******اسمهان وعبدالرحمن********من جديد

[nana9379]

حمدلله على السلامه ,, فقدناكي والله

 

[yuri]

ياااااااااااااااااااااااااي اللـــــــــــــــــــــــــــه يسعــــــــــــــدكــ ياشيخة سلاماااات
حمااس والله قمت انقز يوم شفت الجزء .... متاااابـــــــــــــــــــــعه
ياحبني لكــ

 

[توت كرز]

هلا وغلا جيونه

اسماء تكفين انا ابغ الخدامه

 

[ثلث الدنيا]

تسلمين ياعسل
الله يسعدك ويسلمك من المنغصات ااااااااااااااااااااااامين

 

[توت كرز]

حبي هلي
انا زعلانه منك لاني شفتك وانت طايره بمكنستك

السحريه ومريتي فوق بيتنا وماجيتي تسلمي علي :31:

والله بالي مشغوووول مره بحبيبي بوعيالي

يارب تطمنا اليوم عليها

 

[صمت الحنينـ]

الحمدالله على سلامتك ياااقمر

بانتظارك

 

[meme_99]

جعلها سلامه دايمه ياقمر وبالانتظااااااااااااااااااااااااااااااار000

 

[دمعة بلا دمعة]

عودا حميداً
الحمد لله ع السلامة

 

[جيانة]

