روايتي (سارة والمكنسة)

  • بادئ الموضوع بادئ الموضوع عصيد
  • تاريخ البدء تاريخ البدء
الحالة
مغلق و غير مفتوح للمزيد من الردود.
واااااااااااااااو
عادت الكاتبة
اسعدك الله يا ام همس كما اسعدتنا
 
أنا أيضاً سعيدة بعودة عصيد وكنت قلقة عليها
وهي من راسلتني وطلبت فتحها​
 
blqees-1.gif


مرحبا فيكم ..
إن مااستقطعني عنكم هو قرار كان يجب أن أخضع تحته...
لكنني سأعوض عنكم...
إن شاء الله أجد صدى كما وجدته في ردودكم...
blqeesco-1.gif

تكملة الجزء 31
سارة ناظرت بجنى نظرة واللي خلاها تقطع
صوت جوالها وجنى تهزها من كتفها:سارة الجوال ..
سارة تهز راسها:إيوه إيوه..ألو
وجنى تطالع فالخاتم وهو فإيد سارة ومبتسمة
....................
أم سعيد حزينة عشان الخدامة محد راحت لأهلها وهي تحب بيتها
حتى من كثر ماتوسوس مع نفسها قالت باخذ سارة معايا تونسني
...............
عبير كانت تشيل الستاير عشان تتغسل وكالعادة معترضة:ماما أنا عمري ماشفت أحد يغسل ستاير ,من وين جيتم إنتم؟
أم عادل ومحترة من بنتها:والله كله من تحت راسك ..كل هالمصايب من تحت راسك .انطمي ولاتتشكين أنا بعد مو فاضية أسمع سيمفونية أبوكِ.
عبير وتسحب الستارة بقهر:أوووووف!
وأمها تطالع فيها وتهز راسها بقرف:30::حليلي أنا وخلفتي اللي زي وجهي.
.................
فالعمل
أبوعادل يطالع فيزيد وهو يشرحله
يزيد وبابتسامة:عمي..عمي معايا؟
أبوعادل:إيه..إيه سامحني ياولدي
يزيد:تعبان يعورك راسك؟
أبوعادل:لالا مافيني شي..يعطيك العافية ..خلاص روح شوف شغلك
يزيد:توصي على شي؟
أبوعادل:لاسلامتك .
ويوم راح أبوعادل حط إيده على دقنه:ليش لا؟خليني أشوف؟
واتصل على تركي ومارد..واتصل على عادل
مكتب عادل
عادل كان يبرد المرسام وشاف جواله يهز وراح يرد:هلا أبويه..شلونك وشخبارك؟
أبوعادل:أنا بخير الحمد لله..إنت وبعدين معاك؟ليش ماتبي تريحني؟
عادل ضيق على عينه متفاجئ:ليش أبويه؟بسم الله عليك إشفيك؟
أبوعادل:ياولدي تصالح مع أمك ..تراها جنتك ونارك..وإنت تدري إن حارة شوي الله يصلحها..وإن كان على اختك فأنا خلاص دبرت أمرها
عادل:ياأبويه أنا ماقلت شي برجع مثل ماكنت ..لاتشغل بالك الله يخليك لنا ويطول فعمرك
أبوعادل:الله يهديك ويصلحك..خليني أشوفك فالغدا
عادل:طيب إش رايك أعزمكم عالغدا ؟
أبوعادل:لا ياولدي أنا أبغى آخذ راحتي..
عادل يبتسم:خذ راحتك فيه مطعم مرة حلوة جلساته..هاشقلت؟
أبوعادل:خلاص أجل أكلم أمك..
عادل مبتسم:أجل بعد الظهر أمر على أمل وتعالوا على مطعم (...........)
أبوعادل وارتاح:إن شاء الله..هيا أجل أخليك تكمل شغلك..في أمان الله
عادل:الله يحييك حافظك الرحمن.
...............
عبيد مع أصحابه:بالله عليك نزلها ...وريني
عبد الرحمن:أقولك ماعرفت أسويها عدتها كذا مرة
عبيد وعينه بتتبقق فالفيديو:حمنى رهيب رقصه ..شف قصة شعره
عبد الرحمن:كيف بنسويها وعندنا مدارس
عبيد:طز فالمدرسة
عبد الرحمن:لايافالح أنا وعدت أبويه أشد حيلي وأصير مؤدب وإنت شلون أبوك ساكت على شعرك؟
عبيد يبتسم بمكر ويطالع فالفيديو:مادرى عني..وإذا كان فيه لبست كاب ولاقبعة!ماعليك أمري ماشي بس هالقصة خطيرة بتلفت الأنظار ...حمني بنصرع ..شف شلون سواها
حمني:شفت كيف؟حماس ...ويشوفون الفيديو فالجوال
عبيد:إلعب أيوه...
كانوا يتفرجون على أغنية بوب أجنبية والمغني الراقص كان مسوي قصة غريبة شوي على شعره..
.................
أبوعادل اتصل عالبيت وقال لأم عادل تتجهز بعد الظهر عشان بيتغدون برا وعبير ماتروح..تجلس فالبيت
..................
فالمدرسة
كانوا فالفصل وملاك كانت تكتب الدرس من السبورة وفيه بنات كانوا يتكلمون
........./شفت كيف صارت حامل؟
.........../إيه الله ياخذها أمها ضربتها
........../بس كيف راحت تتمشى معاه ورجعت حامل
............../إيوه صح كيف؟
وملاك تضغط عالمرسام خايفة وطالعت فيهم/بنات لاتتكلمون عن المسلسل قدامي تراني مقاطعته
............./ياخبلة ليش تقاطعينه إنتي بديتيه كمليه وإذا خلص لاعاد تتابعين ..ترى أخوها جاب البارود حالف يقتلها
ملاك:ليش هي وش سوت وصارت حامل؟
............./أقولك خرجت معاه
ملاك وفتحت عيونها:بس؟
............/إيه...والله يخوف
ملاك ورجعت تكتب وفخاطرها:لايكون أنا حامل؟
...............
الجزء ال32 سيتبعه فقط
أشيل بعض الألفاظ
...........
تراكم واحشيني:34::32::20:




