقصر فيني .. وانا لين اليوم اقوله كلام حلو واعامله احسن معاملة ماحب اقصر فحقه هو يحبني وانا احبه بس ادعولنا

 

[حلم وضاع]

ام سعوودي دعيتلك من كل قلبي الله يعوووووضك خييير انتي مره انسانه قمه ورائعه
ربي مو مضيع تعبك معه وبيسخره لك باذن الله ويعوضك علي الايام اللي فاتت
ادعيله
وادعيله
وادعيله
ولاتيآسي حبيبتي الله يخلي لك عيالك
وكل فتره جددي بنفسك والهي عنه شوي يرجع لك
حلو مع هاللفئه التطنيش تحلين بعينهم

 

[حلم وضاع]

ار ار اف ردك مميز ويدل على رقي كاتبته ربي يحفظك حبيبتي

 

[عذنبي غلااك]

متاااااااااااااااااااااابعه معكم

 

[like sugar]

شقووول لكم ... عيوووني متورمة من البكا هاليومين

زوجي ... قليل خبرة بالكمبيوتر والنت وهالامور ... عكسي لاني احب الكمبيوتر فعندي خبرة لا بأس بها

مؤخرا اشتري زوجي لاب توب ... ويجلس عليه فترااات طوييييلة ...وانا اعرف انه طول وقته اما على رسايل الايميل او اليوتيوب

وكنت ادخل عالمحفوظات واتابع وراه بعد ما يطلع ... يعني وش اقول لكم .. كنت احياانا اشوفه داخل على مقاطع .. ماقول لكم ابااحية ... لكن مقاطع مثلا بنت ترقص او ملابسها فاضحة او او .. عمووما انا ماكنت ابين له اني ادخل واشيك من وراه ... وماكنت قلقانه من هالمقاطع اللي تطلع له ويدخل عليها .. لاني واثقه من نفسي والحمد لله ... مو ناقصني شي في شكلي ولا ناقصني ثقه ... وماعمري قصرت معه خصوصا بفراشه

يوم من الايام كان جاي معه هاردسك ... جايبه من صاحبه ... انا هنا قلت ( معنااها الليله لازم تفتيش عالجهاز) **...
كنا نسولف ونضحك عاادي ومبسوطين ... لحد ما طلع ... وان انا عالجهااز وافتش فيييه ... ولقيييت الطامه الكبرى ... لقيت ملف مخبيه داخل ملفات ملياااان مقاااطع وسسسخة ومقااطع رقص .... لعنة الله علييييهم وعلى اللي عطاه هالمقاطع .... عساااني اشووفها في اقرب الناس له

بصراااحه انا صرررت اررجف والدنياا تدور فييني ومدري وش اسوي .... مانتبهت لنفسي الا حذذفت كل هالملفات ... وكنت ناوية احذفها بعد من هاردسك صاحبه لكن مالقييتهم بالهاردسك ... حسيت نفسي مابغي اقعد احرق باعصاابي ... ابغي اطلع واغير جوو ... دقيت على اهلي عشان يمروني ... وجهزت شنطة اليد وعباتي وجبتهم معي بغرفة الكمبيوتر .

وطبعا جاا من برى وهو مايدري اني كشفته ... دخل وسلم وحط البوك والجوال وراح يغير ملابسه ... انا اخذت البوك والجوال ورحت ورااه عالغرفه.. قال وش فيك؟؟؟ .... انا ماتكلمت رمييت اغراضه عالسرير ... وطلعت ووقفلت علي حالي بغرفة الكمبيوتر ... ولما وصلوا اهلي ... لبست عباتي ورسلت له مسج علي جواله ( انا طالعه مع اهلي) .... وطلعت من الغرفة ... الا هو جااي يركض وراي ... ( وين بتروحين؟ ،.. متى بترجعين؟ ووو ... ) وانا ارد عليه ردود مختصرة وانا امشي ناحية الباب ومالتفت عليه

