كشكة خضرا مين سمعان فيها

[ورد الفل]

اول شوفوا الصورة

عنا بسوريا في شوربة مشهورة كتير وخصوصا بالشام دمشق اسمها الكشكة وبتتكون من حليب ولبن مع برغل بيتركوهم حتى يحمضوا وبعدين بينشفوهم تحت الشمس وبيطحنوهم ليصيروا بودرة هالشوربة كتير مفيدة ومغذية وخصوصا للاطفال وهالوقت بيعملو منها كميات للمونة
وبمرحلة قبل ما ينشفوها بيعملو منها صحن مقبلات مناسب للفطور والعشا وحتى الغدا عندي
بيتاكل مع خيار او بينشرب قدامو شاي ممكن يتاكل معو جرجير او بصل اخضر طبعا مع الخبز
وممكن الكشكة الخضرا تنعمل باي وقت وكتير اوقات من باب الحفاظ على النعمةاذا تواجد لبن قرب يحمض
اطيب شي انو ينعمل بلبن الغنم لانو حامض ودسم
او باي لبن زبادي
الطريقة لبن زبادي كوبين مثلا مع نصف كوب برغل ناعم او خشن او من الاتنين مع بعض

بيكون البرغل مغسول بماء بارد
منخلطهم مع بعض ومنتركم يومين ثلاثة برى التلاجة حتى يحمضوا ويتشرب البرغل بالزبادي ويطرى مع التقليب يوميا

بالاماكن الحارة ما بياخد وقت كتير ممكن يوم
بعدها منحط ملح ومنحرك ومنحفظها بعلبة بالتلاجة لوقت التقديم
عند التقديم
منفرم بصلة بيضاء ناعم وبقدونس ومنحركهم معها
وبعديم بتتقدم بصحن مزين بالبقدونس والجوز
(عين الجمل) وزيت الزيتون
وصحة وهنا

 

[سهام اليل]

الله يعطيك العاافيه

 

[ام عموري وعبودي]

مساء الحب..
شكرا كتير الك ورد الفل على هالاكلات الطيبه اللي عم تنزلبها..
باين عليك طباخة ماهرة..
بس الكشكه الخضرا هي عالم تاني..
اكيد رح اعملها و خبرك بالنتائج..
شكرا كتير الك وبإنتظار المزيد.........

 

[هدوء أميرة]

تسلمين يالغاليه وننتظر المزيد من الإبداع الروعه

 

[وزيره]

شكلها طعم يعطيك العااافيه

 

[umm yusuf]

شكلها يجنن يهبل
ياريت اقدر اسوي مثلها بس مالي حيل للتحميض
ابعثي لي صحن بليز هههههههههههه

 

[نورة النورة]

احنا عندنا بفلسطين يعملون الكشك

طبعا متل ماقلتى بس مانترك الزبادى والابرغل يحمضوا

لاننا نضيف ملح كتير لمدة 111 يوم

ويطبخ فى ايام الشتاء على مرق الحم
والبصل وبزيت الزيتون

هو اكلة لذيذة جدا وصحية خالص​

 

[أم ايلانه]

تسلم ايديك

 

[ورد الفل]

الله يعطيك العاافيه

تسلمي يارب
الله يعافيكي

 

[ورد الفل]

مساء الحب..
شكرا كتير الك ورد الفل على هالاكلات الطيبه اللي عم تنزلبها..
باين عليك طباخة ماهرة..
بس الكشكه الخضرا هي عالم تاني..
اكيد رح اعملها و خبرك بالنتائج..
شكرا كتير الك وبإنتظار المزيد.........

تسلمي يارب
ان شاء الله بتعجبك
منتظرة النتائج بفارغ الصبر

 

[ورد الفل]

تسلمين يالغاليه وننتظر المزيد من الإبداع الروعه

الله يسلمك مشرفتنا الغاليه مرورك الرائع

 

[ورد الفل]

شكلها طعم يعطيك العااافيه

ياريت فيني اعزمك عليها ربي يعافيكي

 

[ورد الفل]

شكلها يجنن يهبل
ياريت اقدر اسوي مثلها بس مالي حيل للتحميض
ابعثي لي صحن بليز هههههههههههه

خلص كرمالك منعمل ديلفري
اكتبي العنوان ههههههههههه:39:
ربي يتملك الحمل على خير

 

[ورد الفل]

احنا عندنا بفلسطين يعملون الكشك​

طبعا متل ماقلتى بس مانترك الزبادى والابرغل يحمضوا​

لاننا نضيف ملح كتير لمدة 111 يوم​

ويطبخ فى ايام الشتاء على مرق الحم
والبصل وبزيت الزيتون​

هو اكلة لذيذة جدا وصحية خالص​

اهلا وسهلا بكل اهل فلسطين
انا بحس الطبخ الفلسطيني كتير بيشبه طبخنا
ونحنا منعمل الكشك الناشف شوربة ومنطبخو على مرق اللحم وكمان بالبصل وزيت الزيتون بالفعل لذيذ وبيدفي القلب بالشتاء
نورتيني ياقمر

 

[ورد الفل]

تسلم ايديك

ربي يسلمك شرفتيني بمرورك ام ايلانة