​
 
يا هلا ومرحبا
اشتقنا لك ولتكملة القصة
نور المنتدى بوجودك عصيدوووه
(سووري ما عارف ارحب ولو كنت اعرف كنت رحبتبك ترحيب يحرق المنتدى)
مابدي اتعبك بس لا تتأخري علينا
 
1280957034.gif

:9::2::10:
حياكم الله..
رمضان كريم
اللهم اجعلنا من الذين يقومون فيه حق القيام والصيام
أكثرن من النوافل فهي فالأجر مضاعف
ومثوانا قليل​

الجزء32​


تك​


تك​


تك​


......../مييييييييييييييين​


.........../عصود نبي الجزء بسررررررعة​


................../حاااااااااااااضر حبايبي ​


تربصوا ​


هذا هو الجزء...​


منسدحة عالسرير وتفكر إش تسوي بزواج ولدها..تبي يكون أحلى زواج وكل الناس يتطارون به ​


ويدخل عليها طلال ويشوفها تطالع فالسقف​


وبصوت منخفض:يما ..يما​


أم راشد وتعدل سدحتها:نعم ياطلال​


طلال ويطالع فالأرض:أنا ماأقدر أوديكم السوق اليوم..​


أم راشد:ليش؟تعبان؟​


طلال:لا مو تعبان بس بروح مع فيصل بيشتري سرير نوم جديد​


أم راشد وترفع نفسها من على السرير​


وتدخل أصابعها بشعرها وترجعه لورى​


ونظرة شؤم ملت وجهها:تعال اجلس هنا..تعال​


ويجلس طلال بهدوء​


أم راشد:إش عنده خالك ؟​


طلال:ماعنده شي؟ بس حب يغير السرير يقول مو عاجبه شكله ​


أم راشد وفاتحة عينها بولدها:مو عاجبه؟طيب..طيب يافيصل​


طلال:ليش يما نظرات التهديد هاذي؟​


أم راشد:أنا ربيته معاكم يعني المفروض ياخذ شويه من اللي علمته ..ليش طالع أعوج؟ماأدري!​


طلال:إنتِ اللي عليك سويتيه وهو اختار طريقه​


أم راشد: طريقه غلط وماشي عكس وكل ماأناظره أحس إنه قاعد يسوي شي..شامه ريحته أقولك​


طلال مستغرب:إش ريحته؟​


أم راشد:مدري بس شكله يسوي مصايب..مدريبه هالفيصل بيطلع قروني...​


طلال فهم إن أمه حاسه بأخوها:طيب إش تقترحين؟تبيني أراقبه؟​


أم راشد:لالا تراقبه وتضيع وقتك عليه..أنا راقبته من يوم هو صغير وربيته بكل الطرق مانفع معاه..​


طلال:يما ماجربتِ معاه الطيب..ترى الكلمة الحلوة زينة..​


أم راشد:ماظنتي ياطلال..طيب جس نبضه اليوم وأنا الله يعيني بروح أزوره كل إسبوع ​


طلال:بس لاتاخذين خواتي..​


أم راشد:ليش؟ ​


وناظرت طلال وفهمت:لاتخاف أنا معاهم..المهم لما تروح اليوم معاه جس نبضه يبي يتزوج ؟​


طلال:يما المفروض إنه يتزوج​


أم راشد:إنت قلتها المفروض بس أنا أخاف على بنت الناس لايوهقها وهو مايبي يتحمل مسؤولية حضرته​


طلال:أسأله اليوم وأردلك..​


أم راشد:خلاص إسأله ولاتكلمه إني راح أزوره أبي أباغته وهو فالبيت ..أبي أشوف شلون عايش..​


طلال:حاضر​


أم راشد:إنته متى رايح؟​


طلال:بعد صلاة الغرب​


أم راشد:أجل قبل لاتروح عدي علي فالمطبخ عشان بسويله عصيد ومرق باللحمة مو عاجبني شكله​