والحين صار لي يومين ماكلمه ... ويرجع الشقه بعد الدوام وما يلقااني ويدق علي واقوول له انا بيت اهلي ... ومارجع الا وقت النوم ... واكييد في غياابي عن الشقه حااول يستغل وياخذ رااحته وتفااجأ ان الملفات محذوفة​

 

[papero0o]

للرفع

 

[hanodi]

جزاك الله خير موضوع جا في الصميم
الله يهدي زوجي ويفتح عليه وعلى قلبه وينور بصيرته ويجعله يحتقر نفسه عند مشاهده الاشياء
القذره
الله يحنن قلبه علي ويسخره
ياملكات الله الله الله بالدعاء اني ادعوا من الله ومقنه الاجابه باذن الله تعالى ان يعافي زوجي من هالابتلاء
ويجعل الصلاه قرة عينه
ويشرح صدره للتوبه والانابه
آآآآآآآآآآآآآآميييييييييييييييييين

 

[شوق الأحمد]

الله يجزاك بالخير

 

[فروله حمرآ]

انا زوجي مسوي انه يخاف الله ويصلي ويستغفر والقى بجهاز الاب احيانا مقاطع ماسحها بس اعرف سبحان الله

بالنسبه لي ما صارحته لانه بيزعل بالعكس لمن جاب السالفه مره قلتله لا مااصدقك لاني اعرف انك تخاف من الله ووانك انسان اهم شيء عندك الخوف من ربي كيف بتعصيه
والحمدلله ماعاد كررها

 

[papero0o]

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

 

[muslema 4 ever]

جزاكم الله خيرا على نصائحكم ..وجعلها في ميزان حسناتكم...
عندي سؤال : لو كان الزوج من الذين يشاهدون هذه الأفلام ومقاطع البلوتوث..هل ممكن للزوجه ان تسافر دوله اخرى بعيدا عنه لتكمله دراستها..ام ماذا تفعل....

 

[ندمانة حيل]

موضوع مفيد لكن عندي استفسار للخبيرات

زوجي ما يناظر الافلام الاباحية ولا يعرف حتى اشلون يطلعها ويشغلها لكن المصيبة اللي طاحت فوق راسي ان طبيعة عمله يجبرونه على متابعة القضايا في هيئة التحقيق والادعاء العام القضايا الاخلاقية والصور والفيديوولازم يثبت الوقاع كاااااااااااااااااملة سواء زنا او لواط او اغتصاب او خطف ولازم يشوف كل مرفقات القضية وبعدين يحولها للقضاء


هو اللي قالي هذا الكلام ويقول انا متضايق مرة من العمل هذا وارفض اشوف الافلام والصور الاباحية لكن للاسف رئيسه في العمل يقول حالك من حال زملائك لازم تمسك القضايا


وانا بموت من القهر اخاف لما يشوف الاشياء هذي يدمنها وحالنا ما يسمح انه يستقيل


مالي غير الله يفرجها من عنده
لا تبخلو علي بخبراتكم

 

[كن عوني يارب]

موضوع نحن بحاجته كثيرا....
لكن اخواتي نعرف اسبابه ضعف الوازع الديني والرفقه الفاسده...
ولكن نريد اكبر قدر من الحلول.....
جزاكم الله خير جميعا...

 

[سهم العشق]

مشكله خطيره انتشرت في هذا الوقت لانها صار من السهل مشاهدة الافلام عن طريق النت والقنوات الفضائيه المخله يجب تدارك هذه المشكله وعلاجها بطرق سليمه قبل ان تفتك بالمجتمع وتسمم عقل ابناءنا وتهدم بيوتنا 00 وانا اقول الوازع الديني والخوف من الله هي من اهم الاسباب التي تمنع الانسان من مشاهدة الحرام 00 اللهم اغننا بحلالك عن حرامك 00 ​