*نستكمل يانور عيوني*​

فديييييييتكم من أولكم لآخركم على الاطمئنان والسؤال..وهذا من طيب أصلكم..
=========
بتقولون شلون ولدت أسماء؟؟
السالفة ومافيها إنها حست ببوادر ولادة وراحت المستشفى ومعاها ولدها والشغالة وبعدالفحص تبين انه الرحم مفتوح بمقدار بسيط ونصحتها الدكتورة تمشي وبعدين ترجع لها..
وبالسيارة دار الحوار التالي:
أسماء:أقول أحمد اش رايك توديني لبيت أهلي؟نحط الولد والشغالة وبالمرة أمشي في حوش أهلي..بدل ماأرجع للشقة وماألقى مكان أمشي فيه...
أحمد:فكرة!وأنا بأروح أكمل أشغالي..ولو حسيتي بشي اتصلي فيني..
ونزلت أسماء بيت أهلها ولقيت أمها وأختها ابتسام يشربون قهوة العصرية..وحكت لهم قصتها...
الأم:ماني تاركتك تمشين بس!إلا بأسوي لك قرفة وزنجبيل اشربيهم وقومي امشي!!
ابتسام:ولاتنسين العسل الأصلي يمه.. خليها تاكل منه..أبي أفرح بولادتها قبل ماأرجع بيتي!
أسماء:ليش؟بتسافرين؟؟
ابتسام:أبشرك..عجوزنا أم زوجي الود ودها تذبحني!مقهورة من جلستي كل هالمدة ببيت أهلي تبيني أرجع عشان تجي عندنا وترابط على قلوبنا!!قال إيش؟ليه ماحضرتي زواج أختك ورجعتي بيتك بسرعة؟؟لك شهر ونص عند أهلك!!الله أكبر عليها كيف تعد الأيام علي عد!!
أسماء:موب على كيفها!اقعدي هنا لين ماأطلع من الأربعين!!
الأم:يعني لازم من التحريش؟ الحرمة ومشتاقة لولدها وحفيداتها ليش زعلانين انتوا؟؟
ابتسام:أي مشتاقة يايمه؟لو مشتاقة كان قالت له تعال!لكن اتصلت فيني وهزأتني على بالها جارية أنا عندها!!وبعدين اشفيك واقفة بصفها؟؟أخاف يمه متمللة من وجودي عندكم؟؟
الأم:لااا حرام عليك..إلا عوضتيني عن غياب اسمهان عننا..والله مدري وش بأسوي لاسافرتي وتركتيني..
أسماء:لاتشيلين هم يايمه أنا ناوية أقعد فترة الأربعين كلها عندك!!.
الأم:الله يحييك...
ابتسام:وتقعدين بعيدة عن زوجك كل هالمدة؟؟
أسماء:وخير ياطير؟؟بيموت من الجوع؟والا بيطق من الزهق؟؟خليه يفتك مني وأفتك منه شوي!وبعدين بيت أهلي مفتوح وقت مايحب يزورني ماحد بـ يرده!!
الأم:ههههه..خلها تجدد شهر العسل..
ابتسام:عاد يازينها بترجع له عروس وبيدها نونو يصيح فوق راسه ليل ونهار!!وكل شوي تعلق النونو بصدرها ترضعه!!
أسماء:الله يخلي الشغالة لي..ماشاء الله عليها حليله مع ولدي..الصراحة جت بالوقت المناسب...
وطلعوا الجميع للحوش يمشون وأسماء مجتهدة تاكل تمر بالعسل وتشرب قرفة بالزنجبيل وتمشي بسرعة...
وأمها تضحك وتقول لابتسام:ياحليلها مستعجلة على الولادة!!
أسماء:مو من زين الولادة حتى أستعجل عليها..إلا من زود الزهق والتعب اللي فيني من الحمل ودي أفك هالبقشة وأصير خفيفة مثل أول!!!
========
بعد المغرب والعائلة جالسة بالصالة بدأت أسماء تحس بالآلآم الطلق!!وأبوها ملاحظ إنها متغيرة شوي...
الأب:أسماء؟عسى ماشر؟
أسماء:لا مغص بسيط ويروح!
ابتسام:إلا هالنعايم اللي سففتيها يظهر إنها جابت نتيجة !
وأول ماقال العشاء الله أكبر...
إلا موية الراس طقت!!وقامت أسماء تصيح:يمه شكلي بأولد عندكم بالبيت!!
الأم:لا لا تكفين...خل أبوك ياخذك على طريقه وبأروح معك..
أسماء:لابأتصل على أحمد زوجي ياخذني..
الأم:يمكنه بآخر الدنيا هالحين ولين مايجيك تكونين ولدتي بمحلك!!أقول خلك من الدلع وأنا وأبوك بناخذك معانا...
وبالفعل خلت ولدها وشغالتها عند ابتسام وراحت مع أمها وأبوها وحالتها صعبة وصلت للمستشفى وهي مو قادرة تمشي موية الراس بدت تتصفى!!!
وعلى طول قعدت على الكرسي المتحرك ومن باب الطواريء ودوها لغرفة الولادة رأساً لما خبرتهم بأمر خروج الموية وكانت ولادتها متيسرة في خلال ربع ساعة تم كل شي!!! لأنها راحت على اللحظات الأخيرة...
وأمها معاها تدعي لها وأبوها واقف بره وقلقان..
وشوي وطلعت أمها من الغرفة وبشرت أبوها إن أسماء جابت بنوتة...
وسجد أبوها سجدة شكر من فرحته بسلامتها وسهولة ولادتها
وقال:هالحين لازم نتصل على زوجها ونبشره بولادتها..
واتصل الأب....
الأب:السلام عليكم..شلونك ياأحمد؟؟
أحمد:الحمدلله بخير..
الأب:مبروك مبروك..
أحمد:وش عليه؟؟مالسه بدري؟
الأب:بدري من عمرك ياولدي..
زوجتك ولدت قبل شوي...
أحمد:ههههه..ياحليلك ياعمي قاعد تنكت؟؟؟
الأب:وهذا وقت نكت؟إنت ووجهك؟
أسماء ولدت..ودك تشوفها تعال!ومع السلامة!
طاااخ قفل الخط بوجه زوج اسماء
الأم:وشفيك عليه؟يحق له الرجال مو مصدق!قبل كم ساعة ومرته عندنا وهي بعافية..مين يصدق إنها خلال كم ساعة ولدت؟؟
الأب:أنا ماودي هالحين إلا أشوف الصغيرة..
إلا والممرضة خارجة فيها وحاطتها بحضَّانة..وقام الأب يطالعها بفرحة..
أما أسماء بعد الخياطة حست بإرهاق ونامت شوي وظلت تحت الملاحظة وبعدين نقلوها لغرفة خاصة...
ودقايق إلا زوجها واصل ومتصل على أبوها يسأله عنها..وقال أبوها:اطلع إحنا بغرفة 225 قسم الولادة...
ويوم طلع سلم عليها وهو مو مصدق!!
أحمد:الله يهديكم..كان دقيتوا علي أوديها المستشفى بنفسي!
الأب:إلا رحمة إنَّا مادقينا عليك..والا كان مداها ولدت بالبيت!
أحمد:يمين إنك صادق..أنا كنت بمنطقة بعيدة حيل..بس ماتوقعت إن هالأحداث مرت بسرعة..طيب وش جبتي؟؟
أسماء:جبت بنوتة..يعني توقعات الدكتورة بمحلها...
أحمد:الحمدلله خير وبركة..ومبروك سلامتك ومبروك سلامة البنية..خليني أروح أشوفها بالحضانة...
واتصلت الأم وقامت تبشر الجميع واقترحت عليهم ماحد يزور أسماء الا بكرة لأن الدنيا ليل وأسماء مرهقة....وظلت أمها مرافقة معاها....
اليوم الثاني زاروها أهلها من قبل العصر...
سماح ومحمد واسمهان وابتسام..
اسمهان مسكت البنت وحضنتها وقالت:اش سميتوها ياأسومة؟؟
أسماء:لسه ماسميناها..
ابتسام:ياشينكم..اش تنتظرون؟
أسماء:أنا حاسة إنه في طبخة تنطبخ من وراي..من يوم ماأخوانه عزموه عندهم اليوم على الغدا!!
الأم:ياشين سوء الظن يابنتي!عزموه لأنهم دروا إنه عزوبي وانتي والد..
أسماء:أدري..بس مو بعيدة إنهم بيسوون له غسيل مخ ويقنعونه يسميها على اسم أمهم الله يرحمها بماإنه أخوهم الكبير!!!
سماح:ليش؟أمهم الله يرحمها وش كان اسمها؟؟
أسماء:فايقة!!
محمد:عاد بتسير فايقة بنت المتضايقة!!
الجميع:ههههههههه
أسماء:ياويلكم من ربي..أنا ترى موب عصبية..بس الحمل كان مسوي فيني البطيط!!
اسمهان:إلا انتي قَشْره من يومك!
ابتسام:سميها اسمهان ياأسماء..
أسماء:هذا اللي ناقص؟!!(وتغمز بعينها)
محمد:لا ماأسمح لك..هذا اسم بنتي اللي جاية ان شاء الله..
ودخل أبو اسمهان وكانت الجلسة كلها سوالف وضحك...
​