طلال وابتسم:حاضر يعطيك العافية يما ​


أم راشد وتبتسم :الله يعافيك يما..ناديلي سمر على طريقك​


طلال:إش بتضربينها؟​


أم راشد ضحكت عالخفيف:لا مابضربها..بس أختك هاذي مجننتني...​


طلال يبتسم:ليش؟​


أم راشد:مسوية مشكله في فصلها..روح ناديها ..روح ​


طلال:حاضر ويقوم وتجلس أم راشد وترفع شعرها ببكلة​


.......................​


سمر:عبيد خطيرة..أقولك شكلي بنحرف بسبتك..​


عبيد يناظر فيها:عاد ألحين اللي ماانحرفتِ بعدك!إنتِ منتهي أمرك بالنسبة لي​


سمر وتلطشه على راسه من ورى:ههههههه حبيبي عاد أنا مافتحتها معاك عشان تطول لسانك ..تذكر إنت مع مين تتكلم​


عبيد ويتحسس راسه:آآآآآآآآآخ..إشفيك يالخبلة؟قومي من جنبي والله ماتتفرجين معايا..قومي لأرفسك​


سمر وتهم بالهجوم إلا ويدخل طلال ويمسكها طلال:سمر أعصابك..بسم الله عليك​


سمر:شف قاعد يهددني..عشان ماعندي كمبيوتر ​


عبيد ويفتح عينه:الله يالكذابة ..والله ماهددتها ياطلال​


طلال يبتسم:خافي ربك فهالضعيف...​


سمر:ليش؟​


طلال:إش اللي ليش؟؟​


سمر بحسرة:ليش هو ضعيف وأنا مو ضعيفة؟إش هالعنصرية فبيتكم؟​


طلال:لاوالله مو عنصرية إنتِ ماخذه حقك ياعيني..لاتتمسكنين ..ياللي كل يوم مسويتلك مشكلة فالمدرسة​


عبيد:الله !أما إنتِ زودتيها ​


سمر:مايخصك..​


طلال ويجلس جنبها:وش اللي مايخصك..تراك بنت ياسمر​


سمر:شسوي فيهم ياخي فتنة..لعلهم..يبيلهم تربية ​


عبيد:أمهم إنتِ؟​


سمر:إسكت إنت!خبل​


طلال يبتسم:طيب روحي كلمي أمي​


سمر وفتحت عينها:يوه!من جدك؟​


يهز طلال راسه بالإيجاب​


سمر:عز الله رحت فيها..​


عبيد:وش مسوية؟​


سمر:مناقشة خرجت عن طورها​


طلال سند جسمه عالكنبة وضحك:هههههههه..الله يصلحك​


سمر وبحكمة:ويهديكم معايا..حتى إنتم مب خالين.​


عبيد وطلال:ههههههههههه​


سمر:استعنت بالله على قضاء حوائجي​


...............​


في غرفة أمها​


سمر تدخل وتخلي الباب مفتوح:ها يما وش بغيتي؟​


أم راشد:إنتِ متى بتتعلمين الذرابة؟​


سمر:إش سويت ألحين؟​


أم راشد:أحد يدخل كذا؟​


سمر:يما أنا مو فالمدرسة..إشفيك الله يصلحك وتجلس على الكنب​


أم راشد:ويصلحك ويهديك ويشيل الجنان اللي براسك​


سمر:وشفيه جناني؟​


أم راشد:ليش تعيبين على برنامج معلمة فكرية؟إنتِ متى بتعقلين؟ليش فاضحتني؟أختك درست وتخرجت محد اشتكى منها​


سمر:ياربيييييييييه..أماه..أنا مو عاجبني برنامجها..​


أم راشد:ليش؟​


سمر وتوقف:بالله عليك شوفي إش تبغاني أسويلها فالحفلةة..تبي تلبسني أرنب وتخليني أترقص قدام الحريم للحفل الترحيبي وتتنطط سمر..​


أم راشد تعض على شفايفها وتبتسم​


سمر وتمد سبابتها على اتجاه أمها:هاشفتِ حتى إنتِ ضحكتي!بالله عليك هذا برنامج؟هاذي ماكلفت عمرها حتى تكتب كلمة من عقلها كله سرقة من هالكمبيوتر​


أم راشد:يعني ألحين إنتِ ماتتشطرين إلا بالطنازة على الناس؟​


سمر:أجل حاكيها قوليلها أنا مابشترك فالحفل الترحيبي..خليني فالفقرة اللي مع فصلي..ويكفي بعد​


أم راشد:ولاتدخلين فتدريباتهم؟​


سمر:لاماأتدخل..​


أم راشد وبنظرة تحذيرية:يالله خليني ألحين أسمع شكوى عنك والله ياسمر لأكسر راسك​


سمر:طيب..أروح؟​


أم راشد:روحي..ويوم خرجت سمر من الغرفة ضحكت أمها عليها تتذكر شكلها وهي ترقص​


..............​


عبير جالسة لحالها فالصالة اللي فوق:إش هذا طلعوا تغدوا ولا كلفوا عمرهم يشيلونلي شوية..ناس أنانية​


