تكفون ساعدوا اختكم اللي ماتعرف وين الله حاطها ...

[Her Highness.]

السلام عليكم .

كيفكم بنات ان شاء الله بخير ..؟
مدري هل هذا القسم المناسب والا لا ؟

انا بذيت الناس بأسئلتي :sadwalk: بس الله يخليكم مالي الا الله ثم انتو
انا الحين بمرحلة تجهيز :sadwalk: ومرررررة ميح من ناحية الاجهزة المنزلية احتاج مساعدتكم :sad_1:

ودي اشتري غساله ملابس .....رحت للسوق واحترت ما ادري وش اشتري خصوصا واني ماعمري غسلت ملابس في حياتي :sad_1:

انصحوني ياخبيرات وش احسن ماركة ؟ وابي غساله سهل استخدامها مابي شي معقد ..

وهل تنصحوني اشتري غساله ونشافه مع بعض والا اشتري كل وحده لحالها؟

ووش الفرق بين الغساله اللي تتعبأ من فوق واللي تتعبى من الامام؟

عندي اسئلة كثيرة من ناحية الاجهزة , يعني يامشرفات ربي يوفقكم ويخليكم لاتحذون موضوعي :tears:

 

[مشاعر حسااااسه]

الله يوفقك حبيبتي
وان شاء الله البنات يفيدونك لن ما عندي خبره بالاجهزه

 

[وجن ~]

وعليكم السلام حياك الله

والله ماعندي خبره بس ماحبيت اطلع بدون رد
بس اعتقد انو زوجك يجهز هالاشياء
الله يوفقنا واياك

 

[امال الغد]

هههههههههههههه
ذكرتيني انا اذا غسلت الملابس تعظم من الصابون طبعا انا الغساله العاديه


اخذي الاتوماتيك احسلك

 

[Her Highness.]

الله يعافيكم بنات على الرد, للاسف انا اللي راح اشتري الغساله والكواية والمكنسة بعد
المشكله معرف شي

اختي امال الغد كيف يعني اوتوماتيك طيب اي احسن ماركة ؟ كوري والا ايطالي؟

 

[الامومه]

خذي الغساله العاديه من ماركة الجي او بانسونيك هههههههني ان شاء الله اني كاتبته صح
افضلك
ام النوع الثاني بعض الملابس مايحتاجلها غسيل فقط كنظافه عشان الريحه فما تحتاج اكثر من لفه في الغساله فمومن المعقول تحطين فطعه تعبين عشانها وكلاها جربته والافضل العاديه
وجهة نظر وبالتوفيق

 

[نعومه كول]

ماشالله عالبركه بداتي تجهزي لفرحك
ماشالله عالبركه وبالتوفيق ياليت تكوني افتكرتيني

 

[سوسو المملوحه]

يالبى روحك اسمعي ياقلبي والله ان شريتي الغساله اللي بقولس عليها ان تدعين لي
فيه الغساله الاتوماتكيه اللي تغسل وتنشف وتسبع بنفسها
يعني كل اللي عليك تحطين الملابس بالغساله وتروحين تتمشين
مافي بربصة مويات وخرابيط وطلع وسبع ومدري وشو وغيري المويه وووووالخ معد فيه
بس اجدعي ملابسك بالغساله وانسي الموضوع ماعليك الا انك تعلقينها ع المنشر
اللي عندنا بالبيت ماركة دايو والحمد لله لها عندنا3 سنين
الله لايضرها حبيبتي ولا احلى
ومكتوب عليها بالعربي شلون تستخدمينها
ان شاء الله اني افدتك وياليت تشوفين موضوعي وتردين لي عليه
عموما بالتوفيق ياعسوله عقبال ماتسالين وشلون تسوين رضعو البيبي حقكم

 

[عساني فداكم]

يوووووووووووووووووووه يالبى قلب الغساله الاتوماتك كان عندك شغاله في البيت للملابس وخاصه ايام البرد خذي الي تتعبى من فوق احسن الي عندي سامسونج ولااااااااااااززززززززززززززم 220ازين واسرع وانظف وخذي مقاس كبير عشان مره وحده تغسلين ملايات السرير والبطاطين وربي يوفقك

 

[نسمات الاصيل]

دامك ماتزوجتي بعد ياقلبي

روووحي لغسالتكم واتعلمي علييها هههههه خلي ملابس اهلك تجارب


وترى اغلب الاجهزه تجي معاها طريقة استخدامها

سهلي على نفسك الامور وبتسهل ان شاء الله

اتمنى لك التوفيق

 

[احاسيس مرهفه]

