روايتي (سارة والمكنسة)

  • بادئ الموضوع بادئ الموضوع عصيد
  • تاريخ البدء تاريخ البدء
الحالة
مغلق و غير مفتوح للمزيد من الردود.
يسلمووووو
 
الجزء 31
حينما أخط بالحرف..تجتمع جميع أفكاري واقف حائرةً كيف سأوضح المعاني احلامي تتجدد حين رؤية المشاهد
وتعززها المواقف.كم تمنى قلبي ولم تلبى أي أماني
قلت لنفسي لاتتمني فهي أماني وليس على الفقير إلا الأماني
أقنعت روحي بأنها أفكار طيش ووسائل ليست بسهلة المنال
إنها غاية بل غايات في روحي الأماني
يقال بأن الأميرات وحيدات وأنا بالفعل كتلة أماني وأميرة وحيدة
ليس لها معنىً أو داعِ!تملقت بـأجمل الجمل ووصفت بأرق وأعذب المعاني
بحروف لم تكن بلغة يفهمها القاصي والداني
بل بلغة تفهمها كل أنثى تساوي كتلتها معاني
ليست طلاسم ولاطقوس بل إنها تحدث في أواسط الجزيرة العربية إلى حدود شمائل الدول
أي تضم جميع البقاعِ..من أفريقيا إلى أوروبا وآسيا
لكن اختلافنا هو فقط شقلبة حرف وكمشة لسان
مشاعر المرء تترجم حتى لو كانت بين عربي وأوروبي
تكفي العيون فهي بحد ذاتها لغة
جاهل هو من يستصعب اللغات
يقطع القاموس ويحرق أوراقا مترجمة وبقلمه المكسور بالنصف يضع حدا لتعلمه
من قال بأن تعلم اللغة صعبة؟
لاتثقلها على العقل تكرهها روحك
لاتستهزئ بغيرك!لأنك تتقن العربية
>>>>>>>>>>>>
هذه اللحظة مهمة!!
بل هي قمة!!
لنكمل مابدأناه من همة!!
...وتفتح الصفحة وتدور الباقي ومالقيت..
سمر بضيق وصوت منخفض:سارة وين الباقي؟
سارة وفإيدها المكنسة:أي باقي؟
سمر:باقي الكلام اللي فاخاطرة الهمة..وينه؟
سارة وترجع تسحب بالمكنسة:آآآآآه
سمر:ليش تتأوين؟استغفري ربي!
سارة:استغفر الله الحي القيوم وأتوب إليه..
سمر وتبتسم بتعجب:سارة؟
سارة:همممم
سمر:ليش ماتحبين أحد يمسك هالدفتر؟
سارة وتلتفت لسمر:إممممم كذا بس
سمر:طيب إنت حاطته عالدولاب يعني اللي بيدخل الحجرة بيشوفه..ماتخافين ياخذه ويقراه؟
سارة تبتسم:محد ياخذه..
سمر:ليش محد ياخذه؟
سارة:لأني حاطة فيه علامة..وثانيا أحس بداخلي إن حجرتي فيه أحد دخلها..
سمر:طيب أقراه كله؟..
سارة:سمر شفتِ خالي فيصل وجهه؟
سمر:لاوالله؟وتقطعين السالفة وتنطين عند خالك ؟
سارة وتروح تجلس عند سمر:سمر تخيلي جت سيارة ليموزين كبيرة ونزل منها الشيف وقالك أنا تحت تصرفك اليوم وين ودك تروحين؟
سمر وتبتسم وتنسدح على فخذ أختها والدفتر تخليه على بطنها:ياسلاااااااااااااااااااااام..صراحة أول شي بروح البحر وأفطر هناك ومابي جنس مخلوق جالس عند البحر
وبعدها أبي أروح البلد وأزور الأماكن اللي كنا فيها مع جدي وبعدها ...
سارة تقطعها:سمر قلنالك مشوار واحد..
سمر وتتنهد براحة:طيب ليه تسأليني؟
سارة:أدخلك فجو حلو!
سمر وتطالع فأختها بهبالة:ياشيخة؟!
وسكتوا ..بعدها
سمر وتطالع فالسما وبصوت هادي:سارة
سارة وتدخل أصابعها فشعر سمر وتدلك راسها:هممم
سمر:تشتاقينله؟
أم راشد وهي تدهن الكريم على عينها:وين رايح؟
أبوراشد:بروح أشوف العيال ناموا ولالا؟
أم راشد:أنا اللي أروح دوري اليوم
أبوراشد:لالاخليك هنا...أنا رايح..وهو يفتح الباب يطالع فأم راشد:أقول فيصل وشفيه وجهه؟
أم راشد:مدري عنه..ليش هو مضروب؟
أبوراشد يهز راسه بالإيجاب:اسألي عنه ترى الله بيسألك عنه!
أم راشد ومااهتمت بكلامه ويروح أبوراشد ويشوف العيال نايمين ويدخل غرفة سارة ومايلاقيها ويروح غرفة سمر وسحر ويلاقي سحر نايمة وسمر مو موجودة
ويروح عند سحر ويعدل نومتها ويلبسها وينزل تحت بشويش:وين راحو البنات؟
سارة:إيه بالحيل..
سمر:متى تشتاقينله أكثر؟
سارة وتطالع فسمر:وشفيك اليوم؟
سمر مبتسمة:شفتيني يوم دخلت الأولاد؟هههههههههه
سارة:إيه كنتِ جريئةاليوم!