أمل طالعة بكوب شاي أخضر ومبتسمة وشافت عبير:عبير إشفيكِ تحاكين عمرك؟​


عبير وبنظرة اشمئزاز:ما فيني شي ..ولمين إن شاء الله هالكوب​


(بما إنها صارت مسؤولة عن البيت فصارت تسأل عن كل ماعون يخرج من المطبخ هههه)​


أمل وتبي تضحك:مسويته لعادل..​


عبير وتشمق لأختها وتروح لغرفتها...​


أمل تضحك وتروح لغرفة عادل وتطيق الباب​


عادل:مفتوح​


أمل بابتسامة:عدولي جبتلك شاي أخضر..​


عادل ابتسم:جا فوقته الشاي يعطيك ألف عافية..​


أمل مبتسمة:الله يعافيك ياخوي.​


....................​


فيصل يشتري آيس كريم من باسكن روبنز لبنات أخته ومعاه طلال​


طلال:فيصل لمين هذا كله؟​


فيصل مبتسم:للبنات​


طلال يفتح عينه:أي بنات؟​


فيصل يضحك:إشفيك تخرعت؟خواتك أقصد​


طلال ويزفر زفرة راحة:الحمدلله..أحسب شي ثاني​


فيصل يبتسم:تبي؟​


طلال:إمممم..إيه أبي بس ماأبيه بمكسرات أبيه سادة​


فيصل مبتسم:طيب..طيب​


طلال:أقولك ترى أمي بتشتغل فيك ​


فيصل ويلتفت:ايش؟​


طلال ويضحك:إي والله ..قالت إنها بتباغتك بعد الأسبوع الجاي..وقالت ماأعلمك​


فيصل:ليش يعني؟​


طلال:تقول تبي تشوف شلون عايش؟​


فيصل:ياويلي ألحين​


طلال ويرفع حاجب:هاه؟لايكون بعد معزم على شغلك ​


فيصل:لا موكذا بس على بال ماأفهمهم يبيلهم وقت​


طلال:لامايبيلها وقت يافيصل..كلمة ورد غطاها..مو صعبة ترى​


فيصل:تساعدني؟​


طلال ويقفل عينه ويهز راسه بلا:مايخصني..إنت اللي بتقطعهم مو أنا​


فيصل ويرجع يلف راسه عشان يدفع الحساب​


.....................​


جوال تركي يرن ويشوف الرقم وتنقلب ملامحه حزينة :هلا والله..​


..........:شلونك أستاذ تركي؟​


تركي:بخير ​


......:ماعرفتني؟​


تركي:إلا عرفتك ياغازي شلون ماأعرفك​


غازي:طيب ياأستاذي ترانا مسوين كشتة للبحر وحسبناك معانا ​


تركي قطعه:لاياغازي ماأقدر والله عندي شغل ومايسمحونلي أطلب إجازات حتى يوم الخميس عندي عمل​


غازي اخترع:بسم الله الرحمن الرحيم..إشفيك؟قلت كشتة ماقلت اشرحلي درس فيزياء​


تركي:الله يخليك ياغازي ..لاتحاول قلتلك ماأقدر​


غازي يوم حس إنه من نبرته متضايق خلاه براحته:خلاص يالغالي ماأضغط عليك حافظك الرحمن​


تركي:يالله مع السلامة​


غازي مستغرب:مع السلامة​


تركي حط الجوال:إشفيني هبيت فالرجال؟أووووه ويقوم يخرج من المكتب رايح ياخذله سيجارة​


(فكنا الله منها)​


.................​


طلال دخل البيت ومعاه الآيس كريم​


سمر كانت نازلة من الدرج ويوم شافت الآيس كريم وتطمر ثلاث درجات​


ويصيحون راشد وسهيل وعبيد فاتح فمه مفجوع من أخته​


طلال يضحك:بشويش لااطيحين....خبلة​


سمر:سارة ..سحر..الحقوا آيس كريم ​


راشد ويتنهد بتعب:يالله من هاذي البنت..إنتي بشويش لاتتكسرين​


سهيل:ولد إنتي ولد؟..​


ويطلع طلال الدرج​


سمر:إش سويت؟​


سهيل:محد ينزل الدرج كذا..لو صار فيكِ شي ألحين؟​


سمر:ماصار فيني شي بسم الله علي ​


راشد:سمر والله ين زدتي طمرتي لأتوطى فبطنك..اصطلبي عاد​


سمر:حااااضر على هالنخرة​


سهيل:والله تراك فجعتينا يالمجنونة شكلك يخوف وإنتِ نازلة..تقول كائن فضائي ​


عبيد:هههههههه مع جلابيتها مرة ماتركب ياسهيل​


ويضحكون..سمر كانت تختارلها آيس كريم مو مركزة معاه​


راشد:لاتقعدون تؤذونها..من زينك إنت وياه..​


سهيل:والله إنا نهبل..أقول اقعد بس​


راشد:يعني أنا واقف ألحين؟​


سهيل:هاهاهاها..قديمة..​


عبيد:هههههههه..​


ويسمعون صوت تحطيم ​


راشد وسهيل يطالعون فبعض..وشويه يطالعون فسمر كان تكسر المكسرات بأسنانها فيطلع صوت ويضحكون كلهم وهي تطالع فيهم باستغراب​