حبيبتي
الغساله الاتوماتيكه طبعا اصبحت افضل الان
عندك ماركتين انا مجربتها وكلهم حلوين جنرال الكتريك او وايرلبول Whirlpool والغسااالتين الى الان زي الفل
اول شي الصنااعه
ماافي افضل من الامريكي غيرهاااا انسي تااخذي لو كنتي تبغي شي يجلس معاك طول العمر بس يدك على جيبك يعني احنا وايرلبول كلفتنا 6000 بعد الخصم والجنرال اقل بس بحدود 4000او 5000 طبعا اقصد السعر للنشاف والغساله مع بعض طبعا يمكن الان الاسعار اختلفت وقلت ولاتنسي الحجم كل مازاد زاد السعر واحنا عااايله لازم اكبر شي

السعه
فيه طبعا احجام بس الدااارج 10 كيلو ونادر تحصلي 12 كيلوويمكن ماعاد يجي (انصحك باكبر شي عشان تغسلي البطانيات واللحف مرتااحه)

لوحة التحكم
عندك لوحة تحكم الكترونيه ضغط وعندك مثل الغسالات القديمه تفرينها (انصحك بالفر وتنسي الازرار الالكترونيه اولا لانها تخرب مع كثر الضغط والموويه وغير عمليه للي عندهم اطفال فتغيري قطعة الغيار غاليه )

ايهم افضل النشاف مدمج مع الغساله او منفصل؟؟
لااازم تااخذي نشااف لحال والغساله لحال.. الغساله تنشف لك بس تنشيفها 70% يعني مثل حقت ايام زمان اما النشاااف لا بالبخاااار وهذي الميزه حلووه بايام البرد تطلع لك الملااابس حاااره وجااافه 100%

ايهم افضل الغساله اللي تعبأ من الامام او الاعلى؟؟
ايهم افضل الغسلات اللي تعبا من الاعلى او االامام مااعرف بصرااحه بس احنا كلها من الاعلى تفتحي وقت ماتبغى وتحطي ملابس بعكس اللي من الامام لاااازم تخلص دورتها وتضيفي القطعه

النشااف من الافضل تااخذي اللي بابها ينفتح على جنب مو على تحت لان اللي تحت مو عملي للاطفال ممكن يتسلقو عليه ولا الشغالات يحطون سلة الغسيل مع الوقت تخرب مفاصل الباب

عندك من الدااخل احيان يقوولك سيرااميك من جوا الغسااله وفيه سنستيل احس ان السيراااميك غلى على فااضي مافيه فررق

طبعا لازم تسليك للماااء وسخاان عشان المويه الحااره لااازم تفكري بمكان زين لهاا..

الاستخدام
جداااا مريح تحددي حجم المااء ونوع الغسيل وهي تغسل وتشطف وتنشف اتوماتيك وتقدري تقتصدي وتلفي عليها مره ثانيه بمجرد فتح الباب واعادة الفره من جديد يعني حطي ملااابسك وسووي شغلك كله وماترووحي لها الا تحطيها بالنشاف لاتنتظري مويه تعبي ولا خراابيط
طبعا فيها غسيل ثقيل للملابس الوسخه وتنقيع وغسيل يدوي وغسيل خيف وانواااع
النشاااف تحطي الملاابس بعد ماتنشف من الغسااله وكمان فيها تجفيف بااارد وحااار وجينزات واقطان وحرير وشغلات مافتكرهاا لانو داايم تجفيف حار نستخدم

اممم اش كمان ماقلت لك اتوقع هذا اللي عندي واي شي انا حاااظر

 

[ولدي نور عيوني]

الله يوفقك ويسعدك علي فكره اذا بغيتي حنا انا موجوده كلميني علي الخاص ولك توصيه خاصه انك بلقيسيه

 

[احاسيس مرهفه]

حبيبتي نسيـــت انبه على شغله
انتو شكلكم مثل طباايعنا اهل البنت يشترو بعض الاجهزه

يعني مثلا اخواتي لهم شقق بالديره بنفس عمارة اهل زوجهم فاهلي مااخذو اتوماتيك لانو مايطلعو الا بالصيفيات بس فانتي خذي غساله عااااااديه
اما مكان اقااامتكم الداايمه خليـــه هو يشتري مو انتي

تقبلي مرووري والله يووفقك

 

[حبنا لايضيع]

هههههههههه ياحبيلك بعد
الحين المفروض دورين ع ملابس
مكياج اكسسورات
حسيت انك بنت سنعه
شوفي والله انا عندي الغساله الاتوماتيك بصراااااحه روووعه
وخذي معه مره وحده المنشف الحراري وانسي سالفة الملابس
حطي الملابس واذا خلصت حطيها في المنشف الحراري وع طول لدلاوب
والله يوفقك في حياتك يارب
دعواتك لي بالذريه...

