ملف خاص لزوجات الجنوبي ((لمن ارادت تغيير حياتها )) لليوميات

[شمردل]

حبيت الموضوع
انا زوجي جنوبي غربي

البارحة كان يومي متعب بعد الدوام رحنا لبيت بنت خالته نسلم عليها لانها مسافرة
وقمت تهورت وشربت عندها يجي خمس فناجين شاي المهم لما رديت البيت احس جسمي تعباااااااااااااااان بس عيوني مفتحه
اتصلت بزوجي لانه كان بالشيشة وقلت له الحيييييييين تجي انا تعبانه ومسكين على طول جا
المهم حاولت انام ومافي فايدة لين نفسيتي تعبت وجلست ابكي
المسكين الجنوبي يتاثر بالدمعه جلس يهديني ويحضني ويقرا علي لين نمت وانا مو حاسة
تخيلوا قمت الصبح الساعه 5 الفجر اصلي لقيته صاحي قلت له ايش مصحيك قال كنت سهران
حسيت بالذنب كسر خاطري

 

[حنيني2010]

صموته بسم الله عليها مو فاضيه
ان شاء الله انها عايشه بالعسسسل والليله الهنديه
ياارب يهديها هديه عباره عن تذاكر سفر لدوله تحبها <<<امنيه من أمنياتي
يدخل علي زوجي بتذاكر للدوله اللي ابيها
ويارب تتحقق لصمووووته لانها تستاااهل كل خير
حب لاخيك ماتحب لنفسك

اتمنى فعلا يكون هذا السبب،،

بنات قولو ماشاءالله عنك صمت ،، وادعولها أمانة

الله يهدي بالك يا صمت ويبعد عنك وعن أحبابك كل سوء ​

 

[الطفلة الصغيرة]

آآآآآآآآآآآآآآآآآآآآآآمين يارب الله يوفقها ويسخر لها زوجها ويبعد عنهم كل شر وحسد

 

[om.saarah]

ياقلبي صموته الله يطمنا عليج يالغلا

وعسى غيابج خير ياااااارب

 

[دلع معي غير]

الله يهنيج ياعمدتنا ويعطيج لين يرضيج,,,,,,,,,,,,
حنيني 2010 ممكن مساعده....................

 

[zaxs]

فرررررررت الصفحات كثييره قلت بس مليانه يومياااااااااات بخلص اشغاليوارجع امخمخ عليها


ورجعت طلعت دردشه تهي تهي بس اهم شي خلصت شغلي مو

ياليت الدردشه بموضوع الجنوبي مو اليوميات يابنات:25:

الله يسامحكم:4:

 

[نجود1404]

.


جايبه لكم اليوم افكـآر لملابس واكلات تسوونها


-1-

ليله مكسيكيه

اللبس يطغى عليه الغجري
بعرض لكم كم صورة

.

.

.


والاكلات
تاكو - كساديا

.

ان حبيتوا الفكره
اجيب لكم افكار ثانيه
اهم شي عطوني رايكم

 

[نجود1404]

.

.

.

.

.

.

تناسب الجنوبي لا من الرقص ولا من اللبس الضيق واللي مغطي الجسم

بس غيروا اللون اهم شي

 

[حنيني2010]

الله يهنيج ياعمدتنا ويعطيج لين يرضيج,,,,,,,,,,,,
حنيني 2010 ممكن مساعده....................