سهيل يطيح على أخوه عبيد من الضحك..​


راشد ويحط إيده على أكتاف أخته:حبيبي سمر بشويش..خافي ربك فأسنانك​


سمر وتبلع ويطلع صوت من حلقها..وسهيل خلاص استنزل ضحك​


عبيد يفتح مسجل جواله ويسجل صوت التحطيم ويضحكون عليها​


راشد انتبه لعبيد:لا ياعبيد سكر المسجل​


عبيد:حاضر
سمر:تبون؟
راشد:لالا..بالعافية ويربت على كتفها:إنتِ كلي ولاتستهمين بنا
الله يصلحك
سمر وتهز راسها:إممممممم​


...................​



اليوم الثاني​


فالعمل​


تركي:يزيد..وخر عني​


يزيد يبتسم:أقولك هذا مسوينله دعاية يعني على ضمانتي​


تركي ويمسكه من إيده:أقولك وخر لاتقعد تخلي الموظفين يتحاكون وخر ​


يزيد ويجلس على مكتبه:خليهم إش ورانا؟المكتب نايم ويغمزله​


تركي ويهز راسه مبتسم: إيه وشعليك إنت يالديناصور إلا وتجيبلي المصايب..قم فك عني..أحسلك يزيد​


يزيد:تركي ترى هالمنتج زين والله العظيم..أختي قالت إنه زين..للمدخنين​


تركي ويفتح عينه:بسألك أنا!ألحين وش دخل أختك هاه؟حرمة إنت كل شي تفكه عند أختك؟​


يزيد:والله ودي بصحتك ياخي..وإنت الله يهديك نار..شف أنا أدري إن أبوك خلاك تسيب وظيفة التدريس وإنت تحبها بس هذا مايخليك تستسلم..​


تركي:هاه؟عسى ألحين بعد تبيني أستقيل من الشغل أنا طلعت عيوني من اختبارات هالشركة إلين مادخلتها..وليتني رحت عند مدير حبيب..إلا طحت تحت أبويه​


يزيد:ههههههههه..والله إنك فله ياتروك​


تركي ويضحك وبعدين يقلب نظرة جد:يزيد الله يرحملي والديك أدري إنك طيب وشحليلك بس وخر عني..تراني ماأحبك..​


يزيد:ليش؟​


تركي:هههههه ماتدري ليش؟​


يزيد:لا​


تركي:فتان..تكفي غني ماأحبك​


يزيد:طيب أوعدك ماعاد أعلمه..​


تركي كان شغال عالجهاز ووقف دعس عالكيبورد والماوس وناظر فيه:خراط​


يزيد:إخس عليك..طب جربني ​


تركي:لاياحبيبي لاأجربك ولا شي وخر عني بس​


يزيد ويناظر فيه بنظرة واثقة وثابتة:تراك عزيز علي..وأنا صادق ماأبي أتكلم عنك عند أبوك بس إنت مو راضي تنتبه وتتعدل..​


تركي ويطالع فيه:إش قصدك؟​


يزيد يبتسم ويقوم من على المكتب ويحط إيده على كتف تركي:تراني صادق..جربني..أصلا أنا ماأجبرك بس إنت لاحظ..يالله في أمان الله..ويمشي​


وتركي يطالع فيه...ويلف يزيد:تركي ترى أختي تمدحه اشرب منه عالريق ​


تركي يبتسم:أختك وإنت تبون تسمموني..مابعد تزوجت​


يزيد يبتسم ويمسك مقبض الباب:إنت الخسران..هذا جزاتها قلتلها مايفيد فيه​


تركي ويناظر فيه:طيب هاته ..بس ماأضمنلك ​


يزيد فرحان:ياشيخ إنت خذه ..ماأحتاج ضمانات​


ويعطيه ويروح..​


.......................​


أبوعادل:يزيد ​


يزيد مبتسم:هلا عمي​


أبوعادل:ليش ماتزوجت للحين؟​


يزيد حمر وجهه:هاه؟​


أبوعادل يضحك:إشفيك ؟لايكون تستحي؟​


يزيد:لا..ا...هههههه...مو كذا بس فاجئني سؤالك..​


أبوعادل:لا المفروض ماتتفاجأ إنت لازم تفكر بالزواج​


يزيد:والله ياعمي الفكرة فراسي..بس خبرك مانعرف أحد​


أبوعادل:وأختك ليش ماتخطبلك؟​


يزيد:لاياعمي ماأبي أتعبها معاي..أنا ألحين أمها وأبوها وأخوها..تبيني أتعبها بزواجي؟​


أبوعادل:طيب وإذا قلتلك عندي البنت توافق؟​


يزيد فتح عينه:هاه؟​


أبوعادل:إشفيك إنته؟أقولك البنت عندي ​


يزيد:لاياعمي..الله يخليك مابي أتعب..​


أبوعادل:اسكت..قال أتعبك قال..مابي كلام زيادة..خلاص أنا فكرت يايزيد قلت بزوجك بنتي ..​