 

[دمعة بلا دمعة]

يعطيك العافية ابي اصير اول وحدة ترد عليك

 

[(وردة وردية)]

وردة ورديه ..... هذا غش غش غش مايصير:e076::e076:...المفروض يطلع اسمك بالصدفة بدون ماترفعين الموضوع بكلمة up:35:

اهلين توت كرز لاني مثاليه ولا شيء بس انتظر القصة تخلص مابي اكثر ردود ....حبيبي بو عيالي وينك؟؟!!
جيانة قصتك روعة موفقة ان شاء الله

:33::33::33::33:

الله يسامحك انا غشاشة؟:10:

 

[روح حمود]

اثلجتي صدووورنا بعد طول انتظار

 

[حبي هلي]

:a200::a122::a122::a122::a122:
والله توني فاتحة النت وشفت اسمك ماصدقت ....وحبيت ارد قبل قراية القصة ....الحمد لله على سلامتك ....ماكنت ادري انك تنتظرين طيارة ام يوسف كان طلبناها من زمان ..
توت كرز دامك شفتيني طايرة على المكنسة ليه ماشرت علي ....
مع انك معروفة:10:باسنانك المقربعة ...لكن بصراحة كنت طايره وبالي مشغول بالي على جيانه وحبيبي بو عيالي

 

[أثير الطائف]

عودا حميدا

جزء حلوه مررررررره

جزاك الله خير

دمتي بهناء

 

[(وردة وردية)]

ماشاء الله دايما مبدعة
صراحة حرام هذة الموهبة عندجو مدفونة وبس في المنتديات


لا تنسوا بنات اشوفكم هناك 225 رقم غرفة اسماء
حبي هلي جيبي مكنستك وووصلني على طريقك المستشفى
هههههههه

 

[حبي هلي]

ماشاء الله دايما مبدعة
صراحة حرام هذة الموهبة عندجو مدفونة وبس في المنتديات


لا تنسوا بنات اشوفكم هناك 225 رقم غرفة اسماء
حبي هلي جيبي مكنستك وووصلني على طريقك المستشفى
هههههههه

الله يهديك اذا طيارة ام يوسف القديمة فتتوها ...اشلون تبون
مكنستي:14: تشيلكم ....خلاص عشان ماحد يزعل انا بتبرا من الموضوع وبهديك المكنسة :14: مري على البنات اللي يبون يزورون اسماء ...:31:

 

[smile moon]

حلووووووووه فايقه بنت متضايقه ههههههههه

 

[(وردة وردية)]

الله يهديك اذا طيارة ام يوسف القديمة فتتوها ...اشلون تبون
مكنستي:14: تشيلكم ....خلاص عشان ماحد يزعل انا بتبرا من الموضوع وبهديك المكنسة :14: مري على البنات اللي يبون يزورون اسماء ...:31:

بس انا ما اعرف اسوق:33:ما عندي ليسن


قلبنا الموضوع شات:24:

 

[.. i love me]

متااااااابعتك من بدايه الروايه

مااقول الا الله يسعدك بجد كااااااااااااااانت خطيييييييره

وننتظر على احر من الجمر

 

[*******]

جيونة من جدك فيه ولادة كذا بسرعة؟؟؟؟؟؟؟؟؟؟
تركت كل القصة و ركزت على هالنقطة:31:
بس من جد والله أسأل فيه ولادة كذا؟أنا بنوتتي نشبت فيني نشبة!مع إنها تيسرت بعدين و الحمدلله كثيرا، بس أسأل لأنه لو كان جد فمعناه ما أتخوف كثير من الولادة الثانية على أمل،
مو شرط ربع ساعة طبعا..بس إنه عموما أؤمل ما تأخذ ساعات طويلة