تكفون ساعدوا اختكم اللي ماتعرف وين الله حاطها ...

  • بادئ الموضوع بادئ الموضوع Her Highness.
  • تاريخ البدء تاريخ البدء
اولا مبروك على الزواج وبالنسبة للاجهزة انصحك بغسالة ونشافة ميتاج رووعة هي اتوماتيك امريكي حجم ١٠ كيلو تجي منفصلة سعرها تقريبا ٤٠٠٠ ريال
 
الله يعافيك اختي بريتي كوين , ميتاج مرة حلوة النشافه حقتها عند اهلي بس انها غاليه ودي بشيء زيها بس ارخص
 
انتي لا تاخذين غساله لك وله بس انتي بكره ان شاء الله بتجيبن اولاد وبنات فا تحتاجين غساله كبيره
انا انصحك باغساله عاديه
اللي تكون جنبين غساله ونشاف
لانها تنظف زين ولا تقطع الملابس
صحيح متعبه شوي بس اني خليها قريبه لك يعني حطيها بالمطبخ او بالمستودع علشان تكون عندك طوال الوقت

يعني انا يوم تزوجت لقيت اهل زوجي شارين لي غساله اوتمتيك المهم صراحه ملابس زوجي الداخليه تتقطع ولا تغسلهم زين حتى ملابس اولادي علشانهم ملونين اتعب بغسلهم يعني تخيلي طلعي دخلي والمويه مو على كيفك يعني لازم تعبي مويه بكميه كبيره لو انتي مو غاسه الا قطعه يعني تاخذ صابون وماء وانتي ماستفدتي شي
الحين انا بضطر اشري غساله ثانيه تكون جهتين غساله ونشاف
اذا كنتي بتشرين اوتماتيك اشري حجم كبير علشان تغسلي مفارش بطانيات اشياء زي كذا احسن من انك تودينهم للغسال ويغسلهم مع حقات الناس
وما تدرين عن العماله كيف يغسلونه انا كنت ارسل المفارش والبطانيات بس مره سرقت بطانيه ومره جتي بطانيه ريحتها زفت مادري شمسوين فيها ومره جني مفرش فيه بقعه صفراء


داريه اني كثرة الكلام بس والله من حر ما احس فيه مابيك تعانين اللي عانيتك
اشري شي غالي وزين ويدوم معك طول الزمن ولا تشرين شي بيومين وهو خربان وانتي دافعه عليه قمه وقدرها
ارجو اني افتدك بكلام
مع اني احس انك مو فاهمه شي مني لاني انا احس اني فاهمه ومادري عن اللي يقراء بعدي :)
انتظر ردك اشوف فهمتيني او لا

والله يوفقك ويسخر لك زوجك
 
اختي بسكولاته >>> اللقب مرة حلو ^_^
كلامك مفهوم بس انا لك علي والله يفهمني :(
هذا اللي انا خايفه منه , اني اقعد ادخل اطلع في الملابس والا تجيني غساله تقطع وتخرب ملابسي, وش كان نوع الغساله حقتك الله يجزاك خير قولي لي عنها عشان ما اشتريها .

ودي اشتري احسن غساله بس انا ميزانيتي ماتسمح لي :(
ابي شيء زين وسهل استخدامه على الاقل بداية زواجي وبعدين يحلها ربي :(

وشرايك اختي في الغساله اللي تكلمت عنها اللي من ويريلبول؟
 
الله يوفقك اختي

بس نصيحة لا تاخذين غسالة اوتوماتيك

مدري احسها ماتنظف زين تخلي الملابس صفراء

خذي عادية احسن
 
تسلمين انتي الاحلا :)

والله مادري وش اسم الغساله وغسالتي بدور الثالث وخايفه ارقى فوق :)

حتى الان مابعتها زوجي رافض البيع

اما عن اسم الغساله اللي قلتيها والله ماعرفها
 
بسكولاته <<< اخاف اضحك عليك اصير زيك :( عاد انا خواااافه ما يحتاج :(

ياساتر طيب الله يعافيك ابسألك عن المكنسة والكوايه شوري علي

الكوايه اجيب الكبس والا الكوايه العاديه ؟ وش احسن تيفال والا فيلبس والا مولينكس؟
والمكنسه تعرفين شي زين مثل ناشيونال ؟ انا دورتها بكل مكان مالقيتها وابي شي زيها ينظف كويس خصوصا اذا كان عندك فرش في البيت.
 
لا كوايه عاديه اريح بكثير
انا شاريه كوايه عاديه وبخار زي اللي بالمحلات الملابس
انا شاريه تيفال واحس انا احسن شي والبخار الجي
لان مالاي الا خمس سنين متزوجه ويوم اتزوج كنت مادري وشلون اكوي او اغسل او اكنس بس الحين صرت سنعه :)
يعني توي باديه اعرف بالاشياء هذي
انا اول ماتزوجة زوجي شاري الجي بس ماقعدة شي على طول خربة تصدقين صارة ما تشفط
اما المكنسه اللي عندي جيده
انا حبيتها مره واخاف تخرب ومن شفته قلت له رح اشرها حتى لو عنده مكنسه ثانيه
شوفيه بنده 160 ماركة سامسونج
صغيره مو كبيره وتشفط زين
عيبه الوحيد انها لازم عند كل كنسه تفضينها علشان تكنس زين
ارجو اني افدتك
 
بنات انا رحت لالكترو امس وصاحب المحل وراني غساله ايطاليه ماركه Whirlpool وهي نشافه بعد ومكتوب عليها تنشيف 100% وسعرها تقريبا 2000 وزياده وهي 6 كيلو انا ماراح اغسل اللحف والمفارش بس ابيها حق ملابسنا انا وهو تتوقعون تكفينا وتنصحوني اشتريها ؟ وياليت اذا في احد مجرب هالنوعيه يعطيني من خبرته ؟.

حبيبتي انصحك وبقووووووه توكلي على الله انا مجربتها عند اهلي مرررره حلوووه واذا سعرها عااجبك رووحي غير الالكتروو خذي رقم الموديل واطلعي برااا رح تحصليها ارخص بس ممكن الاختلاف بمدة الضمان وعلى فكره صناعتها مو ايطااااليه امريكيه ...تاكدي من هالشغله وشووفي الصنااعه بعينك
 
شوفي ياعمري مبروك مقدما ماكو على الغسالة الأوتوماتيك خلي النشافة منفصله عن الغسالة علشان أذا تعطلت وحدة ماتتأثر الثانية وسهلة حطي الصابون وشغلي اللي عندي ألمانيه بوش ممتازة وتفتح من الأمام وحطي في بالك حجمها سعتها أذا بتغسلي كفرات السرير اي البطانية
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل