******اسمهان وعبدالرحمن********من جديد

  • بادئ الموضوع بادئ الموضوع جيانة
  • تاريخ البدء تاريخ البدء
الحالة
مغلق و غير مفتوح للمزيد من الردود.
إن شاء الله المانع خيييررر...
 
جيووونة تأخرتي علينااا ..

ياعسى المــانع خييير ؟!
 
ان شاء الله المانع خير

وان شاء الله تكون بصحة وعافية انت ومن تحبين

وان شااااااااااء الله ترجع وانت معاك احلى جزء من القصة
 
اللهم احفظ جيون ومن يغلى عليها
وردها الينا والى بلقيس ردا" جميلا"
اللهم آميــــــــــــــــــــــــــــــــــــــــــــــــــــــــــــن
 
ااااااااااااااااااامييييييييييييييين
 
يارب رد لنا جيانه ردا جميلا .....وينك يالغالية اشتقنا لك .....ان شاء الله يكون المانع خير وتردين لنا باسرع وقت الله يحفظك....بالنا مشغول عليك:frown:
 
نداااااااااااااااااااااااااااااااااااااء الى حبيبي بو عيالي وينك ....حتى انت اختفيتي ؟؟!!عسى المانع خير...
تعبت وانا ادور عليك انت وجيانه بمكنستي السحريه :14:
وما لقيتكم :tears:....وش صار عليكم ....
ام يوسف حاولي تدبرين لنا طيارة وحنا بنات المنتدى بنتحمل التكاليف ...:nosweat: لاتفشلوني .....المهم نبيها ضروري عشان ندور على الحبوبه جيانه وصديقتي حبيبي بو عيالي :icon1366:
وانت يا توت كرز وينك شكلك مشغوله بعالم ثاني :26:ماتدرين عن الدنيا ...

 
حبي هلي قال:
نداااااااااااااااااااااااااااااااااااااء الى حبيبي بو عيالي وينك ....حتى انت اختفيتي ؟؟!!عسى المانع خير...
تعبت وانا ادور عليك انت وجيانه بمكنستي السحريه :14:
وما لقيتكم :tears:....وش صار عليكم ....
ام يوسف حاولي تدبرين لنا طيارة وحنا بنات المنتدى بنتحمل التكاليف ...:nosweat:لاتفشلوني .....المهم نبيها ضروري عشان ندور على الحبوبه جيانه وصديقتي حبيبي بو عيالي :icon1366:
وانت يا توت كرز وينك شكلك مشغوله بعالم ثاني :26:ماتدرين عن الدنيا ...
أنقر للتوسيع...
:31::31::31::31::31::31::31::31::31::31::31::31::31:
ضكتيني مرررررررره ضحك الله سنك
 
حبي هلي قال:
نداااااااااااااااااااااااااااااااااااااء الى حبيبي بو عيالي وينك ....حتى انت اختفيتي ؟؟!!عسى المانع خير...
تعبت وانا ادور عليك انت وجيانه بمكنستي السحريه :14:
وما لقيتكم :tears:....وش صار عليكم ....
ام يوسف حاولي تدبرين لنا طيارة وحنا بنات المنتدى بنتحمل التكاليف ...:nosweat:لاتفشلوني .....المهم نبيها ضروري عشان ندور على الحبوبه جيانه وصديقتي حبيبي بو عيالي :icon1366:
وانت يا توت كرز وينك شكلك مشغوله بعالم ثاني :26:ماتدرين عن الدنيا ...
أنقر للتوسيع...
هههههههههه حبيبتي و الله انا قلقانه علي جيانه و شكه كده باختفاء حبيبي بو عيالي
ايه رايك ندور عليهم
 