طبعا ممكن حبيبتي
قولي وش عندك؟
مو بس أنا ،، كلنا نساعدك​

 

[محتاجه وقفتكم]

هلا بنات نمت شوي ورججعت لكم
قلت يمكن صموته رجعت كمان مالقيتها
حبيت اطمنكم انا الحمدلله احسن صح في الم بس اهون برجع انسدح وبعدين برجع اشبك اشوفكم على خير
دعواتكم
ولاتنسون الاستغفار والتسبيح والتكبير


سبحان الله
والحمدلله
ولااله الا الله
والله واكبر

استغفر الله واتوب اليه

 

[حنيني2010]

إعلان هااااااااااااااااااااااااااااااااام​

أتمنى من الكل (واولهم انا) نكتب الدردشة في ملف الجنوبي رجل الحب والاحضان، ونخلي هالملف بس لليوميات​

عشان نحافظ على الترتيب و ما نلخبط الزائرات الجدد،،
باينتنا كلنا فينا غربية !​

 

[الدنيا صعبة]

حبآيبي اعذروووووووووووووووووووووني
انقطعت عنكم لفترة بسبب حآلة عزآء كآنت عندنآ وانتهت الحمد لله

ببدأ ممن بكره لاني والله ما اذكر ايش اتغديت البآآآرح




بالله 4أيآم محد افتقدني؟
وعسى المانع خير لصموتة​

 

[الأمورالحلوه]

السلام عليكم
يومياتي
صحيت 9 صلحت تلفطور وجلست شوي ثم رجعت انام
صحيت الظهر ةضاع وقتي مدري ليه المهم ما سويت اي انجاز يذكر
الساعة 3 جهزت القهوه واشاي والعصير وشيكت علي المجلس لان زوجي عنده ضيوف
ثم بدات في الغدا وتغدينا علي 6 ثم دخلت ارتب جزا من المطبخ لاني نرهقه حاولت انسدح شوي ما قدرت اقلقوني عيالي
المغرب جهزت ابشاي والقهوه مع زوجي وصار سالفه احسنه تنكد منها
انا اتفقت معه يرجع مصروفي مثل اول كان حوالي 1000 ريال شامله الجوال ومصاريفي الشخصيه يعني معاد اطلبه ولا فلس
المهم الظهر راح وحط لي 300 ريال انا انصدمت وما شكرته رغم هذا المبلغ هديه لا غير لا يشمل اي شي من مصروفي
وكررت اعتراضي مره اخري وجلسيتذمر من الموصوع ومن تكراري له ومن ضمن الاشيا اللي قالها انه ما يحاسب واذا بغيتي اي شي يعطي بدون حساب اذا اقتنع بالموضوع
وبعد العشا دخل هو ينام لان ظهره يوجعه
وانا مسكت الغسيل وخلصته ورتبت المطبخ
ثم تعب ولدي وجلست اكمد فيه واقاوم النوم اخاف الحراره ترجع مره ثانيه
واللحين تمام الحراره خفت بس اخاف ترجع
هذي يومياتي

 

[صمت وخجل]

لحقي علي صموته زوجي قرى يومياتي

جيت الغرفه واهو قاعد على جهازي ويضحك اقوله شبلاك قال قريت يومياتج انا انحررررررجت وسحبت الاب منه
قلت له لو تبي تزعلني تاخذه قال جيبيه ابيه طنشته وطلعت انا تنرفزت حيييييل رجعت قال جيبي الاب

قلت تبيه خذه ودشيت الحمام وانتي بكرامه محتاااااره وش اسوي حاسه باحسيس كثيره احس اوراقي انكشفت واحس باحراج مب عارفه شسوي
طلعت الحمام ماكلمته وجيت قال من صجج زعلتي قلت لا بس

هههههههههههههههههههههههههههه الله يسعدك وخير ياطير مافيها شئ عاااااادي كلها يوميات مافيها شئ كايد خليك اقووووووووى من هيك وروحك رياضيه >>> ياما صارت معها واخذها برووووووووح رياضيه ولا كانه شئ صاير واضحك واشل الجهاز واقووووول والله امك داعيه لك اللي صادفك الحظ وقريت ابداااااااعي حتى لو كانت شكووووووى

وعلى فكررررررررره اول مادخلت عالم المنتديات كنت ظفشانه من ام الجوجو فقررت اكتب عسى احد يفيدني ولو بدعوووووه والمصيبه الجوووووووجو لقى المشاركه والكلام اللي انا كاتباته اللي يسم البدن بس قلبت المووووووووضوع لصالحي وقلت انت تعرفني مااشكي لاحد وانا تعبت من اللي جوى جووووفي فقررت اكتب لناس اللي مايعرفوني عالاقل ارتاح من الهم اللي فيني :25:​

 

[لماا]

صباح الفل والسرور ...نورتينا يا صموووووتة ...