 

[متزوجه ولكن]

لاتشرين غير الاتوماتيك وتكون امريكيه وبامكانك تسألي نفس صاحب المحل عن الاشياء الممتازه والي تمشي بالسوق وعليها طلب

 

[هند بنت عتبة]

حبيبتي اخذي غسالة فول اتوماتيك > ال جي < 5 كيلو غسيل و4 او 4ونص تنشيف

والفتحة من الامام

وكل الي عليك انك تحطين الصابون والكومفورت للريحة .. وراعي المحل يعلمك على تشغيلها وبس هي تغسل وتشطف وتنشف ولي خلصت صفرت لك وانتي شلتيهم للكواي على طول

اممم المكنسة عندك ماركة مستوبيشي او المكنسة الي تكون كانها برميل > هذي قوية <

اما المكواة اخذي العادية ماركة انتر ناشونال صحيح وزنها ثقيل بس تكوي افضل من الخفيفة > هذا بنظري

اممم اي سؤال بعد انا حاظرة بس لو تطرشين لي عالخاص افضل

 

[صفحات الماضي]

يوووووووووووووووووووه يالبى قلب الغساله الاتوماتك كان عندك شغاله في البيت للملابس وخاصه ايام البرد خذي الي تتعبى من فوق احسن الي عندي سامسونج ولااااااااااااززززززززززززززم 220ازين واسرع وانظف وخذي مقاس كبير عشان مره وحده تغسلين ملايات السرير والبطاطين وربي يوفقك

:icon30::icon30:

 

[الأمل المستحيل]

غسالة lGفتح امامي مرتحة له والف الف مبروك والله يوفقك

 

[عشق الامل]

لا تعليق

 

[Her Highness.]

:surrender::surrender::surrender::surrender::surrender::surrender::surrender:

888
هذا شكلي الحين وربي :tears:
اختي نعومه كول اكيد اتذكرك :blush-anim-cl: شفتي ما اسرع الايام الان بديت اجهز وزواجي ان شاء الله بعد كم شهر :blush-anim-cl:

اختي نسمات الاصيل انا ودي اشتري زي الاجهزة حت اهلي بس انها كبيرة وغاليه بالنسبه لي وامي ماقصرت قالت تبي تساعدني بس انا رفضت .

ماشاء الله يجزاكم خير بنات والله العظيم ماقصرتوا عطيتوني معلومات واخص بالشكر اختي احاسيس مرهفه يارب يجزاها عني خير امين

اشوف اغلب البنات رشحو ماركة ال جي :icon-mos: انا شفتها بالشتاء والصيف وشويه غاليه حبتين (ما اعجبني فيها الا لونها الاحمر :shiny: :icon-mos: معليش انا جاهله في هالامور !


انا اهم شيء عندي النشاف لاني اشوفه عند اهلي مرة حلو ويساعد لان تقريبا اغلب الملابس نطلعها ماتحتاج كوي , بس عيب النشافه هذي انها غاليه فعشان كذا ودي بشي زيها بس ارخص
عندي سؤال :

بنات انا رحت لالكترو امس وصاحب المحل وراني غساله ايطاليه ماركه Whirlpool وهي نشافه بعد ومكتوب عليها تنشيف 100% وسعرها تقريبا 2000 وزياده وهي 6 كيلو انا ماراح اغسل اللحف والمفارش بس ابيها حق ملابسنا انا وهو تتوقعون تكفينا وتنصحوني اشتريها ؟ وياليت اذا في احد مجرب هالنوعيه يعطيني من خبرته ؟.


حبنا لا يضيع الله يرزقك الذريه الصالحه امين بس والله من زود السناعه شوفي وش كنت بسوي
يوم جيت اشتري الكوايه انا محتارة ابي اخذ تيفال بس فيه شي رخيص مرة ب50 وشي ب200 او 300 ؟؟؟؟؟؟؟ وش الفرق بينهم؟ والا اخذ الكوايه الكبس ؟؟؟؟
والله يابنات اني كنت ابي اخذ التركوازيه عشان عاجبني لونها :exclamationpoint:
من الجهل اللي فيني من جد ما اعرف شي :sadwalk::thumbdown::thumbdown:

اما المكنسه انا ابي زي حقت اهلي مرررره حلوه وتكنس ماركتها ناشيونال بس عجزت ادورها مالقيتها :sadwalk: فانا شفت مكنسه من باناسونيك واحترت اخذها والا لا قلت خليني اسأل البنات يمكن احد ينصحني بشي احسن .