يزيد ويفتح عيونه:عمي!​


أبوعادل:ايش؟ماتبي تتزوج؟​


يزيد وينزل راسه:إلا والله مين مايبي الستر..بس ليش بنتك؟​


أبوعادل:والله ماقاعد أشوف رجال ينشد فيهم الظهر..وإنت بسم الله عليك أدب وأخلاق وحمول..​


يزيد:الله يسعدك ياعمي ماتقصر و..​


أبوعادل:لاتطولها خلاص أنا بستر عليك ويضحكون​


أبوعادل ويرجع لنظرته الجادة:اسمع ياولدي أنا ماأحب التكاليف..ولا أبي كلام زايد..أبي زواج هالبنت يعدي على خير..وإنت فاهم قصدي زواج عادل ​


يزيد:إيه فاهم..​


عادل:عشان كذا مابي وقت ملكه وزواج ​


يزيد:بس لازم ياعمي..​


أبوعادل قطعه:خليني أكمل​


يزيد:السموحة تفضل ياعمي​


أبوعادل:يعني بنتي مايبيلها تاخذ وقت خلاص هي واعية وتفهم..وإن كان عالمهر اللي فجيبك يسد بنتي ويكفيها..شف إنت اليوم اللي يناسبك عشان أحجز قاعة صغيرة على قدنا..​


يزيد متفاجئ:عمي ولا فيه خطبة..ولاشي؟​


أبوعادل:خلاص ألحين إنت خطبت وأنا وافقت والملكه ولزواج يوم واحد​


يزيد:عمي ليش؟​


أبوعادل:إن إشفيك؟أقولك مابي يصير لبنتي مثل ماصار لعادل..قاعد أوفر عليك ألحين أنا​


يزيد ويسلم على راس أبوعادل:السموحة ياعمي ..بس أنا مابي أكون تحت المقام أبي أوصل لمقامك الله يخليك​


أبوعادل:وش مقامه مافي مقامات بين الأب وولده..يالله أنا بحددلك كم باقي على الشهر الداخل؟​


يزيد:أسبوعين وأربعة أيام ​


أبوعادل:تكفي تتجهزون هي ليلة..وتعدي​


يزيد:ياعمي إشفيك؟مايكفي​


أبوعادل:لايكفي..إش عندك؟لابتلبس فستان ولابتزين شعرك​


يزيد يبتسم:لاياعمي أنا أقصد السكن​


أبوعادل:لامن ألحين أقولك السكن ماتغيره تعيش معاكم بنتي مافي سكن بلحالي وكلام فاضي..كيف تنتبه لأختك؟​


يزيد متفاجئ ماتوقع إنه بيتزوج بهالسهولة ولا بعد من رئيسه في العمل قوية مو مصدق​


أبوعادل:هاشقلت؟​


يزيد:هاه؟...إيه خلاص شورك وهداية الله أنا وراك.​


أبوعادل يمد إيده:يالله ألف مبروك أسأل الله العلي العظيم إنه يبارك فيك ويسخرك لبنتي..​


يزيد حس بالحزن فجأة وإيده بإيد عمه ليش مايدري..​


.....................​


سهيل يكلم أبوه:ياأبويه وبعدين معاك؟ليش ماتسدد مخالفاتك؟​


أبوراشد وحط الجوال عالمكتب ويكلم ولده:إنت ألحين فشغلك؟​


سهيل:لا أنا فالمرور..كل عيالك سددوا إلا إنت..سنتين ياأبويه​


أبوراشد يبتسم:طيب أنسى شسوي؟ليش ماتسددها إنته؟​


سهيل:نعم؟عيد ماأسمع؟​


أبوراشد يعض على شفايفه:سددها إنته​


سهيل ويمثل على أبوه:أنا؟من وينلي ياحسرة؟لو عندي تزوجت وماطالعت فأحد​


أبوراشد:أنا ابوك..وأنت ومالك لأبيك صح الكلام ياسهيل؟​


سهيل:والله أنا عاد ماعندي مال قارون..طيب؟وأنا بعد مو ولدك الوحيد..وسمعت طراطيش إنك مسؤول من يوم أنا فالثانوي..فمو معقول ماعندك فلوس تسدد..فخليك أبوشنب وروح سدد...​


أبوراشد يبتسم:هين ياسهيل!أشوف مين بيدفعلك إيجار اليخت..​


سهيل:هاه؟لالا كذا يتغير مجرى الحديث..أبويه اسمع​


أبوراشد مبتسم:هلا​


سهيل أنا ومالي وحلي وحلالي لكي الغالي...إخس واعقب وأنا سهيل أدفع وعيني ماتشوف الطريق كم أبوراشد عندنا..كم؟​


أبوراشد:الحمدلله اللي ربي رزقني فيك..لو منك في العالم اثنين كان الأبهات كلهم بخير​


سهيل:آآآآآآآآه معليش..وش تسوي هاذي حكمة ربك..يالله يالله مع السلامة لايورح علي الدور..​