صموتة سبان الله دحين صار معاي نفس الموقف كنت فاتحة المنتدى ولمن جاء زوجي سكرت و زعل مني مررررة رديت علية قلتلة انا سكرت علشان بسكر اللاب وبجلس معاك قالي لا اكيد فاتحة حاجة مو كويسة
وقلتلة خلاص تعال افتحلك الموضوع وشوف بعينك ومارضي يشوف حضنتة وبستة وقلتلة لا تزعل والله راح افتحلك الموضوع خرج من البيت زعلالالالان ...يوووووة

 

[لماا]

صباح الفل والسرووور نورتينا يا صموووتة....

صموتة سبحان الله دحين صار معاي نفس الموقف ..اجا زوجي وانا على اللاب سكرت الموضوع وزعل مني مرررة قلتلة خلاص تعال افتحلك الموضوع يقولي شو مضمني انك كنتي فاتحة حاجة مو كويسة ودحين تفتحي حاجة ثانية ... ومررة زعل حضنتة وبستة وقلتلة حبيبي والله موضوع نسائي وتعال راح افتحة لك خرج من البيت زعلان ....

 

[محتاجه وقفتكم]

صباح الخيرات والليرات
اهليييييييييين صموته
سلامتك الف سلامه والله مكانك خالي وفقدناج عسى يارب ماتفقدي غالي
شوي وانزل يومياتي بس اصلي الضحى وارجع لكم

 

[حنيني2010]

هههههههههههههههههههههههههههه الله يسعدك وخير ياطير مافيها شئ عاااااادي كلها يوميات مافيها شئ كايد خليك اقووووووووى من هيك وروحك رياضيه >>> ياما صارت معها واخذها برووووووووح رياضيه ولا كانه شئ صاير واضحك واشل الجهاز واقووووول والله امك داعيه لك اللي صادفك الحظ وقريت ابداااااااعي حتى لو كانت شكووووووى ​

وعلى فكررررررررره اول مادخلت عالم المنتديات كنت ظفشانه من ام الجوجو فقررت اكتب عسى احد يفيدني ولو بدعوووووه والمصيبه الجوووووووجو لقى المشاركه والكلام اللي انا كاتباته اللي يسم البدن بس قلبت المووووووووضوع لصالحي وقلت انت تعرفني مااشكي لاحد وانا تعبت من اللي جوى جووووفي فقررت اكتب لناس اللي مايعرفوني عالاقل ارتاح من الهم اللي فيني :25:​

لقطتك صمووووووووووووووووووت،،

وينك يا بنت،، أقلقتينا عليكي،، إن شاءالله خير،،

سمعتك تسولفي لحريم العشرين سنة (شو وداكي هناك؟؟؟) ، عن خوياك
اللي يزوروكي الفجر،، أبوصيك هللا هللا فيهم واكرام الضيف واجب !!
​

 

[محتاجه وقفتكم]