الله يحفظ ياجيونة من كل شر وترجعين لنا سالمة غانمة
 
**جزء طازج لعيونكم**​
بدايةً..أستميحكن عذراً على غيابي..ولكن!!
لاتخلو الحياة من المنغصات!!!
============
كانت أم تركي حزينة على أم ناصر وتتذكرها وتتذكر أيامها بس الشغالة كانت متأثرة أكثر لأنها خدمت أم ناصر قرابة الـ8 سنوات والبكاء ذابحها..وفجأة تذكرت الشغالة إنه أم ناصر قبل مايغمى عليها في البيت وصتها تبلغ ناصر إن جرى لها شي..إنه يفتح الدرج المقفول اللي بغرفتها..
أم تركي:وأي دُرج مقفول كانت تقصد؟؟؟
الشغالة:أنا مافي معلوم..
أم تركي:ان شاء الله أبلغ ناصر..
وبالسيارة في طريق العودة للبيت كان تركي وناصر جالسين والحزن لاجم ألسنتهم...
ناصر:توي اكتشفت وش كثر أنا أناني وقلبي قاسي؟؟
تركي:ليش هالكلام اللي ماله داعي؟؟
ناصر:لأني مقهور من نفسي كانت أمي تلح علي من يوم ماتخرجت من الجامعة إني أتزوج وأجيب معاي زوجتي تونسها وودها تفرح بعيالي..وبالرغم من أمانيها كنت أفتخر بعزوبيتي وأتطنز بأصحابي اللي يبون يتزوجون وأشوف إنه ماعندهم سالفة..ضارب بكلام أمي عرض الحايط!!!
تركي:لاتندم على شي فات..الإنسان تتغير أفكاره مع الوقت..
ورجعوا تركي وناصر من
المستشفى في الليل بعد يوم حافل بالأحداث وبعد ماانتهوا من بعض الاجراءات...
أم تركي:عظَّم الله أجرك ياناصر..
ناصر:جزاك الله خير..
أم تركي:متى الصلاة عليها والدفن؟
ناصر:بإذن الله بعد صلاة الفجر..
قامت أم تركي حكت له عن موضوع الشغالة والدُرج المقفول..
ناصر:إذن لازم أرجع البيت الحين وأشوف وش سالفة الدُرج!
تركي:أقول إقعد تعش معنا.. ونام والصباح رباح..
ناصر:تعشوا انتم بالعافية..أنا مالي نفس..تصبحون على خير..
وخرج من بيتهم وراح لبيته...
ودخل غرفة أمه وحس بـ غصة والدموع ترقرقت بعينه وقام يتأمل جدران الغرفة وأثاثها..الغرفة بكل تفاصيلها تذَكره فيها..
وجلس على السرير ودفن وجهه بين كفوفه وقام يبكي...
وتذكر كلمات تركي له وهو بالمستشفى يهزه ويقول له:وحِد الله ياناصر..البكاء مابيردها لك..كل ماتذكرتها ادعي لها..
وقال ناصر:الله يغفر لك ويجعل مسكنك الجنَّة...
وقام يفتح الأدراج وكانت كلها مفتوحة ماعدا دُرج واحد حاول تركي يفتحه وماقدر..دَوَر مفاتيح ومالقى واضطر يستخدم آلة حادة وانفتح معاه الدُرج..ولقى بداخله صندوق قديم..فتحه وانبهر من الذهب اللي بداخله!!
ذهب أمه القدييييم..(الأساور العريضة اللي يسمونها كاسات ولها مصك+رشرش+حزام+6بناجر+قلايد)وتذكر نفسه زمان يوم كان يقول لها:يايمه وش هالـ تَنَك اللي صاكتن عليه؟؟هاتيه أبيعه وأشري لك أرض؟!!!
وكانت ترد عليه وتقول:يانويصر هالذهب مخليته لأيامن سودا مقبلة!!!
وغرقت عيونه بالدموع وهو يقول بنفسه:الله يرحمك يايمه..كنتي حاسبة حساب يوم بيجي وأصير فيه بروحي!
============
ثاني يوم بعد الانتهاء من الدفن والصلاة على الميتة وبعد ماشاع الخبر كان الاتفاق بين تركي وناصر إن عزاء الرِجال يكون قدام مسجد الحي اللي فيه بيت ناصر والحريم ببيت أم تركي...
وبعد صلاة العصر بدأت وفود المعزين تقبل ومنهم الجيران والأهل والأقارب وأخوان ناصر والجماعة وزملاؤه بالعمل....
وراحت اسمهان وأهلها وأم عبدالرحمن يعزون...ودار كلام كثير بينهم وبين أم تركي...من ضمنه:
أم تركي:والله محد كاسرن خاطري بعد ناصر..إلا الشغالة..تبكي عليها بكاء موب طبيعي..
أم اسمهان:ياحليلها صاينة العِشرة..تستهونين بـ 8سنوات مرت عليها وهي ساكنة معاها..يمكن أهلها ماتعلقت فيهم كثر ماتعلقت بأم ناصر..
أم تركي:صادقة ياوخيتي..وأم ناصر الله يرحمها ماكانت تقصر معاها أبد عادتها مثل بنتها..تكرمها وتعاملها أحسن معاملة...
هند:مسكينة أكثر شي تفكر فيه الحين والسؤال اللي تسألنا اياه طول الوقت!أنا وين أروح؟؟لأنها تدري إننا كلنا عندنا شغالات ومانحتاجها..
ابتسام:ليش؟هي مالها أهل؟؟
أم تركي:لا..هي يتيمة..وتعودت على الحياة ببلادنا..ببلدها عايشة بقرية فقيرة جداً وجماعتها حتى هم كل واحد بديرة يشتغل ويسترزق..
أسماء:ياليت ياخالتي لو تكلمون ناصر يتنازل لي عنها وينقل كفالتها لنا والله لآخذها وأخليها تشتغل عندي..
أم اسمهان:ايه والله إنها فكرة وهذا انتم شايفين اسماء على وشك ولادة وتحتاج شغالة مخلصة مثل هذي تقوم فيها...
أم تركي:ياليت تكونون كسبتوا فيها أجر..بإذن الله أكلم ناصر وأرد لكم خبر...
===========
مرت الأيام وانتقلت الشغالة لبيت أسماء...وبعد أيام ولدت أسماء وجابت بنوتة حلوة...
أكمل بعد برهة إن لم يحدث لي طاريء..
ملحوظة:لمعرفة كيفية الصلاة على الميت..يرجى الاطلاع على هذا الرابط للاستفادة:
http://www.el3b.com/islam/islamic_school/FIQH/f3-1.html​
 
الحالة
مغلق و غير مفتوح للمزيد من الردود.
عودة
أعلى أسفل