أبوراشد:الله يوفقك ويسهلك..اشتريلك عصير عشان لاتتعب..​


سهيل يبتسم:إيه..لاتوصي عى بطني ترى ماأخونها ابد..في أمان الله​


أبوراشد حط التيلفون ويضحك..​


................​


جنى تتصل على سارة ويوم شافت الجوال إنها جنى طيارة:هلا والله​


جنى مرتاحة نفسيا بس خايفة من نظرة سارة اللي أطلقتها فالكلية​


جنى:هلا فيك..عسى بس أشغلتك؟​


ياسارة:لاياعيني خذي وقتك..أصلا نازلة بعد شوي أضبط الغدا​


جنى:تبيني أساعدك؟​


سارة:ماأظن..​


جنى:ليش؟​


سارة:باين على إيدك ماتمسك المطبخ..​


جنى بفخر:أوووووووه يالخبرة​


سارة بثقة:أجل ايش؟أنا سارة​


جنى:وفديتها والله هالسارة​


سارة:يخليكي لي ربي​


جنى:سوسو​


سارة:هلا..​


جنى:أبي أزورك ​


سارة فتحت عينها:تزوريني؟​


جنى:إيه أو إنتي تزوريني​


سارة:والله ياعيني إنتي تزوريني حياك البيت بينور فيك..​


جنى:طيب أي يوم إنتِ فاضية..أزورك؟​


سارة وتفكر:إممممم..طيب عيني خليني أشوف مخططاتهم هنا واتصل عليك..إنت وصلتي البيت؟​


جنى:توني واصلة​


سارة:روحي ألحين خذيلك حمام بارد..مع إني أشك مع هالمويه البركانيه..وصلي الظهر وتغدي وريحي جسمك..​


جنى:أتغدى؟هههههه مايتسوى غدا فبيتنا​


سارة باستغراب:ليه؟​


جنى:كل واحد يتغدى برا..ماقد اجتمعنا..​


سارة وباستغراب:طيب ووين ماما؟​


جنى:ترو حعند جدتي يوميا..هي تناديني بس أنا مافيني عالسواليف​


سارة حنت عليها:ياروحي عليكِ ياجنى..أرسلك طيب غدا خليكي تذوقين طبخي..​


جنى تبتسم:لالا..ماأبي أتعبك..فديتك تسلمين​


سارة تفاعلت ووقفت:لامافي تعب..أرسلك يعني أرسلك ..لاتعانديني..خلاص أنا قررت..أعطيني عنوان البيت عشان أرسلك يالله..جنى​


جنى مو مصدقتها:إنتي من جدك؟​


سارة:إي والله..إخس عليكي تحسبيني أمزح..ترى والله ماأمزح..يالله بسرعة​


جنى تضحك:حاضر حاضر..وتعطيها العنوان​


سارة تضحك ضحكة انتصار:جنى..ترقبي اللي بيجيك..حاسبي على أصابعك لاتاكلينها..​


جنى وتضحك:ههههههه..طيب ​


سارة:هههههه..يالله جنى بقفل عيني عشان أوريك مهارتي..مع السلامة​


جنى:باي ياعيني​


وتسكر تيلفونها وتطالع فالمرايا:من جدها هاذي؟وسوت حركة بشفايفها:خلينا نشوف​


....................​


أبوعادل على طاولة الغدا​


كان من ناحية اليمين عادل وأمل وتركي وأبوهم فالنص وأمهم الجنب الثاني​


وعبير ممنوع تدخل​


أبوعادل:أقولك جهزي البنت بعد اسبوعين بتروح بيت زوجها​


كلهم تفاجئوا​


أمل:انخطبت عبير؟​


أبوعادل:إيه وأنا وافقت..​


عادل يكمل أكله وتركي:مين اللي خطبها؟​


أبوعادل:بتشوفونه بعدين​


أم عادل:حرام عليك..بدمـ​


أبوعادل:لامابدمرها..أنا بسترها..ووجهها هذا ماأبي أشوفه خليها تولي عند زوجها تتربى وتحس بالمسؤولية​


تركي:بس هذا مو حل تربية..هذا زواج وتوك قايلها مسؤولية..أنا أدري إنك بتسوي اللي فراسك بس ترى هذا مو حل..​


ويقوم..ويوم معاه عادل​


وأبوعادل يكمل كلامه:مابي أسمع عن شي يسير ..فهمتي؟لاتقعدين تخططين وتدبرين..بزوجها يعني بزوجها..فريحي راسك من التفكير..ولاتحوسين مابتعرفينه​


أمل خافت من شكل أبوها...وهو يتكلم​


................​


عالبلكونة يشربون السجاير​


عادل كان يشرب ومايتكلم ​


تركي:أبويه طريقته غلط..​


عادل:لاتتعب نفسك بالحكي..اللي فراسه بيسويه تراه عنيد​


تركي:إيه أدري..طيب أعمامي أخوالي وش بيقولهم؟ ملكة وزواج مع بعض؟​


عادل:مو هو اللي جاب الفكرة؟خلاص يملك الردود بالنسبة لأهلنا ​


تركي:عادل إشفيك بارد؟​


عادل:مو بارد ياتركي..بس على ايش أتفاعل وأنا ضامن إن مابإيدنا شي نسويه..خليها الأمور تمشي يمكن تجي فصالحها وفعلا تتعدل أختك..​


تركي:...............​


..................​


سارة حضرت غدا جنى وحطتلها الآيس كريم حقها اللي من خالهم فحافظة​


وحطتلها من الغدا بشكل مرتب..وحطتلها من الفطاير وحطتلها شرايط كوفي وكابتشينو وحطتلها شيبسات وحلويات ولبان فحافظة وحطت الغدا فكيس والحلى والفطاير فكيس والحلويات فكيس فعلا كان مرتب..يابختك ياجنى​


وكتبتلها رسالة ​


(جنى كلي كويس من الغدا ..حلفتك ماتمسكين الحلويا والفطاير ..أول شي الغدا)​


وأعطت عبيد يعطيه السواق اللي خلته يكلمه..يجي يوديلهم ​


هو سواق متعاقدة معاه أمهم يوديلها أغراض إذا كانوا عيالها موفاضين..​


ورسلت سارة لجنى رسالة عالجوال​


(جنى انتبهي ياعسل عالجرس..بروح أحضر غدانا)​


جنى كانت منسدحة وحاطة إيدها على عينها وتسمع صوت الرسالة وتفتحها​


وبعد ماقرتها ترتسم على وجهها ابتسامة​


................​


عبير كانت تبكي فغرفتها ليش؟​


يوم دخل أبوها البيت ناظرت عبيرفيه:يعطيك العافية أبويه​


أبوعادل خسرها:لاعاد تتكلمين معايا​


فهالكلمة أذتها بشكل كبير ​


شفتم شلون؟​


ويخلص الجزء​


أتمنى إنه يحوز على رضاكم ​


انتظروني حبيباتي الجزء التالي​
 
ووووووووووووووه
ممتازة ..مبدعة ..رهيبة ..
هذا اللي عندي ولو اعرف كلمات اكثر كنت كتبتها
لا تحرمينا من كتاباتك الرائعة عصيدووووووووه
ومبارك عليك الشهر جعلك الله من المعتقين من النار
 
هلا حياتي كل عام وانتي بألف خير
الروايه حماااس روووعه الله يصبرنا
تحيتي لك وللمتميزه عصيد ولكل البلقيسيات​
 
اسيرة ذكرياتها قال:
ووووووووووووووه
ممتازة ..مبدعة ..رهيبة ..
هذا اللي عندي ولو اعرف كلمات اكثر كنت كتبتها
لا تحرمينا من كتاباتك الرائعة عصيدووووووووه
ومبارك عليك الشهر جعلك الله من المعتقين من النار
أنقر للتوسيع...
هلا والله بأسيرة ذكرياتها
حياك ياعسل
الله يبارك فيكِ ياعيني..إن شاء الله ماأتأخر:1:
 
لييييين2010 قال:
هلا حياتي كل عام وانتي بألف خير

الروايه حماااس روووعه الله يصبرنا

تحيتي لك وللمتميزه عصيد ولكل البلقيسيات​
أنقر للتوسيع...
وإنت بصحة وسلامة ياعيني
تسلمين عزيزتي
 
حبيباتي
:
:
:
انتظروني لبعد رمضان
لأن هاذي الأيام مهمة عند كل مسلم
وليلة القدر كما نعلم جميعا خير من ألف شهر
فأسأل الله العظيم أن ندركها ونقوم فيها حق القيام
بالنسبة للبارتات هي جاهزة
لكن بها ألفاظ وحركات
ماتصلح فراح أضطر
أغيرها وأرسمها بأسلوب ثاني
وراح تلاقونها جاهزة في العيد
بإذن الله​
 
مرحبا بعودتك عصيد
اشتقنا لك ولتكملة قصتك
شكرا على اخبارنا بالموعد وطمئنتنا عليك
 
عصوووووووووووووووووووووووود يالدوووووووووووبا

كيف حالك

الف مليون حمدلله على السلامه

والله اشتقتلك مررره ولكتاباتك

واصلي والله معاك

لي فتره حوالي الشهرين مافتحت النت

عشان كذا ماعرفت الا اليوم

يلا احنا بانتظارك على احر من الجمرررررررررررر

وعيدك مباااااارك
 

ياهلا والله بحبيباتي
ترانا في العيد>>>احلفي:22:
وياكثر ماتخرطين ياعصيد
وراك ماتحطين البارتات
وتخلصين علينا
تراك طفشتينا
ورانا شغل
:34:
الله يالشغل ألحين
:1:

نعود إليكم
إحم..إحم
أنا عصيد<<طيب؟إش يعني؟
لكل أسرة بلقيس
صغارا وكبارا
نساءا وفتيات
وكل المتابعات
13.gif

الجزء 33
طبعا فيه مميزات
1)متوفر بالوورد لمن أرادت تحميله
2)أسماء الشخصيات ذات لون مختلف
3)يحتوي على بعض الصور للدخول فالجو ليس إلا
(طبعا أنا قاعدة أسوي هالحركات ليش؟
لأني حزينة قربت الرواية الصغيرة تخلص)
طبعا فالرد الثاني
راح أرفق كل جزء فرد جديد
عاد أنا حرة كيفي:10:<<شيطانة





​
 
الحالة
مغلق و غير مفتوح للمزيد من الردود.
عودة
أعلى أسفل