يومي امس كان شوي مختلف
صحيت الصبح وصليت وصحيته للدوام
وسويت فطوره وراح للعمل فطرت
وقعدت على النت شوي شوي واحس بالممممم بظهري طنشت وقلت هذا ولاشي من الالام الولاده خليكي جدعه <<<< قلبت مصري وقعدت مع حنيني وكم بنت بالملف
بعدها بدا يزيد الالم قلت مابدهاش روحي ارتاح رحت نمت لغايت الساعه 12 صحيت اذن الظهر صليت وقريت قران واستغفرت وسبحت
فتحت النت لسه اقول ياهادي رجع الالم قعدت شوي ورجعت قلت خليني انسدح
دقيت على زوجي وقلت له اني تعبانه وانه يخلي باله من الجوال لو دقيت عشان لو مقدرت اتحمل يجيني يوديني المستشفى
المهم وانسدحت ونمت تاني
صحيت 3 الظهر ماسويت لا غدا ولا شي
يادوب قمت طلعت دجاج مسحب من الفريزر وقليته وقليت له بطاطس وسويت سلطه
وشوي واذن العصر تسبحت وصليت وانسدحت تاني
شوي ويجي زوجي واعتذرت منه لانه ماسويت غدا قال عادي المهم راحتك كيكف الحين قلت تمام وانا اكذب ههههه وبرضي متحمله
تغدينا وانسدحنا حتى صحون الاكل اول مره مااغسلها بسرعه
قليتها ساعه بالمغسله بعد ساعه قمت وغسلتها هو كان نايم
قعدته على 7 اذن المغرب راح يصلي وانا صليت وجا انسدح
قلت له شنو مشروعك اليوم وين بتقضي يومك قال ولا مكان انا بققت عيوني
قلت له انا متملله ولي كم يوم ماخرجت مابتخرجني قال وين تبين قلت له لفه بالسياره قال بس قلت الا واشتري لي ايس كريم قال ابشري يالله البسي ولبست ونزلنا
وطبعاااا
وطبعااااااا
وطبعااااااااا
كالعاده دقت عمتوا وينكم وش تسون
قال برا قالت وين برا قالت لنا كم يوم ماخرجنا قلنا نخرج نتمشى <<<<<طبعا الموجززززززز والاخبار لازم توصل
قالت مابتجون عندنا قال الا بس نخلص بنجي اكيد
وقعدنا بالسياره تمشينا شوي اشوفه موقفني جنب مول قلت غريبه شنو تبي
قال نزل نتمشى قلت لالالا ماصدق قال مو انتي ماتبين لاحديقه ولا بحر قلت اوديكي المكان اللي طلبتي
شكرته وفرحت وبينت له انه جدااا مقدره فعلته <<< صارت جريمه ههههههههه
ونزلنا المول وتمشينا شوي وحسيت بالالم رجع ماحبيت اقوله عندي الم قلت له تصدق المول مافيه شي حلو خلينا نرجع السياره ونقعد نفتر فيها قال يالله ورجعنا السياره وحسيت الالم يزيد سكت وطنشت شوي ويقولي يالله نروح لبيت اهلي قلت يالله انا معك بالسياره محل ماتبغى توديني معك
قال خلاص ورحنا وكانت 10 الساعه قعدنا للساعه 12 ونص ومشينا لانه نعس ووراه دوام وبس ردينا البيت وتسبح ونام وانا معه وهذا يومي بالتفصييييل الملل

 

[لمى الحب]

طيب واللي جوالها دايم مفصوول كيف ترسل وتتدلع على زوجهاا

بنات انا زوجي ماااراسله الاناادر هو تعجبه رسايلي بس مايرد الابمزاجه اوقاات اذا رجع يقول لي تسلمي لي عالرساله بس يقهر باارد معي مرة

الابالاحم احم ...مررة بالاوقاات العاديه ماايعطيني وجه مدري احس مسوي رسمي مدري ليه بالعواطف

انا دووم احب اسووي اشياء كثير واحب انه يشااركني بس هو لا حتى لدرجه انه يشتغل بعمل ثااني بس عشان الفراغ عشان ماايطلع معنا حتى السوق مستحيل يطلع معنا يعني في الغالب اهوو ماااشوفه الابالنووم حتى كلام ماافي الاان تكلمت ...مشكله عووويصه ...مزااجي اعطوونا حلولكم