سمر وتكمل ابتسامتها:أتخيل وجه أمك يوم تدري هههههههههه
سارة تبتسم
سمر:سارة شفتِ شعره شلون يهبل؟هههههههه ولا الصغيرون يهبببببل وهو يسحب الأكياس
سارة:حليتِ واجباتك؟
سمر:إيه خليت فطوم تحلها ..
سارة:والمذاكرة بعد فطوم ها؟
سمر:والله ياليت!بس فطوم يالله فعمرها
سارة:حليلها هالفطوم أنا مدري شلون متحملتك للحين؟
سمر:تتحملني وهي أصلا لقت غيري؟أنا أنحب بس مدري وشفيهم بنات خلق الله؟
سارة تضحك:مايبونك؟
سمر:هههههههه دبه تضحكين على أختك؟وترفع راسها عشان بتضرب سارة ويفتح أبوهم باب المدخل
سمر وتشوف أبوها:أبويه وراك مانمت؟
أبوهم:ليش ماتنامون؟
سمر:خلصنا المطبخ وجينا هنا نشم هوا والحالمة وتأشر على أختها:هاذي لازم تحضن مكنستها قبل مانطلع
سارة تضرب سمر على كتفها:أبويه تدري إنتَ لازم أنظف الحديقة أول بأول عشان الأوراق لاتتراكم!
أبوراشد ماحب يفشل سارة:صادقة يعطيك العافية والله المفروض أخوانك اللي يسوون هالشغل..
سمر وتتربع وشعرها مخربط:لاوالله؟المفروض؟أنا قلت بيتوعد،ولاحالف عليهم بالضرب،ولابتغير النظام،الله ياربي وتطالع فالسما:يالله يارب ترأف بحالي أنا وهاللي جنبي
أبوراشد:طيب وش تبيني أسوي؟يالله علميني وش أسوي؟
سمر:إنت الأبو ولا أنا؟
سارة:سمر!
أبوراشد:صدقيني بترتاحين بعدين هم اللي بيتعبون فحياتهم..ويشوف ساعته:بناتي يالله نشوا عندكم دوامات بكرة يالله الله يعافيكم..
سمر:يالله طالعين..
...................
فالصباح عالفطور
أم راشد تنزل وتشوف أبو العيال فمكتبه وتسأل أولادها:ابوكم وشفيه مايفطر؟
سهيل:فطر أبويه بس حب يشم هوا فغرفته..
أم راشد وتهز راسها بالإيجاب:طيب وين طلال وفيصل؟
سهيل:راحو يجرون فالبحر ومعاهم راشد..
أم راشد:فالصباح عاد!
عبيد:يما وشفيك ؟
أم راشد:أنا؟
عبيد: إيه الناس فالصباح تسكت وإنتِ بهذرتك على روسنا..كفاية إني بقضي الوقت مستمع حرام عليكم
سمر:ياي يارقيق..
عبيد: خليني أقوم أحسنلي هذيلا بيفقعون راسي..
................
سارة تخرج من عند جدتها بعد مافطرتها وشربت الدوا..
طلعت عشان تلبس وهي تلبس تدخل سمر:سويرة أنا دخلت..
سارة:عادي نفس حركة كل يوم..وتروح عند المرايا وهي تسوي شعرها
سمر:تكفين بس لاتمشطينه وتوقف سارة وتطالع فأختها:لاتمشطينه لميه ورحي
سارة:لالازم عشان يطلع مرتب
سمر تضحك باستهزاء:بالله عليك إنتِ طالبة كلية؟لا خاتم لاإسوارة إش هذا؟ولد إنتِ؟ولد؟
سارة:يعجبني كذا ماأحب هالشغلات...
فالكلية
سارة وهي تمشي عادة جنى تفاجئها هالمرة مالقيت جنى واستغربت وكملت مشي..
بس جنى كانت تراقبها تبي تشوف بتخاف عليها...
سارة أخذت المحاضرة الأولى وتفكر بجنى وتتصل عليها وجنى تطالع فالشاشة:بطيئة مرة
جنى ترد على صديقتها:مو بطيئة بس خايفة شوي
وسارة يوم طفشت من الاتصال دخلت القاعة وابتسام تطالع فيها:ردت عليكِ؟
سارة:لا..
وجنى تشوفها وترجع قاعتها:معليش حتى أنا قلبي يحترق بس لازم أعرف وش تفكرين فيه؟
عالساعة 10 نزلت سارة فالحديقة وجلست وهي تتامل الشجرة جت جنى وباستها فخدها واخترعت سارة
جنى وتمسك وجه سارة بيدينها:فديت هالخدود..
سارة ماتكلم جنى..
جنى وتمسك ذقن سارة: وشفيه الحلو زعلان؟
سارة:وينك اليوم؟ليش ماتردين؟ترى خفت عليكِ والله!
جنى وتحضنها:ياحياتي عليكِ آسفة والله..
سارة وبدون ماتجرح جنى فككت نفسها من حضن جنى:جنى قومي نتمشى..
جنى:يالله عمري..ويقومون يتمشون وكان فيه بازار
سارة:تعالي نشوف هالطاولة..
وهم يتفرجون شافت جنى خواتم واشترت وسارة تشوفها:شفتي؟هاذي سارة صديقتي وأختي وحبيبتي
وتطالع فسارة:هاتي إيدك..وتلاحظ دهشة سارة وتمسك إيدها وتلبسها الخاتم
سارة:,,,,,,,,,,,,,,,,,,
 
اللة واخيرا جيت على اخر شي ماشاء الله ابداع في الاسلوب وقمة الخطوات الكتابة والخواطر مرة اعجبتني وقولي لي سارة الخواطر اعجبتني ماشاء الله عليها دامت المحبة وسار في قلوبنا احببتكم من كل قلبي يا عصيد بس لفت نظري على اسمك لية اسمك كذا واركي كنية او احد نسب لكي الكنية بس تدري حلو من اسلوبك الشيق في البارت ننحنو معك لااخر شي ونتمنى صداقتك اختكي من ارض مكة ارض الحرمين نتشرف فيكي في الاكمال الى الامام
ودمنتتتتتتتتتتتي بخبر وسعادة
 
يا هلا والله اشبك عصوده طولت علينا بالمره
معك انتظر بارت عسل مثلك
 
حلوه الجزئيه الجديده...

ولو انها قصيره تمنينا انكـ تعويضينا عن غيابكـ الطويل بجزء طوييييل....

ننتظركـ الغلا....
 
اهلين عصود

حمدلله على السلامه

الجزء جدا رائع خصوصا الخاطره

ننتظرك بشغف يالغلا
 
مشكورة يا عصودة يارب تنفضح جنى الخبيثة وتطلع منها سارة على خير
لا تتاخرين علينا عصيد بس الاسبقية لدراستك اكيد
سلامات
 
الحالة
مغلق و غير مفتوح للمزيد من الردود.
عودة
أعلى أسفل